رواية صراع العقل والقلب الفصل الثاني والثلاثون 32 - بقلم كنزي علي
اللهم صل وسلم وزد وبارك على أشرف خلق الله سيدنا محمد وعلى آله وصحبه وسلم أجمعين ❤❤
سبحانه الله وبحمده سبحانه الله العظيم 💕
أستغفر الله العظيم وأتوب إليه ❤
حياة سبتهم ومشت بقلق ياترى ياروز بتفكري فى ايه أختى وعرفاكى مش سهله ومتأكده هيكون ليكى رد فعل ودخلت اوضتها
فؤاد غير هدومه وبيبصلها عاوز يقولها حاجه بس مش عاوز يزعلها
حياة بصت لفؤاد وحاسه أنه عاوز يقول حاجه : فى ايه يا فؤاد بتبصلى كده ليه ها مش هما الغلطوا يستحملوا بقى نتيجة غلطهم وبعدين منا جبتلهم بيتزا حد غيرى مكنش عبرهم فى ايه هفضل اكلم نفسى كده
فؤاد : خلاص يا حياة الحصل حصل بس كان على القليله نجبلهم أنواع البيتزا البيحبوها
حياة :ازاى بقى أمال يعرفوا ازاى أنهم غلطوا
فؤاد :حياة أنا متأكد أنك عارفه أن الحصل مش مستاهل كل ده وأنهم أصلا كانوا بيهزروا وبعدين الولاد اتصلوا عليكى كتير دا غير رسايل الاعتذار
سكت شويه لما اتلقاها أضايقت
راح لعندها ومسك ايديها يطمنها : زى ما قولتلك الحصل حصل تعوضيهلهم بكره إن شاء الله
حياة حست أنها زودتها بس مش مطمنه خصوصا من موقف روز
--------------&&&&&&&
شهاب أنتظر رد من روز خصوصا أن ظهر عنده أنها شافت الرساله ولنفسه طب ايه صدقتنى ولا لاء على القليله كانت ترد بأى حاجه حتى أعرف بتفكر ازاى وابتسم أفتكر لما كانت مسكه المسدس وموجهاه نحيته
ولما قلعت النضاره وعينيها الكلها غيره
اتنهد شكل غيرتك صعبه وهتتعبينى بس هيكون احلى تعب
هواا أنا ليه خايف منك كده ههههههه صغيره بس قويه وده العجبنى فيكى هو الحقيقه كل حاجه عجبانى فيكى
--------------@@@@@
جاسر وهو خارج لشغله قابل شمس الكانت منتظراه كالعاده بتحاول تفتح معاه أى مواضيع وخلاص هو بياخدها على اد عقلها
شمس ابتدت تزهق من كتر ضحكه وهزاره وافتكرت كلام أمها الديما تقولها اصبرى بكره ياخد عليكى وهو اليدور عليكى
سعيد :انتى كنتى بتتكلمى مع جاسر فى ايه
شمس بتحدى : وأنت مالك أنت مش قولت بتكرهنى عاوز منى ايه
سعيد :ده موضوع وده موضوع كنتى واقفه مع جاسر بيه ليه ودى مش أول مره
شمس :قولتلك انت مالك وسبته وجت تمشى
سعيد مسك أيديها وراح بيها لبعيد شويه : انتى حكايتك ايه مش على بعضك ليه وايه حكايه الخروج الكل شويه ده أنا مطول بالى عليكى وبقول معلش صغيره بس واضح أنى غلطان
شمس بسخرية : مطول بالك بجد ولو مطولتش بالك هتعمل ايه
سعيد بصوت عالى وعصبيه : متختبريش صبرى عليكى يا شمس اتعدلى احسنلك
شمس خافت من أسلوبه وعصبيته : أنت عاوز ايه دلوقتي انت مش قولت أنك بتكرهنى وبتحب ست الحسن وشكلكوا اتصلحتوا والمايه رجعت لمجاريها
سعيد :أستغفر الله العظيم يا بنت الناس اعقلى مفيش حاجه من الفى دماغك دى
شمس :فى ولا مفيش معدش يهمنى وخلاص يا سعيد احنا موضوعنا انتهى
سعيد :هو ايه الانتهى شمس اعقلى أنا بحبك والحصل ده كله ورد فعلى عشان العملتيه
انتى ازاى مش مقدره قيمه العملتيه انتى كنتى عاوزه تموتيها أنا بحاول استوعب العملتيه واحطلك مبررات
شمس :وأنا مش عاوزاك تحطلى مبرر للعملته لأنى سعتها كنت بحبك
سعيد :كنت معقوله كنتى يا شمس
شمس نبره سعيد وزعله البان عليه وصلولها وحست أنها مضايقه لسه فى حاجه فى قلبها بدق ليه هربت بعينيها ومردتش
