رواية صراع العقل والقلب الفصل الرابع عشر 14 - بقلم كنزي علي
(صراع العقل والقلب)
بقلمى كنزى على
اللهم صل وسلم وزد وبارك على أشرف خلق الله سيدنا محمد وعلى آله وصحبه وسلم أجمعين ❤❤
أستغفر الله العظيم وأتوب إليه ❤❤
لا حول ولا قوه الا بالله العلي العظيم ♥️
محسن بيتكلم كتير عن روز -----
وبعدين ياسيدى بالصدفه ها بالصدفه جت سيره روز قالى انه شفها قبل كده فى الشركه عند عمرو البحيري وأعجب بيها وناوى أول مايخلص المستشفى هيتقدملها اه وكمان بيقولى اد ايه جميله ولا عنيها ولا
اااااةة
شهاب استنى اةةةة شهاب والله ياغبى ايدك تقيله
شهاب :مهو طول ما لسانك طويل كده أيدى هتبقى تقيله
محسن :أنت جيت ازاى وعرفت مكانى ازاى
شهاب :ما أنت لو بتاخد بالك من كلامك كنت عرفت أنك قولتلى أنك هنا سمعنى بقى كنت بتقول ايه
محسن :ها مقولتش حاجه
وبعدين انت السبب اه متبصليش كده لقيتك بتحور قولت احور انا كمان بس التحوير جاب نتيجه بس
ياحيوان مكنتش اعرف النتيجه هتطلع عليا كده
شهاب :تستاهل وبعدين نتيجه ايه
محسن :أنت لسه هتراوغ
وبعد شويه والله اكلم أياد ههههههه
شهاب بصله بتوعد : هتروح منى فين
محسن بيقرب وشاورله بأيديه أهدى وقرب بهدوء : أهدى ماشى
سكت شويه ... انت ليه مش عاوز تعترف حتى لنفسك ياصاحبى
شهاب بعد عينه: اعترف بأيه الموضوع
محسن قاطعه : الموضوع أنك طبيت من النظره الأولى ايوه ياشهاب من ساعة ماشفتها فى صاله البولينج وأنت مش طبيعى كل مره كنت بتشوفها فيك حاجه بتتغير دا مجرد كلمه قالتهالك قلبت الدنيا فاكر لما قولتلى حاسس بتقل على صدرك ده قلبك الوجعك لما حس أن فى حاجز ما بنكوا
امبارح لما عرفت السبب المخليها وخده موقف منك شوفت فى عينك لمعه عمرى ما شفتها
دا مجرد بس لما بجيب سيرتها بتجنن ولا نسيت العملته فيا امبارح ودلوقتي
شهاب بيسمع وباصص للأرض مش عارف هو كان فاهم معنى إحساسه وبيغالط نفسه ولا فهمه دلوقتي
محسن كمل ... طول عمرك تقولى عاوز ارتبط بوحده بيور وذكيه وشخصيتها قويه وبتهيقلى مفيش أقوى من كده شخصيه دى فضلت فاكره موقف عدى عليه أكتر من سنه ورضدتهولك صح وغير كده بنت ناس مش أى حد وحلوه
شهاب بصله بغيظ
محسن : ياعم مش قصدى القصدى اقولهولك فين المشكله
شهاب ساكت مش عارف يرد يقول ايه فعلا كل كلام محسن مظبوط لمجرد مابشوفها ببقى حاسس براحه فى قلبى عمرى ماحسيتها
اتنهد : بس فرق السن مابينا
محسن :فرق ايه هيا فى 3 كليه يعنى 21 أو 22
شهاب بصله بسخرية : يعنى 10 سنين
محسن :وايه يعنى أنا شوفت الاستاذه حياة أكتر من مره والفرق واضح جدا بينها وبين العقيد فؤاد واد ايه شخصيه صعبه وصارم جدا لكن مع مراته حاجه تانيه واد ايه مبسوطين ومتفاهمين يعنى السن مش مقياس خالص لأى علاقه ناجحه ومتأكد أنك عارف كده
شهاب :وده هيحصل ازاى وهيا نظراتها ليا كلها تحدى ولامبالاه
محسن :ليه مش قابلتها واكيد فهمتها الحصل وأنا عارف أنك مش متكبر على الاعتزار واعتزرتلها
شهاب بصله بصه معناها أنه محصلش وحكاله على الحصل
محسن : ليه ياشهاب
شهاب : مش عارف أول مافتحت الموضوع لقيت نظرة إنتصار فى عينيها وأنها منتظرانى اعتزرلها لقتنى قولتلها كده
محسن ابتسم : حبيت تشاكسها فرضتهالك لاء ذكيه
شهاب جز على سنانه بغيظ ...
