رواية صراع العقل والقلب الفصل التاسع عشر 19 - بقلم كنزي علي

بقلمى كنزى على ♡♡

اللهم صل وسلم وزد وبارك على أشرف خلق الله سيدنا محمد وعلى آله وصحبه وسلم أجمعين ❤❤

أستغفر الله العظيم وأتوب إليه ❤❤

شهاب فى عربيته أول ما دخلها أفتكر أحداث امبارح خصوصا أن عطر روز مالى العربيه تلقائياً بص وراه

لمح برفانها كانت عينه صغيره اخدها بصلها شويه ...

وابتسامه ارتسمت على وشه وقربها منه ملى رئته منها : تالت حاجه منك بملكها فيروزتى إبتسامتك ....رقم تليفونك ... وعطرك وقريبا ---------

اتنهد وكمل سواقه قال يتصل على محسن يشوفه أخباره ايه بقاله فتره مش فى حالته

محسن :كنت بفكر اكلمك بس قولت أكيد هتقضيها نادى

شهاب :لاء ياظريف أخبارك ايه

محسن بتنهيده : تمام

شهاب :أنت فين

محسن :فى البيت

شهاب : مخرجتش مع خطبتك

محسن :لاء

شهاب :شكل الموضوع كبير أنا جيلك

وبعد وقت وصل

قعدوا مع بعض شويه

محسن بيتهرب من أسأله شهاب

وشهاب عينه على الساعه

شهاب :جرى ايه يا محسن دا انا لو بستجوب جاسوس كنت عرفت أطلع منه بحاجه معقوله وصلت أنك تخبى عليه للدرجه دى مش واثق فيا هو الموضوع خاص اوى كده مينفعش اعرفه

محسن شهاب صاحبه وأخوه هو ملوش أخوات ولا أصحاب غيره : مروه حاسس أنها مابقتش تحبنى أو أصلا محبتنيش من الأول ومتسألنيش ليه لانه احساس معيش دليل

وطبعا دا تهرب لأن أول سؤال هيتسال بعد كلامه

ليه بتقول كده وحصل ايه لكل ده ؟

شهاب بعقلانية فهم أنه مش عاوز يقول الحصل لأن ممكن حاجه جرحت رجولته وخاصه اوى : والله من خلال معرفتى لمروه من خلالك اقولك أنها بتحبك جدا لما كنا لسه متخرجين والعرسان البيتقدمولها ومنهم أعتقد قولتلى دكتورها وكان عاوزها تسافر معاه بره مصر دا غير مستواه المادي وأهلها كانوا مصممين عليه هيا وقفت للكل وقالتلهم لاء وساعتها حتى مضغطتش عليك وقالتلك زى البنات لازم تيجى تخطبنى وتعمل وتسوى لاء قالتلك اهتم بشغلك وأنا هستناك مستعجلتكش

محسن بيبصله بيفتكر حاجات كتير فعلا تدل على حبها

فكمل تعرف أنا مفهمش فى أمور البنات اوى بس أبسط حاجه انها مش بتحب تشترى أى حاجه غير لما تكون معاها يعنى يهمها رأيك فى أدق تفاصيلها ومش كتير من البنات بتعمل كده بيحبوا يكونوا بنات فى بعض ويخدوا رأى بعض

شهاب عارف ان مروه بتهتم بالامور الماديه شويه فحب يبسطله الامر ده شويه : وبعدين زيها زى كتير من البنات بتعتبر خطيبها وحبيبها فنوسها السحرى الهيحققلها كل طلباتها متعشمه فيك يااخى وضحك ----

صدقنى أنا مش بقولك كلام وخلاص دى حقيقه واضحه بس يمكن علشان انت حطيت فى دماغك فكره فتملكت منك

