رواية زهور بنت سلسبيل الفصل السبعون 70 - بقلم منى عبدالعزيز

                                 

70البارت 

وصل الشباب إلى الاربعه الي مخزن الشركة وجد مجموعه من الأمن يقفون وهناك أربعة أشخاص مقيدين بأحد زوايا المخزن اقتربوا من أحد أفراد الأمن يسألوه عما يحدث ومن هؤلاء. 

حازم أول من تعرف على  أحدهم  اقترب باستهزاء يضع يده بجيب بنطاله يبتسم بسخرية وهو يوزع نظراته من أعلى لأسفل لينحنى صوبه يتحدث بغضب. 

حازم: كنت فاكر هتفلت بعملتك ومش هتكشف، عضيت الايد ال وثقت فيك وكبرتك نسيت كنت اية وبقيت اية، نسيت من ساعدك ومسكك منصبك بالفندق والثقة اللي  عطنهالك، خلاناك واحد منا، كنت شايف فيك الصديق الوفى،سبتلك كل حاجه  وعليتك عليا قلت صاحب عمري وزي أخويا ومتربين سوا، فى الاخر تطلع  انت سبب الفساد ده كله، شفت مني ايه عشان تورطني بالشكل ده. 

لم يتمالك حازم نفسه وأخذ يسدد اللكمات له وهو يستمع الى ما يقوله ليتوقف بصدمة، ينظر لأخيه وأبناء عمه بخوف وهلع، يقترب منه مرة أخري يمسكه من تلابيبه يضربه بقوة

مع كل كلمة يسمعها.! 

الشخص: هههه اضرب خرج كل ال جواك، زود الاتهامات ال هدخلك السجن من اوسع ابوابه، عد  على ايدك كده،  اولا: تهرب ضريبي،تزوير في دفاتر الحسابات طمس الأرباح وإعلاء الدائن. ثانيا: استخدام مواد منتهية الصلاحية

وتعبئتها في عبوات عالميه. ثالثا: استخدام الفندق فى أعمال منافية للآداب والتربح بعمل صالة للمراهنات دون إبلاغ الغرفة التجارية أو شرطة السياحة. 

رابعا: عدد العمال الوهميين في السجلات والمرتبات الي تمضي عليها وبتدخل جيلك الخاص  . 

خامسا: بلاغات السرقات من غرف النزلاء. 

سادسا: خطف وتعذيب مواطن، لإجباره على تغيير شهادة لصالحك. 

سابعا: ليطلق ضحكات هستيرية، وهو يكمل فاكرين نفسكم اذكياء وانكم سابقين بخطوة وتقدروا تلحقوا تنقذوا ما يمكن انقاذه ههههه ال متعرفهوش  إن كل حاجة متخططلها كويس أوي و احنا ال كشفنا خيوط اللعبة، بداية من الكاميرات اللى سجلت ظهور مدام نهال، لحد دلوقتي، هههه ال متعرفهوش بقى إنها عرفت تفكير أبوك صحيح كشفت الأوراق بدري بس كله عشان  ظهور بنت عمك لولا الصدفة خدمتها وقدرت تهرب كان زمنها بتقروا الفاتحه على روحها، هههه بس ملحوقه هتقراها بالسجن، ليشير إلى حازم بالاقتراب منه 

تعرف انكم دلوقتي متهمين بايه، ههههه بحرق الشركه والمخازن لطمس الأوراق ال تدينكم، احب ااقلكم باي باي آل الغمراوى باي باي اشوفكم بالسجن وانا بزركم وجايبلكم عيش وحلاوة هههههه  . 

يبتلع حازم  رمقه بصعوبة يضرب هذا الشخص لكمه قوية أسقطته أرضا  ينزل لمستواه  يتحدث بفحيح متوعدة، بترجي الموت ولن  يسمح له، ليطلق الأخر ضحكه هستريه ينظر ل

حازم يوزع النظرات بين الثلاث شباب ويصرخ بهم ليصعقو 

مما سمعوا. 

الشخص:  الساعه خمسه بالضبط  كل أملاك الغمراوي  هتتساوى بالتراب، لا ومش بس كده  رجالة الغمراوية كلهم 

هيكونوا بالسجن بما فيهم  عبد الرحيم  باشا الغمراوي، ههه انتم بقي ياحرام متصورين وانتم داخلين علي هنا، يا أخي لما يكون رزقك في رجليك تكون عامل حسابك  علي زين ولو صدفت يبق حازم أو حمزة اخوة سبحان الله تجوا انتم الاربعه 

ههه مبروك عليكم السجن يا بشوات، بصوا في ساعتكم وعدوا وشوفوا بعينكم الشركة بكل ال فيها، بتولع ههههه.