محسن كمل .... يا عم أنا قولت حاجه أنا بقول طلعت ذكيه ومعدتهاش ومش هتعديها غير لما تعتزر وتقولي صغيره دا أنت اللمفروض تاخد بالك وأنت بتتعامل معاها بس تعرف ياصاحبى وطبطب على كتفه
... أنا فرحان فيك دى هطلعهم عليك
وضحك علشان مش كل مره تنتقضنى وتقولي أنا عمرى ماهكون زيك
أشرب بقى وشكل مروه بالنسبه لروز ملاك
شهاب : مروه صحيح مش كنت بتقول أنها معاك
محسن بص فى الساعه : اه ما هيا معايا بس لسلها حوالى عشر دقائق فى المحل ده
شهاب : نعم انت بتهزر أنا معاك عدينا الساعه وتقولى لسه كمان عشر دقائق
محسن:يا عم متقطعش هيا المفروض كمان ربعايه بس قولت اقول عشر دقائق يعنى يبقى فال حلو
شهاب : مش مصدقك أنت امتى كنت بارد كده
محسن : وياريت عاجب بعد كل ده تقولى هو انت ليه مضايق وانا والله يامؤمن بتعامل عادى
شهاب : مؤمن
وضرب كف على كف ..
والله بحاول استوعبك
محسن : متألس عليا دورك جاى قريب وروز هطلعهم عليك
شهاب : فيروز
محسن :ايه
شهاب :فيروز اسمها فيروز
محسن :فيروز امممم هو حلو بس تصدق روز احلى
شهاب خبطه فى كتفه : هو انت غاوى تتضرب ولا تتهزء
محسن ردله الضربه :والله مافى حد عاوز يتهزء غيرك هو أنا قولت ايه
بقول روز احلى من فيروز
شهاب :طب تعرف لو قولت روز بعد كده مش هيحصلك كويس من هنا ورايح فيروز بس والاحسن متجبش سيرتها فاهم أنا ماشى
اداله ضهره واجه يمشى رجع تانى
محسن خاف منه: فى ايه والله ما قولت حاجه
شهاب :ايه حكايه الاسمه اياد ده
محسن :إياد مين
شهاب :نعم
محسن :آه آه ابن خالتى ماله
شهاب :أنت بتعرفنى عليه ماتنطق يعرف روز منين
محسن :ها آه زى ما تقول شركه عمرو البحيري هيا البتبنيله المستشفى وو
شهاب :وايه شاف روز فين
محسن بعد شويه : لاء هو مشفهاش أنا قولت اعمل حوار كده لما لقيتك بتحور عليا
شهاب إجه يهجم عليه
كانت مروه خارجه من المحل فوقف
محسن :مروه حبيبتى جيتى فى الوقت المناسب عاش من شافك
وبص لشهاب ... أصل شوفت شهاب بالصدفه وقال لازم أسلم على مروه
مروه بأبتسامة إعجاب وضحه مدت أيديها تسلم : ازيك ياشهاب عامل ايه انت هنا من بدرى اصلى اتأخرت شويه فى المحل
شهاب : انسه مروه ازى حضرتك لاء ابدا أنا يادوب لسه معدى وشوفت محسن بالصدفه
مروه معجبه بشخصيه شهاب جدا بتسمع من محسن عن إنجازاته وكمان غنى : انسه يبقى أنت عاوزنى اقولك سياده المقدم ولا ايه
شهاب :لاء خالص يامروه عموما فرصه سعيده وبص لمحسن بتوعد ... سلام وبعدين نتكلم ومشى
مروه متبعه شهاب بأبتسامة وبعدين بصت لمحسن : بيقولك بعدين نتكلم تتكلموا فى ايه
محسن اضايق من نظره مروه لشهاب : ابداً حاجه فى الشغل خلصتى
مروه :لسه كام محل
محسن :لا أعتقد كده كفايه
مروه حست أن محسن مضايق : فى حاجه مضيقاك شهاب ضايقك
محسن :اسمه المقدم شهاب وبعدين شهاب عمره ماضيقنى حتى بنظره عارف حدوده كويس جدا
مروه اتوترت : فى ايه أنت بتلمح لايه مش فاهمه
محسن :لاء فاهمه وإلى بلمح ليه وصلك يلا علشان اروحك
محسن فى العربيه مضايق من أسلوب خطيبته مع شهاب مش أول مره نظرتها ليه تبقى كده مكنش بياخد باله بس لما شهاب كان بيضايق منه لما يجيب سيره روز هو تلقائياً اخد باله بس ياترى أنا احساسى صح متأكد أن مروه بتحبنى بس برضه ديما بتجيب سيره شهاب هيا برضه العلى طول بتجيب سيرته ولا انا الزى الغبى بقعد اتكلم عنه وأمدح فيه أهدى يا محسن لأنك بدخل نفسك فى سكه خطر ...
