رواية صراع العقل والقلب الفصل الثالث والثلاثون والاخير 33 - بقلم كنزي علي
اللهم صل وسلم وزد وبارك على أشرف خلق الله سيدنا محمد وعلى آله وصحبه وسلم تسليما كثيرا ❤❤
سبحانه الله وبحمد سبحانه الله العظيم عدد خلقه ورضا نفسه وزنة عرشه ومداد كلماته 💕💕
اسألكم الدعاء ولكم المثل 💟
كل سنه وانتم طيبين ومتهنين ومرضين يارب اللهم أمين 💖
روز راحت لأميره بأبتسامه : اتفضلى
أميره بعصبيه واضحه : اتفضل ايه أنا خلاص اخترت ده ومش هختار غيره اوكى
روز اضايقت من أسلوبها بس تداركت الموقف سريعا علشان شافت أسر جاى يرد بأبتسامه :حبيبتى دى هديه منى ليكى
أميره بكسوف وإحراج جدا : ميرسى ... واخدته
أسر بضيق بص لأميره
جبريال الجوهرجى عطا لأسر الفيزا : ألف مبروك
وبص لروز ... بعتزر لحضرتك بس فى ملحوظه الطقم ده الماظ حر رغم فصوصه صغيره بس تقريبا سعره قد الطقم ده مرتين يقصد طقم الشبكه
روز بأبتسامة ادتله الفيزا : اوكى
أسر : روز شكرا ياحبيبتى بس ده كتير
روز بأبتسامه : مفيش حاجه كتيره على أميره وبصتلها ألف مبروك
وحضنت أسر ألف مبروك ياحبيبى
سها :بجد زوقك حلو اوى ياروز عقبالك ياحبيبتى
روز بأبتسامه : ميرسي لحضرتك
أميره محرجه جدا من الحصل
أسر مش بيبصلها خالص ومضايق جدا
شرين أضايقت من موقف روز وفى نفسها قالت عمتا العوزاه حصل وخلقت سوء التفاهم وابتسمت بأنتصار
أسر مش غبى وفاهم الحصل كويس واضايق من خطيبته ازاى شخصيتها ضعيفه اوى كده وبكلمه غيرتها بالشكل ده بص لشرين شاف إبتسامتها
ومن غير ولا كلمه وصلهم بكل زوق
سها عرضت عليه كتير يدخل بس اتحجج أنه مشغول
أميره جت تكلمه مردش عليها ومشى
روز مع حياة فى العربيه
حياة :ازاى أميره تكلمك بالطريقه دى أنا مش ممكن اسمح بالاسلوب ده نهائى
روز بتحاول تعدى الموقف علشان خاطر أسر : فى ايه يا حياة محصلش حاجه متأكده أن أميره متقصدش انتى عارفه عروسه ومضغوطه واكيد بتفكر فى مليون حاجه
وبصت لحياة وحطت أيديها عليها .. حبيبتى
متكبريش الموضوع مفيش حاجه صدقينى
روز طبيعتها اه طيبه بس مش أوفر وبس عدت الموقف علشان خاطر أسر
-----------♡♡♡♡
سها بتفرج الشبكه لمهاب على قد ما شهاب جاى من بره
شهاب :مساء الخير
سها :مساء النور تعال ياشهاب شوف شبكه اميره بص للطقم على التربيزه ومسكه : رقيق جدا وحلو اوى مبروك يااميره
أميره بصتله وباين عليها الزعل : الله يبارك فيك
سها :لاء ياشهاب مش ده طقم الشبكه المعاك ده هديه روز لأميره إنما ده طقم الشبكه
شهاب رجع بصله تانى بتأمل وابتسم على زوق حبيبته اليجنن واخد من والدته الطقم وشافه : حلو ألف مبروك
أميره هربت من نظراته المركزه عليها
سها :بس بصراحه أنا عاجبنى أكتر الطقم الاخترته روز من الأول أميره كمان كان عجبها بس فجأه قالت مش عاوزاه واختارت الطقم الكان عاجب شرين بس تعرف يامهاب حياة كانت زوق جدا مدخلتش فى أى حاجه بالعكس سابت أميره تختار الهيا عوزاه دا غير أسر بجد زوق جدا جدا
وروز كمان بنت تجنن مبروك يااميره بعيلتك الجديده
أميره برضه ساكته مش بتتكلم
شهاب بص لوالدته وبصلها : ملها أميره
سها : ابدا مفيش حاجه يمكن مرهقه شويه
سها عارفه السبب وعاتبت أميره بس محبتش تكبر الموضوع وتقول لحد
مهاب دخل المكتب ...
