رواية صراع العقل والقلب الفصل الثاني عشر 12 - بقلم كنزي علي
( صراع العقل والقلب )
بقلمى كنزى على ♡
اللهم صل وسلم وزد وبارك على سيدنا محمد وعلى آله وصحبه وسلم أجمعين ❤❤
أستغفر الله العظيم وأتوب إليه 💕
لا حول ولا قوه الا بالله العلي العظيم ♥️
نسرين قربت : وحشتني اوى
وقربت أكتر وحشتنى اوى اوى
عمرو : وانتى كمان وحشتيني
بسها من جبينها وابتسم يادوب نلحق ننام ساعتين قبل صلاه الجمعه
رغم زعله منها بس مقدرش ينام إلا بعد ماخدها فى حضنه
نسرين عارفه جوزها لما بيزعل بياخد موقف كل مره بتبقى عارفه تراضيه ازاى بس المره دى مش عارفه
حست بالطمأنينة والأمان لما اخدها فى حضنه واستسلمت لسلطان النوم
------------------¤¤¤¤¤¤¤
فى صباح يوم مشرق جميل على ابطالنا ..
روز اتفقت مع أسر أنه يعوضها عن الأسبوع الفات ويجى النادى بعد الصلاه علشان يعلمها النيشان وهو وعدها أنه هيجى وفى طريقها إلى النادى
---------------¤¤¤¤¤¤
فى قصر الحديدى
أميره لبست وحهزت نفسها
شهاب وعدها امبارح أنه هيقضى معاها اليوم فى النادى خلصت لبس وراحت لاوضته تخبط وتخبط وتخبط فتحت الباب بهدوء
اميره هو نايم ازاى : دا واعدنى أبيه ياابيه
شهاب : امممم فى حاجه
أميره : أبيه مش انت وعدتني أنك هتودينى النادى النهارده يلا قوم
شهاب بتركيز فى كلام اخته : وعدتك أمتى ده
أميره :لما قولتلى هنخرج بليل وبعدين جالك شغل فقولتلى هتودينى النادى نقضى اليوم مع بعض
شهاب أفتكر بس ساعتها كان بيرضيها بكلمتين وخلاص : الساعه كام
أميره :عشره
شهاب :11 بالظبط صحينى
أميره : حاضر
وفعلا على 11 راحتله وصحى بالعافيه اخد شاور ونزلوا وفى طريقهم للنادى
شهاب :أميره خطبه الجمعه يادوب هتبدأ هنزلك فى النادى وهصلى واجيلك تمام
أميره : طب وأنا هعمل ايه فى الوقت ده
شهاب : اشربي حاجه العبى رياضه وأنا إن شاء الله مش هتاخر
أميره متعرفش حد فى النادى ومش بتحب تكون لوحدها فكانت مضايقه
وشهاب حس بكده
شهاب : مش هتاخر صدقينى يلا وصلنا
------------------------
عند عمرو صحى ولبس بس قبل ماينزل حب يطمن على زوجته كانت نايمه
عمرو بهمس : نسرين نسرين أنا كنت عاوز اطمن عليكى انتى كويسة
نسرين :آه الحمد لله أنت نازل
عمرو : أيوه أسف انى صحيتك بس كنت حابب اطمن عليكى
أبتسم وبسها من جبينها
نامى انتى واصحى براحتك
نسرين :هو انت هتنزل شغل النهارده
عمرو : لاء هقضى اليوم معاكوا الولاد وحشوني اوى
نسرين : هيبقى يوم جميل آه وهتصل على حياة يجوا يقضوا اليوم معانا ايه رأيك
عمرو أستغرب لأن نسرين واخده جنب من أخواته هو ميعرفش السبب بس محبش يطلب منها حاجه هيا مش عاوزاها : ياريت
نسرين لحظت استغرابه وعارفه أنه عنده حق بس وعدت نفسها أنها تتغير للأحسن
-------------------
نسرين اتصلت على حياة وقالتلها أن عمرو إجه وياريت نقضى اليوم مع بعض
حياة رحبت بالفكره بس قالتلها روز هتتأخر شويه لأن عندها شغل
--------------------------¤¤¤¤¤¤¤¤
فى النادى أميره ملقتش حاجه تعملها قالت تتمشى فى التراك شويه وسرحانه
فيروز قربت تخلص جرى وفى طريقها للرجوع مركزه فى التليفون
أميره خبطت فيها
روز :سورى ماختش بالى
أميره :ابدا أنا المفروض اعتزرلك معلش كنت سرحانه
وكان عينيها على المايه المع روز اكتشفت أنها عطشانه بس مكسوفة تطلب منها
