رواية صراع العقل والقلب الفصل الثالث والعشرون 23 - بقلم كنزي علي

بقلمى كنزى على ♡♡

اللهم صل وسلم وزد وبارك على أشرف خلق الله سيدنا محمد وعلى آله وصحبه وسلم أجمعين ❤❤

أستغفر الله العظيم واتوب اليه ❤

ربنا يعافينا ويعفو عنا اللهم امين💞💞

أشرقت شمس يوم جميل ومشمس محمل بالأحداث

نسرين بقلها كذا يوم مرحتش الشغل مع عمرو كانت بتقضى احلا أيامها مع جوزها وحبيبها

وعمرو كان بيحاول يخلص شغله بدرى ويرجع لبيته وزوجته اللايام والشيطان بعدهم عن بعض فتره ...

بس النهارده نسرين قررت تنزل الشغل ووصلوا الشركه وكالعاده مسكه فى ايده ومكلبشه فيه ودخلوا الأسانسير

نسرين بأبتسامه جميله : عمرو ما تعمل معايا زى ما بقرأ فى الرويات لما بيكونوا فى الاسانسير

عمرو بيبصلها بأستغراب : بيعملوا ايه فى الروايات

نسرين قربت منه اوى وبأيديها على شفايفه : بيعملوا كده وباسته

عمرو كان الأول مستغرب وحاول يبعد بس نسرين مدتلهوش فرصه فعجبه جرأتها واندمج معاها واتعمق اكتر واكتر

نسرين خدت بلها أن الأسانسير وقف وبعدت وضحكت وبدلع : أنا بقول نرجع البيت

عمرو ضحك على حبيبته البيكتشفها من اول وجديد : وانا معنديش مانع

نسرين مسكت جاكت البدله وبتظبته : امممم أنا بقول تشتغل دلوقتي ونرجع مع بعض البيت على الغدا بس علشان متقولش انى بعطلك عن شغلك هههههه

عمرو بضيق : غدا اوف

وخرج من الأسانسير

نسرين ضحكت بصوت مش عالى اوى

عمرو مشى وفى طريقه لمكتبه

نسرين ندهت عليه

فبصلها بستغراب لان مكتبها فى نفس الدور بس مش فى نفس الإتجاه راحت لعنده وبسته من خده وجرت

عمرو بيبص على اثارها مش مصدق هو مش من الشخصيات البيحب يظهر مشاعره أو حد يعرف حاجه عن حياته الخاصه فكمل على مكتبه بدون ولا كلمه

نوران متابعه الحصل من بعيد وبتهمس لنفسها.. هه وانا الكنت مفكره انكوا زعلانين وانك بتعاقبها بأنها متجيش الشركه اليومين الفاتوا اتاريكوا عايشين فى العسل ولا عمركوا شفتوا زعل ولا حزن

اتنهدت يابختكوا اليشوفكوا يفكر انكوا عرسان جداد فعلا الدنيا حظوظ وارزاق يبتلينى بحد زى إبراهيم يبعنى فى أول مشكله ولا فرق معاه حب سنين والزى نسرين ربنا يرزقها بحد زى عمرو راجل بمعنى الكلمه راجل فى كل حاجه واخدت الورق تدخلوا لعمرو يمضى عليه وهيا مع عمرو بيشوف الورق ومركز وهيا مركزه معاه فى طريقته أد ايه جاد وراجل أعمال ناجح جدا ومع نسرين بيكون عاشق فعلا دا الراجل الكل البنات بتتمناه

قطع تفكيرها عمرو : اتفضلى يانوران

اه ممكن قهوتى لو سمحتى

نوران : آه طبعا

هنا الباب حبط ودخلت نسرين بصنيه عليها اتنين قهوه

نسرين :سورى

وبأبتسامه ... قولت أشرب قهوتى معاك وقربت وادتله القهوه

عمرو أبتسم واخدها : كنت لسه بطلبها من نوران

نوران : تمام عن اذنكوا ... وخرجت

نسرين راحت أعدت على المكتب فى وش عمرو وبتشرب القهوه ومبتسمه

عمرو :فى ايه يا نسرين فيكى حاجه غريبه آه وبعدين ايه العملتيه ده

نسرين ضغطت على شفايفها : قصدك على العملته فى الأسانسير

ولااا ... وراحت باسته فى خده

... أنهى فيهم

عمرو بجديه : نسرين احنا فى الشغل مينفعش كده

نسرين بزعل جت تقوم وهيا بتقول : طيب أسفه مش هعمل كده تانى

عمرو قام بسرعه ومسك أيديها : انتى عارفه أنا اقصد ايه مش كده

نسرين هزت رسها بأيوه : عارفه بس بعدك عنى الفتره الفاتت جننيتنى وبصراحه مصدقت ههههه

