رواية صراع العقل والقلب الفصل الحادي والعشرون 21 - بقلم كنزي علي
بقلمى كنزى على ♡♡
اللهم صل وسلم وزد وبارك على أشرف خلق الله سيدنا محمد وعلى آله وصحبه وسلم أجمعين ❤❤
أستغفر الله العظيم وأتوب إليه ❤❤
ملحوظه خاصه لمتابعين الوتباد (انا بيحيلى اشعارات كتير باضافه الروايه لمتابعين كتير وبقول اكيد بيستنوها لما تخلص ويقرؤها كامله وده عادى اما بالنسبه للبيقرؤها ممكن يتعدى ال100 و150 قارئ وبس حاجه وعشرين فوت ونصهم تعليقات طب ايه السبب انا معنديش مشكله خالص فى النقض وإلى مش عجبه حاجه يقولها وأنا اصلحها بجد أقل تعليق بيخلى فى طاقه ايجابيه تشجع على الكتابه فى الظروف الصعبة الاحنا فيها ربنا يحمينا جميعا وأكثروا من الاستغفار)❤ ❤
------♡♡♡♡
أمير كان هيتجنن هو ايه العاوز يتكلم معاها فيروز : انتى تعرفى المقدم شهاب الحديدى منين
وبلغه امر ... اعتقد انى سالتك سؤال انتى اسمك ايه بالكامل
فيروز بأندهاش من أسلوبه وتصرفه : نعم انت ازاى بتكلمنى كده
وبأى حق بتسالنى أصلا أنت
أمجد قاطعها بحكمه : فيروز أكيد أمير ميقصدش انتى عارفه احنا شغالين مع بعض بقالنا أكتر من سنتين وأنا بعتبرك زى بنتى وبالنسبه لسؤال أمير عن المقدم شهاب يعنى مش هو لوحده الاستغرب احنا كمان مستغربين تعرفيه منين
وسؤاله عن اسمك هو سبق وسألك لأنى كنت لسه هسالك خالد لما إجه يحولك رصيدك على رقم حسابك كان فيه مشكله وسألوه على اسمك وطبعا محدش فينا عارف اسمك بالكامل بس الحمد لله قدرنا نحل المشكله والتحويل تم أعتقد بعد الحصل الطبيعى أننا نسألك منعا لأى مشكله تانيه ممكن تحصل
فيروز عارفه أن دا مش قصد أمير ولكن تفهمت الوضع ومنعا لسوء الظن واتقاء الشوبهات : وأنا علشان بعتبر حضرتك فى مقام والدى
وبصت على أمير بالذات والدكتره فى مقام اخواتى بالنسبه للمقدم شهاب صديق مقرب للعيله
خالد :صديق العيله انتى من عيله ايه
فيروز :البحيرى فيروز عبد القادر البحيري
كلهم بصوا لبعض ..
خالد :البحيرى أنا تقريبا أعرف عيله البحيرى انتى تقربى لمين
فيروز عارفه أن خالد هيعرفها بسهوله : تعرف مين فى عيله البحيرى
خالد بكل ثقه : الاستاذه حياه البحيرى والباشمهندس عمرو البحيرى
طبعا لو كنتى تبعهم أو بحيرى تانين
فيروز بثقه : أخواتى
كلهم :ايه نعم مين دول الاخواتك
فيروز :عمرو وحياه اخواتى
وبصت لخالد مدام ريم زوجة حضرتك من الاستاذه فى مكتب حياة
الكل مذهول وبيبصوا لبعض
أمجد :معقوله ليه مقولتيش قبل كده أهلا وسهلا تشرفنا
فيروز :حضرتك مسألتنيش قبل كده وبعدين أعتقد كل اليهمكوا شغلى ولا ايه
وأعتقد أننا خلصنا هنتظر تليفون من حضرتك لأى جديد
شهاب متابع من بعيد نظرات أمير ليه مش موريحه وبرضه نظراته لفيروز هو فاهمها كويس
فيروز قامت ومشت نحيه شهاب
فيروز فيروز وده كان أمير بصتله بتعجب
أمير بيبص على شهاب بنظرات غيره واضحه : أرجو متكونيش زعلتى منى أنا أكيد مقصدش اضايقك أنا آسف
فيروز :اوكى يا دكتور حصل خير عن إذنك
شهاب فهم كلام أمير لروز بس مفهمش فى ايه أو روز ردت عليه بأيه
روز :السلام عليكم
