رواية صراع العقل والقلب الفصل الثالث 3 - بقلم كنزي علي
روايه صراع العقل والقلب❤❤
بقلمى كنزى على💓
اللهم صل وسلم وزد وبارك على أشرف خلق الله سيدنا محمد وعلى آله وصحبه وسلم أجمعين ❤❤
أستغفر الله العظيم وأتوب إليه ❤💟
لا اله الا انت سبحانك اني كنت من الظالمين 💓
دقت السادسه فى قصر البحيرى
روز ابتدت تجهز نفسها
وجاسر نايم وظابط المنبه على 7 إلا ربع واكيد هيأخرهم كالعاده
وأسر ماسك تليفونه مقضيها نت..
حياة وفؤاد لما اتلقوا الولاد هيخرجوا قالوا وليه احنا كمان منخرجش وبالفعل بيجهزوا نفسهم...
فى المطبخ عرفوا أن الكل خارج فبيخلصوا شغلهم
صفيه: لسه شمس مجتش من الدرس اتأخرت اوى
امينه بلويه شفايف : ولا اتأخرت ولا حاجه انتى عارفه هيا فى ثانوى والحصه بتكون ساعتين وشويه
صفيه:أنا عارفه ايه لزمته الثانوى يعنى متزعليش منى ياختى بنتك مش بتاعت علام وكل الشغلها ياتليفون يالبس يامكياج وبصراحه سعيد بيضايق اوى وبحاول اصبره بكلمتين واقوله أنها لسه صغيره والكلام ده مع انى مش مقتنعه
امينه: معلش ياختى اديكى قولتى أنها صغيره واهى برضوا بنتكوا ولا سعيد بس البتعتبروه ابنكوا
صفيه: طبعا بنتى ربنا يخليها ونفرح بيهم عن قريب.
أمينه مضايقه أصلا أن بنتها مخطوبه لسعيد هيا شيفه أن بنتها حلوه وجميله وتستاهل حد أحسن منه على القليله كان يخرجهم من الفقر والذل الهما عايشين فيه من وجه نظرها
واضطرت توافق على سعيد لما عبد المجيد طلبها لابن أخوه مهما كان هيا وبنتها ولايه وملهمش راجل غير عبد المجيد
عبد المجيد وسعيد بيظبطوا حاجات فى الجنينة
وشويه وسعيد لمح شمس وصلت
عبد المجيد برضه شفها : روح شوف خطيبتك بدل ما أنت مقضيها نظرات كده سعيد
بص لعمه وابتسم وراح لها
سعيد بلهفة : اتأخرتى ليه وبرن عليكى مش بتردى ليه
شمس : متأخرتش ولا حاجه هيا الدروس فى ثانوى بتبقى كده ساعتين تلاته ويمكن انت متعرفش عشان مدخلتش ثانوى
شمس حبت تغلوش على موضوع انها مابتردش عليه
لانها اصلا استأذنت هيا ونجلاء صحبتها من نص الدرس بحجه أنها تعبانه واتمشوا واتفرجوا على المحلات ومكنتش بترد على التليفون علشان كان هيسمع دوشه واكيد كان هيسألها وهيبقا حوار ومش هتخلص
سعيد اضايق من أسلوبها وتلميحتها الكل شويه بتفكره أنه دخل صنايع وهيا دخلت ثانوى مع أنه كان شاطر بس ظروفه وإحراجه من عمه لأنه عارف مصاريف ثانوى كتير فمحبش يزيد عليه
شمس بتحب سعيد بس مش بتحب تحكمه هيا شيفاه تحكم بس اكيد هو بيحبها وبيخاف عليها
سعيد:لاء ياستى عارف أن ثانوى صعبه
وبتريقه ... ودروس ثانوي أكتر من ساعه بس مش تلاته
واخد باله من طرحتها النص شعرها طالع بره والروج على شفيفها وفتحه الجاكت والبلوزه من جوه بينه وضيقه جدا على صدرها
بصوت عالى .... ايه الارف ده الروج ده امتى دهنتيه وشعرك طالع كده ازاى وايه الزفت الأنتى لبساه ده ماتنطقى انتى عاوزه تجننينى
شمس :اترعبت من منظر سعيد ومعرفتش ترد هتقوله ايه لو عرف أنها كانت بتلف فى المحلات وبيجربوا المكياج وحتى كانوا بيدخلوا محلات ويقيسوا الهدوم يعملوا نفسهم أنهم هيشتروا وبعدين يمشوا وهكذا
وطبعا دى أفكار نجلاء صحبتها
وقالتلها يعنى لا نشترى ولا حتى نشوف الهدوم علينا احساس النقص الديما حاسه بيه مخليها تمشى ورا أى حاجه تحسسها بتعويض النقص ده
صفيه وامينه خرجوا على صوت سعيد والاتنين فى صوت واحد : فى ايه حصل ايه
سعيد : شوفوا الهانم عامله فى نفسها ايه
بصوا نحيتها بس مفهموش اوى يقصد ايه
امينه:جرى ايه يا سعيد ملها البت مهى زى الفل اهى
سعيد : زى الفل بجد مش شيفه منظرها عامل ازاى
صفيه وعبد المجيد الجه على لمتهم لاحظوا منظرها
عبد المجيد : خلاص يا سعيد
ومسك ايده غمزه فيها
يلا ياامينه خدى بنتك وادخلو جوه
عبد المجيد مسك ايد سعيد ومشى لقدام شويه :جرى ايه ياسعيد أنت هتفضل حمقى وعصبى كده وكل حاجه بالزعيق
وابتسم ... يا ولا الستات مبتحبش كده
سعيد بص الناحية التانيه ... ونفخ
وعبد المجيد كمل كلامه ... ياابنى أنت عارف أنها عيله صغيره ولما لقيتك عينك منها طلبتهالك ولما أمها اعترضت وقالت صغيره أنت قلت هربيها على ايدى هيا دى بقى التربيه زعيق وخناق طول الوقت
سعيد اتنهد لأنه عارف كلام عمه مظبوط بس للأسف مش بيقدر يسيطر على نفسه حبها اوى وبيغير عليها هو عارف أن حبها ليه لسه متملكش قلبها بس هيعمل ايه هيسطر على نفسه ازاى
بص السماء وبعدين بص لعمه : عندك حق بس هعمل ايه
عبد المجيد : أهدى ياابنى واستخدم عقلك بالحكمة تكسبها وتكسب قلبها ربنا يهديك ويهدى سرك يارب .. وطبطب عليه
وسابه ...
