رواية غرام و انتقام الفصل التاسع 9 - بقلم مروة البطراوي

كانت تعتبره حارسا لها و لكن نظراته بدت كالأفعي. نظرات لم تعتادها من ذي قبل.هذا الذي كان يتمني أن يطلب ود شقيقتها يوما ما.و لكنه بدا الأن كالمشعوذ الذي يريد قتلها.و مع ذلك كان كالحزين. و الفيصل في تغييره هو معرفته بما حدث في شقيقتها و تركها و الاستهزاء به.

صباح يوم جديد ذهب فيه الي الجامعه و لم يجدها مثل ما صدق حدسه . وجد من يربت علي ظهره

-ما تقلقش يا دكتور هادي كلها يومين و تنسي و ترجع تاني. ملك معندهاش امكانيات تحول جامعه تانيه. كمان مش هضيع مستقبلها علشان موقف.

#غرام وانتقام

#مورو البطراوي

#موكا سحر الروايات

التفت اليه هادي

-يعني انت مفكر اني مش عارف كل اللي بتقوله ده. بالعكس أنا عارفه كويس و متأكد انها هترجع. بس أنا مش عايزها ترجع و بس أنا عايز ملك نفسها بروحها.

عض شاهر علي شفتيه بحيرة

-في حل واحد انك بلاش تضغط عليها في الفترة دي و تسيبها علي راحتها.أكيد مع الأيام كل هيتنسي و هيداوى. انما المحاصرة هتخليها تشك أكتر.

اندهش هادي قائلا

-مين اللي بيتكلم؟ شاهر1 كان فين العقل ده و انت بتنفذ خطط نادرة كلها؟ سبحان مغير الأحوال. كان نفسي شخص تاني يتغير زيك بس للأسف ما حصلش.

قطب شاهر جبينه لا يعلم عن من يتحدث هادي هنا انتبه هادي الي استغرابه فعدل عن حديثه

-هو انت مش وراك محاضرات و لا هنتصاحب و نقعد نحكي. أصل الموضوع مش مستاهل يا شاهر كل شويه تنط ليا و لا كأنك صاحبي,

هاتفته والدته بعد خروج شاهر قائله

-الست صاحبه البيت بلغتني انها خرجت و أخذت كتبها و هي نازله. ربنا يهديها يا ابني و تكون رايحه الجامعه. علشان خاطرى بلاش تضغط عليها.

زفر هادي

-و بعدين يعني يا أمي في ملك دي؟هو انت مش عرفتيها ان مفيش بيني و بين نادرة حاجه. أنا بجد طاقتي نفذت مكنتش متوقع منها الدلع ده.

تنهدت غاليه

-ملاك و اللي عملته زمان هز ملك من جوه و اللي حصل من ابن عمك الله يسامحه بقي. كمان ارتباطها بيك ممكن يرجع سفيان تاني و أكيد هي خايفه.

عقد هادي ما بين حاجبيه وهو ينظر الي نافذه مكتبه حيث شاهد دلوفها الجامعه و هي ترتدي لولا أخر و ليس بالأسود

-فعلا هي خايفه بدليل جت بألوان الجامعه أهو و ماشيه و فارده شعرها و بتدلع و لا كأن في حاجه. العمليه بقت صعبه أوى يا أمي. شكلي هتعب .

انتفضت غاليه

-لا بالله عليك افهم. اللي بيحصل ده لصالحك . هي شكلها بتغير ألوان حياتها علشانك مش علشان تستفزك. اهدي كده و اتعامل معاها عادي.

أثناء مهاتفته لوالدته اختفت من محياه و لكن مما أثار استغرابه هو دلوفها اليه بدون استئذان فاستدار علي صوتها قائله

-في امكان اننا نتكلم مع بعض شويه يا دكتور هادي اذا عندك وقت و خلصت تليفونك بلغني أنا مستنيه حضرتك بره عن اذنك و أسفه علي دخولي بدون استئذان.

و أوقفها باشارة منه و أغلق الهاتف و وضعه في جيب بنطاله قائلا

-أنا خلصت خلاص كنت بكلم حماتك و بتسلم عليكي كتير و بتقولك وحشتيها رغم انها كانت عندك امبارح امتي بقي تيجي عندنا و تونسيها؟

ارتبكت ملك و توترت قائله

-أصل أنا كنت مفكرة اانك بتكلم والده نادرة باعتبارها منهارة من امبارح. عموما أنا كمان حماتي و حشتني جدا و قريبا هكون معاها و هونسها.

اتسعت حدقه عينيه بذهول علي تغير رأيها

-أنا قومت لنادرة محامي خبرة . يعني أكيد قريب هتطلع منها. و بعد كده شفتلها شغل بره البلد علشان محدش يزعجنا و برضه اللي بتفكرى فيه بره البلد.