شهاب قام وقف وحاول يبدوا طبيعى لانه فجأه حس بنار جواه :وعليكم السلام اتفضلى
روز :ميرسي خير ياسياده المقدم
شهاب شاور للويتر : تشربى ايه
روز : ميرسى لحضرتك بس
شهاب قاطعها :وقال للويتر موس شوكولاته وابتسملها ...مش هأخرك تمام ولا تحبى حاجه تانيه
روز ابتسمت : لاء تمام طالما شوكولا
شهاب :فى حاجه فى الشغل ضايقتك واضح عليكى
روز باين عليها أنها مضايقه بس اكتفت : يعنى مشاكل فى الشغل
شهاب أفتكر شرين طول الوقت ده بيعكسنى دى بيقولى وتبين أد ايه الرجاله هيتهبلوا عليها إنما روز غير فى كل حاجه بس هو عرف أن أمير بقى غريمه من دلوقتي : عمتا أنا واثق أنك هتحلى أى مشكله
وطلع حاجه من جيبه وحطها على التربيزه وقربها منها
روز بتبصله بأستغراب
شهاب .... مش هتسألينى بمناسبه ايه
فيروز لسه علامات الأستغراب على وشها
شهاب: انا هقولك الشوكولاته بمناسبه ان تقبلى اعتذارى وانا اسف ليكى يافيروز عبد القادر البحيرى
روز ابتسمت برضا وأنتصار واخدت الشوكولاته :وانا قبلت الاعتذار بس علشان الشوكولا
وضحكت بصوت مش عالى اوى
شهاب ابتسم : بقى كده علشان شوكولاته بس أنا عاوز اوضحلك حاجه أنا مش من طبعى العصبيه أو انى اغلط فى حد خالص الموضوع هو أن كان كل مستقبلى والبنيته شيفه بيضيع قصاد عينى
روز بتبصله بتركيز
شهاب كمل .. اقولك على سر
فيروز بفضول انتظرته يكمل ..
شهاب : العقيد فؤاد مش زى ما انتى شيفاه طيب كده وهادى
أبتسم لااااا شخصيه شديده وصعبه جدا ومعندهوش تهاون فى شغله إطلاقا ولما حصلت المشكله دى ادانى بس 72 ساعه علشان احل القضيه وإلا هيعتبرنى أنا الهربت المجرم اوعى تفتكري أنه كان بيهدد لاء العقيد كلمته سيف تخيلى بقى الضغط العليا والوقت بيخلص ومفيش ولا طرف خيط وبحاول اسيطر على اعصابى يجى جاسر ويقولى أن فى حد شاف الفيديوهات ..
معقوله مين دكتوره مثلا دارسه يعنى مع أنه غلط من غير إذن لقيته بيقولى واحده عندها 20 سنه
اكيد هو قال كده وفقدت كل سيطرتى
أكيد أنا معرفش ساعتها هو قالى مين علشان كده كنت مستغرب أسلوبك معايا
وبصلها اكتر وخصوصا لما بفتكر حاجات زى لما بكون عند العقيد مش بيكون ليكى أثر بعدها عرفت السبب من المقدم محسن لانه لاحظ طبعا طريقتك
وافتكر الحصل قالى أن جاسر ساعتها قال أن خالته هيا الشافت الفيديوهات بس صدقينى يمكن من كتر ما كنت مضغوط معرفتش هو قال ايه بس حبيت اوضحلك الأمر علشان تبطلى تسيئ الظن فيا
روز مصدقه كل كلامه وحست فعلا أنها زودتها لما أخدت فكرتها السيئه عنه : وأنا كمان سورى بس مش معايا شوكولا اديهالك دى اتصدرت خلاص
هنا شهاب ضحك بصوته كله
روز عجبتها ضحكته وسريعا بعدت نظرها بس شهاب لقط نظرتها فرح جدا وحس أن حربه ابتدت تجنى بثمارها وأعجب بخجلها
روز بصت فى الساعه ..
شهاب سبق وحب يعرف رأيها : أسر طلب ايد أميره انتى رأيك ايه
روز :رأيى ايه ياسياده المقدم دا أنت توافق من غير تفكير دا أسر
شهاب بصلها بتعجب : اممم بتحبى أسر اوى كده
روز بصدق واضح : اسر وجاسر عوض ربنا ليا عن حاجات كتير انا مليش اصحاب نهائى اكتفيت بيهم اصحاب سند بجد
وابتسمت انا محظوظه بيهم فى حياتى
شهاب :ربنا يخليكوا لبعض ..
