رواية صراع العقل والقلب الفصل السابع والعشرون 27 - بقلم كنزي علي

بقلمى كنزى على 💓

اللهم صل وسلم وزد وبارك على أشرف خلق الله سيدنا محمد وعلى آله وصحبه وسلم أجمعين ❤❤

أعوذ بكلمات الله التامات من شر ماخلق 💕

أستغفر الله العظيم وأتوب إليه 🌹

تسرع شرين فى ردها ضايقها جدا مكنتش تعرف أن عيله زى دى ممكن تغلبها بالشكل ده

شرين لروز بتحاول تستفزها : شكلك صغير اوى ههههه

روز بدلتها بأبتسامه : أكيد بالنسبالك أنا صغيره جدا

شهاب متابع قطتة مستمتع بردها جدا بس فى نفس الوقت زعلان من أنها مش بتبصله خالص من ساعه آخر نظره شفها مضايقه فيها

جاسر أسلوب شرين لروز مريحوش بس هو عارف خالته قويه وهتعرف ترد عليها عينيه جت على جيرمين أستغرب الهيا عملاه فى نفسها مع أنها حلوه بس ياترى ايه الوصلها لكده

جيرمين شافت جاسر بيبصلها بس غريبه مفهمتش نظرته مش النظرات الاعرفها لا إعجاب ولااا هه وأنا أشغل نفسى ليه

روز بهمس لجاسر : قوم

جاسر استجاب من غير نقاش وقام وروز معاه

شهاب بص على اطباقهم وعليهم : لسه بدرى وعينيه على روز البرضه تجاهلت كلامه ومبصتلوش

شرين بأستفزاز لروز : يمكن أكلنا معجبهمش

روز ابتسمت : بونابيتيه عن اذنكوا

ومشيوا

روز حاسه أنها مضايقة أسلوب شرين معاها مش موريح وفى نفسها ...ملها دى غريبه اوى والأستاذ القاعد جنبها ومستمتع اوى والوشم وبسخرية بتعيد الكلام ... اصلى بحب اسمى اسمك برضه

جاسر:مالك شكلك مضايق

روز حاسه بخنقه : ولا حاجه خليك هنا هروح اجيب شنطتى

من جوه

شهاب أول ما روز قامت هو كمان قام من غير ولا كلمه

شاف روز دخله القصر راح وراها

شهاب شفها بتفتح شنطتها وطلعت البخاخه وخدت منها قلق عليها وبلهفه : روز مالك تعبانه

روز كانت مدياله ضهرها ولما سمعته بهدوء حطت البخاخه فى الشنطه ولفت وشها ليه : ابدا أنا كويسه

شهاب :متأكده

شاورت بعينيها بأيوه

فكمل روز احم شرين اييييه

شهاب ياشهاب: ودى كانت شرين

غمض عينيه بغيظ وفتحها اتلقى روز مشت بص لشرين : فى ايه

شرين : ابدا خالتو بتسأل عليك

شهاب من غير ما يرد سبها ومشى

شرين :هههههه أهدى ياشيبوا دى مجرد البدايه

جاسر منتظر روز اتلقى جيرمين جايه عليه وبتبتسم أستغرب قبل ما توصله بحوالي متر كده رجليها فلتت ووقعت جاسر متحركش من مكانه بصتله ومدت أيديها يقومها

راح لعندها وأبتسم بسخريه على حركتها المكشوفه وسبها ومشى

جيرمين : كانت هتتجنن منه هيا فعلا كانت قصده توقع نفسها علشان يقرب منها وتفتح حوار معاه لأنه عجبها

وبهمس عملى فيها تقيل هه كلكم زى بعض وبكره تقع

خلصت الزياره

وعلى بوابه القصر

عمرو : روز حبيبتى هتيجى معايا وحشتيني عاوز نقضى بكره مع بعض

روز ابتسمت : حبيبى أنت كمان وحشتني

حياة :طيب تيجى معانا وبكره إن شاء الله تجيلك من الصبح

حتى تكون عامله حسابها

نسرين راحت وقفت جنب روز وحطت أيديها عليها بمحبه ولحياة : تعمل حسابها لايه اوضتها الخاصه فيها كل حاجه انتى ناسيه ولا ايه أن ليها غرفتها الخاصه عندنا وبعدين يا حياة روز مش أختك لوحدك دى حبيبتى وضحكت ولروز الليله هنقضيها كلام على حياة هههههه

