رواية اشتغاله الفصل الثالث والعشرون 23 - بقلم ليل أدم
مساء الخير للجميع 💐💐💐
الجزء ٢٣ من رواية ❤️❤️
(❤️أشتغاله ❤️)
مشيره : يعني اي زين عرف
المتحدث: مش عارف والله حضرتك انا فضلت مستني تحت شركه زين لحد ما لقيت جوده نازل مع الجردات ركبوا العربية وطلعوا على مخزن في السويس
مشيره : طب ما يمكن رايح مشوار تبع زين عادي
المتحدث: لا حضرتك دا كان متكتف وهو نازل من العربية ودخله جوه المخزن مسحول
مشيره : يعني اي الفلوس ضاعت عليا عينك على المخزن ده اوعى تغفل عنه لو خرج من المخزن تجيبه عندي هنا انت فاهم
المتحدث: تحت امرك يا فندم
في جانب آخر
الجرد: مستر زين وصلنا المخزن وربطنا جوده هناك تحب نعمل معاه اي
زين : ينهار اسود ربط مين يابني هاته وتعالي وسيب الرجاله وقفه قصاد المخزن علشان اللي يشوفهم يقول أن جوده لسه جوه
الجرد : تحت امرك حاضر يا زين بيه
في جانب آخر كان مستر عزيز لم كل الأوراق حوالين قطعه ارض السويس علشان يدخل المزاد يخطفها من زين بعد تسريب الأخبار بأهميه قطعه الأرض بالنسبه ل زين
يوم المزاد كان وصل زين بدري قبل المزاد وده غير عادته لكن زين كان حريص أن المزاد ده ميطلعش بره ايد مستر عزيز إلي أن وصل عزيز وبدأ المزاد اللي انتها بمكسب مستر عزيز
عزيز : ولسه يا زين انت فاكر اني هسيبك تركب السوق في وجودي
زين : لا خلاص يا مستر عزيز أنا كده كده هسيب السوق كله بيني وبينك هشتغل في التصدير
عزيز:(بيضحك بسخرية) وهتصدر اي أن شاء الله
زين : الطرشه سلام (وخرج زين على مكتبه )
في جانب آخر
مشيره : اقولك حاجه
عزيز: قولي
مشيره : المزاد ده مطلعش من تحت ايد زين إلا أن في حاجه في دماغه
عزيز: ولا في دماغه اي حاجه كل ما في الموضوع أن زين عارف اني مش هسيبه يركب السوق وأنا موجود طبيعي يعمل كده
مشيره: صدقني مش طبيعي وطريقه كلام زين مقلقه اكتر زين عمره ما خرج من مزاد خسران تخيل يخرج خسران ومبسوط اوي كده ثما أنا أول مره اشوف زين كامل يحضر مزاد بدري قبل الميعاد مش غريبه دي
عزيز: لا مش غريبه علشان المنافس مش حد عادي يا مشيره
في جانب آخر كان زين وصل إلي مكتبه
جوده : ياعم أنا بقالي اسبوع نايم على الأرض ضهري وجعني
زين : هانت ياعم المزاد خلص اهو وعزيز لبس الأرض
جوده : مستني اي بلغ بقا
زين : ياض انت غبي يعني خد الأرض النهارده وعمل كل ده قبل حتا ما الأرض تتسجل شغل دماغك
جوده : اه صح
باب المكتب بيخبط
زين : ادخل
ريهام: خير يا زين في اي
زين : مفيش عايزك تخدي ماما و بابا واسماء و تروحي هارنوفل تعملي كل تجهيزات الفرح فيها حاجه دي
ريهام: طب مستعجل كده ليه خلص شغلك ونمشي مع بعض
جوده : وأنا ياعم احضر الفرح ازاي ب وشي ده
زين : اهدا انت يا بنتي أنا قصادي يومين و هجيب جوده وجاي
ريهام: يومين بس يا زين مش اكتر
زين : لا متقلقيش يومين بس فين المفاتيح يا لوح انت
جوده : في البيت عندي
زين : يعني ماشي تشخلل من كتر المفاتيح وجت على مفتاح الشاليه
جوده : معايا نسخه في الميداليه
زين : اي يا ابني العظمه دي هات ام الميداليه كلها ريهام لقيتي المفتاح مش موجود في هناك عماله في القريه أنا هتوصل معاهم يفتحلك الباب ويديكي المفتاح الجديد تمام
ريهام: استعجالك قلقني يا زين
زين : ياله بقا يا ريهام خلصي مش وقت جدال
ريهام: حاضر هكلم ماما وانا رايحه بس ارجع البيت اخد شنطتي
زين : ماشي ساعه تكوني على الطريق أن شاء الله ماشي ومعاكي الجردات
ريهام: لا والله انت عامل مصيبه
زين : ياله ياقمر الله يكرمك
ريهام: خلاص ماشي سلام
زين: سلام
جوده : انت عملت اي يا ابو الصحاب فطمني فضيت العائله كلها ليه
زين : ياعم محدش يعرف اي اللي ممكن يحصل لو اللعبه خربت على دماغنا
جوده : وتخرب ليه يا ابو الصحاب دا انا عملت تحت الأرض حتت دين سرداب يا خرابي في كل حاجه سلاح موجود ومخدرات موجود ناقص اخطف في اطفال ومش كده وبس ومعاهم اتنين مليون جنيه كمان
زين : جبتهم منين دول
جوده : هو أنا مقولتش
زين : لأ