سعيد :شمس خلينا ننسى الفات وأنا مسامحك عليه ومسك أيديها
...حبيبتى متوجعيش قلبى
وقرب أيديها من قلبه
شمس سعيد صعب عليها بس جاسر وأحلامي البنتها عليه ولا رجب واد ايه بيقدرنى ومش بيستخسر فيا حاجه
بصت لسعيد بزعل : أمى زمنتها بدور عليا وسحبت أيديها ومشت
سعيد بعد مامشت حس بخوف جواه عليها حسسها فيها حاجه غريبه
ولنفسه لازم اعرف فى ايه وايه المغيرك اوى كده
----------------♡♡♡♡♡♡
روز فى اوضتها رجعت تقرأ الرساله تانى وتالت ورابع حاسه بصدقه بس متغاظه منه وبتهرى فى نفسها وافتكرت النوت تعمله ونزلت دخلت المطبخ
روز للفى المطبخ : مفيش شغل خلاص ياريت كل واحد على اوضته
داده صفيه :بس يابنتى لسه ميعاد العشا مش بنمشى غير بعد مانخلص كل حاجه
روز بلغه أمر : قلت الكل على اوضته
هما عارفين روز هيا طيبه آه بس كلامها أوامر بيمشى على الكل
وبكل هدوء من غير ولا كلمه مشوا
روز بعد ما مشيو عملت حاجه وبعدين عملت لنفسها هوت شوكلت وراحت قعدت مع حياة وفؤاد البيتفرجوا على التليفزيون
حياة بتسرق نظرات لروز المش معبراها خالص من بعد الحصل وبتشرب الهوت شوكلت وهيا مبتسمه وبعد وقت بصت للساعه كانت عشره قامت جابت لعبه الشطرنج وراحت لفؤاد : نلعب
فؤاد بأبتسامه : آه طبعا
وظبطوا اللعبه بعد وقت بكل هدوء بصت لحياة وبصت لفؤاد
روز :كش ملك ياسيادة العقيد
فؤاد ابتسم لها : انتى من الناس القليله جدا البتكسبنى
روز :نلعب دور كمان ولعبوا وكسبتوا تانى وبصت لحياة الابتدت تفهم أن ده رد فعلها لفؤاد ياترى رد فعلك ليا ايه
روز خدت الشطرنج ولفؤاد : جود لك
وشويه راحت المطبخ جابت حاجه
روز بأبتسامه : اتفضل يا انكل وقدمتله زبادى
فؤاد: بأستغراب : شكرا تعبتى نفسك ليه
روز :لا ياانكل لا تعب ولا حاجه ألف هنا وراحت ناحية التليفزيون ... وقفلته
حياة وفؤاد بصوا لبعض
روز بأبتسامه : الساعه عدت عشره وده وقت مناسب للنوم
حياة بتوتر : ننام لسه بدرى وبعدين لسه شويه وهطلب منهم يجهزوا العشا
روز :عشا هههه لا مهو مفيش عشا هنعمل دايت أمال أنا جبت زبادى لانكل ليه
حياة ابتسمت وفى نفسها قالت أن ده رد فعل للحصل : طب ومجبتليش زبادي ليه
روز فهمت ابتسمتها ولنفسها طيبه يا حياة ولسه متعرفيش أختك : لاء مهو انتى أكيد لسه شبعانه من أكلة الغدا ولا ايه
جاسر جاى من بره : يا اهل البيت أنا جعان
حياة :ياحبيبى ثوانى هخليهم يعملولك احلى عشا
روز : مفيش حد فى المطبخ أنا مشتهم وزى ما قلت احنا هنعمل دايت يعنى مفيش عشا
جاسر :دايت ايه أنا جعان
روز :جاسر قولت مفيش عشا يلا أطلع أوضتك
حياة :روز حبيبتى جاسر أكيد جعان ياحبيبى يعتبر متغداش كويس ومن بكره نعمل دايت
روز بصتلها وضحكت : بجد متغداش كويس ليه والبيتزا البجبنه نسيتيها
جاسر يلا على أوضتك تصبح على خير
جاسر عارف روز ودمغها النشفه ولما بتصمم على حاجه وهو طالع بتمتمه :انا مالى ومال الدايت اوف يارتنى كنت جبت سندوتشات كبده هنام ازاى أنا كده
حياة بتبص لروز وجت تتكلم
روز :حياة حبيبتى تصبحوا على خير
حياة سلمت بالأمر الواقع ودخلت هيا وفؤاد اوضتهم
روز بصت عليهم بأنتصار
واستنت لما اتأكدت أنهم ناموا طلعت لجاسر خبطت كتير مردش معقوله لحق ينام دخلت عليه اتلقته نايم بهدومه وانا القولت مش هيجيلوا نوم علشان جعان
روز :جاسر ياجاسر قوم
جاسر بنعاس : روز فى ايه
