رواية اشتغاله الفصل التاسع 9 - بقلم ليل أدم
مساء الخير للجميع 💐🤍
الجزء التاسع من رواية ❤️❤️
(❤️أشتغاله ❤️)
ومع دخول الليل كانت فاقت ريهام لقيت زين قصاد عينيها ومعاه حد
ريهام : زين مين ده
زين : دا ياستي جوده صديق عمري
جوده : ازيك يا ريهام
ريهام: الحمد لله
زين : ياله قومي البسي علشان رايحين مشوار
ريهام: فين
زين : رايحين نطلب ايد اسماء ل جوده
ريهام: يعني اي
زين : قومي البسي و هقولك كل حاجه في الطريق
ريهام: مش هعرف
زين : جوده انده حد من التمريض وخليك بره معلش شويه
جوده: حاضر يا زين
بعد انتهاء ريهام من تغير الملابس
زين : ياله
ريهام: زين فين
زين : في الدولاب استني اجيبها لك
ريهام: حاضر
زين : أتفضلي ياستي زين اهو
ريهام: شكرا
زين : ياله بينا ( وخرج زين وخد معاه جوده في العربيه وراح على منزل اسماء وبالصدفة كان في عريس طالع بيت أسماء)
زين : هو انت مش قولت يابني أن الراجل مستني
جوده : أنا كدبت عليك بصراحه يا زين هيا اسماء اللي مستنياني إنما أبوها رفض اني اجي
زين : مليش دعوه ب أبوه البت نفسها عايزك
جوده : اه والله يا زين
زين : يبقا ياله نطلع
وطلع زين وريهام و معاهم جوده
والد اسماء افتكر أن زين وريهام من ضمن أهل العريس رجب بيهم و أول ما شاف جوده طلب منه الخروج
زين : يا عم الحج بعد اذنك سيب الراجل يدخل الراجل خاطب بنتك اربع سنين وبنتك بتحبه وهو بيحب البت انت كده بتظلم الراجل اللي قاعد ده علشان بنتك لا بتحبه ولا هتحبه
العريس : ياله يا جماعه نمشي أنا آسف على اللي حصل ده
الأب: يا نادر اقعد بس دا موضوع قديم و انتها
زين : لا والله يا استاذ نادر اسماء بتحب الواد ده لحد الوقتي وقاعده جوه مستنيا ولو كلامي غلط خليه يدخل يجيب اسماء تقول اني كداب
نادر : وأنا ليه اعمل كل ده ياله يا ماما
زين : ياله يا مامي معلش حقك علينا اقعد يا خال
الأب: الله يخربيتك انت وهو دا عريس لقطه راجل مقتدر هيريح بنتي
زين : انت خصك الفلوس ولا راحت بنتك ياحج
الأب: الاتنين
زين : الاتنين اجازه يا حج اقعد
ريهام: (بتضحك جامد ) صح صح يا زين الاتنين اجازه
زين : اه طبعاً طب وحيات الضحكه الحلوه دي ل الشركه كلها تاخد اجازه يوم الاتنين اي رايك بقا
ريهام: مش عارفه
الأب: اطلعوا بره
زين : اهدا ياحج خلينا نتكلم انت مشكلتك مع الواد جوده اي
الأب: مفيش مشاكل محترم وراجل جدع بس فقير
زين : هو مش كفايه عندك أنه محترم وراجل هو الفقر بقا مرض جلدي يعني ولا اي
الأب: هيأكل البنت جدعنه
زين : لا هيحمي بنتك بالرجوله ع العموم الراجل ده جاهز من الوقتي انت جاهز
الاب: يعني جاهز جاهز اذاي أن شاء الله
زين : زاي الناس بقا ياحج انت جاهز
الأب: لا لسه طبعاً
زين : لا جاهز
الأب: هو عافيه
زين : ياعم اهدا علينا اسماء فين
الأب: اسماء انتي يابت
اسماء: نعم يا بابا
الأب: تعالي لما نشوف في اي
اسماء: اي ده لا مش ممكن هو ده
زين : أنا زين يا هبله تعالي اترزعي جمب الصايع بتاعك
اسماء: أنا مش مصدقه نفسي انك عرفتنا تاني بعد اللي بقيت في
زين : ياله اللي حصل بقا أنا لو عليا عايز اجمعكم احطكم تحت العربيه
الأب: مين ده يا اسماء
زين : لا بعدين بقا قولي للحج ناقصك اي علشان ننجز الليله دي
اسماء: حجات بسيطه
زين : ١٠٠ ألف يعني ولا اكتر
اسماء: اي هو ده ١٠٠ الف اي هما ٨ تلاف جنيه
