رواية صراع العقل والقلب الفصل الثامن عشر 18 - بقلم كنزي علي

(صراع العقل والقلب)

بقلمى كنزى على ♡♡

اللهم صل وسلم وزد وبارك على أشرف خلق الله سيدنا محمد وعلى إله وصحبه وسلم أجمعين ❤❤

استغفر الله العظيم واتوب اليه ❤

شهاب :يلا ياروز نفرجهم

روز قامت مع شهاب

أسر كان عاوز يفتح حوار مع أميره بأى طريقه : ليه ياأميره بما أنك بتحبى الرسم ليه مصممتيش تدخلى فنون جميله

أسر بيقول لنفسه أهو أى كلام بس المهم أعرفها

أميره مكسوفه شويه : الحقيقه بابا كان مصمم على اداره اعمال وقال موضوع الرسم مجرد هوايه مش أكتر

أسر بأبتسامه : وهويتك نمتيها مثلا بكورسات بسمع حاجات زى كده

أميره بأحراج : للأسف لاء جالى إحباط واكتفيت بدراستى فى الجامعه الامريكيه بس

أسر شخصيه أميره جديده عليه ديما شايف والدته وروز شخصيات قويه عمرهم ما كانوا مستسلمين للأمر الواقع بس برضه ده عجبه فى أميره

أميره شخصيه أسر عجبتها وفى صفات متشابهه من اخوها شهاب

نظراته ليها إربكتها وبدريها بلعبها فى شعرها

أسر مركز معاها وحس بأرتبكها مسكتها لخصلات شعرها بطريقه عفويه حبها

أتمنى أنه يكون ليه لوحده بس قال لنفسه يمكن فى يوم يكون خاص بيا اخد باله من لبسها من أول ما جت محتشم ومحترم اتبسط جدا وحاسس أنه مرتاح حاول يخلق حديث حتى لو بسيط

فى المكان يوجد بالصدفه لارا صديقه شرين شافت شهاب والبنت المعاه وشكله مبسوط صورتهم فيديو وبعتت الفيديو لشرين وعلشان فرق التوقيت شرين كانت نايمه بس سمعت صوت الرساله وفتحتها واتفاجأت بالفيديو وعلى طول اتصلت على لارا

شرين :مين البت دى وهما فين

لارا :معرفش أنا فى كافيه الفى صاله البولينج وشوفتهم بقالهم فتره مع بعض واخر محن وشهاب العلى طول متفوق فى اللعبه دى بيخسر علشان القطه

وشوفت أميره اعده مع شاب بس ايه يجنن

شرين قفلت السكه وكانت هتتجنن بصت فى الموبايل لقت أميره متصله عليها كتير وهيا كالعاده منفضلها

اتصلت عليها

أميره استأذنت من أسر وقامت ترد

وأسر متابعها فى كل حركه وهيا بتتكلم فى فونها

وايديها على شعرها فضل مركز معاها

أميره :ازيك ياشرى وحشتيني برن عليكى بقالى كام يوم وانتى مش بتردى ليه

شرين :ها آه معلش أصل الموبايل بقاله فتره بيعلق بس ظبطه واول حد اكلمه هيا أميره حبيبتى

أميره :حبيبتى ياشرى أنا قولت كده برضه واخبارك واخبار طنط ايه

شرين :كويسين أمال ايه الصوت العندك ده هو انتى بره

أميره :أيوه مع شهاب

شرين بغيظ : لوحدكوا ياترى

أميره :لاء مع صديق شهاب وخالته بس بنت عسوله خالص اتعرفت عليها فى النادى وحكتلها من ساعه ماتعرفت على روز طبعا أميره ماتفهمش ما بين السطور بس شرين مستحيل هيا عارفه شهاب جدا ومن الواضح أنه مهتم بالبنت دى

شرين من غظها قفلت السكه على طول ولنفسها لااا أنا كده اتأخرت ولازم أسافر بأسرع وقت شكل انتقامى منك قرب يا ابن عمى