محسن يا محسن انتوا بتحبوا بعض متخليش الشيطان يدخل ما بنكوا ويتمكن

محسن كلام شهاب صح بس مضايق ولازم اعترف لنفسى أن الغلط بدايته من عندى : شكرا ياشهاب كلامك فرق معايا

شهاب طبطب على رجله وأبتسم : اى خدمه وبص فى الساعه ... تمام همشى أنا

محسن :استنى خليك شويه ولا ننزل

قاطعه :لاء يادوب علشان متاخرش

محسن :متتأخرش على ايه فى ايه كل شويه تبص فى الساعه

شهاب أبتسم وسكت

محسن :الابتسامه دى وراها ايه روز مثلا مروحتش النادى ليه دا أنت بقيت مسجل يوم جمعه هههههه

شهاب : هاه خفه .. وضحك

اصلا هيا الجايه

محسن : جايه فين

شهاب :البيت

محسن :نعم بيت مين انت شارب حاجه

شهاب بأستنكار : شارب حاجه لاء ياخفه وحكاله الحصل ------

محسن : هههههه لاء لعيب

شهاب :منا قولت مينفعش معاها الحرب البريئه ههههه يلا سلام

محسن :سلام

--------------¤¤¤¤¤¤¤

عند روز فى طريقها لأميره حاسه انها متوتره يعنى هيا بتعتبر أميره انسانه كويسه وحبه علاقتها بيها تكون أفضل خاصتا علشان أسر

هيا كانت عاوزه تدور على حجه تلغى بيها الميعاد بس نظرات أسر ليها واد ايه متلهف عاوز يطمن عليها وكمان حست انه عاوز علاقتها بيها تكون قويه مقدرتش ترفض ووصلت على الميعاد ضغطت على الجرس فتحتلها الخادمه

روز :سلام عليكم

بأرتباك أميره موجوده

أميره من بعيد : روز حبيبتى ازيك

وسلموا على بعض

وندهت على مامتها : مامى تعالى فيروز البحيرى يامامى ههههه ولا اقول روز

سها :أهلا وسهلا ياروز عمتا الاتنين احلى من بعض وكمان روز زى القمر فيكى شبه من حياة كتير ههههه بس بصراحه انتى على احلى

روز بأبتسامه : ميرسي لحضرتك

وقدمتلها بوكيه ورد ... سلامه أميره

سها: الله يسلمك ياحبيبتى الله ياروز متعرفيش أنا بحب زهره ليزانش قد ايه بجد زوقك حلو اوى

روز بابتسامة : مبسوطه أنه عجب حضرتك ليزانش من الزهور المميزه عندى

أميره : مامى مين حياة ممتك ياروز

سها سبقت طبعا عيله البحيرى معروفه والاستاذه حياة البحيرى ليها اسمها ومركزها وسها شفتها أكتر من مره فى نادى وفى جمعيات خيريه وفى حفلات الوزرا وعندها خلفيه أن ليها أخت وقعدين فى قصر البحيرى بعد والديها ما توفوا واكيد كل وسط عارف بعضه : أحم الاستاذه حياة البحيرى أخت روز من الشخصيات البجد بتمنى اتعرف عليهم عن قرب

اميره اتوترت من نظرات مامتها فهمت ان والدتها متوفيه ... بصت لروز

أميره :حبيبتى أنا بجد أسفه

روز بأبتسامه حزينه : حصل خير

أميره جايه تاخد الورد من مامتها : حلو اوى شكله مميز زى صحبته

روز :لاء الزهور لمامى معايا ليكى حاجه تانيه وغمزتها وشاورت على شنطتها

أميره :امممم طيب يامامى هاخد روز وهطلع اوضتى

سها عجبتها روز جدا حلوه وعيله ونسب وهيا عندها شابين احلى من بعض

بتفكير بس شهاب اممم معتقدش مناسبه ليه

مناسبه اكتر لطارق ...