سعيد قعد يفكر فى حال قلبه وازاى يقدر يسيطر عليه ويستخدم عقله بالحكمه على رأى عمه....
--------------♡♡♡♡
جوه القصر خاصتا فى غرفه حياة خلصت لبسها كانت لبسه فستان شيك جدا وأنيق وحجاب رقيق
فؤاد خلص من بدرى بس متابع حياة فى كل تفصيله بتعملها ومبتسم
حياة حاسه أنها محاصره من نظراته
وابتسمت ليه : أنا خلصت هااا حلوه
حياة مكتفتش بنظراته الكلها إعجاب وحب عاوزه تسمع غزل جوزها ليها (زى أى ست مصريه اصليه. )
فؤاد رغم أن عدى الستين لكن مايبنش عليه طول عمره راجل رياضى ومهتم بنفسه جدا وحبه لحياة
وحياته المستقرة أكيد ليها دور كبير أنها تخليه أصغر عشرين سنه.
فؤاد: طول عمرك قمر أنا حبيبتى مفيش زيها هو انتى متعرفيش أن حياة قلب فؤاد
حياة بمراوغه مسكت كرفتة البدله: اممم طب وعين فؤاد بتشوف احلى منى وأنت حلو كده وهتجننى هههه
فؤاد : عين فؤاد بتعشقك ولو فؤاد حلو فحلو عشان انتى مراته وحبيبته
وبدلها مروغتها مسك أيديها وبسها واديه التانية بيمشيها على شفيفها
وغمز ليها وبص ناحيه السرير لو عاوزه تتاكدى وابتسم
حياة ابتسمت وحاولت تبعد شويه بس فؤاد فضل ماسك أيديها
فؤاد : بتبعدى ليه
حياة: أحم وابتسمت عاوزه أخرج من زمان مخرجناش ياسياده العقيد
وبمكر بصت ناحيه السرير ورجعت بصتله لما نرجع نبقى نشوف الموضوع ده
وقربت من شفيفه وبسته برقه
وخرجت بسرعه وهيا بتضحك بصوت عالى شويه
فؤاد بيجرى وراها وده كان فى وقت نزول روز القابلت أسر على السلم
اسر :زى القمر ياحبيبتى كالعاده وبص للساعه طول عمرك مواعيدك مظبوطه
روز بأبتسامة رقيقه : ميرسى بنتعلم منك يافندم ههههه ياترى جاسر جهز ولا هيأخرنا كالعاده
جاسر: يادوبك كان خارج من اوضته وسمعهم والله مظلوم يابيه هههههه أنا جاهز
وبص لروز وصفر ... ايه الحلاوه والجمال والشياكه دى يخربيت حلوتك
ومسك أيديها ولف بيها كام لفه ...
برنسس مفيش كلام
وبص لأخوه ياخوفى أحسن تتشقط مننا
أسر بغيظ : تتشقط صحيح نقيب افندى
وضربه على دماغه بخفه
... ليه خارجه مع سوسن
ومد ايده لروز ينزلوا وده كان ساعة خروج حياة بتضحك وفؤاد بيجرى وراها
جاسر : اوووبا العب
فؤاد انتبه ان الأولاد على السلم وحياة كمان أسر وروز ابتسموا فى صمت
اسر : انتوا خارجين معنا ولااااا
فؤاد بجديه مصتنعه : ولااا قولنا نغير جو شويه فى مانع
جاسر سبق ورد : مانع ايه بس خدوا راحتكوا على الآخر
وقرب من أبوه بحيث محدش يسمعه ايه ياحج مش كبرنا على الجرى ده
خد بالك من صحتك وفرها للمفيد
وغمزله
فؤاد ضربه على راسه :امشى يالا بدل ما أعرفك مين فينا الكبر
وضحكوا لأنهم يعتبروا فهموا
جاسر قال ايه
فؤاد اخد حياته ومشى
وأسر وروز وجاسر فى عربيتهم فى طريقهم ...
وشهاب فات على محسن وفى طريقهم للمكان اكس الفيه صاله البولينج
وأخيرا ابطلنا هيتقابلوا ويبدأ الصراع
وياترى مين الهيكسب العقل ولا القلب
•تابع الفصل التالي "رواية صراع العقل والقلب" اضغط على اسم الرواية