رواية صراع العقل والقلب الفصل العشرون 20 - بقلم كنزي علي

صراع العقل والقلب

بقلمى كنزى على 💓

اللهم صل وسلم وزد وبارك على أشرف خلق الله سيدنا محمد وعلى آله وصحبه وسلم أجمعين ❤❤

أستغفر الله العظيم وأتوب إليه ❤

عمرو لنسرين : بتسلمى على رجاله يا نسرين وايه اليخليكى تقفى تكلمى معاه وليه اصلا مدخلتيش أول ما جيتى

نسرين جت تتكلم

بلغه امر وغضب ... لاء مش هنا انتظرينى فى البيت وحضرى إجاباتك

نسرين مشت وكلها خوف

عمرو دخل المكتب بخطوات ثابته وملامح البرود عليه

تامر :عمرو باشا أنا بعتذر على سوء التفاهم الحصل واتمنى

عمرو قاطعه : أعتقد نتكلم فى الشغل أفضل

تامر الصاوى رغم إعجابه الكبير بنسرين إلا أنه يهمه جدا علاقته بحد زى عمرو البحيرى تبقى كويسه لأنه مكسب كبير ليه فبيتمنى ميكونش فى اى سوء تفاهم ما بنهم كملوا شغل

عمرو حافظ على هدوءه طول الوقت بس ده ممكن يعدى على حد زى تامر لكن نوران لاء هيا من خلال الفتره الصغيره الاشتغلتها معاه ابتدت تفهمه وفى نفسها معقوله فى حد بيحب ويغير بالطريقه دى آه كنت أنا وإبراهيم بنحب بعض بس عمر ما وصل غيرته عليا بالطريقه دى وبسخريه الدنيا دى حظوظ

---------------♡♡♡♡♡

عمرو بعد يوم طويل رجع البيت

نسرين فى البيت زعلانه من نفسها انها سلمت على تامر نظراته وأسلوبه ضايقها جدا افتكرت حياة لما بتقولها تخيلي جوزك بيحب الكلام ويجامل فى دى ويضحك مع دى ومشبعك كلام كده هتبقى مرتاحه

هنا حمدت ربنا على جوزها بس متوتره جدا وخايفه هيا على طول متحفظه بس كل حاجه جت فجأه وللأسف اتصرفت غلط :ربنا يسامحنى وتعدى على خير

بعد وقت نسرين فى غرفتها لبسه قميص وروب وحطه ميكب تجنن

قالت أهو وتر وتلعب عليه

سمعت صوت عربيه عمرو قلعت الروب واحتفظت بالابتسامه على وشها

عمرو طلع ودخل الاوضه جرت عليه

نسرين : حبيبى حمدله على السلامه ايييييه اتأخرت اوى

عمرو بملامح غضب : سبتك براحتك تدورى على إيجابات لأسئلتى

نسرين : حبيبى أنا عارفه انى غلطت فأنى سلمت بس صدقنى مكنتش عارفه ده مين ولما قالى إرتبكت وكل حاجه جت بسرعه أنا بجد اسفه هيا غلطه وربنا يسامحنى عليها

عمرو مش ممكن يشك فيها هو عارفها كويس ومصدقها بس غار عليها

عمرو :ليه مدخلتيش أول ماجيتى

نسرين قربت شويه : بصراحه محبتش اضايقك واعطلك عن شغلك وكمان مش عاوزه اتخطى حدودى

عمرو قاطعها : حدودك ايه انتى ملكيش حدود فى كل حاجه بملكها

وأولهم فيا وبعدين ايه تضايقينى ازاى تفكرى كده

نسرين طايره من الفرحه بكلام عمرو ليها قربت أكتر واكتر وبهمس : حبيبى يعنى قولت انى ممكن أكون بعطلك مع أنى ببقى نفسى أعد معاك أطول فتره بس