وسها قامت تكلم فى الموبايل ..
شهاب متأكد أن فى حاجه راح قعد جمب أميره مسك أيديها وطبطب عليها يحسسها بالأمان وبأبتسامه : مالك ايه المضايق احلى عروسه فى الدنيا كلها
ساكته وشكلها متوتره ..
شهاب كمل ... حبيبتى فى ايه اتكلمى مهما كان المضايقك لما تقوليه بدل متفكرى لوحدك أفكر معاكى وبدل ما يكون فى رأى يبقى فى رأين دا لو كنتى بتثقى فيا
أميره :أكيد ياابيه بس أنا مقصدش الحصل والله
شهاب :طب احكيلى حصل ايه
أميره :لما كنا عند الجوهرجى بنتفرج روز ورتنى الطقم ده هو كان عاجبنى بس مش عارفه شرين يعنى قالتلى ان ده احلى وخلاص اخترته بس فجأه روز اتلقتها جيبالى الطقم ده وبتدهولى انا افتكرتها بتجبرنى اخده والحصل انى اضايقت وللأسف اتعصبت وقلتلها انى اخترت ده بأسلوب مش حلو
بس فجأتنى انها جيبهولى هديه فتكسفت جدا ومن بعديها اسر مش بيكلمنى خالص حتى واحنا فى العربيه معبرنيش ومامى قالتله كذا مره يدخل اتحجج بالشغل ومشى ومن ساعتها بكلمه مش بيرد وانا والله ياابيه مقصدش الحصل
شهاب أميره لما جابت سيره روز اضايق جدا وخصوصا لما عرف أد ايه اخته غلطت فيها لأن رغم من الأميره حاكته بس تقريبا استشف الحصل حاول يكون هادى وحكيم دى اخته مهما كان : ايه السبب الخلاكى ترجعي فى رأيك
اميره مردتش ...
شهاب كمل ... هقولك أنا السبب شرين شوفى ياحبيبتى أسر طيب ومحترم آه بس المتعرفهوش انه ذكى جدا واكيد فهم الحصل تعرفى فهم ايه
للأسف يااميره فهم أن خطيبته شخصيتها ضعيفه وبكلمه من أى حد غيرت رأيها
أسر لما حب يرتبط ارتبط بيكى انتى بشخصيتك بأميره مش أميره وبنت عمها وبعدين مهو لو كان عاوز يرتبط بحد بشخصيه شرين كان اخد الشبها وبالنسبه لروز آه صغيره بس دى خالته يعنى فى مقام والدته تعرفى أنا لو كنت مرتبط وبحب بجنون الانسانه المرتبط بيها وبس حسيت أنها ضايقتك أو قللت منك بتكلم عليكى مش على ماما صدقينى كان هيبقى تصرفى غير أسر خالص وبجد بعد القولتيه وتصرفه احترمته جدا انتى غلطى يااميره
أميره :ياابيه والله مقصد
شهاب :مش بتتحسب كده المفروض أنك لما تغلطى تعترفى بغلطك وتحاولى مره واتنين وعشره تصلحى الغلط الاعترفتى بيه لنفسك وبعدين للمره المليون يااميره انتى غير شرين خاااالص انتى حاجه وشخصيه مختلفه تماما عنها آه بتحبيها بتعتبريها أختك مقولتش حاجه بس الخاص بيكى يكون ليكي
أميره :طب منا كلمته كتير مش بيرد
شهاب :انتى غلطى اتحملى نتيجه غلطك وبالمناسبة انتى مغلطيش فى أسر لاء أسر زعل من طريقتك مع روز فالمفروض نعمل ايه
أميره :اعتزر لروز بس تفتكر هتقبل اعتذارى
شهاب فى نفسه أتمنى بس مفتكرش علشان أسر هتعديها وعلشان اخته ماتزعلش : أكيد أميره ربنا سبحانه وتعالى ادلنا عقل نفكر بيه مش نحطه على جنب ونسيب غيرنا يفكر لنا يلا ياحبيبتى قومى نامى الوقت اتأخر
شهاب اضايق جدا من الحصل دخل اوضته وفى نفسه
.... عاوزه ايه تانى ياشرين صبرت كتير على عميلك وافتكر كتير اخطاء ليها لما كانوا مخطوبين لمجرد لما أفتكر أنه خطبها اتخنق فعلا كنتى نقطه سودا فى حياتى بس اوعى تفتكرى انى هسمحلك تكونى نقطه سودا فى حياة أختى....