روز بأبتسامه : ولا يهمك
ولحظت أنها عطشانه مدت أيديها بالمايه
..اتفضلى
أميره :ميرسي وخدت منها
وشربت ... بجد ميرسي كنت عطشانه اوى
روز : ألف هنا بس خدى بالك لازم يكون معاكى مايه لو حتى هتتمشى
المايه مفيده جدا للجسم على مدار اليوم
وابتدوا يمشوا خطوات بطيئه
اميره : تصدقي أنا بنسى أشرب مايه فى اليوم كله اسمع أنه غلط هههه بس بنسى
روز بأبتسامة : حاولى ومره فى مره هتتعودى
أميره : فعلا عندك حق
وسكتو شويه
روز :طيب استأذن أنا
قاطعتها :ليه بس مش كنتى بتتمشى ولو مش يضايقك نتمشى مع بعض
روز : بصراحه أنا خلصت وهروح صاله الاسكواش
أميره :اوكى مش هعطلك أنا هروح استنى أخويا فى الكافيتريا أصله راح يصلى وقالى مش هتأخر
روز:طب والله فكره ايه رأيك احنا كمان نروح نصلى
اميره : بس أصل يعنى مش عامله حسابى
روز : انا معايا اكتر من اسدال فى العربيه لو معندكيش مانع نروح مع بعض والمسجد مش بعيد عن هنا
أميره من النوع الخواف شويه : طب هو ممكن نروح مشى
روز ابتسمت : ياريت واهو يبقى رياضه آه صحيح انتى اسمك ايه
أميره :أميره وانتى
روز :فيروز هههههه قديم شويه مش كده
أميره :هههههه هو قديم بس حلو اوى
وراحوا العربيه ...
روز : ايه رأيك نلبس الاسدلات فى العربيه ونروح بيها
روز كان قصدها أن أميره مش محجبه وحبت تدخلها المسجد بالحجاب علشان محدش يضايقها بالكلام
أميره : اوكى
حضروا الجزء الاخير من الخطبه
وخلصوا صلاه وخرجوا
أميره : اقولك على سر
روز :اتفضلى
وفى نفسها عارفه هتقولى ايه
أميره : أول مره اصلى فى مسجد وبصراحه أكتر أنا مش مواظبه على الصلاه
روز :صلاه المرأه فى البيت أفضل من صلاتها فى المسجد دى حاجه
بس الصلاه فى حد زتها هيا عماد الدين واول سؤال هنتسال عنه يوم القيامه ربنا يهدينا ويثبتنا
روز محبتش تكتر عليها علشان مضيقهاش ومتقولش أنها بتتفزلكك عليها
روز : الدنيا غيمت شكلها هتمطر
شهاب اتصل على أميره
أميره بتوتر :أيوه ياابيه أنا أنا كنت أنا داخله على النادى أهو وهقفلت يلا يافيروز بسرعه أخويا فى النادى وبيدور عليا وهيضايق علشان مقولتلهوش انى هطلع من النادى
روز :اوكى
وفجأة الدنيا مطرت ... بتعرفى تجرى
أميره بصتلها بتعجب
روز كملت ... أيوه تجري هههههه
أميره أول مره تكون حاسه بالحرية دى وفرحانه
روز بتحب المطر كانت بتجرى زى الفراشه فرحانه مبسوطة وصوت ضحكتهم عاليه
شهاب لما أميره قالتله أنها بره النادى قلق شويه واستناها بره
وفجأة لمح روز معرفش ايه الحصله دقات قلبه زادت الأبتسامه ارتسمت على وشه بيهمس لنفسه :معقوله هيا ايوه هيا حسها طير حر مالك الدنيا بنقائها ... بحجبها ... بجملها
بتقرب على النادى طب أنا لازم اتكلم معاها هقولها ايه وبيستعد يقرب منها
فجأه أتلقى اخته بتنده عليه
أميره :أبيه شهاب
شهاب .. بص لأخته أستغرب شكلها أميره لبسه اسدال واستغرب أكتر أنها مع روز معقوله يعرفوا بعض
روز اتفاجأت أن أميره أخت شهاب وفى نفسها معقولة البنت الرقيقه دى اخته
شهاب وروز بيبصوا لبعض مستغربين المفاجأه
أميره :أبيه أعرفك فيروز وده أخويا شهاب يافيروز
شهاب مكنش يعرف أن اسمها فيروز مخدش باله قبل كده أن روز دلعلها أو اختصار لأسمها بس عجبه جدا وبأندهاش ظهر عليه : فيروز اسمك فيروز
