رواية صراع العقل والقلب الفصل الثاني والعشرون 22 - بقلم كنزي علي

بقلمى كنزى على ♡♡

اللهم صل وسلم وزد وبارك على أشرف خلق الله سيدنا محمد وعلى آله وصحبه وسلم أجمعين ❤❤

أستغفر الله العظيم وأتوب إليه ❤❤

روز فى المعمل مركزه فى شغلها حاسه بضيق تنفس بسيط بس قالت لنفسها شويه وهبقا كويسه خصوصا الفلتر ديما على أعلى درجه وأعدت تشتغل

وعدت نص ساعه وشويه ضيق تنفسها زاد دورت فى جيوبها على البخاخه اكتشفت أنها نسيتها افتكرت أنها ديما بتسيب بخاخه فى الدرج

بدور مش لقياها جت تخرج بتفتح الباب معلق

ابتدت تتوتر وتخبط مفيشش نتيجه ...

عدت ساعه كمان الاختناق بيزيد

رجعت تانى تدور فى الإدراج وتخبط على الباب بس المره دى بأجهاد برضه مفيش نتيجه

وقعت الإدراج كلها على الأرض

فكت حجبها من نحية رقبتها

بتنهج جامد

وبتكح دموعها نزلت من التعب

حاولت بصعوبه تروح عند الباب جت تفتحه اتفتح بسهوله ..

خرجت بسرعه بس يادوب خطوتين ووقعت على الأرض قاعده على روكبها

بتنهج بتكح مش عارفه تنده على حد تستنجد بيه

من بعيد أسر استأذن من شهاب

شهاب بيبص عليه وشافه أد ايه فرحان اتبسط اوى لأخته

بيبص على المكان وتناسق الأشجار والورود منظر رائع فيه حاجه مختلفه

لمح مابين الاعمده والأشجار حاجه بتتحرك على الأرض حس بخوف

رجليه تلقائياً اخدته على هناك كل مايقرب الصوره بتوضح وخوفه بيزيد

شهاب :مش معقول مستحيل

وجرى بأقصى سرعه

وبصوت عالى... روووز روز

نزل على ركبته ... فيكى ايه مالك

رفعت وشها دموعها نازله .... كحه مستمره .. بتنهج... نفسها يعتبر مقطوع ... حجبها مفكوك بعض خصلات من شعرها حولين عينيها

قرب منها لما شاف منظرها اتجنن

بعد شعرها عن وشها

شهاب :حبيبتى مالك مالك ياروز فيكى ايه اتكلمى

شاورتله على نفسها

شهاب : طب اتنفسى بأنتظام

منظرها ووشها الأحمر ودموعها بقت مغرقه وشها ... بتنضفض

روز حطت أيديها على صدرها وبأيديها التانيه شاورتله على علامه البخاخه

شهاب بخوف ولهفه : انتى عندك ربو

فيروز ... شاورت أيوه

كمل طب بخختك فين

نظرات عينيها راحت نحيه المعمل ففهم : حبيبتى هروح واجى بسرعه نظمى نفسك مش هتأخر

وجرى دخل المعمل الإدراج كلها على الأرض معنى كده دورت كتير

اهدا .... اهدا

بيمشى فى المكان بهدوء ...

عينيه ابتدت تكون مكرسكوب على المكان بيمسحه بتركيز

شاف البخاخه جنب رجلين المكتب بس مداريه اخدها وجرى عليها وهيا على نفس حالتها

نزل على ركبته : حبيبتى جبتها

روز من لهفتها مسكت ايديه وقربتها من بوقها بس أعصابها ضعيفه

ضغطت على ايد شهاب ضغط هو

ضغطت تانى عليه

ضغط تانى

ضغطت تالت بعدها

شهاب : كفايه غلط كترها ظبطى نفسك وبقى يهوى بأيده منظرها وجع قلبه البينزف مع دموعها

الكحه موجوده النهج بقى بسيط لون وشها ابتدى يرجع لطبيعتة

شهاب بيتمنى يخدها فى حضنه يطمن نفسه قبل مايطمنها أنها كويسه ..

