رواية صراع العقل والقلب الفصل الثالث عشر 13 - بقلم كنزي علي
(صراع العقل و القلب)
بقلمى كنزى على ♡♡
اللهم صل وسلم وزد وبارك على أشرف خلق الله سيدنا محمد وعلى آله وصحبه وسلم أجمعين ❤❤
أستغفر الله العظيم وأتوب إليه ❤
شوقى :يلا يا جميل بقى عشان منتأخرش لسه ورانا اليوم طويل
وبعد وقت مش طويل الباب اتفتح
وكان ملقاط يعتبر شاف نجلاء عريانه
شوقى :جرى ايه فى حد يفتح الباب كده
ملقاط وعينه على نجلاء : لمؤاخذه اصلى كنت نازل شويه قلت اشوفكم محتاجين حاجه كده ولا كده
شوقى :تشكر ياخويا بالسلامه وخد الباب وراك
نجلاء بخوف وقلق : شوقى أنا خايفه تعال نمشى ونبى وخد الفلوس
شوقى :خايفه عيب عليكى وانتى مع الشوق كله أهدى بس وسبيلى نفسك....
------------------------
فى النادى
روز خلصت تدريب الاسكواش
وشافت رساله أسر وفى طريقها للكافيتريا انتبهت لحد بيندهلها
زاهر مدرب الاسكواش :انسه فيروز انسه فيروز
فيروز وقفت : أيوه ياكوتش
زاهر :بصراحه كنت عاوز اتكلم معاكى فى موضوع
فيروز بأستغراب : موضوع خير
وابتدوا يمشوا خطوات بطيئة
زاهر : بصراحه أنا عارف أن اخو حضرتك عمرو باشا البحيرى من المساهمين هنا وعضو مميز فى مجلس الاداره فى النادى وعرفت أنهم هيجيبوا مدربين جداد النادى وهيسوهم بينا فبصراحه دا ظلم لينا يعنى المفروض يكون لينا إمتيازات احنا بقالنا أكتر من خمس سنين نعتبر من المؤسسين ولا انتى ايه رأيك
روز مش بتفهم فى الاداره والمواضيع دى : أعتقد أن مجلس الاداره هياخد القرار المناسب
زاهر :بس لو حضرتك تبلغى عمرو باشا بالموضوع أكون شاكر جدا
فيروز بأبتسامه : أكيد إن شاء الله
عن إذن حضرتك
شهاب لمحها من أول ماقربت وشافها وهيا بتضحك مع الشخص ده هو مايعرفهوش بس اضايق جدا
ياترى يعرفها منين طب تعرفه
روز بدور على أسر
شافت شهاب عينيه عليها
بيبصلها بطريقه غريبه
وسريعا انتبهت لصوت أميره
أميره : فيروز فيروز تعالى
أسر إنتبه على صوت أميره
وبص لفيروز وشاور لها
فيروز ابتسمتلهم وراحت عليهم
شهاب لنفسه .... بتبتسم وتضحك للكل إلا أنا آه يابت البحيرى
فيروز :سلام عليكم
الكل رد التحيه
وقعدت معاهم
روز لأسر : أنت هنا من بدرى
أميره سبقت وردت :من بعد ما سبتينا بشويه
أسر أميره لفتت نظره بعفويتها وبسطتها : اتبسطت لما عرفت انكوا اتعرفتوا على بعض
فيروز وأميره اتكلموا أكتر واخدوا تليفونات بعض
شهاب بيحاول يركز فى كلامه مع أسر لأنه مشغول بفيروز والشخص الكانت واقفه معاه
فيروز نظرات شهاب ليها كانت بالنسبه لها غامضه مفهمتهاش وحاولت اكتر من مره تتجاهلها بس كانت حاسه أنها بتخترقها
أميره جالها تليفون من شرين وقامت ترد
وروز بتهمس لأسر : مش هنتدرب يادوب عندى شغل كمان ساعتين
أسر :خلينا شويه
وتلقائيا عينيه جت على أميره وهيا بتتكلم فى التليفون
أتلقى نفسه مركز معاها ومع كل تفصيله بتعملها
روز خدت بلها وأستغربت يعنى أسر مش من النوع البيركز مع البنات
تليفون أسر رن وكانت حياة استأذن يرد
شهاب عاوز يتكلم معاها فى أى حاجه :تشربى ايه
ونظراته ليها هيا هيا مش واضحه ليها
روز : ميرسى
نظراته ليها وترتها ... ياترى يقصد بيها ايه
روز بدلتله نظرته ليها بنظره تحدى
وابتدت لغه العيون
بيقولها أنا مش بتحداكى بس فى حاجه جوايا عاوزه تعرف كل حاجه عنك
يمكن كنت عاوز اعرف ردت فعلك
ردت عليه لاء بتتحدانى واستقليت بيا ومع أنك غلطان معتزرتش ليا لشخصى ودى إهانه ليه
رد وقالها مقصدش انتى الديما بتسئ الظن فيا قالتله من أعمالكم ولا نسيت
قالها بلاش تتحدينى انتى مجرد قطه فى عرينى
قالتله مش هنكر أنا فعلا قطه بس بتخربش وبتعرف تاخد حقها من قلب الأسد فخد بالك من قلبك يااسد
قالها أنا قلبى محصن وانتى مجرد مجرد...
