رواية صراع العقل والقلب الفصل الخامس والعشرون 25 - بقلم كنزي علي
بقلمى كنزى على 💓
اللهم صل وسلم وزد وبارك على أشرف خلق الله سيدنا محمد وعلى آله وصحبه وسلم أجمعين ❤❤
أعوذ بكلمات الله التامات من شر ما خلق 💕
أستغفر الله العظيم وأتوب إليه ❤
أميره :روز كنت عاوزه أسألك على حاجه وتجوبينى بصراحه
روز :أكيد طبعا اسالى
أميره :أحم هو انتى الاقترحتى على أسر ارتباطه بيا
روز :خالص صدقينى والله أسر ارتحلك جدا ولما حصل موضوع الحرامى ده كان هيتجنن عليكى ههههه
تعرفى ساعتها الأستاذ قالى أول مره أقابل حد رقيق اوى كده ولما بقوله أنا مش رقيقه قالى لاء يرضيكى
أميره :هههههه لاء طبعا انتى رقيقه وكيوت جدا
روز :ههههههه
سكتت شويه مرضتش تسألها عن إحساسها نحيه أسر سابتها لما تعرفه أكيد هتحبه : صدقينى ياأميره أسر إنسان طيب وعاقل ومتفهم جدا بجد لما هتعرفيه هتحبيه ربنا يوفقوا مع بعض
--------------¤¤¤¤¤¤¤¤¤
عند نجلاء
رجب بهجوم :جرى ايه يابت ختى الألف جنيه ومن ساعتها مشفتش وشها والله يانجلاء لو كنتى بتلعبى بيا
نجلاء بسخريه : هتعمل ايه مش كنت من يومين أختك حبيبتك على العموم اتفقت معاها وهنتقابل كمان شويه وهنخرج إيدك على 500 جنيه
رجب :نعم يا روح أمك
نجلاء :أمك ماتت ياعنيه وأعمل حسابك مش راحه ولا جايه من غيرهم
رجب :ياباى عليكى وعلى لسانك البينقط زفت زيك
خدى أهم والله يا نجلاء لو مخلصتى الحكايه دى فى أسرع وقت لكون مخلى شوقى مخلص عليكى
نجلاء خدتهم بغل وفى نفسها والله ما حد هيخلص عليك أنت وهو غيرى اصبروا عليا شويه وقابلت شمس
نجلاء :مقولكيش يا شمس من ساعه رجب ما شافك وهو هيتهبل عليكى وبيحكى على جمالك وحلوتك ولاشعرك ولاعينيكى ولا جسمك بجد حاسه أنه هيتجنن عليكى
شمس رجب عاجبها أسلوبه وطريقته وفلوسه بكسوف : بجد هو حد كويس جدا بس كل ما أفتكر موضوع الفلوس ده اتكسف
نجلاء :ياعبيطه تتكسفى ايه دى حاجه بسيطه طب هقولك على سر ههههه بس اوعى تقوليله تعرفى رجب ده يضحك عليه بكلمتين حلوين لما أكون محتاجه حاجه ادلع فيدينى كل العوزاه ههههه شوفى ادانى 500 جنيه عشان قولتله بس نفسى فى قمصان لجوازى ياخويا ياحبيبى دنا مليش غيرك متأخرش عليا وادهملى على طول
شمس :ربنا يخليكوا لبعض هو انتى نويتوا تتجوزوا قريب
نجلاء بسخريه : هه اه قريب بس لسه محددناش عقبالك مع حد زى رجب هههههه
شمس :هههههههه هو اخوكى عاوز يتجوزنى
نجلاء :هو قالى أسألك ولو معندكيش مانع تقعدوا مع بعض وتشوفوا نفسكوا كده وانا متأكده أنك هتحبيه
شمس فى نفسها طب وجاسر بس موضوع جاسر ده شكله هيطول طب ايه المشكله أشوف رجب ولو موضوع جاسر متمش يبقى عندى رجب واهو لسه على البر وادانى فلوس من غير مطلب أمال بقى لما نعرف بعض ونتقابل ونخرج هيعمل ايه
نجلاء شيفاها بتفكر مش عارفه بتفكر فى ايه : بتفكرى فى ايه يابنتى بقولك تتكلموا تتقابلوا يغديكى بره يصرف عليكى هيعيشك فى الهنا يابت ها قولتى ايه
شمس :ماشى بس ده مش معناه أنى موافقه يعنى مجرد نتعرف على بعض مش أكتر ادينى بقولك أهو
