رواية صراع العقل والقلب الفصل السادس عشر 16 - بقلم كنزي علي

( صراع العقل والقلب)

بقلمى كنزى على ♡♡

اللهم صل وسلم وزد وبارك على أشرف حلق الله سيدنا محمد وعلى آله وصحبه وسلم أجمعين ❤❤

أستغفر الله العظيم وأتوب إليه ❤

لما لقيت تفاعل إلى حد ما كويس شجعنى على الكتابه

أتمنى الحلقه تعجبكم ♡♡

فى شركه الشامى للأدوية ومستحضرات التجميليه

السكرتيرة بلغت الدكتور أمجد أن فيروز منتظراه

أمجد :خليها تتفضل

وبص للأمير ... نأجل الكلام فى الموضوع ده

روز دخلت : السلام عليكم ورحمه الله وبركاته

ردو السلام

أمير :ازيك يا انسه فيروز الشركه نورت

روز :ميرسي

أمجد : ازيك يافيروز اتفضلى

وبأبتسامه ... مع أنى زعلان منك

خالد :خلاص يا بابا حصل خير وشكل فيروز هتصلحنا بمنتج أحسن من الفات

فيروز لخالد :أحسن موعدكش بس مناسب فى التكلفه زى ما انتوا عاوزين

تلميحات فيروز وصلت للجميع

أمير سبق وأتكلم بأبتسامه : ارجو متكونيش زعلتى يافيروز وتعتبريه مجرد سوء تفاهم وعدى على خير

روز بصتله وسكتت

أمجد : فعلا يافيروز أتمنى ذالك

فيروز :اوكى وابتدت تشرح المنتج وخلصت ومستنيه رأيهم

أميره بأعجاب ظاهر :برافوا بجد على طول بتبهرينى

أمجد بص لأمير بتحذير ولفيروز : فعلا حلو اوى

وابتدوا يتكلموا فى التفاصيل

وبعد وقت تمام يافيروز هنحدد ميعاد للعينه وتكون الدكتوره هيا موجوده معانا

روز :اوكى هنتظر تليفون من حضرتك

وقامت عن إذن حضراتكم

وطلعت بره

أمير طلع وراها : فيروز .. فيروز

فيروز بصت وراها لقت امير فى نفسها

شكلى مش هخلص

فى الوقت ده أمجد قال لخالد الحق أخوك مش عاوز مشاكل

امير لروز : معقوله تمشى كده على طول يعنى لو ميضايقيش ممكن تقبلى عزومتى على الغدا

فيروز بتعجب : غدا

خالد من ورا أمير : آه ياريت ياانسه فيروز احنا نزلين نتغدا يعنى لو تحبى أكيد تنورينا

روز بتفهم للموقف : ميرسي لحضراتكم عن اذنكوا

خالد وامير دخلوا عند أمجد

خالد : الأستاذ بيعزمها على الغدا مش ناوى يجبها لبر

أمجد : هو أنا مش حزرتك أكتر من مره

أمير : أنتوا ليه مش حاسين بيا من الاخر كده انا عاوز اتجوزها وده العندى

وسبهم وخرج

أمجد : وبعدين يا خالد أخوك مش هيجبها البر البنت شكلها باين جدا مش بتبدله أى مشاعر بالعكس دى بقت بتتهرب منه بينى وبينك هيا بنت هايله وشاطره وذكيه وبتمنهاله بس هعمل ايه

خالد :مش عارف يا بابا بس بتهيقلى أول حاجه نعملها لازم نعرف هيا مين عيلتها يمكن متكونش مناسبه لينا وهو من نفسه اليجى ويقولنا أنه مش عاوزها

أمجد :مش هنضحك على نفسنا البت شكلها بنت ناس وده واضح جدا

خالد : الأول نعرف هيا من عيله مين وأصلها وفصلها وبعدين نتكلم وأنا هتابع الموضوع ده من خلال رقم حسابها فى البنك هسأل ونشوف وربنا يعمل الفيه الخير

---------------------¤¤¤¤¤¤

جاء الليل وبما فيه من احداث

فى قصر البحيرى ...