------------- ¤¤¤¤

عند أميره وروز

أميره :أنا مكسوفه جدا من الحصل سورى انى ازعجتكوا

روز :لا ياحبيتى ولا يهمك وبعدين بصى للجانب الكويس

أميره :هو فين الجانب الكويس دا انا مكسوفه جدا وخصوصا من أسر يعنى كان منظرى وحش

روز :أسر اممم وابتسمت

وبصتلها بتركيز

أميره هربت بعينيها

روز فهمت حاجه بس : الجانب الكويس يااستاذه أن جتلك بيتك ولا دى حاجه مش كويسه

أميره بأبتسامه : أكيد طبعا أنا حبيتك جدا ياروز أنا للأسف مليش حد قريب منى غير شرين وهيا مسافره ولما بتسافر مش بخرج ولا بروح فى أى مكان

أبيه شهاب على طول مشغول أول مره كنا نخرج مع بعض يوم النادى

روز :ليه مش بتخدى كورسات لغه مثلا أو بتشتركى فى ورش أرت خصوصا أن ليهم شغل ومعارض تحفه

أميره :مش عارفه على طول مع شرين واصحابها مش بفكر فى حاجه تخصنى ديما ليهم أفكارهم وحوادتهم بكون مشغوله معاهم ولما بتسافر بكون لوحدى وديما تقولى مخرجش غير معاها علشان أنا بتوتر من الزحمه ومش بعرف اتعامل مع الناس اوى

روز استنتجت من كلامها أنها شخصيه ضعيفه اوى وده بسبب شرين القبل ما تشوفها حست بقبضه فى قلبها من نحيتها : طب عندى ليكى فكره فى معالجين نفسين بيعالجوا موضوع التوتر والخوف ده وكمان بيشتغلوا على الثقه بالنفس صدقينى هيفرق معاكى

أميره :دكتور نفسى ياروز معقوله

روز بأبتسامة : أنا بقولك معالج نفسى مش دكتور بتتكلموا عن المشكله وبتحلوها مع بعض العلاج بالكلام فقط مفيش أدويه هيفرق معاكى بجد وهتحسى بفرق كبير فى شخصيتك وقراراتك آه نستينى وطلعت من شنطتها شوكولاته

أميره : واو ياروز أنا بحبها اوى خصوصا النوع ده

روز :ألف هنا واكلو هما الاتنين

شهاب وصل شاف عربيه روز بره أبتسم ودخل كانت والدته بتظبط فاظه الورد

شهاب بيبص حواليه بيدور عليها راح لوالدته : مساء الخير

سها :مساء النور ياحبيبى وهى بتظبط الزهور شوف جمال الزهور

روز صديقه أميره الجيباها زوقها حلو اوى وهيا كمان حلوه ومميزه

شهاب بص للورد عجبه جدا وفى نفسه فعلا مميز زى صحبته : آه اييه أميره أخبارها ايه

سها :كويسه مع روز فوق فى اوضتها

شهاب اضايق كان مفكر أنها هتكون قاعده هنا أو فى الجنينه ويشوفها ويسرق بعض الكلام من شفايفها : تمام

اخد زهره هطلع اوضتى

سها ابتسمت : طب حطها فى الفاظه الصغيره العندك وحطلها مايه

شهاب وهو طالع لمح غرفه أميره مفتوحه بس مش اوى

فقال لنفسه عادى هروح أسلم وانى بطمن على أميره آه عادى مفيهاش حاجه حط الورده على جنب وقرب سمع روز بتقول

روز بتاكل شوكولاته ولأميره : تعرفى ياأميره أنا بحب الشوكولا جدا ساعات ببتز أسر وجاسر بيها

وضحكت بصوتها كله ...