نجلاء :ههههههه لا متقلقيش هو مش هيكون أكتر من تعارف تعالى تعالى وصلنا
ودخلوا المحل نقت الفستان
نجلاء دخلت معاها البروفه قالتلها عشان اظبطهولك ومن وراها اخدتلها كام صوره بهدومها الداخليه قبل ماتلبس الفستان وطلع حلو اوى عليها واشترته
نجلاء جت فى دماغها فكره : تعالى نروح للمحل ده فى لانجريهات تحفه
وراحوا ونقوا كذا حاجه
نجلاء : تعالى معايا وانا بقيس عشان تقوليلى رايك وفعلا دخلت معاها
ونجلاء عرضت عليها تقيس هيا كمان عشان تشوفهم عليها
لأنها متردده فى الشرا
وفعلا قلعت ده ولبست ده فى كل قميص نجلاء كانت بتتحجج أنها بتظبطها وفتحه الكاميرا بتصورها
وخلصوا وكل واحد راح بيته
نجلاء فى اوضتها بتقلب فى الصور وبتكلم نفسها ...مهو انتى السبب فى الانا فيه دلوقتى قعدتى تقوليلى سعيد بيقول سعيد بيحبنى سعيد بيعمل عشانى لما خلتينى اقارن بينه وبين الزفت شوقى عمرى ماهنسى طريقتك واسلوبك معايا ياسعيد وانت قرفان منى ورفضتنى
بتبص لصورتها فى الموبايل وقرفان ليه عشان دى اهى صورها العريانه هيشوفها غيرك ومش بس كده لاء وهيكولها كمان
هو مش انتى القولتيلى سعيد قالى اطلبى وأنا أنفذ اتغظت منك وخفت تجيبى الزفت الفستان وأنا لاء عشان كده خليت الحيوان شوقى ياخد اغلى حاجه عندى عشان متبقيش احسن منى و
بغل
ايييه عاوزه فى الاخر تخدى كل حاجه من غير مقابل ليه يعنى كنتى مين ولا بنت مين ها انتى ولا حاجه ياخدامه وهتشوفى
---------------¤¤¤¤¤¤¤
عند شمس
أمينه يلا يا شمس ظبطى نفسك عشان جاسر على وصول
شمس :هو بيجى متأخر اوى كده
أمينه: أيوه يلا والبسى البلوزه والبنطلون الضيقين دول والطرحه دى
شمس بلويه شفايف : طرحه ليه هو شعرى وحش
أمينه :لاء مش وحش انتى بس هتحطيها عليه من غير دبابيس وهتنزلى كام خصله كده
شمس :طب ولزمتها ايه
أمينه :يابت افهمى أنا عوزاه ميحسش أنك سهله أو بتغريه لاء أنك زيهم وبتعرفي فى الدين عشان تدخلى قلبه بس زى ماقلتلك يا شمس ميلمس ضفرك ها حفظى على نفسك يابنتى ربنا يعلم أنا بعمل كل ده عشان متعشيش عشتى
شمس :طيب يا ماما انتى هتكونى فين
أمينه :هستناكى هنا خليكي ناصحه واسحبيه فى الكلام
شمس لبست وحطت ميكب مش كتير وامها نزلتلها كام خصله من شعرها
شمس :طب وسعيد افرض شافنى
أمينه :سعيد مبيجيش النواحيدى فى الوقت ده وانتى هتبقى قريبه من المطبخ زى ماقلتلك أول ما يفتح نور المطبخ بكده تعرفى أنه فى المطبخ أصله بيحب الأكل اوى وانتى هتبقى قاعده من بره ورا الباب الورانى وهيسمع عياطك واكيد هيشوف فى ايه ويتلقيكى وتبتدى خطتك يلا ياحبيبتى
هو زمنته على وصول وخرجت وفعلا قعدت ورا الباب الورانى للمطبخ من نحيه الجنينه هيا شافت عربيته وهو جاى وسمعت صوته فى المطبخ فقعدت تعيط بصوت بسيط بس قريبه جدا من الباب
جاسر سمع صوت
جاسر :صوت ايه ده اوبا ليكون فار أنا بخاف منهم
احم مش عيب عليك تقول كده لو أسر سمعك هينفخك الصوت بيزيد فقلق وحاول يعرف جاى منين وراح نحيه الباب وفتحه أتلقى شمس بتعيط وعنيها حمرا من العياط
جاسر :شمس مالك فى ايه بتعيطى ليه
