رواية صراع العقل والقلب الفصل السابع عشر 17 - بقلم كنزي علي
(صراع العقل والقلب)
بقلمى كنزى على♡♡
ادعولى بصلاح الحال ولكم المثل ❤
اللهم صل وسلم وزد وبارك على أشرف خلق الله سيدنا محمد وعلى آله وصحبه وسلم ❤❤
أستغفر الله العظيم وأتوب إليه ❤❤
فى صباح يوم جديد بأحداث على البعض كويسه وعلى البعض متوتره
عند عمرو فى الشركه بيتابع الشغل ونوران معاه
عمرو : اخبار والدتك ايه يانوران
نوران :الحمد لله يافندم ميرسي لحضرتك على كل حاجه
عمرو :ربنا يشفيها
نوران : يارب
نوران كانت واقفه قريبه من عمرو وبتمضيه على ورق
الباب خبط واتفتح وكانت نسرين مضايقه جدا من قرب السكرتيره منه بس لمحت أيديها العلى الورق وعمرو كمان
حاولت تستوعب الموقف بسرعه
نسرين :سورى ملقتش حد بره فدخلت
عمرو قام وقف وراح عندها : حبيبتى تشرفى فى أى وقت ... اتفضلى
وبص لنوران بأبتسامه ... نسرين زوجتى و لنسرين ... نوران مديره مكتبى
نوران :أهلا وسهلا بحضرتك تشرفنا
نسرين طبعا فصصتها وكانت متغاظه أنها صغيره وحلوه : أهلا بيكى واكيد نظرات الستات لبعض بيفهموها من غير ما يتكلموا
نوران استأذنت وخرجت
فضلت مضايقه من نظرات نسرين لأنها فهماها وعارفه قصدها وهيا بتتفحصها
فى المكتب عند عمرو
نسرين بتحاول تجيب مبرر لانها جت من غير سبب : كنت فى مول قريب من هنا حبيت اعدى عليك ياريت مكنش عطلتك
عمرو بأبتسامه : مش محتاجه يكون فى سبب انتى تيجى فى أى وقت
واخدها وقعدوا على الفوتيه الموجود فى المكتب
نسرين بدلته إبتسامته : ميرسى ياحبييى احم بالمناسبه هو انت عملت ايه فى موضوع الشغل بالنسبالى
عمرو بتذكر : أيوه معلش انشغلت وللأسف نسيت الموضوع ده بس أوعدك هشوف شركه مناسبه تدربى فيها
نسرين : بس أنا غيرت رأيى وعاوزه أرجع اشتغل هنا دا لو مكنش يضايقك
عمرو الأول مكنش هيستغرب بس الفتره الاخيره والحصل بينه وبين مراته خلاه يفهمها ويعرف بتعمل كده ليه فحب يجريها ويشوف آخرتها : اوكى تنورى فى أى وقت
نسرين علشان تسبك الموضوع أكتر : بس بشرط ياريت التعامل معايا يكون أنى موظفه عاديه علشان اعرف أشتغل واكسب خبره
عمرو : تمام تحبى تبدأى من أمتى
نسرين بفرحه ظاهره : من أول الأسبوع
عمرو فى نفسه ياترى يا نسرين هتخذلينى ولا هترجعى ثقتى التهزت فيكى من تانى
-----------------¤¤¤¤¤¤¤¤¤
نجلاء اتفقت مع شمس أنها هتفوت عليها علشان يخرجوا ويجيبوا الفستان مع بعض
نجلاء كانت ممكن تجيبوا لوحدها بس مش هتحس بحلاوته ونشوه الانتصار غير لما تشوف نظره الغيره والانكسار فى عين شمس
نجلاء جت فى الميعاد لشمس ودخلت من البوابه من بعيد سعيد شفها وكان رايح لعندها يشوف ايه الجيبها دى ويحذرها متجيش هنا تانى وملهاش دعوه بشمس
بس اتفاجأ بشمس خرجه من اوضتها وراحه عندها نده عليها
سعيد :شمس يا شمس
لفت نفسها من غير ولا كلمه هنا اتفاجأ بلبسها الضيق جدا ومكياجها الكامل : ايه الانتى عملاه فى نفسك ده
وبصوت عالى ... ايه الارف ده
شمس خافت من صوته مع أنها كانت نويه ترد عليه ومتسكتلهوش وبصوت واطى : أنا خارجه مع نجلاء
