رواية صراع العقل والقلب الفصل الحادي والثلاثون 31 - بقلم كنزي علي

اللهم صل وسلم وزد وبارك على أشرف خلق الله سيدنا محمد وعلى آله وصحبه وسلم أجمعين ❤❤

ربنا يرحمنا برحمته ويبعد عنا الوباء اللهم أمين 💕💕

أستغفرك ربى وأتوب إليك ❤❤

روز خلصت الانشوده كلهم

عليه أفضل الصلاة والسلام

شهاب مبتسم أد ايه حبيبته صوتها حلو

روز أول ما خلصت نظره سريعه لشهاب تشوف رد فعله كان نظراته كلها إعجاب اتكسفت وبعدت عينيها عنه

شرين بهمس لأميره :صوتها وحش جدا بس ذكيه اختارت اغنيه دينيه علشان نركز فى الكلام ومنهتمش بصوتها وطبعا أكيد هنقول صوتها حلو لكن فى الحقيقه الاغنيه هيا الكلمها حلو

هاه الله يكون فى عونك يااميره رغم أن أسر ومامته كويسين لكن البنت دى هتسببلك مشاكل كتير

أميره بصتلها بتفكير وبصت لأسر أد ايه مركز مع روز ومبتسم ليها ومش معبرها

جاسر بيبص لروز وبيصقف : عظمه على عظمه يا ست مش قولتلكوا صوتها حلو

شهاب وأسر ضحكوا

شهاب :أول مره اسمع انشوده بالجمال والحلاوه دى

هو آه يقصد أنها انشوده حلوه بس يقصد بالجمال روز هو ملوش فى الأغانى بس صوتها دوبه

روز حست أنه بيوجهلها الكلام .. بدلته بأبتسامه

شويه أسر وشهاب وجاسر

راحوا على شغلهم

وكمان سها ومهاب والبنات

استأذنوا ومشيوا

وخلص اليوم

-----------------$$$$$$$

أشرقت شمس يوم جديد بدايته غيره واضحه وآخره.....

عدى يومين شهاب قال لروز امبارح أنه هيجى النادى بس متأخر شويه وقلها أنه هيجبلها شوكولاته اتبسطت جدا طبعا مش من الشوكولاته هيا بينت كده لشهاب لكن كانت حاسه بالفرحة أنها هتشوفه

روز نزله على السلم بدندن : بنحب يا ناس نكدب لو قولنا مابنحبش اةةة

وصبحت عليهم كلهم بأبتسامه

حياة :ايه المزاج الحلو ده ياترى سببه ايه

جاسر :فعلا واضح

وغمزلها .. بنحب ومبنقولش ولا ايه

أسر :مفتكرش روز مركزه فى دراستها أكتر وده الصح

فؤاد :وايه المشكله أنا اتجوزت ماما وهيا بتدرس وده بفضل الله مأثرش معاها بالعكس كانت ديما امتياز كل سنه

روز مستغرباهم هيا لما غنت كان تلقائي فعلا صاحيه مزجها حلو بس مش عارفه سببه : معقوله كل ده علشان غنيت مستغرباكم بجد عادى يعنى وبعدين لو بحب فهو الجمبري الهيتعمل النهارده

حياة عاوزه احلى تشكيله بدعى بس ونبى مش انتى التطبخى اشرفى بس ههههههه

جاسر :هههههه أيوه ونبى يا ماما أنا مش هفطر اوى علشان ادوس فى الجمبري الاسكندراني

أسر :أحم ماما زى ما قالولك ياريت اشراف بس

فؤاد : ليه بقى ماله أكل ماما دا دا دا احلى أكل فى فى الأكل ... وكتم ابتسامته

جاسر وروز وأسر :هههههههه

حياة :بقى كده ماشى

تعرف يا فؤاد أنا مش هزعل منهم علشان هما عيال إنما بقى أنا زعلانه منك اوى ومخصماك وقامت ...

