رواية صراع العقل والقلب (كاملة جميع الفصول) حصريا عبر دليل الروايات بقلم كنزي علي
رواية صراع العقل والقلب الفصل الاول 1 - بقلم كنزي علي
فى صباح يوم جديد مليئ بالحيوية والنشاط وخاصتا فى قصر عبد القادر البحيرى رحمه الله عليه والتى يسكن فيه حياه وزوجها وأولادها وفيروز اختها يتكون القصر من ثلاث طوابق الطابق الأول وهو
لحياة وزوجها وغرفه مكتب وغرفه اجتماعات خاصه بالعقيد فؤاد قبل مايطلع على المعاش بس ساعات بيستخدمها لما بيطلبوا منه مساعدات فى قضايا مهمه وخاصتا مع تلميذه والبيعتبره ابنه المقدم شهاب وغرفه سفره وحمام فخم بفخامه القصر
ومكان آخر بعيد عن الدور الأول يوجد المطبخ ....
وتوجد فيه عائله عبد المجيد وزوجته صفيه
وأخت زوجته امينه وابنتها شمس تدرس فى المرحله الثانويه ومش متفوقة ومغرورة وحبت تثبت لسعيد أنها أفضل منه وأنها كتيره عليه
وابن أخوه سعيد المسئول عن الجراج وطلبات المطبخ من السوبر ماركت كل أسبوع بيروح هو وشمس حبيبته وخطيبته يجبوها
سعيد بعد وفاه أبوه وأمه أخده عمه ورباه واعتبره ابنه وعوض ربنا ليه لانه لم يرزق بالأطفال وعلمه وكان سعيد متفوق ولكن محبش يتقل الحمل على عمه وفضل يدخل صنايع على أمل لما الظروف تتحسن يدخل هندسه ويبلغ من العمر 25 عاما
وعبد المجيد مسئول عن الجنينة ويوجد ثلاث غرف وراء المطبخ خاصين بيهم
وبالنسبه للقصر يوجد الطابق الثانى وهو خاص بفيروز وقد تم تصميمه من جديد والذى قام بتغيره كاملا هو عمرو البحيرى يوجد جناح خاص بها غرفه النوم وكل الرفهيات النعرفها والمنعرفهاش ههه وغرفه الدرسنج روم وبما فيها من هدوم بجميع المركات العالميه وغير الاحذية والشنط ومكان خاص للميكب ومركاته
. غير الخزنه المحمله بالمجوهرات
وتوجد الغرفه الاخرى وهيا غرفه مكتب وغرفه خاصه بشغلها فى مجال الأعشاب
والدور ده بالذات اشرف عليه عمرو
وقامت فيروز بفرشه واشترط عمرو على كل من فى القصر ممنوع أى حد دخول جناح روز غير حياة فقط .....
الطابق الثالث يوم غرفتين لكل من أسر وجاسر وغرفه أخرى للرياضه وغرفه أخرى مكتب خاصه بهم.....
فى الساعه السابعه صباحا يستيقظ كل ما فى القصر وخاصتا أسره عبد المجيد المطبخ بمعنى اصح ويبدأوا فى تجهيز الفطار وكل من صفيه وامينه وشمس بيساعدوا بعض للتجهيز فى الميعاد رغم طيبه كل ما فى القصر معهم إلا أنهم يعرفون جيدا أن الالتزام بالمواعيد مهم جدا لديهم.
غرفه حياه
حياة :صباح الخير ياحبيبى
فؤاد : صباح الخير ياعمرى كله وبسها بوسه رقيقه على خدها مليئه بالحب
حياة: ايه الحب ده كله على الصبح
خدت بلها أنه كان صاحى وبيبص عليها وهيا نايمه
وبنظره حب أنت صاحى من بدرى
فؤاد : يعنى مش كتير
وبمكر وبعدين هو ايه الأنتى بتقوليه ده وبزعل مصتنع بص الناحية التانيه وجاى يقوم ....
