رواية للحب وجوه اخرى الفصل التاسع 9 - بقلم عايدة ابراهيم

❤ وجودك شئ مكملنى❤

          

                

ومَن أرادَ الرَّاحةَ -الجنَّة-، فعليه ألَّا يستريح.

______________________________________

تولين(ببكاء وصراخ وفريدة تربت على حجابها وهى تبكى أيضاً): ماما أرجوكى ردى عليا متسيبنيش 

راكان(وهو يقود السيارة): إن شاء الله خير وهتكون كويسه قربنا نوصل المستشفى 

«وبعد قليل وصلوا للمستشفى حمل راكان خالته وركض بها للإستقبال» 

راكان: عايزين نقاله بسرعه 

موظف الإستقبال: حاضر يا فندم.... يا إسماعيل هات نقاله هنا بسرعه (فأحضر الرجل النقاله ووضع راكان مهيتاب عليها وركضوا بها للغرفه ليفحصها الطبيب) 

الطبيب: إتفضلوا برا علشان أعرف أشوف شغلى 

راكان (أمسك يد تولين ووالدته): يالا علشان الدكتور يشوف شغله (وخرجوا من الغرفه ليراها الطبيب) 

راكان: ماما.. تولين.. دقيقه هدفع تكاليف المستشفى وأرجع بسرعه ماشى (وذهب ليدفع التكاليف) 

فريدة(عانقت تولين): متخافيش يا قلبي ❤إن شاء الله خير 

تولين(ببكاء): يارب يا خالتو مش بقيلى غرها هى وميرا وإنتوا مش مستعده أخسر حد منكم 

فريدة: متخفيش إن شاء الله هتقوم بالسلامه وترجع أحسن من الأول

«وعاد راكان لهما حاملا عصيرا وبعض الطعام» 

راكان: ماما... تولين.. إنتو مش فطرتوا حاجه جبتلكوا حاجه بسيطه عقبال ما نروح وإن شاء الله خالتو تقوم بالسلامه ونرجع نتغدى سوى 

تولين: مش عايزة مش قادرة

راكان(حاول مواساتها بطريقه غير مباشرة): هتأكلى ولا أكلك بطريقتى 

تولين: راكان والله مش قادره كلى إنتى يا خالتو تلاقيكى جعانه 

فريدة(رغم خوفها وألمها على أختها قالت بحب): أنا جعانه أوى ومش هأكل غير لما تأكلى 

راكان(بمرح): وأنا كمان أخ يانى حاسس إنى دايخ ومش هأكل غير لما تولين حبيبتى تأكل 

تولين(بضحك عليه غصب عنها): حاضر بس بطل تمثيل ومش عشانك علشان خاطر فوفا حبيبتى 

راكان: واطى يا صاحبى طول عمرك ماشى

«وجلسوا يأكلون وتولين قلقه ومتوترة على أمها وكل دقيقه تنظر للباب عسى الطبيب يخرج ليطمأنهم  وبالفعل بعد خرج الطبيب فأسرعت تولين وراكان وفريدة خلفها» 

راكان: طمنا حضرتك 

الطبيب: ضغطها على وحصلها غيبوبه سكر وحاليا علقنالها محاليل 

تولين(بصدمه): عندها إيه؟؟؟؟.. حضرتك بتهظر ماما كويسه هى معندهاش السكر ولا حاجه أكيد حضرتك التحاليل غلط إتأكد

        

          

                

الطبيب: حضرتك السكر مش شرط وراثه أو مرض ممكن يجي بسبب التقدم بالعمرالإصابة بارتفاع ضغط الدم، أو ارتفاع الكوليسترول، أو ارتفاع الدهون الثلاثية.... والقلق والتوتر والخوف الزيادة 

ومامه حضرتك ضغط دمها عالى 

تولين(ببكاء هيستيرى حتى أنها نسيت أنها بكليه علاج طبيعى وماهيه مرض والدتها ): يعنى إيه طيب ماما كويسه هتفوق إمتى 

راكان(بقلق عليها وخوف على حالتها): تولين إهدى 

راكان:  يعنى حضرتك المرض فى أى مراحله وإمتى خالتو هتفوق 

الطبيب: المرض فى مراحله الأولى وإن شاء الله خير شويه وهتفوق ممكن ساعه أو إثنين بالكتير  الحمدلله الحاله المرادى جت سليمه والغيبوبه مش خطيرة.... وومنوع عنها: 

الخبز الأبيض.

