رواية صراع العقل والقلب الفصل العاشر 10 - بقلم كنزي علي
بقلمى كنزى على ♡♡
صراع العقل والقلب
اللهم صل وسلم وزد وبارك على سيدنا محمد وعلى آله وصحبه وسلم أجمعين ❤❤
أستغفر الله العظيم وأتوب إليه ❤
شهاب وعد والدته أنه هيرجع بدرى وفعلا وصل البيت على ثمانيه مساء
أميره بتتفرج على التليفزيون ومندمجه
شهاب :مساء الخير
أميره :مساء النور ازيك ياابيه عامل ايه
شهاب :تمام أمال فين ماما
أميره : جلها اتصال من الجمعيه بيقولوا فى حاجه مهمه
شهاب: هو انتى هتفضلى أعده كده مبتزهقيش ياتيليفزيون يا موبايل يااكل
اميره سكته والدموع فى عينيها :هو انت مضايق منى ياابيه
شهاب :ياحبيبتى أنا مضايق عليكى عاوزك تخرجى تشتغلى ليه حبسه نفسك كده
أميره :مااهو أنا ياابيه مليش أصحاب غير يعنى شرين وهيا مسافره وقربت تيجى
شهاب :اووووف هو احنا مش هنخلص من السيره دى انتى حاجه وهيا حاجه ولازم يكون ليكي شخصيتك المستقله تفتكرى الهانم المسافره دى قعده فى البيت زيك كده
أميره :لاء ياابيه شرين بتخرج كل يوم
شهاب بنفاذ صبر من أخته : طيب يااميره قومى البسى نخرج وأنا هطلع أغير هدومي
أميره :بجد ياابيه ربنا يخليك
وجريب تلبس
شهاب بيهمس لنفسه .... ياترى ياشرين هتودى أميره لفين
وطلع غرفته اخد شاور
وبيلبس تليفونه رن وكان محسن
شهاب: خير يا محسن فى حاجه
محسن :شهاب أنا عرفت السبب المخلى روز بتتعامل معاك كده
شهاب :فى ايه يا محسن أنت بتتصل تستظرف
محسن : استظرف ايه بقولك أنا عرفت ليه روز بتتعامل معاك كده
شهاب :أنت بتتكلم بجد طب قول
محسن:أقول هههههه والله ماهتكلم غير بعزومه جمبري معتبره
شهاب : أنت عارف لو كنت بتستظرف هعمل فيك ايه هنفخك
محسن :يا عم أخلص لو عاوز تعرف يبقى نتقابل دلوقتي فى مطعم.......
شهاب : تمام مسافه السكه
لبس بسرعه بينزل على السلم قابل اخته
اميره : أنا جهزت ياابيه
شهاب كان نساها خالص : أميره معلش جالى شغل ضرورى بس حضرى نفسك بكره نقضى اليوم من أوله فى النادى تمام
اميره:اوكى ياابيه
شهاب ركب عربيته سريعا فى طريقه لصديقه
-----------¤¤¤¤¤¤¤¤¤
فى الوقت ده عند نسرين قضوا معاها اليوم كانت فرحانه بيهم جدا
وقالت لنفسها لازم تحسن علاقتها بيهم والمفروض مكنتش تغير منهم مهما كان ملهمش غير اخ واحد بيراعى ربنا فيهم وبيحبهم يارب عمرو يجى بسلامه والأمور تتصلح ما بنا
أسر إجه اخد والدته وروز من عند نسرين وهما فى العربيه
روز : فى حاجه يااسر حساك مبسوط
حياة : فعلا أنا كنت لسه هسأله
أسر :أيوه فعلا اخيرا الحصار اتفك
روز : حصار ايه ده
أسر :المقدم شهاب كان بقالوا كذا يوم موقف الجهاز على رجل
بس الحمد لله النهارده فك الحصار بصراحه أنا بحترمه جدا وبعتبره مثلى الأعلى
