رواية حبيبي المجهول الفصل الرابع 4 - بقلم زهرة الربيع

الرابع بدون لينك

اول ما دخل الاوضه زقها بقوه على السرير وقفل الباب

اميره وقفت بخوف ودموع وقالت ....افهمني ارجوك خليني اشرح لك اللي حصل انت فهمت غلط

مراد قرب منها ومسكها من فكها بغضب شديد وقال ...ايه الصح ها ايه الصح رايحه له اوضته بتتسحبي من جنبي وتروحيله اوضته

و ضربها قلم قوي وقعها على السرير تاني

اميره قعدت على السرير وبقت تبكي بجامد وقالت.... والله ما قصدت كده انا قصدت بس افهم ايه اللي حصل

مراد قال بغضب شديد وزعيق .... اللي حصل صح ....رايحه تفهمي اللي حصل عبيط انا بقى علشان اصدق كده اللي حصل ولا وحشك البيه وحشتك ايامكم اللي كنتو تقضوها سوا علشان كده اترميتي في حضنوووو مش كده ردي عليا ما تسكتيش كنت بتعملوا ايه قبل ما ادخل انطقيييي

اميره كانت بتبكي اكتر ومش بترد وهو زعق جامد وقال..... انا بكلمك اتكلمي يا اميره هقتلك باديا اخلصييي

اميره قالت بغضب ودموع..... حرام عليك بقى اللي عامله فيا من امبارح افرض فيه معاك مشاكل مع اخوك انا ذنبي ايه... بس انت هتحس بيا ازاي مستحيل تفهم ازاي هتحط نفسك مكاني... انا كنت عروسه بفستاني الابيض فرحانه بجهز لفرحي مع اكتر انسان حبيته...عشقته من غير ما اشوفه .....يقوم يجيلي اخوه بالماذون على البيت يقولي انا اللي هتجوزك مش اخويا ولو رفضتي والدتك مش هترجع البيت

مراد بقى يسمعها بغضب شديد واميره كملت وقالت.... انت اخدتني من ايدي ورحت بيا قدام الشخص اللي كنت مخطوباله وتعلن جوازنا .....ازاي عايزني استحمل كل ده وانا حتى مش فاهمه كل ده ليه مستحيل تفهم حاجه ولا تقدر اللي انا عشته

ذياد قال بغضب شديد.... اللي عشتيه.... بتحبيه مش كده ...مش قادر تنسي الباشا اتكلمي بتحبييييه

اميره قالت بغضب..... ايوه بحبه بحبه اوي .....انا لما اتخطبت لزياد ما كنتش عمري شوفته بابا قالي ابن واحد صاحبي وبيحبك ويا ما شافك معايا وانتي صغيره ....كان مسافر و ما تعرفناش بس كنت مبسوطه بيه.... كان كل فتره يبعث لي هدايا ورسائل ..رسايل ورق بطريقه رومانسيه جدا ....يمكن غيري يشوفها قديمه لانا دلوقتي بقى في شات وتليفونات بس انا كنت بشوفها اجمل حاجه بحسه فاهم دماغي وبيقرا افكاري كان يقولي الشات للبنات...بس الجوبات للأميرات

لحد ما رجع من السفر وجاني واتعرف عليا واتفقنا وكنا هنتجوز بس والدكم مات ...واستنينا فتره حتى عملنا الفرح وكل حاجه تمام ...وفجأه الاقي نفسي متجوزه اخوه ازاي عايزني اتقبل كده

مراد ضحك جامد بسخريه وقعده على السرير واتملت عيونه دموع وبص لها وقال.... هو زياد اللي قابلك هنا في القاهره هو نفسه اللي كان يبعث لك الرسائل والهدايا هو نفسه اميره ما حسيتيش باي فرق خالص

اميره بصت له باستغراب شديد وقالت.... قصدك ايه مش فاهمه

مراد قال بغضب وغيظ...ولا عمرك هتفهمي يا اميره... بس عارفه الغلط مش غلطك.... الغلط غلطي انا اللي بعامل واحده زيك برومانسيه وكلام تافه عدي عليه زمن اللي زيك اخرها يتكتب لها برايفت قلبي بيوجعني... وبلمسه تدلعني ...ده كبيرك اوي

