رواية صراع العقل والقلب الفصل الثامن والعشرون 28 - بقلم كنزي علي
♡
( الوتباد التفاعل ضعيف جدا الحلقه الفاتت ياريت التقدير يكون متبادل 🌹)
اللهم صل وسلم وزد وبارك على أشرف خلق الله سيدنا محمد وعلى آله وصحبه وسلم أجمعين ❤❤
لا إله إلا أنت سبحانك أنى كنت من الظالمين 💞💞
أستغفر الله العظيم وأتوب إليه 💞
أسر اتصل على أميره وقالها أنه منتظرها تحت وهيا نزله قبلت مامتها
سها:حبيبتى زى القمر بس ليه مخففه كده وندهت على الداده وجبتلها جاكت
أميره :مامى الجو حلو ملوش لزوم
سها :حطيه على إيدك ولو بردت البسيه
أميره بأقتناع : اوكى أسر منتظرنى بره باى
سها :باى ياحبيبتى
أميره متوتره أول مره تقابل أسر لوحدهم وتخرج معاه حاولت تكون هاديه
أسر اول ما شافها استغرب لبسها قربت منه بأبتسامه
أميره بتمد أيديها : ازيك يااسر
أسر بص لأيديها وبأحراج : أميره أسف
أميره سحبت أيديها بكسوف : سورى نسيت
أسر :أحم اتفضلى
وفتحلها باب العربيه
أسر بيسوق وفى نفسه ..مضايق من لبسها جرى ايه يااسر أنت مرتبط بيها وعارف أن ده هيحصل مقدرش ما يسألهاش : ليه لبسه كده
بصتله بأستغراب
اسر .. احم قصدى ليه مخففه اوى كده يعنى احتمال تبرد
أميره :هو أنا قولت الجو حلو النهارده وجبت الجاكت معايا احتياطي
أسر بص علي الجاكت وسكت وفى نفسه ماكنتى لبستيه أفضل
اخد نفس : تحبى تروحى مكان معين
أميره :اممم لاء يعنى التشوفه
أسر : فى كافيه حلو اوى نقعد فيه شويه وبعدين نروح مطعم ايه رأيك
أميره :اوكى
ووصلوا الكافيه بالصدفه قابل المقدم سيف وسلم عليه
اسر سيف بيبص على أميره وبعينيه بيسأله مين : اميره خطيبتى
سيف :بجد ألف مبروك ومتعزمناش
أسر: إن شاء الله يافندم بعد أسبوعين أميره أخت المقدم شهاب واكيد حضرتك معزوم
سيف : بجد
وبصلها اهلا وسهلا تشرفنا
ومد ايده يسلم عليها : ألف مبروك
أميره بتلقائيه وابتسامه مدت أيديها وسلمت عليه : الله يبارك فيك ميرسي
سيف استأذن
وأسر اضايق جدا أنها سلمت عليه
وده واضح وحاول يكون طبيعى بس أميره لحظت ده من بعد ما سلمت على طول وعرفت سبب زعلو وقعدوا على تربيزه
أسر :تشربى ايه
أميره :أسر أنا اسفه
أسر :على ايه
أميره سكته
اسر : على ايه يااميره بتتأسفى ليه
أميره بأرتباك : انى سلمت على المقدم سيف
أسر :وبتتأسفى ليه انتى عملتى ايه غلط تتأسفى عليه
أميره : أنت قولتى أنه غلط يعنى و
اسر قاطعها : أنا مقولتش أنه غلط قولت أنه حرام وبينتلك بحديث صحيح انتى بقى فى إيدك تخدى بيه أو لاء انتى واعيه كفايه لأتخاذ القرار
أميره :عندك حق وأنا اقتنعت بس نسيت يعنى الموضوع جديد عليه وهحاول بعد كده اخد بالى
أسر مصدقها لأن ملامحها وأسلوبها عفوي وطبيعى فأبتسم
ونده للويتر : تشربى ايه
وبعد وقت قضوا فى الكلام وتعرفهم على بعض أكتر
اسر : نقوم
اميره : اوكى