اسر خرج يدور على شهاب متلقهوش أستغرب عربيته موجوده ...

امال هو فين

بيبص حواليه ... لمحه من بعيد أتحرك نحيته

وايه ده روز فى ايه بيقرب وابتدى يسرع خطواته لأنه ابتدى يعرف أكيد روز تعبانه

شهاب :حبيبتى انتى كويسه

فيروز بصتله بشكر وامتنان .... وبتهز رسها بايوه

أسر : فى ايه مالك ياروز تعبانه وبييص لشهاب

شهاب :أعتقد دلوقتي بقت كويسه

أسر :حبيبتى ياروز واخدها فى حضنه

شهاب اتوجع اوى كان نفسه هو فى الحضن ده يطمن قلبه بيه

أسر قام وقومها نروح المستشفى

روز شاورتله بلاء وبهمس : الحمد لله كويسه إجه يشلها ... كويسه يابابا هقدر امشى

وبصت لشهاب العينيه باين فيها وجعه عليها : مش عارفه أشكر حضرتك ازاى وحاولت تبتسمله

أسر مدهاش فرصه وشالها : متعنديش انتى مش قادره تتحركى ومشى بيها

شهاب بص عليهم

وبعدين راح على المعمل ودخله وبنظره ظابط مخابرات للمكان للفلتر على أعلى درجه الإدراج كلها على الأرض أكيد وهيا بدور على البخاخه إجه يخرج شاف المفتاح فى الباب من بره بصله شويه وخرج عينيه على المكان من بره وراح لأسر اللسه خارج

شهاب :عامله ايه طمنى

أسر :الحمد لله كويسه ايه الحصل

شهاب :حكاله الحصل

أسر :شكرا يافندم

شهاب قاطعه :الناس الشغالين هنا موثوق فيهم

أسر :طبعا يافندم بس روز تعبانه عندها حساسه من الدرجه الأولى والمواد الكيميائية البتشتغل بيها فى المعمل بتتعبها بس وجود فلتر عالى الجوده زي الموجود عندها كان مخليها متتعبش يمكن مكنش شغال أو

شهاب :شغال شفته كان على أعلى درجه مين بيدخل المعمل غيرها

أسر :أعتقد مفيش غير سعيد لنضافه المكان بس مستحيل يافندم البتفكر فيه

شهاب : فين سعيد ده

أسر بيدور بعنيه شاف عبد المجيد نده عليه جاله جرى : فين سعيد ياعم عبده

عبد المجيد :فى مشوار يا بيه خير يابيه فى حاجه

شهاب :مشى أمتى ومشوار ايه

عبد المجيد بخوف : بقاله يجى ساعه ومشوار لامؤخذه مع خطيبته بس مش هيتأخر خير يابيه اؤمرنى

أسر :تمام يا عم عبده اتفضل انت

شهاب راح لعربيته وأسر معاه

أسر :مستحيل البتفكر فيه يافندم زى ما قولتلك روز بتتعب من الاتربه والمواد الكيميائيه بس بقالها فتره كبيره متعبتش كده

شهاب فى نفسه ... أنت بتقول كده علشان مشفتش منظرها بيفتكر شكلها قد ايه كان صعب خصلات شعرها وهو بيبعدها عن عينيها مسكت أيديها لأيده وضغطها عليها دموعها المغرقه وشها كانت بتقطع فى قلبه

رغم كل ده بس فى كل حالاتها جمالها ملوش وصف

حمد ربنا أنها بقت كويسه

وبصوت لأسر :مش كانت المفروض تروح المستشفى أحسن

أسر :قولتلها وماما قالت لها بس قالت بقت كويسه ومحتاجه ترتاح بس تعرف ايه الحاجه الهضايقها وأبتسم ..