ولسه هيمشي مسكت ايده بزهول وقالت باستغراب ....انت بتقول ايه..ايه معنى كلامك ده مش فاهمه قصدك

مراد قال بغضب وحسره....قصدي ان انا خطيبك... انا اللي كنت ببعت لك الهدايا والرسايل.....انا اللي كتبتهم وحافظهم حرف حرف كمان ...اقدر اقول لك كل سطر كتبته كل كلمه كانت بتطلع من قلبي مش من ايدي انا حبيبك المجهول يا اميره

اميره اتسعت عيونها بزهول وصدمه وقالت.... انت بتقول ايه انت بتشتغلني بعد اللي عرفته صح

بقلم ...زهرة الربيع

مراد قال بحزن.... لا يا اميره... انا بقول الحقيقه....انا كنت اشوفك دايما مع بابا لما كنتو تزورونا زمان وياما لعبنا سوا ورجعت شوفتك تاني لما كنتي في الثانوي ....من فتره كلمت بابا وقلت له عايز اتجوزك بس كان معايا مشروع وهياخد وقت طويل بابا كان مستعجل على الجواز راح لباباكي وخطيبي ليا انا ..وانا اللي كنت ببعت لك الحاجات دي لحد ما رجعنا انا واللي اسمه زياد ده ...رجعنا لان بابا تعب جدا واتشغلت عنك وما لحقتش اجي ولا اشوفك ولا اتعرف عليكي لان بابا كان تعبان جدت وفضلت جنبه ليل نهار....مكنتش اعرف ان الحقير هيستغل الفتره دي وبقى يروح ويقابلك على انه هو العريس اللي بابا خطبك ليه

اميره قالت بزهول شديد... مستحيل انت ايه اللي انت بتقوله ده... مرات عمي كانت تبعت لي صور لزياده على طول كل ما يتصور صوره كانت تبعتها لي

مراد ابتسم بسخريه وقال... مرات عمك بتقف مع ابنها هي اصلا مش بتطيقني... انتي لو فكرت شويه وشغلت دماغك اللي زي حبة البسله ديي.... هتعرفي ان في فرق كبير قوي بين اللي كان يقابلك واللي بيبعت لك الرسائل انتي الوحيده اللي تعرفي الفرق

قال كده واخد هدوم وراح على الحمام وهو متضايق وهي قعدت على السرير بزهول شديد ....وبقت تفكر وترجع بدماغها وافتكرت حاجه مهمه ... اول مره راح لها زياد النادي

فلاش باك

كانت قاعده على الطاوله بتقرا في كتاب وجيه ذياد وقال صباح الورد.... انا زياد الجبري مش عايزه اصدمك بس انا خطيبك... اوعي تكوني حاطه حاجه في بالك احلى من كده اكون بوظت امالك

اميره ابتسمت بدهشه وقالت..... ايه ده بجد ....حمد لله على السلامه يا مراد تقريبا قصدك مراد مراد الجبري مش كده

ذياد قال بارتباك ...لا لا انا اسمي زياد ....مراد اخويا الكبير بس تلاقي عمي اتلخبط في الاسم بدل ما يقول لك زياد قال لك مراد

باك

اميره قعدت على السرير بزهول شديد وقالت.... ازاي كده انا مش فاهمه حاجه... طب انا اصدق مين دلوقتي

و مسحت دموعها ووقفت جريت على الدرج جابت ورقه وقلم فضلت واقفه مستنياه يطلع

اول ما خرج من الحمام وهو بينشف شعره بالفوطه قالت بسرعه.... خد اكتب لي جواب

مراد ضحك بخفه وقال ....هو ده هيبقى اختبارك

اميره قالت بسرعه .....ايوه انا حافظه خط الشخص اللي كان يبعت لي الرسائل اكتب لي اي حاجه اتفضل ولا خايف