عند شمس كانت بتتكلم مع نجلاء وحكتلها على الحصل

نجلاء متغاظه مكنتش عاوزه تكون دى النتيجه : طب يا شمس أنا مش هقدر استنى أكتر من كده على آخر الأسبوع هنروح نجيب الفستان

شمس :كان نفسى نجيبه مع بعض يابختك بخطيبك مش بيخليكى محتاجه حاجه

نجلاء بسخرية : آه عقبالك وعن قريب اوى تبقى زيي

قفلوا مع بعض ..

نجلاء فى اوضتها طب وبعدين هخلص منك ازاى ياخدامه يا بنت الخدامين

وبتفكير بس إنما فكره هتخلص عليكى للأبد

-------------------¤¤¤¤¤¤

عند شمس أمها دخلت عليها وهيا بتكلم نجلاء

أمينه :مالك يابت زعلانه ليه

شمس :----------

أمينه :جرى ايه يابت فيكى ايه آه صحيح أمال روز كانت بتبصلك النهارده كده ليه

شمس : ها معرفش انتى عارفه انها مابتحبنيش

أمينه مش مقتنعه بكلام بنتها بس لانها بتكره روز وعارفه أن روز لا بترتحلها ولا بترتاح لبنتها سكتت

وكملت ... طب ايه فكرتى فى القولتهولك

شمس بتفكير : تقصدى ايه

أمينه :جاسر يا عين أمك

شمس :هو انتى لسه برضه فى دماغك المرضوع ده وقامت

وقفت على الشباك

ولمحت سعيد وهو بيشتغل فى الجنينة

أمينه :اسمعى كلامى يا شمس هتكسبى وتعيشى وتجيبى كل النفسك فيه متعشيش عيشه أمك الكلها زل يابنتى أنا مش عيشالك العمر كله وعاوزه اطمن عليكى

شمس :طب وسعيد أنا

أمينه قاطعتها :انتى ايه ها لا بتحبيه ولا حاجه مجرد بس تعود عليه وأول ماتشغلى بالك بالاحسن منه هتنسى أنك كنتى تعرفى سعيد بنتها سكته

كملت .. آه ياركبى يانى يارب ارحمنى

طب يا شمس هروح أكمل خدمه

شمس بتفكر فى كلام أمها ومش عارفه تاخد قرار مع أنها زعلانه من سعيد بس حاسه بحاجه من نحيته مش مخلياها تستغنى عنه

--------------------♡♡♡♡

جوه فى القصر

روز بتدرس وشويه وأسر وصل

أسر :السلام عليكم ورحمه الله وبركاته

روز :وعليكم السلام ورحمه الله وبركاته

أسر : ازيك ياروز بتذكرى

روز :الله يسلمك ياحبيبى آه ادعيلى الامتحانات بقى

أسر :حبيبتى ربنا يوفقك امال فين أهل الدار

روز : انكل فؤاد وحياة فى اوضتهم وجاسر أنت التعرف

أسر :نبطشيه

وقرب واعد جنبها أخبارك ايه

روز :الحمد لله

أسر :اممم وايه الأخبار

روز استغربت من طريقه أسر : تمام

أسر بمروغه : هو انتى ملكيش أصدقاء

روز : أصدقاء .. بصراحه لاء وجودك انت وجاسر فى حياتى مش مخلينى احتاج لأصدقاء ربنا يخليكوا ليا

أسر : يارب ويخليكى لينا

احم بس أعتقد أنك انتى واميره أخت المقدم شهاب هتكونوا أصحاب شكلها طيب وبيور اوى وعفويه