عمرو :بس ايه ممكن يمنعك

نسرين بدلع وهمس : مفيش حاجه فى الدنيا تقدر تمنعنى عنك وبعد كده هتتلقينى نطالك كل شويه بس إياك تعترض

وضحكت بدلع

عمرو ابتدى ياخد باله من لبسها شعرها لون شفايفها وعطرها الجننه

نسرين مسكت ياقه الجاكته قربت منه وبسهوكه أنثوية : وحشتني اوى اوى اوى وبسته برقه

طبعا الحصون العمرو كان واخدها والفتره الطلب منها تديهاله كله ضرب بيه عرض الحيط وبس احساس التملك والغيره والاكتر والاكتر أنها وحشاااااه اخد شفايفها وساااااافر بيها بعد وقت طويل

: انتى ملكى أنا فاهمه أنا بس

نسرين بهمس : ملكك أنت بس بحبك اوى اوى اوى

عمرو :لاء أنا البحبك أكتر واكتر

وبيبوسها وبعد وقت

نسرين بفرحه وصوت مسموع : الله يرحمك ياحماتى

عمرو ضحك وأستغرب نسرين طول عمرها راقيه ايه ده سكت شويه : مبسوطه

نسرين ضحكت واتكسفت بس وشها بيعبر على مدى انبسطها

عمرو دخل ياخد شور

نسرين قامت تشوف نفسها فى المرايا والأبتسامه مزينه وشها

بتهمس لنفسها بيسألنى مبسوطه دا لو اعرف اركب جناحات واطير بيها من الانبساط مش هتأخر حبيبى يا عمرو يارب يخليك ليا يا كل ما ليا

--------------------♡♡♡♡♡

أسر بقاله كام يوم بيحاول يتكلم مع شهاب بس مفيش فرصه ومضغوطين فى الشغل

وجاء الخميس وأول ما دخل الجهاز راح مباشراً لمكتب المقدم شهاب خبط ودخل ..

شهاب ملامح أسر غريبه عليه فقلق : فى حاجه ياسياده الرائد

أسر :أحم بعد إذن حضرتك كنت عاوز اتكلم معاك ..

شهاب : اتفضل

وشاورله يقعد ومركز نظره عليه شيفه متوتر وتقريبا بيعرق فى عز الشتا

فقلق بس التزم الصمت

أسر :كنت عاوز اتكلم مع حضرتك فى موضوع مهم

بص لشهاب اتلقها بيشورله

اسر : الأول كنت عاوز اعرف رأى حضرتك فيا

شهاب : نعم أنت هتهرج

أسر :لاء يافندم مقصدش بس كنت عاوز اعرف انت شايفنى إنسان كويس ولا لاء

شهاب بنفاذ صبر قام قعد على الكرسى المقابل ليه : أسر أتكلم على طول فى ايه

أسر بتوتر : يسعدنى ويشرفنى انى اطلب ايد أخت حضرتك الانسه أميره

أنا طبعا قولت اتكلم مع حضرتك الأول ولو فى قبول طبعا سياده العقيد هيكلم حضرتك وسيادة والد حضرتك

شهاب مكنش يتخيل موضوع زى ده بس فى نفسه هو بيعتبر أسر من الناس المحترمين البيقدرهم جدا وخصوصا أن والده سيادة العقيد وبجد يتمنى لأخته إنسان زيه بس حب يلوعه : تمام يااسر كمان يومين وارد عليك

أسرمفهمش معنى كلامه

: أكيد بس يهمنى رأى حضرتك

شهاب أبتسم ابتسامه بسيطه : يهمك رأيي ولا رأى العروسه خلينا نسألها ونشوف

يلا ياسياده الرائد خلص الشغل الطلبته منك

أسر خرج ...