حياة : ربنا يخلينا لبعض

وباست روز ... هتوحشينى خلى بالك من نفسك

والكل ركب عربيته ومشى

فى عربيه أسر وكان معاه حياة وفؤاد

حياة :مبروك يااسر بس بصراحه أنا انزعجتك من الاسمها شرين دى مرتحتلهاش خالص

أسر هو كمان اضايق منها ومن شكلها وخصوصا ارتباط أميره بيها معرفش يرد على والدته بأيه

فؤاد :حياة المهم عندنا أميره وواضح أنها انسانه كويسه جدا وده باين

حياة جت تعترض

فسرع .. حبيبتى من أمتى بناخد حد بغلط حد تانى

وبعدين فى فتره خطوبه مش قليله يتعرفوا على بعض فيها وعمتا زى ما قولتلك البنت كويسه جدا ألف مبروك يااسر ربنا يتمملك بألف خير

أسر بتفكير فى كلامهم : الله يبارك فيكوا

عند جاسر جت فى باله جيرمين وحركتها العملتها علشان تلفت نظره أبتسم بسخريه : ياخسرتها فى الرخص فعلا الشكل مش كل حاجه البت رغم كل العملاه فى نفسها لكن فيها حاجه بريئه

بس بس ايه ولا حاجه علشان هيا ولا حاجه

عمرو وصل القصر وروز جت تطلع اوضتها

عمرو :روز حبيبتى انتى كويسه

روز :أيوه ياابيه الحمد لله

عمرو :حاسس أن فى حاجه مضيقاكى فى حد ضايقك

روز باين عليها أنها مضايقه مخنوقه بس حاولت تكون طبيعيه ابتسمت : ابدا ياابيه يمكن مرهقه شويه ومحتاجه أنام علشان افوق لعمر ويوسف وحشوني اوى

عمرو :اوكى ياحبيبتى تصبحي على خير

روز :وحضرتك من أهل الخير

وطلعت اوضتها غيرت هدومها وفردت شعرها وخدت وضع النوم وجه فى بلها كلامها مع شهاب وابتسامه اترسمت على وشها وقد ايه كان عنده فضول يعرف إذا كانت مرتبطه ولا لاء طريقته معاها مختلفه نظرته ضحكته طريقه لبسه وقد ايه كان شيك جدا

وافتكرت لبسهم المتناثق مع بعض ولما سألها عن رأيها فى الحب بس ملحقش يقول هو رأيه وسريعا ابتسامتها راحت

وكشرت وافتكرت حضن شرين ليه وهو كمان وقربهم من بعض آه ولاد عم بس مش للدرجه دى

افتكرت شرين واسلوبها معاها وقد ايه كان فى عينيها تحدى ليها

... ملها دى غريبه اوى فى كل حاجه بس هو كان عاوز يقولى ايه عن شرين وشويه والنوم غلبها

----♡♡♡♡

عند شهاب مضايق من أن روز تاخد عنه فكره مش كويسه بعد الشرين عملته وقال أكيد هتاخد فكره زفت عنى ماهيا ديما بتسئ الظن فيا من غير حاجه هتيجى على دى وتحسن الظن اةةةة ياروز خلتينى اكلم نفسى أفتكر لما قالتله مش هرتبط بحد كان مرتبط بحد قبلى طب اعمل فيها ايه دى اخطفها واتجوزها غصب عنها هتجننينى هتجننينيييى

---------------¤¤¤¤¤¤

أشرقت شمس يوم جديد وهو يوم الجمعه المبارك

جاسر : خرج يلحق صلاه الجمعه وفى نفسه ايه ده معقول دا انا نسيت موضوع شمس ده خالص ونده على داده امينه

أمينه :أيوه يابيه اؤمرنى

جاسر :الأمر لله ياداده وطلع من جيبه فلوس اتفضلى ياداده حاجه بسيطه وإن شاء الله كل شهر ليكى منى زيهم