بس أنا قصدى على حاجه تانيه أميره وأسر مش شبه بعض وأولهم
عينيه جت على حجاب روز
روز فهمت : وايه المشكله احنا مش متزمتين خالص مع أن آه الحجاب فرض ومش هنكر أسر كان يتمنى أن الانسانه الهيرتبط بيها تبقى محجبه بس لما القلب بيقول كلمته خلاص استوب
أسر شاف فى أميره حاجات حلوه كتير واتمناه ليه
شهاب مركز مع كل كلمه
فيروز كملت .. تعرف من ضمن الحاجات الحلوه دى ايه
بس ده سر ... وضحكت
شهاب بعينيه وفضول منتظرها تكمل ..
فيروز .. حضرتك أسر بيحبك اوى لدرجه قالى كفايه عندى أنها أخت المقدم شهاب ها يافندم بعد كده فى كلام ممكن يتقال
جه يتكلم
فيروز سبقت : آه طبعا فى كلام وهو أنى اتأخرت جدا وقامت ميرسي على الشوكولا هكملها فى العربيه
شهاب :استنى قايم معاكى
وقاموا وفى طريقهم للعربيه
وطبعا كل ده وأمير متابع البيحصل من بعيد هو مش عارف بيقولوا ايه بس شايف ضحك شهاب وهو بيدلها الشكولاتة كل ده جننه
وشهاب وهو ماشى بصله بنظره لو كانت النظرات بتحرق كانت حرقته
روز عند عربيتها : من يوم السبت أنا هوصل أميره
شهاب :أميره قالتلى بس مش عاوز اتعبك
روز :خالص وكمان لازم تقدم فى مدرسه سواقه اعرف مكان كويس هنثق معاها وأنت عليك الموافقات فى البيت
شهاب بصلها بأعجاب معجب بتفكيرها وقد ايه بتصنع الحلول من المشكله نفسها
روز اتكسفت من نظراته وهربت بعينيها : استأذن أنا
شهاب :شكرا لأهتمامك بأميره
روز ابتسمت وركبت عربيتها
كانت مكسوفه من نظراته ليها لأنه بيدقق فى عينيها اوى
وفسرت نظرة إعجابه علشان مهتمه بأميره
شهاب حس أنه عدا شوط كبير اوى من الصعب كان مبسوط بكلامها
أفتكر لما قالت القلب قال كلمته
اتنهد .... فعلا قال كلمته افتكر لما ضحك ونظرتها ليه بهمس هو مش إعجاب بس ممكن إرتياح إنجذاب
إرتبكها توترها ..وشها لما بيقلب أحمر بس من كلمه أو نظره
اة امتى هيجى اليوم الهتكونى ليا بين ايديا وبرضاكى
------------♡♡♡♡♡
محسن كلم مروه وحدد معاها ميعاد يتقابلوا وفات عليها طول الطريق ساكتين كل واحد فيهم منتظر التانى يبدأ طب لو أنا البدأت هقول ايه هما عارفين أن الخروجه دى الهتحدد مصرهم وأخيرا بعد صراع مابين العقل والقلب وصلوا للكافيه وأعدوا
محسن :اخبارك ايه
مروه :لو كنت بترد على مكالماتى كنت عرفت اخبارى
محسن نده للويتر تشربى ايه
بصتله بأستغراب لأنهم ديما بيطلبوا زى بعض ففهم : قصدى نطلب حاجه ساخنه ولا بارده
مروه : التحبه
محسن طلب عصير لمون
سكت شويه : اتكلمى يامروه عاوز أسمعك
مروه :اتكلم اقول ايه ها أنا برضه السأت الظن فيك ومع ذالك كلمتك كتير وكنت بتكنسل عليا
محسن :مش يمكن سبتك تعرفى انتى عاوزه ايه وإذا كنتى عوزانا نكمل ولا لاء
مروه عيطت بصوت مكتوم : أنا عملت ايه لكل ده قولى علشان ايه بتعمل كل ده أنا معملتش حاجه غلط أنا اتعملت مع المقدم شهاب على أنه صاحبك وأخوك طول الوقت بتقولى كده نظرتى ليه مش أكتر من إعجاب بشغله وإنجازاته العلى طول بتحكيلى عليها أنا مغلطش فى حاجه علشان تعاقبنى عليها بالشكل ده
عاوز تسبنى يا محسن أهون عليك مبقتش بتحبنى