أميره بتبص لفونها لقيته قفل

استغربت ... شكل موبايلها رجع باظ تانى فى اللحظه دى شخص بيقرب من أميره ومعاه مطوه

الشخص :من سكات كده من غير ماتنطقى

وكان لسه هيقرب المطوه من وسطها هاتى التليفون واقلعى الدهب

أسر من بعيد متابع أميره والشخص البيقرب منها وشافه بيطلع حاجه من جيبه فأستنتج الهيحصل فقام بسرعه رحلها والشخص كان يادوب لسه مكملش وهو بيقولها اقلعى الدهب أسر انقض عليه

أميره انهارت فى العياط

روز أخدت بالها وقالت لشهاب وجريوا عليها والناس اتلمت وأسر مش راضى يسيبه

شهاب لروز :خلى بالك منها

وجرى على اسر اللأمن بيحاول يبعدوه عن الشخص ده : خلاص يااسر فى ايه

أسر اخد المطوه من على الأرض : الكلب كان بيهددها

شهاب كان هيروح يكمل عليه بس الأمن اخدوه وقالوا لشهاب هنسلمه للشرطه وده أفضل حل راح لأخته اتلقاها منهاره من العياط والخوف

شهاب حضنها : حبيبتى متخفيش أهدى

أسر :أهدى يا أميره الحمد لله هو ملحقش حتى يكلمك

أميره بتعيط وابتدت تدوخ

روز لشهاب :شكلها هيغمى عليها حضرتك خدها العربيه وأنا هجيب حاجه واجى

وفعلا راح بيها العربيه واغمى عليها

روز راحت تجيب شنطهم وهيا معاها عينه صغيره من برفنها للظروف وراحت عندهم

أسر قلقان جدا ومضايق لأنها وصلت للمرحله دى

شهاب بيفوقها فى العربيه بيحاول يطمنها

روز دخلت العربيه وطلعت برفنها وحاولت تفوقها وحطتلها على شريان معصم أيديها يفوقها أكتر وفعلا ابتدت تفوق

شهاب :أميره طمنيني عليكى نروح لدكتور

أميره بأنين وخوف ظاهر : عاوزه أروح البيت ودينى البيت ياابيه بسرعه

روز :حبيبتى انتى كويسة انا متأكده ده احساس خوف مش أكتر خليكى قويه

أميره :لاء أنا مش قويه أنا خايفه ودينى البيت ياشهاب ونبى

روز لشهاب :طيب ممكن أكون معاها هنا وأسر هيحصلنا

شهاب :أكيد أنا كنت هطلب منك كده

وفعلا قام يسوق وأسر وراهم

روز أخدت أميره فى حضنها وأعدت تطبطب عليها وتقرأ قرآن بتهمس بيه كان واصل لشهاب ومتابعهم من مرايه العربيه

أخته هدت وغالبا نامت أستغرب مكنش يعرف أن أخته بالضعف ده أمال لو مكنش أسر شافها كان هيبقى ايه وضعها

جت عينيه على روز قد ايه طيبه وحنينه خدت اخته فى حضنها وبطبطب عليها كأنها عيله صغيره غير القرآن البتقولوا لها وبتبث فيها بالكلام الطمأنينه والشجاعه اليشوف يقول أن روز هيا الأكبر من أخته وصلوا