شمس :جاسر بيه هو حضرتك جيت امتى معلش أنا اسفه لو كنت ازعجتك هروح اقعد فى حته تانيه
جاسر : ازعجتينى ايه ياشيخه الحمد لله أن طلع صوتك اصلى افتكرته فأر وبصراحه أنا بخاف منهم
شمس ابتسمت : هو مش انت ظابط ازاى بتخاف من الفران
جاسر :ها لاء مهى الظباط بتخاف عادى تعالى احنا هنفضل واقفين كده تعالى ادخلى الدنيا برد
شمس :بس أصل يعنى مش عاوزه اضايقك
جاسر :لاء مش هضايقينى ولا حاجه ادخلى ودخلت وقفل الباب
... اقعدى ياستى هنا هعملك بقى احلا أكل
شمس :متتعبش نفسك أنا هقوم احضرلك
جاسر :ههههه لا تعب ولا حاجه يادوب بحط الأكل فى الميكروويف وخلاص وصفر أهو وحط الأكل على التربيزه
يلا مدى إيدك علشان يبقى عيش وفراخ هههههه
شمس :شكرا كل انت الوقتيك جعان ومكلتش حاجه من الصبح
جاسر :من الصبح ههههه لاء وانتى الصدقه مكلتش حاجه من ساعتين بس قولت انأنأ هههه كلى ياشيخه محدش واخد منها حاجه تعرفى يا شمس احلى حاجه فى الدنيا دى هيا الأكل
بتبصله بتعجب
كمل آه مستغربيش الأكل ده متعه ونبى ياشمس الله يسترك ياشيخه ابقى قوللهم يعملوا ممبار بس ميقولوش لحد
شمس مستغربه منه مكنتش تعرف أنه كده : ميقولوش ليه
جاسر :أصل أمى وروز مش بيحبوه كلى ساكته ليه
وقطع حتة فرخه وادهلها انتظرته يقربها من بوقها يأكلها معملش كده
شاورلها تخدها بأيديها
شمس فى نفسها بقا تقوليلى شهر ويطب دا عيزله سنين دا فى الطراوه
جاسر بياكل محبش يسألها بتعيط ليه وحاول يضحك ويهزر علشان يخرجها من الهيا فيه وخلصوا أكل جت تشيل الأكل :
والله ماتتعبى نفسك هشيله أنا
وفعلا شال الأكل وبيغسل أيده
شمس فى نفسها معقوله دا طيب اوى يا سلام واتخيلت انه جوزها وجهزلها العشا بنفسه وشاله عشان ميتعبهاش ودلوقتي يجى و يشلنى
جاسر :شمس شمس
وبيشاور بأيديه حوالين عينيها
شمس :ها بتقول حاجه
جاسر :ههههه ايه رحتى فين المهم قوليلي مالك كنتى بتعيطى ليه فى حد مزعلك
شمس ساكته
جاسر كمل ... سعيد زعلانين مع بعض
بصتله وسكتت
بصى هو أنا اسمع المخطوبين ديما بيتخانقوا بس ده معناه أنهم بيتعرفوا على بعض وبيطبعوا بطبع بعض وبعدين دى مصارين البطن بتتعارك ههههه
شمس :بس أنا تعبت أنا مش عارفه هو ليه بيعمل كده
مش المفروض البيحب حد بيحب يشوفه احسن حد فى الدنيا
جاسر :آه طبعا
شمس :بس ده لاء انت عارف انى فى ثانوى والحمد لله مستوايا كويس وعاوزه أكمل تعليمى واحقق ذاتى مش ذنبى انه مكملش تعليمه فليه عاوزنى ابقى زيه
دى ماما قالتلى هصرف عليكى حتى لو هموت من الجوع بس اهم حاجه عندى تكملى تعليمك وتفيدى نفسك والمجتمع
وبتعيط ... بس ده لاء بيقولى تعليم ايه وزفت ايه انتى تقعدى فى البيت اخرك السنادى ولما حولت اعترض زعقلى وقالى مش عاوز اسمع صوتك وطبعا مقدرش اتكلم
جاسر شمس صعبت عليه فعلا عندها حق وازى سعيد يفكر كده : بصراحه عندك حق بصى أنا ممكن اتكلم مع سعيد
شمس :لاء أرجوك والنبى ممكن يضربنى ويبهدلنى هو اصلا يعنى بيغير منك ومن أسر بيه
جاسر بأستغراب : يغير مننا ليه وازاى يضربك أصلا
شمس : ديما يقولى اوعى حد فيهم يلمحك وممنوع أخرج من قوضتى بليل وبصت للأرض بكسوف ولوع ...
