رواية سر بين السطور الفصل السابع و الخمسون والاخير - بقلم ريو الطائي

 

 

نيران....... 

أخذت نفس عميق وزفرته ببطء لمّيت شعري مثل ما هو ما لحگت أشوف صخر جان رايح للدوام

رحت للحمام سبحت وطلعت گعدت على الكرسي وأني أمشط شعري وباوع على بطني اللي جانت مو جبيره هواي بعد أسبوع وأدخل الشهر السادس ممبينه بسبب ضعفي

هاذه الحمل متعبني حيل كلش تعبت على طول مريضة

قررت ما أسوي سونار خليها مفاجأة لحد يوم الولادة رغم إن صخر جان رافض الفكرة بس أني عندت وزعلت منه وبعدها وافق 

كملت ولبست نزلت جوه شفت إلياس وأياس كاعدين بالصالة واحد يخوزر بالثاني عكدت حواجبي وگلت بحدّة

نيران: خير شنو صاير من الصبح وين صخر ولارا

ركض إلياس عليّ وحضني وهو يگول

إلياس: صباح الخير ماما بابا راح للدوام وخالة لارا راحت للمطعم

نيران: أوف مو گتله أريد أروح تعبت من الكعدة بالبيت بسيطة صخر

إلياس: لا ماما مو زين عليچ تطلعين ابقي هنا علمود أختنا لاتتعب

گالها إلياس وهو لازم بطني بأيده

ابتسمت، وكعدت على الكرويته بين ما المساعدة تجهز الريوك وباوعت على أياس شفته بعده معصب.

سألته 

نيران: شبيك حبيبي ليش معصب

گال بعصبية

إياس: هسه يلا شفتيني معصب صار ساعة تحچين ويا ابنچ الفاهي وأني لأن أسود ما ترديني

أخذت نفس عميق وزفرته بثكل وگلت بحدة

نيران: شوكت تتعلم تحترم الأكبر منّك خلي يجي صخر وهو يعرف شلون يعاقبك

ما تحرك بس بقى يخوزر بيه گال إلياس وهو يفتح الجهاز

إلياس: شوفي ماما زعلان لأن گلت نشتري مثل هاي الملابس لاختنه من تجي للدنيا

    

أخذت الجهاز من إيده وشفت الصور جانت ملابس أطفال شورت أسود وكيمونه أبيضه عليهم رسمة دب بالون أسود باوعت على أياس وسألته

نيران: شبيهن ليش ما تقبل يشتريهن

عاط بصوت عالي وبعصبيه

أياس: شنووو حتى إنتي يمهه من كل عقلكم تحچّون؟

إلياس : وجع شبيك؟ شنو تريد منها

إياس: إنتههه اسكتتت خلي أشدلك كرونن أحسن شلون نخليها تلبس هيچ ما تشوف شوفه شلون بس تلبسه يطلع رجلها

إلياس: انجب وإذا هيه طفلة؟ماما احچي وياه لا يقهرني ويخليني عضه

سحبت ألياس لحضني وگلت بهدوء

نيران: إياس 

أياس: شنو إياس خره بيه! بسيطة، خلي يجي بابا أني أعلّمكم كلكم

صعد للغرفة وهو معصب ينطح بالحياطين مثل العادة

باوعت على إلياس وسألته بحنية

نيران: شبيك حبيبي

إلياس: ما بيه شي بس جاي يتعبني ماما خلي نشمره بالزُبالة

ضحكت وگلت

نيران: خير أخوك شلون نشمره صح عصبي بس يحبك لاتبقون هيچ واحد ما يطيق الثاني

إلياس: يقهرني يكول بس تكبر شويه نخلّيها تلبس حجاب شنو حجاب غير طفلة

نيران: إنت شنو تريد لعد

إلياس: ما عليه بيها بكيفها إنتي موجودة وبابا وانتو تعرفون مصلحتها 

ابتسمت على تفكيره وبسته من خدّه وراح هو صعد ورا أياس ما يحب يخلّي زعلان

رحت گعدت بالمطبخ أترّيك، وأخذت جهازي.

ردت أحچي ويا الأكبر، اتصلت بي وانتظرت شوي، يلا رد.

خليت الجهاز كدامي وأني أترّيك طلع صوت الأكبر وهو يكول

:: خير إن شاء الله معصبة من الصبح حتى صباح الخير ما گلتِي شبيچ حبيبتي

ردّيت بعصبية 

نيران: اسكت شلون هيچ تضحك عليه وتقشمرني البارحة بليل وتگلي خليچ تروحين للشغل

رد بهمس وصوته بيه خبث يذّب نار

:: بشنو قشمرتچ؟ ليش ناري ماتذكر

        

          

                

نيران: صخررر! لاتخليني أفقد أعصابي

تنهد وكال بهدوء

:: آخ ابني شو صاير فاهي من كل عقلچ تردين تروحين للشغل وانتي مريضة

أخذت نفس عميق وگلت بضوجة

نيران: بس حيل ضجت من الكعدة بالبيت

:: تردين أرجع؟

نيران: إي عفية تعال 

ما گال شي سَد الاتصال كملت ريوگي ورحت تمددت بالصالة شويه بس حسّيت بنفسي راح أتقيّأ