شهاب بيبصله بأستفهام

اسر كمل ... حضرتك أيوه أنك شوفتها بالمنظر ده روز مش بتحب حد يشوفها ضعيفه أو تعبانه فى عز تعبها ديما تقول أنها كويسه بتحب تبان قويه على طول حبيبتى ربنا يحميها ويشفيها

شهاب لنفسه :يارب يشفيها ويحميها ويخليهالى

------------------♡♡♡♡♡♡

فى مكان قريب من قصر البحيرى يوجد فيه سعيد وشمس

قبل الوقت ده بساعتين وشويه

الحصل :---

روز نزلت المعمل شمس شافتها بتكلم فى التليفون وفى طريقها للمعمل سبقت هيا ولفت من الناحيه التانيه وجرت على المعمل دورت على ريموت الشفاط لقته فى الدرج ظبطته على أقل درجه ولمحت بخاخه الحساسيه فى الدرج جت تخدها خافت راحت حطتها ورا رجلين المكتب بحيث متعرفش تشوفها بسهوله واخدت الريموت معاها لأن الشفاط مظبط على مفتاح جمب مفتاح النور ولما جت تخرج شافت مفتاح الباب خدته ولفت من ورا

روز دخلت وشغلت النور والفلتر

شمس متابعها من فتحه المفتاح بتاع الباب لما لقتها مركزه حطت المفتاح فى الباب وقفلته بيه واخدته وفضلت متبعاها وشافتها وهيا بتختنق وبتحاول تفتح الباب

شمس بهمس : اتخنقى وموتى فكره نفسك مين ولا عشان غنيه هتشترينا بفلوسك وسعيد العوزه تخديه منى نجوم السما اقربلك منه بعد شويه

متلقتش صوت طالع راحت تبص لقت روز على الأرض وبتكح وبتاخد نفسها بالعافيه حطت المفتاح فى الباب وفتحته ومشت بتراقب من بعيد شافتها خرجت هو انتى لسه عيشه بسبع ترواح ربنا يخدك

وشافت شهاب رايح عندها خافت وبصوت مسموع شويه.... يادى النصيبه دا ظابط روحت فى داهيه

داهيه عملتى ايه وده كان سعيد وبص على النحيه البتبص عليها

شمس خافت :انا معملتش حاجه هيا المريضه واتخنقت من الريحه

سعيد بيبص على روز وبيبصلها :هيا ملها انطقى

وسابها وجاى يروح لروز

شمس بخوف : لاء يا سعيد متروحش أحسن يتهموك

سعيد مسك أيديها : يتهمونى بأيه انطقى عملتى ايه

شمس بعدت ايده : أنا مليش دعوه ... وجرت

سعيد شاف أسر جاى حس أن الوضع مش طبيعى لف ودخل المعمل بيبص عليه اتلقاه متبهدل مش مصدق البيفكر فيه بص على الفلتر أتأكد جاب كرسى وطلع عليه زود درجاته زى ما كان وبعد الكرسى

وخرج بسرعه فضل متابعهم لحد ما تأكد أن روز كويسة

راح لشمس بيخبط على باب اوضتها فتحتله

شمس بخوف وهلع : أنا معملتش حاجه هيا هيا الكانت عاوزه تخدك منى

سعيد بيبصلها بزهول وقرف اخدها من ايديها : ولا كلمه فاهمه امشى من سكات

عبد المجيد :على فين ياولاد

سعيد :هنجيب حاجه مش هنتأخر لو ابله أمينه سألت قولها مشينا من ساعه ماشى ياعمى أى يحد تقوله مشينا من ساعه وطلعوا بره البوابه مشيو شويه بحيث أى حد يخرج ميشوفهمش

سعيد ماسك ايديها بيعصرها بأيده وبصوت عالى : عملتى فيها ايه انطقى كنتى عاوزه تموتيها انتى لعبتى فى الشفاط ليه انطقى

شمس :أنا معملتش حاجه سيب ايدى بتوجعنى

سعيد :بتوجعك دا انا هقتلك واشرب من دمك ليه عملتى كده

شمس :تقتلنى عشان الزفته العاوزه تخدك منى وأنت كمان كنت عاوز تسبنى علشانها وهيا ادتلك الاستماره