شهاب مش مصدق .. اخته اللسه بيبتدى يتقرب منها هتسيبه

أبتسم على أسر وأد ايه كان متوتر أفتكر روز وابتسم معقول أنا هبقى كده

وسرعان واتلاشت الابتسامه وافتكر يوم خطوبته من شرين

فلاش باك

يوم خطوبته فى الشغل

محسن :ايه ياعريس ايه الجابك النهارده

شهاب :عادى عندى شغل

محسن :شغل ايه انت الزيك معندهوش ساعه فاضيه ووراه مليون حاجه

شهاب مردش عليه

محسن سكت شويه : مالك ياشهاب المفروض تكون مبسوط

شهاب :المشكله انى مش مبسوط حاسس انى مخنوق أنا قولت أوافق طالما مفيش حد فى حياتى وكمان علشان هيا بتحبنى بس فجأه حسيت انى مخنوق ومش عارف اخد قرار

محسن :أنت مكبر الموضوع ليه ياسيدى أعتبره ارتباط صالونات وبتتعرفوا على بعض من أول وجديد

وبعدين انت مش هتتجوز النهارده دى مجرد خطوبه وتشوف نفسك صلى على النبى كده وروق ياعريس

شهاب : عليه افضل الصلاة والسلام

عدى النهار واجه الليل وراح يجيب شرين من السنتر كان لابس بدله لونها اسود مجسمه تجنن عليه فضل مستنيها بره شويه مسك التليفون يقلب فيه فى واحده خارجه من السنتر فضلت تبص عليه وشهاب لاحظها

فالبنت قربت منه وابتسمت : هو انت حلو كده ولا جرافيك

شهاب أبتسم ومعرفش يرد عليها

فالبنت كملت ... طب ممكن رقم تليفونك

شهاب : أحم معلش هرن على خطبتى عن إذنك

البنت بصوت مسموع ليه ياخربيت حلوتك

شهاب تلقائيا ابتسم ...

وشرين رنت عليه يدخل السنتر ودخل

العيون كانت عليها الأول وبيقوللها يابخت خطيبك بيكى لكن أول ما دخل البنات عينيها هتطلع عليه وبيغمزوا ليها

وشهاب لاحظ وقرب ياخد شرين المسكت أيده بتملك وراحوا العربيه شهاب ساكت أفتكر البنت القبلته بره السنتر

والبنات الجوه أستغرب أسلوبهم ولنفسه .. المفروض البنت بتتكسف والراجل البيعاكس

فاق على ايد شرين حطاها على ايديه بصلها بأستغراب

شرين : ايه رأيك فيا حلوه

شهاب :آه

ولنفسه ملها دى ايه السهوكه دى هيا نقصه

شرين بتتكلم كتير وزى ما يكون مش سمعها وصولوا القصر ولبسها الشبكه

محسن قرب منه وباركله

مهاب راح لشهاب قاله أنه حجزله فى مطعم يتعشوا فيه بعد الحفله

شهاب اضايق : مش مهم يا بابا والأيام جايه كتير

مهاب :دى الأصول يلا متزعلش خطيبتك منك واسهروا براحتكوا

شهاب اخد شرين وراحوا مطعم وأول مادخلو مسكت ايده : شهاب يلا نرقص

شهاب كان حاسس أنه مقيد يعنى مش إحساس أنها زى أميره لاء مضايق من القرب ده اخد باله من فستانها واد ايه عريان

وضيقه منظرها : مش شايفه ان فستانك أوفر أعدت تتكلم وشهاب مستغرب ردها زى ما يكون أول مره بيعرفها وأول مره ياخد باله أن دى طريقه لبسها وجرئتها فى قربها منه ضايقه فحب يبعد :نقعد

وفعلا أعدوا واتعشوا واتفاجأ بأصحابها ولاد وبنات

وازاى بتتعامل معاهم أستغرب نفسه معقوله أنا مكنتش اعرفها زى ما يكون بتعرف على حد جديد واستفزه أسلوبها مع الولاد وهزرهم بالايد حس لو قعد أكتر من كده هيعمل مشكله فستأذن وفى العربيه لنفسه مستحيل أقبل بوضع زى ده ولازم أعرفها حدودها