روز فكرته مش عجبه الاسم وأنه قديم : أيوه فيروز فى حاجه
شهاب أبتسم لأنه بقى عارف أنها بتسئ الظن فيه : بالعكس اسمك حلو اوى أنا استغربت لأنى كنت فاكر اسمك روز
وعمتا ازيك ياروز عامله ايه
روز اتكسفت من نفسها لأن أسلوبها مكنش حلو هيا آه مضايقه منه من حاجه بس مش معنى كده أنها تكون قليله الزوق معاه واصتنعت الابتسامه : الحمد لله ازى حضرتك
أميره قاطعتهم : انتوا تعرفوا بعض
روز اتلغبطت بصتلها وبعدين بصت لشهاب ألهو هقولها ايه
شهاب :روز تبقى خاله الرائد أسر والنقيب جاسر وكمان يبقى جوز أختها العقيد فؤاد
أميره متعرفش مين الناس دى بس عقيد ورائد ونقيب يبقى قريبت ناس فى شغله
روز لأميره : ها هنغير الاسدلات
وراحوا العربيه يغيروا
أميره :سورى يافيروز بس ممكن استنا فى العربيه اضبط شعرى والميكب اتبهدل من المطره
روز :آه طبعا خدى راحتك هستناكى بره
شهاب واقف يستناهم
قرب من روز وبيبصلها قوى مركز فى عينيها هو مكنش محضر هيقولها ايه بس جت الفرصه وشافها ولازم يوضحلها سوء التفاهم
روز استغربت نظراته ليها
كانت فاكره أنها ضايقته من آخر مره شفته فيها كان رد فعله بيقول كده بس نظرته دى مش واحد مضايق دااا
شهاب فهم انها مستغربه نظراته ليها : بتفكري فى ايه
روز زاغت بعينيها .... مش عارفه تقول ايه
شهاب :أنا عرفت معاملتك ليه سببها ايه
روز بصتله بدهشه وفى نفسها معقوله افتكر
شهاب : مش هكدب عليكى واقولك انى افتكرت بصتله بأستفهام
فكمل ... المقدم محسن لاحظ طبعا معملتك معايا هو الفتكر وفكرنى فأكيد انا مكنتش اقصد الحصل
بصتله بنظره إنتصار
هو فهمها يعنى منتظره أنه يعتزر لها
شهاب معندهوش مشكله يعتزرلها هو معترف بغلطه
واعتزر لجاسر ساعتها بس حب مروغتها ويشوف رد فعلها عاوز يعرفها أكتر واكتر : علشان العقيد فؤاد واسر وجاسر انا بعتزرلك وياريت تقبلى إعتذارى
روز عملت لزمتها وبكل هدوء عكس الجواها لأنها حست أنه شيفها قليله وبيعتزرلها مش علشنها لاء علشان خاطر قريبها بأبتسامة مصتنعه : وأنا علشان خاطر العقيد فؤاد وأسر وجاسر قبلت إعتذارك
شهاب عرف أنها أضايفت بس عجبه ثبتها الانفعالي ردها الكله ثقه لاء وكمان ردتله ضربته
شهاب :ها اتصفينا
قاطعته أميره : اتأخرت عليكوا
روز :لا أبداً وقفلت عربيتها فرصه سعيده يااميره استأذن أنا
أميره :ليه يافيروز خليكى معانا مش كده ياشهاب
شهاب :آه ياريت
روز : معلش عندى تدريب اسكواش عن اذنكوا
شهاب مكنش قصده يضايقها هو كان فاكر أنها هتشكسه هترفض اعتذاره بالطريقه دى آه عجبه جدا رد فعلها بس مكنش يحب يحصل سوء تفاهم أكتر من كده
أميره فضلت تحكيله من أول ما شفتها واد ايه هيا انسانه كويسه وهو حب طريقتها واسلوبها خصوصا فى موضوع الاسدال وانها محبتش حد يضايق اخته مع أنها متعرفهاش
كل حاجه بيكتشفها فيها مميزه زيها
راحوا قعدوا فى كافيتريا يشربوا حاجه وشويه وأسر وصل النادى بيدور على روز
لمح شهاب فتلقائياً راح لعنده
أسر :سياده المقدم ازى حضرتك فرصه سعيده يافندم
شهاب :أهلا سياده الرائد اتفضل
أسر شاف أميره فتحرج :لاء معلش مش عاوز ازعج حضرتك
شهاب :لا ابدا دى أميره أختى الرائد أسر يااميره يبقى ابن أخت روز
أميره بعفوية مدت أيديها تسلم : أهلا بحضرتك