----------&&&&&&&
أسر رجع البيت والدته بس الكانت صاحيه
أسر :سلام عليكم
حياة :وعليكم السلام ورحمه الله وبركاته تعال ياحبيبى اعملك عشا
أسر :لا يا ماما مش جعان حضرتك أعده لوحدك
حياة :أيوه براجع ورق قضيه
أسر قاعد ساكت وشكله مضايق
حياة سابت الفى أيديها : مالك
أسر بأسف : ماما أنا آسف على الحصل ومش عارف أقول ايه لروز
حياة بتفهم وعلشان مضايقش ابنها أكتر ما هو : بصراحه مش هقولك انى مزعلتش وتكلمت معاها بس لقتها تفهمت الحصل وقالت انها اكيد مضغوطه ومتقصدش
فتمام ياحبيبى حصل خير
وربنا يتمملك بألف خير
أسر :ربنا يخليكى ياامى وباس جبينها
تصبحى على خير
---------------&&&&&&&
فى صباح جديد بعد الظهر وروز فى كليتها اتصلت عليها أميره وبتكلف اعتذرتلها على الحصل
وروز بنفس التكلف قالتلها هيا نست الحصل ومفيش حاجه
على الغدا أسر اعتزر لروز قالتله ليه مكبرين الموضوع وعرفته أن أميره اتصلت عليها وأد ايه كانت مضايقة واعتزرتلها كتير مع أن ده محصلش بس من طريقه أسر عرفت أنه زعلان وتقريبا مكلمش أميره من امبارح فحبت تصلح ما بنهم
أميره كلمت أسر ورد عليها لما عرف أنها عرفت غلطتها واعتذرت لروز
وكمان بررت الحصل أنها كانت مضغوطه وبتفكر فى مليون حاجه اتصالحوا واتفقوا ينزلوا يختاروا مع بعض فستان الخطوبه وفعلا اختاروه شيك جدا وسمبل وتطريز خفيف ولونه أخضر
أسر مصمم يكون بكم وبررلها عشان الجو احتمال يكون ساقعه ومتبردش ده تبريره ليها لكن فى الحقيقه هو مش عاوز حاجه تبان منها ومش عاوز يجبرها على كده دا غير أنهم هيكتبوا كتابهم يعنى هتكون على اسمه وطبيعى أنه يغير عليها
أميره عارفه إلى حد ما سبب اختياره للفستان ومضايقتش بالعكس حبت غيره أسر عليها وتقبلت جدا اختياره
أسر برضه اخدها معاه واختاره بدلته وقضوا بقيه اليوم مع بعض فى حب وسعاده
----------------♡♡♡♡
جيرمين عند والدتها
والدتها اتطلقت من والدها من حوالى عشر سنين وكانت قاعده مع مامتها سنتين بس والدتها اتجوزت وكانت ديما تحصل مشاكل بين جيرمين وزوج امها ووالدتها كانت ديما تقف فى صف جوزها بعد سنه من جوزهم سريا أمها طلبت من والد جيرمين تسافرله أمريكا فتره لأنها كانت حامل والمشاكل الكانت بتعملها جيرمين اضطرت تطلب من والدها ياخدها فتره وافق وراحت ومرضتش ترجع وتقريبا من بعدها مجتش مصر غير مرتين ودى التلته
جيرمين :ماما انتى شكلك تعبان اوى ازاى مكشفتيش لحايد دلوقتي
سريا :خت مسكن دلوقتي ابقى كويسة