محسن عارف أنه غلطان مش من الصح أنه كان ديما بيجيب سيره شهاب فى أكتر حوراتهم آه هما أصدقاء وأخوات بس كان المفروض ياخد باله وعلاقته بصحبه تكون لصحبه
وخطيبته تكون لخطيبته
محسن بيحب مروه ومستحملش يشوفها بتعيط فراح قعد جنبها طلع منديل وادهولها
محسن :ليه الدموع دى يامروه احنا بنتكلم
مروه بعياط : نتكلم ايه انت عاوز تسبنى
محسن مسك أيديها : مقدرش ياحبيبتى أنا بحبك
بس اتوجعت ... النظره وجعتنى
مروه قبل الموقف ما يحصل كانت فكره أنها معجبه بشهاب والمستوى الاجتماعى والمادى ألهو فيه بس احسسها من أنها تفقد محسن خلاها تعرف أن كل ده كان مجرد هاله وصلتلها من كتر كلام محسن عنه فلما حست أنها ممكن تفقد حبيبها كانت بتموت من الخوف
واكتشفت أنها مش بس بتحبه لا دى بتعشقه
مروه :أنا اسفه والله مااقصد أنا بحبك يا محسن بحبك اوى فعلا ممكن أكون غلطانه بس
محسن :خلاص يامروه أنا مش عاوز نتكلم فى الموضوع ده تانى أنا مصدقك ومصدق حبك ليا لأنى حبك مالى قلبى
ابتسم بتلطيف .. خلينا نعتبرها سحابه شتا وعدت
مروه ابتسمت : ربنا يبعد عننا الشيطان
محسن :يارب يلا قومى نتمشى شويه هههههه من زمان مكسرتيش رجليه من المشى
مروه خبطته فى دراعه : ههههه بقى كده طب والله لاوريك قوم....
---------♡♡♡♡♡♡
عدى كام يوم...
عند نجلاء اتصلت على شوقى وقالتله عاوزاك دلوقتي بعد ماقفلت قالت دى آخر فرصه علشان بعد كده متلومش غير نفسك
شويه وشوقى إجه
شوقى: ايه يا جميل أخير فكيتى
نجلاء : أنا عاوزه اعرف انت ليه بتماطل هو مش احنا فى الأول والآخر هنتجوز فرقت ايه لما نتجوز دلوقتى بص احنا ممكن نتجوز هنا فى الشقه فى اوضتى و
قاطعها شوقى وإجه قعد جمبها وحط أيده عليها : وبعدين يانوجا وأنا البقول عليكى عقلتى جواز ايه وبتاع ايه هو فى احلى من الاحنا فيه وقت لما نكون عاوزين نتبسط بنتبسط يا عسليه
وجاى يقرب
نجلاء : شوقى أنا عند كلمتى مش هتلمسنى غير لما نتجوز وبعدين أنا عاوزه اعرف ايه الهيمنع أننا نتبسط
ولاا ملكش فى الانبساط الحلال
شوقى: وبعدين بقا فى أم الفصلان شكلك كده عاوزه تطيرى الحجرين من دماغى من الآخر كده يا بنت الناس جواز مبتجوزش
نجلاء :يعنى ايه ياشوقى وهعمل ايه فى المصيبه الأنا فيها
شوقى :مصيبه ايه بس دا انتى قديمه قوى بصى يانوجه ياحبييتى احنا نتبسط شويه مع بعض وبعدين نشوف دكتور من اياهم ويخلصلك موضوعك وترجعى زى الأول وأحسن
نجلاء :بقى دى اخرتها ياشوقى طب تخدنى بكره لدكتور ونخلص
شوقى :آه وماله بس انتى عارفه العمليات دى بتتكلف على القليله ولا ألفين جنيه وأنا وحياتك عندى محتكم على مليم أحمر بس تفرج واعملهالك يا جميل وده كان على دخله أشجان أخته البصت لنجلاء بقرف
أشجان :قومى ياختى اعملى كوبيتين شاى بدل ما انتى لزقه فى الراجل كده
وبسخريه .. متخافيش ياختى مش هيهرب
نجلاء قامت
أشجان :عمليه ايه ياشوقى الهتعملهلها
شوقى :جرى ايه ياختى انتى صدقتى هههههه أمال لو مكوناش دفنينه سوا
أشجان :آه بحسب أنا عاوزه ازلها واكسرها بنت نعيمه
شوقى :ههههه لا متقلقيش أنا بس كنت بنيمها عشان يوم مندورها ميبقاش عندها خيارات
أشجان :من دلوقتي بقولك شغلها هيبقى النص بالنص مهو أنا مش أخطط واظبط والآخر