الكل بيبص لبعض مستغربين هما كانوا بيهزروا ميقصدوش يضايقوها بعد شويه ....

حياة خرجت من اوضتها وبجديه لفؤاد

حياة : طلبونى فى المكتب ويمكن اتأخر ومستنتش يرد عليها ..

كلهم بيبصوا لبعض حسوا أنهم زودوها وكل واحد قام فى صمت

روز فى طريقها للنادى مستغربه اختها يعنى ده مش اسلوبها ولا طريقتها ليه زعلت

قالت لنفسها هبقى اكلمها كمان شويه تكون هدت

ووصلت النادى كالعاده جرت شويه واتمرنت اسكواش مش كتير مركزه فى الموبايل

وقالت لنفسها ... أكيد أول ما هيجى هيكلمنى بس هروح برضه استناه هناك يادوب لسه جايه تدخل الصاله

شهاب أول ماوصل النادى قال هروح الصاله الأول ولو ملقتهاش هكلمها ودخل متلقهاش طلع موبيله إجه يرن اتلقاها دخله الصاله بس

:فيروز احم فيروز

روز بصت وراها واندهشت شويه

أمير بفرحه : ازيك يافيروز عامله ايه

فيروز : الحمد لله أهلا بحضرتك

أمير بكدب : اتفاجأت جدا بيكى فقلت لازم أسلم عليكى

طبعا هو بقاله فتره بيحاول يعرف عنها كل حاجه

واول حاجه كانت النادى فشترك مخصوص علشانها رغم اشتراكه رقم مبالغ فيه جدا بس بالنسباله كله يهون علشان فيروز

فيروز : اوكى عن إذنك

أمير : طيب ممكن نشرب حاجه مع بعض

فيروز :سورى عندى تمرين عن إذنك ودخلت

أمير فى نفسه قال مش مشكله بس اهى خطوه وربنا يسهل

شهاب طبعا شاف أمير وهو واقف مع روز اتجنن وكان رايح لعندهم بغضب وقفته بنت من الفى الصاله

البنت بدلع : هاى ياسيادة المقدم كنت عاوزه اطلب منك طلب

شهاب بأستغراب منها ومن طريقتها وعينيه على روز : طلب ايه

البنت على نفس دلعها الأول أعرفك بيا أنا ماهيتاب بس قولى ماهى ومدت أيديها وده كان ساعه أما روز استأذنت من أمير

شهاب بعد نظره عن روز

وبص لمهيتاب ومد ايده بأبتسامه وسلم عليها : أهلا ماهى اسمك حلو هو ميعرفش عمل كده ليه

روز طبعا شافته مبتسم والبنت الولقفه معاه بتضحك بصوت عالى دا غير لبسها اضايقت جدا

رفعت نضارة الشمس ..

خصوصا وهيا شيفه ايديهم فى ايد بعض وحست بضغطت البنت على ايده

شهاب فضوله خلاه يبصلها يشوف رد فعلها ومخدش باله من البنت المسكه أيديه ومسبتهاش وبتضحك اوى شاف نظره عينيها على ايده

وبصتله بغيظ ومن غير ولا كلمه راحت وقفت فى مكان التمرين

شهاب بضيق من البنت سحب ايده واجه يمشى

ماهيتاب :ها ياسيادة المقدم قلت ايه

شهاب اصلا هو مسمعهاش : فى ايه

ماهى :فى أنك تمرنى فى الوقت التحبه والميعاد اليناسبك وطبعا اسلوبها فى الكلام وطريقتها وصله قصدها

شهاب :امرنك

بصلها بسخريه وسبها ومشى

ماهى بصوت عالى : سيادة المقدم شهاااب بصلها : ممكن سلفى

وضحكت وفى لحظات كانت مقربه ليه وايديها حوليه ولقطت السيلفى : ميرسي لزوقك نبقى نتقابل ومشت

