رواية حبيبي المجهول الفصل الثالث 3 - بقلم زهرة الربيع

الثالث بدون لينكات

اتصدمت بشده لما نام جنبها على الكنبه وكانت ضيقه وبالعافيه شايلاهم سوا كان جنبها قوي وبيبص لعيونها وقال ...على راحتك يا مراتي يا حبيبتي ننام سوا هنا انا اجيلك لاخر الدنيا

اميره قالت بارتباك...انت بتعمل ايه .. ننام هنا ازاي انت مجنون اصلا بالعافيه شايلاني لوحدي قوم بقى

مراد مشى ايده على شعرها وبص لعيونها وقال ...بس انا شايف انها حلوه قوي كده بتقرب المسافات.... انت جميله قوي من قريب كل حاجه فيكي ناعمه وتجنن

اميره بصتلو بارتباك شديد وقالت... طيب ...احم طيب يا مراد هنروح على السرير زي ما انت عايز ممكن تقوم بقى

مراد ضحك بخفه وقال.... لا انا مبسوط كده

اميره اتنهدت بخنقه وقالت..... بس انا مش مرتاحه كده.... و انت كده ممكن تقع اصلا

مراد ابتسم وقال.....أقع اكثر من كده ما اعتقدش

اميره بصتلو باستغراب وبلعت ريقها بارتباك من قربه

مراد ابتسم و قرب اكتر وقال..... قربك ليه سحر خاص هموت واعيشه يا اميرتي

اميره ارتبكت قوي ولسه هتتكلم قرب منها بدون تردد في لحظه جميله رغم مقاومتها الضعيفه اللي جننته

بعد عنها بالعافيه وقال بهمس .....مش بقول لك سحر حتى نهر شفايفك مسحور اللي يشرب منه عطشان... ولا يبعد عنه غرقان

اميره ابتسمت غصب عنها على كلامه الرقيق

بس فاقت لنفسها وقالت بتوتر.... انت..انت ايه اللي عملتو ده..احم اياك تعمل اللي كده تاني عيب عليك .....وابعد بقى عايزه انام بلاش جنان

مراد ابتسم ووقف وشالها وقال ...شكلك عجبتك النومه هنا ...والصراحه عجبتني انا كمان بس القرب للدرجه دي متعب اوي..اوي اوي بصراحه

انيره بقت تضربوا في صدره علشان ينزلها وقالت.... انت بتعمل ايه بقول لك انا عايزه انام هنا سيبني

مراد نيمها على السرير ونام جنبها وقال.... اهمدي ما تتعبنيش معاكي واتخمدي بقى

اميره قالت بغضب.... انا اتخمد ....طب ايه رايك مش هتخمد جنبك لو عملت ايه

مراد بص لها بغضب وقال.... طب ايه رأيك لو متخمدتيش مش هعتقك وهعمل دخلتنا وانا اصلا هموت واعملها...انا اجلتها بس عشان مقدر وضعك النهارده قلتي ايه

اميره بلعت ريقها بتوتر شديد وقالت...احم انا مش خايفه بس هنام ..لان عليا النوم انا ما نمتش طول النهار اصلا...نبقى نتكلم الصبح ....وغمضت عيونها فورا

مراد ابتسم على شكلها كان واضح انها خايفه وشدها عليه بقوه بقت في حضنه ومشى ايده على شعرها بحنيه

اميره فضلت ساكته من خوفها لحد ما راحت في النوم بين ايديه

بص على ملامحها باعجاب واتنهد وقال...احلى من ما اتوقع بكتير يا اميرتي ...واحلى من اللي رسمتو في خيالي كلو...وفضل يضمها بارتياح لحد ما راح في النوم هو كمان

في صباح يوم جديد اميره قامت من النوم لقت نفسها في حضنه فضلت تبص لملامحه وكانت مستغربه قوي مش فاهمه عمل كده ليه خصوصا انه لا اذاها ولا قرب لها غصب عنها اتنهدت وقالت ......انت حكايتك ايه يا ترى... حاسه انك لغز كبير مش قادره افهمو ..ليه عملت كل ده حيرتني اوي

واتنهدت و وقفه بس افتكرت حاجه واخذت هدوم وراحت على الحمام بسرعه... استحمت وخرجت على اطراف صوابعها قبل ما يصحى

اول ما طلعت سألت واحده من الخدامات على اوضة زياد وراحت له بسرعه

عند زياد كان صاحي ومنامش طول الليل من الغضب اول ما سمع الخبط على الباب قال بضيق شديد ....يا ماما مش عايز افطر لو سمحتي