عمرو : ههههههه مصدقتى ايه بالظبط وبعدين أنا مش قولتلك نرجع البيت وانتى القولتى نستنى الغدا

نسرين :ياحبيبى مهو الطبيعى أن اقولك خلينا للغدا وأنت التصمم

عمرو هنا مقدرش يمسك نفسه

وضحك بصوته كله

ونسرين كمان ضحكت اوى

نسرين بضحك : بتضحك ماشى أضحك أضحك هروح أشوف شغلى

وفتحت الباب ورجعت بصتله ونتقابل على الغدا ياباش مهندس وخرجت

نوران طبعا وصلها ضحكهم وحست أن نسرين بتغظها

نسرين وهيا خرجه بصت لنوران بالامبالاه ومشت

نوران بصت عليها وهيا مشيه بغيره

وكملت شغل

---------------------♡♡♡♡♡

عند روز بدأت يومها بأداء فرضها ظبطت نفسها تنزل النادى قابلت حياة

حياة :حبيبتى مابلاش النهارده نادى وارتاحى أحسن

روز :حبيبتى أنا كويسه انكل فؤاد فين

فؤاد جاى من جوه : أنا أهو عامله ايه النهارده قلقتينا عليكى

روز :الحمد لله ياانكل أنت عارف حياة بتقلق زياده عن الزوم يلا أشوفكم على خير سلام عليكم

روز خرجت وسعيد شفها وراح يجبلها العربيه واجه ونزل منها روز طبعا مش بتبصله

سعيد فضل واقف

روز بتبصله بأستغراب

سعيد بأحراج : أنا آسف انى ضايقت حضرتك بس حبيت اقولك ألف سلامه عليكى ألف بعد الشر عليكى عن إذنك

روز مردتش بس حست فعلا أن اعتذاره وخوفه عليها صادق هيا كانت ديما بتحترمه جدا بس بعد الحصل زعلت منه جدا

وقالت ربنا يغفرلينا ويسمحنا جميعا

--------¤¤¤¤

عند شهاب الكل متجمع على الفطار

شهاب :بابا أنا بلغت الرائد أسر أننا منتظرينهم الخميس إن شاء الله

أميره وشها أحمر ومتكلمتش

مهاب :فى انتظرهم

وبص لسها .... عاوز كل حاجه تكون مظبوطه

سها : أكيد

وبصت لأميره وابتسمت ... احنا عندنا كام أميره

مهاب : أكيد بس عيله خطاب والبحيرى برضه مش أى حد ومش عاوز غلطه

شهاب لأميره : ايه ياعروسه ساكته ليه

أميره بكسوف ووش أحمر : ولا حاجه باكل ياابيه

شهاب ضحك على اخته وعلى كسوفها

وافتكر أن روز تعبانه وممكن متجيش لأخته للجلسة : آه هجيلك النهارده علشان الجلسة

أميره :ليه ياابيه مهى روز هتفوت عليا بعتتلى رساله وقالتلى استناها على الميعاد وحاليا هيا فى النادى

شهاب فى نفسه اتبسط أنها كويسه وخلص الفطار وفى طريقه للجهاز

فكره واحده بس مسيطره عليه عاوز يشوفها بنفسه ويطمن عليها

طلع فونه واتصل على محسن

شهاب :الو أيوه يا محسن معلش هتأخر شويه ولو فى حاجه كلمني

محسن :خير فى حاجه

شهاب :لاء تمام زى ماقولتلك لو فى حاجه كلمنى سلام

شهاب غير طريقه وراح النادى فضل يدور عليها راح التراك الأول متلقهاش راح صاله الاسكواش مش موجوده قعد يلف كتير روحتى فين وحشتيني ممكن تكون راحت.....