نجلاء متابعه البيحصل وفرحانه وفى نفسها بتتمنى الدنيا تولع ما بينهم
سعيد : أنا مش قلت البنأدمه دى متعرفيهاش لاء وكمان ايه خارجه دى وايه الانتى لبساه ده والزفت العلى وشك ده ايه
أمينه جت على صوته وسمعت آخر كلامه : جرى ايه يا سعيد متسيب البت على راحتها تخرج وتتفسح بدل ياعينى ماهى قاعده طول الأسبوع مذكره ودروس حرام يعنى لما تفك عن نفسها شويه
وبلويه شفايف .... دا بدل ماتخدها تخرجها وتعشيها بره زى المخطوبين
يلا ياحبيبتى يابنتى ملكيش فى الطيب نصيب
سعيد هيفرقع من كلام امينه هو عارف أنها مش بتحبه ومكنتش عاوزه الارتباط ده : لو سمحتى ياابله امينه أنا بتكلم مع خطيبتى وبعدين بتهيقلى أنك المفروض التقوللها مينفعش تخرج بلبسها ده ولا بالحطاه على وشها
أمينه بتبص على بنتها بأعجاب : مالوا لبسها مهو حلو أهو وحطه حبه أحمر على وشها زيها زى البنات الفى سنها بنتى لسه صغيره يا سعيد سبها تعيش سنها مطلعش عقدك عليها
شمس ونجلاء بيبصوا لبعض
نجلاء بعينيها لشمس بتقويها
وشمس متغاظه أصلا من سعيد وأسلوبه معاها الفتره الاخيره مضايقه منه ومش هممها نرفزته ولا زعله
شمس بصت لأمها : طب يا ماما أنا ماشيه عشان متأخرش ومن غير متعبر ولا حتى تبص لسعيد
سعيد مستغرب شمس حسسها حد ميعرفهوش بمجرد ما جت تمشى مسك أيديها : مفيش خروج وخصوصا مع البت دى ويلا على جوه من سكات
شمس بعدت ايده عنها : لاء هخرج ومع نجلاء صاحبتي وأنت ملكش دعوه باصحابى أنا حره اعمل الأنا عوزاه
سعيد مذهول بيبص على خطيبته السبته ومشيت
وجه نظره على نجلاء البصتله نظره توعد هو وحده الفهمها
صفيه متابعه البيحصل قلبها وجعها عليه وللأسف معرفتش تعمله حاجه راحت لعنده طبطبت عليه
صفيه :معلش يابنى البت لسه مش واعيه كفايه ومحتاجه طوله بال
سعيد بصلها بيأس حاسس أنه يأس منها ومن الدنيا كلها
اتنهد بخوف من الجاى
سعيد :هو أنا ليه حظى قليل فى الدنيا دى
صفيه بوجع على ابنها وعوض ربنا ليها فى الدنيا : متقولش كده ياضى عينى ربنا يفرحك ويسعدك شمس بتحبك بس محتاجه صبر وطوله بال استهدى بالله كده وإن شاء الله خير وأنا ليا كلام مع أمينه وهخليها تعقلها
سعيد بصلها بزعل وفى نفسه
ماهيا امها دى سبب كل الهيا فيه ومش بعيد هيا المقوياها يارب يسرهالى
-----------
شمس بعد ما مشت حاسه أنها مضايقه من الحصل
ونجلاء فرحانه فيهم وخاصتا سعيد الفاكر نفسه حاجه وهو اخره خدام هه عشان يبقى يشتمنى كويس لمحت أن شمس مضايقه
نجلاء :والله أنا مستغربه سعيد ده يعنى بقاله كام يوم لا معبرك ولا حتى اداكى فلوس تجيبى الفستان ولما تحبى تفوكى على نفسك يضايق هو لا منه ولا كفايه شره
شمس :مش عارفه يانجلاء بس حاسه أنى مضايقه برضه أمى زودتها
نجلاء بلويه شفايف : ولا زودتها ولا حاجه يعنى الحق عليها أنها عوزاكى تخرجى وتتبسطى وزى ما أمك قالت انتى صغيره مش عجوزه على قاعده البيت