كمت بسرعة وركضت للحمّام ستفرغت كلشي أكلته حسّيت روحي راح تطلع جوعانة وبنفس الوقت الأكل ما يبقى لازم أستفرغ شماأكل

گعدت بالحمّام مددت رجليه وغطّيت وجهي وبچيت

يمكن بسبب هرمونات الحمل ويمكن صدگ أني تعبانة ومحتاجة راحة طويلة راحة نفسية وجسدية

رجع بيّه الوقت لقبل كم يوم

ما أعرف شنو جاني ورحت لبيت خالي البيت اللي عشت بيه أسوأ أيام حياتي من وصلت شفت البيت مبيوع لشخص غريب أسئلت وعرفت بنات خالي مزوّجات اثنينهم وامهم مريضة بهذاك المرض وعايشة يم أختها هي تداريها

ما عرفت شنو أحچي من سمعت اللي صار بيهم

ما أنكر حزنت بس بنفس الوقت فرحت ما گدرت آخذ حقي منهم ولا حك دموعي ودموع أختي

ولا آخذ حك الضرب والإهانة اللي حصلناها منهم

بس الله سبحانه وتعالى هو اللي أخذ حقي وحق أختي

مو شماته لا بس هاي عدالت ربي

مسحت دموعي وجيت أگوم بس نفتح الباب شفته الأكبر

بس شفته رجعت أبچي بشهگة هو من شاف حالتي تخبّل حسباله وگعت أو صار بيّه شي

لزم وجهي بلهفة وكال وهو يلهث

:: شكو شبيچ حبيبتي؟ شنو صاير؟ وگعتي

هزّيت راسي بلا وحضنته من ركبته

شالني بدون ولا كلمة ورجعني للصالة

گعد يمي حضن إيدي بين إيديه وكال

:: إحچي شبيچ ليش تبچين

كلت بصوت رايح ودموعي بعدهن بخدّي

نيران: ماكو شي بس شويه تعبانة

حضنـي بقوة خليت راسي على صدره وكال بهدوء

:: نأخذ بيت بالمزرعة ونبقى بي لحد ما تصيرين زينة

        

          

                

سألته بصوت واطي

نيران: ودوامك؟ والأطفال؟

رد بسرعة 

:: إنعل أبو الدوام وإلياس وأياس نخلي أختچ ولارا وياهم هنا بالبيت نرجع بس تتحسن نفسيتج 

بقيت ساكتة من جهة ما أگدر أعيش بدونهم ومن جهة أريد أروح لمكان هادئ مكان وحدي ما أسمع بيه أي صوت، ولا وجع ولا ضغط

حضنـي بقوة أكثر وكال بصوت

:: كومي إصعدي غيري ملابسچ نار ولاتفكرين بأي شي

ما گلت شي گمت عنه وصعدت فوك

هو بقى تحت يخابر ما أعرف ويا منو

لمّيت أغراضي وملابس للأكبر وغيرت ملابسي بهدوء.

نزلت جوه وكلت للعاملة تنزل غراضي

إجوي إلياس وأياس بوّستهم وطلعت برّه

شفت الأكبر واكف بالحديقة دار وجهه إليّ وكال

:: هاا جهزتي حبيبتي

هزّيت راسي بـ إي وگلت بهدوء

نيران: إي وإنت خابرت جيلان

:: إي وكالت من ترجع من الدوام تجي لهنا يمهم

يلا صعدي بالسيارة بابا

صعدت وهو هم صعد رجعت الكرسي وتمددت الأكبر مد إيده وأخذ إيدي بإيده ابتسمت بهدوء، وأني باوعله

الأكبر هو أكثر شخص غالي بحياتي

بـ حبه بحنيته تجاهي وتجاه إلياس وأياس

يخليني أفقد عليه رغم كلشي رغم سوالفه وضحكته

أعرف بيه مكسور من ورا موت ماجد

دائماً بالليل أحس بي من يطلع من الغرفة ينزل للحديقة

يبقى مشغّل أغنيته يسمعها إله ماجد جان أكثر من صديق جان روحه سنده أخوه اللي ما خلفته أمه ولا 

وأحد بينه تخطّى موتهم

فزّني من صفنتي صوته وهو يگول

:: ليش ساكتة إحچي سمعيني صوتچ الصوت اللي ترد روحي بي

ابتسمت حضنته من زنده وگلت بهدوء

نيران: آسفة حبيبي هاي الفترة حيل تعبتك وياي ولو الحك عليك

رفع حواجبه باستغراب

:: شنو عليه؟ ليش؟ شسويت

نيران: غير من وراك إنت تريد بنت شوف صخر

هذا آخر طفل بعد مستحيل أحبل

ضحك وكال

:: يصير خير. جيبي، إنتي هسه بخير وسلامة وخلي تجي بنتي للدنيا

        