قالتله متكمل سكت ليه يااسد
قطع حديث النظرات أسر
اسر : آسف اتأخرت
ووجه كلامه لروز ماما راحت عند خالو وقالت نروح على هناك
روز ابتسمتله بسخرية : شكل لا فى تدريب ولا شغل
أميره جت بعد ماكلمت شرين وسمعت روز وهيا بتقول شغل : هو انتى بتشتغلي ياروز
روز :أيوه فى منتجات طبيعيه خاصه بالبشره والشعر والعطور الطبيعيه
هنا شهاب أفتكر ريحه الفواكه المسكره كانت مميزه وغريبه كان نفسه يقرب منها ويملى رئته من طيبها ويقولها ادمنتك فيروزتى
أميره لروز :خلينا مع بعض شويه ومش مهم شغل النهارده بصراحه أنا مش بخرج وما صدقت اخرج
روز : ليه دا انا ما بصدق الأجازة تيجى علشان أخرج لأن الكليه أخده كل وقتى
أميره :بصراحه مش بحب أخرج لوحدى وشرين مسافره الفتره دى فمش بخرج
وبصت لشهاب وضحكت
وماصدقت أبيه شهاب خرجنى النهارده مع أنه كان عاوز يكنسل هههه
روز بصت لشهاب سريعا ولأميره : مين شرين
هنا شهاب قلق من رد أميره
وسبق
شهاب بص لروز : بنت عمنا هيا وأميره قريبين من بعض جدا وحاليا مسافره
قاطعته أميره :مش بس قريبين دى انتمتى مليش صديقه غيرها
روز :اممم شكلنا اتبعنا فى لحظه ههههه
وبصت لأسر
أسر :شكلك كده هههه
اميره : لا لا مقصدش بجد أنا مبسوطه انى اتعرفت عليكى وياريت بجد نكون أصدقاء
أسر عجبه نيتها البريئة مع أنهم كانوا بيهزروا
روز ابتسمت : أكيد يشرفنى وأخوات كمان
هنا شهاب فى نفسه بلاش اخوات دى ونبى أنا مش عاوزك تكونى أخت عاوزك تكونى تكونى ياترى تكونى ايه
انتبه على روز بتكلم أميره
روز :طب ثوانى اعتزر عن ميعاد الشغل
روز كلمت دكتور أمجد واعتزرت عن الميعاد وهو اضايق جدا لأنه حس أنها بتتهرب بس روز قالتله أن حصل ظروف ومش هتقدر تيجى ووعدته أنها مجهزه منتج جديد هيعجبه
أمجد ارتاح جدا لما قالتله كده كان خايف يخسرها خصوصا أنها رافضه تعمل معاهم عقد روز قفلت معاه
كانت عاوزه تلوعه شويه علشان ميكررهاش تانى بس تأجيلها للميعاد أكتر من مره خلاها تعمل كده
شهاب متابع روز فى حركتها مشيتها البطيئة وهيا بتتكلم فى التليفون
حركه أيديها العفويه
حولين شفيفها اللونهم زى اسمها روووز أتلقى نفسه بيهمس ... الحمد لله أنك محجبه متأكد أن شعرك يجنن متخيل خصلاته نازله على عنيكى لاء لاء كله إلا عنيكى مش عاوز حاجه تدريها بقيت مدمن نظراتك حتى الكلها برود وتحدى وثقه
ضحك بخفوت على نفسه
ومسك تليفونه كأنه بيقرأ حاجه وضحك عليها عاوز اعرف مفاتيحك
عاوز أفتح باب قلبك
ثوانى قلبك ليه أنا بس عاوز ميكنش فى بينا سوء تفاهم
عاوز لما تشوفينى أشوف ضحكتك مش برودك
عاوز أقرب منك أكتر واكتر علشان
علشان ...