ها بقا دى اخره حبى ليك وآه يا سعيد كنت عاوزه اموتها عشان مفيش حاجه تبعدنا عن بعض ومستعده اعمل أكتر من كده عشان بحبك

سعيد بيحاول يستوعب كلامها لأنه مش مصدقه نهائى

بس المش مصدقه فعلا أن شمس تقتل اد كده شخصيه مش كويسه ومريضه ومكنش يعرف وانا الكنت فكرها طفله وبريئه وبعدى غلطتها وبقول بكره تعقل كل ده وماسك أيديها جامد

شمس :ابعد إيدك اةةةةة بتوجعنى

منظر سعيد مخوفها نظراته بعد متكلمت مش موريحه : مالك عامل كده ليه متقلقش اوى كده على حبيبه القلب اهى زى القرد بسبع ترواح وقامت ولا جرلها حاجه كل ده حب آه مهو من ساعه ماشفتنا مع بعض وأنت قالب عليه وبتتهرب منى ومش طايقنى

سعيد بيبصلها بقرف وبتحدى : آه يا شمس أنا بحب روز وبحبها جدا وكنت زعلان عشان شفتنا مع بعض عشان كده مكنتش بكلمك وبتهرب منك يمكن تسامحنى تعرفى انا بكرهك بكرهك ...

وسبها ومشى

شمس مع كل ذالك كانت فاكره أن سعيد بيحبها بس بعد ما اعترف بحبه لروز وأنه بيكرها قعدت تعيط شويه وراحت البيت اتصلت على نجلاء

شمس بعياط : نجلاء ممكن اجيلك دلوقتى

نجلاء :فى أى عملتى ايه وبتعيطى ليه

شمس :لما اجيلك اقولك

نجلاء :طيب تعالى هستناكى وقفلت

ياترى عملتى ايه ونفذتى ولا لاء ياشيخه ربنا يخدك انتى وشوقى فى يوم واحد

-------------♡♡♡♡♡♡

روز فى غرفتها ارتاحت شويه وقامت أخدت شاور دافي يهدى أعصابها وخرجت صلت ركعتين شكر لله على نجاتها وبتصفف شعرها افتكرت الحصلها والحاله الوصلت لها ولما شهاب اجه وكان ملهوف عليها اتكسفت لما افتكرت وهو ماسك وشها وشعرها البان

بهمس ... ربنا يسامحني

وأستغربت لما قالها حبيبتى يعنى اكيد ميقصدش حاجه عادى اكيد اعتبرنى زى أميره الموقف الحصلها كان بيقولها حبيبتى

اتكسفت لما افتكرت أنها مسكت ايده وكانت بتضغط عليها

... ربنا يعلم أنا كنت فى حاله مش عارفه بعمل ايه أو أتصرف ازاى

واكيد هو هيفهم كده وهيعرف انى مقصدش أنا اصلا مضايقه أنه شفنى كده وبالمنظر ده

بس أنا حسيت بخوفه بوجعه عليا طب وفيها ايه مهو برضه أميره كان زعلان ومضايق علشانها بس لاء مابسش خلاص موضوع وانتهى ولما أشوفه أشكره وخلاص

الباب بيخط

روز : ادخل

حياة راحت عندها حضنتها وبتملس على شعرها :حبيبتى عامله ايه دلوقتي

روز بأبتسامه تطمن اختها : الحمد لله كويسة متقلقيش

حياة :لاء أقلق واقلق انتى مش أختى ياروز انتى بنتى حبيبتى ألف سلامه عليكى ياحبيبتى مش كنا رحنا المستشفى نطمن أكتر وازاى توصلى للحاله دى وانتى مظبطه كل حاجه هو ايه الحصل

روز بتذكر الحصل طردته من دماغها مش عاوزه تفتكره : خلاص يا حياة الحصل حصل والحمد لله أنا كويسه يمكن المواد كانت تقيله لدرجه مقدرتش استحملها خصوصا يعتبر اغلبيتها جديده عليا الحمد لله اطمنى أختك قويه