وراح أبتسم فعلا اتلقاها فى صاله النيشان بتتفرج من ورا الزجاج ظبط نفسه على أنه جاى يدخل وشفها بالصدفه

واجه يدخل هيا الشفته وابتسمت راح لعندها

شهاب بأشتياق ورغبه عاوز يملى عينيه وقلبه منها : ازيك ياروز عامله ايه النهارده

روز اتبسطت انها شافته متعرفش ليه وبأبتسامه :الحمد لله كويسه

اتكسفت من نظراته البتخترقها بصت للارض وبعدين بصتله ... احم ميرسى على الحصل وضغطت على شفيفها معرفتش تكمل هيا اصلا مضايقه أنه شفها وهيا تعبانه

شهاب ساكت عاوز يسمعها أكتر

روز بصت قدام ورجعت بصتله وبأحراج من نظراته : هو حضرتك مش هترد عليا الرد المعتاد

شهاب بفضول وبأبتسامه : رد ايه

روز رطبت شفيفها : اممم أنك تقولى أنا معملتش حاجه وان أى حد مكانى كان عمل كده

شهاب مبتسم : فعلا أى حد مكانى كان عمل كده بس مكنش هيخاف عليكى اد ماخوفت عليكى

روز فعلا شافت الخوف فى عينيه ساعتها بس فسرت انها عنده زى اميره فبكسوف : انا عارفه ان حضرتك بتعتبرنى زى أميره وعلشان كده خوفت عليا

شهاب اتفاجأ من كلامها : بس انا مش بعتبرك زى أميره خالص

روز بتبصله بأستغراب

شهاب كمل ... أيوه خوفت عليكى وجدا بس خوفت عليكى كروز البحيرى

وابتسم وحاول يخرج من المأزق ده ويشتت تفكيرها

القريبا هتبقى خاله خطيب أختى

روز كشرت : من أولها كده أنا مش بحب كلمه خاله دى اوكى

شهاب بضحك : اوكى

وبص قدام .... بتحبى النيشان

روز : اممم بحب اللعبه الفيها تركيز

شهاب :وليه مش بتلعبيها

روز بتبصله بأسف : قولت لأسر كذا مره يدربنى عليها بس بتحصل ظروف

وجاسر تقريبا ياشغل يا نوم

شهاب :النادى هنا من أكبر النوادى فى مصر والمدربين الفيه أنا اعرف منهم كتير وعارف أن مستواهم عالى جدا ومتخصصين

روز بصتله بنظره هو مفهمهاش

شهاب بفضول : معناها ايه النظره دى

روز بتردد بصت على مدرب بيدرب واحده وشهاب برضه بص على الجهه البصت عليها : اكيد هما مدربين كويسين بس مش علشان عاوزه ادرب احط نفسى فى موقف زى ده

.. قصدها تقريبا المدرب لازق فى الشخص البيدربه

وممكن يحصل تلامس

شهاب بيبصلها بأستغراب

روز : الموقف بالنسبالى فيه حرمانيه وانا مش هعمل حاجه انا شاكه فيها

.. هو انت بتبصلى كده ليه عارفه أنك هتقول عليه رجعيه بس دى أنا ومش هغير نفسى علشان أى حاجه

شهاب أبتسم : تعرفى ياروز انتى لو مااسأتيش الظن فيا أنا سعتها هستغرب

روز اتكسفت

شهاب .. لما عرفت السبب خلتينى اخد بالى أن كلامك مظبوط وعندك حق ونظرتى ليكى معناها انى معجب بيكى

بصتله بأحراج

شهاب تدارك الموقف ... قصدى بتفكيرك وقد ايه خدتى بالك من حاجه زى دى

روز اتكسفت بأساءه الظن فيه بس اتبسطت أنه فهمها : سورى كنت مفكره

قاطعها : هو أنا آه مش متحفظ زيك بس أكيد مش اوبن

وابتسم وفكر فى حاجه هتقربها منه اكتر ...