أمينه :ايه ده يابيه ملوش لازمه الست هانم بتديلى مرتبى وزياده والحمد لله مستورين

جاسر :الحمد لله ياداده بس دول حاجه بسيطه متكسفنيش

أمينه :متكسفنيش انت والله ماهاخد حاجه متحرمش منك ربنا يعلم أنا بحبك وبعزك اد ايه بس عشان خاطرى متعملش كده تانى احنا على اد حالنا آه بس أنا وشمس بنتى عنينا مليانه وراضين بالمقسوم

وتنهدت ربنا يعوض بنتى خير ياحبيبتى يابنتى اةة يلا ياابنى أنت عشان متتأخرش على الصلاه ربنا يتقبل

جاسر :ماشى ياداده بس لو احتاجتى حاجه أنا موجود

أمينه : إن شاء الله ياابنى

جاسر ماشى وفى نفسه في... طيبه اوى داده امينه ونفسها عزيزه قوى

رغم أنها محتاجه بس مرضتش تاخد الفلوس ياااا قليل الناس الزيها....

عند شمس أمها حكتلها الحصل

شمس :ممكن اعرف مختهمش ليه دا اتحايل عليكى ياشيخه حرام عليكى

أمينه :يابت ياعبيطه احنا بنجر رجله لجواز مش لحسنه تفتكرى لو اختهم هيبصلك تانى لاء ديتها كل شهر قرشين وخلصنا لكن دلوقتى هيعمل ايه

شمس بلويه شفايف : يعمل قولى ياختى هيعمل ايه

أمينه :هتفضلى عبيطه وبتبصى تحت رجليكى أنا هقولك كل ما يشوفك هيحاول يكلمك يعرف اخبارك وانتى بقى بشطرتك وحلاوتك هتخليه ميستغناش عنك ويتمناكى ليه مراته مش واحده بيعطف عليها تعرفى دلوقتي زمنته فى نفسه بيقول علينا اد ايه عنينا مليانه ورغم الحوجه بس مامدناش ايدينا ليه وبكده هنعلى فى نظره

شمس شايفه حبال أمها طويله ومفيش منه أمل :التشوفيه

وفى نفسها ... والأنا كمان أشوفه واعمله

-----------♡♡♡♡♡♡

شهاب بعد ما خلص صلاه طلع على النادى روز وحشته وعاوز يتكلم معاها ميعرفش هيقولها ايه بس المهم يشوفها وخلاص راح النادى قعد يدور عليها فى كل مكان مفيش نتيجه اضايق جدا معقول مجتش طب كان على القليله سابتلى رساله تعرفنى وتعرفك ليه وانت قللت من نفسك وبتجرى ورا عيله ما دى هتبقى اخرتها ركب عربيته وطار بيها

وهو فى الطريق أفتكر أنه شفها وهيا بتاخد البخاخه وقال يمكن تعبانه فعلا ممكن تكون تعبانه وقلق واتصل عليها الجرس خلص ومردتش آه مهى لازم متردش عليك الاول تروح تدور عليها فى النادى ودلوقتي تتصل ومتردش تمام تمام ووصل بيته مش طايق نفسه

شرين وجيرمين صحيوا متأخر بيفطروا فى الجنينه

شرين شفته وهو داخل مش طايق نفسه ضحكت عليه

جيرمين :ماله ده شكله مش طبيعى

شرين :هههههه معلش اصل الحب بهدله وخليه يدوق شويه

--------------♡♡♡♡♡

روز عند عمرو فضلت سهرانه لمتأخر شويه وصحيت لعبت مع عيال اخوها شويه

ونست نفسها معاهم

عمرو رجع من الصلاه وقعدوا شويه مع بعض

عمرو :روز حضرى نفسك هنقضى اليوم بره

نسرين :أيوه ياروز هنقضيه فى الاوتيل عند سامح أخويا الفندق هناك تحفه

وغمزتلها وفى اصبا هناك وضحكت

عمرو :صحيح يانسرين هو سامح هنا ولا فى اوتيل الأقصر

نسرين :فى الأقصر بس كلمته هيظبطلنا كل حاجه يلا ياروز نلحق نلبس علشان نتغدى هناك

وطلعوا لبسوا وراحوا

وصلوا واقعدوا على البسين وطلبوا الغدا

روز طلعت موبيلها

اتلقت شهاب متصل عليها أستغربت وافتكرت النادى وتدريب النيشان ممكن يكون راح واستنانى معقوله ازاى نسيت حاجه زى دى بس مهو ممكن يكون راح عادى مش ضرورى اصلا يستنانى بس برضه كان على القليله اعتزر علشان مينتظرنيش