حياة :انتى زيى ياروز نبان قوايا بس جوانا ضعيف

روز عارفه كلام اختها مظبوط بس حبت تخف التوتر فضحكت: ههههه انتى ضعيفه انتى مصدقش وبعدين احنا حولينا البيحبونا وبيخافوا علينا وغير أنا وانتى مستقوين ببعض مفيش حاجه ممكن تكسرنا

حياة :حبيبتى بعد الشر عليكى من الكسره ربنا يخليكى وافرح بيكى بقى

روز :هههههه يعنى قعدتى تلفى تلفى علشان فى الآخر تقولى نفرح بيكى مالكوا انتى واخوكى زهقتوا منى

حياة: هو أنا هقدر عليكى هتبتدى تسمعينى الاسطوانه بتاعت كل مره

كده أنا اطمنت عليكى يلا ظبطى نفسك وانزلى آه اتصلى على أسر عاوز يطمن عليكى

وسابتها ونزلت

خدت الموبايل واتصلت على أسر الكان قاعد مع شهاب

أسر لشهاب :روز بترن

أسر :حبيبتى عامله ايه

روز :الحمد لله كويسه

أسر :الحمد لله قلقتينا عليكى

شهاب بتردد : سلم عليها وقولها الف سلامه

أسر :سيادة المقدم بيسلم عليكى وبيقولك ألف سلامه قلقتيه عليكى

روز بسكوف : الله يسلمه وعرفه انى بشكره كتير آه متعرفش جاسر حاجه اوكى

أسر :ههههههه متقلقيش مش هقول لحد

روز :آه وقول لسيادة المقدم ميقولش لاميره

أسر :ههههه حاضر هقوله

روز : خلى بالك من نفسك مع السلامه

أسر :الله يسلمك

أسر :زى ماقولت لحضرتك مبتحبش حد يشوفها او يعرف انها تعبانه وقالتلى معرفش جاسر أنها تعبت وطلبت منى أقول لحضرتك متعرفش أميره

شهاب : تمام هيا كويسه

أسر :الحمد لله

شهاب اتنفس بإرتياح كان قلقان جدا وبيحاول يشغل نفسه بشغله :

الحمد لله

---------------------¤¤¤¤¤¤

شمس وصلت عند نجلاء وهيا طلعه على السلم قابلت حد

بيبص على شمس اوى

: هو القمر بيطلع دلوقتي ولا ايه ها ايه

شمس مكسوفه ومتكلمتش وجت تطلع

الشخص اعترض طريقها : هو القمر مكسوف معقوله الحلاوه دى كلها بصراحه عمرى ما شفت كده

شمس :لو سمحت عوزه اطلع لصحبتى

الشخص :صحبتك مين معقوله انتى ليكى أصحاب هنا وأنا معرفش اخص عليا الف اخص

شمس ابتسمت :طب ممكن توسع عشان اعرف أطلع

حط ايده على صدره : وماله أطلع يا قمر ووسعلها وطلعت لنجلاء واخدتها ودخلت اوضتها

شمس :حكتلها الحصل شوفتى يانجلاء قالى أنه بيكرهنى وبيحبها

نجلاء فى نفسها غبيه دا بيعشقك وقال كده من تصرفاتك يابختك سكتت شويه : مش قولتلك عشان تبقى تصدقينى الله يكون فى عونك

شمس :بزعل أنا مصدقاكى يانجلاء أمال أنا عملت كده ليه مهو عشان صدقتك بس كنت متخيله أنه بيلعب عليها بس طلع بيحبها وبيكرهنى

نجلاء فى نفسها هو انا كل ما ادبرلك مصيبه تخرجى منها ياحظك يارتنى كنت ربع حظك مكنش ده مصيرى لاء وانا يلى عيشه فى شقه ملكنا وده حظى وانتى يلى عيشه فى اوضه وخدامه بنت خدامين ويكون حظك كده غريبه عليكى يا دنيا : هقوم شويه واجيلك قامت وسابت الباب متوارب

راحت المطبخ تعمل شاى

رجب إجه من بره أتلقى البيت ساكت رايح اوضته البعد اوضة نجلاء شاف البنت الشفها على السلم