حياة : هو بصراحه إنسان محترم وأخلاقه عليا جدا
روز بهمس : إنسان قليل الزوق
أسر : بتقولى حاجه ياروز
روز: لاء ابدا ولا حاجه
وصلوا البيت كل واحد دخل غرفته
روز أخدت شاور وطلعت
بتصفف شعرها فى وش المريا
افتكرت الحصل تقريبا من سنه
¤¤¤¤¤¤¤¤¤---------
شهاب وصل المطعم بيدور بعينيه على محسن ومحسن لمحه وشاورله بأيديه
شهاب بيبص حواليه : من أمتى بتدخل المطاعم الفضخمه دى
محسن :ههههههه من ساعه ما عرفت مروه وهيا مأشطانى على المطاعم الفايف استار على رأيها
شهاب : وأنت بقى جاى هنا ليه
محسن :هههههه عشان اقشطك عندك مانع وغمزله
شهاب : أخلص وقول أنت ازاى عرفت السبب المخلى روز تتعامل معايا كده اوعى تكون سألت أسر أو
محسن قاطعه : لاء طبعا بصراحه علشان انت صديقى الصدوق وصعبت عليا أعدت أفكر وأفكر لحايد بالصدفه افتكرت حاجه مهمه هيا قالتهالك وأنت سبق وقلتهلها
شهاب بأستغراب :حاجه
حاجه ايه واشمعنى أنت عرفها وانا لاء
محسن : أولا الحاجه هيا الكلمه القلتهالك فى النادى
معقوله ياسياده المقدم تلعب مع عيله آخرها تشرب اللبن قبل ماتنام
سبق وأنت قولتها عليها واشمعنى أنا عرفها وأنت لاء علشان انت أيامها كنت عصبى وبتتخانق مع الكل
شهاب : أنا مش فاهم حاجه وازاى أنا قولت عليها كده وانا اصلا أول مره اشوفها فى صاله البولينج
وأيام ايه الكنت عصبى فيها متوضح كلامك
محسن :لااا استهدى بالله كده وركز معايا عشان الموضوع كبير بس الأول نطلب الأكل وعقبال مايجى أكون حكتلك الحكايه من أولها ونده للويتر ..
بص ياسيدى عاوز فليه مشوى بصوص البحر و فليه قشر بياض وجمبرى مشوى بترفلاى وبطارخ وكفته جمبرى بس كده اه نسيت طبعا مش هوثيق شوربه سى فود المعتبره وبص لشهاب ها هتطلب ايه
شهاب بغيظ :نعم هو انت هتاكل كل ده لوحدك
محسن : أيوه مش انت الهتدفع يبقى هاكل وبعدين يلا قول طلبك عشان نكمل كلامنا وغمزله
شهاب هيفرقع من صاحبه وقال لنفسه ..
لو كان عندك للكلب حاجه
وبص للويتر :شوربه سى فود وفليه مشوى بصوص الكريمه والمشروم
شهاب نظراته لمحسن كفيله تربكه
ومحسن حس أن صاحبه هيفرقع منه
محسن : اهدى كده وصلى على النبى
شهاب :عليه أفضل الصلاه والسلام
محسن :بص ياسيدى من حوالى سنه وشويه كان فى قضيه مهمه جدا الرفاعى الواد الارهابى بتاع المرج القعد ملففك وراه اكتر من 3 شهور وقبضت عليه
شهاب:فى ايه يا محسن أنت بتفكرنى بالأيام الزفت دى ليه وايه دخل روز فى الموضوع ده
محسن :يا عم براحه وركز شويه فى كلامى فاكر ايام ماقبضت على الولا دا وتانى يوم هرب من الجهاز والعقيد فؤاد كان لسه فى الجهاز وساعتها حملك الحصل
شهاب نفخ بنفاذ صبر ..