          

                

باوعتله بضوجة وگلت

نيران: بنتك؟ يعني بعد ما تحبني إلي

ضحك بخبث وكال

:: شسوي بيچ أم كراعين الدجاجة شايفة رجليچ إنتي

ضربته على صدره وگلت بعصبية وهو يضحك

نيران: لا تـعيب أبو صدررر

لزم إيدي، وقربها على شفته وباسها وكال بصوت واطي

:: يا ريحة أهلي لمّا أشم ريحتهم

بقينا طول الطريق نحچي أعرف بي جاي يحاول يضحكني يغيّر مزاجي يلهيني عن كل التعب اللي بكلبي

ضحك سوالف، وكلامه الحنون. كله يخليني أهدأ شوي

وأخيراً وصلنه للمزرعة نزلت من السيارة وجانت المزرعة حيل حلوة شرلي الأكبر دخل وشوف البيت

هو بقى واكف برا يحچي ويا صاحبها

بقيت أمشي بهدوء أباوع على المزرعة

چانت كلش حلوة بيت بسيط بس بي لمسة فخامة

گعدت بالحديقة أخذت جهازي وبدّيت أصوّر

شويّة وأجى الأكبر نزع السترة مالته والقميص وبقى بس بالكيمونه گلت بهدوء

نيران : كم يوم راح نبقى هنا

عضّ شفته وكال وهو ينزل البنطرون مالته يريد يسبح

:: بكيفك ابني إذا تريدين نبقى شهر

گلت وأني أضحك بخفة

نيران: لا شسالفة بس ما جبنا ويانه مسواك

ردّ بثقة 

:: موجود گلت لصاحب المزرعة وهو جهّز كلشي

يلا كومي اسبحي وياي

ابتسمت وهزّيت راسي هو شمر نفسه بالمسبح

أما أني رحت للسيارة أخذت الغراض ودخلتهم للداخل

لبست شورت أسود وكيمونه سودا

ورحت وراه بخطوات هادئة الماي يلمع، والجو هدوء وسكينة

خلّيت رجليه بالماي وتقرب هو وسحبني بحضنه وكال بصوت واطي وهو يباوع بعيوني

:: آخ جمال عيونچ نار يموتني

حضنته أكثر وبكل حب گلت

نيران: أحبك الأكبر حيل أحبك

عضّ شفته وطبگني على حافة المسبح

وأخذ شفايفي بين شفايفه بوسة تحچي عن حبنا

عن كلشي نخبّيه بداخلنه كل مرة يقرب أحس بفراشات تصير ببطني وما أعرف أوصف شعوري غير إني أذوب.

        

          

                

بعد فترة ابتعد شوي سحبني من إيديوصرنه نسبح سوه

فرحتي ما تنوصف حسّيت كل شي بدا يتغيّر حتى نفسيتي

من بعدها طلعنه وغيّرنه ملابسنه راح هو يجهّز النار حتى يشوي اللحم واني گعدت أُمشّط شعري برا

الجو چان حيل حلو وهادي

بقى هو يشتغل بالأكل كمّل شغله وكعدنا نتغدى سوه

ونسولف ونضحك اتصلت على جيلان وسألتها إذا يمهم

كالت إي موجودة تطمنت 

كملنه أكل لمّيت الصحون وكلشي ودخلت لجوه

البيت چان بي غرفتين وصالة تطلّ على حديقة

وحمام وصحيات

تمدّدت على جرباية بإحدى الغرف چنت تعبانة حيل بس نفسيتي مرتاحة حضنت المخدة وغفلت بسرعه من التعب

كعدت ورا فتره حسّيت بالأكبر يسحبني لحضنه

فتحت عيوني بنعس گال وهو يبتسم

:: أروح فدوه للعيون النعسانه

حضنته من ركبته بقوة 

:: خاينه آني موجود وهيه تحضن المخدة وتنام شنو حضني مو بعينج

ضحكت وهو گرصني من خصري

رفعت راسي وضربته على صدره بلطافة وكلت

نيران: حضنك مو حلو مليت منه

رفع حاجبه وببرود بعدني عنه وكال

:: خوش لعد نامي على مخدة

چان يريد يدور وجهه سحبته من إيده بسرعة وكلت

نيران: بسرعه يزعل أبو صدر

ابتسم غصب گلبه ما يتحمل زعلي وگعد يسولف وياي كأنّه ما صار شي بس بعينه چان الحُب واضح

حبّه يغلب الزعل دوم

من بعدها نِمْنه من التعب

وگعدنه العصر چانت الدنيا تهبل نسمة هوه وريحة تراب المزرعة تنعش الروح صرنه نفتر سوه نصور ونضحك الابتسامة ما فارگت وجهي