شهاب اضايق جدا وفى نفسه معقوله فى كده ومشى روز طبعا وصلها صوت البنت وشافت الحصل حست بغيظ رهيب

شهاب شفها بتبص عليه

وأول ما راح ادتله ضهرها وبتلبس الجونتى شهاب فى نفسه لازم اعرف الزفت ده كان واقف معاها ليه وهيا اصلا ليه تقف معاه المفروض اصلا معدتش تشتغل معاه اووووف

روز راحت عند مكان السلاح ومسكته

شهاب من وراها : ازيك ياروز عامله ايه

روز وهيا مدياله ضهرها : كويسه

شهاب عاوز يعرف ايجابات لاسئلته بس مالها متغيره ليه ممكن يكون الزفت ده ضايقها

اتلقاها راحت مكان التصويب وبتبتدى التمرين راح وقف وراها وبيبتدى يدلها بعض التعليمات روز مش مركزه بتغلط كتير متعصبه على السلاح وده واضح

شهاب :روز فى ايه ركزى شويه

روز بصتله بعصبيه وفى أيديها السلاح موجهاه عليه : أنا مركزه جدا اوكى

شهاب بص للسلاح

وبصلها مش فاهم انزعجها المفروض أنه مضايق منها بس فيها حاجه غريبه الأول يمتص عصبيتها وبعدين يعرف مالها : اوكى بس إيدك محتاجه ترتاح شويه ومسك السلاح منها

روز مسكاه جامد

شهاب بصلها عشان تسيبه

سبته بغيظ

شهاب : جايه من زمان

روز :أيوه بس على الصاله هنا تقريبا وأنت واقف مع البنت دى

شهاب بعفويه : آه

روز بتسرع : هو ايه الآه اقصد يعنى انت مش قولتلى انك هتتأخر وطالما متأخرتش ليه لما جيت متصلتش تعرفنى

اجه يتكلم

روز .. اه بس هتعرفى امتى وحضرتك كنت مشغول مع البنت دى

شهاب بيحاول يستوعب كلامها وسبب انفعالها لنفسه مش قادر يصدق معقوله غارت : لو كنت جيت ومتلقتكيش أكيد كنت اتصلت عليكى

روز :بجد مهو حضرتك جيت ومتلقتنيش آه بس يمكن اتلبخت بحاجه

شهاب كل ما تتكلم بيصدق احساسه اكتر حاول يكون طبيعى عاوز يشوف غيرتها أكتر واكتر : آه فعلا ماهى كانت عوزانى فى حاجه

روز بصتله بغيظ وقلعت النضاره الشمسيه وشاف غيره مليه عينيها الزرقه جننه منظرها ومش عارف المفروض يمتص غضبها ازاى زى ما هيا جديده فى المشاعر والحب ومقدرتش تسيطر على نفسها انا برضه انتى بالنسبالى حبى الاول حب عمرى

روز :ماهى والله اسمها ماهى اوكى اوى

شهاب بتفكير يحاول يستوعبها ويفهمها أنه اصلا ميعرفش البنت دى : مش عارف اتلقتها بتعرفنى بأسمها و

روز : آه يعنى انت متعرفهاش وبتسلم عليها

شهاب بص قدامه ورجع بصلها : آه تقريبا ساعه لما جيتى هو انتى مشيتى على طول ليه

روز بسخريه وصلتله : معلش اصلى محبتش اضايق ماهى اصلها كانت بتسلم بضمير اوى وبصت قدمها ...

