رواية صراع العقل والقلب الفصل الحادي عشر 11 - بقلم كنزي علي

صراع العقل والقلب

بقلمى كنزى على ♡♡

اللهم صلى وسلم وزد وبارك على سيدنا محمد وعلى آله وصحبه وسلم أجمعين ❤❤

أستغفر الله العظيم وأتوب إليه ❤❤

تكمله الفلاش باك

جاسردخل على روز : ايه دا ياروز

روز :إله كاتبه بكتب عليها الحاجات الوصلتلها علشان مينفعش اكتبها بخطى

جاسر قالها على المعلومات الوصلها فعلا مستواه المادى اتغير مليون فى الميه شقه تعدى 2 مليون وعربيه آخر موديل دى غير عربيه مراته ومدارسهم التغيرت من حكومى لانترناشونال كل حاجه اتغيرت تقريبا فى سنه

روز دونت المعلومات كلها فى التقرير

روز : جاسر فى حاجه غريبه شوف نظرات عمار للدولاب الفيه الدوسيهات تحسه مش نظراته على الدولاب لاء على حاجه تانيه

جاسر : تقصدى ايه

روز: مش عارفه بس ورا الحيطه دى ايه

جاسر :بتفكير أعتقد سلم بيوصل للدور التانى وبيقابل فى وشه غرفه المقدم سيف السهل جدا يوصل منها للدور الاول

روز: ابتسمت الدور التانى البيوصل على الدور الأول الفيه السجن اللكاميرات كانت وقفه فيهم

جاسر : آه بس دى حيطه مينفعش يعمل فيها أى حاجه صعب جدا البتفكرى فيه بس فى حاجه المقدم سيف بقاله أكتر من أسبوعين فى مهمه بره مصر

روز :فى حاجه فى الحيطه دى متأكده جدا ممكن تكون فتحه كانت معموله لحاجه واتلغت مثلا

جاسر بتفكير : ايوه فعلا كان الأول عاملين فتحات علشان المكيفات الارضى وبعد كده اتلغت وبقت المكيفات العاليه

روز:بحبك وأنت مركز كده وصلنا

جاسر :بس الفتحات دى قفلوها

روز:أو دروها بدولاب زى ده أو برواز كبير مثلا

جاسر : عندك حق فى برواز كبير على السلم ده

روز دونت كل المعلومات دى : يلا بينا

جاسر :على فين الساعه سته الصبح

روز:على الجهاز نص ساعه فى الطريق هتوصل الجهاز تتأكد من المعلومات الوصلنا ليها وكمان متأكده أنك هتتلاقى فى اوضة عمار معلومات أكتر من الوصلنا ليها

جاسر :ده مقدم ذكى جدا ياروز يعنى مش يسيب غلطه وراه

روز : الغبى هو الديما مفكر نفسه زكى ومش ممكن يغلط وانا متأكده أنه غلط وغلطه هنعرفه لما توصل يلا

جاسر :يلا فين انتى هتيجى معايا

روز :أيوه بس هستناك بره على بعد كافى وهيكون بينا سماعات نتابع بعض عندك جونتات

جاسر:أيوه هخدها معايا بس بجد غلطانه كان المفروض تدخلى شرطه الشرطه خسرتك ههههه

روز:ههههه هروح أغير ونزلوا وفى طريقهم للجهاز

على الجانب الآخر شهاب ومحسن بيدرسوا القضيه بس موصلوش لحاجه أكتر من أرقام غريبه بيتصل بيها وقدموا طلب تسجيل المكالمات بس مكنوش مركزين اوى أن عمار يكون خاين كانوا مشين فى خط تانى

كل من روز وجاسر رايح بعربيته روز وقفت على جنب وفى السماعات : أنا هستنا هنا ربنا يوفقك

جاسر راح الجهاز بس عرف معلومه المقدم سيف رجع امبارح وهيجى النهارده وكمان كاميرات الدور التالت اشتغلت لكن الأول والثانى لسه وقال

لروز

روز : طب وبعدين

جاسر : هتصرف هدخل من غرفه سيف ومنها على السلم واكيد البرواز العلى السلم وراه حاجه