زين : لا دا شيك ب ١٠٠ ألف بكره الصبح تروحي تصرفي ودلعي نفسك انتي و الواد جوده وانت ياصايع بكره تكون بتخلص في الشقه اخر الاسبوع احضر الفرح فاهم
جوده : طبعاً فاهم ابوسك ياجدع
زين : كفايه بوس يا بعيد كتك وجع في بطنك
ريهام:(بتعمل زاي جوده و بتبوس زين )
زين : قلب بابا من جوه شايف البوس شكله اي يا بعيد
الأب: هو اي اصله ده مين اللي عمال يفرق فلوس ده يابت
زين : لا مع نفسك بقا ياحج سلام انا جوده بكره تكون في الشركه تستلم شغلك وانتي يا اسماء لو عايزه تنزلي الشركه مفتوحه وانت ياحج
الأب: نعم اروح أنا كمان الشركه
زين : لا بس طول بالك مع الواد شويه من ساعه ل ساعه يأتي الله بالفرج سلام ياعم (وخد زين ريهام ونزل على العربية)
ريهام: هنروح فين
زين : اي رايك انتي حبه نروح فين
ريهام: مش عارفه
زين : بتحبي الملاهي
ريهام: حلوه
زين : والله ل أنا وخدك الملاهي اركبي ( وخد فعلا زين ريهام الي الملاهي )
زين : الو
ياسمين: مستر زين عندي خبر حلو ليك
زين. : ياريت قولي
ياسمين: جبتلك رقم السكرتيرة بتاعت استاذه ريهام عبد الحافظ مش بس كده حددت معاها ميعاد كمان ساعه تحب تتقابل بيها فين
زين : لا منا في الملاهي
ياسمين: نعم
زين : اقصد ظبطي مع مع محمد السواق يجبها مكان ما جاب جوده و الورق
ياسمين: تمام مفيش مانع بعد ساعه هتكون عند حضرتك
زين : تمام
ريهام: لا خايفه اركب دي
زين : حقك بصراحه انا نفسي خايف
ريهام: الله عربيه
زين : تعالي
ريهام: لا في ناس كتير اخاف أنا
زين : بس كده لحظه واحده (ودخل على السؤال)
مدير الملاهي: مستر زين منور والله لو كنت قولت كنا فرشنا الأرض ورد ل حضرتك
زين : ربنا يخليك يا استاذ
مدير الملاهي: محروس يا فندم
زين : حبيبي يا استاذ محروس أنا بس ليا عندك طلب
مدير الملاهي: تحت امرك
زين: كان في لعبه بتاعت العربيات اعتبرها النهارده محجوزه اليوم كله
مدير الملاهي: تحت امرك يا زين بيه
وفعلاً أتقفلت اللعبه على زين و ريهام وسط هزار وضحك ريهام وزين بصوت مرتفع جدا
زين : ( فرحتي بضحكه ريهام اكبر من فرحتي بأي حاجة حصلت معايا في حياتي رجعت طفل من جديد علشان اعرف ريهام بتفكر في اي كنت مبسوط جدا جدا وريهام كانت فرحانه بشكل غير عادي لدرجه انها لأول مرة تكون الناس مركزه معانا ومسمعش منها كلمه خايفه ولا عايزه امشي استمر الضحك واللعب لحد ما تليفوني رن وكان عم محمد حب يعرفني أن نيڤين معاه و وصل بيها المصحه خدت ريهام بهدوء لأنها كانت حبه تكمل لعب بس وعدتها أن بكره هنيجي نلعب لوحدنا برضوه
ريهام: مبسوطه اوي اوي يا زين
زين : أنا ولا العروسه
ريهام : انتوا الاتنين
زين : وأنا كمان مبسوط ياله اركبي
ريهام: (أترمت في حضن زين بدون سابق إنذار)
زين : (ضم ريهام) مكنتش اعرف ان النهارده هيكون يوم مميز ليكي اوي كده بس على العموم أنا عرفت اي اللي بيفرحك وكل يوم نلعب سوا بعد كده موافقة
ريهام: موفقه
زين : ياله اركبي العربية
ريهام: حاضر
ورجع زين على المصحه مع ريهام لملاقاة نيڤين
بعد الوصول
نيفين: استاذه ريهام مبسوطه اوي اني شوفتك النهارده
ريهام: زين أنا اعرفها صح
زين : صح طبعاً دي نيفين السكرتيرة بتاعتك
ريهام: يعني اي السكرتيرة
زين : يعني منظمه المواعيد والاجتماعات و المسؤاله عن علاقاتك مع الموظفين بتوعك
ريهام: أنا عايزه انام
زين : طب اقعدي اقلعك الشوز الأول
ريهام: حاضر
زين : (بعد ما قلع ريهام الشوز حط ايده على رأس ريهام وقبل رأسها) تصبحي على خير