شهاب اتجنن من ضحكتها وافتكر لما كانت بتبتز أسر لما قابلها أول مره

إجه يدخل بس وقفه كلام روز

روز :صدقينى ياأميره اسمعى كلامى الموضوع هيفرق معاكى

طب تعرفى لو حد فى الداخليه عرف بموضوع أنك خوفتى من حتت عيل زى ده هيعملوا ايه يابنتى انتى متعرفيش اخوكى مين انتى أخت المقدم شهاااب الحديدى فاهمه يعنى ايه الداخليه كلها بتعمله ألف حساب تعرفى بقى لو عرفوا حاجه زى دى مش بعيد يعتقلوه

شهاب أول مره يسمع اسمه من بين شفايفها حس كأنها بتغنيه واد ايه اسمه مميز

اتبسط أنها شيفاه شخصيه كويسه يعنى مع كل الحصل بس عادله مربطتش الاحداث ببعض استوقفه كلمه يعتقلوه خبط ودخل

روز مديه ضهرها للباب

أميره أعده على السرير فى وش الباب برقت

روز بتبصلها وبهمس : ممتك

أميره بدماغها بتهز لاء

- باباكى

أميره : لاء

روز : شهاب

هنا أميره هزت دماغها بأيوه

روز فى أيديها وفى بوقها شوكولاته لفت وشها نحيته

شهاب بيبصلها كان نفسه يضحك بس مسك نفسه عاوز يشوف هتبرر القالته ازاى هتعتزر هترتبك ايه رد فعلها فلبس

وش التعجب : ازيك ياروز ها مقولتيش هيعتقلوا مين

روز شاورت بأيديها على بقها ألهو استنى لما آكل .... وبصت لأميره

اميره حطه ايديها على وشها خايفه لاحسن شهاب يضايق روز ويزعلها هنا مقدرش يمسك نفسه وضحك فى صمت وسريعا رجع لوش التعجب

روز خلصت وخدت نفس وبصتله : احم اقصد حضرتك

اجه يتكلم

كملت ... طبعا انا مقصدش الوصل لحضرتك هواا هواا اه مجرد تعبير بليغ لما نكون عاوزين نكبر من الحدث فبنضخمه زى الحصل

ايييمم بس

وبصت فى الساعه .... يااا أنا اتأخرت اوى لازم امشى

شهاب مش مصدق القالته وازاى قدرت تخترع كلام هو مش عارف إذا كان صح ولا غلط بس عجبه سرعه بديهتها

أميره : استنى ياروز أبيه شهاب روز اقترحت عليا حاجه بتقول فى معالج نفسى يعنى بيعالج موضوع الخوف والتوتر من الزحمه

شهاب بأستغراب : معالج

روز اعتقدت شهاب هيفكر زى أميره : حضرتك ده معالج بيعالج بالكلام الموضوع مفيهوش علاج أو أى حاجه تقلق منها بالعكس وده هيقويها ويساعدها ومش غلط يعنى كلنا عندنا مشاكل مش عيب نلجأ لمختصين

شهاب أعجب جدا بتفكيرها وازى قدرت فى موقف تلاقى الحل وهو أخوها سنين كان يادوب ينصحها مره واتنين وخلاص : ياريت دى حاجه كويسه

وبصلها بأعجاب ... بجد برافو ياروز

روز اتكسفت من نظراته

وبصت لأميره شوفى بقى أنا هحجزلك عند حد كويس جدا وهحاول الميعاد يكون بكره

أميره :هتيجى معايا

روز :لاء طبعا بتكونى لوحدك

أميره بقلق : هروح لوحدى

روز بأبتسامه : لاء بعربيتك

اميره :أنا معنديش عربيه علشان مش بعرف أسوق

روز بصت لشهاب : مش بتعرفى تسوقى تعرفى ياأميره أسر معلمنى السواقه من سنتين يعنى تقريبا وأنا عندى أقل من عشرين سنه ها ياأميره

وهيا بصه لشهاب

الطبعا فهم أنها بتلمح عليه حس فعلا أنه مقصر فى حقها

روز كملت .. اوكى أنا الأسبوع ده آخر أسبوع ليه فى الترم اخوكى هيوصلك وبعد كده أنا هوصلك