ايه رأيك أنا ادربك وقبل ماتستغربى بص ناحيه المدربين الرجاله مع بعض وهيا بصت

... دى المسافه الهتكون بنا يعنى مش شرط تكون كده وبص على المدرب مع واحده بس خلينى اقولك المسافه بنهم دى الصح لأن البنت بتبقى محتاجه شغل وتدريب أكتر وبتخاف وممكن تستخدم السلاح غلط بنسبه كبيره فالمدرب بيكون قريب جدا خوفا عليها وامان ليه وللمكان ها قولتى ايه

روز متفهمه لكلامه واقتنعت بيه : بس حضرتك أكيد مشغول وانا كده هعطلك

شهاب بكدب : خالص أنا تقريبا باجى يوميا حوالى ساعه بمارس رياضه مختلفه

روز ابتسمت :بجد مش هضيقك

شهاب أبتسم لأبتسامتها : بالعكس هكون مبسوط لأنى عارف أنك ذكيه وهتتعلمى بسرعه يلا

ودخلوا جوه يمكن أول مره روز تدخل وبتسمع ضرب النار جسمها بينتفض بسيط

شهاب حس بيها كان نفسه يمسك أيديها ويطمنها

أهدى ياشهاب واتقل خليها تثق فيك ابنى اثاث للجاى ...

راحوا مكان التصويب وشهاب جاب سلاح وابتدى يشرحلها مبادئ مسكه الصحيحه للسلاح

وزر الأمان امتى تستخدمه ومكان التصويب والوقفه المظبوطه

وطبعا اهم حاجه لازم تظبطى نفسك عينك على الهدف

واخر حاجه الضغط على الزناد

روز بتركز فى كلمه بيقولها وجت تمسك السلاح مش عرفه تمسكه صح

شهاب :روز ركزى المسكه كده غلط

وبيشاور بأيديه

حاولت مره واتنين مش عارفه

... طب هاتى كده

واخده منها ... شوفى لازم صوابعك التلاته تكون على قبضه المسدس والسبابه على السبطانه هنا والابهام مرفوع لازم تعتبرى إيدك والسلاح قطعه واحده

روز : بس حضرتك مش واخد بالك من حاجه شهاب بأستغراب : هيا ايه

روز فردت كف اديها : ورينى ايديك

فرد ايديه قربت ايديها منه ...

شايف الفرق حضرتك بين ايديا وايديك انت ممكن تمسكه بصابعين مش مشكله بس انا ازاى قولى انت كده

شهاب ضحك عليها وهيا كمان ضحكت

فى نفسه فعلا إيديكى صغيره وتجنن

يارب أنا الجبته لنفسى ازاى أكون قريب وعاقل كده : تعرفى انتى عندك حق وفى الظروف دى

روز :ثوانى أنا ديما عندى حق

شهاب رفع حاجبه : غرور ده

روز ابتسمت : شويه معترض

شهاب :خالص اتغرى برحتك

روز اتكسفت : احم اتفضل كمل

شهاب فى نفسه أكمل ايه هو الواحد هيكون معاكى ويعرف يركز ياربى :حلك تستخدمى إيديك التانيه وابتدى يشرح على لوحه التصويب والنقاط الموجوده عليها والملونه ودلوقتى هنحط السماعات دى علشان الصوت روز ركزى رجلك متثبته فى الارض نفسك منتظم وبدؤا مع توجيهات شهاب الاول

روز كانت مهزوزه وبعد كده ابتدت تفهم وتتعلم بس الموضوع محتاج تدريب ووقت

شهاب :برافوا عليكى بتتعلمى بسرعه كفايه كده النهارده

روز سابت السلاح وبدلك أيديها وفى احمرار بسيط : ورينى ايديك كده

شهاب أستغرب وفتح ايديه ليها

اشمعنى انت ايديك مش احمرت

شهاب ضحك : أنا متعود عليه وانتى مع الوقت هتتعودى وتمسكيه صح أهم حاجه لازم تعتبريه جزء من ايديكى وانتى بتتعملى بيه

روز :امممم اوكى عندك حق ميرسي اوى

بصت فى الساعه ... شكلى اخرتك بقالنا أكتر من ساعتين

شهاب بص فى الساعه اتفاجأ فعلا بالوقت ابتسم : فعلا لازم امشى نتقابل بكره

روز : إن شاء الله

شهاب بمكر : رقم موبايلى معاكى يعنى علشان لو حصل ظروف فى شغلى أو حاجه تكونى عارفه ومتنتظرنيش

روز بصتله بأسف هيا محتفظتش برقمه لما اتصلت عليه قبل كده

شهاب فهم نظرتها : مسحتيه ولا مسجلتهوش أصلا

روز ضغطت على شفايفها وزاغت بعينيها

شهاب فى نفسه نفسى تبطلى الحركه دى ياخوفى فى مره مقدرش اسيطر على نفسى والتهم شفايفك الجننيتنى : اوكى فهمت أنا سجلت رقمك ساعتها وده رقمى