وصلوا إجه ينزل مسكت ايديه

شرين : ليه زعلان

شهاب ماسك نفسه على قد ماقدر وفهمها أنه الحصل فى المطعم وموضوع أصدقائها ده مرفوض

شرين عطيت وزادت فى عيطها وهو اضايق من نفسه يعنى مكنش المفروض يهاجمها بالشكل ده خصوصا بعد ماقلتله متحسسنيش انى مغصوبه عليك

حس فعلا أنه إجه عليها ولازم بعد كده يوضحلها وجهة نظره بهدوء المفروض أنهم لسه بيتعرفوا على طباع بعض

حاول يهديها شرين قربت منه اوى يعتبر حضناه اتوتر شويه يعنى آه بنت عمى بس مش للدرجه دى المفرض يكون فى حدود ولسه بيفكر يبعدها اتلقاها بتقرب أكتر وفهم من نظراتها عاوزه ايه يادوب قربت من شفايفه بعد هو ونزل من العربيه و

قطع تفكيره خبط على الباب وكان محسن

محسن : جيت فى الميعاد

شهاب بتنهيده : أيوه طيب يادوب الحق أميره

محسن :مالك فى حاجه

شهاب :لاء ------

آه فكرتنى أسر طلب ايد أميره

محسن :مبروك أسر إنسان كويس وشكل موضوعك قرب

شهاب : موضوع تفتكر لو موضوع شرين اتعرف هتبقى مشكله

محسن :ليه هو انت اتجوزتها مجرد خطوبه وكل واحد راح لحاله أنسى ياشهاب ده موضوع وانتهى وخرج من حياتك للأبد ركز فى الجاى وحربك ولا نسيت

شهاب اتنهد بحيره بخوف مش عارف : تمام همشى أنا سلام

محسن : سلام

بيبص على شهاب واد ايه شايف الخوف فى عينيه من أنه يفقدها أو اى حاجه تبعده عنها معقوله الحب بيخوف كده

آه يا محسن زيك بالظبط عامل فيها مش همك ومتجاهل مروه البطلت تتصل عليك وأنت من جواك الخوف مالى قلبك لتفقدها طب أعمل ايه أسلم حل لازم نتكلم وكل واحد فينا يشوف عاوز التانى ولا لاء

----------------¤¤¤¤¤¤¤¤

شهاب راح يجيب أميره من البيت بقالها أسبوع بتروح للمعالج النفسى شهاب اتكلم معاه أن تكون الجلسة كل يوم عشان تكون النتيجه أسرع أميره فى الجنينه منتظراه

شهاب طلب منها متقولش لشرين على الموضوع ده وهيا نفذت من غير ما تسأل بس قالت لطارق واتبسط جدا لأنه كان ناوى يعمل كده أول ما ينزل مصر ولأنه عارف لو طلب منها مش هتروح وبرضه مكنش يعرف أن شهاب ممكن يعطل نفسه علشان خاطر أى حد شهاب وصل وأميره راحتله

أميره :هاى ياابيه

شهاب بأبتسامه : اخبارك ايه النهارده

أميره :الحمد لله فيروز اتفقت معايا أن من يوم السبت هيا الهتخدنى الجلسات

النهارده آخر امتحان ليها

شهاب :أبتسم شكلكوا بقيتوا أصحاب

أميره :أيوه هيا انسانه طيبه جواها طاقه ايجابيه كبيره معندهاش مستحيل هههههه ساعات بحسها هيا الأكبر منى

شهاب سرح فيها فعلا مختلفه سكت شويه : عموما أنا معنديش مشكله فى انى اوصلك انتى أختى ياأميره عارف انى قصرت كتير متزعليش منى