طب ثوانى مش مهم اعرف علشان ايه بس ليه حاسس بخوف امتلكنى لما جبت سيره قلبك ممكن يكون ملك لحد لاء لاء
طبعا لاء أكيد لاء انتى لسه صغيره ------
صغيره لاء ---
مش فاهم لاء ايه وانا
انااا ايه ... الفرق بينا كبير بس الفرق بين العقيد فؤاد وحياة كبير ووو
شهاب أبيه أبيه وده كان صوت : أميره
شهاب : ها فى حاجه
أتلقى روز قاعده
وأسر أستغرب شهاب لأن مش من طبعه يسرح بالشكل ده
روز : يظهر سياده المقدم مل مننا
طبعا قصده تحرجه
شهاب بصلها وضحك. : بالعكس ياروز أنا مبسوط جدا انى قاعد معاكى
وتقل على كلمه معاكى
وكمل ومع أسر
روز اتوترت من نظراته وهو بيتكلم كانت متأكده لما قال معاكى كان يقصد أنه يضغط عليها بس قالت لنفسها أكيد بيحاول يعتذر ليه بطريقه غير مباشره لما حس انى مقبلتش اعتذاره
شهاب مركز مع تعبيرات وشها وتقريبا استنتج تحللها وقال لنفسه مش مهم المهم أنها ابتدت تعرف أنى عاوز علاقتنا يبقى مافيهاش توتر أو زعل
إجه ميعاد الغدا
روز وأسر استاذنوا مع ان شهاب أصر عليهم يتغدوا مع بعض
بس سكت لما عرف انهم معزومين عند عمرو البحيرى
-----------------¤¤¤¤
عند شوقى ونجلاء
نجلاء كانت حاسه أنها مضايقه شوقى نايم جنبها بتبص عليه بتأنب نفسها ..
ليه عملت كده عشان حتت فستان هو أنا يعنى هفضل كده نفسى فى الحاجه ومجبهاش أبص عليها من بعيد وبعدين شوقى بيحبنى وهيتجوزنى متأكده أنه بيحبك يانجلاء ايه جايه بعد ايه اسأل نفسى إذا كان بيحبنى ولا لاء
بس دا كان مبسوط اوى وهو بنفسه قالى أول مره اتبسط بالشكل ده
حست أنها جعانه اوى قامت من مكانها كانت عريانة دورت على هدومها كانت تحت شوقى لبست قميصه وطلعت بره تدور على أكل راحت المطبخ بتفتح الثلاجه
الجميل جعان
نجلاء اتخضت وبصت وراها
لقته عبده ملقاط خافت منه وجت تمشى وقف قصادها
ملقاط وهو عينه بتفترسها : ايه الجميل خايف من ايه
نجلاء اتوترت من نظراته
نجلاء :أنا بس كنت جايه اييييه أشرب وو
ملقاط :وايه شكلك جعانه تعالى
واخدها من أيديها قعدها على كرسى فى المطبخ وراح ناحيه التلاجه وطلع منها جبنه قديمه وعيش ...