محسن كمل ... انت بقى ساعتها عملت ايه هقولك أنا عملت فريق خاص بيك وكان من ضمنهم أنا وأسر وجاسر ركز بقى فاكر مين أول واحد قالك أن المقدم عمار هو الجاسوس البنا وهو الهرب الواد ده
شهاب :هنا ابتدى يفتكر الحصل : جااااسر
فلاش باك للحصل كله بس كل من شهاب وروز أفتكر الجزء الخاص بيه
-----------
شهاب بقاله فتره بيطارد واحد من المتطرفين وأخيرا قدر يحدد مكانه وقبض عليه وحطه فى سجون الداخليه مع حراسه مشدده بس تانى يوم كانت المفاجأه وهرب
شهاب هو المكلف بكل تفاصيل القضيه وكان لأول مره العقيد فؤاد يضايق منه
شهاب: يافندم أنا معرفش ازاى ده حصل أكيد حد من جوه الجهاز ليه يد فى الحصل
فؤاد : أنت بتحمل أخطائك لزميلك ياسياده المقدم دى اخره ثقتى فيك اظاهر انى غلطت لما وثقت فيك
شهاب : يافندم أرجوك أنا
فؤاد : أنت ايه انت قدامك 72 ساعه فقط تجبلى المتهم ده وكمان تعرفلى مين السعده علشان لو ده محصلش هيبقى حسابك معايا كبير
شهاب : تمام يافندم بس لوسمحت عاوز موافقه من حضرتك استجوب كل الجهاز ومهما كانت روتبهم
فؤاد : معاك كل الصلاحيات بس زى ما قلتلك 72 ساعه فقط
شهاب لبس سلسله فيها كاميرا ودخل مكتب كل واحد فى الجهاز من أكبر واحد لأصغر واحد يستجوبهم
وبعدين كون فريق وكان من ضمن الفريق محسن وأسر وجاسر وقعدوا طول الليل يفرغوا التسجيلات علشان يوصلوا لحاجه للأسف موصلوش
شهاب أتلقى الوقت اتأخر جدا والفريق المعاه محتاج راحه علشان يقدر يكمل عمل نسخ لكل واحد فيهم وقالهم يخدوها معاهم بس يحافظوا عليها ويكونوا عنده الصبح ومعاهم تقارير باستنتاجتهم بس بأدله كل واحد راح بيته
ومنهم أسر الأعد فى اوضته يدرس القضيه بس جاسر قاعد فى المطبخ ومشغل الاب توب وبياكل
روز دخلت عليه
روز : بتعمل ايه فى الوقت ده هنا وايه المشغله ده
جاسر : اسكتي ياروز مصيبه حصلت النهارده وحكلها على الحصل
والمفروض اقدم تقرير فكنت جعان قلت اضرب عصفورين بحجر واحد أكل وأنا بشتغل ايه رأيك
روز : رأيى مش هتفلح دى التسجيلات اللمقدم سجلها
جاسر : أيوه
روز : ذكى اوى شهاب ده بس غريبه بتقول كون فريق قوى ازاى أخدك معاهم
جاسر : تصدقي مش عارف أنا برده مستغرب هههههه
روز: هو انت بتاكل ايه
جاسر :والله أنا فتحت رغيف عيش وفتحت الثلاجه وحطيت فيه كل الكان بيقابلنى
روز : طب وسع شويه اتفرج معاك
جاسر :اتفرجي ياختى يمكن تفدينى بدل الحوسه دى
روز كانت مركز جدا فى كل حركه واشاره وبعد وقت قالت مين ده
جاسر : المقدم عمار
روز: كل كلامه كدب نظراته مش مريحه أكيد وراه حاجه
جاسر :هو أنا مش برتحله بس ليه بتقولى كده
روز : خد بالك من حركه ايديه تقويسه رجليه لورا نظرات عينيه كلها بتقول أنه بيكدب
جاسر : مش فاهم معنى كلامك وحركات ايه البتقصديها
روز بتعيد الفيديو وبتركيز : متأكده أن ده وراه حاجه آه عنده ثبات انفعالي بس المقدم شهاب ذكى جدا عصره بمعنى الكلمه وده خلاه يفقد شويه من ثباته زى مثلا رجله قوسها ودراها فى رجلين الكرسى