أميره :لا أبيه حضرتك ربنا يخليك ليا انت برضه على طول مشغول فى شغلك ومفيش وقت ليك وبعدين اصلا روز قدمت فى مكان قريب من الجلسات وظبطت نفس المواعيد

شهاب بأستفهام : قدمت فى ايه

أميره بصتله وسكتت : أصلا فى مكان قريب من المعالج ليه علاقه بالرياضه بس بطريقه معينه

شهاب تحوير أخته مش هيخيل عليه وواضح فى حاجه : رياضه بطريقه معينه يعنى ايه

أميره : يعنى بصراحه ---------

شهاب بيبصلها تكمل

أميره : هقولك بس كأنى مقولتش حاجه

شهاب أستغرب جدا بصلها تكمل

كملت رياضة زومبا

شهاب بأستغراب : زومبا!

ايه زومبا دى

أميره : رياضه معينه بتقول لاتينيه

ووطت صوتها بالرقص

شهاب بدهشه : رقص .. روز

أميره :روز يعتبر بترقص جميع الرقصات تعرف لازم لما تتعلم رقصه تجبر جاسر أو أسر يتعلمها علشان مش بترقص غير معاهم بس الزومبا لاء هيا ليها علاقه بتنزيل الوزن هههههه عندها 3 كيلو زياده مجننها

شهاب أبتسم وافتكر كوره البولينج ولما بتبرر وقد ايه كانت تجنن لما بتقوله أنا كده مش حلوه ورده عليها

اتنهد كان نفسه يشلها ويقول لها انتى أجمل ما فى الكون انتى سحرتينى امممم وبنرقص كمان طب دى حاجه كويسه جداااا

شهاب فاق من شروده وافتكر لما أميره جابت سيره أسر فحب يعرف إذا كانت روز قالتلها على أسر ويشوف هيا موفقه ولا لاء : يعنى أسر بيتعلم علشان يرقص مع روز طب يابخت الهترتبط بيه رغم أنه شكله متحفظ بس مش متشدد

أميره بصتله : لاء ياابيه هما مش متشددين خالص

شهاب شاف ردها عفوى وتلقائي عرف أنها متعرفش حاجه بصراحه حب أن روز مقلتلهاش واستغلت مثلا صداقتهم فى أنها تعرفها : فى عريس متقدملك

أميره :نعم حضرتك بتكلمنى

شهاب :ههههه هو فى حد معايا غيرك أيوه يااميره بكلمك فى حد طلبك منى النهارده

أميره بصتله و اتكسفت وسكتت وبصت قدام

شهاب كمل مسألتنيش مين هو

أميره :ها معرفش والله ياابيه

شهاب :متعرفيش ايه ياأميره

وابتسم بقولك مسألتنيش مين هو ولا مش عاوزه تعرفى

أميره : ايييييه

شهاب قاطعها : اييييه وبالنسبه للجلسات دى فى الآخر تقولى اييييه وصلوا وقبل ما تنزل أتكلم بجديه ..

وابتسم لأخته يطمنها : أميره أسر طلب إيدك

اميره اندهشت وبرقت

شهاب كمل .. ايوه اسر ابن اخت روز فكرى وبالنسبه ليا أسر إنسان كويس وبجد اتمنالك حد زيه فكرى وخدى وقتك ويلا علشان متتأخريش

شهاب وصل أخته أعد يلف بالعربيه شويه لما تخلص بالصدفه شاف عربيه روز متأكد أن هيا عربيتها جنب كافيه أستغرب وقرر ينزل يشوفها وقبل ما يدخل شاف محل راح لعنده يجيب حاجه وبعدين دخل

-----------♡♡

روز آخر يوم فى اختباراتها واتأخرت جدا على مقابله الدكتور أمجد علشان يدرسوا العينه وتدخل قيد التنفيذ واتفقوا يتقبلوا فى الكافيه