هزت ملك رأسها

-أيوه عارفه. بس لسه بيبعت رسايل علي موبايل ملاك. ببقي كل مرة نفسي أقوله انها ماتت بس هيسأل أنا مين لأن عندي نفس بحة صوتها.

عقد هادي ما بين حاجبيه و هو ينظر اليها قائلا

-ده اسمه ايه ده. أول مرة يورد عليا تؤأم بالشكل ده. و يا ترى بقي انتي هتجبيلنا تؤام كده و لا ايه...استني كده تقارير حمل ملاك أثبتت انها كانت حامل في تؤام.

جحظت ملك بعينيها

-هااااا...بتقول ايه تؤام ازاي و أنا ما أعرفش.. ولا هي كالعاده عملته سر.. طب افرض كانت ولدت كانت عتعمل ايه في الغربه بالاتنين.

هنا تذكرت اصرار عبد الغفور

-علشان كده الراجل الشايب العايب كان عايز يتجوزها. قالك أنا كبرت في السن و مش اتجوزت . اهي جوازة ببلاش و أحقق حلمي بعيلين.

هز هادي رأسه متفهما لحالتها المثيرة

-تمام واضح ان مهما حد هيعمل قدامك خير هتفهمي غلط و هتفضل الشكوك ماسكاكي أن الكل بيبقي له غرض دنئ. بس الحق مش عليكي.

و استطرد وهو يقترب منها مواجها لوجهها قائلا بحده

-عارفه الحق علي مين؟ عليا أنا اللي عمال أسايس و أدادي من ساعه ما عرفتي الحقيقه. بس اسمعي بعد كده مفيش طبطبه كله بحساب و بالغصب.

يعلم جيدا،هو لن يكرر خطأ والده مع والدته معها،لذا ما لبث أن رأي تبدل وجهها خوفا منه حتي سألها بمرواغه لطيفه

-مش انتي كنتي عاوزة يبقي يكون عندك أم زى بقية البنات؟

أومأت برأسها و اللمعه عادت لعيونها العسليه التي كانت تفرقها عن عين تؤامتها الخضراء و لكن دوما ما كانت ترتدي عدسات خضراء لتكون شبيهه طبق الأصل لها،فوجد نفسه يعانقها من شده جمال تلك اللمعه و تأثره بها، وهو يسألها سؤالا أخر

-دي هتبقي أمك. بزمتك مش نفسك في أب بالمرة و يكون شبيه ليا و يكون حامي ليكي و يدافع عنك و يشد علي ايدك ؟تحدثت ملك بينها و بين نفسها من خلف ظهره

-يادي الحضن اللي جه علي غفله نساني كل اللي حصل. أنا خلاص بنهار من كل مطاردتك ليا و مش قادرة أبعد عنك يوم واحد. الرحمه يارب.

-هادي الخارق

نطقتها ملك بتلقائيه كعادتها،فأخرجها من أحضانه و أخذ بيدها و أجلسها علي الأريكه و جلس بجوارها مربتا علي خصلاتها،وقتما انطلقت شريفه لتهاتف غاليه لتخبرها غاليه أن سيكون كل شئ علي ما يرام و لن تكون ملك بعيده عنه بعد اليوم،و لا داعي للقلق عليها أن يخطر ببالها السفر من جديد.

هكذا تسير الأمور،هكذا تسيرها و تفرض عليها منذ قدومها من الغربه ذاك النمط، لا يريد أن تعنيها أعباء الحياه،ليس عليها الا أن تعيش بسلام،و تترك العناء لأهله فهي ليست أهله.

في مكتبه و بعد خروجها لاداء محاضرتها هاتف المدعوة شريفه صاحبه المنزل قائلا

-الشقه ترجع لازم تلاقي سكان غيرها. عارف ان الأمر صعب عليكي و انتي بتعتبريها بنتك و كان نفسك تخرج من عندك عروسه بس صعب.

ردت شريفه

-أيوة معاك حق صعب. خصوصا بعد ما شفت بعيني بصات الواد ليها. بعد ما كان أكتر واحد بيفرق بينهم. بقت هي عنده أختها. ومصر علي كده.

ما ان استمع الي هذا الموقف و تخيله حتي رد عليها بحده

-طب مستنيه ايه ؟ لما الفاس تقع في الراس و نقول ياريت اللي جرى ما كان. أنا طبعا مش عايز أخليها تحس ان بغصب عليها بس مش قدامي بديل.

