رواية وعود الحب الفصل الخامس 5 - بقلم ملك ياسر

بارت 5💜

اسفه على التأخير بس البارت طويل اهو و ده تعويض مني ليكم ✨

كان اسلام مصدوم و بيحاول يبعدها عنه و لكن حصل شيئ لم تكن ايناس ان تتوقعه صدمه اكبر من جميع صدماتها..... 

ذهبت ايناس لمنزلها و هي مازالت مصدومه رمت شنطتها على السرير و اترمت هي كمان على السرير و دموعها نازله لحد ما غلبها النوم و نامت صحت على صوت المنبه قامت لبست و راحت جامعتها و عيونها وارمه 

مريم بقلق: مالك ي ايناس عامله كده ليه؟ انتي كويسه؟ طمنيني عليكي. 

ايناس بتعب: كويسه يلا ندخل المحاضره. 

دخلوا المحاضره و مريم كانت حاسه ان في حاجه بتحصل و ايناس مخبياها عليها... 

ايناس كانت قاعده سرحانه و عماله تفكر في كلام ابن عمها و اسلام و خالتها كمان...... 

: ايناس محمد حسني... قالها الدكتور و هو مركز معاها و شايفها سرحانه. 

مريم خبطت ايناس و شاورتلها على الدكتور. 

ايناس بخضه و قامت وقفت: نعم ي دكتور. 

الدكتور: تقدري تقوليلي انا كنت بشرح ايه؟ 

ايناس بصت في الارض و سكتت. 

الدكتور بعصبيه و زعيق ارعب ايناس: طب بلاااش السؤال ده تقدري تقوليلي الهانم سرحانه في ايه؟؟! 

ايناس بصتله و الدموع متجمعه في عيونها و فضلت ساكته اول مره في حياتها تتحرج بالطريقه دي دي بتطلع الاولى على دفعتها دايما و من المتفوقين.

(ملحوظه) ايناس في كليه (تجاره انجلش). 

الدكتور بزعيق: بررره. 

ايناس ما صدقت و خدت شنطتها و طلعت بره بس قبل ما تطلع من الباب اغم عليها.... جرت عليها صاحبتها و الدكتور و نقلوها المستشفى. 

مريم بخوف: طمني ي دكتور. 

الدكتور بزعل: هي نفسيتها وحشه جدا و مش مهتمه بصحتها ركبنالها محاليل و هتفضل في المستشفى 3 ايام عقبال ما صحتها تكون كويسه. 

دكتور مراد: شكرا لحضرتك ي دكتور. 

مريم بلهفه و خوف: طب.. طب نقدر ندخلها امتى هي فاقت ولا لسه؟ 

الدكتور: نص ساعه و تفوق ان شاء الله و تقدروا تدخلوا لكن حاليا مش هينفع. 

مريم: عن أذنك ي دكتور هكلم والدتها عشان متقلقش عليها. 

مريم كلمت والدة ايناس.... 

اسلام شاف مامت ايناس لابسه و بتجري خاف و راحلها. 

إسلام: في حاجه ي خالت... ي طنط حضرتك كويسه؟ 

هدير بخوف على بنتها: عايزه عربيه بس بسرعه توصلني ل بنتي هي في المستشفى عايزه اطمن عليها. 

اسلام قلبه دق بسرعه و خاف و قال: ثانيه واحده هجيب عربيتي و اوصل حضرتك. 

و بالفعل اخدها اسلام المستشفى كانت ايناس فاقت و دكتور مراد و مريم دخلوا يطمنوا عليها. 

مريم قربت من ايناس و مسكت ايديها و هي بتعيط: كده تقلقينا عليكي ي يويو طمنيني عليكي عامله ايه دلوقتي. 

ايناس بتعب: كويسه الحمدلله متقلقيش. 

دكتور مراد: حمدالله على سلامتك ي انسه ايناس. 

ايناس بحرج: اسفه عشان مكنتش مركزه في المحاضره انهارده. 

دكتور مراد بإبتسامه جذابه: لا انا اللي أسف عشان عاملتك كده بس انا جديد في الكليه و جيت مكان دكتور احمد و مريم فهمتني انك انسه محترمه و شاطره جدا بس عندك ظروف خلتك كده. 

ايناس شكرته و شكرت صاحبتها و بعدين لقت مامتها دخلت عليهم.... 