معلش يا جميل مفيش غير جبنه قديمه لزوم المزه
واخد باله من القميص اللبساه يادوب واصل بعد وسطها بحاجه بسيطه خصوصا بعد ماقعدت حط الأكل على التربيزه
نجلاء مرعوبة حتى تتنفس مش تنده على شوقى
وملقاط حس بكده ولعب عليه
ملقاط قرب منها اوى ومد ايديه لشفايفها بالأكل : متخافيش عارف أنك مهدوده ومش حمل حاجه ووقت ماعوزك لازم تكونى عافيه ههههه
وبأمر كلى
نجلاء من خوفها اكلت
وكمل شبعتى وغمزلها ولا لسه
هزت راسها بخوف بأيوه
وقامت وجت تمشى
ملقاط مسكها: ايه ياختى هو انا باكلك ببلاش وسريعا كانت ايديه بتضغط على منحنيات جسمها
جت تتكلم سكتها ببوسه جرح بيها شفايفها
وبلغه تهديد : صحى الخروف الجوه مش نقصه هيا يلاااااا
جريت ومن رعبها وقعت أكتر من مره دخلت عند شوقى
نجلاء :شوقى شوقى أنت يازفت قوم
شوقى :فى ايه حد يصحى حد كده بعد الحصل صباحيه مباركه يا عسل
نجلاء :مباركه ايه وزفت ايه يلا نمشى من هنا
شوقى :طيب احنا فعلا اتاخرنا لسه ورانا لف كتير وخد باله من شفايفها
ايه ده هو انا كنت عنيف اوى كده هههههه
نجلاء حاسه بقرف ومش عارفه تقول ايه
شوقى كمل .. يلا يادوبك نلحق نخلص البضاعة قبل الدنيا ماتعتم
نجلاء كانت مرعوبه تقول حاجه لشوقى
ملقاط شكله مش سهل وأسلوب تهديده ليها رعبها فأهم حاجه عندها دلوقتي أنها تمشى من هنا بأسرع وقت
----------------
عند عمرو ونسرين
حياة وفؤاد وجاسر وصلوا وقعدوا مع بعض وشويه وحياة ونسرين قعدوا مع بعض فى غرفه نسرين
حياة :بصى يا نسرين أنا مش هضغط عليكى واقولك مالك بس انتى عارفه أنا بحبك اد ايه مش هقولك بنتى ههههه أنا لسه صغيره بس هقولك أختى وحبيبتي زى روز بالظبط وبصراحه شكلك كده فيكى حاجه حتى عمرو هو كتوم وبيحاول يدارى بس أنا اخته الكبيره يعنى مش هتوه عن أخويا ومتأكده ان فى حاجه ما بنكوا فأنا عاوزه اطمن عليكوا مش أكتر
نسرين عارفه أن حياة انسانه كويسه وفعلا عمرها ماشافت منها حاجه وحشه : متزعليش منى يا حياة انى كنت بعيده عنكوا و
قاطعتها حياة :أنا مش بقولك كده علشان تردى تقوليلى كده
أنا عاوزه اطمن عليكوا وبعدين ياستى أنا مش زعلانه منك وربنا العالم على طول بطمن من عمرو عليكى وببعتلك السلام ديما ههههه اوعى ميكونش بيوصل
نسرين مكسوفة من نفسها : لاء بيوصل انتى عندك حق يا حياة فى القولتيه أنا فى مشكله كبيره ومش عارفه اعمل ايه
وحكتلها على كل الحصل ... وهى بتعيط
حياة :معقوله يا نسرين وأنا البقول عليكى عاقله وفاهمه جوزك تعملى كده معقوله شايفه جوزك بالأخلاق دى مش هقولك علشان أخويا بس انتوا طول عمركوا جيرنا ومتربين مع بعض تربيه بابا وماما لينا ممكن توصل للأخلاق دى لاء يا نسرين انتى مش بس غلطتى فى جوزك انتى غلطى فى بابا وماما وفينا
نسرين ساكته عارفه أنها غلطت وغلطها كبير هيا عارفه أن جوزها متدين ويعرف ربنا بس لما استفزها معرفتش تمسك نفسها وتسرعت وغلطت
حياة كملت كلامها .... وبعدين زميلته ايه دى البيحبها عمرو لا عمره حب ولا عرف حد غير لما اتجوزك انتى جبتى الكلام ده منين
نسرين :والدتك قالت لولدتى الله يرحمهم وعرفت منها