شهاب أفتكر فعلا طريقتها وفى نفسه يخربيتك ياماهى اتصرف معاها ازاى على قد ما فرحان بغيرتك على قد منا مش عارف أتصرف دلوقتي ازاى

وبصتله وكملت ... دا غير السيلفى واحضان السلفى

شهاب اووووف طب وانا ذنبى ايه مش هيا الفجأتنى وعملت كده وانا بعدتها على طول إجه يتكلم سبقت هيا

روز :طبعا انت حر بس أكيد مش صح كده يعنى

يعنى المفروض أنك عارف أنه حرام وميصحش بس فى الأول والآخر انت حر

ودت وشها الناحيه التانيه

شهاب أبتسم عليها مش مصدق دى روز المن شهور بسيطه قالتلى مش عاوزه أتعامل معاك معقوله لازم افهمها أن البنت فجأتنى

ووتليفونه رن وكان محسن

روز بصتله قالها محسن ورد

محسن :فات أكتر من ساعه ونص وأنت قولتلى ساعه وعقبال ماتيجى كانوا بقوا ساعتين خف شويه وابقى اعوضهالك

شهاب :تمام

وقفل ....

وبيبص لروز عاوز يقولها أنه لازم يمشى وهيبقى يكلمها بس هيا سبقت

روز فهمت أنهم عاوزينه فى الشغل اتغاظت : على فكره أنا برضه اتأخرت ولازم أمشى وسبته ومشت خطوتين ورجعت

هو مبرقلها حس أن فى مصيبه من نظرتها

روز : فين الشوكولا

شهاب :ايه

روز حطت أيديها على وسطها بغيظ : ايه نسيت الشوكولا بتاعتى

شهاب مبرق وبتلقائيه طلع الشكولاتة من جيبه وادهلها

خدتها ومشت

شهاب بصلها شويه وبص الناحيه التانيه ضحك وضحك اوى ... روووز يامجنونه بعشقك

اتنهد ... بس شكلك ميطمنش ههههههه حبيبتى هخلص شغلى واكلمك

واوضحلك الحصل

فيروزتى بحبك

---------♡♡♡♡♡

فؤاد أستغرب رد فعل حياة هما كانوا بيهزروا كان مضايق من أن حياة زعلت بالشكل ده فتلقائيا لبس وراح لها وفى طريقه جبلها ورد مميز شبها أول ما وصل أكيد دخل على طول شفها مشغوله ومركزه فى شغلها هيا مكنتش واخده بلها منه راح لعندها وحط الورد على المكتب

حياة اتفجأت من الورد وبصتله كانت جايه تبتسم افتكرت الحصل : أهلا ياسيادة العقيد ايه نسيت تقول حاجه فى البيت وجاى تقولها هنا

وبصت على الورد اتلقت كارت فضولها خلاها تفتحه وتشوف مكتوب فيه ( بحبك ) قفلت الكارت وسكتت

فؤاد :مردتيش ليه

حياة :أرد على ايه

فؤاد :بحبك

حياة بصتله وبزعل مصتنع : بجد وعلشان كده كنت مع الولاد عليا ها يا فؤاد طول عمرك فى صفى آه معلش أنا عارفه انى مش بعرف اطبخ بس برضه عمرى ماقصرت فى الإشراف علي الأكل وديما كل حاجه مظبوطه

فؤاد قرب منها ومسك أيديها وبسها : حبيبتى احنا كنا بنهزر مش أكتر واكيد عمرى ماهنكر مجهودك الواضح جدا

حياة بمراوغه : أضحك عليا بكلمتين

اصلاً حياة مكنتش زعلانه هيا اتفجأت برد فؤاد ففنفسها قالت تعمل زعلانه وتشوف رد فعله وهيقعد اد ايه لما يجى يصالحها رهنت نفسها انه ممكن يستنى ساعتين او تلاته بس معداش اكتر من ساعه هيا شفته فى الشاشه وهو جاى عملت نفسها مركزه فى شغلها

وقالت تكمل خطتها

فؤاد :أنا أضحك عليكى معقوله شكه فى حبى ليكى

حياة فى نفسها .. آه منك يا فؤاد فثوانى عاوز تقلب الطربيزه عليا بس على مين فعملت نفسها متأثره والدمعه هتنزل منها : مهو أنا علشان عمرى ما شكيت فى حبك ليا مكنتش منتظره منك تعمل كده