جيرمين :لاء طبعا مينفعش
وبسخريه .. أمال فين الحاج هشام جوزك ازاى سيبك كده
سريا :جاله شغل فجأه اسكندريه وبيتصل يطمن عليا
جيرمين :يطمن طيب يا ماما أنا هتصل على الدكتور يجى يشوفك
وفعلا الدكتور وصل وقال دور برد مصحوب بأحتقان فى الزور الوقت كان تقريبا بعد الواحده صباحا
جيرمين نزلت تجيب العلاج من الصيدليه كانت لبسه تريننج ولمه شعرها ومش حطه ميكب خالص الصيدليه قدام شويه جابت العلاج وهيا رجعه فى شابين بيعاكسوها ومش عارفه تتحرك
جيرمين :أوف هو برضه لسه فى الصفه الزفت دى المعاكسه والقرف ده
شاب :أي يا قمر متنرفز ليه بس تعالى معانا واحنا هنظبطك
الشاب التانى :لا من ناحيه هتتظبطى فهتتظبطى
جيرمين :بقولكوا ايه ابعدوا عنى أحسن ليكو
الشاب الاولانى :هههههه ولو مابعدناش هتقربى انتى
الشاب التانى :آه ونبى قربى ولا اقولك نقرب احنا وفعلا ابتدوا يقربوا
جيرمين ابتدت تخاف وبتبعد خلاص مبقاش وراها غير أنها تدخل جنينه عامه بس قفله خافت لأن أكيد هما عاوزين كده جت تصرخ راح واحد منهم مكتفها
فى عربيه جايه والشخص الفيها تقريبا شاف جزء الاخير من الحصل نزل من العربيه وراح لعندهم
الشخص مسك واحد من قفاه وضربه
والتانى الماسك البنت : أنت مين ملكش فيه
الشخص :لا دا أنا ليه ونص
واجه يقرب
الشاب طلع سنجه : لو قربت هقتلها
الشخص :بجد طب اقتلها
جيرمين : يقتل مين الله يخرب بيتك اعرض عليه فلوس
الشخص :آه تصدقي فكره واعد يدور فى جيوبه ...
بس أنااا مش معايا غير غير هو راح فين
آه غير ده وطلعلهم مسدس الشابين اترعبوا وبصوا لبعض
... آه نسيت أقولكم انى ظابط وفى ثوانى كان جايب الولا الماسك جيرمين وضربه بالبوكس مره واتنين وتلاته الشاب التانى خاف وجرى
الشخص : ها سمعنى كده كنت بتقول ايه
الشاب :مقولتش حاجه يا باشا
الشخص :لاء كنت بتقول ايه سمعنى وضربه تانى وتالت ورابع لحد ما فتح جرح فى أنفه ونزل دم على الشخص
فسابه : الله يقرفك ياشيخ
الشاب بمجرد ماسابه جرى
الشخص :بهدلت الجاكت جتك الارف
جيرمين قربت منه : شكرا ليك
الشخص :شكراً ايه بس
اصلى بقرف من الدم اوى
جيرمين مستغربه من كلامه هو مش باصص لها مركز فى الجاكت بس تقريبا عرفت ده مين : جاسر
جاسر بصلها : انتى تعرفينى
جيرمين :آه طبعا أنا جيرمين
جاسر بالامبالاه : جيرمين مين
جيرمين :جيرمين صديقة شرين الحديدى بنت عم أميره
جاسر بصلها من فوق لتحت : غريبه وراح ناحيه العربيه
جيرمين راحت وراه : ايه الغريب بقى
جاسر ركب العربيه وفتحلها الباب : اركبي