الأرز الأبيض.

المعكرونة البيضاء.

البطاطا.

البطيخ.

الأناناس.

الدهون المشبعة مثل الموجودة في اللحوم الحمراء.

الدهون المتحولة مثل الموجودة في الحلويات المصنعة والمرغرين.

«ثم ذهب الطبيب» 

(تولين جلست على المقعد ببكاء فعانقها راكان)

راكان:  متقلقيش الحمدلله هى كويسه وهتقوم بالسلامه بإذن الله والمرض فى المراحل الأولى

______________________________________

وفى مكان آخر: 

تامر: العويسى باشا أهلاً برجعوك البيت وحشتنا يا راجل أخيراً إفتكرت إن ليك إبن وبيت تسأل عليهم 

العويسى: بس يا صايع ولا فاكرنى مش عارف عمايلك أنا ساكت بمزاجى

تامر: لا أب بصحيح كتر خيرك تعالى إرزعلى قلمين بدال البوقين الحمضانين بتوع كل مرة دول 

العويسى: بقولك إيه مش فاضيلك عايز أنام أنا تعبان ورايا شغل كتير بكرة

تامر: وإنت مسمى القرف إلى إنت شغال فيه دة شغل يا أخى إتقى ربنا إنت معندكش ضمير إزاى ترضى تأكل وتأكل إبنك لحمك ودمك أكل حرام

العويسى: يا سلام يا خويا الإيمان حل عليك إتقى إنت ربك وإنجح فى الجامعه وإصرف على نفسك أنا مش عايزك روح عيش لواحدك وأصرف على نفسك أو إنضملى فى الشغلانه فلوسها حلوة

تامر: يا أخى حرام عليك دة إنت إبليس يقعد يسقفلك ويضربلك تعظيم سلام نفسى تيجى تضربنى أو تفهمنى غلطى نفسى تحضنى حضن أبوى تقوم قايلى إنضملك أنا من هنا  ورايح بكرهك فاهم بكرهك وسايبلك البيت أنا إتغيرت وبحاول أقرب من ربنا عساه يسامحنى كنت بحاول أصحى فيك حاجه من الأبوة بس إنت معندكش ضمير ولا دم إزاى بيجيلك قلب تذبح وتقتل ضميرك وأنت بتقتل وتذبح أطفال بريئين وتحرق قلب أهاليهم والغاليين عليهم حرام عليك إتقى ربك تتحرق الفلوس وتولع الدنيا كلها فانيه إلا ربك سبحانه وتعالى وجل عرشه هتكسب فلوس حرام فى دنيتك وتخسر فى آخرتك حسناتك وأعمالك هى إلى هتبقالك بس فى حالتك حسناتك صفر فوق بقى

        

          

                

العويسى: خلاص أسكت إكتم بقى صدعتلى دماغى غور مش عايز أشوف وشك تانى طول عمرك فقرى زى أمك ونحس ياريتك موت معاها وريحتنى 

تامر(بألم وحزن): ياريت فعلاً سلام يا بابا(قالها بإشمئزاز وغادر الفيلا) 

______________________________________

«بعد ساعه ونصف كانت تولين نائمه على كتف راكان فى الغرفه التى بها أمها  بينما غادرت فريدة فى سيارة خاصه طلبها راكان لها تحت إصرار راكان حتى لا يقلق ضرغام ويتعب ويمرض هو الأخر حتى تعود مهيتاب ويخبروة لاحقًا» 

مهيتاب(بدأت تفيق): أنا فين 

راكان(رفع رأس تولين ببطء حتى لا تستيقظ وأرخها على الكنبه الموجودة بالغرفه والتى تنام عليها تولين وتوجه نحو السرير الخاص بمهيتاب قائلا لها بحب ): حمدالله علي السلامه يا خالتو كدة  تقلقينا عليكى عامله إيه دلوقتي إستنى هجيب الدكتور يشوفك ونشوف لو ينفع تروحى النهاردة 

مهيتاب: الله يسلمك يا حبيبى معلش معرفش إيه إلى حصلى أوعى تكون قلت لميرا وتولين هيقلقوا عليا

راكان: ولا يهمك بس قومى بالسلامه... أنا وتولين وماما بس إلى عارفين محبناش نقلق الباقى وخاصه جدو عشان ميتعبش وأنا أصريت على ماما ترجع عشان ميشكش فى حاجه وتولين نامت من التعب والعياط..... المهم حمدالله على السلامه ياقلبي ❤