روز :قوم أنت ايه المنومك بهدومك كده
جاسر :مش عارف هقوم أغير هو انتى كنت عاوزه حاجه
روز :آه قوم غير هدومك وحصلنى على المطبخ
جاسر :المطبخ ليه
روز :من غير ليه يلا هستناك وسبته ونزلت دخلت المطبخ وفتحت الفرن وطلعت الجمبري الخرجته من الديب فريزر لما الفى المطبخ مشيو علشان يفك من التلج وابتدت تطبخ
جاسر: نزل ودخل المطبخ كانت قفلاه عليها بتعملى ايه انتى مش قولتى هنعمل دايت
روز :اقفل الباب ووطى صوتك دايت ايه الهنعمله أمسك خرط البصل ده
جاسر :بصل هو انتى هتعملى ايه مش فاهم حاجه
روز مسكت السكينه فى وشه : هنعمل الجمبرى عندك اعتراض اشتغل
جاسر بخوف : طب متقولى من الأول هو انا يعنى هقولك لاء بس مش فاهم ليه هنعمله دلوقتى وانتى قولتى مفيش عشا وليه انتى البتطبخى وفين ماما
روز بتريقه :ماما
ماما الراحت اتغدت بره واكلتنا بيتزا بالجبنه انا بقى طلعت الجمبرى وهطبخه وهنتعشى بيه ولو أنت هتعديها فأنا لاء ها فى اعتراض ولااا
جاسر :اعتراض ايه أنا معاكى وش يخربيت اليزعلك ياشيخه
روز طبخت الجمبري وعملت احلى تشكيله وجاسر بيسعدها
جاسر :ريحه الأكل تجنن تسلم ايديا
روز بسخريه : تسلم إيديك بجد
جاسر :ها لاء اقصد تسلم ايديكى
روز :أيوه كده اتعدل خليك جنب الفرن لما الصنيه دى تتحمر تحط دى وأنا هتصل على أسر يجى وهاخد شور واغير الهدوم الاتبهدلت دى وآه بعد لما يتحمروا اطفى الفرن وظبط التربيزه فى الجنينه وارجع أفتح النار على الشوربه بس وطى خالص اوكى فهمت
جاسر :فهمت بس أسر مشغول وتقريبا مش هيعرف يجى تعالى ناكل احنا
روز بعيظ : لاء طبعا أمك عملت الموقف فينا احنا التلاتة يبقى الحق بيقول ناخد حقنا مع بعض
جاسر :لاء حقنيا
روز :طبعا هه طول عمرى
وطلعت اتصلت على أسر
أسر قاعد مع شهاب بيشتغلوا على قضيه والوقت اتأخر موبيله رن
أسر بص فى الموبايل بأستغراب روز ليه هتكلمه دلوقتى قلق ليكون فى حاجه حصلت فبص لشهاب
أسر :آسف يافندم بس روز بترن ولازم أرد
شهاب :آه طبعا اتفضل
أسر : سلام عليكم
روز :وعليكم السلام ورحمة الله وبركاته سورى انى بتصل دلوقتي ياريت مكنش عطلتك
أسر :ابدا ياحبيبتى بس قلقتينى فى حاجه
روز :آه عوزاك تيجى دلوقتي بدون نقاش
هدوء الغرفه وأسر وشهاب قاعدين على تربيزه اجتماع صغيره يعنى صوت روز وصله
اسر : ليه فى ايه
روز :لما تيجى
أسر :روز عندى شغل وفى نفس الوقت قلقتينى انتوا كويسين
روز :أيوه كلنا الحمد لله بخير بس أنا عامله عشا ومش هاكل من غيرك يلا تعالى
أسر أبتسم : حبيبتى بجد عندى شغل مهم أنا والمقدم شهاب ومش هعرف اجى
روز :اممم المقدم شهاب معاك
أسر : أيوه
روز :طب قول للمقدم شهاب روز عزماكوا على العشا ومش هقبل أى اعتزار دا أمر
شهاب سمع كلامها وأبتسم
أسر بصله : على فكره يافندم روز أكلها حلو اوى
شهاب بص فى الساعه : الوقت اتأخر مره تانيه مع أنه عاوز يشوفها
روز رد شهاب وصلها : هستناكوا مسافه السكه تكونوا هنا آه ومتنساش لما تيجوا تسيبوا العربيه بره وترن على جاسر وانتوا بره وهو هيفتحلكوا اوكى
أسر :ليه كل ده
روز :لما تيجى هقولك يلا مع السلامه
أسر بص لشهاب ها يافندم هنفذ الأوامر ولا لاء بس زى ما قولتلك روز نفسها حلو اوى وطالما اتصلت يبقى أكيد عامله حاجه مميزه
شهاب عاوز يشوفها بس الوقت اتأخر ومنظره قدام سيادة العقيد هيكون ايه زى ما تيجى بقى : تمام