جوده : أصل أنا خدت من مشيره الخمسين مليون قبل ما اجي عندك اقولك
زين :(بيضحك) يخربيت دماغك وحطيت الفلوس فين
جوده : تحت في الحسابات علشان اصرف براحتي منها
زين : انت بتهزر صح
جوده : اه والله
زين : (رفع تليفون مكتبه كلم الحسابات) الو
معتز : تحت امرك يا مستر زين
زين : في خمسين مليون دخلوا مع استاذ جوده الاسبوع اللي فات
معتز : اه يافندم وعملت ليهم اضافه حساب
جوده : لا اضافه حساب اي دول بتوعي انت نصاب يا زين ولا اي
زين : (بيضحك) ياعم اسكت يخربيتك خلاص ماشي يا معتز
معتز : تحت امرك يا زين بيه بعد اذنك
زين : انت بتعمل حاجات عجيبه يا جوده والله
جوده : طلع بقا الف جنيه من فلوسي هاتلي فطار هموت من الجوع
زين : ألف جنيه فطار ليه هتفطر سوشي
جوده : ياعم اي حاجه طلع ١٠٠ جنيه طيب انا ع البلاط
زين : يعني كان معاك خمسين مليون جنيه يا جوده ومخدتش منهم حتا عشرين ألف في جيبك
جوده : ياعم أنا جاي من عندها معايا شويه عيال عاملين كده شبه الحيطه
زين : طب انت تقدر تروح بيتك تجيب هدومك وترجع تاني علشان بكره نمشي من هنا
جوده : ينهار أخيراً هرجع بيتي سلام ياعم
زين : جوده خلي بالك من نفسك ها
جوده: عيب عليك يا نجم مصر سلام
زين : سلام
بعد نزول جوده من شركه زين خد عربيته وطلع على الطريق طلع عليه عربيه قطعت الطريق
الجرد : انزل
جوده : لا وربنا ارجع البيت أنا بقالي اسبوع نايم في الشارع هو أنا اي يا جدعان
المتحدث: (طلع سلاحه في رأس جوده ) انزل ياض
جوده : السلاح لواح ياعمنا نازل (ونزل ركب العربية معاهم الي منزل مشيره)
في جانب آخر
المتحدث: الو
زين : الو
المتحدث: مستر زين جوده بقا معاهم
زين : خليك معاهم لحد ما تعرف راح فين يا نعيم
نعيم : تحت امرك يا مستر زين
زين : (بعد ما قفل ) معلش بقا يا جوده ما لازم نتعب شويه علشان نرتاح
في جانب آخر
جوده : ياعم حرام عليك ترمت سناني كفايه ضرب
مشيره : الفلوس فين يا جوده
جوده : هو أنا لو اعرف كنت سبت الجدع ده يضيع سناني يا مدام
مشيره : روقوا عليه
جوده : ياجدعان عيب وربنا احنا رجاله زاي بعض تروقوا عليا ازاي بس
وبعد ما انعدم جوده العافيه من كتر الضرب
مشيره : راضي كفايه
جوده : كفايه يا راضي ابوس ايدك ايد امك تقيله اوي
مشيره : ارحم نفسك و اتكلم
جوده : مش هتكلم إلا في وجود عزيز بيه
مشيره : بس كده لحظه واحده اطلع يا راضي انده عزيز بيه
راضي: تحت امرك يا فندم
في جانب آخر
زين : نعيم خرجوا ولا لسه
نعيم : لا لسه
زين : يخربيت امك يا جوده ما تتكلم كفايه كده هتموت في ايديهم
نعيم : تحب ادخل أنا والرجاله يا زين بيه
زين : لا طبعاً أنا عايزك بس اول ما يخرجوا تعرفني
نعيم : تحت امرك يا فندم
بعد ما قفل زين المكالمه توجه إلى قسم الشرطة
في جانب آخر
عزيز : اي المنظر ده
جوده : شوفت ضيافه بنتك عامله اذاي يا عزيز بيه
عزيز: فين الخمسين مليون يا معفن انت
جوده : الفلوس في السويس تحت الأرض بتاعتك والله بس مش هقول إلا لما يحصل حاجتين
مشيره : قول
جوده : محدش يعرف يوصل للفلوس إلا أنا علشان كده أنا هاخد اتنين مليون جنيه وطلبي التاني نتحرك كلنا ومعنا مستر عزيز أنا مش ضامن بنت حضرتك متهوره اديك شايف وشي
عزيز : حطوا الكلب دا في عربيتي وياله نتحرك كلنا على هناك
جوده : لا راضي لأ راضي لأ
في جانب آخر
زين : أنا كده قولت لحضرتك كل حاجه وياريت حضرتك تتحرك حالا
تليفون زين رن
زين : الو
نعيم : تحركوا من البيت و معاهم جوده
زين : ماشي يا نعيم امشي انت
محمد بيه : مستر زين حضرتك فوق راسي بس لو الكلام ده طلع غلط مستر عزيز هيقلب علينا الدنيا
زين : ياباشا أنا مضيت على كلامي صح
محمد بيه: صح
زين : والراجل بتاعي مخطوف وراح يترمي هناك هتستنا يموت علشان تتحرك ولا هتقوم معايا
الامين: محمد بيه القوه تحت جاهزه
محمد بيه: ياله نتحرك يا زين بيه
❤️❤️❤️❤️❤️❤️❤️❤️❤️❤️❤️❤️❤️الي اللقاء في الجزء القادم ❤️❤️
✍️ليل أدم 💐❤️
•تابع الفصل التالي "رواية اشتغاله" اضغط على اسم الرواية