جيرمين بتبصله بأستغراب
جاسر كمل ... أكيد مش هسيبك فى حته مقطوعه زى دى اركبي
جيرمين :مش راكبه أنا بيتى قريب من هنا
جاسر بحده : بقولك اركبي يلا
جيرمين خافت من صوته العالى وركبت
جاسر فى نفسه ... ماانت بتخوف أهو ناس مش بتيجى غير بالعين الزرقا بتفكير هيا زرقه ولا حمرا ياترى
جيرمين :ممكن اعرف بتقول عليه غريبه ليه
جاسر :انتى ساكنه فين
جيرمين: قدام شويه عماره 15 مجوبتش عليا بتقول عليا غريبه ممكن اعرف ليه
جاسر :لأنك فعلا غريبه جدا
فرق شاسع بينك دلوقتي وبين لما شوفتك أول مره
حيرمين :ليه بقى فيا ايه متغير
جاسر بصلها بأستهزاء : بصى فى المرايا وانتى تعرفى
وبعدين فى واحده تنزل من بيتها فى وقت زى ده وبالتريننج احنا مش فى أمريكا
جيرمين بسخرية : فعلا مش فى أمريكا على القليله مفيهاش عدم أمان ومعاكسه وتحرش
جاسر بنفس سخريتها : آه منا عارف هما بيجيبوا من الآخر
وأبتسم بأستهزاء
جيرمين اتغاظت وجت ترد
جاسر سبق : انزلى
جيرمين :أنزل ... وبصت حواليها لقت نفسها قدام بيتها
راحت فتحه الباب ورزعاه وبصوت عالى
... أنت قليل الزوق
جاسر مردش عليها ومشى وفى نفسه غبيه فكرانى معرفتكيش أول ما شفتك طب ماانتى حلوه أهو أمال ايه الكنتى عملاه فى نفسك ده و ايه المنزلك فى وقت زى ده ايه ياجاسر متنزل زى ماتنزل هه شكلها متعوده على كده ....
-----------------♡♡♡♡♡♡♡
جيرمين طلعت لقت جوز أمها فى البيت قاعد جمب مامتها وقلقان عليها
جيرمين بصتله ومكلمتهوش وبصت لأمها : اتفضلى يا ماما وطلعتلها الدوا واتدهولها وقعدت جمبها
هشام :ازيك ياجيرمين حمدله على السلامه نورتينا
جيرمين من غير ما تبصله : ميرسي
هشام :ازاى تنزلى فى وقت زى ده
جيرمين :ماما كانت تعبانه والمفروض تكون جنبها مش تسبها وتسافر كنت عاوزنى اعمل ايه اسبها تعبانه من غير علاج
هشام بهدوء : كان ممكن تبعتى البواب أو تتصلى بالصيدليه فى حلول كتير غير أنك تنزلى من البيت فى وقت زى ده انتى بنت ميصحش كده
جيرمين بصتله بضيق ومردتش
جيرمين بصت لمامتها : ماما أنا مش بنام دلوقتي لوعايزه حاجه اندهى عليا
سريا ابتسمتلها : حبيبتى أنا الحمد لله كويسه نامى انتى
جيرمين :اوكى يا ماما تصبحى على خير وخرجت
سريا :معلش يا هشام أنت عارف جيرمين بس والله طيبه ياحبييتى من ساعه ماجت وهيا قاعده جنبى
اتنهدت بحزن ...كنت فكراها مبقتش تحبنى وابتسمت بأمل ... كانت خايفه عليا اوى أنا عارفه انى السبب فى بعدها عنى بس
وبكت ...