وقاموا وهما فى العربيه وصلوا المطعم بس قبل ما ينزل
أسر : ممكن تقبلى دى منى
اميره ابتسمت وخدتها منه وفتحتها كانت سلسله على هيئه فراشه صغيره بفصوص رقيقه جدا : الله حلوه اوى
اسر:أتمنى تكون عجبتك بجد لانها اختياري
أميره :بجد زوقك حلو اوى ميرسي ومسكتها بأيديها الاتنين وقربتها منه
فستغرب
: لبسهالى
أسر :بأرتباك ايييه
أميره :آه سورى معلش
أسر :لاء ابداً
وبأبتسامه .. ايييه ممكن احاول وخدها منها ولبسهلها وحاول من غير مايلمسها
اميره اتبسطت جدا ووجهت مرايه العربيه ليها تشوفها
اسر اتبسط لأنبسطها يمكن تكون اقل حاجه بمقارنه بالهيا لبساه بس حس أن فى حاجه بنهم اتكونت وأميره هيا الانسانة البيتمناها
اسر: ممكن تلبسى الجاكت الجو شكله برد
اميره ابتسمت ولبسته
اسر بصلها اوى : هو أنا مقولتلكيش أنك حلوه اوى
أميره اتكسفت وزاغت بعنيها
اسر عجبه كسوفها ووشها الاحمر
أميره بكسوف : هو احنا مش هننزل
أسر :هننزل بس الأول قوليلي أنا مقولتلكيش أنك زى القمر
أميره هزت رسها بلاء
أسر :بجد يااميره انتى حلوه وزى القمر
ويلا بقى احسن كسوفك ووشك الاحمر هيخلونى اتجنن
نزلوا وقضوا وقت ممتع ولطيف مع بعض ووصلها عند البيت
ساعه رجوع شهاب من بره
شهاب راح نحيه أسر وسلم عليه : ازيك يااسر اتفضل
أسر : شكرا يافندم مره تانيه
شهاب بيبص فى الساعه
فأسر : أسف يافندم لو الوقت اتأخر
شهاب :خالص يااسر بالعكس رجعتوا بدرى
أميره بفرحه ظاهره اوى على وشها : أسر محبش نتأخر أكتر من كده
شهاب اتبسط جدا لما شاف اخته فرحانه كده
أسر :بعد إذن حضرتك استأذن أنا
شهاب :اتفضل
شهاب حط ايده على كتف أخته
ومشى نحيه الجنينه : شكلك مبسوطه رحتوا فين
أميره :رحنا الأول كافيه وبعدين مطعم ومسكت السلسه وابتسمت أسر جابلى دى على زوقه حلوه ياابيه مش كده
شهاب بص عليها وشاف فرحه أخته : والله الولا أسر ده بيفهم فعلا حلوه اوى
وفى نفسه ... أنا ولا مره جبت لروز هديه طب مهى هتقولى ايه المناسبه اةةة ياروز
وانتبه لأخته
أميره :أسر إنسان كويس جدا ومتفاهم بصراحه حصل موقف كده وضايقه بس
قاطعها :موقف ايه
أميره حكتله على لما قبلوا سيف والحصل
شهاب فى نفسه عجبه رد فعل أسر وعقلانيته دا لو كنت مع روز وسلمت على حد بتهيقلى كنت هديت الدنيا
وبصوت لأميره : أهم حاجه متعمليش حاجه غير لما تكونى مقتنعه تماما
وفعلا أسر عنده حق أنا برضه هبتدى اخد بالى من موضوع السلام بالايد بص على السما الدنيا شكلها هتمطر
أميره :آه فعلا طب يلا ندخل بسرعه علشان منتبهدلش
شهاب أفتكر لما كان تحت المطره مع روز : طب ادخلى انتى وانا جاى وراكى
وفضل واقف لما المطره ابتدت
أفرد ايديك وبص للسما وادعى ابواب السما بتبقى مفتوحه اثناء المطر
وده كان كلام روز ليه