روز ابتسمت هنا وفهمت أسر عاوز يوصل لايه : آه فعلا وكمان حلوه وجميله

اسر بصلها وعرف أنها فهمته

أسر أبتسم : انتى رأيك ايه

روز : بصراحه أنا ارتحتلها جدا تحسها شبهنا كده

اسر : بس مش محجبه

روز :مش مقياس يااسر يعنى الحجاب عمروا مكان مقياس البنت كويسه او لاء وبعدين احنا ياما بنسمع عن منتقبات بيعملوا مصائب وبرضه منتقبات محترمات جدا قصدى اقولك اوعى تحط الموضوع ده عين الاعتبار فهمني

أسر :أيوه عندك حق وكفايه انها اخت المقدم شهاب

بس أنا لسه مش عارف اخد قرار يعنى شوفتها مره واحده وحاسس انى متلغبط

روز بتفكير : طيب بص أنا هكلمها نتقابل يوم الخميس وأنت تبقى تيجى تخدنى وتشوفها

أسر :طب أنا عندى فكره ايه رأيك تقوللها نتقابل فى صاله البولينج وانك هتكونى معايا وهيا تيجى مع شهاب أنا مش محتاج اشوفها بس محتاج اشوفها بتتكلم واعرف تفكيرها فهمانى كده يعنى مش عارف اخد خطوه واكلم شهاب وبعد كده اكتشف أنها مش مناسبه ليا ساعتها هيكون الوضع مش لطيف

روز رغم أنها اضايقت أنها هتقابل شهاب بس أسر عندها حاجه كبيره : عندك حق تمام هكلمها واقولك

أسر :حبيبى الصغنن

روز :أنا مش صغيره أنا خالتلك يا ولد

أسر :دلوقتي خالتى طب مش محتاج اقولك الموضوع سر ما بنا

روز :ههههه أكيد

وبتحذير ... بس مش عاوزه اسمع خالتى دى مفهوم

أسر :هههههه مفهوم تصبحي على خير

روز : وأنت من أهله

بتهمس لنفسها شكلك حبيت يااسر بس يعنى ملقتش غير أخت شهاب

افتكرت لما كان بيضحك عليها

فجأه لقت نفسها بتضحك ههههههه مهو انتى فعلا كان شكلك يضحك

وافتكرت لما قالها هو انتى ليه بتسئ الظن فيا مهو أنا لازم اسئ الظن فيك أنت ناسى قولت عليا ايه وكمان استكبرت تعتذرلى

وبعدين لمت حاجتها وطلعت اوضتها

-------------------------¤¤¤¤¤

عمرو خلص كلامه مع نسرين وإلى حد ما حس براحه نفسيه كان مفتقدها من فتره جهز نفسه للميتنج وكان فى مطعم فايف ستار

قابل نوران هناك وبدأوا الميتنج كان معجب جدا بسرعه البديه العندها وأثناء الشغل

كانت بتكتبله بعض الملاحظات من غير ما تتكلم يادوب تقرب منه بس الكتبته

عجبه اوى أنها مكنتش بتقطعه علشان تبين أنها شاطره لاء كانت بتكتفى بالملاحظات المكتوبه خلص الميتنج وكان موفق جدا وعمرو كان راضى عن النتيجه الوصلها طلعوا بره

عمرو لنوران : برافوا يانوران شغلك منظم جدا

نوران :ميرسي يافندم بجد انا محظوظه انى بتعامل مع شخصيه بحجم حضرتك

عمرو :معاكى عربيه

نوران :لاء يافندم اتصلت على اوبر وقدامه حوالى ربع ساعه

عمرو :لاء الغيه وتعالى اوصلك

نوران :ميرسي يافندم أنا

عمرو ابتسم : انتى هتنفذى القولته يلا

جت العربيه السواق فتح الباب

عمرو قال لنوران :اتفضلى هنا وعمرو قعد جنب السواق

نوران أعجبت جدا بطريقه عمرو واد ايه شخصيه محترمه ومختلفه

وشويه وافتكرت طلقها إبراهيم كانوا قصه حب كبيره هو مهندس وشاطر بعد سنتين جواز جاله عقد عمل بره نوران فرحت جدا وبرضه أهله فرحوا علشان طبعا المرتب البيديه لوالدته هيكبر دا غير تجهيز أخواته البنات وهدوم العيد لعيال أخوه منا ربنا مرزقنيش بأطفال فكان قريب جدا من عيال أخوه وكل طلباتهم مجابه

اتنهدت بحرقه ..