وروز نزلت

روز بحب ظاهر لاخته وخوفها عليها : متقلقش هيا كويسه وشكلها نامت إن شاء الله خير

شهاب : إن شاء الله شكرا جدا ياروز

أسر وصل وشاف أميره من زجاج العربيه بلهفه : هيا كويسه ملها

روز :الحمد لله كويسه نامت

أسر بأستغراب : نامت

روز :احساس الخوف من الحصل خلاها تهرب بالنوم

برضه شهاب كان مستغرب بس فهم من روز ليه نامت واخدها من العربيه وشلها

أسر منظر اميره وجعه : سياده المقدم والله ما لحق يلمسها أنا

شهاب :هيا ليه قامت

أسر :كانت بترد على تليفونها

اقسملك ماقربلها

شهاب :تمام يااسر أميره حساسه شويه معلش مضطر استأذن

أسر :أكيد اتفضل

روز :هتصل اطمن عليها وربنا يطمنك مع السلامه

شهاب ابتسملها ... ودخل بيته

----------------¤¤¤¤¤

أسر فى العربيه مضايق ومخنوق من الحصل : والله ما لحق يكلمها

روز :انا عارفه يااسر بس هيا زى ما قال شهاب حساسه اوى

و إن شاء الله هتبقى كويسه متقلقش

أسر :رقيقه اوى ياروز وطيبه جدا عمرى ما شفت كده

روز علشان تخف التوتر: نعم عمرك ما شفت كده ليه أنا مش رقيقه وكيوت كمان

أسر بصلها وبشبه ابتسامه : بزمتك لو الموقف ده حصل معاكى هتعملى ايه

روز :كان كل تعليمك ليه انت وجاسر طلعتهم عليه من الآخر مش هسيبه إلا لما يقول حقى برقبتى

أسر بصلها : مش بقولك أول مره أشوف واحده رقيقه بالشكل ده

روز خبطته على كتفه : بقولك ايه يا ابن أختى أنا بغير

أسر : روز انتى حبيبتى

روز :وأميره ايه

أسر :اييه بقولك ياخالتى ياحبيبتى أول ما نوصل اتصلى عليها نطمن

روز :خالتى بعد كل ده خالتى مش قولتلك مش بحب الكلمه دى

وبعدين الوقت اتأخر بكره إن شاء الله هتصل ونطمن

أسر : إن شاء الله يارب خير

روز طبطبت عليه : خير بأذن الله

وابتسمت هتصلى استخاره

أسر ابتسملها : هصليها النهارده بإذن الله ادعيلى

---------------------♡♡♡♡

عند شهاب

الجو متوتر ومامته زعلانه على أميره واخداها فى حضنها وأميره لسه نايمه

سها :أميره حبيبتى طمنيني عليكى وبصت لشهاب ازاى نايمه كده أنا مش مطمنه

شهاب برضه قلقان بس كلام روز منطقى فعلا من الخوف هربت بالنوم وطبعا مقلهمش على الحصل بالتفصيل : ماما أميره كويسه ونايمه عادى

سها :لاء مهاب اتصل على الدكتور نطمن

وفعلا الدكتور إجه وشهاب استقبله وقاله على الحصل والدكتور كشف عليها وقالهم أنها نايمه مجرد توتر مش أكتر و إن شاء الله الصبح هتبقى كويسه

فضلوا سهرانين جمبها لمتأخر واطمنوا عليها

---------------♡♡♡♡

فى صباح يوم من احب ايام الأسبوع لله عز وجل وهو يوم الجمعه

أسر طول الليل قلقان على أميره صلى استخاره يادوب ساعتين وصحى للصلاه هو محلمش بس احساس الراحه نحيتها زاد وقال لنفسه إن شاء الله اطمن عليها وبعدين اكلم شهاب

روز قالت بلاش نادى النهارده الأسبوع ده آخر أسبوع فى الترم وعندها اختبارات دا غير شغلها عاوزه تظبط العينه