وبتفكير لنفسها هو ده الوقت المناسب لخطتى : وبعدين أنا عاوزه افهم حاجه يعنى زى ما شفت أنه بيحبك بس منين بيحبك ومنين زعل لما قربتوا من بعض هههه الأنا أعرفه أن الراجل لما يحب واحده وخصوصا خطيبتة بيكون عاوز منها اليبسطة بس تصرف سعيد غريب يكونش يابت يا شمس كل ده عشان الاسمها فيروز دى شفتكوا
شمس بتبصلها بعدم فهم
فكملت ... قصدى اقولك يمكن يكون بيرسم عليها والحصل ده ضيع كل مخططاته
شمس :ايه الكلام الغريب ده فيروز دى صاحبه القصر هتبص لسعيد
نجلاء :ليه ياختى مسمعتيش عن ست الحسن والجمال التجوزت الشاطر حسن وبعدين سعيد زى القمر وجسم ولا لاعبين الملاكمة ودلوقتي كان بيلعب على ست الحسن والحصل بوظله كل خطتة
شمس غارت من كلام نجلاء على سعيد وافتكرت لما بتجيب سيره فيروز سعيد بيضايق اوى واخر مره لما ايديه علمت فى درعتها بسببها : طب وأنا
نجلاء :انتى ايه انتى على الرف ياختى لو موضوع فيروز مشى يبقى عليكى العوض ولو مامشاش أهو مكمل معاكى وفى الحالتين مش هيخسر حاجه
شمس اتجننت من كلامها وكده عرفت سعيد ليه مضايق اوى من ساعه الحصل : طب وبعدين يانجلاء هعمل ايه
نحلاء : ها ولا حاجه هتعملى ايه ياعينى على بختك ياختى
وسكتت شويه ... هو انتى مش كنتى قولتيلى أن فيروز دى عيانه بحاجه كده فى صدرها ولازم ياعينى وهيا بتشتغل فى المعمل تشغل الشفاط ده فعلا الفلوس مش كل حاجه يعنى لو بالصدفه الشفاط ده باظ ولا جراله حاجه مش بعيد يجرلها حاجه
نجلاء لمحت نظره انتقام فى عين شمس فبتسمت بأنتصار لخطتها
وقالت لنفسها انتى البدايه والبقيه بكره يحصلوكى
ووصلوا البوتيك ودخلوا يشتروا الفستان
----------------------♡♡♡♡♡
وجاء الليل وبما فيه من منتظرى لقاء الاحبه
عند روز وأسر فى العربيه فى طريقهم لصاله البولينج روز حاسه أسر مرتبك
روز :ايه يااسر مالك يعنى لسه مجرد بتتعرف عليها مش أكتر ليه كل الأرتباك ده
أسر بيسوق : مفيش متوتر شويه مش عارف احنا كده صح ولا غلط سيادة المقدم لو حس بحاجه هتبقى مش كويسه فى حقنا
روز : لا ياحبيب خالتك أنا مليش دعوه هههه مع نفسك
أسر :بقى كده
روز : ههههه بص أنا مش شايفه أن البنعمله غلط من حقك تشوف الانسانه العاوز ترتبط بيها أكتر من مره وطالما مش بنتعدى الأصول خلاص وبعدين أنا واميره يعتبر بقينا أصحاب يعنى أننا نخرج مع بعض عادى وعادى أنك تكون معايا لأنى مش هخرج فى وقت متأخر لوحدى وانا قولتلها تقول لشهاب يجى يعنى علشان توافق بس أنا عوزاك تكون متفرج فقط
أسر : متفرج ألهو ازاى
روز : يعنى أنا هتكلم معاها فى كذا حاجه وأنت بس متابع متوجهلهاش كلام اوكى
أسر أبتسم : أن شاء الله
--------------¤¤¤¤¤¤¤¤
فى العربيه عند شهاب وأميره
شهاب حاسس أنه مبسوط أنه هيشوف روز لازم المره دى أصفى سوء التفاهم المبنا قطع تفكيره رنه تليفون أميره
أميره : ايه ده طارق يا ابيه شهاب اخد منها التليفون
طارق : أميره حبيبتى وحشتيني اوى
شهاب : وشهاب أخوك موحشكش
طارق :----------
شهاب : ايه يا طارق روحت فين
طارق : معاك ازيك ياشهاب عامل ايه
شهاب : الحمد لله وحشتني يا طارق بتصل عليك كتير مش بترد ليه
طارق :معلش الوقت مابيكونش مناسب أنت عارف فرق التوقيت بيخلى المواعيد مش متظبطه