راحت حياة قامت بسرعه ومسكه أيديه :ايه يا قلبى أنا قولت ايه زعلك منى كده والله مااقصد حاجه
فؤاد لف نفسه وبص ناحيتها بأبتسامة عذبه مليئه بالعشق .... انا عمرى ما ازعل منك ابدا انا استغربت لما قولتى ايه الحب ده كله على الصبح هو انا من ساعه ماعينيه شفتك عدى عليا يوم ما حبتكيش فيه أنا كل يوم بيعدى من عمرى بعشقك أكتر واكتر
حياة:أنا بحمد ربنا ديما أن ربنا كرمنى بيك أنت رزق يا فؤاد وربنا أنعم عليا بيه بحبك اوى
فؤاد:لاااااا بحبك كده بالكلام متنفعش خالص
حياة بأبتسامه مكر: أمال ازاى أصل أنا مش فاهمه تقصد ايه ياسياده العقيد وضحكت ضحكه عاليه إلى حد ما
فؤاد :امممم مش فاهمه وسيادة العقيد لااااا وبنظره سريعه سحبها من ايديها للسرير شكل الأستاذة نسيت حاجات مهمه جدا ومحتاجه فؤاد حبيبها يفكرها هههههه
حياة بضحك :خلاص يا فؤاد والله بهزر وبعدين مهو انت لسه مفكرنى امبارح
فؤاد بأبتسامة اشتياق :ابدا لازم افكرك تانى
حياة كانت جايه تتكلم او تعترض سكتها بأحلى قبله ...
الأستاذه الدكتوره حياة البحيرى وهيا تكبر روز بسنوات عديده دكتوراه فى القانون
وبتشتغل محاميه فى مكتبها الخاص وبيشتغل معاه محامين كبار وكله تحت اسم الأستاذة الدكتوره حياة البحيرى تبلغ من العمر47 عاما
وجوزها العقيد فؤاد خطاب طلع على المعاش وعمره الان61 عاما وعندهم ولدين
فى غرفه أخرى وهيا غرفه فيروز
روز صحيت على الميعاد خدت شاور وصلت ركعتين قضاء حاجه اتعودت قبل ماتنزل من البيت تصلى قضاء حاجه بنيه تيسير أمورها
دخلت الدرسنج روم تنقى اليناسبها ويناسب مودها النهارده لبسها كله مودرن وعلى الموضه وكله برندات ومحترم لبست الينسبها ووضعت ميكب بسيط لا يتعدى أحمر شفاه خفيف ولأنها مش محتاجه محطتش أكتر من كده ظبطت شنطتها الخاصه وشطنتها الفيها أدواتها الخاصه بكليتها
والقت نظره اخيره فى المرايا على حجابها وطبعت بوسه فى الهوا بأبتسامه صباحيه
فيروز البحيرى ( روز وهو ده اسمها فى العيله والمقربين فقط )
21 سنه فى 3 صيدله وعمله دبلومه فى الطب النبوى والأعشاب الطبيعيه
اب وام متوفين وعايشه مع اختها الكبيره فى قصر والدهم عبد القادر البحيري
وهنعرف بعد كده عايشين فى قصر البحيرى هيا وأختها ليه
تتميز ببشره بيضاء صافيه وعيون زرقاء متكحله وطولها مناسب وجسمها متناثق وهيا شخصيه رياضيه ودم خفيف وحجابها المتميز الأنيق وبتكون حريصه أن كل هدومها ومستلزمتها ديما بتكون برندات وعلى الموضه والاحترام ورغم سنها الصغير إلا أن شخصيتها قويه جدا
والكل بيعملها حساب مش لانها فيروز البحيرى فقط لاء لأنها محترمه وأخلاقها عاليه بتجبر الكل يحترمها ويقدرها وهيا (بطله رويتنا )...
فى غرفه أسر صحى على طول على صوت المنبه اخد حمامه ولبس واجه ينزل
قال يلقى نظره على جاسر فتح الباب وبينده عليه رد عليه من تحت البطانية ودارت بنهم المشاكسات واخير صحى جاسر
أسر بضحك وبلهجة تكاد تكون صارمة: عشر دقائق تكون على السفره يانقيب افندى
وقفل الباب
جاسر رمى مخدته على الباب
وقام بسرعه وهو بيكلم نفسه قال نقيب افندى قال دا أنا سياده النقيب اللبنات بتموت عليه وهو مش معبر حد
جرى ايه ياجاسر ماانت لوحدك البنات آه يادوبك بتلفت نظرهم لكن أول ما يظهر أبو ايد طرشه أسر ده محدش بيعبرك اعترف جرى ايه منا بعترف أهو قدام مريتى حبيبتى والله ياولا ياجاسر انت صريح وما فى منك اتنين ايه ده وشاعر كمان لا لا لا انت كده عدت معاك
اوف شكلى اخت وقت لما اخلص بسرعه وانزل قبل ابو ايد طرشه مايرجع
الرائد أسر 27 عاما جد شويه
وبيعتبر شهاب الحديدى مثله الاعلى
والنقيب جاسر 24 عاما وهو مش جد خالص وبيحب الهزار قد عينيه ...