فؤاد صعبت عليه حياته اوى معقوله زعلها كده بس هو أنا عملت ايه لكل ده مش مهم كل اليهمنى دلوقتي أن حياة قلبى متكنش زعلانه :حبيبتى أنا بجد آسف أنا بعشقك يا حياة والله مقصد ازعلك وباس أيديها الاتنين وبأديه رفع وشها حبيبتى حقك عليا وبسها من خدها

حياة بتظاهر بتمسح الدمعه المنزلتش أصلا : أنا بحبك اوى .. وابتسمت

فؤاد أبتسم : لسه عندك شغل

حياة ابتسمت : تقريبا خلصت

فؤاد :ايه رأيك نخرج الجو حلو ومن زمان مخرجناش وقت الضهريه

حياة :اوكى

وجت فى دماغها فكره وابتسمت بأنتصار

------------♡♡♡♡♡♡

نوران بقلها فتره بتحاول تلفت نظر عمرو ليها مفيش أى نتيجه وبتفكر كتير فى كلام تامر الصاوي

بتخاف وتبعد بس بقت تحس أن نسرين بتقصد تضايقها وفعلا نسرين لما عمرو بيشكر فى شغل نوران واد ايه ممتازه فى شغلها وحتى قالها بعد ما مها تيجى هيجدد عقد نوران وهتكون بشكل دائم فنسرين بتقرب جدا من عمرو بشكل ملحوظ فى وجود نوران وزى ما يكون بتعرفها أن عمرو ملكيه خاصه ممنوع الاقتراب وده بيضايق نوران جدا وبيخليها تحاول تلفت نظر عمرو بس ولا مره استجبلها فجت فى دماغها فكره وقالت مش هينفع تنفذها غير لما نسرين تكون مش موجوده فى الشركه....

-------------♡♡♡♡

روز من ساعه ما وصلت اوضتها وهيا بتكلم نفسها متغاظه من تصرف شهاب وبروده وبتبرر لنفسها

أنها مضايقه علشان تصرفه حرام مش أكتر

وبعد وقت افتكرت أن النهارده ميعاد جلسه أميره وبالنسبالها اخر يوم ليها فى زومبا فقالت تعمل العليها وتتصل بأميره مع انها حساها متغيره ومش بتكلمها خالص الفتره الاخيره واتصلت

عند أميره جيرمين وشرين مش بيسبوها خالص ولما روز رنت عليها كانت معاها جيرمين وحاولت تلهيها علشان متردش بس أميره استأذنت منها وردت

أميره :الو ازيك ياروز عامله ايه

روز :الحمد لله كويسه ازيك انتى

أميره :كويسه سورى ياروز الفتره الفاتت كنت مشغوله شويه

روز :ولا يهمك المهم أنك كويسه مش فى ميعاد جلسه انهارده

أميره :أيوه افتكرتك نسيتى ميعاد الجلسة وكنت هكلمك

روز :أكيد حاجه تخصك هتكون مهمه بالنسبالى ها على ميعادنا

أميره : ميرسى ياحبيبتى على اهتمامك اوكى على ميعادنا

روز :حبيبتى ياميروا اشوفك على الميعاد سلام عليكم

جيرمين سمعت المكالمه وقالت لشرين ومفهمتش جلسه ايه دى وراحت عند أميره لقتها بتجهز نفسها

شرين :هو انتى خارجه

أميره :أيوه

شرين :راحه فين

أميره بتوتر : خارجه مع روز

شرين :روز وراحين فين

أميره :اييييه أصل

شرين :أصل ايه متقولى يااميره ولا خلاص مبقتش أختك وحبيبتك طيب اهئ اهئ

أميره :ازاى تقولى كده ياشرين هو أنا ليه اخوات غيرك

وجرت عليها وحضنتها

شرين ابتسمت بأنتصار

أميره شهاب قالها قبل كده متقولش لشرين على موضوع الجلسة بس عاطفه أميره غلبت عليها :أصل أنا بقالى فتره بتابع عند معالج نفسى يعنى انتى عارفه موضوع التوتر والخوف ف------ حكتلها من أول ما روز عرضت عليها الموضوع