روز سجلته

شهاب بص فى الموبايل

وأبتسم كده انتى عندى على الواتس

معقوله شهاب ازيك اخبارك ايه وبدلع وحشتني ودى كانت :لارا صديقه شرين

شهاب بصلها بضيق : تمام

لارا وعينيها على روز : وأخبار شرين ايه هتيجى امتى وحشتني واكيد أكيد وحشتك

شهاب :معرفش عن إذنك

وبص لروز العينيها على لارا وأسلوبها وطريقتها ولبسها الضيق جدا

شهاب اضايق أن اتحط فى موقف زى ده وخصوصا وروز معاه هو عارف أن شكل البنت وطريقتها اوفر اوى : تبقى صديقه شرين بنت عمى انتى عارفه أنها مسفره وكانت بتطمن عليها

روز مضايقه من طريقه البنت وده بان عليها واكتفت بهزت رسها

شهاب بأسف بص فى الساعه : مضطر استأذن وبيبص لعينيها

روز تجاهلت نظراته : اتفضل

ومشت قبل مايمشى

شهاب فى عربيته يخربيتك ياشرين هيفضل شبحك مطردنى لأمتى

روز .. هو أنا ايه المضايقنى كده كل واحد حر فى تصرفاته

وبعدين هو قال أنه مش متحفظ بس باين عليه أنه أوبن اوى هو حر هو حر أنا مالى اووووف

---------------♡♡♡♡♡

شمس الصبح شافت سعيد وهو بيكلم فيروز وقالت دلوقتي بيحاول يصلح علاقته بيها آه يا سعيد ياخساره حبى ليك من النهارده ملكش مكان فى قلبى وندهت لأمها

شمس :ماما أنا موفقه على موضوع جاسر

أمينه بسعاده : بجد ياشمس ربنا يريح قلبك زى ماريحتينى

شمس :بس يا ماما أنا خايفه كلهم رتب كبيره واحنا قوليلين اوى يعنى أى غلطه ممكن يفعصونا

أمينه :اسمعى كلامى انتى بس ومتخافيش وكله هيبقى تمام يا ست الهوانم آه مهو من دلوقتي لازم تعودى نفسك على الكلمه دى

شمس :هانم أنا والاسمها فيروز دى هتكون راسى برسها

أمينه عنيها لمعت من الفرحه : طبعا ومش بس فيروز لاء وحياة كمان الهتكون راسى برسها اةةةةة اسمعيني بقى كويس وافهمى هقولك ايه ومن أولها كده اياكى يلمس ضفرك فاهمه

شمس كانت فاكره أمها هتطلب منها تقرب منه مهى كل الرجاله كده زى ما نجلاء ديما بتقولها فبعدم فهم : مش فاهمه ازاى عوزاه يقرب منى ويحبنى ووو

أمينه :وايه يابنت بطنى ليه هو أنا ممكن افرط فى بنتى دا لو كنوز الدنيا متسويش ضفرك أنا عوزالك الزى جاسر عشان تتجوزيه بالحلال وتعيشى عيشه كويسه افهمينى بقى وركزى فى الهقوله.......

--------------♡♡♡♡

فى شركه البحيرى

نسرين خلصت فتره شغلها وراحت لعمرو وكالعاده نوران مش فى مكتبها قالت مش هو قالى أدخل على طول وفعلا خبطت ودخلت

عمرو وتامر الصاوى ونوران قاعدين على تربيزه الاجتماع الصغيره

نسرين اتكسفت من الموقف

وبصت لعمرو : سورى مكنتش اعرف أنك مشغول

عمرو قام وراح عندها وبأبتسامه : ولا يهمك واخدها ودخل غرفه الاجتماعات

تامر عينيه على نسرين وفى نفسه اد ايه جميله ومميزه كان ممكن اخد خطوه بس مش مع حد زى عمرو البحيرى

وعينيه جت على نوران الشاف فيهم الغيره وهيا متابعه عمرو أبتسم

تامر بهمس غمزلها : ايه كل دى غيره

نوران تداركت نفسها وبنفس الهمس : غيره على مين حضرتك ومن مين اصلا

تامر : ههههه متتحمقيش اوى كده بس حبيت الفت نظرك غيرتك واضحه اوى بصراحه عمرو البحيرى مش اى حد بس معروف ملوش فى الشمال