روز : ربنا يوفقك متأكده انك هتنجح

جاسر فعلا عمل كده ودخل من شباك غرفه سيف ومنه على السلم ووصل الاوضه وقعد يدور ملقاش حاجه والساعه قربت على 7 ونص

جاسر : روز مش لاقى حاجه وسيف على وصول ولازم أخرج من شباك الفى اوضته

روز : ركز فى الانت فيه قولى عربيه سيف لونها ونوعها ايه

جاسر : ابيض ونوعها كيا بس ليه

روز : ركز ياجاسر على الحاجه المش مهمه زباله ورقه تحت مكتب كده

روز بوظت عجله من عجل العربيه ولمحت عربيه بيضه شاورت لها وقفت ونزل منها سيف

روز : جاسر هو سيف بدقن خفيفه

جاسر : أيوه ليه

روز : هعطله حوالى عشر دقائق وأنت ركز أرجوك وراحت عنده

روز بأبتسامه :سورى بس عربيتى معرفش فيها ايه ممكن تشوفها

سيف بأبتسامه : آه طبعا

وفعلا ابتدى يغيرلها عجله العربيه

جاسر :روز فى ورق فى المخرطه

روز راحت بعيد : هاته كله كله ياجاسر

قدامى أقل من خمس دقائق

جاسر: محتاج حوالى تمن دقائق علشان أطلع

روز : طب يلا وانا هحاول اعطله وراحت عند سيف كان خلص

روز : ميرسي جدا بصراحه حضرتك زوق جدا

سيف :حاجه بسيطه

روز : بسيطه ازاى أنا واقفه تقريبا بقالى ساعه محدش رضى يساعدنى

وبأبتسامة بجد فرصه سعيده

سيف أعجب بيها وبطريقتها : هو انتى اسمك ايه

روز: أحم شهد اسمى شهد

سيف : اسمك حلو اوى وانتى كمان حلوه بتدرسى يا شهد

روز فى نفسها بتعاكس بس لومكنتش محتاجه اعطلك كنت اديتك فوق دماغك : احم أيوه هندسه

سيف :وشاطره بقى ولاااا ههههه

روز :هههه طب عن إذنك وميرسى مره تانيه جاسر : محتاج دقيقتين كمان

روز كملت أيوه شاطره بس مش اوى وأنت بقى بتشتغل ولا بتدرس

سيف : أنا المقدم سيف عمران

روز:معقوله مقدم تشرفنا

سيف: الشرف ليا يا شهد

روز استأذنت بعد ما جاسر قالها أنه بره الجهاز واجه عندها

نزل وركب عربيتها

جاسر : ايه ياروز بنلاغى ياختى

روز : معرفتك سوده يا ابن أختى قولى عملت ايه

جاسر حكالها كل حاجه : بجد مكنتش متخيل انى اعمل كده

روز أخدت الورق الجابه من المخرطه بتحاول تجمعه هيا وجاسر

جاسر :مش مشكله الورق ده معانا معلومات مهمه والساعة بقت 8 الاعشره يادوب الحق

روز: لاء انا متأكده ان الورق ده مهم جدا وجمعوا أول سطرين من الورق وابتدوا يظبطوا الورق وطلع ورق تحويل حساب لزوجته وخاله وحماه بمبالغ كبيره جدا

روز بفرح : نجحنا هات بوسه

هات موبيلك واخد كذا صوره

وروز طلعت كاميرتها الفوريه وصورت الورق وحطته فى الدوسيه

وكتبت اخر ملحوظه بخط ايديها وادتها لجاسر يلا ياباشا

جاسر : بحبببببببك... واجه ينزل

روز هيا الدكتوره اياها خدت اعدام

روز : ههههه لاء اعتبروه خطأ مهنى وخدت حوالى 7 سنين ههههه

متقلقش هجهزلك عيش وحلاوه

جاسر : ربنا يطمنك

وبتفكير ... روز لو سألني ايه مصدر معلوماتى

روز بأبتسامة ثقه :هتقوله الكلمه البتتقال فى كل الأفلام العربى

جاسر :ايه هيا

روز :ههههه هقولك

جاسر وصل الجهاز وتحديدا عند باب شهاب الساعه 8 وعشره خبط ودخل وكان محسن موجود واسر كمان وبخطوات ثابته