واستأذنت وقامت واتصلت عليه

شهاب فى بيته قاعد مع مامته وأخته بيحاول يتناسى غضبه لأنه بيعتبر الحصل عدم تقدير ليه

شرين متابعه من بعيد مش عارفه سبب عصبيته دى مهما يحاول يبان طبيعى بس على مين دا انا شرين

وشويه اتلقى روز بتتصل عليه أول ما شاف التليفون حاول يتجاهل وميردش بس مقدرش وقام ورد عليها

شهاب :سلام عليكم

روز :وعليكم السلام ورحمه الله وبركاته

ازى حضرتك

شهاب رغم غضبه منها بس لما سمع صوتها كل ده راح : ازيك انتى عامله ايه

روز :الحمد لله سورى أنك اتصلت عليا ومردتش للأسف مشفتش الموبايل غير دلوقتي

شهاب :ابدا أصل مروحتش النادى النهارده وقولت المفروض أعرفك علشان متنتظرنيش طبعا كرمته مسمحتلوش يقولها أنه راح ودور عليها ومتلقهاش

روز مفهمتش تلميحاته وبعفويه : طيب كويس علشان انا برضه مروحتش

عمرو بينده على روز علشان الغدا وصل

روز قالتله ثوانى

طبعا شهاب سمع حد بيندهلها وهيا بتقوله ثوانى

وخد باله من الصوت حوليها عرف أنها بره فتغاظ جدا

شهاب :واضح أنك مشغوله

هنا شرين بتنده على شهاب فقالها جيلك ياشرين

ولروز اه بالنسبه لبكره أنا مش رايح النادى علشان متنتظرنيش سلام ... وقفل

من غير حتى ما يستناها ترد

هو لما قال لشرين جيلك بعد أكتر

وكمل مع روز يعنى شرين معرفتش كان بيقولها ايه هيا بس استنتجت أنه بيكلم روز فحبت ترخم عليه فراح لشرين

شهاب :خير ياشرين عاوزه ايه وايه الحاجه المهمه اليخليكى تندهى عليا وأنا بتكلم فى التليفون

شرين :سورى ياشهاب مختش بالى أصل وأنا جايه امبارح فى المطار حصل مشكله ولغبطه فى الشنط فقولتلهم عليك وأنك هتابع معاهم فياريت تشوف الموضوع ده

شهاب :تمام

وراح قعد مع والدته وأميره وهو مضايق ومخنوق أكتر ..

هو مش عارف ايه الخلاه يرد على شرين وهو بيتكلم كان ممكن يشاورلها بس من غيظه فكر أنه بكده هيضايقها طول الوقت بيفكر مين الكان بينده عليها ده مش صوت أسر ولا جاسر واضح أنها مع حد بره بس مين مييييين

أميره :مامى أسر اتصل عليا وقالى نخرج النهارده ايه رأيك

سها : ياحبيبتى هو دلوقتي خطيبك ومفيش مشكله ولا ايه رأيك ياشهاب

شهاب :آه مفيش مشكله بس ياريت متتأخريش

سها : امبارح كان حلو اوى وبصراحه حياة ونسرين حلوين اوى ومتواضعين خالص ولا روز كانت زى القمر وشيك جدا

شهاب متابع وفى نفسه فعلا عندك حق

أميره : فعلا يامامى أسر بيقولى أن امبارح عمرو اخوها صمم تروح معاه ويقضوا اليوم مع بعض وطنط حياة كلمتهم اتلقتهم هيقضوا اليوم بره