هشام مسك أيديها وطبطب عليها : حبيبتى بطلى تلومى نفسك كفايه بقى
انتى حاولتى معاها كتير وانا كمان بس كانت بترفض ترجع او تقبل أى نصيحه مننا وبتتمرد على عشيتها معانا فكان لازم وجود باباها جنبها فتره ولو بسيطه بس هيا الصممت مترجعش رغم محاولتنا
سريا اتنهدت بزعل : كنت صبرت عليها كنت أحاول معاها مره واتنين وعشره مش يمكن
قاطعها هشام :حبيبتى بلاش كلام فى الفات ادعلها ربنا يهديها وأنها توافق تقعد معانا وأنا ياستى الهطلب منها وهحاول مره واتنين وعشره
طبطب عليها وابتسم ... يلا ياحبيبتى نامى شويه وإن شاء الله الصبح تبقى كويسه
جيرمين دخلت اوضتها متغاظه من هشام ولنفسها سيبها تعبانه وبدل ما يشكرنى يقولى ايه المنزلك ولا الاسمه جاسر ده مستفز ويقولى انى غريبه وراحت بصت فى المرايا مالى فيا ايه غريب رغم ما يبنش عليه بس طلع جامد اوى وضرب العيال المجرمه ومرضيش يسبنى فى الشارع ووصلنى
افتكرت لما قالها امريكا بتجيب من الاخر
... قليل الادب ومستفز
وكلمت شرين وعرفت منها الحصل وكمان شرين قالت لها على النويه تعمله فى أميره وهيحصل ايه فى الخطوبه وسهروا على الموبايل......
-----------&&&&&&&&
روز اتعودت خلاص كل يوم شهاب يتصل عليها بتدرس وكل شويه تبص فى الموبايل وفى الساعه وتتأكد ان الشبكه تمام اتأخر عليها عن اى يوم اتوترت وقامت تتمشى فى الاوضه ولنفسها .. متصلش ليه لحايد دلوقتى طب اتصل انا لاء لاء هو المتعود يكلمنى
اووف رن بقى
وصلت للمرايا ...وبصت فيها ..
مالك ياروز اهدى أنا هاديه بس مجرد تعود امممم تعود برضه
وابتسمت أماال ايه
الموبايل رن اتخضت وبصت فيه بسرعه افتكرت شهاب لقتها كريمه
ردت وبعد السلام
كريمه : الأستاذة حياة كلمتنى وعزمتنى على خطوبه أسر عقبالك
روز سمعت زن فى الموبايل اتلقت شهاب اتوترت : ميرسي
كريمه : إن شاء الله قريب نفرح بيكى
روز مش مركزه معاها لأن شهاب رغم أنه بيجيله انتظار بس برضه بيرن فعاوزه تنهى معاها بسرعه : آه إن شاء الله
كريمه بأستغراب : إن شاء الله روز هو انتى مرتبطه
روز اتفجأت من كلامها واضايقت لأن شهاب بطل يرن واكيد اضايق هعمل ايه دلوقتي : حضرتك عارفه أنا مهتمه بدراستى أد ايه غير شغلى
كريمه : آه ياحبيبتى ربنا معاكى
طب اسيبك أنا بقى أكيد كنتى بتدرسى
روز :آه فعلا ميرسي لأهتمام حضرتك
كريمه :حبيبتى ربنا يوفقك مع السلامه
روز :الله يسلمك
وبتبص على الموبايل بضيق منتظره شهاب يرن
عند شهاب مضايق أنه اتأخر عليها فى الاتصال ومصدق يخلص شغل ويكلمها واتصل لقاها انتظار من غيظه اتصل تانى وتالت برضه انتظار
بصوت عالى بتكلمى مين ميييين الزفت الدكتور ولا الكنتى متصوره معاها منا معرفتش هو مين مسك الموبايل بغيظ واتصل عليها
شهاب بصوت عالى : حالاً تقوليلى كنتى بتكلمى مين
ومين الكنتى متصوره معاه انتى ساكته ليه جاوبينى
روز :----------
انتظرونى فى الجزء التانى بعد العيد
دمتم فى حفظ الله ❤❤
----------------♡♡♡♡♡♡♡
لقراءة ومتابعة روايات جديده وحصريه اضغط هنا
•تابع الفصل التالي "رواية صراع العقل والقلب" اضغط على اسم الرواية