شوقى :لا آخر ولا أول احنا على اتفقنا يا روح اخوكى هههههه
نجلاء مكنتش مشت هيا عارفه أن أشجان بتكرها وعلى طول بتقسى أبوها عليها بس متخيلتش أنهم يكونوا شياطين بالشكل ده
وبسخريه ... وأنا القولت اديله فرصه والله لوريكوا شغل الشياطين العلى حق وراحت عملت الشاى وجبته
اشجان خدت كوبيتها : طب اسبكوا أنا بقى ومشت
نجلاء : شوقى ياحبيبى أنا فكرت فى كلامك أنا بحبك اوى ومش عاوزه حاجه تبعدنا عن بعض ومتأكده أنك بتحبنى وأنا مستعده استناك عمرى كله
شوقى :ها آه دا انتى الحته الشمال بس انتى عارفه يانوجه ضغوط الحياه معلش اوعى تزعلى منى
واصبرى شويه واعملك احلى فرح بس قربى اقولك كلمه
نجلاء :لاء لاء ياشوقى مش هنا أنت شايف أشجان ممكن تدخل فى أى وقت وبصراحه انت وحشتني اوى خلينا فى شقه صاحبك عشان نكون على راحتنا
شوقى بتفكير : آه وماله هظبط معاه ونتقابل بس ميمنعش من تصبيره كده على الماشى......
-----------------♡♡♡♡♡
فى قصر البحيرى
أسر قال لوالدته ولوالده أنه عاوز يرتبط بأميره أخت المقدم شهاب وأنه كلمه ومنتظر رده رحبوا جدا هما بيعتبروا شهاب واحد من العيله وعيله شهاب معروفه جدا
اسر كان متوتر من مامته احسن متوافقش علشان موضوع الحجاب بس اتلقاها متفهمه الامر ومتكلمتش فيه بس قالتله انا واثقه فيك وأكيد اخترت المناسب ليك وبالنسبه لعيله الحديدى بجد نسب يشرف ربنا يوفقك إن شاء الله
روز بقالها فتره بتشتغل على منتج براند وهيا أول مره تشتغل على برندات
وطبعا ده مش هيكون لشركه الشامى لاء لوكاله عالميه ليها فرع فى مصر وحلمها أن اسمها يتكتب على منتج لوكاله عالميه زى دى نزلت المعمل تشتغل عليه
فى الطريق جلها تليفون من أميره بطأت مشيتها وخلصت معاها وراحت المعمل
شهاب وأسر فى نفس الوقت وصلوا يتابعوا شغل مع العقيد فؤاد وبعد ساعتين تقريبا خلصوا وأثناء خروجهم
أسر متوتر عاوز يسأله عن ارتباطه بأميره بس مش عارف المفروض يسأل ولا يستنا لما هو اليقوله
شهاب ملاحظ جدا توتره هو اتكلم مع اخته وحس بموافقتها بس كانت مكسوفه تقولها صريحه وبلغ والده رحب جدا عيله خطاب معروفه وخصوصاً العقيد فؤاد شافه قبل كده وقد ايه شخصيه زيه مرحب بيها جدا وبالنسبه لوالدته اتبسطت جدا بتسمع عن حياه البحيرى من النادى وكمان شافوا بعض أكتر من مره فى حفلات مهمه وكانت تتمنى تجمعهم صداقه
شهاب أبتسم وبصله : ايه ياسياده الرائد مالك
أسر :مالى يافندم أنا كويس والله انت كويس
شهاب ضحك : بجد كويس طب والله كويس ها فاضى الخميس
أسر :افضى يافندم أيوه اؤمورنى
شهاب :ههههه لا أنت حالتك صعبه
منتظرينكوا يوم الخميس العلتين يتعرفوا على بعض ونحدد ميعاد للخطوبه
أسر بلهفه : متشكر متشكر جدا يافندم والله والله أنا بحبك اوى
بعد إذنك ثوانى .. ودخل جوه
شهاب بص عليه وضحك وفرح أن أخته هتكون لحد زى أسر
من بعيد لفت نظره حاجه غريبه ايه ده قرب شويه مش معقول مستحيل......
------------------ ♡♡♡♡
حلقتنا خلصت😍😍
ياريت متابعه هنا وعلى الوتباد وشكرا ❤❤
والسلام عليكم ورحمه الله وبركاته 😍❤❤ عرض أقل
•تابع الفصل التالي "رواية صراع العقل والقلب" اضغط على اسم الرواية