ثم أردف قائلا

-ده ابنك يا ست شريفه و انتي مش بس بتأذيها . انتي بتأذيها هو كمان. زى زمان لما كنتي معيشاه علي أمل ان ملاك له و النتيجه ايه. ضاع منك.

كادت أن ترد عليه لولا دلوف ولدها نادر و انتزاع منها الهاتف

-و انت مالك بينا و لا بيه يا جدع انت. أنا غلطان اني ما قطعتش رجلك يوم دخولك الحارة. أنا عارف انها مش ملاك. بس ربنا عوض عليا بيها.

زفر هادي بحنق

-لا يا نادر انتي أضعف من تفكيرك ده. عارف ليه لأني ببساطه ممكن أسجنك باللي انت بتعمله أخر الليل و ساعتها لا هيهمني أبوك و لا أمك

و حينما وصل هادي الي مبتغاه في تخويف نادر... وجه حديثه الي شريفه قائلا

-أنا مش عايز أتصرف تصرف وحش معاكي و لا مع الراجل الطيب. ابنك زى ما دافعتي عنه زمان عارف انك عايزة تعمليله اللي نفسه فيه بس دلوقتي صعب.

هزت شريفه رأسها باستكانه

-لما تيجي هتلاقي تحت شنطة هدومها و مش هتلاقي ليها مكان وسطينا. أنا عملت زى ما طلبت بالظبط . بس دي أمانه عندك يا دكتور هادي.

#غرام و انتقام

#مورو البطراوي

#موكا سحر الروايات

كانت تريد أن يتزوجها و تصبح طليقته،كيف هذا و هو لم يكن يطيقها منذ أن راها و لكن بلحظة استجاب لها بكامل ارادته. ابتسم ابتسامه استهزاء و هو يفكر...هو الذي كان يحتقرها كثيرا لظنه في نيتها جيدا و الذي أكد له ذلك عندما أتت الي قصر جده و قصت عليه ما حدث منهو ربط ذلك بنظراته ا القديمه له، الأن يجدها لا تختلف كثيراعن أي أنثي، بل أصبحت أسوء..فهي الأن أصبحت خائنه، هي لم تتعد خيانتها لنفسها فقط بل أسقطت خيانتها و عاشت علي أهوائها تتصيد أخر بالمجمل العام أصبحت و قحه،بينما هو فعل الأسوء خان غيرها.

#

غرام و انتقام

#مورو البطراوي

#موكا سحر الروايات

تلك التي كانت تعشقه أيام الجامعه و سلمت له نفسها قبل السفر و لكنه استباح ذلك تعويضا عن رفضها له من ذي قبل. ها هو الأن يفكر في الاثنان و كأنهم كانوا بفكرون به ليجد صديقته تتصل به،نظر الي الهاتف في فزع و قطب جبينه لما دائما عندما يتذكرها يجدها تهاتفه و الأخرى لا رغم انه يهاتف الأخرى و يبعث لها رسائل من هاتفه و لا تستجيب له، هل لم يروادها في أحلامها مثل صديقته أم ماذا؟

-سفيان أنا حامل منك، و خالد مش بيقرب مني بقاله فترة. الدكتور رافض يعملي اجهاض لو عملت ممكن أموت فيها. أرجوك أنا هطلق و ارجعلي.

#

غرام و انتقام

#مورو البطراوي

#موكا سحر الروايات

اكتشفت الحقيقه بعد خداعها من خالد أنها لم تنجب بعمرها لأنها عقيمه، و لكن لعلها تكون سببا في بداية لين لصلابته لا تعلم أنه صخرا صلدا لا يرق أبدا،قام برفضها و رفض حملها مثل ما افتعل مع ملاك لتذهب الي نفس المكان الذي لجأت اليه ملاك.أمام بوابة المكان المنشود صفت سيارتها، و ترجلت تخفي و جهها بنظارة سوداء قاتمه حتي لا تظهر معالم وجهها،ثم بخظوات متأنيه وصلت قرب بابه سمعت عندها صوته،فثبتت و تجمد الثمن، وعطرها الأثير وصله فالتفت اليها جاحظا بعينيه، مرت الدقيقه بينهم كالساعه،حتي وقف و تعمد أن يمد يده ليصافحها بنظرات متحديه منه مقابلة منها بنظرات يائسه استبط منها أنها أصبحت أميرة ضعيفه فقدت السيطرة علي كل شئ تمتلكه و أصبح حالها مرزيا و تعمها الفوضي

#

غرام و انتقام

#مورو البطراوي

#موكا سحر الروايات

تحاملت علي نفسها و هي تقص عليه الأمر برمته لعله ينجيها مما فعله بها سفيان. من من طلبت العون من الذي أحبها يوما باخلاص و تركته و ذهبت الي ابن عمه و تلاعب بها و تركتهم الاثنين و ذهبت الي الأخر و لم تنعم بالحب المنشود و ما ان اقتنصته من سفيان دمرت خلايا عقلها و جسدها بأن واحد. بعد ما سرد لهادي كل شئ رد عليها بلا مبالاه قائلا

-خليه ينزل مصر و يتجوزك لو قدرتي. انتي مش أول حاله سفيان يعمل فيها كده. الفرق ان كلهم كانوا عذرى انتي بقي كان لازم يعمل معاكي كده و عملها.