مروه مضايقه أن محسن زعلان هيا مش عارفه بتكون ليه عاوزه تعرف كل حاجه عن شهاب وديما من كلام محسن بتحسه مميز فى كل حاجه حتى لما بيحكلها عن القصر العايش فيه بتتخيل نفسها سكانه فيه
اتنهدت ولنفسها .... لو كنت أنا وصلت لكده فأنت السبب يا محسن طول الوقت كنت مع شهاب وشهاب عمل وسوى ونجح ومكافأت وأنت ديما واخد الدور التانى لحايد موصلتنى لكده بس أنا بحبك يا محسن والله بحبك
وصلوا
محسن من غير مايبصلها : اتفضلى انزلى
مروه :مش هتنزل معايا
محسن :لاء
مروه :محسن مالك
محسن :انزلى يامروه أحسن دلوقت
مروه خافت ونزلت هيا مش مستعده للمواجهة ولا المفروض تقول ايه أو تبرر نظراتها أو طريقتها مع شهاب
فعلا حست أنها كانت مأفوره لما شافته والطريقة التعملت بيها معاه
--------------¤¤¤¤¤¤¤
على الجانب الآخر
حياة وفؤاد ومعاهم روز وجاسر فى العربيه راجعين البيت وأسر فى عربيه لوحده
أسر طول الطريق شايف أميره قدامه بيفتكر طريقه كلامها وعفويتها حسها طيبه وبسيطة مش متصنعه خالص أتمنى تكون محجبة بس ده مش مقياس أنها تكون كويسه أو لاء بالعكس دى أخت المقدم شهاب أكيد كويسة
وكويسه جدا كمان
................
فى عربية فؤاد وصلوا ونزلوا
روز ندهت على سعيد
روز :لو سمحت يا سعيد المعمل عاوز شويه توضيب لو فى وقت ياريت تشوفه
سعيد :أكيد يا دكتوره هشوفه النهارده
روز: اوكى ميرسي
جاسر لروز : سعيد طيب اوى
وشمس كمان ربنا يوفقهم
روز :سعيد طيب آه بس شمس معتقدش بصراحه مش برتحلها هيا وداده امينه
جاسر :ليه كده كلهم كويسين وداده صفيه وعم عبد المجيد
روز : داده صفيه وعمو عبد المجيد غير خالص أنا بحبهم جدا بس شمس وأمها بحسهم متصنعين وأنا مش بحب اتعامل مع الناس المتصنعه
جاسر :متصنعه يعنى ايه دول بنأدمين يابنتى مش جاين من مصنع
روز بتبصله بنفاذ صبر : تعرف ياجاسر والله شوف والله أنا بستغرب أنت وصلت لنقيب ازاى واوعدك أنك هتفضل طول عمرك نقيب تصبح على خير
جاسر : وانتى من أهله
وهو طالع ملها دى بتقول متصنع ومصنع هما البنأدمين بيتصنعوا
وبص فى ايديه مش ده لحم وعروق اهى وجواها دم
والله ياروز شكل كميه العلام التعلمتيها خلتك افورتى
هاهاهاها طب والله دمى خفيف وخلتها تصدقنى المفروض كنت اطلع ممثل والبنات تجرى ورايا اةةةة لو بس تنسى ياروز موضوع الهديه الدبست فيها تبقا اتعشت
---------------♡♡♡♡♡
فى غرفه حياة وفؤاد
حياة أخدت شور وطلعت فؤاد راح لعندها وهيا يادوب هتسرح شعرها اخد منها المشط
حياة ابتسمت : هتعمل ايه
فؤاد : هسرح شعرك من زمان مسرحتوش بيسرحها وهو مبتسم
حياة :ليه مش عاوزنى اصبغ الشعر الأبيض الظهر فى شعرى