مش هقدر اقول أكتر من كده
بالنسبه انه بيضربنى فده ديما انت عارف انا وامى ملناش راجل يحمينا وعمو عبد المجيد هو راجلنا بعد بابا الله يرحمه وهو بيعتبر سعيد ابنه ومهما ماما تشتكيله من معامله سعيد ليا يقولنا هو يعتبر راجلكم وكلامه يمشى عليكم
وبعيط أكتر .. دا لما ماما قالتله انى صغيره ومينفعش ارتبط دلوقتي قلب الدنيا وماما اضطرت توافق وعشان يصدق أكتر
... أنا مش هنكر أن سعيد فيه حاجات كتير كويسه طيب وابن حلال بس أنا بجد تعبت ومش عارفه اعمل ايه
جاسر :خلاص يا شمس كفايه عياط أنا بصراحه مش عارف اقولك ايه مهو انتى مش عوزانى اتكلم معاه طيب اتكلم مع عمو عبد المجيد واقوله ميعرفهوش
شمس :لاء والنبى الله يخليك أنا بس كنت محتاجه اتكلم مع حد وافضفض بصراحه بخاف على ماما من كتر الزعل عليا وأننا ملناش ضهر وسند لأنها ياحبيبتى لما بتزعل عليا وعلى حالى نفسيتها بتتعب والضغط والسكر بيعلوا وده بيأثر على صحتها وهيا زى ماانت عارف راس مالنا صحتها عشان الشغل وده البيصرف على تعليمى
جاسر هو مش إنسان عاطفى اوى بس تعاطف معاها : طب عشان خطرى متزعليش وبعدين أنا ياستى من هنا ورايح مستعد أسمعك وتفضفضى زى ما انتى عاوزه يعنى توافقى نكون أصحاب ههههه بس من ورا سعيد أحسن يبهدلنى
شمس مدت ايدها بالسلام : موافقه نكون أصحاب هههههه من ورا سعيد
جاسر محبش يكسفها ومد ايده ليها وسلم
شمس :طيب أنا همشى بقى الوقت اتأخر اوى
جاسر ابتسم : ماشى وانا كمان محتاج أنام يومين تصبحي على خير
جاسر طالع اوضته لنفسه ....صعبت عليا هكلم ماما تسعدهم وتشوف الموضوع ده بس هقولها عرفت ازاى وممكن أمها تبهدلها أعمل ايه أسلم حل بعيد عن كتر الكلام اسعدها منى ليها من غير ما حد يعرف وكله بثوابه
شمس راحت لأمها وحكتلها كل حاجه
أمينه :طيب كويس دى نتيجه حلوه اوى
شمس :حلوه فين بقولك مبصش لا لشعرى ولا عليا دا طلع هايف جدا
أمينه :يابت اصبرى أهو قلك بقينا أصحاب بكره يقولك بقينا أحباب
شمس بلويه شفايف : بكره آه ابقى قابلينى
أمينه :يابت آه بكره تقولى ياحبيبتى ياماما على الهنا والسعد العيشه فيهم
شمس مردتش وفى نفسها أهو لو مكنش ده يبقى رجب وفى الآخر مخسرتش حاجه
---------------¤¤¤¤¤¤
أشرقت شمس يوم جميل بدايته توتر وقلق يؤدى إلى فرح ونهايته.....