ويعتبر روز وأسر وجاسر توائم
روز بتعتبر ديما أنها محفوظه بوجودهم فى حياتها..
أسر وهو نازل كانت روز خارجه من اوضتها فتقابلوا على السلم
روز بأبتسامة حب اخوى :صباح الخير يا أحلى باشا فى الداخليه
وشاورتله يوطى عشان تبوسه من خده.
أسر :لو أنا احلى باشا تبقى دكتورتنا ايه احلى من احلى الدكتره كلها
وبسها هو كمان ونزلوا
وكانوا هما أول من حضروا على السفره
فيروز بأستغراب : معقوله حياة وانكل فؤاد لسه نايمين مش معقوله أول مره تحصل
أسر برضه أستغرب بس معلقش
وده كان على دخول جاسر
جاسر :صباح الفل والياسمين
وبص لاخوه بنظره غيظ وراح لروز ومد ايده بطريقه مسرحيه
فمدت أديها ليه راح بايسها : صباح الخير يا احلى موزه وخاله فى الدنيا كلها
روز بصوت عالى : جااااسر
جاسر : خلاص مقصدش يا احلى مزه بس من غير خالتو كده تمام
ورملها بوسه فى الهوا
أسر متابع الحديث بصمت ورضا
وشويه ... دخل عليهم حياة وفؤاد وايديهم فى ايد بعض ومبتسمين
وألقوا تحيه الصباح عليهم
اسر وروز:صباح الخير. صباح الفل
جاسر :صباح الخير ولا صباحيه مباركه ولا ايه ها ايه
أسر بنظره حاده ليه سكتته
وروز اكتفت بأبتسامه دارتها بأيديها
مكان العقيد فؤاد على رأس السفره وحياة من الجهه الشمال وجمبها روز وعلى الجانب الأيمن أسر وجاسر
وبعد لحظات من الصمت وكسوف حياة من اولادها ونظره فؤاد ليها بيقويها كأنه بيقولها ولايهمك من اى حد طالما احنا مع بعض
وبدأوا فى تناول الفطار
فؤاد لأسر :اتأخرتوا ليه امبارح لسه برضه موصلتوش للخليه الارهابيه دى
أسر :لسه ياسياده العقيد المأمورية المره دى شكلها مقعده اوى
وسكت شويه .... آه يا بابا سياده اللواء صبرى عاوز يقابل حضرتك ويتكلم معاك شكلهم عاوزينك معانا رغم طلوع حضرتك على المعاش ألا أنهم مش قادرين يستغنوا عن قدراتك وعقلية حضرتك
فؤاد هز راسه : تمام هكلموا
جاسر :فعلا ياحج حضرتك صيتك مسمع والله هههههه ملقاش ردت فعل من حد
سكت شويه ... آه يا بابا بس أسر مقلكش أن سبب التأخير هو سياده المقدم شهاب لطعنا معاه من غير سبب.
أسر بأستهزاء من اخوه:من غير سبب مش مكسوف وأنت بتقول على شغل مهم ومعلومات كبيره زى دى من غير سبب
روز متابعه الحوار فى صمت خصوصا لما ذكر اسم شهاب
جاسر سكت وحاول يغير الموضوع : بس ايه يا ماما الحلاوة دى على الصبح
وغمزلها مزه مزه.
فؤاد: ولد أحترم نفسك واستمرت المشاكسات وروز مستمره فى السكوت وخصوصا لما ذكر اسم شهاب
افتكرت الموقف الحصل تقريبا من سنه ومضايقه من الإنسان ده وهيا لا عمرها شفته ولا كلمته بس الحصل مضايقها منه جدا ومش بتحب لا تسمع اسمه ولا حد يشكر فيه.
واخيرا الفطار خلص وكل واحد استأذن وراح شغله
وروز على كليتها وكمان
حلقتنا خلصت 😍
أرجو تكون نالت اعجبكم😘
والسلام عليكم ورحمة الله وبركاته ❤❤ عرض أقل
عدى كام يوم ....