جاسر بثقه : اتفضل يافندم

شهاب مضايق انه زعله اخد الملف وابتدى يقلب فيه مكنش متخيل أنه هيقدر يعمل كل ده وكل ورقه بيقرأها محسن وأسر بيقرؤها بيبصوله بذهول

شهاب : عملت كل ده امتى وازى

جاسر :أوامر سيادتك يافندم ومقدرش اخالفها

شهاب مش مصدق النتيجه كان بيفكر يروح للعقيد يطلب يوم كمان

: جاسر أنت متأكد من المعلومات دى

جاسر :طبعا يافندم وكله بالأدلة

شهاب :ايه مصدر معلوماتك

جاسر بثقه :ليا مصدرى الخاصه القانون بيكفلى انى مبوحش بيها

شهاب ابتسمله وقام بسرعه ورى كل المعلومات للعقيد فؤاد الانبهر بالابنه وصله وفعلا اتأكدوا من كل المعلومات وجابوا عمار واعترف بعد ماوعدوه أنه هيكون شاهد ملك ومن المعلومات العند عمار قبضوا على الخليه كلها وطبعا القضيه سمعت جدا وعلشان شهاب كان ماسك القضيه اخد وسام الدوله ومكافاه ماليه كبيره وجاسر كمان اخد شهاده تقدير ومكافأه بس مش زى شهاب

وشهاب اعتزرله قصاد الجميع وقاله من دلوقتى هتكون من ضمن فريقي الخاص

جاسر قبل اعتزاره وانتهى سوء التفاهم بالنسبه لجاسر وشهاب بس روز مستحيل

------------------♡♡♡♡♡

خلص الفلاش باك

عند روز فتحت الدرج ومسكت سلسله عليها علامه مالانهايه ودى كانت هديه جاسر ليها بعد الحصل وقالها بحبك إلى مالانهايه بس روز كانت شيفاها أنها تحدى وكره لشهاب إلى مالانهايه

عند شهاب : بس أنا مش متذكر أنه قال أن روز هيا القالتله على المعلومات

محسن :وأنت هتفتكر ايه دا كان صوتك عالى جدا مغطى الدور كله والواد ياعينى وأنت بتألس وتقوله بنت أختك قالك لاء خالتى والأستاذة حياة معندهاش أخت غير روز

شهاب ابتسامه تلقائيه ظهرت عليه مش عارف سببها بس

وأخيراً عرف ليه روز واخده موقف منه رغم أنه أفتكر الحصل اضايق من نفسه وكانت من المواقف الصعبة العدت عليه بس هو اعتزر لجاسر وسياده العقيد بس شخصيه عنيده وقويه زى روز ممكن تسامحه ازاى

محسن : ها استاهل العزومه ولااا مع أنى شايف واحد مبسوط وعينيه بتضحك لوحدها

شهاب بمروغه وبجديه مصتنعه : عادى أنا بس كنت مضايق أن واحده تتكلم معايا بالطريقه دى

محسن بنفس مروغته وهو بيشرب الشربه : آه عندك حق أنت مش قليل برضه

فكرتنى عارف الدكتور أياد ابن خالتى بيدور على عروسه ايه رأيك فى روز اهم دكاتره زى بعض يخلفولنا دكاتره صغننين وحلوين زى المزه

ومع آخر كلمه قالها محسن

شهاب قلب الشربه عليه هيا مكنتش سخنه اوى

شهاب :دى علشان تبقى تجيب سيرتها تانى

محسن قام بسرعه : أنت غبى ازاى تعمل كده

شهاب شاورله على الحمام وكمل هو أكل بكل برود

شهاب وصل بيته دخل اوضته كانت رجليه عارفه طريقها فتح الدرج وطلع المنديل والإبتسامة على وشه مفرقتهوش

اتنهد : عملتى فيا ايه ياترى عشان مختلفه فعلا اول مره اقابل بنت زكيه وقويه وعنيده منستش حاجه من سنه وعرفت تاخد حقها منى مهو تجهلك ليا مش حاجه بسيطه بس ياترى استكفيتى ولا لسه