قبل ما روز تيجى والدكتوره هيا

خالد لامجد :عملت كل اتصالاتى علشان اعرف هيا مين معرفتش

أمجد :ليه يعنى هو سر مش قولت هتعرف هيا مين من رقم حسابها

خالد :فعلا ولما طلبت كده من كذا حد قالى أن رقم حسابها من الأرقام المميزه العليها خط أحمر يعنى مش أى حد يقدر يعرف الرقم ده لمين

أمير :طب أعتقد دى حاجه كويسه معنى كده أنها مش أى حد بصراحه انتوا العملين مشكله وتعقيدات مش عارف ليه اصلا

وبص لوالده بابا أنت وعدتنى هتكلم معاها النهارده

أمجد :أمير أنا قولت لما أخوك يعرف الأول هيا مين

أمجد بيدور على أى حاجه يمطول بيها الموضوع يمكن أمير يزهق ويخرج الموضوع من دماغه

أمير :تمام انتوا كل اليهمكوا تعرفوا هيا مين سبولى الموضوع ده وده كان عند دخول روز القابلت هيا ودخلوا مع بعض

فيروز :السلام عليكم

هيا :مساء الخير

ردو السلام والتحيه

أمير عينيه مش بتترفع من على فيروز المره دى مزودها جدا

فيروز اتوترت جدا وحاولت تكون طبيعيه

أمجد لاحظ ومش عارف يتصرف

أمير بتسرع : فيروز هو انتى اسمك ايه بالكامل

فيروز :نعم

شهاب دخل الكافيه وبعينيه بيدور عليها شفها قعده مع ناس عرف أنه شغل مشى فى اتجاهها أول الشافه دكتوره هيا

كانت روز مستغربه سؤال أمير

دكتوره هيا بصوت عالى : معقوله سياده المقدم شهاب الحديدى

وقامت تسلم عليه

وكمان الدكتره

روز انتبهت على صوت هيا وبصت لشهاب

شهاب كان بيسلم على الدكتره

وأول ما إجه يسلم على هيا تلقائياً بصت لأيديه إذا كان هيسلم ولا لاء حست أنها مضايفه بس قالت لنفسها المفروض عارف أنه حرام بيسلم ليه

شهاب من أول ما دخل وشفها حسها مضايقه واتقبلت نظراتهم مع بعض شاف هيا بتهمس لروز فهم بتقولها ايه روز متحركتش

هيا لروز :فيروز انتى متعرفيش ده مين قومى بسرعه سلمى عليه دا معرفته كنز

روز بصتلها ومردتش

شهاب سبهم وراح نحيه روز

شهاب أبتسم : ازيك ياروز عامله ايه

روز وهيا قعده : الحمد لله ازى حضرتك

شهاب :تمام شكلك مضايقه فى حاجه

طبعا شهاب بقى فاهم كل تعبير بتعمله وأولهم لما تكون مضايقه شاف منها كتير

روز بصت على الدكتره لقتهم متنحين مش مصدقين المقدم شهاب الحديدى بنفسه راح يسلم عليها وهيا قاعده متحركتش بصتله : ابدا الحمد لله مفيش حاجه

شهاب :متأكده

شاورت بعينيها .. أيوه

كمل ... تمام لسالك كتير عاوز اتكلم معاكى

روز : لاء قربت أخلص بس سورى أنا مش هينفع اتأخر

شهاب ابتسملها : مش هأخرك هستناكى وشاورلها على تربيزه ورا ومشى

أمير كان هيتجنن هو ايه العاوز يتكلم معاها : فيروز انتى تعرفى المقدم شهاب الحديدى منين وبلغه أمر ... وأعتقد أنى سألتك سؤال انتى اسمك ايه بالكامل

فيروز :----------

--------------¤¤¤¤¤¤¤¤¤¤

خلصت الحلقه ♥️

والسلام عليكم ورحمه الله وبركاته 😍❤❤ عرض أقل