وراحوا
روز خدت شاور سريع لبست ترننج بيتى وحطت حجاب بطريقه عفويه من غير بندانه حطت بس روج فاتح وبرفيم ونزلت فتحت باب المطبخ بهدوء ده كان ساعه لما جاسر كان بيمد أيده ياخد وحده جمبريايه من الصنيه
روز مسكت ايديه : بتعمل ايه
جاسر :عااااا خضتينى ياشيخه
روز :خضيتك ايه مش تصبر شويه ظبط التربيزه البره
جاسر :أيوه كلمتى أسر
روز :أيوه وهيجى هو والمقدم شهاب
أسر هيرن عليك تطلع تفتحلهم ويسبوا العربيه بره ويجوا من الباب الورانى للمطبخ يغسلوا ايديهم وعلشان تخدوا منى وتحطوا على التربيزه اوكى
جاسر :لا انتى ميتخفش عليكى بتفكرينى بالحصل من سنه ونص فكره
روز افتكرت الموقف الوخداه من شهاب : أكيد
جاسر :تعرفى كنت عارف أن عمرك ماهتنسى وعارف السبب الكان بيخليكى متتقبليش مع شهاب بس ايه الحصل غيرك
روز بتبصله بأستغراب وحاولت تهرب من الاجابه : يعنى موقف وعدى وبعدين متنساش بقينا قرايب دلوقتي
جاسر :موقف وعدى فيروز البحيرى البتقول كده معقوله أمال ايه ده
وشاور على الأكل
روز بمروغه : لا تختلف وبعدين ايه مش عاجبك متكلش الحق عليا انى صحيتك
جاسر :لا والنبى ياشيخه دا انا بهزر معاكى وموبيله رن : أسر
روز :يلا واعمل القولتلك عليه ومشى
فى نفسها معقوله ياجاسر كنت عارف كنت فكراك مش بتركز كده سمعت صوتهم بره قلبها دق بسرعه مش عارفه بس حست بفرحه مصحوبه بغيظ بضيق
بره فى الجنينه جاسر فتحلهم وبيكلمهم بصوت واطى
أسر :فى ايه وليه نسيب العربيه بره وليه موطى صوتك كده
جاسر :مليش دعوه دى أوامر روز
بيبص حواليه
أصل خالتك بترد الضربه لأمك وعملتلنا الجمبرى الأمك عقبتنا بيه
شهاب مش فاهم اوى
أسر :ضحك كنت متأكد أنها مش هتعديها كده وبص لسيادة المقدم وحكاله سريعا الحصل
شهاب ضحك على حبيبته المش بتسيب حقها بسهوله وفعلا نفذوا الأوامر ودخلوا المطبخ
أسر ابتسم : عملتيها ياروز
روز :أنت عارفنى يااسر وامك البدأت
وبصت لشهاب ازى حضرتك نورتنا
شهاب :أول مره يشوف روز بترننج بيتى وحجبها معمول بالطريقه دى حلوه اوى كالعاده تجنن ركز فى عينيها : الله يسلمك
وأبتسم .. واكيد نورك
روز اتكسفت من نظرته البتحس أنها بتخترق مش عينيها لاء قلبها قلبى مالو انااا قطعت تفكيرها :
يلا اغسلوا ايديكوا وخدوا منى الحاجات دى وفعلا عملوا كده وقعدوا هزروا شويه
أسر :بجد تسلم إيدك الاكل حلو اوى
شهاب بيقسم لنفسه عمروا ما داق فى حلاوة أكلها : بجد ياروز الاكل حلو اوى تسلم ايدك
روز ابتسمت : ميرسي ألف هنا
جاسر وهو بياكل : الأكل خرااافه لاء معلمه هههههه
روز :معلمه كل وأنت ساكت
شهاب لروز :بس ليه حطيتى نظريه المؤامره وبنيتى عليها ورديتى على النظريه من غير متسمعى الطرف التانى
روز : اممممم لما يكون الطرف التانى وصلك أنك تاخد عنه الفكره دى يبقى لازم تبنى عليها يعنى بالنسبه لحياة هيا عارفه أننا كنا بنهزر ومع ذالك اتصلنا عليها وبعتنلها رسايل ولا عبرت يبقى ايه بقى هيا الوصلتنى لكده
شهاب :يعنى من كلامك افهم أن لما يحصل موقف ومتفهمش صح أو فهمتيه على مزاجك وخدتى موقف من غير ما تسمعى الطرف التانى والطرف التانى المظلوم رغم انه معملش حاجه غلط ومع ذالك وضح الموقف الحصل لا وكمان بعتلك رساله وانتى مردتيش دا يبقى ايه