مراد ضحك وهز راسو بيأس منها واخد القلم وكتب جمله من اول جواب كتبه لها كتب

فكرت كتير عن اول مكالمه بينا فكرت اتصل بيكي واسمع صوتك بس حسيت بغيره من التليفون ازاي ممكن يلمس خدودك.... لقيته كمان مش مناسب الاتصالات للبنات مش للاميرات ....دول ليهم طريقه خاصه واجملها كتابه الورق حروفها بتطلع من القلب مش اللسان وبتترسم بالدم وبتقراها العيون وبيبقى عليها شهود...خلي قلبك شاهد يا اميرتي على اول جواب من حبيبيك المجهول

كتب كده وداها الورقه واول ما قرت كلماتها اللي حفظها في قلبها وشافت خطه اللي مرسوم في عيونها نزلت دموعها على الورقه بغزاره بصيت له بدموع وقالت....ليه..ليه ما قلتليش كنت قلت لي من يوم في العزا ليه استنيت الوقت ده كله

مراد شدها ليه وسند جبينه على جبينها وقال بهمس... استنت قلبك القاسي ده يعرفني بس طلع غبي زي صاحبته

اميره ضربت على قلبها بغضب وقالت بدموع....غبي قوي وحياة عيونك انت كل ما اشوفو كنت احس ان مش هو نفس الشخص مش هو البني ادم اللي حافظني وعارف انا بحب ايه اللي بيعاملني على اني اميره فعلا وخارجه من قصه اسطوريه مش هو ابدا

مراد اتنهد وقال.... طب اتكلمي قولي اي حاجه اي حاجه تحسسني انك حسيتي بيا انا كنت ناوي اول ما انزل من السفر اجيلك واتكلم معاكي بس بابا تعب جدا وفضلت جنبه .... على العموم اللي حصل حصل

اميره قربت منه وحطت ايديها على خدوده وقالت.... اللي حصل اني اسفه قوي اسفه على كل دقيقه اتعذبت فيها اسفه على الوقت اللي قضيته مع غيرك

مسك ذراعها بغضب وقال.... وقت ايه اللي قضيتيه مع غيري هو انت كنتوا تعملوا ايه هو انت كنتوا تتقابلوا فين اصلا

اميره ضحكت جامد بسعاده واترمت في حضنه وقالت ....هو ده حبيبي المجنون...وحشتني اوي وحشتني

مراد كان مبسوط بقربها بس كام عايز يعرف عن علاقتها بذياد قال...متغيرين الموضع بقولك كنتو تتقابلوا فين

اميره ابتسمت وقالت.... ما تقلقش كنا نتقابل مع اصحابنا في النادي ...وبصت لعيونه وقالت.... ما حدش لمسني ابدا ولا حد هيلمسني غيرك

مراد ابتسم بحب اول ماقالت كده وقرب منها قوي وقال....و انا ميت على قربك يا اميرتي

اميره ابتسمت وقالت... وانا بين ايديك يا قلبي اميرتك

مراد ابتسم بسعاده وقرب منها في اجمل لحظات حياته وغابو مع بعض في وقت جميل بمشاعر متبادله

عند ذياد كان رايح جاي في الاوضه بغضب شديد وامه قاعده على السرير قالت بضيق..... خلاص بقى شيلها من دماغك انا كنت هجوزها لك وعملت المستحيل علشانك بس البنت خلاص اتجوزت شوف لك اي واحده غيرها بقى وخلصنا من الموضوع ده

ذياد قال بغضب ....يا سلام دلوقتي اشوف غيرها بعد كل ده ..انا بحبها يا ماما افهمي بحبها

امه اتنهدت قالت.... طب والمطلوب يا قلب امك اعمل لك ايه يعني انا الصراحه غلبت والاتنين دول شكلهم كده نصيبهم مع بعض و

بس ذياد قاطعها وقال ....اميره نصيبها معايا انا وبس وهتشوفي بعيونك ازاي هطلقها منه بس عايز مساعدتك في الموضوع ده

عند اميره كانت في حضن مراد وقالت...مراد هو انت ما كانش عندك فضول خالص انك تشوفني او تعرف شكلي بقى ازاي لما كبرت يعني حد يدبس كده عمياني

مراد ضحك وقرص خدها بخفه وقال....لا مش عمياني ... ما هو طبيعي المانجا الصغيره لما بتكبر بتبقى مانجا برضو بس بالعكس بتحلو اكتر وتبقى طعمه اكثر ..وعض على شفته وقال ...وطريه اكتر