وتلقائياً عمل كده ودعى كتير أنها تحبه وتكون ليه ويبعد اى خلاف او سوء تفاهم يحصل ما بنهم
جوه القصر شرين كانت منتظره رجوع أميره بفارغ الصبر وفرحت اوى أنها رجعت بدرى وقالت فى نفسها أكيد اتخنقوا مع بعض وراحتلها تعرف الأخبار وبشماته مش واضحه
شرين : أميره حبيبتى عامله ايه
أميره بفرحه : كله تمام
بصى أسر جابلى ايه وبتوريها السلسله
شرين بخزلان وغيره حولت تداريهم : حلوه بس صغيره اوى ليه كده شكله بخيل
أميره :لاء خالص دا كريم جدا وكفايه أنها زوقه
شرين :زوقه هه مفتكرش تتلقيها زوق الاسمها فيروز واكيد قاصده تختارها صغيره كده
أميره :لاء ياشرين هو قالى أنها اختياره وبعدين هيكدب ليه انتى متعرفيش أسر قد ايه إنسان كويس جدا
اتنهدت حاسه أنى حبيته رغم مشفتهوش كتير بس حاسه أنه دخل قلبى
شرين مسكت السلسله بغيظ رغم أنها بسيطه بس عمر لا شهاب او غيره جبلها زيها او حتى اقل منها مقدرتش تقعد معاها أكتر من كده :اوكى هروح أشوف جرمين
--------♡♡♡♡♡♡
عند روز قضت وقت حلو اوى مع سامح وولاد اخوها ورجعوا بعد ما عمرو ونسرين نزلوا ومتلقهومش واتصلوا على روز وجتلهم واتفاجأوا بسامح ونسرين فرحت جدا بأخوها نسرين وروز راحوا الصبا وعمرو وسامح راحوا سونا واتقبلوا على العشا
نسرين :أنا فرحت اوى انى شفتك النهارده ياسامح مش بتزهق من الأقصر معقوله كل ده حب فيها
سامح :طبعا بحب الأقصر جدا فيها سحر خاص لازم تيجوا تقضوا يومين قبل الشتا ما يخلص بتبقى تحفه
نسرين :ايه رأيك يا عمرو نروح آخر الأسبوع
عمرو بص لسامح وضحك : جرى ايه ياسامح احنا مش شغالين فى السياحه وحياه الرفاهيه الانت عايش فيها ههههه أختك ما صدقت
نسرين :أخص عليك يا عمرو وفيها ايه
سامح ابتسم : فيها أن جوزك رجل أعمال كبير و معروف جدا والوقت عنده بحساب واكيد علشان يقضى اليوم معاكوا يبقى انتوا مهمين عنده جدا وحاول على قد مايقدر يوفره ليكوا
روز عجبها رد سامح على قد مابيهزر ويضحك بس عاقل فى بعض الأحيان فكرها بجاسر
سامح الشايب عنده 35 سنه أخو نسرين الكبير شغال فى السياحه مابين القاهره والاكتر فى الأقصر حياته مقتصره على الشغل والسفر ومش بيفكر خالص فى الارتباط
سامح :بس تعرف يا عمرو اتفاجأت بروز وبصلها مشفتهاش من زمان بصراحه ههههههه كنت فاكرها لسه عيله صغيره
روز بغضب مصتنع : نعم بتقول ايه
سامح :هههههه اصبرى التقيل جاى وراه
وبص لعمرو بس اتلقيت مودموزيل قمر ربنا يخليهالك
عمرو بص لأخته بنظره الأب وطبطب عليها : يارب
خلص اليوم وروز روحت مع عمرو الاصر أنها تروح بكره
طلعت اوضتها مبسوطه باليوم القضته مع اخوها ومراته وأولاده بتقلب فى الموبايل شافت صوره ليها مع اخوها ومراته واولاده وسامح
ابتسمت ونزلتها على الوتس وغيرت الحاله وكتبت احلى يوم قضيته معاكوا
سمعت صوت الشتا راحت ناحيه الشباك وفتحته ومدت أيديها وضحكت