فؤاد :لأنى بعشقه بعشق كل تفصيله فيكى وبعدين وجوده بيدل على سنين كتير عشناها مع بعض احلى سنين عمرى
حياة : حبيبى يافؤاد ربنا يخليك ليا
فؤاد :ويخليكى يا قلب وحيات فؤاد
ساب المشط من ايده ومسك ايديها وبسها وحشتيني
حياة :وحشتك ما احنا مع بعض أهو
فؤاد : بجد
وبأيديه بيلمس شفايفها وو
-----------------------¤¤¤¤¤
نجلاء خلصت مشورها مع شوقى ورجعه مهدوده وبتفكر فى العملته حاسه أنها بتكره الدنيا كلها حتى أمها الماتت وسبتها لاب من غير شخصيه واتجوز عقربه اجبرته يخطبها لبلطجى واخ مش راجل
لما كان شوقى فى أول خطوبتهم بيضايقها او بيطلب منها حاجات محرمه قالت لاخوها تستنجد بيه
قالها مليش فيه وبعدين ده خطيبك وانتوا حرين
والزفت شوقى بكرهك خت منى أغلى حاجه عندى علشان طلبت بأقل حقوقى حتة فستان نفسى فيه بكرهكم كلكم والله لأنتقم منكوا كلكوا
وشويه وتليفونها رن كانت شمس
قالت وانتى اولهم ياخضره ياشريفه
شمس :الو ازيك يانجلاء عامله ايه
نجلاء بغل وانتقام بدريهم : إزيك ياحبيبتى عامله ايه
شمس :كويسه زهقت من القعده لوحدى الجماعه مكنوش فى البيت النهارده وطبعا سعيد وعمو عبد المجيد قضوها توضيب فى الجنينة اوف
نجلاء :بجد امممم عندك حق حاجه تزهق
شمس : يابختك يانجلاء مقضياها فسح احكيلى قضيتى اليوم ازاي
نجلاء فى نفسها ياريت بختى كان نص بختك مكنتش وصلت للى انا فيه
شمس: نجلاء يانجلاء روحتى فين انتى معايا
نجلاء : أيوه معاكى أصل سرحت فى يومى النهارده كان يوم بعمرى كله
شمس : معقوله للدرجه دى اتبسطى
نجلاء بسخرية : ههههه اتبسط دى كلمه قليله فطرنى فى مطعم وودانى الملاهى واتغدينا فى مطعم فخم
واتمشينا على النيل ودره وأبو فروه ياااااه على ده يوم
شمس : بجد يابختك دا انا مقضياها تليفزيون ولعب على الموبايل دا حتى سعيد مكلفش خطره يفضى نفسه ساعه يقعد معايا فيها
نجلاء وصلت لقمه غضبها وحقدها ولازم تنتقم منها : آه أنا نسيت اقولك بعد ماخلصنا خروج وجينا البيت طلبت من شوقى 700 جنيه تمن الفستان الشفناه فكراه
شمس :أيوه طبعا دا هيطلع من عينى متقوليش معقوله ادهملك
نجلاء :أيوه طبعا هو الأول كان رافض وقالى كتير يعنى عشان بنجهز وكده بس طبعا على مين هههههه ادلعت عليه و......
وادهملى على طول هههههه
شمس : تفتكري لو طلبت من سعيد الفلوس هيدهوملى
نجلاء :يدهملك كده لله وللوطن لاء طبعا
شمس :يعنى اعمل ايه
نجلاء ضحكت بسخريه وأنتصار : أنا هقولك وبعد أقل من ساعه هيكون 700 جنيه معاكى هههههه ونروح مع بعض نجيب احلى فستانين بس انا هجيب الاسود من اولها اهو بقولك
شمس :ها وانا الأحمر بس مش عارفه ليه متوترة
نجلاء :جمدى قلبك كده وانا هقولك بالتفصيل تعملى ايه اسمعى......