نظرات عينه ديما فى اتجاه الشمال حتى ايديه مقدرش يداريها وفيها أخطاء كتير كل ده يؤكد أنه بيكدب
جاسر : انتى عرفتى كل ده منين
روز : بالدراسة معايا دبلومة فى علم النفس ولغه الجسد
جاسر: أد كده بتحبى الدراسه
روز : عندى حب المعرفه والاطلاع أنت عارف أنا إجازتي بقضيها مابين كورسات ودراسة لغه جديده ورياضة
خلصت آخر كلامها وقامت يلا تصبح على خير
جاسر : وانتى من أهله
وبيهمس لنفسه .... ياترى كلامك مظبوط ولو مظبوط أثبته ازاى المقدم شهاب مش بيعترف غير بالأدلة ولم حاجته وطلع اوضته
شهاب فضل فى الجهاز محبط حاسس الدنيا مقفله فى وشه مش قادر يمسك طرف خيط النهار طلع عليه ولسه موصلش لحاجه والأمور اتعقدت لما طلب تسجيلات الكاميرات قالوله السيستم باظ اظاهر دخله فيرس وده حصل بعد دخول المجرم السجن بساعه واحده وحصل بس فى الدور الأول الفيه السجن والدور التاني
الفريق اتجمع وعرف الحصل
شهاب وصل لدرجه عاليه من التوتر والعصبية بيحاول يتحكم فى نفسه على قد مايقدر وبعد حوالى 8 ساعات من الشغل المستمر جاله معلومه أن كاميرات الدور التالت الهما فيه حصل فيها مشكله وغالبا هتكون نفس المشكله الحصلت للدورين الأول والثانى
محسن :أنا متأكد أن الساعده حد رتبته كبيره مش اى حد
جاسر :فعلا عند حضرتك حق وفى حد شاكك فيه
كلهم بصوله بتركيز
جاسر ... المقدم عمار
شهاب : ايه دليلك
جاسر :الحقيقه مش دليل ملموس دى ليها علاقه بلغه الجسد وابتدى يقول كل الملاحظات الروز قالتهالوا
شهاب بأهتمام :وأنت عرفت كل ده منين انت دارس البتقوله ده
جاسر :أحم بصراحه لاء بس فى حد قالى الكلام ده
شهاب بهدوء الذى يسبق العاصفة :حد حد مين ياسياده النقيب أنت وريت الفيديوهات التخص الأمن الوطنى لحد
جاسر هنا عرف أنه غلط وغلطه أكبر مما يتوقع وشهاب كمل وبصوت عالى ... ماتنطق مين الحد ده
جاسر : يافندم دى إنسانه دارسه ووقريبتى و
شهاب بصوت أعلى هز المكان : بتقول دى إنسانه يعنى واحده انتطق مين ودرسه يعنى دكتوره وتقربلك ايه وهتقدر تحافظ على المعلومات ولا لاء جرى ايه أنا هفضل اكلم نفسى
جاسر مش قادر يفكر ويعرف المفروض يقول ايه : يافندم هيا مش دكتوره هيا معاها دبلومه وو
شهاب : نعم سمعني كده تانى دى حتى مش متخصصه ودبلومه مين دى وهتقدر تحافظ على سريه المعلومات ولا لاء واهم حاجه عندها كام سنه
جاسر بتوتر : 20سنه
شهاب الضغط العليه مخليه مش فى وعيه ومصدق وانفجر بصوت أعلى و أعلى : دى طلعت عيله
عيله يعنى آخرها تشرب اللبن قبل ماتنام والصبح فى المدرسه تحكى لأصحابها عن اسرار الدوله
وياترى تقربلك ايه أكيد بنت اختك البدل ما تحكلها حدوته تحكلها أسرار الدوله الانت أقسمت يمين عليها
جاسر طبعا صوته واطى بالنسبه لصوت لشهاب : يافندم دى مش بنت أختى دى خالتى
شهاب طبعا مسمعش هو قاله ايه : إيان كان مين دى اسمهااا خيااانه