وافتكرت لما الدنيا مطرت وهيا مع شهاب وشكله لما المطره نزلت على شعره منظره اترسم قدمها
بتهمس لنفسها حلو اوى فاقت لنفسها
واستغفرت
فى ايه أنا مش قصدى طبعا وآه أنا مش هنسى لما قفل فى وشى وكمان لما سلم على شرين وحضنها ها وانا مالى مايحضن اليحضنه ولا يفرق معايا هو اصلا ميفرقش معايا اه ياشهاب متفرقش
شهاب أول مره أقول شهاب أو يمكن قولت اسمه قبل كده بس أول مره اخد بالى من اسمه امممم اسمه حلو ومش منتشر آه مهو أول حرف من اسمه على اسم شرين وعملالى وشم بنت مستفزه وزى ميكون متحفزه نحيتى اوى بس هو مقفلش فى وشى هو قالى سلام بس منتظرنيش لما أرد آه مهى شكل شرين استعجلته وواضح اوى أنها مهمه جدا عنده مهمه ولا مش مهمه ولا يهمنى وقفلت الشباك وراحت تنام
----------------♡♡♡♡♡
وجاء يوم جديد ولم تشرق الشمس بسبب الأمطار والغيوم
عند شهاب حاسس أنه مضايق مشفش روز من يومين وكمان هو السبب فى كده نزل شغله فى ظل المطره الشوارع واقفه طلع موبيله بيقلب فيه فتح الواتس شاف الصوره الروز منزلاها إجه يبتسم شاف سامح اضايق جدا ولنفسه مين ده يمكن قريبهم لاء لو قريبهم كان إجه معاهم فى قراءة فتحت أميره احلا يوم قضيتيه وأنا قاعد بفكر ياترى زعلانه منى ولا لاء وبلوم نفسى انى اتسرعت وقولتلك انى مش هاجى النادى منا الغلطان تمام ياروز
وراح الجهاز وهو مش طايق حد حاسس أن عفاريت الدنيا كلها بتتنطط قدامه دخل مكتبه بيشتغل وكل شويه يفتح الواتس يشوف صورتها ويكبرها ويشوف ضحكتها ويجى يبتسم يشوف سامح واقف جنبها
فى نفسه واضح انك المصور الصوره يعنى هيا ادتلك الموبايل تصور مهو انت طويل واهبل
محسن دخل عليه قفل التليفون
شهاب :بتهيقلى فى باب تخبط عليه
محسن :آه منا خبط وسيادتك ولا هنا مالك شايط على الصبح ليه
شهاب :مفيش عاوز ايه
محسن :جيت انثق معاك للأجتماع المفروض بعد ساعتين
شهاب :تمام وقعدوا يشتغلوا أكتر من ساعه
شهاب زهقان وقرفان بيحاول يركز مش عارف وعاوز يطلع الموبايل يشوف صورتها برضه مش عارف
محسن :متركز شويه فيك ايه
غمزله ... الواخد عقلك
شهاب بيبصله بغيظ وساكت لأنه فاهم تلميحاته
محسن كمل أخبار زياره التعارف ايه
شهاب بيبصله بغيظ : كله تمام الخطوبه كمان أسبوعين مش محتاج عزومه
محسن :ربنا يتمم بخير واخبارك أنت ايه اتكلمتوا أكيد ظبتها
شهاب : ظبتها مهو قرك ده الجبنى ورا
محسن :هههههه ليه حصل ايه
شهاب:شرين رجعت
محسن :وايه يعنى انت مالك وملها
شهاب :مالى وملها ازاى وهيا راجعه أحضان ووحشتنى ولا كآن حصل حاجه وكل ده قدام روز
محسن:اوووف
شهاب : لا غير كده حسسها متحفزه ناحيه روز مش عارف ليه
محسن :وهتعمل ايه
شهاب فى نفسه منا عملت وبوظت الدنيا أكتر بس لازم اعرف مين المتصوره معاه
محسن : رحت فين
شهاب :مرحتش يلا خلينا نخلص شغلنا....