والأكبر من يشوفني فرحانة يعصر خدودي ويظل يبوسني بكل حنية يگلي

:: ضحكتچ تسوه الدنيا خبلتيني بيها

لما أجه الليل شغلنه فلم وطفينه الضويه حتى يصير جو

جبنه كرزات وحبشكلات وكعدت يمه

        

          

                

خليت راسي على صدره ونگعد نباوع الفلم

بس بصراحة ما چنت أباوع چنت أسمع دگات كلبه وأحس بالأمان بكل نفس ياخذه كأن الدنيا كلها لفت حضنه

رفعت راسي وباوعتله وكلت بهدوء

نيران: شتاقيت للياس واياس أكيد هسه جاي يتعاركون

:: تحبيهم نار

نيران: طبعاً غير قطعه من كلبي

خزرني بنظره جديه وكال

:: يعني تحبيهم أكثر مني مو

عجبني لعبه على عصابي هزيت راسي باي وكلت

نيران: شوف هوه أحبك بس مو أكثر منهم

عصر إيدي بقوه والثانيه خلاها على فكي وجهه صار كلش قريب من وجهي ونفسه الحار يلفح بشرتي بلعت ريكي وهمس

:: حلو حتى أني ما أحبج ولو بإيدي أتزوج وحده ثانيه لأن مليت منج

فتحت عيوني على وسعهن دفعتَه عني وكلت بصوت عالي

نيران: شنووو مليتتت منييي محد كلك تبقى ويايي لعد هسه ارجع للبيت اخذ أطفالي وروح! وانت روح تزوج وفرّح أبو صدر

كلت هيچ وكمت واني معصبه ومقهوره نسيت إن هذا الأكبر أكثر شخص بارد يعرف شلون يتعامل بكل هدوء لدرجه بروده يخليك تشك بنفسك

سحبني وكعدني بحضنه وهو يبتسم بهدوء ضربته على صدره وكلت بعصبيه

نيران: وخر صخرر كلش مالي خلك

:: هسه انت ليش معصبه مو ماتحبيني

رفعت راسي بثكل، وكلت بحدة والدمع بعيني

نيران: منو كال أني مو بس أحبك أني عشقتك

ضحك بهدوء ضحكته الباردة اللي بيها هدوء يذوب أي نار مد إيديه لزم وجهي بكل حنان وبهدوء خلى شفته على شفتي غمضت عيوني وكل التعب والعصبية طارت

بوسته جانت مثل السحر نسيت كلشي حتى زعلي حتى كلامه بادلته بدون تفكير وكأنه بس هو موجود بالدنيا

ابتعد عني شوي وبقى يباوعلي وهو يعض شفته وكال بصوته الواطي

:: عجبني شكلج اليوم بالشورت

سكت شوي وبعدها كمل

:: تعالي نروح ننام عندي موضوع لازم أحجي وياج بي

غصب عني ابتسمت يمكن من خجلي أو يمكن من نبرة صوته لفيت إيدي على ركبته وهو بلا أي كلمة، شالني بهدوء ودخلنا الغرفة...

        

          

                

الصبح كعدت من وقت شفت الأكبر نايم على بطنه ضهره عاري وجسمه يضوي غطّيته بالبطانية بهدوء وكمت أخذت ملابسي ودخلت الحمّام

سبحت بسرعة مشّطت شعري وصليت الفجر

طلعت للحديقة الدنيا بعدها ساكته والجو يجنن، نسمة هوه باردة تلف كل المكان كعدت على كرسي بنص البستان لمّيت رجليه وبقيت ساكته إحساس غريب يملاني. راحة، وقلق، وفرحة ما مفهومة

رنّ جهازي. شفته لارا استغربت ليش متصلة بهالوقت؟ رديت بسرعة

نيران: ألو لارا خير صاير شي؟

صرخت بوجهي

لارا: إنتييي شلون تروحين وتعوفيني ردت أتصل بيج من البارحة بس جيلان ما رضت كالت عيب من الأكبر

نيران: ليش؟ شنو صاير؟ احجي عاد

كلبي دك حسيت بشي مو طبيعي

أخذت نفس وكالت بصوت متوتر

لارا: ولج من البارحة بس أريد أحجيلج شنو صار هم زين شفتج فاتحة نت واتصلت

نيران: ما جاي أفهم احجي عاد

سكتت شوي وكأنها تعيد الموقف براسها، وبعدين كالت

لارا: البارحة جنت بشغل كاعدة بالمكتب وفجأة نَدك الباب ودخل وهب

نيران: وهب؟

صوتي طلع منّي بدون وعي

لارا: إي ستغربت من وجوده سلّم وكعد أني حيل توترت وداخلي أفكار مليون شعنده جاي شنو يريده

بس ما تصدّكين. شنو كَال

نيران: شنو؟

لارا: كَال أريد أتقدملج

حسيت جسمي رجف، وعيوني اتوسعت

نيران: شنووو جاي تحجين صدك

لارا: إي صدك وحتى ما خلاني أحجي شي كَال فكّري وردّي وأني حتى لو ما توافقين غصبًا عليج أزوجج!