روز فهمت تلميحاته كويس جدا : تفرق ياسيادة المقدم أنا محطش نفسى فى موضع شوبها وأقول اصلى مختش بالى أو ذنبى ايه وبعدين فى الأول والآخر كل واحد حر فى تصرفاته
شهاب :آه معاكى كل واحد حر فى تصرفاته بس لما يكون حد منحك أن يكون ليكى حق وبيحاول يفهمك الحصل يبقى تعرفى أنك مهمه وده الخلاه ميحبش أنك تسئ الظن فيه وعلشان كده حاول برساله وأنتظر ردك تعرفيه أنك مصدقاه وبتثقى فيه ولا لاء بس انتى مردتيش المفروض هو بقى يعمل ايه مثلا يسئ الظن زيك مع أن ده محصلش ولا يقول أنها هترد عليك بس يمكن مشغوله شويه أو أو فى كلتا الحالات دورلك على مبرر بس عشان بيثق فى تفكيرك وفى شخصيتك ها بتثقى فيه ولا لسه برضه بتسئ الظن
روز كلام شهاب مش بس صدقته لاااااا دا دخل قلبها
أسر بيبصلهم مش فاهم منهم حاجه : هو انتوا بتتكلموا على ايه
جاسر :ايه يااسر أنت سرحت ولا ايه هههههه اصلى أنا كمان سرحت فى الأكل بس بيتكلموا عن تصرف روز ورد فعلها
روز بصت لجاسر وبصت لشهاب التأكد من نظرات عينيها أنها صدقته وواثقه فى كلامه بس عاوز يسمعها منها
خلصوا آكل
أسر :روز احم هو انتى مسبتيش أكل لماما وبابا يعنى يدوقوا
روز :والله يااسر وانا بظبط الأكل إجه فى بالى اسبلهم طبق بس افتكرت الحصل ومسبتش حاجه
جاسر :شاطره ياروز بس أكيد سبتلهم يبقوا يطبخوا هما
روز :هههههه لاء برضه طلعت كيس الجمبري كله وطبختوا واكلناه بألف هنا علينا
جاسر :بس كده ماما هتنفخنا
روز :مش لو عرفت
جاسر :يعنى ايه
روز :يعنى يا خفيف لو عرفت هيبقى منك وأنت الهتشلها أنا نمت بدرى وأنت صحتنى من النوم لأنك كنت جعان اوى وعليك شهود لما جيت البيت وقولت أنك جعان وانا أستغربت أنك بتصحينى واتلقيت الأكل ده
جاسر بذهول : بس أنا مبعرفش اطبخ
روز :كل حاجه موجوده على النت وفتحت اليوتيوب وطبخت مش حكايه يعنى
جاسر :أنت هتسلمينى ياروز
روز :عيب عليك ركزوا معايا علشان نخفى آثار الجريمه
الأول أنت ياجاسر هتاخد كيس الزباله وطلعه بره القصر تحطه فى الصندوق البره ودخله لجوه وفوقيه أكياس تانيه يعنى ميبقاش ليه أثر
وأسر هتوضب التربيزه هنا وترجع كل حاجه مكانها من الآخر تمسح أى أثر يثبت أن كان فى حد هنا
وأنت ياسياده المقدم البوتاجاز عاوز يتلمع
كلهم فى صوت واحد :وانتى هتعملى ايه
روز : والله بجد كلكم عليا طيب كده مفيش غير الاطباق هحطها فى غساله الاطباق
كلهم قالوا :بسس
روز :آه انتوا نسين انى أنا الطبخت و يلا كل واحد ينفذ القولته
شهاب بيضحك فى نفسه فعلا اخفت آثار الجريمه بس عنده فضول رهيب لسؤال : طب انتى نسيتى حاجه
روز :ايه هيا
شهاب :أكيد الأستاذة حياة هتستغرب أن الجمبري مش موجود فا ايه العمل
روز :ههههه مهيا دى التكه أمال فين ضربتى حياة هتكون متأكده انى السبب فى اختفائه بس مش هتقدر تعترف بده هيا بس هتعرف أن ده رد فعلى الهيا مستنياه لأنها عرفانى كويس ومش بس كده دا انا كمان هبين انى زعلانه وبالرغم من كل ده هتحاول تصالحنى وتراضينى كمان دا مش بعيد تجبلى هديه ها ياسياده المقدم لسه ناقص حاجه
شهاب بيبصلها بذهول أد كده واعيه : بجد بكل تواضع شابو ليكى
روز :ههههههه يلا كل واحد ياخد مهامه
فعلا كل واحد ابتدى فى تنفيذ مهمته
روز جابت فوطه مطبخ وادتها لشهاب أبتسم واخدها منها وبيبص على البوتاجاز
شهاب :هو أنا هعمل ايه
روز :هتلمع البوتاجاز
شهاب :آه بس برضه مش عارف اعمل ايه