العيله اجتمعت على الفطار

أسر لروز :ايييه روز اتصلتى على أميره

روز :لسه أنا قولت بعد الصلاه يمكن تكون لسه نايمه

حياة بأستغراب : بتتكلموا عن مين

روز حكتلها بس من غير تفاصيل تخص أسر

حياة :ياحبيبتى ضرورى ياروز اتصلى اطمنى عليها

روز : إن شاء الله

خلصوا فطار

وروز درست شويه وقامت تصلى واتصلت على أميره أكتر من مره بيدلها مغلق

افتكرت المشكله الحصلت واكيد الموبايل وقع منها

أسر رجع من الصلاه وسأل روز

روز :اتصلت كتير بيدينى مغلق اعتقد أنه وقع منها

أسر : بتذكر أيوه وقع منها بس أنا اديتوا لشهاب لما اخدناها وروحنا العربيه

جاسر متابع الحديث : خلاص ياروز خدى رقم شهاب واتصلى عليه وعرفيه انك عاوزه تطمنى على اخته

حياة :آه ياروز وقوليله أن حياة بتسلم عليها

أسر اخد تليفون روز وبيكتب الرقم عليه

روز مذهوله منهم : نعم اكلم مين طب ما اسر يكمله ويعرفوا انى مش عارفه اوصلها ويطمن هو ويطمنا

حياة :لاء ياروز هتبقى مش حلوه أسر يتكلم علشان الموضوع ميتفهمش غلط اتكلمى انتى وبعدين ده شهاب مش غريب

روز بأستغراب : وبعدين ده شهاب يعنى ايه مش هتصل عليه

أسر :طب خدى بيرن

روز :نعم

واخدته وفضل يرن لآخر رنه

عند شهاب طول الليل بيفكر فى الحصل صعبان عليه اخته اوى ازاى مكنش قريب منها كفايه كان يدوب كلامهم قليل كانت بتضايقوا علاقتها بشرين وكتير اتكلم معاها أن يكون ليها شخصيتها المستقلة بعيد عن شرين بس للأسف مدورش على السبب المخليها تتأثر بيها للدرجه دى وخاصتا لاحظ ده بعد سفر طارق أتعهد لنفسه أنه يكون قريب من أخته ويقويها وطارق لما يرجع لازم يعرف السبب المخليه بعيد عنه بالطريقه دى

وتلقائياً اتنهد وهمس لنفسه ... روووز الطريق ليكى صعب بس مش مستحيل قربك هو حربى الهقودها بكل براعه للوصول لقلبك غمض عينيه وابتسم فيروزتى

وجاء الصباح ...

شهاب قام يطمن على أخته اتلقاها لسه نايمه بس والدته طمنته وقالتله أنها صحيت بدرى والحمد لله اطمنت عليها بس شكلها نامت تانى

جهز نفسه اتلقى موبيله هيفصل شحن حطه على الشاحن وقال يادوب أنزل اصلى ومش هتأخر ونزل ...

ورجع وراح يطمن على أخته

شهاب بيخبط : أدخل ولا لسه نايمه

أميره بأبتسامة : أدخل

شهاب راح لعندها وقعد على طرف السرير : عامله ايه خضتينى عليكى

أميره :الحمد لله يا ابيه

وبكسوف ... سورى على الحصل أنا

شهاب قاطعها بحنان اخوى قرب منها ولعب فى شعرها : اهم حاجه أنك تكونى كويسه ويلا فوقى كده علشان نقضى اليوم مع بعض هنخربها

أميره بتعجب من اخوها لأن ده مش أسلوبه ده أسلوب وكلمه طارق : أنت تعرف أن دى كلمه طارق

شهاب كان ديما بيسمعها من طارق وهو بيهزر مع أميره وفجأة جت على باله الكلمه وقالها :أيوه يلا قومى بقى هطلع أغير وهستناكى

وهو طالع على السلم سمع رنه الموبايل دخل اوضته مسك الموبايل

أستغرب رقم غريب ودى كانت آخر رنه بس لحقه قبل مايفصل

روز شالت الموبايل من على ودنها : الأستاذ المهم مش بيرد على الأرقام الغربيه انا كده عملت العليه