تخيلي هيج كال 

بقيت ساكتة صوتها يرج بعقلي 

أخذت نفس عميق ورجعت گلت

نيران: لارا هاي حياتچ وانتي لازم تقررين بس بصراحة وهب ماكو منه شاب واعي ومثقف وشخصيته حيل مرحة يعني مو مكتئب أو على طول معصب انتي افكري زين وخذي قرارچ

ظلت ساكتة حجيت وياها شوية بعدين سديت الموضوع بس بكلبي دعيت إن توافق لأن وهب فعلاً ماكو مثله

        

          

                

كمت ودخل للداخل شفت الأكبر بعده نايم رحت على كيف وكعدت فوك ظهره ولزمته من شعره وكعدته

فتح عيونه وكال بصوت مبحوح

:: شنو جاي تسوين نزلي نار

- من ربك

:: شنو؟ 

- من ربك

ضحك وكال

:: تخبلتي نيران وخررر راح أكسر ظهرچ تره

سحبته بقوة من شعره وعضيته من ركبته بكل ما عندي من قوة عيط من الوجع وسحبني ورماني عالجرباية گال وهو عاض شفته من الألم وأيده على ركبته

:: انتي جبيتيها لنفسچ نار

وصح خلاني أتوب عضني زور ركبتي صرخت ودفعته عني كمت وأني أبچي ولازمه ركبتي وهو رجع نفسه على الجرباية غطّى جسمه لحد بطنه، شغّل چگارة وكال ببرود

:: ليش تبچين مو انتي ردتي هيچ ناري

صرخت بوجهه

نيران: أسكت ولا تكولي ناري يا همجي شوف شسويت بيه

:: حتى تتوبين يوميّه تكعديني على شغلة طايح حظها شوكت تكبرين انتي

خزرته مسحت دموعي وطلعت من الغرفة بس قبل لا أروح رجعتله غميته وركضت شردت وراي سمعت صوته يعيّط

:: ناااارررر

ما اهتمّيت غسلت وجهي ورحت أسوي ريوگ

من بعدها بقينا ثلاث أيام وجانت أحلى أيام عشتها ويا الأكبر بس رجعنا بعدين لأن الأكبر ما يگدر يترك شغله أكثر من هيچ واني بالي يم أطفالي

رجعنا وجان يوم جمعة الأكبر نزلني وگال عندي شغلة دخلت للبيت شفت إلياس وإياس ولازان بالحديقة يلعبون بس من شافوني ركضوا عليه

ابتسمت وحضنتهم بقوة. كالت

لازان: نيران حيل مشتاقتلج

إلياس: شنو نيران كولي خاله ماما شوفيهم ليش هيچ يحچون

أياس: غير يسكت الفاهي يمه وين رجلج شو ماكو وياج

ضحكت على سوالفهم شلت لازان وبستها بقوة وگالت وهي تحضني

لازان: علوا كلبي نيران واحد فاهي والثاني مسوّدن

نيران: خلي يولون يروح نيران انتي

        

          

                

أخذتهم ودخلت للبيت شفت جيلان ولارا بالمطبخ يجهزن الغده جانوا مسويين دولمة

سلمت عليهم وحضنت جيلان بقوة گالت

جيلان: يروحي شلونها نفسيتج إن شاء الله تغيّرت وارتاحيتي

نيران: الحمد لله أحسن شويه راح أصعد أغير ملابسي وأجي أساعدكم

ابتسمت وهزت راسها باوعت على لارا، جانت شارده بتفكيرها أخذت نفس وصعدت والطفال راحوا يلعبون طوبة

غيرت ملابسي بسرعة ونزلت جوه، جان موبايل بيدي دزلي الأكبر مسج گال وهب راح يجي وياي 

ضميت الموبايل وسحبت حجابي لبسته على ونزلت

كعدت يم جيلان ولارا وساعدتهم بلفّ الدولمة الجو جان حلو

گلت وأني ألف بورك السلق

نيران: شلونه دوامج جيلان إن شاء الله مرتاحه

هزت راسها وكالت بابتسامة

جيلان: الحمد لله زين

لارا: آسفة عالتدخل بس سمعت لازان تحچي ويا أبوها وجانت تبچي تريده يجي هو ما يجي عليها شنو

سكتت جيلان شوي وكملت تلف الدولمة وكالت بنبرة هادئة

جيلان: لا يجي كل شهر مرة وقبل أسبوع جان هنا بس هي هالاسبوع كلش تتعلق بي وكل مرة من يروح تبقى تبچي 

سكت وبعدين همست

لارا: خطيه مبين تحبه حيل

ما گدرت ترد بس هزيت راسها بأيي گمت بهدوء أغسل إيدي بالمجلى درت وجهي على جيلان وگلت بهدوء

نيران: جيلان تعالي وياي للغرفه أريدج بشغله

هزّت راسها وگامت غسلت إيديها وباوعتلي لارا بس ماگالت شي رحنا للغرفة اللي تنام بيها گعدت على الجرباية وأني سديت الباب وگعدت مقابيلها على كرسي