-----------------¤¤¤¤¤¤¤
شمس بعد ماقفلت مع نجلاء قعدت تفكر فى كلامها وأعدت تتخيل شكل الفستان عليها وبعدين استنت أمها تروح فى النوم لبست وظبطت نفسها وحطت ميكب وخرجت بره الاوضه قعدت تدور على سعيد فى الجنينة لمحت اوضه المعمل منوره راحت عندها لقت الباب مفتوح وسعيد جوه دخلت المعمل سعيد حس بيها
سعيد :شمس حبيبتى ايه المصحيكى لدوقتى
شمس :دا بدل ما تقولى وحشتيني طول اليوم مشفتكيش وبعدين الوقت مش متأخر ولا حاجه انا زعلانه منك طول اليوم لا سألت عنى ولا كلمتنى
سعيد : معلش يا شمس انتى شيفه الجنينة كان فيها شغل كتير وبعدين أنا مطمن عليكى طالما فى البيت
والانسه روز طلبت منى اوضب شويه حاجات فى المعمل
شمس: ولا يهمك ياحبيبى ما انا عشان كده قولت استنى لما تخلص واجى اقعد معاك شويه أصلك وحشتني
سعيد : انتى الوحشتينى اوى
شمس دخلت جوه وقعدت على التربيزه وابتدت تقلع الطرحه
شمس :شفت يا سعيد أنا لبسه حجابى ازاى عشان عارفه أن الجماعه فى البيت ههههه بسمع كلامك أهو
سعيد :حبيبى البيسمع الكلام البحبه
شمس :اممم
وبعنيها بتلف فى المكان .....
بصراحه مش عارفه فيروز دى ناقصه فلوس عشان تشتغل وتتعب نفسها أمال لو مكنتش مريضه وبتتعب من الحاجات البتعملها دى كانت عملت ايه
سعيد قرب منها وقعد جمبها : ياحبيبتى الموضوع مالوش علاقه بالفلوس ده له علاقه بتحقيق الذات وبعدين حرام لما نتكلم عن مرض حد هيا انسانه بجد بحترمها جدا وبقدرها ربنا يشفيها
شمس مش مقتنعه بكلامه : كل الاعرفه أن الفلوس هيا كل حاجه ومصدر السعاده
سعيد إجه يتكلم
شمس سبقته وقربت منه ومسكت ياقه الجاكت اللبسه : ايه بحترمها واقدرها دى ايه يا استاذ وبهمس ... أنا بغير موت
سعيد مسك أيديها وبسها : حبيبتى الاحترام والتقدير ملوش علاقه بالحب عشان حبك فى قلبى ملوش وصف أنا بعشقك ياعمرى
شمس قربت منه اوى : بحبك وبعشقك
وضحكت بدلع
هنا سعيد مقدرش يمسك نفسه وقرب منها وبسها وعفويه شمس فى البوسه جننته وخلته مش قادر يبعد
روز فى اوضتها أخدت شاور وقدام مريتها بتسرح شعرها البطول ضهرها
بتفكر فى حديثها مع شهاب وقد ايه ضايقها لما استكبر يعتذر ليها بشكل شخصى بس برضه أنا ردتهاله وعرفته انى مقبلتش اعتذاره لشخصه بس نظرته ليا فيها حاجه غريبه مش كره فيها حاجه غامضه هو اه منكرش انه شخصيه وناجح وووايه ورخم ودمه تقيل
بصت فى الساعه لقت الوقت لسه بدرى قالت انزل المعمل شويه اشتغل على المنتج الوعدت دكتور أمجد بيه
ونزلت وفى طريقها للمعمل لمحت الاضاءه ظهره منه
استغربت وقربت أكتر الباب كان مفتوح بس مش اوى وو.....
والحلقه خلصت❤
والسلام عليكم ورحمه الله وبركاته 😍❤❤ عرض أقل
•تابع الفصل التالي "رواية صراع العقل والقلب" اضغط على اسم الرواية