حياة بتذكر : اه افتكرت كان عمرو لسه بيدرس واعجب بواحده زميلته وبعدين ارتبطت والموضوع انتهى ولما ماما سألته عنها قالها مفيش نصيب وارتبطت ولان اخويا كان مابين درسته والشغل مع بابا مكنش عنده وقت يفكر فى اى حاجه ولما ماما سألته أن كان فى حد معين فى دماغه قالها لاء واختريلى انتى وطبعا أنا وماما كنا عارفين أنك بتحبى عمرو رشحناكى ليه وهو وافق وساعتها أنا فاكره كويس قال لماما خير مااخترتى انسانه محترمه ومتدينه ومتربيه معانا والحمد لله أنا مش عاوز أكتر من كده معقوله يا نسرين بعد كل السنين دى تشكى فى حب جوزك ليكى
نسرين :آه يا حياة عمرو عمره ماقالى بحبك أو أى كلمه حلوه غير لما اطلبها منه
حياة:انتى لسه هتعرفى جوزك النهارده ما انتى عارفه وكلنا عارفين طبعه كتوم وقليل الكلام وبعدين بدورى على الكلام طب والأفعال ياست نسرين هتنكرى أنه مش بيفوت مناسبه ليكى او حتى غير مناسبه ها
ولا سفرياته التبع الشغل اكترها بياخدك معاه دى غير وغير وغير كل ده ركنتيه على جنب وتقولي أصله مابيقوليش بحبك
نسرين :انتى مش هتفهمينى يا حياة
حياة :لاء فهماكى يا نسرين وعارفه عاوزه تقولى ايه آه فؤاد بيقولى كلام كتير بس ده طبع وكل راجل وليه طبعه والمفروض أنك تأقلمى نفسك على طبع جوزك وبعدين تعالى هنا بدل ما تحمدى ربنا على النعمه الانتى فيها تقولى كده
نسرين :نعمه ايه قصدك ايه مش فهمه
حياة :هقولك ياحبيبتى تخيلى معايا كده جوزك من النوع البيحب الكلام الحلو والحركات وانتى عارفه شغل جوزك حواليه ستات قد ايه سواء فى الشركه أو بره وجوزك ألف مين تتمناه واكيد فى مغريات كتير حواليه وبيتعامل بقى مجاملات وكلام حلو ورقص مع دى وسهره مع دى وبيسمعك احلى كلام ساعتها بقى هتقولى ايه طالما بيسمعنى كلام حلو فعادى يعمل ألهو عاوزه
نسرين :لاء طبعا مستحيل عمرو ملوش فى الحاجات دى
حياة :اديكى قولتى بصى يا نسرين كلنا بنغلط احنا مش ملايكه تعرفى ايام ماكان فؤاد فى الخدمه لما كنت اعرف أن فى متدربين جداد وفيهم بنات كنت بموت وأقول ياترى بيتعامل معاهم ازاى ويجى فى بالى الف سيناريو وكان بيتلقينى متعصبه ومضايقه ههههه
وطبعا كان بيعرف السبب ويقولى المفروض أنا الأزعل منك وكلام كتير من المفروض تكونى عارفه أن مش ممكن ابص لحد غير وانتى مش بتثقى فيها ولو بتحبينى كنتى وكنتى بصراحه كنت بزعل من نفسى جدا ورغم حب فؤاد ليا بس يكفيكى الشر لما بيزعل مش بيشوف ادامه ومهما اعمل فين وفين لما يسمحنى ممكن نكمل شهر إنما أنا متأكده لو انتى وعمرو زعلتوا مع بعض بيزعل آه بس بتعرفى تصلحيه ومش بتكملوا أسبوع حتى
نسرين ابتسمت
وحياة ... علشان كده بقولك كل راجل وليه طبعه وانتى غلطى لازم تعترفى لنفسك بكده
نسرين :ووالله اعترفت بس مش مدينى فرصه خالص
حياة : اهم حاجه لازم تتكلموا وتتصافوا وو
تحت عند عمرو وصلت روز وأسر
روز :حبيبى وحشتني اوى
عمرو حضنها : انتى الوحشتينى اوى اوى
عامله ايه
روز :الحمد لله كويسه
أسر :ايه ياخالو مفيش ازيك ولا ايه
عمرو : ازاى يا سيادة الرائد
واخده بالحضن عامل ايه واخبار شغلك ايه
أسر :الحمد لله بخير