هدير بخوف و بكاء على حالة بنتها حضنتها و باست راسها و قالت: انتي كويسه ي حببتي حصلك ايه طمنيني عليكي. 

ايناس بإبتسامه: انا زي القدره اهو ي هدهد متقلقيش بنتك اسد. 

ايناس لاحظت وجود اسلام. 

إسلام بصلها و قال: حمدالله على سلامة حضرتك ي انسه ايناس. 

ايناس: الله يسلم حضرتك بس تعبت نفسك و جيت ليه. 

هدير بإستغراب: انتوا تعرفوا بعض؟ 

ايناس: اه ي ماما استاذ اسلام فاتح مكتبه جنبنا و كاتب كبير و مشهور كمان. 

ملحوظه(ايناس عرفت انه كاتب من الكتاب اللي اداهولها اسلام في المكتبه و كان عليه اسمه) 

الكل اطمن على ايناس و اسلام راح يجيبلهم اكل و دكتور مراد استأذن عشان عنده محاضرات تانيه. 

عدا ال 3 ايام و كان اسلام بيجي بليل متأخر عشان محدش يعرف حاجه و اتفق معاها على خطه جديده عشان يتخلصوا من ابن عمها. 

طلعت ايناس من المستشفى و راحت البيت. 

هدير: حمدالله على سلامتك يبنتي البيت كان مضلم و وحش اوي من غيرك. 

ايناس بإبتسامه: و انا جيت خلاص ي هدهد و هفضل على قلبك دايما.. 

ضحكت هدير و قالت: هدخل اعملك اكله حلوه بقى ترم عضمك. 

تاني يوم في الجامعه ايناس قابلت مريم.... 

مريم: مش ناويه تقولي مالك يمكن اقدر اساعدك ي يويو. 

ايناس بتفكير عشان عايزه تفضفض مع حد: بصي هحكيلك بس اوعديني متقوليش لحد الكلام ده. 

مريم بغمزه: عيب عليك يسطا ده انت سرك في بير متخافش. 

إيناس: استاذ اسلام يبقى ابن خالتي اللي مات في حادثه من 3 سنين و كانت مدبره من ابن عمي و... 

مريم بصدمه: ايه؟! ايه يبنتي ده؟؟! 

إيناس: استني بس هكملك... و ابن عمي عمل كده بأمر من عمي عشان يتخلصوا من اسلام لما عرفوا انه ناوي يتقدملي بعد ما اخلص 3 ثانوي و هما عارفين ان بابا سايبلي ورث و هما طمعانين فيه و عمي عايز يجوزني زين ابنه عشان ياخد يضحكوا عليا و ياخدوا الورث كله و يرموني انا و ماما في الشارع و ياخدوا البيت اللي بأسمي. 

مريم كانت قاعده مصدومه و مش عارفه تقول ايه و بعدين فاقت من صدمتها و قالت: طب و ايه غير شكل اسلام كده. 

ايناس: بسبب الحادثه حصله تشو*هات اضطرت الدكاتره تعمله عمليه تجميل غيرت ملامحه. 

مريم بإستغراب: طب و زين عرف ازاي ان اسلام رجع التاني و المفروض انه مات و كمان غير ملامحه. 

إيناس بإبتسامه سخريه: اسلام كاتب مشهور و ده خلا زين يدور وراه لما شاف اسمه على كتب كتير من روايات اخته بتشتريها. 

مريم بحيره: طب و العمل؟ 

ايناس: متقلقيش انا و اسلام هنتصرف المهم دلوقتي متقوليش حاجه لحد. 

قاموا دخلوا المحاضره و دكتور مراد كان عليهم... 

دكتور مراد بإبتسامه اول مره يظهرها: انا بقدم اعتذاري لأستاذه ايناس قدامكم على معاملتي ليها و هي كان عندها ظروف خلتها كده و عرفت كمان انها انسه محترمه و متفوقه جدا في جميع سنين دراستها بتمنى تفضل كده دايما. 

خلصت المحاضره و كله طلع و لكن... 

دكتور مراد: ممكن دقيقه ي انسه ايناس. 

ايناس وقفت بإستغراب و مريم سابتها. 

إيناس بإستغراب: اتفضل ي دكتور. 

دكتور مراد بإبتسامه جذابه: عايز اجي و اتقدم لحضرتك و بطلب رقم والدك..... 

يتبع…

وعود الحب💔

بقلمي/ ملك ياسر الشرقاوي 🌗