لما قالت لإبراهيم أنها جابت وسطه وجابت عقد عمل لنفس البلد

نوران طموحه لأبعد الحدود وبتحبه جدا وكانت مبسوطه انهم هيسافروا مع بعض ويكونوا نفسهم ومفيش حاجه هتفرقهم

وإبراهيم فرح جدا بس أمه وأخواته اضيقوا جدا وخافوا تسافر معاه وتقسيه عليهم وميبعتش ليهم حاجه مهيا الهتكون معاه واكيد هيسمع كلامها ساعتها أمه قالتله اوعى تسافر وتسيب أمك أنا مش عاوزه اموت غير وأنت جنبى واصروا عليه فسمع كلامهم بس نوران ساعتها قالتله لو رجعت فى السفريه دى يبقى تطلقنى قالها وأنا هختار أمى واخواتى وطلقها

نوران فاقت على صوت

حسين السواق :عماره رقم كام يااستاذه

نوران :القدام دى يا عم حسين وقربت من العماره على قد ما اخوها الصغير نازل بيجرى خرجت من العربيه بسرعه ونادت عليه

نوران :رامى يارامى فى ايه ماما كويسة

رامى :لاء يانوران جتلها الغيبوبة ورايح اجيب الدكتور الفى الصيدليه يشوفها

نوران طلعت جرى على مامتها

عمرو متابع الحصل وطلع وراها واتصل على الدكتور الخاص يجى وطلب من عم حسين يطلع معاه وفعلا طلعوا وراها كانت سيبه الباب مفتوح وهما فضلوا واقفين على الباب من جوه وشويه والدكتور وصل وقال أنها غيبوبة سكر وعمل اللازم وطمنهم ومشى

هنا نوران ابتدت تستوعب الموقف وأن مديرها على الباب والسواق اتكسفت جدا

نوران :باش مهندس أنا بجد اسفه عطلت حضرتك

عمرو :ايه يااستاذه نوران مفيش اتفضلوا

نوران :أنا اسفه والله متلغبطه اتفضلوا

عمرو :لاء بس نطمن على والدتك ونسلم عليها لو مفيش إزعاج

نوران :ياخبر إزعاج دا أنا الازعجتكوا اتفضلوا وفعلا دخلوا وسلموا عليها واطمنوا ومشيو

عمرو وصل البيت متأخر جدا نسرين رغم البرد بس كانت منتظراه فى البلكونه بعد كلامها مع جوزها وحبيبها حست أنها ست محظوظه بزوج زى عمرو وفعلا زى ما قال حبنا الكبير هيدوب أى جليد يارب ابعد عننا الشيطان وشويه

والعربيه وصلت دخلت جوه نزلت تستقبله

عمرو :السلام عليكم ورحمه الله وبركاته

نسرين :وعليكم السلام ورحمه الله وبركاته حبيبى اتأخرت اوى قلقت عليك خصوصا من ساعتين قولتلى أنك جاى

عمرو : معلش حصل ظروف

نسرين :ظروف ايه خير

عمرو : نوران مامتها تعبت وجبنلها دكتور

نسرين :نعم مامت مين ونوران ايه دى

عمرو بصلها بتحذير ..