أسر : لاء طبعا سياده المقدم بيرد عادى بس يمكن مسمعهوش

جاسر :ههههه تعرفى ياروز انتى فيكى من شهاب كتير لايقين على بعض

روز :نعم ايه لايقين على بعض دى

جاسر :قصدى تنفعوا كابل هايل

حياة : أول مره تقول حاجه كويسه ياجاسر فعلا ياروز اتمنالك واحد زى شهاب

روز بتحدى : تعرفى يا حياة انتى وجاسر نجوم السما اقربلكوا من البتقولوه ده

طبعا شهاب سامع حورهم من الأول لأنه فتح على الآخر عند الكلمه دى وقفل

علشان محدش ياخد باله من أن التليفون اتفتح

أسر اخد الموبايل من روز واتصل تانى : سيبك منهم خدى

شهاب لسه ماسك الموبايل فى ايده اتلقاه بيرن بثقه ... والله ياروز لأمسك نجوم السما بأيديا ومش هتكونى غير ليه يا بنت البحيرى وبأبتسامه ... خلينا نبدأ الحرب

شهاب : أيوه

روز :السلام عليكم ورحمه الله وبركاته

شهاب :وعليكم السلام ورحمه الله وبركاته

أيوه مين معايا

روز :أحم أنا فيروز كنت

قاطعها بمشاكسه : فيروز ؟ فيروز مين

روز بسخريه وصلتله : فيروز ياسياده المقدم

شهاب بأبتسامه : فيروز امممم سورى

روز :سورى بجد والله

شهاب :آه آه روز مش كده

روز فى نفسها متأكده أنه عارفها من الأول بس هيا عارفه انه بينتهز أى فرصه ويضايقها : أيوه سورى انى اتصلت على حضرتك كنت عاوزه اطمن على أميره بس اعتقد موبايلها فاصل

شهاب فى نفسه الحمد لله أنه فاصل أبتسم : ازيك ياروز عامله ايه معلش أنك رنيتى اول مره ومردتش كنت بعيد عن الموبايل ولما وصلت كان فصل

روز اتكسفت من نفسها على طول بتسئ الظن فيه : ولا يهمك أنا الحمد لله أميره عامله ايه

شهاب جت فى دماغه فكره ولازم ينفذها : الحقيقه قلقتنا عليها اوى والدكتور قال الحمد لله كويسه بس محتاجه ترتاح شويه

روز :ألف سلامه عليها طب النهارده عامله ايه

شهاب :يعنى احسن شويه طبعا مش محتاج اقولك لو عاوزه تطمنى عليها أكيد تنورينا

روز اتفاجات : ايه اه طبعا اييييه كنت لسه هطلب من حضرتك انى اجى اطمن عليها

شهاب بأنتصار تطلبى دا لولا احرجتك عمرك ما كنتى هتفكرى تيجى : اوكى هقول لأميره

روز :آه ياريت على خمسه إن شاء الله هكون عندها مع السلامه

شهاب :الله يسلمك ... وقفل

وقعد يضحك اصبرى اصبرى التقيل لسه جاى

عند روز

أسر :معقوله تعبانه كده

روز : بيقول كده معرفش وبصت للحياة هروح على خمسه اطمن عليها ومشت حاسه أنها مضايقه مش عارفه من ايه يمكن لأنها أساءت الظن فيه أو لانها مكنتش حابه تروح عندهم مش عارفه

-------------♡♡♡♡

عند نسرين علاقتها بعمرو كويسه عن الأول كتير بس عمرو لسه زى ماقالها محتاجين وقت ننسى الفات وحبنا هيخلينا نعدى المرحله دى بسلام قالت لنفسها برضه موضوع شغلها معاه هيقرب المسافات وأكون قريبه منه أكتر وطبعا إجه فى دماغها نوران وقالت وفيها ايه مش بغير على جوزى ومسكت الموبايل واتصلت على حياة واطمنوا على بعض