غير هدومه وفتح تليفونه على سوره الكهف ونام عليها

---------------------♡♡♡♡♡

عند نسرين كانت ابتدت تفوق شويه بعد ما أخدت المسكنات تفكر فى الوصلتله مع جوزها وكلام حياة عن حب عمرو ليها بس ليه عمره ماقالى بحبك من نفسه لازم أنا الاطلبها بس برضه عمرو طول الوقت مهتم بيا هو آه الشغل اخد كل وقته بس عمره مااهملنى أو حارمنى من حاجه طلباتى كلها مجابه

بس بس ايه يا نسرين كان ممكن تتصرفى بطريقه أحسن من كده اتهمتى جوزك وانتى عارفه أنه مستحيل يستحل الحرام بس كنت مخنوقة ومش عارفه بقول ايه مهو ضايقنى برضه لما قالى أنه عارف أنا عاوزه ايه ومستخسره فيا متضحكيش على نفسك يا نسرين انتى بتكونى ملكه مش بيحرمك من حاجه بتهيقلى مفيش واحد فى رجولته وحنيته وديما بيكون حريص انى أكون مبسوطه معقوله كنت غبيه مش شيفه كل ده

عندك حق ياحبيبى لما قولت عنى غبيه ياترى هتسمحنى على غبائى ونرجع لحياتنا الهاديه

فاقت على صوت الفجر دعت ربنا بصلاح الحال وجوزها يرجعلها بألف سلامه

وقامت صلت وفى آخر رقعه وهيا سجده دعت ربها بدعوه سريه خلصت صلاه

......... : حرما

نسرين مش مصدقه معقوله : جيت امتى

وجريت عليه

عمرو اخدها فى حضنه بتملك كانت وحشاه لدرجه مخدش باله من الوقت العدى عليه وهيا فى حضنه

نسرين مقدرتش توقف دموعها لما حست بنبضات قلب حبيبها القويه البتنطق بحبها

عمرو أخيرا بعدها عنه بس بعد ما حس بأننها : حبيبتى مالك انتى تعبانه

حط ايده على جيبنها لقاها كويسه

نسرين مالك متقلقنيش عليكى

نسرين بتهرب بعينيها مش عارفه هتواجهه ازاى مسك وشها ووجه ليه طمنيني عليكى انتى كويسه اطلبلك دكتور

نسرين : لاء الحمد لله أنا كويسه

مسح دموعها وفهم معنى دموعها ايه

عمرو :مهما كان الحصل مش عاوز أشوف الدموع دى لأنها بتوجعنى

نسرين :أنا اسفه عارفه أنك صعب تسامحنى ومعنديش مبرر اقولهولك بس

قاطعها :ملوش لازمه الكلام دلوقتي انتى شكلك تعبانه ارتاحى شويه وانا محتاج اخد شور وارتاح الصبح معدش فيه كتير

نسرين كان نفسها تتكلم بس حست أنه فعلا مرهق بس خدت بلها من حاجه : هو انت ازاى جيت النهارده مش قولتلى أنك هتقعد عشر ايام

عمرو أبتسم ليها وقرب منها باس أيديها : مقدرتش اعرف أنك تعبانه ومكنش جنبك خلصت المهم وكلفت مديره مكتبى بالباقى

نسرين :مها ازاى مش حامل و

عمرو قاطعها :لاء نوران ودخل التويلت

نسرين:نوران ايه دى اووف انا نقصه

راحت عملتله أكل بسيط وغيرت هدومها ولبست قميص وروب شتوى قصير وميكب بسيط وفردت شعرها

عمرو خارج من الحمام

نسرين قبلته بالهدوم : عملتلك أكل بسيط

عمرو :تعبتى نفسك ليه أنا اكلت فى الطياره

نسرين :حاجه بسيطه وأنت مش بتحب أكل الطياره

وفعلا قعد وأكل بسيط وقام على السرير نسرين عاوزه تدوب الجليد البنهم هيا حاولت كتير تقرب منه قبل كده بس كأنه مش شايفها

عمرو مش بس بيحبها لاء بيعشقها بس كل واحد ليه طريقته للتعبير

حبيبته خزلته واتهمته اتهامات صعب يسامحها عليها بسهوله

نسرين قربت منه : وحشتني اوى وقربت أكتر بس

بس حلقتنا خلصت♥️

أشوفكم على خير الحلقه الجايه

موافقين يارب

والسلام عليكم ورحمة الله وبركاته ❤❤ عرض أقل