شرين فى نفسها وأنا أقول بقيتى بتفهمى :معقوله يااميره ازاى تعملى حاجه زى دى وتوافقى

ها البنت الاسمها روز دى مش سهله واكيد معرفه أسر ودلوقتي ياعينى بيقولوا عليكى أن عقلك تعبان ومش بعيد صعبتى على أسر وعلشان كده خطبك

أميره :لاء طبعا ياشرين انتى بتقولى ايه وبعدين ده معالج مش دكتور الموضوع مختلف جدا و حتى لو دكتور برضه مش شرط والموضوع مالوش علاقه بحاجه فى العقل مجرد حاجه نفسيه والعلاج بسيط

شرين بمراوغه : حبيبتى أنا مقصدش اضايقك أنا أهم حاجه عندى مصلحتك وانك تكونى مبسوطة وبعدين ليه هيا التوصلك انتى اختى انا وانا الهوصلك واستناكى يا قلبى

أميره :ملوش لزوم فيروز هتفوت عليا

شرين :بقولك ايه أنا هغير بسرعه تكونى انتى كمان لبستى واحنا فى العربيه تبقى تعتزرلها وسبتها من غير ما تسمع ردها وبعتتلها جرمين تتظاهر أنها بتساعدها بس علشان خاطر متكلمش روز

وفعلا ده الحصل وهما فى العربيه

أميره جت تتصل

شرين شغلت مزيكا عاليا وبترقص وهيا بتسوق أميره قالت لها توطى شويه علشان تكلم روز قالت لها ابعتلها رساله وأعدت تضحك وتغنى

عند روز كانت تقريبا وصلت سمعت صوت رساله فتحتها لقتها من أميره (سورى ياروز شرين هتوصلنى هبقى اكلمك 😘)

روز ابتسمت بسخريه وغيرت اتجاهها ..

شرين مكنتش اعرف أن تصرفك طفولى اوى كده

روز معتقده أن شرين أخده منها موقف علشان خاطر قربها من أميره يعنى غيره بسبب القرب ده مش أكتر

وراحت درس الزومبا طلعت كل الطاقه السلبية العندها بدايتها من موقف شهاب وقبلها أختها وزعلها

رنت عليها كتير وبعتتلها رسايل مش بترد واخيرا موقف أميره

----------------&&&&&&&

نجلاء بعد تفكير طويل عرفت أن مفيش مفر ومصيرها خلاص اتحدد قالت لنفسها عبده ملقاط عنده حق وبدل ماتعبى يروح لشوقى أنا أولى بيه وراحت لملقاط واقفه عند باب الشقه حست بخوف إجت ترجع على اد ما ملقاط فتح الباب

ملقاط :أهلا بالجميل كنت متأكد أنك هتيجى ووسع .. وبأيديه بيقولها اتفضلى

دخلت بتوتر

كمل اقعدى مالك خايفه ليه

نجلاء بتوتر : لا أبدأ مفيش بس أصل

ملقاط :لا بس ولا أصل جيتى ومعروف سبب جيتك يعنى موافقه على كلامنا

نجلاء :بس الأول تخلصنى منهم

ملقاط :كلها كام يوم وهورطهم فى مصيبه متقلقيش

نجلاء :هو انت مش هتموتهم

ملقاط :ههههه اموتهم ليه هركليز شريره انتى يانجلاء

نجلاء :امال هتعمل أيه

ملقاط :انتى عاوزه تخلصى منهم وأنا هخلص بطريقتي ملكيش فيه بقى كلها يومين والمطلوب هيتم