شهاب هنا عرف هيا ليه مجتش النهارده واكيد البيندهلها عمرو اخوها

اوووف ياشهاب وكنت بتضايق أنها بتسئ الظن فيك دا انا يعتبر قفلت فى وشها

سها : بصراحه البنت زى القمر

أميره :ايه يامامى عندك عريس

سها :ههههه آه طبعا

وبصت لشهاب ها ياشهاب ايه رأيك فى روز

شهاب اتفاجأ من سؤال مامته ومعرفش يرد : هقوم ارتاح شويه

وهو طالع سمعهم

أميره :مامى أبيه شهاب شكله مش بيفكر فى الارتباط دلوقتي

سها :آمال هيفكر امتى وبعدين انا قولت يمكن ليه غرض ولا حاجه

شهاب بيهمس لنفسه غرض اةةةة يا ماما غرض بس ياربى ودخل اوضته

سها :تعرفى يااميره بينى وبينك كده أنا بفكر فيها لطارق ايه رأيك

أميره :ياريت يامامى بجد روز حلوه اوى ومميزه جدا

شرين من بعيد هيا وجرمين سمعتهم : ياحبييى ياشيبو هتتلقاها منين ولا منين ههههههه

جيرمين :عندك حق هههههههه

-----------♡♡♡♡♡♡

روز لما شهاب قفل بالطريقه دى أضايفت جدا وقالت لنفسها معقوله العمله ده بس طبعا لما شرين ندهت عليه نسى نفسه بس برضه مش للدرجه دى دا يعتبر قفل فى وشى وبعد وقت

خلصوا غدا

عمرو لنسرين : حاسس محتاج ارتاح على القليله ساعه

نسرين :طب خد غرفه وريح فيها ساعتين وأنا هنا مع الولاد وروز

عمرو مسك أيديها : عاوزك معايا

نسرين :ابتسمت مش هينفع علشان روز

عمرو :خلاص خلينا هنا

وفضل ماسك أيديها

وغمض عينيه وريح على الكرسى

روز شافت عمرو كده لنسرين : عمرو شكله عاوز ينام اطلعوا شويه والولاد معايا

نسرين :حبيبتى بس كده هتعبك

روز :لاء خالص يا قلبى وبعدين أنا عاوزه اقعد مع الولاد لوحدنا هههههه علشان يحبونى اكتر منك يلا خدى عمرو واطلعوا

نسرين :حبيبى تعال نطلع ساعه شكلك تعبان

عمرو لروز: طيب تعالى معانا احجزلك اوضه ترتاحى شويه

روز ابتسمتله : حبيبى أنا مش تعبانه ومتقلقش الولاد معايا يلا انتوا

عمرو: اوكى ياحبيبتى مش هنتأخر وطلعوا

روز فضلت مع اولاد اخوها

وشويه اتلقت الولاد بيجروا وبيقولوا خالو سامح

روز شافت سامح مرات بسيطه جدا وسامح كمان

ابتسمت وراحت عندهم

سامح :معقوله انتى روز ازيك

روز :الحمد لله ازى حضرتك حمدله على السلامه

سامح :الله يسلمك مشفتكيش من زمان

روز :آه فعلا

سامح :آمال فين نسرين وعمرو

روز :طلعوا يناموا ساعه بس مش هيتأخروا

سامح :آه وانا الكنت عاوز افجأهم

روز :ههههه يلا معلش تتعوض ياباش مهندس

سامح :ﻻ باش مهندس ايه أنا سامح عادى مش بحب الألقاب وأنا أقول روز من غير انسه

روز :تمام ياسامح ها هتودينا فين بسمع الاوتيل هنا في رفهيات كتير ومشفتش حاجه

سامح :هههههه وانا الفكرت هتقوليلى ميصحش ومينفعش

بس تمام تعالوا دا انا هشهيصكوا

روز :هههههه

------------♡♡♡♡♡

نجلاء مع شوقى بيصرفوا البضاعه بتاعت كل أسبوع بس فى نص اليوم قالها انو كلم عبده ملقاط وقاله ان دلوقتي الجو مناسب ومستنيهم وراحولو

عبده مستغرب من نجلاء ازاى إجت هنا بعد آخر مره وخوفها منه حس أنها مش هتيجى هنا تانى بس طالما جت يبقى وراها حاجه

نجلاء مع شوقى فى الأوضة استنته لما خلص وراح فى النوم

طلعت بره بهدوء بعينيها بدور على عبده اتلقته من وراها

عبده :بدورى على ايه

نجلاء اتخضت وبلعت رقها بخوف : اييييه كنت عاوزه اتكلم معاك

عبده بصلها من فوق لتحت : تعالى ورايا وخدها وراح الاوضه التانيه

دخل وقفل الباب وبيبصلها بمخزى : ايه متبسطيش

نجلاء بقلق وخوف : كنت عاوزك فى خدمه

عبده :ارغى

نجلاء : عاوزه أخلص من شوقى ومش بس هو لاء ورجب أخويا وأشجان أخت شوقى عاوزه اوديهم فى ستين دهيه