وسكت شويه وبهدوء مخيف ... قدامك ل 8 الصبح يكون عندى ملف فيه حل القضيه بالوثائق والمستندات غير كده هعتبرك متواطئ ومش بس كده اكتب فيك ملف هيكون نقطه سودا فى دوسيهك ومش بعيد تكون أنت الهربت المتهم
جاسر إجه يتكلم
شهاب وقفه بنظره وشاورله على الباب وساعته بيفكره بالوقت
جاسر خرج من الجهاز وهو حاسس أنه مستقبله انتهى
أسر : سياده المقدم أنا عارف أن جاسر غلط بس مش للدرجه دى
دى اهانه مش بس ليه لاء دى اهانه لسياده العقيد
شهاب : ولا كلمه ياسياده الرائد بدل ما اعتبرك متواطئ معاه
أسر إجه يتكلم
شهاب كمل كل واحد على مكتبه نتقابل بعد ساعه
أسر مضايق جدا والكل خرج ماعدا محسن
محسن :أنا عارف أنك مضغوط بس مش للدرجه دى أنت بهدلته ياشهاب وزى مااسر قالك دى تعتبر اهانه لسياده العقيد لازم تروح توضحله معنى كلامك وبعدين ليه منخدش كلام جاسر بعين الاعتبار
شهاب :أنت بتقول ايه يا محسن عمار صديقنا
محسن :لاء ياشهاب قصدك تقول كان صديقنا بقاله فتره كبيره واخد جنب وتصرفاته كلها بقت غريبه عموما الأول قبل ما الأمور تتأزم أكتر من كده تروح للعقيد فؤاد لأن أكيد أسر سبقك ولما ترجع نشتغل على الخيط ده
أسر متعصب ومضايق وراح لوالده وحكاله عن الحصل
فؤاد بهدوء وبحكمه : المقدم شهاب عنده حق والنقيب جاسر غلط ولازم يتحمل نتيجة غلطه
فؤاد أكيد زعلان علشان خاطر ابنه بس لازم يكون حكيم علشان الأمور متتأزمش أكتر من كده وكمان هو عارف الضغط العلى شهاب
اسر : بس يا بابا دى اهانه لينا و
قطع كلامه خبط على الباب
العقيد : اتفضل
شهاب دخل وشاف أسر وفهم أنه حكاله على كل حاجه والوضع بقى صعب وبهدوء :سياده العقيد أكيد وصلك الحصل بس حضرتك عارف انى أكيد مقصدش
قاطعه العقيد : سياده المقدم حضرتك اتصرفت تحت حدود وظيفتك وده الفريق الانت اخترته كل الأنا عاوزه أنك تقدملى تقريرك قبل 72 ساعه ما يخلصوا اتفضلوا كل واحد على مكتبه
جاسر راح البيت حاسس أنه مدمر
والدته سألته مالك فى ايه وضغطت عليه قالها على الحصل وعلشان متنرفز ومتعصب زود فى الكلام وكان صوته عالى جداا
روز سمعت كل الحصل ومتكلمتش طلعت اوضتها وحاولت تهدى نفسها وبتحدى وثقه : والله ياشهاب لتعرف مين هيا العيله وهتعمل ايه رتبت أفكارها وبهدوء رهيب ومصتنع راحت لجاسر اوضته خبطت ودخلت
لقت جاسر نايم على السرير بهدومه وبيقلب فى التليفزيون وفى حاله لامبالاه هيا عارفه ايه الوصلة لكده
جاسر : واقفه كده ليه تعالى اتفرجي على المسلسل ده شكله حلو
قعدت على الكنبه الجنب السرير
روز:تعرف كنت زمان تبعت مسلسل كان بيحكي عن دكتوره شغاله فى مستشفى وفى بروفسير هو مصرى بس طول عمره بيشتغل بره مصر استدعوه لعمليه صعبه كون فريق طبى عالى المستوى من دكاتره وممرضين من خلال السى فى بتعهم وكان من ضمنهم الدكتوره إياها من خلال التعامل مع فريقه الطبى عرف مين الشاطر ومين المفروض ميكنش معاه وفى مره دخل يعمل العمليه