نجلاء :يومين لاء استنى لما اقولك

ملقاط :ليه بقى رسينى على الحوار

نجلاء :ايييه فى حوار كده عاوزه رجب يخلصه الأول

ملقاط بيلعب بأديه فى دقنه : ايه الحوار اخلصى

نجلاء بلعت رقها : واحده صاحبتى بيلعب عليها وعوزاه يخلص معاها قبل ما تعمل فيه حاجه

ملقاط :ههههههه مش بقولك شريره تمام وقت ما يخلص عرفينى واهو يمكن بعد كده تبقى صاحبتك زميلتك فى القار

نجلاء بتفكير وفرحه : بجد ياريت

ملقاط بصلها من فوق لتحت برغبه : طب خلينا فى المهم وقام ومسك ايديها

نجلاء خافت : فى ايه

ملقاط شدها من أيديها : مالك متخافيش اوى كده تعالى معايا ودخلها الاوضه البتدخل فيها مع شوقى وقرب منها

نجلاء بتبعد : هو مش انت قولت

ملقاط :قولت ايه هو مش لازم اعاين البضاعه قبل ما تنزل السوق ونشوف الإمكانيات تستاهل ولا لاء ههههه بس شكلها تستاهل وقرب اكتر واكتر

نجلاء بتقاوم بسيط

ملقاط : اهدى كده عشان متعوريش نفسك وبعد وقت

ملقاط : لاء تستهلى يانوجه طلعتى جامده اوى بس محتاجه تتعلمى شويه حاجات عشان زى ما هما مدمنين الكيف يدمنوكى ويروقوا عليكى فلوس

نجلاء ساكته مش عارفه هيا مضايقه ولا عادى مبقاش يفرق معاها حاجه

ملقاط كمل يلا يانوجه تلحقى تمشى عشان عندى مشوار

قامت لبست من سكات ومشت

----------------------&&&&&&&

شهاب فى مكتبه تلقائياً كل شويه بيتلاقى نفسه بيضحك مش مصدق الروز عملته وقد ايه كانت غيرانه حس أنه مالك الدنيا كلها

اتنهد بس دى المفروض أفهمها ازاى الحصل وانى مقصدش

ابعتلها رساله دلوقتي وبليل اكلمها تكون هدت شويه مع ان مش عاوزها تهدى هههههه وكتب رساله (أكيد أنا عارف أنه ميصحش وحرام بس أنا مليش ذنب ولو كنتى ركزتى كنتى عرفتى انى بعت عنها أول ما قربت لأنها فجأتنى هكلمك لما أخلص شغل 🌹)

روز فى عربيتها خلصت درس الزومبا وفى طريقها للبيت سمعت صوت الرساله وفتحتها ولنفسها بجد فجأتك يا سلام بأمارة ايه وتكلمنى ليه اصلا لاء وكمان بعد ما تخلص شغل مع أنك كنت المفروض تكلمنى مش تبعت رساله

وبعدين اصلا انا كنت نسيه الحكايه دى

واصلا ولا على بالى آه ياشهاب ولا على بالى ولو كلمتنى مش هرد أو هرد بس مش هصدقك مهما تقول بس كده

اممم بس ابتسمت ولنفسها حلوه الورده وبرضه يعنى لفته حلوه انه بيبررلى الحصل يعنى مهما كان احنا يعتبر بقينا قرايب ويمكن محبش انى اخد عنه فكره وحشه اوكى

وصلت البيت وده فى نفس وصول أسر وجاسر قبلوا بعض وبتسائل لبعض أنهم كلهم كلموا حياة مش بترد واتفقوا أنهم يعتزرولها جميعا ودخلوا سألوا عليها

قالوا الهانم اتصلت وجايه فى الطريق هيا وفؤاد بيه

روز :اوكى يا داده جهزى السفره بقى واحلى تشكيله جمبرى من ايديكى انا اديتك الاكلات المعينه الهتعمليها بالوصفات بالظبط ههههههه مش هسمح بأى غلطه