دخل عليها كانت شمس قلعه حجبها والجاكت بتعها فشعرها باين والبدى الكان تحت الجاكت قاعده بيه

شمس اتخضت وقامت وقفت بسرعه وجايه تاخد حجبها : أنت هو انت ايه الجابك هنا

رجب مسك حجابها قبل ماتوصله : الهوا الجبنى ياجميل مش حرام عليكى تدارى الجمال ده طب والله حرام الواحد عمره ما شاف حلاوه وجمال بالشكل ده اة ياجدعااااان

شمس :لو سمحت مينفعش كده

وبصوت عالى ... يانجلاء يانجلاء

نجلاء جت شافت اخوها ومعاه طرحه شمس بصت لشمس

نجلاء :ايه يا شمس مالك بتزعقى كده ليه

رجب :مش تعرفينا على صاحبتك يانجلاء يااوختى ياحبيبتى

شمس: معقوله هو ده اخوكى يانجلاء وابتسمتله

... معلش مكنتش اعرف

رجب :ولا يهمك ياجميل اسمك شمس اسمك حلو اوى فعلا شمس الشموس

شمس ضحكت واتكسفت

نجلاء بلويه شفايف : طيب تعال يا رجب عوزاك فى كلمه عن إذنك ياحبيبتى اشربي الشاى عقبال ما اجيلك

واخدته من ايده وطلعت بره

نجلاء :جرى ايه مالك بتكلم البت كده ليه انامش نقصه فضايح

رجب خدها من ايدها ودخل بيها اوضته : ايه نظامها

نجلاء :نظام ايه صاحبتى وهتقعد شويه وهتمشى وخلصنا

رجب :بقولك نظامها ايه البت صاروخ وأنا اخوكى حبيبك

نجلاء :هه أخويا حبيبى من أمته ده

رجب :من دلوقتي وطلع خمسين جنيه من جيبه وادهالها

نجلاء بتعجب : دا أنت عمرك ماعملتها

... ودى بقى عشان ايه

رجب :فتحى مخك معايا وانتى هتشوفى من ده كتير ها البت نظامها ايه

نجلاء بتفكير ولنفسها والله رزقك فى رجليكى وأنا الكنت لسه هفكرلك فى مصيبه بصت للخمسين جنيه ميضرش : هيا لا نظام ولا حاجه خام مخطوبه

وبكدب .. وخطبها بيحب واحده غنيه

رجب :مخطوبه امممم وغمزلها يعنى

نجلاء :ميعنيش ملوش فى الشمال مع أنها حاولت معاه بس طلع لطخ

رجب بصلها بسخريه : لطخ هو معبركيش ولا ايه

وبعدين ايه حاولت معاه ههههه ودى كانت خطتك مش كده طب ما تخططى لاخوكى وليكى الحلاوه

نجلاء بقرف منه : مش مكسوف وأنت بتقول لأختك معبركيش للدرجه دى مفرقش معاك

رجب هرش فى ودانه :ها سيبك من الكلام الملوش لزمه وخلينا فى المفيد البت عاوزها النهارده قبل بكره

نجلاء بسخريه : المفيد لاء يا ابن أمى وأبويا المفيده أنا هقولك عليه البت محرومه من الفلوس يعنى الموضوع هيصرف معاك مستعد ولا لاء آه دا غير حلوتى ودى اولهم

رجب بتفكير بيلعب بأيديه فى دقنه : طالما ببرشمتها يبقى كله يهون

نجلاء :طب إيدك على ألف جنيه

رجب :نعم ياختى

نجلاء :فى ايه دول مش ليه دول للمزه نفسها فى فستان وبعدين انت مش عاوزنى اخططلك ادينى بخطط أهو وبسحب رجليها

رجب :مش كتير ألف جنيه واحنا لسه بنقول ياهادى

نجلاء :لاء مش كتير واخلص احسن تزهق وتمشى

رجب: راح للدولاب وفتحه بالمفتاح المعلقه فى رقبته وطلعهم وادهملها وعينه فيهم : انتى عارفه لو محصلش هعمل فيكى ايه