نسرين :مش أنا هرجع اشتغل تانى مع عمرو

حياة :ليه يا نسرين

نسرين :ليه ايه يا حياة عاوزه اشتغل وو

حياة بتفهم : بصى يا نسرين هكون صريحه معاكى وهقولك أنك بتغلطى زى ماقولتيلى علاقتك بعمرو بتتحسن بس البتعمليه والناويه عليه ده غلط

نسرين :أحم تقصدى ايه وغلط انى عاوزه اشتغل

حياة :لا ياحبيبتى بس يا نسرين إشمعنى التوقيت ده أنا اقولك راحه ترقبى جوزك من ساعه ماعرفتى موضوع نوران ده مش كده

نسرين :اناااا

حياة :أنا الهقولك يا نسرين جوزك يمكن الأول مكنش هيفهم أن ده قصدك بس طبعا بعد الحصل الفتره الاخيره عرف بتفكرى ازاى والعوزه اقولهولك ومتأكده منه ولأنه أخويا وعرفاه عمرو وافق بس لسبب جواه تعرفى ايه هو عاوز يعرف إذا فعلا بتثقى فيه ولا لاء وندمانه على كل القولتيه وأنها بس كانت ساعه شيطان وعدت ولا فعلا بتعتبريه إنسان مش كويس يعنى ده اختبار ليكى

نسرين :حياة انتى خوفتينى أنا ماصدقت علاقتى بعمرو تتحسن شويه طب أعمل ايه اقوله انى مش عاوزه اشتغل

حياة :لاء طبعا دى فرصتك ترجعي ثقه جوزك فيكى وترجعى علاقتكم هاديه وسعيدة زى الأول خليكي عاقله وأنا متأكده من تصرفك وأنك هتقدرى تعدى الازمه دى على خير

نسرين :شكرا يا حياة مش عارفه من غيرك كان حصل ايه ربنا يخليكى ليا ادعيلى

حياة :حبيبتى ربنا يهديلك الحال

----------------¤¤¤¤¤¤¤

عند مروه زعلانه أن محسن مش بيرد عليها وبتقول انا معملتش حاجه لكل ده وانه بيتلككلى معقوله معتش بيحبنى بس انا والله بحبه

ووو وايه يامروه اتنهدت وقالت هسيبه على راحته وهو حر

-----------------

محسن متعود كل جمعه مروه تصحيه مره واتنين وعشره لحايد ما يقوم ويقضوا اليوم مع بعض النهارده بيتقلب فى السرير من بدرى والنوم طار من عينيه مكنش يعرف انه بيحبها اوى كده بس حاسس انه مجروح وياترى الفهمته صح ولا غلط

---------------------¤¤¤¤¤¤¤

شهاب بلغ أميره أن روز جايه وقعد معاها شويه يتكلموا ويهزروا قضوا وقت لطيف مع بعض الاتنين كانوا محتاجينوا

شهاب استأذن يخرج وقالها مش هتأخر بس عندى شغل مهم

وطبعا هو مكنش وراه حاجه هو بس عارف أنهم فى البيت مش متعودين على وجوده فتره طويله وعلشان محدش ياخد باله من حاجه قال يخرج شويه ويجى وروز هنا

روز خدت العنوان من أسر

ونزلت تركب عربيتها لمحت سعيد ودت وشها الناحيه التانيه وركبت عربيتها ومشت

سعيد كان مخنوق من نظره روز ليه وبان عليه أنه مضايق جدا وطبعا شمس شافت نظراتهم لبعض بس فسرت أن روز زعلانه من سعيد علشان فى بنهم حاجه

وسعيد زعلان علشان خطتة فشلت وان ست الحسن والجمال والبيضه الكانت هتبضله دهب ادتله الاستماره وبغيظ قالت والله لأندمكوا

--------------------------♡♡♡♡♡♡♡

وأنا هقولكم أن الحلقه خلصت 😍

يارب تعجبكوا ♥️

ياريت متابعه هنا وعلى الوتباد وعلشان الناس

والسلام عليكم ورحمه الله وبركاته❤❤ عرض أقل