فيروز مشغوله بدراستها الابتدت من شهر
وأسر وجاسر وشهاب وسياده العقيد فؤاد انضم ليهم ..
بتكليف من الداخليه لخبرته ولتاريخه الكبير المليئ بالإنجازات.
حياة بتتصل تتابع شغلها بالتليفون بتروح المكتب كل فتره مبقتش زى الأول بقت حاسه أن بيتها أولى خاصتا أولادها كبروا وجوزها حست بعد طلوعه على المعاش بقى بيضايق من عدم وجودها فى البيت وأنها مشغوله عنه بس هيا عارفه انه عمره ماهيطلب منها تسيب شغلها وتتفرغ ليه وعارفه ديما أنه حاسس بالذنب أنه لما اتجوزها وهيا كانت صغيره جدا فى المرحله الثانويه وهو كان متخرج بقاله كام سنه وانها مكنتش موافقه فى الاول بس ابوها كان ليه نظره وشاف عاشق مش مجرد راجل محترم واخلاقه عاليه وابن ناس شاف راجل بمعنى الكلمه هيصونها ويحافظ عليها
حياة فى الاول كانت رافضه بس عادى يعنى مش تصميم كانت حاسه انه كبير عليها بس لما قعدت معاها اول مره حبه غزى قلبها وعرفت ليه باباها معترضش عليه أول ماشافه والحمد لله حبهم استمر سنين وسنين
وربنا رزقهم بولدين بعد اصرار حياه ان يكون عندها اولاد وهيا بتدرس علشان فؤاد كان رافض وديما يقولها انتى لسه صغيره وبتدرسى بس حياة كانت شاطره وصممت انها تحمل ومع اصرارها
وافق فؤاد وكان جمبها رغم ظروف شغله الصعبه بس كان دائما جمبها على قد مايقدر وكان ومازال بيحتويها وبيقدرها والكل عارف أن حياة قلب فؤاد فأكتفت أنها تتابع المكتب بالتليفون وتروح على القليله يومين فى الأسبوع
وطبعا يوجد محامين كبار قامت بتوظيفهم واكتفت حياة بالمتابعة وتوليه القضايا المهمه البتطلب فيها بالاسم .
-----------¤¤¤¤¤¤¤¤¤
فى قصر الحديد
فى صباح يوم جديد فى قصر الحديدى وهو مختلف فى طباعه وتصميم القصر يغلب عليه الطابع الكلاسيكى مليئ بالتحف والتبلوهات العتيقه الغاليه
بس لمجرد انها غاليه قاموا بشرائها وخاصتا مهاب الحديدى من يقوم بذالك هذا الرجل يتميز بالهدوء وبعض من الحده فى التعامل ورغم كل ذلك ألا انه رجل طيب وحكيم خاصتا على أولاده
سها زوجته وبنت عمه زواجهم زواج تقليدى ليس بنهم حب بالمعنى
بس يوجد حب من نوع اخر
وهو حب العشره والأولاد
وأختها سناء تزوجت أيضا من ابن عمها
وأنجبت منه شرين وتوفى وشرين فى الثامنه عشر من عمرها
وقد انتقلت سناء للعيش فى بيت اختها وابن عمها بعد وفاه جوزها وده كان رأى مهاب ولما اعترضت
قال مينفعش تعيشى لوحدك انتى وبنتك لوحدكوا الناس والمجتمع يقولوا ايه على مهاب باشا الحديدى
فأضطرت توافق ولكن بعد حوالى خمس سنوات
تزوجت من رجل أعمال وسافرت معاه أمريكا وتركت شرين فى قصر عمها
سها ديما بتعامل شرين زى أميره بنتها ..
قصر الحديدى يتكون من ثلاث طوابق الطابق الأول ويوجد به غرفه المكتب وأيضا السفره وعده من الصالونات وووو....
والطابق الثانى يوجد جناح خاص بمهاب وزوجته وأيضا غرفتين مميزتين لكل من أميره وشرين
والطابق الثالث خاص بشهاب وطارق ولكل واحد منهم جناحه الخاص وغرفه مكتب وغرفه رياضه...
أثناء تجمع الاسره على مائدة الطعام الذى يرأسها مهاب الحديدى ...