أسر بيحاول ميسلمش على الجنس الآخر لأنه عرف أنه حرام بس لو اضطر بيسلم مد ايديه : أهلا وسهلا تشرفنا
شهاب لاحظ تردده مكنش يعرف أن أسر متحفظ بالشكل ده بس سريعا أفتكر روز وحياة وعارف أنهم متحفظين
أسر قعد معاهم وبعينيه بيدور على روز
أميره بعفويه : حضرتك بدور على فيروز هيا فى صاله الاسكواش
أسر عفويتها عجبته وحس أنها بيور اوى ابتسملها
شهاب : أميره وروز اتعرفوا على بعض
أسر :بجد دى حاجه كويسه والله وشويه وبعتلها رساله( انا فى كافيتريا النادى مستنيكى 💜)
---------------------♡♡♡♡
عند نجلاء وشوقى
اخدها معاه زى كل أسبوع يبيع البضاعة المعاه وهيا بتكون تمويه
نجلاء :بقولك ايه من أولها كده هتجبلى 700 جنيه يا أما مش جايه معاك فى حته
شوقى : نعم 700 ايه ياختى ليه بابيع بالفرده دا أخرى كام حته
نجلاء :مليش فيه عاوزه اجيب الفستان ياشوقى عينى هتطلع عليه
شوقى :معلش يا حب مره تانيه وبعدين فستان ايه الب700 ليه بيتلبس لوحده اقولك هجبلك 150 وبكده ورحمه أمى يبقى مطلعليش حاجه من أم الطلعه دى وكله علشان خاطرك ياعسليه
نجلاء :نعم اعمل بيهم ايه دول بقولك ايه من الآخر هتجبلى الفلوس ولا اسيبك وامشى
شوقى فكر شويه : موافق بس أنا عندى شرط
نجلاء :شرط وشرط ايه بقى
شوقى :نطلع على شقه واحد صحبى وغمزلها
نجلاء :شقه لاء شقه ايه اخرك البيحصل فى البيت عندنا
شوقى :يابت انتى خطيبتى وكلها كام شهر وتبقى مراتى طب تصدقي بأيه أنا بعتبرك مراتى من دلوقتي
نجلاء :برضه لاء لما نتجوز ابقى اعمل الانت عاوزه
شوقى:آه ماا احنا هنتجوز بصى 500 جنيه أهم والهناك دى شقه صحبى واخويا ساعه زمن وهنتبسط يابت اسمعى الكلام
لقاها متردده
كمل طب بصى مش خساره فيكى و200 كمان أهم دا انتى بعد كده الهتطلبى منى
وسحبها من ايديها وطلع شقه عبده ملقاط صحبه خبط وفتحله نجلاء خافت من منظره كان واخد مطوه بعرض وشه
شوقى :أهلا ياخويا وغمزه
ملقاط :عينه على نجلاء أهلا ايه بالنهار كده
شوقى اداله فى ايده 50 جنيه : هو أكل وبحلقا
ملقاط :تمام وفتحلهم الطريق يدخلوا
شوقى نجلاء كانت خايفه خدها من أيديها ودخلها الاوضه
ظبطى نفسك وشويه وجايلك
عبده ملقاط :الحته جامده اوى المره دى ايه النظام
شوقى :مفيش نظام دى خطيبتى وقولنا بكفايه بقا خطوبه هههههه
عبده: هنيالك يا عم ولما تزهق أنا فى الخدمه ههههههه
نجلاء فى الاوضه فكرت ترجع فى كلامها فتحت شنطتها ومسكت ال 700 جنيه وافتكرت الفستان وأد ايه هيكون حلو عليها وهتغيظ بيه شمس
فقالت لنفسها وايه يعنى لا أنا أول ولا آخر واحده تعمل كده
وبعدين ده خطيبى وكلها كام شهر ونتجوز
شوقى دخل عليها : معقوله الجميل لسه بهدومه مش قيلك ظبطى
وغمزلها لقاها مرتبكه وفى أيديها الفلوس فضحك وعرف أنها كانت بتقنع نفسها بالفلوس بس شكلها متردده
شوفتى يا عسل أهم 700 جنيه فى مره شوفى بقى كل مره هيكون معاكى كام
نجلاء فرحت : بجد ياشوقى كل ما نكون مع بعض هتجبلى 700 جنيه
شوقي : ايه آه طبعا انت تأمر يا جميل يلا بقى علشان منتأخرش لسه ورانا اليوم طويل وابتدوا وفى الأثناء
ملقاط دخل عليهم وو
وخلصت حلقتنا ❤❤
ونتقابل فى حلقه جديده أن شاء الله ياريت تشاركوني بتعليقاتكم ❤
والسلام عليكم ورحمه الله وبركاته 😍❤❤ عرض أقل
•تابع الفصل التالي "رواية صراع العقل والقلب" اضغط على اسم الرواية