شهاب عارف أن أخوه بيتهرب من الإجابة : ناوى تيجى امتى
طارق فى نفسه .. يهمك اوى ما كنا فى بيت واحد متعرفش عنى حاجه : قريب إن شاء الله بس غريبه شكلك بره هيا أميره معاك
شهاب :أيوه خارجين مع بعض
طارق بضحكه سخريه وصلت شهاب : خارج مع أميره من أمتى ده
عمتا ياريت تخلى بالك منها
اميره بتتوتر من الزحمه
يلا مضطر اقفل سلام
شهاب :سلام
أستغرب أسلوب طارق معاه والديما أسلوبه معاه غريب فحب يعرف من أميره وبطريقه غير مباشره
شهاب : انتى وطارق كنتوا بتخرجوا مع بعض كتير
أميره ابتسمتله : أيوه ياابيه طارق كان بيحب نخرج مع بعض وكتير كان بيقولك تيجى معانا بس حضرتك على طول مشغول
طارق كان ديما يقول اخوكى محسسنى أن محدش غيره فى الداخليه حتى كتير كان بيقول لبابا تسافر معانا فى الويك اند
بابا كان بيرفض ويقعد يقولنا اخوكوا الكبير مسؤل وليه أولوياته مش زيكوا
زعلت اوى لما سافر بس اتقربت من شرين وعوضتنى غياب طارق
أميره كانت بتتكلم بمنتهى العفويه متعرفش كلامها ده عمل ايه فى شهاب
شهاب بيفكر فى كلام أميره معقول أنا كنت بعيد كده عن اخواتى طارق كان بيحاول يقرب وأنا كنت ببعد بس أنا مش فاكر كلام أميره يمكن كانت فتره تخرجى وكنت عاوز اثبت نفسى فببقى مشغول
اتنهد أنت على طول مشغول ياشهاب معامله بابا ليه وتفضيله ليه على طول يظهر كده عمل شرخ عند طارق بس ازاى مختش بالى وللأسف شكل بعدى عن أميره خلاها فريسه لتسلط شرين عليها لازم اتكلم مع طارق واعرف ايه سبب بعدنا عن بعض ولازم أقرب من أميره أكتر من كده وأحاول ابعدها عن شرين
-----------¤¤¤¤¤¤¤¤¤
وأخيرا وصلوا واتقبلوا
روز أسر على يمنها وأميره على شمالها وشهاب قاعد جنب اميره ويعتبر مقابل لروز الأول ما شفها سحرته بجماله وبعينيها البقى بيعشق نظرتها لأناقتها لكل تفصيله فيها حاول يكون طبيعى ويبعد نظره عنها بس مش قادر
روز أكتر من مره تتقابل عينيها مع شهاب الحسه أنه مرقبها
اجه الويتر أسر طلب موكا واميره ميلك شيك شوكولاته و روز طلبت موس شكولاته شهاب للأسف ملوش فى الشكولاتة بكل أنواعها بس فجأه لما الويتر بيسأله تشرب ايه قاله موس شوكولاته وتلقائياً بص لروز الحولت تهرب من نظراته المش فهماها فوجهت كلامها لأميره
روز :هو انتى ليه مش بتشتغلى ياأميره تخصصك مطلوب جدا
أميره بأرتباك بصت لشهاب وبصتلها : اشتغلت فتره مع بابا بس ---------
محبتش الشغل
روز : تعرفى أنا حاسه أن ليكى علاقه بالأرت مش عارفه ليه
أميره بحماس : فعلا بحبه اوى وكان نفسى أتخصص فيه بس بابا موفقش وكان مصمم على اداره اعمال
روز اتكلمت مع أميره كتير وضحكوا أكتر وده طبعا على مرأى ومسمع من أسر وشهاب
أسر حس أن أميره شخصيه بتجذبه دا غير الراحه النفسيه الحاسس بيها نحيتها
أميره سكوت أسر ونظراته ليها حتى لو روز البتتكلم اربكتها وده عاجب أسر
شهاب طريقه روز فى شربها لموس شوكولاته حببته فى طعمه هو كان بيتزوق طعمه من تعابير وشها وهيا بتشربه حركات شفايفها الجننته أسلوبها فى ترطيب شفيفها خلاه قرب يفقد السيطره بيقسم لنفسه لو كان فى مكان غير المكان وغير الزمان مكنش حاجه فى الدنيا ممكن تبعده انه يدوق طعم شفايفها