گالت بهدوء

جيلان: گولي حبيبتي صاير شي

نيران: أريد أفهم شنو جاي يصير بحياتچ جيلان إذا بنتچ هيچ متعلقة بشيت وانتي چنتي زوجته وتحبينه ليش ما ترجعي له

گالت بجمود

جيلان: منو كال أحبّه لا ما أحبّه ولازان متعلقة بي لأن هو ربّاها وحيل يهتم بيها بس هذا السبب، أني وشيت مستحيل نرجع لبعض

        

          

                

بقيت ساكتة، وهي عيونها نملت دموع نزلت دموعها بكسرة من شفتها تبچي تخبلت، ورحت حضنتها بسرعة وهي حضنتني وكالت بصوت مخنوك

جيلان: نيران ما أگدر أنسى شنو سوا بيّه ما أنكر ساعدني وسندني بوقت كل الناس چانوا ضدي بس هم كسرني انتي بس تخيلي شعوري من يجي ويحچيلي عنچ شگد يحبچ ويتمنى تكونين إلَه ووصل وياه يسكر

تدرين نجلط من الصدمة من عرف إنچ حامل من الأكبر

حضنتها أكثر وهي تحچي بحركة وشهگة

جيلان: جان عنده صور لعيونچ چانت دوم موجودة وياه مخليها بملابسه شلون أرجعله وأني أعرف بي يحب أختي كسرني والله كسرني بوقت چنت عشقَه بس طلع ما يستاهل هالحب

ما حجيت شي وهي بقت تبچي بخنكة وبعدها گالت

جيلان: بس آني شنو أترجى من شخص طعن صديقه بظهره تحسين إني هسه أبچي لأن أحبّه

لا والله العظيم هسه آني مرتاحة بحياتي ما أريد شي من هالدنيا غير أشوفچ فرحانة إنتِ وبنتي لازان

ما حجيت شي حضنته أكثر والدموع ترست عيوني على حالتها رفعت راسي فجأة وانصدمت من شفت الأكبر واكف يم الباب مدنك راسه ويسمع كل كلمة چيلان حجتها. عروگ ركبته ناطه من العصبية

رفع راسه وباوع علي نظراته جمدتني بمكاني الخوف تسلل لكلبي وما كدرت أتحرك ولا هوه حچه كلمة دار وجهه وراح

كلبي وگع خفت يسوي شي خفت يصير شي هديت چيلان وهيه راحت للحمام تغسل وجهها طلعت من الغرفة بسرعة عيوني تدور علي بس ما شفته بالصالة

سمعت صوت لارا چانت واكفه يم باب المطبخ كالت بهدوء

لارا: صعد فوگ

بلعت ريگي وكلت

نيران: من شوكت إجا

ردت بهمس

لارا: من دخلتن للغرفة 

سكتت لحظة وكلت 

نيران: يعني سمع كلشي...

عضت شفتها وسكتت ما گدرت تجاوب لمحت وهب گاعد بالصالة وياه الأطفال يسولف وياهم بهدوء

ما انتظرت أكثر ركضت وصعدت فوگ ورا

فتحت الباب ودخلت شفته واكف يم الشباك وبإيده الجهاز يراسل. بلعت ريكي

لو جان أكو أمل ولو بنسبة واحد بالمية إن ترجع علاقتهم مثل قبل هسه راح بعد اللي سمعه

        

          

                

حتى أني بعدني ما مصدّگة باللي سمعته

سديت الباب رفع راسه وباوعلي بنظرة كلها نار وكال

:: روحي نار نزلي جوه

نيران: إسمعني أول شي...

:: كتلج نزلييي جوه ما تفهَميييين إنتيي

ما حجيت ولا حتى تحركت، بقيت واكفة بمكاني

بعدين تقربت منه، وكلت

نيران: هسه إنت ليش معصّب إهدأ وتعال نزل جوه يم وهب عيب كاعد وحده

ما كال شي ظل يراسل واصبعه يتحرك بسرعة ما فهمت ويّ منو يحچي

ماحچيت، تركته ونزلت جوه رحت كعدت بالصالة سلمت على وهب وكعدت. كال

وهب: وين الأكبر وشوكت تصبّون غده راح أموت من الجوع

نيران: هسه بس خلي يستوي الأكل والأكبر هسه ينزل

سألني بنبرة هادية

وهب: وين الآرا شنو رأيها بيّه موافقة لو لا

نيران: إنت شبيك ما تستحي حتى لو هي موافقة أني مو موافقة عليك نسيت نبأ؟ وين راحت

أشرلي بإصبعه وكال بصوت واطي

وهب: الله يغضب عليچ اسكتي لاتسمع وبعد كل ما تشوفني تتفل بوجهي مو أني خال جهالج؟ قنعيها عليج العباس

ابتسمت وگلت

نيران: تدلل عليه لاتخاف

وهب: والله كفو مرت أخويه الذيبة

ابتسمت وبقيت كاعدة وهو عينه ما فاركت المطبخ يريد يشوف لارا صبّينا الغده، وگلت لإياس

نيران: صيح الأكبر خلي ينزل يتغده

وفعلاً بعد شوي نزل هو وإياه كعدنا كلنا ناكل سوه وعيوني على وهب أشوفه شلون راح ياكل لارا بنظراته.

