رواية خطة التسع شهور الفصل الثالث 3 - بقلم مصطفى جابر

أنا عاوزة اكسرها واكسر فرحتها ومتخلفش تاني ابدا بسبب اللي هيحصل ليها مني. 

صابرين بسخرية:  اما نشوف اخرتها... 

.. بعد شويه.. 

الباب خبط فتحت روان باستغراب:  حياة و حماتي خير عاوزين اي. 

سميره ببرود:  جبت لك تست حمل تعمليه. 

روان بصدمه : نعمم؟ يعني اي انتي شاكة اني مش حامل الحقي ياما بعد اما ابنها مد ايده عليا وطردني جاية وجايبه لي اختبار حمل. 

صابرين بتوتر:  اي الكلام دا يام حسن انتي واعية بتقولي اي. 

سميره بهدؤء:  انا عاوزة اتاكد من حملها عادي يعني اصل مش سهل واحدة تحمل بعد السنين دي كلها. 

روان بزعيق:  انتو هتعترضوا علي إردة ربنا قولي كدا انتي جاية لي بعين بجحه عشان تداري علي عملة ابنك. 

حياة بهدؤء:  هي مش قصدها يا روان. 

روان بغل:  اخرسي انتي يا سلفتي. 

صابرين بغيظ؛  بنتي مش هتعمل اختبارات زفت ماشي وابنكم يبعت ورقتها وطلما شاكين في حملها يبقا ملكوش عيل عندنا. 

سميرة بشك اكبر:  العمايل دي ميعملهاش غير حد خايف من حاجه يا صابرين. 

صابرين بزعيق:  احنا بردو اشهدوا يا خلق ابنها بيخون بنتي وكان عاوز يسقطها وامه بدل ما تصلح جايه وجايبه لي اختبار حمل بتقولك نتاكد شوفتوا القرف اللي بنتي عايشة فيه. 

حياه بغضب:  ملهاش لازمه الفضايح دي يا خالتي. 

صابرين بغضب:  خالتك في عينك يا عيلة متعرفش الاصول. 

روان ببرود:  خلاص يا ماما انا هعمل التست و هحطه في عينهم بس محدش يلومني بقا علي اللي هعمله. 

خدت التست ودخلت بغضب.. 

صابرين في نفسها:  بتعمل اي بنت المجانين دي هي عاوزة تكشف نفسها ولا اي دي مش حامل. 

سميرة بصت ليها بغضب. 

صابرين بقرف:  لا بصي علي قدك يا اختي بلاوي وبتتحدف علينا 

سميرة بغيظ:  احترمي نفسك يا صابرين عشان مزعلكيش. 

صابرين بردح:  زعليني وانا اجيب اجلك دلوقتي وماخدش فيكي ثانية واحدة. 

حياة بهدؤء؛  خلاص يا حماتي مش كدا. 

صابرين بتريقه:  ايوا ياختي عقليها احسن دي مخها اتلحس. 

.. بعد شويه... خرجت روان.. 

سميره شدت منها التست:  وريني كدا اي دا. 

صابرين بتوتر:  في اي. 

سميره بصدمة:  دي حامل فعلا الله يسامحك يا حسن خلتني اظلم البنت. 

صابرين بنفس الصدمة:  ها حامل اه ما احنا عارفين انها حامل يلا غوروا في ستين داهيه تاخدكم عيلة هم. 

قفلت في وشهم الباب... 

حياة بهدؤء؛  خلاص بقا يا ماما يلا نمشي مينفعش نستنا اكتر من كدا غلط. 

سميره بتخبط تاني  . 

حياة بذهول:  هو انتي مش ناويه تجبيها ل برا احنا دوسنا عليهم بم فيه الكفاية. 

سميره بغيظ:  هصالحها وارجعها

حياه بهدؤء:  سبيهم دلوقتي يهدوا طيب اللي حصل غلط معلش تعالي معايا واسمعي الكلام. 

خدتها ومشيوا.. 