وسها على الجانب اليمين وبجوارها أميره ومكان شرين بجوار أميره
ولكنها سافرت إلى والدتها فتره
وعلى الجانب الشمال يوجد شهاب ومن المفترض يوجد طارق بجانبه
ولكن طارق فى ألمانيا بيعمل دراسات عليا ودكتوراه
يبلغ من العمر 26 عاما دكتور كيمياء ...
شهاب آخر واحد قعد على السفره : صباح الخير ....
المقدم شهاب الحديدى الابن الأكبر لعائلة الحديدى العمر 31 سنه يتميز بالرجوله شكلا وفعلا واخلاقا
وهنتعرف عليه أكتر من خلال روايتنا
وبيعتبر فؤاد خطاب الأب الروحى ليه وديما بيستشيره فى أمور كثيره رغم طلوع العقيد خطاب على المعاش (وهو بطل روايتنا )
وقعد مكانه
مهاب وسها ردوا الصباح مع الابتسامه الهادئة أما أميره كانت ملامحها منزعجة شويه......
الأم سها هانم الحديدى طيبه القلب وسيدة مجتمع...
الزوج مهاب الحديدى رجل أعمال كبير فى الاستيراد والتصدير
أميره بأقتضاب :صباح الخير ياابيه
واكيد شهاب لاحظ
أميره الحديدى تبلغ من العمر 24 عاما خريجه جامعه امريكيه تتميز بطابع هادئ وبشره بيضاء صافيه وشخصيتها ضعيفه جدا وللأسف ده بسبب تسلط شرين عليها......
شهاب: مالك ياأميره فى حاجه فى حد مزعلك
أميره :لا أبداً بس زهقانه شويه
سها :أنت عارف أميره لا بتخرج ولا بتروح ولا بتيجى
وسكتت لأنها عارفه أن تكمله الكلام مش هيعجب شهاب.
شهاب:وليه مش بتخرجى واصلا انتى مش كنتى بتشتغلي فى الشركه مع بابا وبص لوالده .
مهاب : أنت عارف أختك كانت بتيجى يوم وعشره لاء ولما بتيجى مش مركزه خالص وبتبوظ الدنيا بجد مش عارف خريجه جامعه امريكيه واداره اعمال ازاى
وسكت لأنه عارف أن بنته حساسه زياده عن اللزوم وممكن تقعد تعيط يومين لو حد ضيقها بكلمتين.
أميره سكتت وكانت زعلانه من كلام باباها ومردتش هيا اصلا لا كانت عاوزه تدخل جامعه امريكيه ولا تدرس أداره أعمال كان نفسها تدخل فنون جميله
بس طبعا والدها مكنش موافق
شهاب: مبتروحيش ليه النادى
مش بتقدمى ليه فى كورسات أو تتعلمى رياضه جديد أو لغه تفيدك.
أميره بتردد : بصراحه ياأبيه أنت عارف انى مليش أصحاب غير يعنى
احم شرين وبنخرج مع بعض وهيا البتقولى يعنى ايه هيا الحاجات المناسبه ليا وبنعملها مع بعض
اممم بس انت عارف أن شرين عند خالتو بقالها شهر والنهارده بتصل بيها قالتلى انها هتقعد شهر كمان يعنى هيكون على اجازه نص السنه
شهاب سكت بخيبه امل وعرف أن أخته عمرها ما هتتغير مهما يتكلم معاها ويحاول يقوى من شخصيتها ويخليها تبطل تعتمد على حد ويكون ليها شخصيتها وكريرها المستقل بيها
للأسف يادوبك هو يوم بتحسسه أنها اتغيرت وتانى يوم ولا كأن
سناء الحديدى أخت سها بنت عم مهاب وهيا وبنتها شرين ساكنين معاهم فى نفس القصر وسيده مجتمع زى اختها....
شرين الحديدى ابنة سناء تبلغ من العمر 27 عام تحب المظاهر أد عنيها تتميز ببشره سمراء ولكنها جميله جدا وهيا تعرف ذالك وتعرف امتا تستخدم جاذبيتها وهيا مطلقه من زواج دام شهر وهنعرف بعد كده ايه سبب الزواج وليه شهر واحد بس.......
وكملوا فطار
شهاب استأذن وراح شغله
وكمان مهاب راح شغله
أميره مقدياها نت وكندى كراش
وسها متابعه للبيت
وبعدين هتروح مقر الجمعيه الهيا رئيستها (جميعه الرفق بالحيوان )
----------------------------------
فى قصر البحيرى
يجتمع كلا من فؤاد وحياه وجاسر وأسر وشهاب ...
