رواية غرام و انتقام الفصل الرابع 4 - بقلم مروة البطراوي

ارتفع برأسه بعد رحيلها ليبتسم بسعاده فبفعلته هذه و اوهامها للمرة الثانيه أنه أصيب تم الخلاص منها هو الأخر للأبد.. هربت وذهبت الي منزلها لكي تسرد علي شقيقتها ما حدث لعلها ترشدها للصواب.

استمعت ملك لكل ما حدث لتكمل ملاك قائله

-مش عارفه دلوقتي ان كان عايش و لا ميت...ملك تفتكرى لو جراله حاجه هيتهموني فيه؟ أنا ادمرت يا ملك بس و الله هو السبب منه لله.

زفرت ملك بحنق قائله

-كان لازم تنتهزى الفرصه و تبلغي عن اللي حصل ...بس ده كله مكنش هيفيدك في حاجه يا ملاك..انتي ناسيه انك حامل؟ يعني لو اتعرضتي علي الطب الشرعي مش هيبقي خطف و اغتصاب.

نظرت اليها ملاك بحزن تعلم أنها علي حق و كان لابد من التبليع عنه منذ حدوث أول الواقعه و لكنها انتبهت علي اقتراح ملك وهي تقول

-ملاك..تعالي نروح تاني بيت جده و نقابل مرات عمه دي و نشرح ليها الوضع و تعرفيها انه سفيان مش ابنها..يمكن ابنها ده يجبلك حقك.

ابتسمت ملاك بسخريه قائله

-اللي ملوش ضهر يا ملك بيضرب علي قفاه..هي ست زينا هيهمها حاجه واحده ان ابنها طلع كويس..و ابنها أكيد مش ملاك هابط من السما علشان يجبلي حقي.

نفخت ملك بضيق قائله

-لا بقي يا ملاك انتي اللي مش عايزة حقك يرجع..الأول ضيعتيه بحجه انك خايفه عليا..مع ان و الله ما كان يقدر يعمل معايا حاجه لأني قويه مش زيك.

صرخت ملاك من أعماق قلبها علي سوء حظها بل علي سوء اتخاذ للقرارات ها هو الحب الأعمي الذي جعلها لا تنظر الا لشئ واحد هو الفوز به فقط.

💗💗💗 #غرام_وانتقام بقلمي #مروه_البطراوى

في صباح اليوم التالي جائها اتصالا هاتفيا يتلحص في الأتي

-الدكتورجه النهارده متعور في رأسه.

جحظت ملاك بعينيها فهي علي درجه خوفها الا أنها كانت تتمني له الموت

-خسارة ان واحد زى ده ما يموتش.

اتسعت حدقه عيني عبد الغفور فراش المستوصف ليسألها بتوجس

-انتي اللي ضربتيه صح؟

أغمضت ملاك عينيها بمرارة

-أيوه و كان نفسي أموته و أخلص منه.

هز عبد الغفور رأسه بيأس قائلا

-مفيش فايده فيكي مش راضيه تخليني أساعدك.

تعالت ضحكاتها بسخريه قائله

-انتي هتساعدني و انت مش عارف تساعد نفسك؟

رد علي سخريتها بكبرياء قائلا

-أنا لقيت اللي يساعدك بعد ما عرف حكايتك لو عايزة ابقي بلغيني سلام يا ست ملاك.

🤗🤗🤗 #موكا_سحر_الروايات رواية #غرام_وانتقام

ياحبيبي كل شيء بقضاء ما بأيدينا خلقنا تعساء ربما تجمعنا أقدارنا ذات يوم بعد ما عز اللقاء فإذا أنكر خل خله وتلاقينا لقاء الغرباء

كانت تستمع الي كلمات الأغنيه وهي مرتعبه علي شقيقتها و علي ما فعلته بها...نعم فقد أرسلتها ملاك حتي تسرق المعلومات الخاصه بالعمليات المشبوهه التي كان يتم اجرائها ليلا بعد العمل فلقد تذكرت مكانها..كل الصدف كانت مخططه حيث حولت ملك بقوتها الي جاسوس عليه بدون أن يعلم ذلك..دلفت ملك الي المستوصف كمن دلفت الي أرض محتله رغم ضالته الا أنها شعرت أنه يحوى الكثير ككبار المستشفيات ..قبلت ملك أن تقوم بدور ملاك ليوم كامل لكي تقتنص حقها..قبلت بعقلها الواعي لكن قلبها كان يحدثها أن هناك مكروه سيحدث..أرادت أن تتخلص منه ومن ثم تحيا حياه هادئه مع شقيقتها..وتناست جيدا أمر أن يقوم بافتعال معها نفس الجرم المشهود.

