رواية صراع العقل والقلب الفصل الثاني 2 - بقلم كنزي علي

بقلمى كنزى على ♡

♡صراع العقل والقلب

اللهم صل وسلم وزد وبارك على سيدنا محمد وعلى آله وصحبه وسلم أجمعين ❤❤

أستغفر الله العظيم وأتوب إليه ❤

لا حول ولا قوه الا بالله العلي العظيم ♥️

عدى كام يوم .... وجاء الخميس على الغداء فى قصر البحيرى

على مائدة الطعام

فؤاد وحياة وأسر وجاسر

وانضمت ليهم روز بعد روجعها من الكليه

فؤاد: ها ايه الأخبار مفيش جديد برضه

أسر :للأسف لاء كل مانحدد مكان الخليه فجأه فص ملح وداب

جاسر: أكيد فى حد من جوه الجهاز بيبلغهم بالأخبار أصل مش معقول أكتر من شهر تقريبا كل مانحدد مكانهم يهربوا

فؤاد: وده الأجه فى بالى بس صعب نعرف مين عمتا احنا نعمل العلينا والباقى على ربنا

حياة:ونعم بالله طول ما انتوا على حق ربنا هينصركوا إن شاء الله

جاسر:سكته ليه ياروز

روز :ابدا ربنا يوفقكوا

جاسر:طب ها مش هنخرج نفك شويه من جو التوتر ده وانتى كمان الدراسه بدأه بقالها شهر ونص ومخرجتيش ولا ايه ياأسر

أسر : آه فعلا ياروز والنهارده الخميس وبكره أجازه ايه رأيك

روز بتفكير ( روز عندها لازمه لما بتفكر أو حاجه مش بتعجبها بتحرك لسانها حوالين شفيفها من جوة ايوه زى ما انتوا عملتوا كده بالظبط

ودى الزمه بتاعتها وياريت لما اقول لزمتها تبقوا عارفين اقصد ايه ) عملت لزمتها : اوووكى

حياة: هتروحوا فين.

جاسر : ايه رايكوا فالمكان..... وكمان فى صاله بولينج وضحك

طبعا يقصد روز لانها مش بتعرف تلعب اللعبه دى وبتستفزها

روز مش بتحب لعبه البولينج هيا بس مش بتحب تكون فى لعبه متعرفش تلعبها ودا البيخليها تلعبها كتير

أسر وحياة ضحكوا

وروز بصتله بعيظ وبعدين ... ضحكت

جاسر:هههههههه طالما ضحكتي يبقى تمام ايه رايكوا على الساعه 7 نكون جاهزين.

أسر وروز:اوكى. تمام

خلص الغدا

وروز راحت غرفه المعمل وهيا فى الجنينة فيها كام جهاز وبعض المواد الكيمائية البتستخدمها فى شغلها

روز واخده دبلومه فى طب النبوى والأعشاب فبتعمل مكس بين الكيميا والأعشاب

وبتعمل ادويه خاصه بالبشره والشعر ومنتجاتها نزله السوق وليها اسم

وطبعا ده من خلال شركه الشامى للأدوية والمواد التجميلية

الغرفه فيها جهاز شفط الهواء الغير نقى على اعلى مستوى لانها عندها حساسيه من الدرجه الأولى البخاخه مش بتفرقها ....

----------------------------------

فى قصر عمرو البحيرى

يتميز القصر بالطراز المودرن والكلاسيك الحديث عمرو رجل أعمال كبير وليه اسمه فى عالم الإستثمار كانت الشركه اثناء وجود والده ليها اسمها ومكانتها

وبعد وفاه والده تولى الشركه و اصبحت من اكبر الشركات الاستثماريه والمعماريه مش بس فى مصر دا فى الشرق الأوسط كله حياة وروز ليهم النص فيها

حياته الاسريه هادئه نوعا ما هو شخصيه عمليه من الدرجه الاولى ملوش فى الرومانسيات اوى

وطبعا ده التاعب نسرين زوجته فى حياتها نسرين حاولت كتير تكون العلاقه مع جوزها وحبيبها زى علاقه حياة وفؤاد بس لا هيا حياة ولا هو فؤاد

المهندس عمرو البحيرى وهو الأخ الأوسط حياة وفيروز بيعتبرهم مش أخواته دول روحه وحبايب قلبه وخصوصا فيروز ديما بيكون قريب منها لأنها اتحرمت من والديهما وهى عندها11 سنه فى حادثه كبيره وكانت فيروز معاهم للاسف

وتعرضت لأزمه نفسيه هنعرف بعد كده ايه هيا الحادثه الفيروز التعرضتلها

عمرو البحيرى من كبار المهندسين وكبار رجال الأعمال ويملك مجموعه شركات البحيرى جروب وحياة وفيروز شركاء معاه لانها فى الأصل ملك عبد القادر البحيرى بس طبعا مع تطوير كبير من عمرو أصبحت من اكثر شركات الاستثماريه والهندسيه فى الشرق الاوسط يبلغ من العمر 40 عاما متزوج من

نسرين الشايب سيده مجتمع تبلغ من العمر32 عاما ولديهم ولدين توئم فى عمر 10 سنوات وهما عمر ويوسف وهما فى مدرسه ألمانى نفس المدرسه الكانت فيها فيروز

قريبين من عماتهم وبيحبوهم جدا وعلاقة أمهم بأخوات جوزها بقت سطحيه بعد وفاه والدين زوجها ولكنها علاقه محترمة...

على مائدة الغذاء عمرو مش كتير بيتواجد على الغداء معاهم بسيط جدا يومه على طول مشغول...