الدكتوره غلطت غلطه بسيطه جدا تعرف عمل ايه هنا
جاسر ابتدى يهتم لكلام روز وعرف عاوزه تقول ايه
شاورلها تكمل
روز بأنتصار لخطتها كملت .... قالها بالحرف انتى متنفعيش تعملى عمليه للكلب بتاعى طبعا كل ده قدام الدكاتر والممرضين وبمجرد الخروج من غرفه العمليات المستشفى كلها عرفت فضلت مضايقه فتره بس كملت شغلها بكل ثقه وعرفت الكل مين هيا بشغلها لحد فى فتره كان فى مريض تعبان جدا وكان صعبان عليها وللاسف عشان تعاطفها مع المريض ادتله عقار مش مناسب للحاله وغلط بالنسبه للقانون بس صح للرحمه والإنسانية رحمته من العذاب وللأسف اتوفى
جاسر :مات
روز: أيوه وطبعا محدش فهم وجهه نظرها ولأننا بنأدمين لينا أعداء وهيا كان ليها أعداء فى المستشفى وبره كمان وتعرضت للمحكمه وعلشان يثبتوا التهمة ويخلصوا منها وتاخد اعدام محامى الخصم طلب شهادة البروفسير اياه علشان ياكدوا عليها التهمة تعرف قال ايه
جاسر بأهتمام كبير جدا : قال ايه
روز : قال أن الدكتوره من أمهر الدكاتره القابلهم مش بس فى مصر لاء وفى بره مصر كمان ولما غلطت الغلط البسيط جدا وهو التعاطف مع المريض أثناء العمليه حبيت اعنفها علشان تكون أقوى كان رد فعلى كبير علشان افوقها واقولها انتى أقوى وأفضل ومينفعش تعملى كده كنت بحفزها مش أكتر
جاسر فهم قصدها : ده مسلسل يعنى وهم
روز : وتفتكر المسلسلات دى بيعملوها ليه مش علشان يوصلوا بيها عبره نصيحه المسلسلات فكرتها من الحياه والتجارب عشان توعى المشاهد
جاسر : عاوزه تقولى ايه انتى ناسيه أنك قولتى امبارح أنك مستغربه أنه اخترنى فى فريقه
روز : كنت بهزر وأنت عارف وبعدين انت عارف مين المقدم شهاب لو مكنش واثق فيك مكنش اختارك فى فريقه فى الوقت الصعب ده ودلوقتي جه دورك تعرفه مين جاسر فؤاد خطاب
جاسر : عاوز تقرير على 8 الصبح بالأدلة والوثائق يا اما هيعتبرنى أنا الهربته
روز متغاظه أكتر من جاسر بس لازم تحافظ على هدؤها بأكبر قدر ممكن
وبتحدى وثقه مش لجاسر لاء لشهاب : هنقدر ياسياده النقيب قوم يلا وفعلا اعدوا يشتغلوا اكتر من خمس ساعات متواصله
روز عرفت كل الحصل فى الجهاز النهارده بالتفصيل وموضوع الكاميرات وكمان معلومات مش كتير عن عمار طلبت من جاسر ينزل يجمع معلومات عن عمار
جاسر : معلومات زى ايه
روز. :محل إقامته غيره ولا لاء نوع عربيته مدارس أولاده مستواه المادى كله
جاسر : ليه
روز : أنا اعرف أن الجماعات المتطرفة دى ميزانيتها تعادل ميزانية دوله واكيد المقدم عمار مش هيشتغل معاهم الميكون اغروه جدا علشان كده عوزاك تجمع أكبر قدر من المعلومات وخصوصا الماديه
------------♡♡♡♡♡♡♡
حلقتنا خلصت ❤
نكمل الحلقه الجايه بكره مع تكمله الفلاش باك❤
دومتم فى رعايه الله الفوت والتعليقات لو سمحتو❤
والسلام عليكم ورحمه الله وبركاته 😍❤❤ عرض أقل
•تابع الفصل التالي "رواية صراع العقل والقلب" اضغط على اسم الرواية