ندسني إياس بهمس وكال

أياس: راح گول لبابا عليچ وين جاي دحجين

ضربته على إيده وگلت بحدة

نيران: انجب واكل

رفعت عيوني على الأكبر شفته ما ياكل وجهه متغير أحمر من العصبية، وكل شوي توصله رسالة

آخر شي أخذ الجهاز وطلع برا يخابر وهو يعيّط بس ما فهمت شي من كلامه

راح وهب وجيلان هم أخذت لازان وراحت وصلها الحارس ولارا دخلت غرفتها وإلياس وإياس صعدوا لغرفتهم

        

          

                

أخذت نفس عميق وصعدت أني همّ للغرفة تمددت على الجرباية وبقيت أنتظر الأكبر ما أعرف بعدها شوكت نمت

ما كعدت إلا بالليل من التعب باوعت على مكان الأكبر لكيته فارغ شكله حتى ما دخل الغرفة أخذت نفس ورحت غسلت وجهي ونزلت جوّه

لكيته كاعد بالصالة وإلياس وإياس كاعدين يمه

ابتسمت ورحت كعدت يمهم إجه إلياس حضني وكال

إلياس: چنا نحچي وياه بابا شوكت تجي أختنه للدنيا حيل متحمّس أريد أبوسها

إياس: صدگ صخر شلون صارت اختنه

إلياس: إي بابا صدگ شلون صارت

عضّيت شفتّي وباوعت على الأكبر الي جان محتار شي يجاوب كال إياس وهو مستغرب

إياس: شبيكم

كلت ببتسامة

نيران: ما بينه شي حبيبي أختكم صارت لأن أبوكم باسني من خدّي بوسه قوية 

ضحك إلياس وكال

إلياس : صدگ ماما شكد عيب

كالها وضام نفسه بحضني، أما إياس فبعده مو مقتنع رفعت أنظراتي على الأكبر شفته رافع حاجبه الي 

:: ابنچ كوا* وأنتي هم مثله

نيران: صدك صخر وين جنت 

اخذت نفس وكال

:: ناني جانت مريضه رحت أتطمنت عليها وعلى بنات أخاف محتاجات شي ورجعت 

هزيت راسي وسكتت من مات ماجد وهو يوميه يروح يتطمن عليهن وكلشي يحتاجنه يجيبه الهن حتى ماايحسن نفسهن بدون سند

بقينا كاعدين ونحچي وياهم ولارا جانت بغرفتها

فجأة سمعنا صوت الباب يندك

استغربت باوعت على الأكبر وكلت بهمس

نيران: منو يجي بهالوقت منتظر أحد إنت

هز راسه بـ لا وكال

:: لا هسه أشوف

كالها وراح يفتحه ما تحملت كمت وراه ولما فتح الباب نصدمت جان جسّار واكف شكله متغير وحيل تعبان لحيته بيضة وطويلة.

ابتسم الأكبر بكل برود وكال

:: منو منورنه اليوم جسّار

باوعله جسّار وباوعلي وجانت عيونه بيها هواي كلام كال بهدوء

        

          

                

جسار: السلام عليكم

ردّينا علي دخل شاف إياس والياس كاعدين على الكرويته سأل بنبرة خفيفة

جسار: ذوله أطفالكم

رديت علي الأكبر 

:: لا جبناهم من السوك

ضحك بخفة وهو يباوع علي

جسار: بعدك نفس الطبع الكل يتغير اله أنت صخر

أخذ نفس وكال

جسار: آني جاي حتى أعتذر منكم على كلشي صار وسويته قبل أدري هواي آذيتكم وبالأخص إنت صخر

الأكبر ما حجى شي ظل ساكت شَرلي على الأطفال شكله يريد يحچي وياه وحدهم. أخدتهم وصعدت فوك

غطّيتهم وبقيت واكفة أريد أعرف شنو يسوي جاي ممرتاحه 

إياس: منو هاذه يمّه شو ما أعرفه

: آهاا

إياس: شبيچ يمّه

إلياس: شكد تحچي أكيد هذا صديق بابا 

إياس: انجب انت حوّل؟ مو تشوفه شايب؟

نيران: اسكتوا اثنينكم ويلا ناموا، تعبتوني

مدلي الياس إيده وكال بنعس

إلياس: ماما تعالي نامي يمّي مشتاقلج

ماگدرت أرفضله طلب رحت تمددت يمّه وحضنته على صدري إياس هز إيده وكال 

إياس: بعد ما تريد تسويلك ممه أمداك صير رجال مثلي

ألياس: اسكت إنت السود

أياس: تروحلي فدوه الأبيض الفاهي أبو دمعة

إلياس: ماما شوفي شلون يحچي عليه جاي يقهرنيي

نيران: إياس عوف أخوك أحسن ما أكوم ألزمك وأعضك وأطلع قهر گلبي بيك

هز إيده ودار وجهه وكال وهو متحسر

إياس: عايلة مسوّدنه

نومتهم وما أدري شلون غفلت وياهم ونمت

بس حسّيت بحركة خفيفة چنت دا أتحرك ولگيت نفسي بحضن الأكبر يشيلني بهدوء

فتحت عيوني شوي شفت وجهه قريب

ضمني أكثر دخلني لغرفتنه حطني عالجرباية وحضني بقوة

        