فى الداخليه شهاب فى مكتبه محسن خبط ودخل
محسن : وأنا القولت أنك هتتصل زى اليومين الفاتو وتقول هتتأخر
شهاب بصله ومردش
محسن كمل ... ها مقولتليش كنت بتتأخر فين اليومين الفاتو
شهاب وهو بيشتغل : ابداً أميره بس كانت محتاجانى اليومين الفاتو زى ماقولتلك قبل كده محتاج أقرب منها أكتر
محسن مش حاسس أن شهاب بيقول الحقيقه بس كلامه منطقى : ها أخبار أم عيون زرقه ايه
شهاب بصله بعيظ : هو انت عاوز تضرب على الصبح
محسن :هههههه فى ايه يا عم بلاش أخبار روز ايه
شهاب :أنت مالك اصلا
محسن :خلاص متزقش بجد اخبارك معاها ايه
شهاب بهروب من الإجابة هيقوله ايه بعمل المعملتهوش أيام المرهقه : ولا حاجه مشفتهاش من فتره بس يعنى علاقتها بأميره كويسه وبعرف أخبارها
محسن بيحاول يصدقه : بس هتشوفها النهارده ههههه والنهارده عندكوا بكره عندهم
شهاب اتنهد وبصله : سيبنى بقى اكمل الشغل علشان لازم أكون فى البيت بدرى
محسن :ماشى ياعريس المستقبل القريب سلام
شهاب : بقولك أنت ومروه ايه
محسن غمزله : كله تمام وقفل الباب
شهاب بيبص على الباب
وهمس متأكد يامحسن انك مصدقتنيش وعارف انى مخبى حاجه هقولك ايه بس اةةةةة ياروز هشوفك النهارده خلاص اتعودت أشوفك كل يوم أفتكر لما قالتله متسوقش بسرعه عارف طلعت منك تلقائي هههههه بس التلقائيه دى جت من جواكى من قلبك
ياالله يسلملى ها القلب
-------------------♡♡♡♡♡
فى قصر البحيرى حياة مبلغه عمرو بموضوع أسر ومتفقه معاه أن يكون معاهم فى المقابلة وطبعا مهما كان وراه ايه طلبات أخواته أوامر بالنسباله
وجاء المساء وبما فيه من أحداث
جاسر خلص لبس وراح لأسر غرفته فتح على طول
أسر :أنت ياغبى حد يفتح على حد كده
جاسر :مش أنا فتحت يبقى فيه
أسر بيبصله بغيظ
جاسر كمل سيبك انت ايه الشياكه والجمال والاناقة والحلاوه دى
أسر :بجد يعنى مفيش حاجه ناقصه
جاسر :ها معرفش أنا بتكلم عن نفسى ها ايه رأيك
أسر خبطه على دماغه من ورا : امشى من وشى احسنلك
جاسر :ابو ايدك التقيله دى يا عم بهزر دا أنت مز واخر شياكه بجد ألف مبروك يااسر ربنا يتمملك بألف خير وحضنه
أسر اتأثر وبدله الحضن
جاسر :طب كفايه أحضان بدل ماحد يدخل علينا يفكرنا
وضحك وغمزله
أسر : ياعم دا انا كنت اتأثرت وافتكرتك بتحس امشى من وشى
جاسر :ماشى ماشى
وفتح الباب ... أسر أنا فرحان علشانك اوى ربنا يفرحك ياخويا
وقفل الباب
أسر بيبص على أثره : عارف ياجاسر ربنا مايحرمنا من بعض
عند روز بتظبط نفسها لبسه بلوزه سواريه اسود بلمعه خفيفه جدا مجسمه من الصدر طولها لحايد قبل الركبه وبنطلون اسكينى اسود وهاف بوت وحجاب أوف وايت أنيق وملفوف بطريقه عصريه شيك
ولبست طقم الماظ بس سمبل جدا ورقيق بفصوص صغيره
هيا بسيط جدا لو حطت ميكب كامل بس قررت تحط ميكب كامل بألوان فاتحه ورقيقه كانت فعلا جذابه
بصت لنفسها فى المرايه برضا وهيا بتحط البرفيم فجاه إجه فى بالها شهاب
وهمست ياترى هيلبس ايه افتكرت المطره وقطرات الميه نزله من شعره
وابتسمت يلبس زى مايلبس انا مالى بس أنا ملاحظه انه بيحب الغوامق فى ايه ياروز انتى مالك الله