دقيقه وجاى (وذهب وأحضر الطبيب لمهيتاب ليفحصها ويرى إذ سيكتب لها إذن خروج أم لا) 

الطبيب(بعد 5 دقايق): تمام الحمدلله هى كويسه دلوقتى المحلول دة يخلص وممكن تروحو بس تلتزموا بجرعه الأدويه والفيتامينات والإنسولين إلى كتبتهلكم... وممنوع الأكل إلى قلتلكم عليه

راكان: تمام شكراً يا دكتور تعبنا حضرتك معانا

الطبيب: ولا تعب ولا حاجه دة واجبى وحمدالله على سلامتك يا مدام 

مهيتاب: الله يسلمك يا دكتور شكراً (ثم خرج الطبيب) 

مهيتاب: أكل إيه إلى إتمنع عنى يا واد يا راكان كله إلا الفراخ والسمك والجمبرى والمكرونه البشاميل والجلاش والمحشى والكريب والشاورما.. مش بحب الحلويات بس كله إلا إلى أنا قلتهم دول

راكان: 😂متخفيش يا توتا مش إتمنعوا عنك بس ليهم طرق معينه وكميات معينه خاصه جزئيه المكرونات 😂

مهيتاب: مش مهم المهم إنى هأكل 😂

راكان: قوملنا بس بالسلامه وهظبطك 

تولين(إستيقظت وركضت تجاه والدتها  ببكاء): ماما إنتى كويسه عامله إيه دلوقتي قلقتينا عليكى

مهيتاب: إهدى يا قلبي ❤أنا كويسه متقلقيش عليا الحمدلله على كل حال 

تولين: الحمدلله 

راكان(ربط على كتف تولين): والدكتور سمحلها تخرج مع الإلتزام بمواعيد الدوا  والأنسولين وتجنب الأكل إلى قال عليه

        

          

                

تولين(بفرحه): بجد يا راكان طب يالا نمشى 

راكان: 😂حاضر المحلول أهو قرب يخلص وهنمشى 

«وبعد إنتهاء المحلول عادو للمنزل وبالطبع إتصل راكان بوالدته لتمهد الموضوع للجميع وبالفعل إنصدم الجميع وقلقوا عليها خاصه ضرغام وميرا ولكن طمأنتهم بحاله مهيتاب الصحيه وبمجرد عودة راكان والجميع... ركضوا تجاههم وميرا تبكى وضرغام فى غايه القلق على إبنته فأطمأنو عليها وطلب ضرغام من الجميع أن يرتاحوا وخاصه مهيتاب» 

______________________________________

فى اليوم التالى:«إستيقظ الجميع وصلوا فروضهم ثم إطنأنوا على مهيتاب ومنهم من ذهب للجامعه وأخرون للعمل» 

«وبعد إنتهاء محاضرات تولين وجود ذهبت جود للحمام بينما كانت تولين فى طريقها للكافتيريا فقابلت تامر حاولت تجنبه ولكن» 

تامر(بندم): مدام تولين إستنى أرجوكى أنا بعتذر بجد لكل ما بدر منى والله أنا أسف وندمان وعارف أن مهما أعتذرتلك مش هتسامحينى على الأذى النفسى إلى سببتهولك أنا سبب أفعالى أنى كنت بحاول أوعى بابا وأخليه يهتم بيا بحاول أعمل حاجات طائشه ترجعه لرشدة ولما فى مرة إستفزيتك  وضربنى وقتها كانت أول مرة فمن ساعتها بقيت أستفزك على أمل أن هو يرجع يعاقبنى ويوبخنى تانى بس للأسف إمبارح فقدت الأمل فيه هو فضل شغله عليا وطردنى من بيته وإتمنى لو كنت موت مع أمى...... أسف صدعتك بس أتمنى تكونى سامحتينى لو بنسبه 1٪ وإنتى إنسانه جميله ومحترمه وعائلتك محظوظه بيكى و أستاذ راكان  محظوظ بزوجه زيك وبيحبك جداً على فكرة ومتسمعيش لكلام أى حد غبى غيران منك ومتنمر وبيتمنى يبقى مكانك أنو يدايقك أو يكسر ثقتك بنفسك... وأنا كنت من الأغبيه دول بس قلتلك سببى وبعتذر مرة ثانيه وأتمنى ربنا يسامحنى بجد ندمان أوى وبدأت توبتى بإعتذارى ليكى وصواتى وإستغفارى 