روز ابتسمت : أنت أول مره تدخل مطبخ
شهاب :يعنى مش بالظبط بس ممكن ادخل علشان أشرب
روز :امممم اوكى اوكى طب خلاص هعمله أنا مفيش مشكله أصل أنا طيبه
شهاب أبتسم : آه فعلا طيبه جدا
روز مسكه الفوطه فى أيديها ووجهتها عليه بغيظ مصتنع : أنا مش طيبه
شهاب : هههههه المره دى مش مسدس فاكره دى فوطه بس عمتا انتى طيبه نص نص
روز بصتله بتوعد وبأبتسامة
وراحت نحيه البوتاجاز بتلمعه
شهاب واقف وراها وللحظه أتخيل أنهم متجوزين فى بيتهم وخلصوا أكل وبيوضبوا المطبخ مع بعض تخيل أنه حضنها من ضهرها وهيا بتضحك بصوت عالى وبتحاول تبعده وبتتهمه أنه بيعطلها فشالها واعدها على التربيزه وقالها اقعدى انتى وانا هعمل مكانك بس الأول لازم ترشينى ضحكت مستناش ردها واخد ضحكتها من شفايفها بشفايفه غمض عينيه واتخيل طعم شفايفها
روز حاسه أن شهاب بيبص عليها ومركز هيا مش شيفاه بس حاسه بيه متوتره بتحاول تخلص بسرعه وخلصت
وبتبص عليه لقته مغمض عينيه أستغربت بس شكله مش نايم واضح أنه سرحان
تعبير وشه حلو اوى ركزت فى حركه شفايفه حساه بيتزوق حاجه حلوه
شهاب فتح عينيه اتفاجأ بيها قدامه اتقبلت عينيهم بيقولها متستغربيش أنا عديت مرحله العشق بقيت بحلم بيكى وأنا صاحى
روز .. انا مش عارفه متلغبطه بس انت بقيت
شهاب .. قولى بقيت ايه
روز .. طغطت على شفايفها لما اعرف هبقى اقولك
وضحكت ده كان لغه قلوبهم
روز اتحرجت وإرتبكت من وقفتهم كده وجت تتحرك من غير ماتبصله : أنا خلصت لسه الأطباق
شهاب متحركش
روز بصتله
شهاب :مصدقانى بتثقى فيا
روز شافت فى عينيه رجاء متخيبيش ظنى
هيا فعلا صدقته : ردى مهم
شهاب بأصرار : أكيييد
روز ابتسمت : مصد
بصوت عالى : روز وسيادة المقدم
ومن وراهم
جاسر :أنا تويت الجثه
أسر :وأنا مسحت آثارها
جاسر وأسر بيبرقوا وفى صوت واحد : ماما
حياة مش مصدقه الشيفاه : انتوا انتوا بتعملوا ايه هنا
شهاب واقف مصدوم مش عارف يعمل ايه
روز بطراطيف صوابعها لمست ايد شهاب اتفاجأ وبصلها بتحريك شفايف : معايا
شهاب فهم الكلمه بس مفهمش قصدها بعينيه بيقولها معاكى
روز قدمت خطوه : شوفتى يا حياة الولاد عملوا ايه
حياة لسه على وضعها متفجأه منهم وبيعملوا ايه هنا
روز كملت ... جاسر بعد مانمت إجه صحانى قالى أن أسر كلمه وتقريبا عربيته فيها عطل وسيادة المقدم هيوصله وطبعا مينفعش يوصله ويمشى
بصت لأسر المذهول : أسر طلب منى اعمل عشا وأعدت أفكر تعملى ايه ياروز تعملى ايه ياروز
اممم ملقتش غير الجمبري وعملته وعجبهم اوى
وبصت لشهاب ... مش اكلى عجبك
شهاب بيستوعب القالته واتلقى نفسه بيحرك راسه : بأيوه
روز بأنتصار : بس مقولكيش يا حياة بجد بجد كان تحفه من أبو قير على حق
حياة فهمت أن ده رد فعل أختها بهمس : الخامسه كيلو ياروز
روز بنفس الهمس وبأبتسامه : الخامسه كيلو ياروح قلب روز
طبعا همسهم وصل للجميع
حياة بغيط جايه تتكلم
روز :ايه يا حياة ميصحش كده سيادة المقدم يقول عليكى بخيله هتبوظى جوازت ابنك علشان جمبري
حياة بتوتر : ها لا طبعا
وبصوت عالى ... الف هنا عليكوا نورتنا ياسيادة المقدم اتفضلوا جوه
روز بصتلهم اتلقتهم مبرقين ليها فحطت أيديها على بقها واتوبت : طب ياجماعه اسبكوا تكملوا بقى مع حياة السهره لانى عاوزه انام تصبحوا على خير
وبصت لأختها وضحكت بأنتصار
وغنت سلافى وقالتلها من كلمات الاغنيه...