عند روان.

صابرين بصدمة:  انتي حامل يابت. 

روان بسخرية:  لا طبعا مش حامل انتي ناسية اني مبخلفش. 

صابرين بذهول:  اومال جبتي التست منين انا مش فاهمه حاجه. 

روان بخبث:  مش البيت اللي ورنا فيه مرات البواب حامل.

. صابرين بعدم فهم:  اه ودا اي علاقته بالموضوع. 

روان بخبث:  وطبعا في باب خلفي عندنا خرجت جري واديتها قرشين عملت هي الاختبار و جبته ودخلت ولا من شاف ولا من دري حتى. 

صابرين بصدمة:  يابنت اللعيبة انا متوقعتش دا منك. 

روان بغمزه:  اومال دا لسه ايامهم معايا سودة. 

.. عند حسن... 

سميره بتضربه بالكف:  بسببك الناس كلت وشنا واحنا ريحين يا ريتني ما سمعت كلامك ولا شكك دا للدرجادي البت كلت دماغك عاوز تلبس مراتك المسكينه اي تهمة وخلاص. 

حسن بجمود:  انا غزال مش في دماغي اصلا يا ماما احلف لك ب اي. 

سميرة بغضب:  ماهو واضح غور علي شقتك لحد اما نشوف حل ل ام الحوار دا. 

طلع بغيظ.. 

سميرة ل حياة بغضب:  وانتي كمان اعملي حسابك هتولدي هنا انا حسام خد اذني ورفضت كفاية بقا حرمان من عيال عيالي. 

حياة بحنان:  حاضر ممكن تهدي طيب وصلي علي النبي. 

سميرة بهدؤء:  عليه افضل الصلاة والسلام. 

حياة بابتسامة:  انا والله ما كنت موافقة بس بابا مصمم و طلما حضرتك رافضه خلاص انتي في مقام امي مقدرش ازعلك. 

سميرة بابتسامة:  بنت اصول يا حياة ربنا يارب يقومك لينا بالسلامه. 

حياة بحنان:  يارب يا حماتي يا قمر انتي. 

.... بعد مرور 8 شهور... في مستشفى ما.. 

كانو كلهم قدام العمليات.. 

سميرة بقلق:  استر يارب قومها لنا بالسلامه. 

حسام بخوف:  ان شاءلله خير الدكتور مطمني. 

سميرة بغيظ من حسن:  وانت مش ناوي تروح ل مراتك تصالحها بقالنا شهور علي الحال. 

حسن بهدؤء:  بعدين يا ماما مش وقته. 

سميرة بغضب:  هو كل شويه بعدين ومش وقته يابني دا قربت تولد لازم تكون جنبها. 

صابرين من وراهم:  بنتي بتولد هنا من ساعة ومحدش فيكم جه ليها كلكم مستنين السنيورة. 

سميرة باحراج:  حقك عليا يا ام روان بس والله ما كنت اعرف هي فين طيب. 

صابرين بقرف:  ميخصكيش انا كنت معدية لاقتكم قولت اقولكم الاصول اللي انتو متعرفوهاش. 

حسن بغضب:  حماتي انا مش راضي اغلط. 

صابرين بسخرية:  لا وريني نفسك واغلط يا راجل دا مراتك بتولد بقالها ساعة وانت مش جنبها. 

حسن باحساس الذنب:  عندك حق طب هي فين. 

صابرين بخبث:  في الاوضه اللي فوق عن اذنكم سلامة الهانم. 

طلعت و حسن راح وراها.. 

حسام بهدؤء:  روحي معاهم يا ماما. 

سميرة بهدؤء:  لا هي امها مش جنبها لكن روان امها معاها هطمن عليها و ابقا اطلع ل روان.. 

خرج الدكتور باسف.. 

حسام بقلق:  في اي يا دكتور ومفيش صوت عياط لي. 

الدكتور بتمثيل:  للاسف الطفل نزل ميت. 

حسام بصدمة : ايييييي ؟