تولين(بتأثر): متعتذرش يا تامر مسمحاك وإنت كمان مدايقش نفسك وعذراك وإعرف إنك لو الدنيا دى كلها سابتك ربك معاك ووالدك ربنا يهديه ويرجعه لرشدة قريبا وأتمنالك التوفيق  والسعادة يارب وأكيد بإذن الله ربنا هيسامحك وأنا عن نفسى مسمحاك وربنا هيعوضك بإذن الله إسعى وإجتهد وهتلقى أد تعبك 

تامر: شكرا لذوقك مدام تولين إنتى إنسانه جميله بجد وقلبك أبيض..... الأنسه جود جت أعتذر أنا مع السلامه بالتوفيق يارب ليكى وليها

تولين: وليك كمان مع السلامه (وذهب تامر) 

جود: كان بيعمل إيه الحيوان دة هنا أوعى يكون دايقك هو جاب أخرة معايا 

تولين: متشتمهوش تعالى طلع كويس (وحكت لها كل شئ) 

جود (بتأثر): يا عينى ربنا يعوضه ويهدى أبوة أبوة دة قذر أصلاً فعلاً ظلمناه طلع غير أبوة ربنا يعوضه يارب

تولين: ليه هو ماله أبوة شغال إيه

جود(تصنعت الجهل): هااا.. معرفش إنتى بتقولى أبوة طردة وشغال شغل وحش فربنا يهديه 

تولين: ماشى

راكان(جاء لهم مبتسما): يالا نمشى عملكم مفاجأة تحفه هتعجبكم 

جود:  بجد إيه هى 

راكان: لو قلت إيه هى مش هتبقى مفاجأة وهتبسطك إنتى أكتر حد يالا«وذهبوا معا حتى سيارة راكان فوجدوا مالك هناك بسيارته» 

مالك: السلام عليكم ورحمة الله وبركاته 

تولين وجود: وعليكم السلام ورحمة الله وبركاته 

راكان: يالا يا جود إركبى مع مالك وإنتى يا جود إركبى العربيه ويالا

جود: ماشى السنجله جنتله يالا يا مالك من لقى أحباه نسى أصحابه الله يرحم تعالى هخرجك يا جود

(وبعد مدة وصلوا لمكان ما)...... يتبع 

______________________________________

للحياة ألغاز تسلب منا الآمال

والحلم قد يغير يوما مجرى الحياة

بأمان سنحلق في أحضان الخيال

لو عشنا بلا فك الأحجيات

قلبي كالأطيار

يتخبط في الأسرار

يتلألأ في الليل

كنجوم تسبح في البحار

أسرار لم أعد أريد

سأبدل لوني من جديد

لو وقف الحزن في طريقي

لن أبالي

قلبي يلتمس في البعيد

املا ينعشني للوريد

حينها سيرنو قلبي فلا أعاني

أصدقاء سنظل مهما طال الزمان

كلمات اشتقت إليها من أيامِ

الطفولةِ و البراءةُ تملؤنا بالحنان

ذكريات لا تنسى بل تصان

حلمي بر السلام

والظفر بالمحال

تحقيق الأحلام

يكمن في العزم لا جدال

هيا لنغن للربيع

نحفر بئرا يروي الجميع

ندفن كل ذكرى حزينة ألمت بنا

هيا, فالوقت لن يدوم

نغرس أملا يعطي النفوس

روحا تتخلى عن طريق الهموم

صوت في العميق

ينادي قلبي الجريح

يطلب أن يستريح منها و يستفيق

الأحزان لم يعد لها وجود في حياتي لا لا

أصدقاء أمل صادق حولهم إلى بريق

في كنفهم نحيا بسلام هم نعم الرفيق

سأعود لأقابلهم و لا أريد

أن أبتعد عنهم من جديد

أسرار لم أعد أريد

سأبدل لوني من جديد

لو وقف الحزن في طريقي

لن أبالي

قلبي يلتمس في البعيد

املا ينعشني للوريد

حينها سيرنو قلبي فلا أعاني

قلبي كالاطيار

يهوى رفقة الاخيار

صافي كالاطهار

فيه منبع الاسرار

______________________________________