نوران بضيق : شمال ايه أنا ست محترمه

تامر :امممم شكلك ناويه على الحلال بس مفتكرش شكله بيحب مراته جدا

نوران بسخرية : مراته العينك هتطلع عليها وكنت ناوى تسحبها بس قلبت لما عرفت طلعت مين

تامر :اديكى قولتيها لما عرفت هيا مين دا عمرو البحيرى شكلك لسه جديده متعرفيش مين عمرو البحيرى وممكن يعمل فينا ايه لو بس حد فكر يقرب لممتلكاته فنصيحه ليكى متقربيش علشان الزيه مش بيحزر بيحرق على طول

نوران بصتله بضيق وسكتت

عند عمرو ونسرين

نسرين :بجد اسفه مكنتش اعرف أن معاك حد

عمرو :قولتلك انتى ملكيش حدود تعملى الانتى عوزاه

نسرين مسكت ياقه الجاكت وبمروغه : لسه هتتأخر يعنى أنا كنت مشيه ويادوب ميعاد الغدا كمان ساعه

وأبتسمت ... فقلت يمكن تحب تيجى معايا

عمرو فهم قصدها وأبتسم : ادينى نص ساعه ونروح مع بعض بس تصدقي بعد السنين دى كلها مكنتش اعرف أنك شقيه اوى كده

نسرين :ودى حاجه حلوه ولا وحشه

عمرو أبتسم : خليكى هنا هخلص ونمشى

نسرين: طيب هستناك بره و

قاطعها :لاء هنا اياكى تتحركى

وخرج وقفل الباب

نسرين .. ماله فى ايه اممممم دا غيران من تامر اةةةةة يا عمرو هو أنا ممكن يملى عينيه وقلبي غيرك بس عجبتنى غيرتك برضه

-------------♡♡♡♡♡♡

لارا اتصلت على شرين

لارا :أيوه ياشرين نفذت كلامك بالحرف ههههههه والبنت كانت هتولع

شرين :بغيظ وشهاب عمل ايه

لارا :كان متوتر جدا وحاول ينهى معايا بسرعه وبصلها وكان شكلها مضايق

انتى هتيجى امتى بعد ما يتجوزوا ههههههه

شرين قفلت فى وشها وسهرانه مع جيرمين وبتشرب بشراها وغضب

جيرمين :مالك ياشرين بالراحة على نفسك شويه احسن تأفورى منى هههههههه وبعدين مش انتى بتكرهيه ايه المضايقك اوى كده وغمزتلها

ولااااا بنحب ومابنقولش

شرين : جرى ايه ياجيرمين ما تفوقى بحب مين أنا مابكرهش فى حياتى اده

جيرمين : آمال ايه المضايقك

شرين :مضايقنى أن الأستاذ عاوز يبتدى حياته بحب وغرميات خروج وفسح الحرمنى منهم المطلبت بيهم هد الدنيا وأعد يتهمنى انى مستهتره ويدينى فى أوامر وبس بس خليه يعشله يومين علشان لما اضرب ضربتى يقع على جدور رقبته والهيسعدنى فى كده أن القطه طلعت بتاعت قال الله وقال الرسول يعنى مش هتستحمل فى أيدى غلوه

جيرمين : اممممم انتى ناويه تنزلى مصر امتى

شرين :قريب اوى واعملى حسابك هتيجى معايا

جيرمين :تصدقى فكره واهو الفرجه هتبقى ببلاش

------------♡♡♡♡

شهاب :رجع بيته بعد يوم طويل على اد ما كان فرحان أنه خطف ساعات من يومه قضاها مع روز وكون حلقه وصل مابنهم بس لما شفها مضايقه لما الزفته دى ظهرت اضايق واتخنق ولنفسه ... دلوقتي تقول عليا انى اعرف الأشكال دى أكيد مهى طول الوقت بتسئ الظن فيا هتيجى على دى يعنى وتحسن الظن يمكن غارت انت بتقول ايه انت مشفتش نظرتها للبس وطريقه كلام الزفته دى

اةةةةة ياروز كل مابتقدم خطوه برجع عشره بس إن شاء الله اقبلك بكره وأحاول أوضح سوء التفاهم ده

الحلقه خلصت 😍

والسلام عليكم ورحمه الله وبركاته 😍❤❤ عرض أقل