سهره تكون جميله ... وسبتها وطلعت
حياة راحت وراها
حياة :عملتيها ياروز
روز وهيا طالعه : ماانتى عرفانى يا حياة وانتى البدأتى تصبحى على خير
شهاب وجاسر واسر خرجوا الجنينه
جاسر : شفتوا عملت ايه
أسر :أنا لو مكنتش معاكوا كنت صدقتها
شهاب من سكات استأذن ومشى وصل عربيته وفجاه انفجر من الضحك
مش مصدق الحصل تجنينننييى
-----------♡♡♡♡
عدى كام يوم الدراسه بدأت روز مشغوله فى دراستها خصوصا فى بدايه الدراسه بيكون فى ضغط كبير
شهاب برضه مشغول فى شغله جدا بس فى آخر يومهم بيتكلموا بأى حجه المهم بيطمنوا على بعض
روز بقت حاسه أن شهاب مهم جدا فى حياتها
وشهاب ابتدى يحس أن روز بتحبه بس محتاج وقت يصارحها وقال انسب وقت بعد خطوبة اخته وكمان حاسس أنها مشغوله فى دراستها ومش عاوز يعطلها لأنه عاوز يكون لقأهم خاص ويعرفها بكل احساسه نحيتها من ساعة ما شفها ومش بس كده لاء كمان عاوز يعرف منها احساسها ايه نحيته
أسر اتقرب جدا من أميره وطلب منها أنهم يكتبوا الكتاب فى الخطوبه أفضل
أميره فرحت جدا بطلبه هيا بقت حاسه بمشاعر حلوه اوى نحيته رغم أن شرين طول اليوم بتحاول تشغلها أنها تكلم أسر بس أسر برضه طول يومه بيكون مشغول وبيتكلموا بليل لما يرجع من الشغل
أميره بتستأذن من شرين بحجه أنها هتنام وبتسهر مع أسر على الموبايل هيا مش قصدها تخبى على شرين هيا بتتكسف تقولها أنهم بيتكلموا لأن أكيد هتسألها بتقولوا ايه وأميره بطبعها خجوله ومش هتعرف تقولها على كلامهم خصوصا كلام أسر الكله غزل
اتكلموا أنهم هينزلوا بكره يجيبوا الشبكه
روز كانت رفضه تنزل معاهم بس أسر أصر بشده أنها لازم تكون معاهم
شرين لما عرفت بالكتب كتاب اضايقت فى الأول بس بعد كده قالت احسن علشان لما أسر يسبها يكون اسمها مطلقه
وطبعا لما عرفت أنهم اتفقوا بكره يجيبوا الشبكه قالت لازم أكون معاهم
جيرمين قالت لشرين هتروح لمامتها وهتقعد عندها يومين
----------------♡♡♡♡
أشرقت شمس يوم جميل
كريمه بتتصل على روز ديما بدافع بتسلم عليها وقبل كده اتقبلوا هيا وحياة وريم كانت مقابله تعارف روز حبت كريمه جدا
كريمه بتصبر أمير بأنها بتقوى علاقتها بيها عشان لما تفتح معاها موضوع ارتباط يكون عندها قبول
روز فى غرفتها جت من الكليه بتدرس
كريمه اتصلت عليها وسلمت عليها حياة دخلت عليها وعرفت أنها كريمه واستنت لما قفلت
حياة :مدام كريمه شخصيه كويسه وموريحه
روز :فعلا بحبها اوى
حياة :بس لازم تكونى عارفه قربها ده معناه ايه
روز :تقصدي ايه
حياة :واضح جدا أمير
روز :وايه الجاب أمير فى علاقتى بيها
حياة :عرفاكى بتركزى ازاى مختيش بالك
روز بتفكير : ولو كلامك صح
حياة :طب متفكرى عيله الشامى سمعتها كويسه جدا وأمير دكتور وانتى
روز قاطعتها :وأنا ايه حياة مستحيل البتفكرى فيه
حياة :ايه عيبه مجرد مناقشه مش أكتر يعنى انه ليه مستحيل
روز بتفكير مش لاقيه حاجه تقولها وتلقائيا اجه فى بلها شهاب
اتنفست بعمق وبصت لأختها مش لاقيه إجابه
حياة كملت ... انتى بتحبى ياروز
روز هربت بعنيها : بحب ايه هو أنا عندى وقت وبعدين لحظى أنك مأخرانى عن مذكرتى واه ايييه انتى نسيه اننا رايحين نشترى الشبكه احم سبينى بقى علشان الحق أخلص
حياة ابتسمت : الحب حلو ياروز متخافيش منه اعترفى بيه لنفسك يلا ياحبيبتى ربنا يوفقك وسبتها