يوسف: أخيرا يا بابا بقالك فتره كبيره مش بتتغدى معانا

عمر:فعلا يا بابا بتوحشنا وبيوحشنا وجودك معانا

عمرو بعمليه : انتوا عارفين شغلى واخد كل وقتى

وبعدين أى وقت بفضى فيه بكون معاكوا.

نسرين : معانا هو فين ده المعانا مره كل شهر على غدا وعشاك كله عشا عمل حتى الفطار مش بيكمل عشر دقائق وتجرى.

عمرو بصلها كتير بنظره ازى تكونى مش فاهمه شغل جوزك واد ايه هو مشغول ولازم تراعى ده

وهيا بدلته نظراته بأنها قالتله ياااه بعد كل ده ومش مقدره

واخدت نفس كبير وخرجته على فترات طبعا حدثهم ده كان فى النفس فقط بس عشرتهم مع بعض خلتهم يفهموا كتير بعض

شويه وعمرو بص لأولاده.

عمرو: معلش باباكوا مش أى حد لما تكبروا وتتخرجوا وتشتغلوا معاه أكيد هيبقى متواجد معاكوا أكتر.

نسرين : على فكره ياباش مهندس مش ضرورى أن أولادك يدخلوا هندسه زيك أكيد كل واحد فيهم ليه كاريره الخاص بيه ولا هو إجباري زى حاجات كتير فى حياتنا ...

عمرو بص لأولاده وبعدين بصلها

عمرو بأستنكار :اجبارى! يا ترى بقى انتى عارفه أولادك حابيبن يدخلوا ايه

وكاررهم ايه

نسرين سكتت ومتكلمتش هيا عارفه وهو عارف أنهم بيعتبروه مثلهم الأعلى وديما يقولوا أنهم عاوزين يدخلوا هندسه زى باباهم ويشتغلوا معاه نسرين أعصابها تعبانه من تجاهل عمرو ليها فحبت تفتح حوار معاه بس للاسف زعلها وتجاهل جوزها ليها خلاها عصبيه وبقت تغلط ودى مش أول مره وهيا عارفه أن جوزها مش من الشخصيات البتعدى الغلط كتير اه ممكن يعدى ويتجاهل بس وقت العقاب بيعاقب عقاب يوجع وهو التجاهل والخصام ودى أكتر حاجه بتزعلها منه لأنه كده بس معاها غير مع أخواته خالص ليهم كل الحب والضحك والهزار والاحتواء الهيا مفتقداهم معاه وغصب عنها ابتدت تبعد عنهم لأنها بقت بتحس بالغيرة من نحيتهم بس لا يمنع أنها بتحبهم وبتحترمهم لأنهم شخصيتين يتحبوا ويجبروا الكل يحترمهم ويقدرهم.....

خلص الغدا والأولاد راحوا يذكروا

وعمرو دخل المكتب يخلص شغل

نسرين راحت تعمله قهوتة على الريحه البقت بتحبها من كتر حبها لجوزها راحتله المكتب خبطت خبطه خفيفه

ودخلت حطت القهوة على المكتب

نسرين: اتفضل

عمرو: تسلم إيدك...

لقاها وقفه ساب الفى ايده :فى حاجه

نسرين : أنا مقصدش اضايقك يعنى مجرد مناقشه وعمتا سورى

عمرو بصلها شويه وبعدين بص على الورق العلى المكتب : حصل خير آه أنا نازل كمان ساعه وهتأخر

نسرين فى نفسها .... ياترى هيتأخر فين ومع مين وهيعمل ايه وطبعا لو سألته هيقولى شغل شغل اووووف

عمرو لاحظ أنها لسه وقفه ومتحركتش : فى حاجه يا نسرين

نسرين فاقت من شرودها هااا لا ولا حاجه وخرجت.

نسرين كل تفكرها أن جوزها مش بيحبها واكيد تأخيره بره مع واحده غيرها وكتير بتفاجأه فى الشغل وبتكون معاه كتير فى عشاء عمل بس عمرها ما مسكت عليه حاجه وبتقول ان ده من ذكائه.....

شهاب فى بيته بيكلم محسن صاحبه ورفيقه من ايام الكليه هو مش من نفس الطبقه الاجتماعيه والمادية

طبقه فوق المتوسطه وخاطب مروه المطلعه عينه وديما بصه لفوق ودا التاعب محسن فى حياته هما جيران

مروه سنها 28 سنه

ومحسن 31 سنه مقدم وليه اسمه بس مش زى شهاب.

شهاب: ايه يا محسن كل ما اكلمك اتلقيك ويتنج أرحم نفسك شويه

محسن:يا عم ارحمنى من عينك دى والله كنا بنتخانق كالعاده

وخد نفس وطلعه بصوت ... كان مالى ومال الارتباط والله ما فى أحسن منك لا مرتبط ولا نيله احم

وبعدين سكت وحب يغير الموضوع مقولتليش بتتصل ليه ما احنا لسه سيبين بعض ولا وحشتك هههههه

شهاب اضايق لما محسن قاله لا مرتبط ولا نيله أفتكر لما كان خاطب شرين والحصله من ارتباطه منها بس عارف أن صديقه ميقصدش وتقبل تغيره للموضوع : مش عارف زهقان ايه رأيك نخرج نفصل شويه

محسن : ياريت تمام هنروح فين

شهاب : ايه رأيك نقضيها بولينج

محسن : ههههه ماشى يا عم اللاعيب

شهاب: تمام على 7 هفوت عليك سلام...

محسن : سلام..