أيوه شهاب كان موجود عند سياده العقيد بيناقشوا القضيه
وجاء ميعاد الغذا وطبعا عزموا عليه ودى مش أول مره بتحصل
هما ديما بيعتبروه واحد منهم وهو كمان بس من غير روز بمجرد ما تعرف وجوده فى البيت بتتحجج بأى حاجه المهم متكونش موجودة والشخص ده موجود فى البيت...
حياة بأبتسامه هاديه : ايه ياسياده المقدم مش بتاكل ليه أكلنا مش عجبك ولا ايه هو آه مش انا الطبخه بس مشرفه على الأكل بنفسى .
شهاب : ازاى بقى يا استاذه أنا باكل بجد تسلم إيدك الاكل حلو اوى
جاسر : ماما أنا باكل متعزميش عليه ههههه
حياة : ههههه بألف هنا ياحبييى
وسكتت شويه
وكملت كلامها .... ياريت روز تيجى الوقتى ومتتاخرش دى اكلتها المفضله
أسر :آه فعلا هيا فين فى شغل ولا الكليه
حياه :كليه تتلقيها فى المكتبه ونسيه نفسها حبيبتى ربنا يعينها
كلهم يارب...
شهاب متابع للحوار فى صمت بقاله فتره كبيره بيسمع عن روز بس عمره ما شفها بس فضول منه عاوز يشوفها يشوف الشخصيه الكل بيحبها دى هو يعرف أنها أخت حياة بس مشفهاش قبل كده فاق من شروده على صوت حياة
حياة: مش ده صوت عربيه أكيد روز كويس أنها جت ...
شهاب الفضول اتملكه اكتر واتلقى نفسه بيقول واخيراً
من بره روز داخله بالعربيه ناحيه الجراش
سعيد اجى نحيتها : أهلا ياهانم وبيمد أيده ياخد مفتاح العربيه
فيروز: ازيك ياسعيد عامل ايه
سعيد: الحمد لله ياهانم
فيروز :جرى ايه يا سعيد أنت مُصر تزعلنى منك ليه مش قلتلك بدل المره مليون متقوليش هانم دى
وبأبتسامه ... ليه مُصر تضايقنى
سعيد: لا والله مقصدش اضايق حضرتك بس يعنى بصراحه مش عارف اقول يعنى فيروز من غير ألقاب .. ميصحش
فيروز: لاء يا سعيد يصح
وعلشان هيا عاارفه ان اسر وجاسر هيضايقوا لو سمعوه قال فيروز من غير القاب ومنعا للمشاكل : طب اقولك ماتقولى يادكتوره أهو يبقى فال حلو.
سعيد: كده تمام يادكتوره.
جت تمشى لمحت عربيه شهاب الحديدى بره لوت شفيفها وفى نفسها
هو انت هنا أنا جعانه اوووووف ودخلت القصر وطلعت من سلم الخدامين
وقابلت أمينه
فيروز:لو سمحتى ياداده لو حد سأل عنى وخصوصا حياه هتقوللها انى مرهقه وطلعت أرتاح ... وشويه وهنزل اوكى
امينه : حاضر طب عاوزه حاجه اعملهالك
فيروز : تسلمى ياداده...
وطلعت وهيا مضايقه قال مقدم قال
حياة انتظرت روز تدخل عليهم بس اتأخرت فلمحت امينه ندهت عليها
حياة :أمينه هيا مش روز الجت
أمينه :أيوه يااستاذه بس هيا بتقول لحضرتك أنها مرهقة وشويه وهتبقى تنزل
حياة: اوكى ياامينه شكرا روحى انتى
اسر : تلاقيها تعبت النهارده بصراحه بترهق نفسها اوى فى المذاكرة
جاسر : فعلا بتفكرنى بنفسى ايام الدراسه مكنتش بمسك كتاب غير أيام الامتحانات هههههه وكلهم ضحكوا ..
بس شهاب حس أنه اضايق مش أول مره تحصل وهو موجود
وانتهى الغدا وكملوا شغل
وخلص اليوم من غير أحداث مهمه
خلصت حلقتنا يارب تعجبكوا.... 🌹
والسلام عليكم ورحمة الله وبركاته ❤❤ عرض أقل
•تابع الفصل التالي "رواية صراع العقل والقلب" اضغط على اسم الرواية