نجلاء ابتسمت بسخريه وخبطت على صدره : متقلقش ظبط نفسك أنت واستعد

وسبته وراحت لشمس فى الطريق خدت 300 من الألف وخبتهم فى هدومها ودخلت عند شمس

شمس :كل ده يانجلاء أنا عمتا كنت همشى

نجلاء :تمشى فين اقعدى اقعدى أصل مقولكيش أخويا من ساعه لما شافك وهو هيتهبل عليكى تعرفى عمر ما فى بنت لفتت نظره وياما جبناله عرايس اشكال والوان يقول لاء بس شكلك سحرتيه

شمس بكسوف : أنا هو أنا عملت ايه

نجلاء :عملتى كتير قعد يحكيلى على جمالك وحلاوتك وعمره ما شاف زيهم ولما قولتله أنك مخطوبه ياعينى عليه زعل خالص وقعد يقول يابخته ياسعده ياهناه الوقتى دايق العسل براحته قولتله لاء دا ياحبيبتى طلع مابيحبهاش وبيحب واحده تانيه عشان غنيه قالى فلوس ايه اليخلى قمر زي دى ماتتحبش معقوله دا لو كانت خطيبتى كنت فرشتلها الأرض ورد وياسمين قولته ياحبيبتى كان نفسها فى فستان قبل ما اكمل كلامى راح مطلع الفلوس وقالى ادهملها تجيبه النهارده قبل بكره

شمس :لاء لاء يانجلاء انتى بتقولى ايه ميصحش كتر خيره وبعدين اخدهم بمناسبه ايه لاء لاء شكرا

نجلاء :شكرا ايه هو بيعزم عليكى لاء ياحبيبتى دا مصمم جدا خدى أصل متعرفيش رجب كريم أد ايه وكسيب

وبسخريه ... والفى أيده مش ليه

شمس :فعلا شكله طيب اوى ربنا يخلهولك بس برضه مش هقدر اخدهم

نجلاء :يابت بطلى عبط واحده حلوه وزى القمر زيك طلبتها لازم تكون أوامر لليقدر جمالها واهو رجب قدر جمالك وبيتمنالك الرضا بدل ماترفضى راضيه

شمس :ارضيه ازاى تقصدي ايه

نجلاء بمروغه : هقصد ايه يعنى قصدى تشكريه خدى خليهم معاكى ونتفق نخرج ونجيب الفستان واستنى لما اندهله تشكريه وجرت

شمس :نجلاء يانجلاء استنى

اتلقت رجب إجه فتكسفت

نجلاء :تعال يا رجب شمس عاوزه تشكرك دا مكنتش عاوزه تخدهم بس أنا قولتلها أنك هتزعل اوى

رجب :ازاى بقى عو٥زه تكسفينى ولا ايه

شمس :لاء ابدا بس ميصحش

رجب بأبتسامه : لاء يصح ونص وتلت تربع أنتى بس تأشرى وأنا أنفذ

شمس بأبتسامه : ربنا يخليك شكرا يا رجب

نجلاء بصت لآخوها وغمزتله : شكرا يا رجب هههههه

رجب بص لأخته وفهمها وبص لشمس : انت تأمورى يا جميل طب اسبكوا على راحتكوا مش عاوزه حاجه اجبهالك وأنا جاى يانجلاء ياأختى

نجلاء بتعجب أول مره يسألها وبسخريه : سلمتك يا قلب أختك ومشى

شمس :اخوكى طيب وحنين اوى يانجلاء

نجلاء :اوى اوى ياختى قوليلي هتعملى ايه مع سعيد

شمس بان عليها الزعل : ولا حاجه قال أنه بيكرهنى خلاص كل البنا انتهى

نجلاء :أنا برضه كنت هقولك كده

وطبطبت على ايديها الفيها الفلوس : ويمكن ربنا يعوضك خير......

----------------♡♡♡♡♡

حلقتنا خلصت❤❤

ان شاء الله تعجبكم💓

والسلام عليكم ورحمه الله وبركاته 😍❤❤ عرض أقل