علي الجانب الأخر توعد نادر لهادي ألا يتهني بملك دقيقه واحده و هاتف سفيان حيث أن سفيان استطاع الوصول اليه و لكن الأدهي من ذلك أن نادر لم يسرد حقيقه أمر ملك و ملاك بل طاوع سفيان في تفكيره حتي يغتنم ملك عوضا عن ملاك

-دا شرفها بقي علي كل لسان يا سفيان بيه. خصوصا بعد ما سقطت العيل اللي في بطنها.دلوقتي بقت براحتها بتخرج و بتدخل و بتجيب فلوس.

ابتسم سفيان بشماته

-خير خير خير علشان بس محدش يقولي دي بنت مسكينه و انت اعتديت عليها. عموما يا نادر يا حبيبي انت فلت. كان فاتك دلوقتي لابس.

رد عليه نادر

-و الله ما كنت هسكت . كنت هقتلها و أشرب من دمها و أشرب الناس قهوة ساده علي روحها. بقولك ايه يا سفيان بيه ما تنزل تاخدها أو تبعت تجيبها.

مط سفيان شفتيه

-كنت هنزل فعلا و أبدأ معاها من جديد متعرفش ليه يا نادر أنا برتاح معها هي بالذات. بس للأسف بقي نزول الأيام دي هيعمل مشكله كبيرة.

نظر نادر في الفراغ بتفكير و اعتقد أن المشكله تكمن في وقوعها في الوسط الشعبي فأوضح له

-لااا. متقلقش. مش الهانم هتسيب الحارة و تروح تسكن في منطقه عيليوى. و لو حابب أقولك فين أبلغك فورا. أصل شكلها اتلمت علي واحد ابن ناس.

عقد سفيان ما بين حاجبيه

-طب اعرفلي هتروح فين بالظبط و مين الراجل ده. علشان أبقي عامل حساب لكل خطواتي. أه و كله بتمنه يا نادر أنا عارف ان أبوك منشفها عليك.

رد عليه نادر بحزن مصطنع

-أيوه يا دكتور سفيان. أصله مصر يجوزني للبت بنت أخوه من البلد. و أنا مش طايقها. منك لله يا ملاك انتي السبب في اللي أنا فيه دلوقتي.

ما ان ذكر اسمها تراجع سفيان بذاكرته ليستعيد شكلها قائلا

-يا ترى شكلها بقي ايه دلوقتي يا نادر. لسه حلوة و لا اتبهدلت بعد اللي حصل فيها. و لا يمكن الهانم احلوت بعد ما اتعرفت علي الضيف الجديد.

قام نادر ببخ السم

-الحقيه يا دكتور سفيان هي احلوت أوى. و لبست و اتبغددت . و لا عاد بيهمها كلمه علي شرفها و لا حاجه. اللي زى دي محتاجك تيجي تلمها.

ابتسم سفيان بخبث

-طب ما أنا بقولك أهو همتك معايا. اعرفلي مكانها الجديد و مين الراجل اللي عايشه معاه ده حتي لو اتجوزها. هي كده كده مش فارقه. غيرها كان مجوز و معايا.

قطب نادر جبينه بمعني أنها لم تكن الضحيه الوحيده لسفيان

-ثواني كده يا دكتور. مش حضرتك بتقول انها هي اللي غوتك و قالتلك أنا عايز أبعد عن نادر و عن الحارة. أومال مين دول اللي كانوا معاك؟

و استطرد قائلا

-هي ملاك كانت متجوزة. يا بنت الكل************ بقي تتجوزى و تدورى علي حل شعرك و تثبتي فيا و كل ده و هسكت لازم أخد حقي.

ذهل سفيان من الفهم الخاطئ لنادر و مع ذلك كان في صالحه

-يا نادر يا حبيبي. دي ممرضه يعني تعرف كويس في عمليات الترقيع. و كان ممكن بعد ما تخلص معايا و مع جوزها اللي يمكن يكون هو اللي هتعيش معاه دلوقتي كانت تجيلك كيوم ولدتها أمها.

انتهت المكالمه و ما زال نادر مذهولا لما عرفه و ظل ينظر الي الفراغ في صمت عرض أقل