          

                

همست وأني شبه نايمة

نيران: راح جسّار شنو جان يريد منك شو ممرتاحه 

:: لو مخليّج نايمة أحسن

نيران: احچي صخر...

مسح شعري بأطراف أصابعه وكال بهدوء

:: ما يريد شي بس إجه يعتذر وهاي هيه

وجان بينا شوية حچي وخلص كلشي انتهى لاتشغلين بالج وتفكرين نامي نيران حيل تعبان

ما گدرت أرد حضنته بقوة وغمضت عيوني

ونمت واني مرتاحة كلشي بدا يهدأ جوّه كلبي

مرّت الأيام وواجه وهب وتقدّم للارا وبعد تفكير طويل وافقت فرحت لهم حيل وحسّيت بسعادة لارا تستاهل كل خير

ماگدرنا نسوي عرس جبير، فسوينا عرس بسيط بيناتنا بيوم العرس گعدنا من وقت وجهّزوا كلشي رحت ويا لارا للصالون وجيلان هم إجت وهدوء

لبسنا فساتين مخصصة للمحجبات اني وجيلان وطلعنا كلش حلوات صارت الزفة وإجا الأكبر، وصعدت وياه بالسيارة، وجيلان گالت أروح ويا هدوء 

باوعت على الأكبر شفته طالع حيل حلو، لابس رسمي بدون ستره ولابس نظارات باوعت على إلياس لابس قاط أسود مثل الأكبر وإياس لابس دشداشة 

فتحت عيوني وگلت

نيران: هاي شنو لابس غير تلبس مثل أخوك

رد عليّ مستغرب

إياس: شنو من كل عقلج ألبس مثله 

الأكبر كال بعصبية

:: هاذه إبنج إذا ما أموتَه على إيدي

سألت بخوف

نيران: ليش شنو صاير ما دا أفهم مو جهزت ملابسهم قبل لا أروح

:: أُنعل شرفج وشرف إبنج إذا عند عند طبعاً منو أمه اله يريد يلبس دشداشة أبن الجلب

إياس: ما أردّ عليك، لأن إنتَ أبوي

:: أُنعل هذاك اليوم إللي فكرت بي تقرّب على أمك وتصير إنت حيوان

باوعله صفح ورجع يباوع من الجامة كأنه ما همه شي ما دري أضحك لو أبچي باوع إلي إلياس وگال

:- شدعوة طالعة هيچ حلوة ماما

ضحكت وگلت له

نيران: يروح أمك يعني عجبتك

هز راسه وحضنني سحبته وكعدته بحضني باوعلي الأكبر وكال

:: مو گأن مخليّة هواي مكياج

هزّيت راسي بـ"لا" وگلت

نيران: لا بس شو ماحجيت طالعة محلوّة 

عض شفته وكال بصوت خافت

:: من نرجع أجاوبچ 

ضحكت بهدوء ومن بعدها خلص العرس بخير وسلامة رجعنا للبيت وحيل افتقدتها من أول ما دخلت

رحت قبل كلشي على غرفتها وكعدت أبچي إجا الأكبر وراي، يحاول يهديني

حضنته من ركبته وگلت بصوت مخنوك

نيران: ليش تزوجت وتركتني عليشش خليتهاا توافق كله من وراي

:: شنو تبقى يمج لعد غير هاي سنة الحياة بعد أششش كافي تبچين يروحي دموعچ تيزاب ينزل على گلبي

بقيت ساكتة بس الشهگة تطلع مني

گومني بهدوء، ورحت غسلت وجهي

وصعدنه فوك غيرت ملابسي ورحت نمت بحضنه حضني وكال

:: چنتي تموتين اليوم

گلت واني مبتسمة

نيران: صدگ

رد وهو يباوعلي بعيونه الي تذوب القلب

:: وداعت ذن عيونچ الي ما أخذت روحي

ابتسمت حضنته بقوة تمشي الأيام وما أگدر أگول غير إنو ماكو أحلى من حياتنا سوا صح ما تخلى من المشاكل

بس عسل على كلبي جيلان لارا وهدوءَ أحلى شي بحياتي هنه كل يوم أدعي ربي يوفقنا ويسعدنا لأن تعبانه هواي بحياتنه بس هسه نستاهل نعيش فرح حقيقي

................................