داده صفيه :ها آه بس الهانم قالت لما تيجى

روز :اوكى أكيد هنستناهم بس قصدى تظبطى بس

جاسر :آه والنبى ياداه أحسن عصافير بطنى صوصوت

أسر :ومين سمعك اليشوفنا واحنا بنستعجل علشان نيجى يقول عندهم مصيبه

جاسر :ههههههه اسكت ولا لما كنت قاعد مع المقدم شهاب وانا بقولك يلا مستنينا فى البيت الوضع ميستحملش التأخير هههههه

أسر :المقدم شهاب قلق وقالى خير معرفتش أرد وقولتله أن ماما مش بترد علينا واحنا قلقانين وجيت استأذن

جاسر :لا والراجل طلع طيب وقال أنت لسه هتستأذن يلا بسرعه ههههههه ميعرفش الفيها

روز تلقائيا ابتسمت مش من كلامهم بس لما جت سيرته الابتسامه اترسمت على وشها متعرفش ليه ومركزتش عشان اتفجأت بحياة وفؤاد داخلين عليهم

حياة بضحك بصوت لفؤاد : ميرسي ياروحى على الغدوه الحلوه دى

فؤاد :حبيبتى وافقى انتى بس وانا هغديكى بره كل يوم

حياة بصوت عالى شويه من غير ماتبص لحد : حبيبى تسلملى يارب بجد من احلى اكلات الجمبري الاكلتها لازم كل فتره انا وانت بس نروح نتغدى هناك

واه اخدت بالك أنه جمبرى اسكندرانى ههههههه

روز وجاسر وأسر قاعدين على السفره سمعين الحوار ومستغربين بيتكلموا على ايه دول

فؤاد بيبص نحيه الولاد وبص لحياة :طب ياحبيبتى متتأخريش عليا هستناكى فى اوضتنا

حياة :داده صفيه ياداده

صفيه :أيوه ياهانم

حياة :فين الغدا الجبته معايا وانا جايه

قدميه للأساتذة

روز ابتدت تفهم دخلت عليهم صفيه ببيتزا بالجبنه فقط وحطتها على السفره قدام كل واحد

حياة :بالهنا علشان تبقوا تألسوا كويس

وضحكت

جاسر فتح علبته : ايه ده يا ماما طب مجبتهاش بالفراخ ليه

أسر :جبنه يا ماما انتى عارفه انى مش بحب الجبنه

وبعدين احنا كنا بنهزر واتصلنا كلنا على حضرتك نعتزرلك ومردتيش

حياة :بجد والله معلش مخدتش بالى وآه مفيش غير جبنه إذا كان عاجبكوا

جاسر :عجبنا عجبنا أهو احسن من مفيش

حياة ضحكت بصوت عالى

وبصت لروز الأستغربت هدؤها وبتاكل وهيا مبتسه للحظه خافت هيا عارفه أختها كويس واكيد حركه زى دى مش هتعديها كده

روز مبتسمه ولنفسها حبيبتى يا حياة الشاطر اليضحك فى الآخر

وغنت سلافى بدندنه بسيطه

حياة اتوترت

جاسر :سلافى على ايه ياروز وأنا الكنت سانن سنانى

روز بتكمل غُنه والابتسامه على وشها

حياة سابتهم ومشت بقلق ... ياترى ياروز بتفكرى فى ايه أختى وعرفاكى مش سهله ومتأكدة أن هيكون ليكي رد فعل ياترى ايه ياترى ايه

-------------♡♡♡♡♡♡♡♡

ماتفجؤنى وتقولولى ياترى ايه الهيحصل دمتم فى راعيه الله وأمنه 😘

متابعه على الواتباد

والسلام عليكم ورحمه الله وبركاته 😍❤❤ عرض أقل