ونزلت وده ساعه نزول جاسر
جاسر بيصفر : ايه الحلاوه والشياكه والجمال ده بصراحه حبت مزز فى بعض يخربيت كده
روز :هههههه متأفورش مش اوى كده
جاسر :ايه مش اوى كده ألهو ازاى بتغزى العين ولا ايه ونبى ياشيخه صارحينى وقولى أنك مش خالتى
روز : هههههه ليه بقى
جاسر :مكنتش هسيبك هتجوزك وش
روز :ههههه معلش بقا للأسف طلعت خالتك أنا الخسرانه مش انت
جاسر :ههههه
برنسس ومدلها أيديه ... ونزلوا
عند حياة وفؤاد لبسوا وظبطوا وحياة جت تحط اللمسات الاخيره وطلعت علبه مجوهراتها فؤاد راح عندها وقفلها
حياة بأستفهام : ليه لسه مخترتش هلبس ايه
فؤاد مخبى أيده ورا وابتسم : ممكن تقبلى دى منى
وقدملها طقم الماظ بفصوصه الكبيره الانيقه
حياة حضنته : حبيبى ربنا يخليك ليا تحفه يا فؤاد يجنن حبيبى أنا عندى كتير وأنت على طول بتجبلى تعبت نفسك ليه وبعدين شكله غالى جدا
فؤاد أخده منها وبيبصلها فى المرايا : حبيبتى وبيلبسهولها
حبيبه وروح وحياة فؤاد مفيش حاجه فى الدنيا كلها تغلى عليها يارب بس زوقى يكون عجبك
حياة : عاجبنى ايه دا يجنن يا قلبى
حياة :صوت الولاد بره يلا
فؤاد : مسك أيديها وبسها يلا
طلعوا بره واتجمعوا
جاسر :ايه يا حاجه الحلاوه دى بجد ياحج عرفت تنقى
فؤاد :أول مره تقول حاجه صح
جاسر :والله ياحج طول عمرى بقول كلام دولر بس اليسمع أهو شوف أخت مراتك اهى تجنن الواحد سألتها أتأكد إذا كانت خالتى ولا لاء للاسف طلعت خالتى
فؤاد :مكنتش ماشى عدل
وبص لروز وابتسم زى القمر ياروز
روز :ميرسى ياانكل القمر كله عندك بس ثوانى ايه ده وراحت لحياة ايه ده تحفه يا حياة يجنن
حياة بصت لفؤاد وابتسمت : فؤاد جيبهولى هديه
روز : يجنن ياانكل ربنا يخليكوا لبعض
أسر :حلو اوى يا ماما وانتى زى القمر
حياة راحت لعنده
حياة :حبيبى ربنا يحميك انت الزى القمر ماشاء الله عليك
وحضنته وطلعت من شنطتها علبه وفتحتها
... ها ايه رأيك عباره عن انسيال دهب ابيض وفى النص فص متوسط الماظ : دى مجرد هديه بسيطه بمناسبه التعارف وقرايه الفاتحه وبعد كده هنجيب احلى شبكه لأحلى عروسه
أسر :حبيبتى يا ماما مكنش ليه لزوم يعنى مجرد تعارف
حياة :ملوش لزوم ازاى هو انت أى حد
جاسر :قصدها تقولك هو انت أى حد هو انت مش عارف أمك مين كده يعنى ههههه
حياة :والله انت رخم
روز :ديماً كده بتبوظ اللحظات العاطفيه
وقربت من أسر وحياة وابتسمت
ولأسر ... ده زوقى على فكره ايه رأيك
أسر :ربنا يخليكوا ليا
جاسر راح ناحيه أبوه : ترانى اتجسرت ياحج والنبى ياحجوج اوعى تنسى لما اجى أخطب تجبلى زى ده بس فص كبير شويه
فؤاد خبطه على دماغه : تعرف لو سمعت صوتك فى المقابله هعمل فيك ايه
جاسر :والله ما أنت مكمل يلا علشان منتأخرش
كلهم آه يلا توكلنا على الله ومشيو
أسر ووالده والدته فى عربيه
وجاسر وروز فى عربيه
ومتابعين مع عمرو يتقبلوا ويدخلوا مع بعض ووصلوا
وأنا كمان وصلت لنهايه الحلقه ❤❤
والسلام عليكم ورحمه الله وبركاته 😍❤❤ عرض أقل
•تابع الفصل التالي "رواية صراع العقل والقلب" اضغط على اسم الرواية