نسرين كملت ... اقصد يعنى انت شفت مامتها فين عمرو حكلها بس بأختصار جدا

نسرين مضايقه جدا ونظره عمرو ليها فوقتها من اى كلمه غلط تقولها فكتفت : ربنا يشفيها

-----------¤¤¤¤¤¤¤

أشرقت شمس يوم جديد وبعد ساعات بالتحديد فى الداخليه

شهاب ومحسن بيشتغلوا ...

شهاب حاسس أن محسن متغير بقاله كام يوم سأله مره قاله ضغطت شغل مش أكتر

شهاب مقتنعش بس محبش يضغط عليه بس حس أن الموضوع زايد

محسن تليفونه بيرن وبيقفله بدون تعليق

شهاب :هتفضل كده لامتى

محسن وهو عينيه على الاوراق القدامه : مالى منا بشتغل أهو

شهاب :محسن أنا مش عاوز اضغط عليك بس أنا محبش أشوفك كده

محسن مش عارف يقول ايه لصاحبه مش قادر ينسى نظرة مروه ليه ولما اقعد مع نفسه أفتكر كذا موقف لمروه لما بتشوف شهاب وانا الغبى الكل شويه اكلمها عنه

اتنهد بحيره ... المفروض يقوله ايه

شهاب كمل زعلان مع مروه

محسن بصله وسكت

شهاب كمل ... طب ماانتوا على طول بتزعلوا وكام يوم وبتتصافوا ايه الجد انتوا بتحبوا بعض متخليش الشيطان يدخل ما بنكوا استهدى بالله وإن شاء الله خير تمام

مش محتاج اقولك أنك لو عاوز تتكلم فى أى وقت أنا موجود انت مش بس صاحبى أنت أخويا

محسن ابتسم : أكيد طبعا

وفى نفسه ربنا يبعد الشيطان عننا

شويه وتليفون شهاب رن وكانت أميره قام يكلمها

محسن مروه بترن عليه كتير ومش عايز يرد عليها حاسس أنه مضايق ومخنوق من نفسه ومنها

شهاب كلم أميره ومستغرب

محسن : مالك

شهاب : أميره بتقولى روز كلمتها وقالتلها هتخرج الخميس مع أسر وقالتلها تعالى انتى وشهاب فكانت بتسألني

محسن : وأنت قولتلها ايه

شهاب :واقفت طبعا بس مستغرب دا أنا حاسس انها لما بتشوفنى بتتعصب ازاى بقى عوزانى أخرج معاهم

محسن :مش يمكن السناره غمزت

شهاب : سناره ايه بس كل ما بشوفها الأمور بتتعقد أكتر ما هيا

محسن بتفكير : معتقدش أن روز هيا الطلبت انك تكون معاهم انت عارف أميره مش بتخرج مع حد متعرفهوش اوى واكيد لما روز قالتلها نخرج فأميره اقترحت أنك تكون معاها والأكيد روز وافقت ههههه مضطره ادبست ياعينى ههههههه

شهاب : هو انت لما تفوق تفوق عليا اتعدل

محسن :منا معدول شايفنى مبعتر سيبك بقى حاول تظبط الامور وياسيدى ما انت برضه زودتها يوميها واكيد اكيد جاسر زودها اكتر فوخده موقف وبعدين ولا بلاش

شهاب :بلاش ايه قول

محسن قام وقف وابتدى يتحرك ناحيه الباب ببطئ : يعنى زى ما أنت عارف روز مزه ودلوقتي المعجبين والحبيبه حواليها ويمكن تكون مرتبطه

و فتح الباب وجرى لان شهاب كان هيحصله وعارف ايد صاحبه تقيله

شهاب رجع مكتبه بعد ما محسن هرب بيكلم نفسه لاء لاء مش ممكن تكون مرتبطه لسه بتدرس وووايه

اتنهد بخوف .. مش مقتنع بالهو بيقوله بص لفوق يارب يارب.........

يارب يارب الحلقه تعجبكوا 😍

والسلام عليكم ورحمه الله وبركاته😍❤❤ عرض أقل