روز لنفسها اعترف بأيه هواا أنا بحب اصلا صوره شهاب اترسمت فى وشها قامت وقفت فى وش المرايا وبصوت : يعنى علاقتى بيه مجرد بيعلمنى نيشان بس
بس ايه ياروز بس ليه بحس أنه فى حاجه مش واضحه بس متنكريش أنك مشدوداله طب وهو هو ايه مهتم بيا وده واضح آه بس يعنى أكيد ميقصدش حاجه طب ثوانى هو لما سألته انت ليه مرطبتش لحايد دلوقتي قالى ايه آه قالى لانى محبتش معقوله ميكنش ارتبط خالص طب ليه بيكلمنى كل يوم مع أننا مش بنروح النادى بس انتى برضه متنكريش بتستنى مكالمته
ده معناه ايه ياروز متكبريش الموضوع شهاب بيهتم بيكى علشان سوء التفاهم الحصل قبل كده واهتمامك بأميره واخيراً ارتباط أسر بيها بس متأكده انه بس -------
---------------$$$$$$
وجاء المساء واتقبلوا جميعا عند جبريال الجوهرجى
أميره ومامتها وشرين واسر وحياة وروز
أميره من كتر ما شرين ديما تقولها أن أسر عاوزك تكونى نسخه من روز دا غير أنها بتقولها اكيد روز قالت لأسر على موضوع المعالج
أميره ابتدت تصدق شرين وخدت موقف من روز
روز لما سلمت على أميره هيا مش نسيه الحصل بس عدتها
الغريبه لقتها متحفظه اوى معاها ففهمت سريعا أن شرين مأثره عليها بس مهمهاش لأن طبعها مش بتمسك فى حد عاوز يبعد بالعكس بتديله كامل مسحته فى البعد طبعا محدش لاحظ أسلوب أميره
روز وحياة جمب بعض وبيتفرجوا على الكولكشن الجديد
جبريال : فيروز هانم جبت حاجات حلو ومميزه هتعجبك جدا
روز ابتسمت : اوكى ورينى
شرين قاعده جنب أميره ومن جنب التانى أسر
شرين بهمس : البنت دى غريبه يعنى مش هيا العروسه ومخليه الجوهرجى تحت أيديها لطلبتها بس مش المفروض أن يشوفك انتى ويهتم أكتر من كده
شرين عاوزه تبوظ علاقتها بروز لأن عارفه أنهم لوقربوا من بعض بكده هتقوى علاقتها بأسر
أميره اتأثرت بكلام شرين ولأسر : فى ايه مش المفروض الحاجات الجديده تنزل ليا انا
أسر :أيوه والقدمنا ده أعتقد كل الجديد ايه رأيك فى الطقم ده
بتبصله ومركزه على طقم حلو اوى فى ايد روز
روز بأبتسامه لأميره :ايه رأيك يااميره فى الطقم ده رقيق وشيك اوى
أميره اخدته : آه حلو اوى
وبصت لأسر ايه رأيك
اسر :حلو ورقيق
وبص لروز زى الأخترته
شرين مسكت طقم تانى وبهمس لاميره :راحه تخديه منها وتقولى حلو لا والأستاذ يقولها حلو زى الاخترته مش زى الهتلبسه بس هقولك ايه انتى البتسمحى تلغى شخصيتك انتى حره بجد لقتها بتفكر ..
ايه رأيك فى ده فصوصه كبيره وانيق أقل فص نص قيراط هه مش ده اكبر فص فيه محصلش ربع قيراط
اكيد قصداها واضح جدا بس طبعا فى الاول والاخر ده قرارك لوحدك
أميره حطته على التربيزه وبصوت واضح : ده مش عجبنى أنا اخترت ده
أسر أستغرب اسلوبها لسه من دقيقه كان عجبها بس طبعا شرين جنبها وواضح جدا أن ده رأيها فبهدوء بص لشرين وبصلها : تمام
وفى نفسه مضايق من سيطره شرين عليها ونقوا الخاتم والدبل
حياة وروز معجبهمش الطقم الاخترته لأنه كبير ومش مناسب لسنها بس حياة محبتش تدخل
سها برضه عجبها الروز اخترته وقالت لاميره عليه بس أميره صممت على ده
أسر أدى للجوهرجى الفيزا يحاسب
روز راحت لأميره بأبتسامة : اتفضلى
أميره بعصبيه واضحه : اتفضل ايه أنا خلاص اخترت ده
روز :-------------
الحلقه خلصت❤
والسلام عليكم ورحمه الله وبركاته 😍❤❤ عرض أقل
•تابع الفصل التالي "رواية صراع العقل والقلب" اضغط على اسم الرواية