عمرو بيشاور لروز : تعالى ياحبيبتى بتوحشينى مش ناويه تيجى تقعدى معايا يومين
جاسر :لاء والنبى ياخالو أمال ارازى فى مين ههههههه
عمرو:بتقول ايه ترازى
وبص لروز ... الولا ده بيعمل ايه معاكى
روز بتبص لجاسر بتوعد : بيضايقنى على طول وبيرخم عليا واقوله هقول لأبيه برضه ولا بيهمه
جاسر : برضه ايه يادى النصيبه هتودينى فى داهيه
وبص لخاله .... والله ما حصل دى بتهزر
عمرو تصنع الجديه لأن روز غمزتله وقام مسكه من ياقه قميصه : بترخم وبيضايق مين سمعنى كده
جاسر :والمصحف بتهزر ياروز ونبى قوليله اخوكى مبيهزرش دا انتى حبيبتى
وبص لخاله .... طب اسألها دا انا جيبلها سلسله هديه
روز :دى بقالها أكتر من سنه لسه فاكر
عمرو :وكمان مجبتلهاش هديه من سنه
جاسر : ها طب والله هجبلها أول مااقبض
عمرو : ها ياروز عاوزه حاجه معينه
روز : امم لاء هسيبه يجيب على زوقه هههههه
عمرو : تمام عفونا عنك
جاسر : راح عند روز بقى كده تدبسينى فى هديه طب هتشوفى
روز بتضحك
جاسر ... تمام اضحكى اضحكى
عمرو لروز : ايه ياروز مش ناويه تقبلى حد من طوابير العرسان البتتقدملك مبقاش فى حجج أقولها
روز بتتهرب :حبيبى زهق منى ولا ايه
عمرو : معقوله أنا ازهق منك
وجاله تليفون .... سورى ياحبيبتى
ثوانى ... ورد ... أيوه يانوران وراح مكتبه
روز ماصدقت وطلعت عند حياة
خبطت ودخلت
روز :بتعملوا ايه بتنموا على مين ههههه ازيك يا نسرين عامله ايه النهارده
نسرين :الحمد لله ياحبيبتى تعالى اقعدى
روز : اقعد فين انتوا هنا من بدرى
حياة :أيوه الجو تحت عامل ايه
روز : تمام
وبصت لنسرين ... انتى هنا من بدرى وسايبه جوزك كل ده
حياة بصت لنسرين وقالت لروز : وفيها ايه يعنى طب منا سايبه جوزى
روز :هههه لا معلش يا حياة عمرو طالما فى البيت سواء هنا أو عندنا مش بيبقى عاوز يبعد عن نسرين على فكره مش بحسد أنا بنؤ عليكوا بس هههههه
حياة بتبص لنسرين ألهو شوفى جبت حاجه من عندى
حياة لروز :جيتوا من بدرى
روز :لاء لسه الوقتى بس ماصدقت عمرو جاله تليفون وهربت
حياة : هربتى من ايه
روز :كان لسه هيفتح موضوع العرسان ومش هخلص
نسرين :صحيح ياروز عمرو ديما يقولى على الشباب البيقدمولك مراكز عاليه جدا وكويسين اوى بيبقى مش عارف يقولهم ايه ليه رافضه أصلا من غير حتى ماتشوفيهم
روز :اولا انا مش بفكر فى الارتباط دلوقتى خالص
وثانيا عاوزه اليتقدملى يكون علشانى أنا مش علشان عمرو البحيرى طبعا شئ يشرفنى وجود أخويا وعيلتى البتشرف بيها قدام الكل بس الانسان الهرتبط بيه يكون عاوز روز فقط فهمانى
نسرين :اممم فهماكى
روز : تعرفى يا نسرين نفسى فى واحد زى عمرو تقيل فى نفسه وبيحبنى ومش شايف غيرى و
نسرين :وامسكى الخشب ياختى هههههه
روز: ههههه طيب يا نسرين ماشى روحى شوفى بقى جوزك بيكلم نوران المين نوران دى صحيح
نسرين برقت :نوران! مين نوران دى
وبتبص لحياة
حياة ضحكت ولروز : مكنتى ماشيه حلو و لنسرين .. هو أنا الهعرف مين نوران يمكن سكرترته ولا حاجه
نسرين :مش عارفه بس أكيد لاء مها مديره مكتبه ميقدرش يغيرها وامبارح قالى سبت نوران تكمل الشغل وجيت ياترى تبقى مين