غمض عينيه بمحاوله منه يبعد تفكيره عن البيفكر فيه فتح عينيه على صوتها بتقول لأسر
روز : هقوم العب شويه ايه رأيك ياأميره تيجى تلعبى
أميره بأبتسامه : أنا مش بعرف العبها
روز :ههههه ولا أنا
شهاب : معقوله أفتكر المره الفاتت جبتى استرايك
أسر سبق ورد : أعتقد جت صدفه
روز : نعم يااسر بتقول حاجه
اسر: هههه الساحه قدامك فرجينا
شهاب دى فرصته : اوكى هنفرجك يلا ياروز و قام
روز اتفاجأت من أسلوب شهاب بس قامت معاه فى طريقها
قالت لنفسها اكيد عمل كده علشان يبين انى مبعرفش العب
شهاب راح نحيه الكور وجاب كوره ولعب وطبعا سترايك
وبعينيه بيقول لروز يلا ابدأى
روز راحت نحيه الكوره وجابت كوره وجت تلعب
شهاب : استنى ياروز
ومد ايده اخد منها الكوره : ليه أخده كوره تقيله كده
روز :مش فهمه تقصد ايه مش كل الكور زى بعض
شهاب :لاء طبعا بيختلف فى الوزن انتى وزنك كام
هنا روز بصتله بأحراج ومتكلمتش
شهاب عرف أنه سأل سؤال مينفعش يتسأل لأى بنت :أحم يعنى مثلا لو وزنك 60 كيلو بتخدى كوره 6 كيلو ولو 70 كيلو
روز قاطعته بتسرع : لاء طبعا 60 كيلو
شهاب أبتسامه اترسمت على وشه وبنظرة تعجب ليها
روز : يعنى هو 63 بس فى الأصل بكون 60 بمجرد ما خلصت كلامها
شهاب مقدرش يمسك نفسه وضحك
روز اتغاظت حطت أيديها الاتنين على وسطها : بتضحك على ايه سيادتك أنا كده مش حلوه
شهاب بصلها سريعا من فوق لتحت : انتى حلوه اوى ياروز احلى من القمر
روز اتكسفت مكنتش تقصد المعنى ده
وشهاب برضه عارف انها متقصدش بس فرصه وجت لعنده واستغلاها
روز وشها بقى لونه أحمر والكسوف باين عليها اوى جت تتكلم تبرر
شهاب سبق وراح نحيه الكور وجبلها كوره 6 كيلو ومد ايده وهو بيدهلها : لو فى 5 كيلو كنت جبت
روز خدتها وابتسمت جت ترميها
شهاب :استنى أنا ملاحظ أن عنيكى على الزجاجات الخشبية وده غلط لازم يكون عينيك على الممر ده والسهام علشان تصوبى صح وابتدى يقولها على معلومات تفيدها
روز اكتشفت أن شهاب مش الشخصيه الكانت فكراها عنه وأنه ماهيصدق ويبين أنها مبتعرفش تلعب ويفرد عضلاته عليها بالعكس بيعلمها بشكل راقى جدا وده عجبها وابتدوا يلعبوا شهاب فى البدايه محبش يجيب اسكور عالى علشان ميحبطهاش بس لما لقاها ابتدت تجيب اسكور عالى ابتدى هو كمان يعلى
روز فرحانه مش مصدقه النتيجه الوصلت ليها لعبوا كتير ونسوا الوقت
روز بفرحه ظاهره : ميرسي ياسياده المقدم بقالى فتره كبيره بلعبها بس أول مره اعرف العبها واحقق اسكور عالى والفضل ليك
شهاب فى نفسه أخيرا ياروز شوفت ضحكتك خاصه بيه لوحدى
روز استغربت نظرته ليها وسكوته وده كسفها فبصت قدمها
شهاب قال ده الوقت المناسب اعتزرلها فيه وافهمها ليه أنا قولت كده
شهاب :روز ... روز
روز بصت لشهاب وبصت قدمها بذهول :مش دى أميره
شهاب -----------
--------------♡♡♡♡♡♡--
خلصت حلقتنا ❤❤
والسلام عليكم ورحمه الله وبركاته 😍❤❤ عرض أقل
•تابع الفصل التالي "رواية صراع العقل والقلب" اضغط على اسم الرواية