شهاب بيبصلها بتعجب

اميره بتفاجأ : أخويا مين

روز :اخوكى

وبصت لشهاب ... هو انتى عندك أخ غيره

أميره :أيوه طارق بس مسافر

روز :اممم لاء خلينا فى الهنا دلوقتي ها ياسياده المقدم اتفقنا

ابتسمت ... نقرأ الفاتحه

شهاب ضحك وفى نفسه إن شاء الله نقرأها قريب : طلباتك اوامر ياروز

روز اتكسفت : ميرسي

طيب يااميره ياحبيبتى لازم امشى ونبقى نتكلم

ولشهاب عن إذن حضرتك ... وخرجت

شهاب خرج معاها

روز :مفيش داعى لتعب حضرتك

شهاب بجديه : بجد شكرا ياروز كنت بفكر ازاى أعالج حاجه زى دى

توترها وخوفها كانوا مضايقنى بس لقيتى الحل المناسب

روز : إن شاء الله يجيب نتيجه فى أسرع وقت بس اهم حاجه الالتزام مش مره او اتنين وتكنسل يعنى ده هيكون دورك

شهاب :تمام ثقى فيا

روز بصتله بتعجب من الكلمه

شهاب حس بأستغربها : صعب تثقى فيا

بصتله مفهمتش عاوز يقول ايه

بأرتباك سكتت ...

شهاب اضايق من سكوتها وعرف أنه استعجل على السؤال ده

وطلعوا بره ...

فى عربيه جايه عليهم ونزل منها مهاب الحديدى وبخطوات ثابته بيقرب منهم

وشهاب بيستعد يعرفهم على بعض

مهاب :أهلا وسهلا فيروز البحيرى

ومد ايده

فيروز :اهلا بحضرتك

ومدت أيديها هو راجل كبير واتكسفت ترفض

شهاب اضايق وفى نفسه مش هيا مش بتسلم على رجاله ولا هو ناس وناس

فيروز كملت ... سلامه أميره ربنا يطمنكوا عليها

مهاب :الله يسلمك طب اتفضلى

روز :ميرسى لحضرتك أنا كنت ماشيه واستأذنت ومشيت

شهاب بيبص على اثارها

كان باباه دخل فدخل وراه

شهاب :بابا هو انت تعرف فيروز البحيرى

مهاب :أيوه من خلال شركه الشحن والتفريغ كان بيجلنا طلبيات مواد كيميائية وأنواع نباتات وأعشاب نادره بس غاليه جدا والغريب أنها مكنتش بتبقى بكميه كبيره وده كان كل فتره بصراحه الفضول خلانى عاوز اقابل صاحبه الطلبيات دى وكانت فيروز ولما سألتها ليه المواد الكيميائية مش بتخديها من الشركات البتتعملى معاها قالتلى ان لما بطلب منهم بتكون عينات مش عبوات مقفوله مكنتش بتثق فيها وانا بعمل شغل حساس مبحش يكون فيه نسبه خطأ واحد فى الميه

بنت ممتازه تفكيرها أكبر من سنها وكمان مش أى حد أخت عمرو وحياة البحيرى بجد ياريت أميره تقرب من شخصيه زيها يمكن تهتم بكريرها اكتر من كده

شهاب بعد ما سمع كلام والده عن روز عرف حاجه جديده فيها وأنها شخصيه دقيقه والموضوع مش مجرد شويه معلومات ودراسه لاء دى فاهمه ومدركه هيا بتعمل ايه وعاوزه توصل لايه

ابتسم وقال الحرب معاكى مش هتكون سهله

------------------♡♡♡♡♡♡

روز مكنتش تعرف أن مهاب الحديدى والد شهاب مربطتش الاسامى ببعضها وصلت البيت وطمنت اسر عليها