بس اتفاجئ بصوت اميره قالت ...ده انا اميره يا زياد

زياده اتصدم ووقف راح فتح بسرعه وقال بسعاده...اميره حبيبتي انا كنت متاكد انك مش هتسيبيني وهتيجي علشاني و

بس قاطعته بسرعه وقالت ....زياد لو سمحت قبل ما تفهمني غلط انا جيت لك عشان عندي شويه اسئله اجاباتهم مش موجوده غير عندك لو سمحت انا دماغي هتتفرتك من التفكير

ذياد اتنهد وقال....تمام... اتفضلي ادخلي وانا هفهمك على كل حاجه

بقلم...زهرة الربيع

اميره قالت.... لا طبعا ادخل فين ...انت اخرج خلينا نتكلم تحت

ذياد ابتسم بسخريه وقال ....دلوقتي بقى ما ينفعش تقعدي معايا ....ادخلي يا اميره اكيد مش هاذيكي

اميره اتنهدت وقالت ....معلش يا زياد لو مش حابب تاذيني فعلا اخرج خلينا نتكلم بره

بس ذياددخل وقعد على السرير يغضب شديد وقال.... انا مش خارج ....لو هتخافي مني بعد كل ده اتفضلي امشي

اميره اتنهدت ودخلت بتردد وقالت و هي واقفه بعيد....احم اكيد مش خايفه منك ...بس ..بس مهما كان انا دلوقتي متجوزه و

قاطعها وقال بغضب....انتي اتجوزتي غصب عنك ده مسموش جواز ....انتي خطيبتي انا..هو عايز ياخدك مني وخلاص

اميره قالت بسرعه ....ايوه ليه بقى ايه المشكله اللي بينكم علشان يعمل معاك اللي عمله ده يوم الفرح

ذياد ارتبك شويه وقال.... ابدا حقود... بيغير مني علشان امنا مش واحده وهو مش بيحبني ولا انا ولا امي... انتي عارفه ان بابا قبل ما يتوفى راح خطبك ليا ..ووقتها كنت مسافر انا ومراد غي شغل ...وانا فضلت ابعتلك رسايل لما كنت مسافر ...ولما رجعنا كان بابا تعبان قوي ومع ذلك كنت اجي واقابلك على طول...و بعد ما بابا توفى وانتي جيتي مع اهلك العزاء علشاني... غار مني قوي وقال كلام عبيط كده

اميره استغربت وقالت ...كلام ايه

ذياد قال بتوتر....قال يا ستي بابا خطبك ليه هو مش ليا انا بعد كل ده ولما انا ما اديتهوش اي فرصه انه يتكلم معاكي وعملت الفرح بعدها على طول جه هو وعمل اللي عمله واتجوزك غصب وبالتهديد

اميرع استغربت وقالت ...انا دماغي لفت منك ومش فاهمه يعني ايه الكلام ده ..انا حاسه ان فيه حاجه غلط و

بس ذياد قاطعها لما قرب منها وقال.....انا قولتلك كل الحكايه انه بيغير مني كان عايز يخطفك مني ...لانو عارف انك اغلى حاجه عندي.... انا بموت من امبارح كل ما افكر انكم لوحدكم في الاوضه ببقى هتجنن يا اميره مش عارف اعمل ايه ولا قادر اعيش كده

اميره قالت بحزن.... ده نصيب يا زياد ... اللي حصل بقى..انا لازم امشي دلوقتي قبل ما يصحى ... بعد اذنك

ولسه هتمشي شدها بقوه وقال بغضب....نصيب ازاي ..انتي نصيبي انا.... لازم يطلقك انا بحبك بحبك قوي يا اميره بعشقك

وشدها لحضنه بقوه بدون مقدمات

اميره اتفاجأت وقالت بزهول وغضب ...ذياد انت بتعمل ايه سيبني عيب كده ...وبقت تحاول تبعده عنها بس اتصدمت بصوت قال بغضب شديد..... اميره

زياد سابها بسرعه وبص له بشماته وقال ...ايه ده ازاي نسينا نقفل الباب

اميره بصت له بزهول وقالت.... انت بتقول ايه

وبصت لمراد وقالت بخوف.... ما حصلش حاجه والله يا مراد انا جيت ...جيت اساله لان انت مكنتش راضي تقول لي حاجه

بس سكتت بخوف لما قرب عليهم بغضب شديد وفي ثواني ضرب زياد بوكس قوي خبطه في الحيط بقوه وقال بتحذير ..... شيلها من دماغك.... بدل ما هفتحها لك واشيلها انا بطريقتي...سمعت

و شد اميره من ايدها وطلع بيها بغضب على اوضتها اهو هينفجر من الغضب والغيره

اول ما دخل الاوضه زقها بقوه على السرير ووووو