--------------¤¤¤¤¤¤¤
نجلاء فى اوضتها بتفكر فى كلام عبده ملقاط ليها ومش عارفه تاخد قرار دخل عليها رجب اخوها
رجب :جرى ايه يابت انتى بتقلبينى ولا ايه
نجلاء :فى ايه وبعدين مش تخبط قبل ما تدخل
رجب :اخبط ايه يابنت..... ومسكها من شعرها جرى ايه يابت بتضحكى عليه
نجلاء :اة اة فى ايه مالك
رجب :مالى ماانتى سرقتيه واخده منى لحايد دلوقتي ألف وخمسوميت جنيه وبعديها لا حس ولا خبر فين البت مشفتش خلقتها من ساعة مكانت هنا بتضحكى عليا يانجلاء
نجلاء :لاء والله سيب شعرى بيوجعنى
رجب :بيوجعك دنا هقطع من لحمك وارميكى للكلاب
نجلاء :طب سبنى وأنا هوريك حاجه هتبسطك
رجب سبها وزقها : حاجه ايه
نجلاء فتحت التليفون وورته صور وفيديوهات لشمس لما كانت فى البروفه معاها
رجب خد منها التليفون وشفهم وبلع ريقه : يخربت أم جملها بت ابعتيلى الحاجات دى على تليفونى
طب يانوجه انتى كده شوقتينى أكتر
نجلاء بسخريه : نوجه بقولك ايه ده رقمها وأنا قولتلها أنك عاوز تتعرف عليها أكتر عشان ترتبط بيها وانت وشطرتك بقى أنا كده عملت العليا
رجب :ها
وبيبص على الصور ... آه بس برضه محتاج تلينى دماغها وأنا من جنب وانتى من جنب
نجلاء :اه عشان فى الاخر تيجى تضربنى مش كده
رجب : تنقطع أيدى ياختى بس هعمل ايه البت دخلت دماغى وهتجنن عليها
نجلاء : مولعه طيب يا رجب هالين دماغها بس حاول تغريها شويه بالفلوس
رجب :هه طب ياختى هسيبك دلوقتي احسن الشوق زاد....
نجلاء :جتك الارف أنت وشوقي فى ساعه وحده وشكلى كده هوافق ياملقاط
------------¤¤¤¤¤¤¤
نسرين مرحتش الشغل مع عمرو علشان تقعد مع روز
وعمرو برضه قال هاجى على الغدا علشان اخته
نسرين اتصلت على اخوها وعزمته على الغدا واتجمعوا كلهم
نسرين : اتكلم انت يا عمرو مع روز كلمتها كتير تقعد معانا يومين مش راضيه مصممه تمشى النهارده
عمرو بص لأخته : ليه مصممه اوى كده انتى بتوحشينى
سامح سبق وأتكلم : مش يمكن نسرين بتستفرض بيها وانت مش هنا فعايزه تخلع هههههه
روز :هههههه خالص والله
وبصت لنسرين ...دى مفيش أطيب منها بس انت عارف مش بقدر ابعد عن البيت كتير
عمرو بتفهم ابتسملها : اوكى آخر النهار هوصلك
سامح :ههههههه أطلع منها أنا
روز : ههههه حاجه زى كده
كملوا غدا
روز وسامح بيلعبوا مع الولاد سامح بيعشق اولاد أخته ولما بيشوفهم بيصغر لسنهم واكيد كمان روز
من بعيد شويه متابعهم نسرين وعمرو
نسرين :ايه رأيك فى سامح وروز
عمرو فهم قصدها : روز بتتعامل مع سامح على أنه زيه زى أسر وجاسر وكمان سامح بيتعامل مع روز مش أكتر من أخته الصغيره
نسرين :طب ليه منقربش المسافات
عمرو بأبتسامه : لو كان فى حاجه كانوا اتلقوها لوحدهم
نسرين بأبتسامه : فعلا عندك حق زى ما احنا اتلقينا بعض
عمرو ابتسملها : احنا اتلقينا بعض من زمان وباس أيديها
-----------♡♡♡♡♡
آخر اليوم روز رجعت بيتها فى غرفتها خدت شاور دافى وبتصفف شعرها افتكرت أنها مكلمتش أميره من يوم ماتقبلوا اتصلت عليها
عند أميره قاعده مع شرين وجيرمين
شرين بتعرف منها كل حاجه من ساعه ماسفرت بطريقتها وانسانه طيبه زى أميره مش محتاجه مجهود علشان تعرف منها حاجه
أميره : هروح اجيب حاجه سخنه نشربها تدفينا شويه وقامت
شرين :بغيط الأستاذ بيجرى ورا القطه وهيا مش معبراه
جيرمين :ههههه شكله واقع لشوشته هتعملى ايه
شرين :ولا حاجه أنا هتفرج من بعيد لحايد ما ياخد خطوه ساعتها اضرب ضربتى واكسره بجد هههههه لما القطه تقوله سورى ياوحش كنت فكراك مؤدب وضحكوا ..