وأسر قال يستنى يومين وهيقابل شهاب ويشوف وربنا يسهل

------------ ♡♡♡♡♡

عدى كام يوم عند نسرين وعمرو بتنزل معاه كل يوم الشركه لما بتدخل الشركه معاه بتبقى مسكه فى ايديه زى العيله الصغيره وده عاجب عمرو خصوصا أنها أكتر من مره يحصل أنها بتشوفه بيتعامل مع نوران أو غيرها بتكون متفهمه وبتقابل الموقف عادى بتاخد نص يوم وقبل ما تمشى بتفوت على عمرو بتعرفه وتشوفه اذا كان هيجى على الغدا او لاء

نسرين خلصت نص يومها وراحت لعمرو لقت مكتب نوران مفهوش حد اتغاظت

وبهمس : هيا حكايه كل أما اجى الابله تكون عنده أوف

وطبعا لازم اعمل فيها العقله آه يا حياة لولا نصيحك كنت عملت ميت مشكله أعدت تنتظر شويه دخل عليها

المهندس تامر الصاوى صاحب مجموعه شركات الصاوى فى المعمار بينثق هو وعمرو لمناقصه جديده هيشتغلوا فيها هما الاتنين لأنها مناقصه كبيره على مستوى عالى

تامر داخل

نسرين بتكلم نفسها ومتغاظه مخدتش بلها من المتابعها

تامر بضحك : مين المضايقك اوى كده ومخلى القمر يزعل

نسرين اتفاجأت وقامت بسرعه

تامر بأبتسامه : متتخضيش انا بس شوفتك بتكلمى نفسك وشكلك مضايق بس قمر برضه هههههه

نسرين مضايقه من أسلوبه ونظراته :حضرتك مين وازى تكلمني كده

تامر : ههههه بكلمك ازاى أنا بقول الشيفه وعمتا انا المهندس تامر الصاوي

وبيمد أيده يسلم

نسرين عرفته من اسمه وعارفه قد ايه شغله مع عمرو مهم ومع أنها مش بتسلم بس اتكسفت ومدت أيديها وده كان ساعه خروج عمرو ونوران من المكتب

عمرو بصوت عالى : نسرين

نسرين خافت من صوت عمرو وسحبت أيديها بسرعه

عمرو نظراته توعد لنسرين وبص لتامر

تامر أستغرب نظرات عمرو وغضبه هو عارف عمرو البحيرى ملوش علاقات نسائيه ايه اليخليه يضايق علشان سكرتيرته : عمرو باشا ازى حضرتك

عمرو سلم عليه : أنت هنا من بدرى

تامر : لسه جاى دلوقتي

وبص لنسرين وابتسم .... سكرترتك مكنتش تعرفنى

عمرو بجديه وغضب مكتوم قرب من نسرين وحط أيده على ضهرها : اقدملك نسرين هانم الشايب زوجتى

تامر وشه جاب ألوان وبصلها بقلق وبص لعمرو : أحم آه أهلا وسهلا ياهانم

أسف انى معرفتش حضرتك يعنى

عمرو قاطعه وبص لنوران : وصلى الباشمهندس المكتب

نوران شافت الجو متوتر اوى وفى نفسها .. ياسلام كل دى غيره علشان سلمت عليه مكنتش اعرف أنه بيحبها اوى كده يابختها

وانتبهت على عمرو : اتفضل ياباشمهندس ودخلوا المكتب

عمرو بص لنسرين بغيظ وغضب : بتسلمى على رجاله يا نسرين

وايه اليخليكى تقفى تكلمى معاها وليه اصلا مدخلتيش أول ما جيتى

نسرين جت تتكلم

بلغه امر وغضب ... لاء مش هنا انتظرينى فى البيت وحضرى إجاباتك

وأنا هحضر للحلقه الجايه😍

شكرا ليكوا والسلام عليكم ورحمه الله وبركاته 😍❤❤ عرض أقل