ريهام: وانت من اهله يا بابا
زين : اقعدي يا نيفين وقفه ليه
نيفين : مكنتش متخيله أن الوضع يوصل لحد الدرجة دي
زين : تشربي اي
نيفين : شكرا يا مستر زين
زين : متخافيش مش هعمل زايك واضحك عليكي فاكره المخيتو
نيفين: (بتضحك) حقك عليا
زين : ولا يهمك المهم انا عايز اعرف اي اللي حصل
نيفين: كانت صدمه العمر ليها ولينا كلنا قبل ما تكون ليها نبيله السيد صديقه عمرها هيا و طارق على اللي عملوا في ريهام كده
زين : لا احكيلي
نيفين : كان طارق على هيموت ويتجوز ريهام وهيا رفضته بصوره مخزيه جدا كرامته مستحملتش الإهانة لف على نبيله واقنعها بعد كده تدخل ريهام بكل فلوسها في اسهم شركه اسمها الفتح ولأن ريهام كانت بتثق في نبيله ثقه عمياء قبلت العرض وحتط كل فلوسها أسهم في شركه الفتح وبمجرد اسبوع واحد كان محجوز على شركه الفتح و أتباعت في مزاد علني اللي اشترت الشركه كانت نبيله مديره اعمال طارق على في الوقت ده وبعد تملك الشركه طرد نبيله اللي انتحرت ودي كانت تاني ضربه موجعه ل ريهام بعد الخيانه أنها تسمع خبر وفاة اقرب صديقه ليها كان اصعب فتره بتمر علينا الشركه عماله تفضا مفيش رواتب بتتدفع اللي كان بيحب ريهام أستحمل اربع شهور بدون مرتب لحد نزل علينا حجز على الشركه لأن ريهام كانت وخده قروض بضمان المبني ومع التعجيز في السداد أطلب منها تسليم الشركه أنا فاكره اليوم ده كويس جدا انهارت بطريقة مرعبه كل اللي فات كوم واللحظه دي كوم تاني يعني خسرت اكتر من ١٥٠ مليون جنيه وكانت لسه وقفه علي رجليها خسرت نبيله وكانت وقفه على رجليها بس يوم تسليم الشركه كانت ريهام تقدر تقول وصله لآخر مرحله ممكن من الضغط النفسي تخيل خزنه الشركه مكنش فيها غير ١٢ ألف جنيه مفيش جنيه تاني تعيش منه الموضوع صعب بصورة مرعبه ووسط كل ده دخل استاذ احمد حافظ عم ريهام طلب منها مساعده لأن ابنه كان داخل عمليه مهما جدا لما ريهام فعلاً أديته آخر ١٢ ألف جنيه معاها خدهم بس وهو خارج كان عمال يقولها حسبي الله ونعم الوكيل ويشتم فيها مكنش مصدق حد واحنا بنقوله خلاص ريهام انتهت للأبد كان فاكر أننا بنضحك عليه ودي كانت اخر مره اشوف فيها ريهام نزلت خدت العربية ومن يومها محدش عرف عنها حاجه لمده شهر وسمعنا أن البيت اتحجز عليه والعربيه وكل حاجه ودخلت مصحه نفسيه دورت عليها كتير والله لحد ما فقدت الأمل أنا لما سكرتيره حضرتك كلمتني جيت جري علشان اشوف ريهام وبعد ما جيت بقول يارتني ما كنت شوفتها في المنظر ده
زين : صعب اوي اللي حصل مع ريهام الله يكون في عونها كم ضغوط رهيب وكانت لوحدها صعب جدا
نيفين : أنا طالبه منك طلب واحد يا مستر زين
زين : طلب اي
نيفين : (فتحت تليفونها ) دا اعلان من الوزارة على بيع شركه عبد الحافظ شركه ريهام اتمنا تكون من نصيبك مش من نصيب طارق
زين : وريني كده الاعلان ده
نيفين: اتفضل
زين : (طلع تليفونه صور الإعلان) الو
ياسمين: الو
زين : ياسمين في مزاد علني بعد اسبوع بعتلك الحيثيات كلها الوقتي خلي جوده يعمل دراسه حالا عايز اعرف البرچت النهائي كام المزاد ده لو بخساره لازم اخده انت فاهمه
ياسمين: تحت امرك يا مستر زين
زين : (قفل التليفون) مكنتش أخليك تتمنا الموت يا طارق مبقاش زين كامل ❤️❤️❤️❤️❤️❤️❤️❤️❤️❤️❤️❤️❤️❤️❤️الي اللقاء في الجزء القادم ❤️❤️
✍️ليل أدم 💐❤️
•تابع الفصل التالي "رواية اشتغاله" اضغط على اسم الرواية