شرين سمعت صوت موبايل أميره واخدته تشوف مين
شرين :ههههه دى القطه بقولك روحى عطلى أميره
جيرمين :هتعملى ايه
شرين : روحى بسرعه وبعدين اقولك
جرمين راحت لاميره
شرين فتحت الخط واستنت روز ترد
روز بصت فى فونها اتفتح ومحدش رد : السلام عليكم .. اميره
شرين :لاء انتى مين
روز عرفت على طول أن شرين البتتكلم : أكيد ظاهر عندك الاسم
شرين :آه ظاهر روز مين روز دى
روز :هههههه بتهيقلى انى بتصل بصحبة الرقم مش عليكى فأكيد ميهمنيش تعرفى أنا مين وآه للمعلومه مش أكتر أنا فيروز البحيرى ياشرين
شرين متغاظه منها كانت فكراها زى ما سنها صغير برضه عقلها صغير بس من هنا ورايح لازم تاخد بلها : أنا ديماً معروفه بصوتى يافيروز هههههه
روز :سورى لو كان عندى وقت كنت اتكلمت معاكى أكتر ممكن اكلم أميره
شرين بغيظ : لاء اصلها مشغوله ومعتقدش هتكون فضيالك النهارده باااى وقفلت
روز بتبص على الموبايل بأستغراب : مستفزة ازاى أميره قريبة واحده زى دى لاء وكمان بتعتبرها صديقتها الانتيم
ربنا يستر من الجاى بس ليه شرين بتتعامل معايا بالطريقه دى يمكن غيرانه علشان علاقتى بأميره
وكانت عاوزه تكون صديقه أميره الوحيده أكيد ده السبب
الكوره عندك يااميره للأسف لو قررتى تبعدى مش همسك فيكى
---------&&&&
أميره وجيرمين جابوا مشروب ساخن واجو كانت شرين قفلت مع روز
وهيا متغاظه جدا وفى نفسها لازم ابعدها عن أميره بأى طريقه وفعلا فضلت مسهره أميره لوقت متأخر ولما اتلقتها فصلت سبتها وقبل ماتمشى
شرين :آه يااميره نسيت اقولك الاسمها فيروز اتصلت عليكى
وانا رديت عليها قولتلها أنك مشغوله
أميره بنعاس : معقوله طب ليه مندهتيش عليه وبصت فى الساعه .. الوقت متأخر خلاص هكلمها بكره يلا تصبحوا على خير ومشت
جيرمين :ها عملتى ايه
شرين ... حكتلها الحصل وقعدوا يدبروا للجاى......
------------------♡♡♡♡♡♡♡♡
شهاب راجع آخر الليل مرهق جدا خد شاور وراح على سريره ومعاه موبيله وفتح الواتس على صورة روز وكبرها حاول يحفظ الصوره معرفش عرف أنها عمللها تحصين عدم الحفظ أو اسكرين فضل يبصلها اوى بيملى عينيه من كل تفصيله فيها وبأيديه بيمشى على شفايفها خدودها
وبيهمس .. بقيتى خطر عليا بس احلى خطر بعشقك حرك الصوره نحيت سامح بيبصله بغيره لازم اعرف انت مين
وفجأه أتلقى الصوره اتغيرت بصوره الملك رجع للصفحه اتلقها فتحه بص فى الساعه الوقت متأخر ...
طب اكلمها آه هقولها ايه ايييه ازيك لاء هسألها هتيحى النادى بكره لاء لاء هقولها وكتب
(هستناكى بكره نكمل تدريبنا مع تمنياتى بأحلام سعيده )واجه يبعتها أتلقى --------
------------♡♡♡♡♡♡
أتلقى الحلقه خلصت❤
وشكرا والسلام عليكم ورحمه الله وبركاته 😍❤❤ عرض أقل
•تابع الفصل التالي "رواية صراع العقل والقلب" اضغط على اسم الرواية