عبده بيهرش فى دقنه : والمقابل

نجلاء بلعت ريقها : اييييه أنا

عبده بسخريه : هه انتى ايه

نجلاء :اييييه انا وانت يعنى

عبده بتفكير : طب بصى بقى من الآخر والمفيد أنا مستعد اخلصك منهم كلهم بس تعديل بسيط انتى آه عجبتينى بس مش ده المهم شوفى ياختى الشقه دى معموله للشرب لولاد الناس الزوات بيشربوا ويتبصتوا وطبعا محتاجين يتمزجوا وانتى يختى هتكونى مزاجهم قولتى ايه

نجلاء :أنت بتقول ايه أنا مش كده أنا لو كنت وافقت يعنى أن يحصل بينا حاجه فهو عشان محلتيش حاجه اديهالك عشان تخلصنى منهم لكن

عبده قاطعها :ملكنش بصى يانوجه انتى أكيد عرفتى نيت شوقى من نحيتك وانو عاوز يسرحك لحسابه وحساب أخته بالنسبه لأخوكى معرفش السبب ومش عاوز اعرف من الآخر كده نصحتى ليكى أنك تشتغلى لحسابك آه وبالنص منا هكون حميتك

اتلقاها بتفكر : يابت الناس البتيجى هنا أهم حاجه عندهم يتبسطوا واخر حاجه بيفكروا فيها الفلوس وبيدفعوا حلو اوى يعنى كل ماتبسطيهم هيبسطوكى بالفلوس هه مش بدل ماتشتغلى ببلاش وشوقى واخته يتحكموا فيكى عموما فكرى وانتى عارفه المكان هستنى ردك ويلا روحيله قبل مايصحى

نجلاء مشت هيا مكنتش مفكره كده هيا قالت لنفسها أن عبده هيوافق قصاد مره او اتنين وخلاص لاء كده الموضوع عاوز تفكير

-----------------¤¤¤¤¤¤¤¤

أميره بتظبط نفسها علشان خارجه مع أسر وطلعت هدومها

شرين دخلت عندها

شرين :بتعملى ايه

أميره :انتى عارفه هخرج مع أسر ومتلغبطه طلعت عشرين طقم هههههه بس فى الآخر اخترت دول ايه رأيك

شرين :جاكت ليه الجو حلو

البسى امممم دى طلعتلها بلوزه ضيقه بتلت تربع كم ومفتوحه من الصدر شويه

أميره :بس دى مش شتوى واحتمال الجو يبرد

شرين بخبث : مايبرد وأسر يعمل زى أبطال السينما ويقلع الجاكت بتاعه ويدفيكى هههههه

أميره مكسوفه من كلامها : بصراحه عاوزه أغير حاجات كتير فى هدومى أسر يعنى متحفظ ومش عوزاه يضايق

شرين :وايه اليضايقه وبعدين المفروض أنه اختارك ومقتنع بيكى زى ما انتى ولا هو الطلب منك كده آه ومش بعيد يكون عاوزك زى خالته الاسمها فيروز دى

أميره :لاء خالص هو متكلمش معايا فى حاجه زى دى أنا بس

شرين :مابسش المفروض يكون ليكي شخصيتك المستقله وتكونى زى ما انتى عاوزه مش زى ما هو عاوز فهمانى

أميره كل الفهمته أن شرين أكيد عاوزه مصلحتها : آه فاهمه خلاص هلبس الأخترتيه

شرين :طب يلا وهعملك احلا ميكب وفعلا عملتلها ميكب كامل هو تقيل بس مش صارخ او مستفز وطلعت قمر

شرين طبعا مكنتش تعرف أنها هتطلع قمر كده هيا كان غرضها تأفور فى مكياجها علشان توتر العلاقه ما بنهم مش أكتر

أسر اتصل عليها وقالها أنه منتظرها تحت ونزلتله أول ما شفها أستغرب ...

أسر :------------

-----------------

الحلقه خلصت❤

والسلام عليكم ورحمه الله وبركاته 😍❤❤ عرض أقل