روز :هههههه علشان تبقى تقولى امسكى الخشب كويس ههه
وشويه ونزلوا واتجمعوا على الغدا نسرين موجه نظرها لحياة بمعنى اعرفيلى مين نوران دى
حياة لعمرو : أخبار الشغل ايه شكلك بترهق نفسك اوى
عمرو :الحمد لله على كل حال
حياة : الحمد لله
آه صحيح ازى مها بنت انكل محمود الله يرحمه بابا كان بيعزه اوى
عمرو :الحمد لله قربت تولد وخدت أجازه سنه
حياة : والله طب كويس أنك قولتلى عشان ابقى اتصل اطمن عليها وأنت جبت سكرتيره جديده
عمرو :أيوه نوران ممتازه جدا
حياة بتبص لنسرين بعينيها خلاص عرفتى
ولعمرو ... ربنا يوفقك ياحبيبى
نسرين بتفكر ياترى شكلها ايه وممتازه ازاى طب اسأله عليها هيفتكر قصدى حاجه
بتفكر وابتسمت للوصلتله
------------------------
شهاب وصل أخته وحب يتمشى شويه بالعربيه أتلقى نفسه جمب النيل نزل وبيتأمل جماله حاسس أنه أول مره يشوفه بالجمال ده حاسس أنه مبسوط رغم مفيش حاجه اتغيرت فى روز بس حاسس برضا جواه مش عارف سببه
قطع تفكيره رنه تليفونه وكان محسن
شهاب :خير مكنش حد بيسمع صوتك يوم الجمعه غير لما اتصل عليك مروه عفت عنك ولا ايه
محسن :عفت مين دى ملففانى كعب داير على المولات وتقيس ده وده عاجبنى وبعد نص ساعه فى البروفه تطلع وتقول مش عاجبنى وطبعا لازم أكون مبتسم واقولها وماله ياحبيبتى نشوف مكان تانى
اةةةةة
سمع شهاب بيضحك
... كمل أضحك أضحك شكلك قريب هتكون زيى واضحك عليك
شهاب : ههههه شكلك هتستنى كتير وأنت فين دلوقتي
محسن :انا فى المول الفى. .... لقتها دخلت البروفه بطقمين قولت فيها ساعتين قولى قضتها نوم ولا ايه
شهاب:لاء خالص خرجت مع أميره واتغدينا بره
محسن :روحتوا فين
شهاب:----- النادى
محسن :النادى قولتيلى امممم وشوفت حد نعرفه
شهاب ولأنه فاهم صاحبه : يعنى مركزتش
محسن بمروغه : بجد اه وروز مشفتهاش ولا مركزتش
شهاب :ايمم آه آه شفتها وأسر كمان قعدنا شويه مع بعض
محسن : ايوه بقى اتكلمتوا اعتذرتلها
شهاب بمروغه : نعم اعتزر لمين انت ناسى أنا مين ولا ايه
محسن بنفس مروغته : لاء مش ناسى أن واحد كان قالب الداخليه كلها علشان كلمه
شهاب :أنت بتفهم ازاى قولتلك أنها ضايقتنى علشان مش شهاب الحديدى الواحده تقوله مش عاوزه اتعامل معاك بس
وبعدين لما عرفت السبب عرفت أنى مضيقها فده كان رد فعلها يعنى موضوع وخلص
محسن :امممم يعنى موضوع وخلص وأنا الكنت فاكر بس يلا كويس أنك قولتلى
شهاب :إشمعنى يعنى
محسن : أصل بينى وبينك لسه قافل مع إياد ابن خالتى قبل ما اكلمك على طول الدكتور عارفه انت بالصدفه يااخى إجه سيره عمرو البحيرى
طلع شركه البحيرى هيا البتعمله المستشفى الاستثمارى بتعته أنت عارف لسه جاى من بره ومعاه فلوس كتير
معايا انت ولا قفلت
شهاب :لا معاك كمل
محسن اندمج فى الحوار واعد يتكلم كتييير -----
وبعدين ياسيدى بالصدفه ها بالصدفه جت سيره روز قالى أنه شفها قبل كده فى الشركه عند عمرو
واول ما يخلص المستشفى هيتقدملها وبيقول اد ايه جميله ولا عنيها ولا
ااااااة
خلصت حلقتنا❤
والسلام عليكم ورحمه الله وبركاته 😍❤❤ عرض أقل
•تابع الفصل التالي "رواية صراع العقل والقلب" اضغط على اسم الرواية