منذ لحظة رؤيتها له و هو يقبل عليها و يسمعها أحلي كلمات الغزل وهي تشعر بانسحاب روحها غير قادرة علي تنفيذ ما عزمت عليه و ما ان وضع يده علي بطنها يسألها هل تم التخلص منه حتي قامت بركله في خاصته و هرعت مهروله الي منزلها و هو يستغرب ما فعلته معه..عادت الي منزلها تنتفض مما حدث تنظر الي ملاك و تتحدث بأسف قائله

-كنتي عايزاني أجبلك الورق اللي هيخلصك منه..وده علشان أنا قلتلك اني أقوى منك..بس للأسف يا ملاك أنا واحده كذابه كذبت علي نفسي.

لم تتحرك ملاك قدر أنمله نحوها وظلت ثابته في مكانها تتنهد بتعب قائله

-مش عايزة ورق..أنا عايزاكي انتي يا ملك..تفضلي زى ما انتي و تتعلمي من غلطي..اوعي تفتحي صدرك للدنيا أوى...لأنك هتطعني .

وضعت ملك يدها علي صدرها بخوف قائله

-شكلي عبيطه أوى يا ملاك..مكنتش أعرف ان الدنيا فيها بلاوى زى كده..كنت مفكرة ان موقف شاهر أكبر موقف كنت أتعرض ليه..بس للأسف في الأخطر.

هزت ملاك رأسها بحزن قائله

-لا يا ملك ..مش كله وحش ولا كله حلو..أهم حاجه قلبك اوعي تنجرفي بعواطفك قدام حد..و اوعي تطمعي في حاجه أكبر منك...بصي علي قدك.أنا مش هعيش ليكي العمر كله.

عقدت ملك ما بين حاجبيه قائله

-ليه بتقولي كده يا ملاك..ربنا يباركلي فيكي..ونموت سوا زى ما اتولدنا سوا...انسي يا ملاك..احنا ممكن نسافر في أي مكان و نبدأ من أول وجديد.

هزت ملاك رأسها توافقها الرأي قائله

-هيحصل يا ملك..أنا جالي شغل في أسبانيا .الحقيقه انه جالي من قبل ما أبعتك بس أنا اللي كنت مش عايزة أصل كنت متعشمه لأخر لحظة

كادت تسألها من أين جاء هذا العقد حتي طرق بابهم رجل غريب في العقد الخامس من عمره قطبت ملك جبينها فهي رأته للتو في المستوصف ليتنحنح العم عبد الغفور قائلا

-أدخل يا ملك..ولا هتخافي مني زى ما خوفتي من سفيان..بس كويس انك خوفتي..كان فاتك زى أختك دلوقتي و برضه مكنتش هقدر أعملك حاجه.

عقدت ملك ما بين حاجبيها قائله

-انت فراش المستوصف..صح أنا لسه شايفاك حالا..ايه ده انت كمان بتجسس عليه..وعارف اللي عمله لأختي..طب جايه ليه جاي تهددنا.؟

نظر عبد الغفور الي ملاك قائلا

-خليها تدخلني يا ملاك...كفايه فضايح..و كفايه عم محمد اللي تحت اللي استجوبني قبل ما أطلع...و الله يا ملاك انتي ضيعتي نفسك..كان ماله ابن الراجل؟

أدخلته ملك وصفعت الباب من خلفه لتريه أنها غير أبهه لمن يتحدث عليهم..ثم نظرت اليه باشمئزاز ومن ثم حولت أنظارها الي ملاك تستجوبها قائله

-ايه يا ملاك..أنا شايفه الراجل ده عامل نفس أب علينا..و نازل فيكي نصايح..ممكن أعرف انتي مش بتتكلمي ليه من ساعه ما دخل..و لما هو كده بعتيني ليه أجبلك الورق؟

تحدثت ملاك بصوت مرتبك قائله

-ملك..عم عبد الغفور حذرني من سفيان من أول ما اشتغلت عنده...هو و وفيه صحبتي...بس أنا ركبت دماغي...مش عايزاكي تتفاجئ...بس هو كتر خيره بعد اللي حصل جابلي عرض الشغل في أسبانيا بس أنا لازم أسقط العيل اللي في بطني يا ملك.

😁😁😁 #مروه_البطراوى جروب #موكا_سحر_الروايات

هي امرأه تعلمت الكثير من القيم مثل بقيه النسوة حين يعشقن..وحين يعطين بلا شرط...ولكنها افتقدت الانصاف..لعدم وجود عداله بالمشاعر..ارتضت لنفسها حياه غير صالحه...عشقت الطاغيه..منذ أن وقعت عينيها عليه..المقاومه في عشقه كانت ضعيفه للغايه..خاصة بعد اثارة الفوضي الغبيه بها...وتعليقها به..هو أيضا سحر بها و بجمالها...ولكن دائما يتمسك بها حتي في لحظات اعطاء الدواء الخاطئ دونما حس كان يريدها و يريد انهاء علاقته بها في أن واحد...تلك هي الأوقات العصبيه التي مر بها عقله...كان دائما يخطر علي باله لماذا هي التي تمسك بها عن غيرها و كانت الاجابه أنها الاختلاف..كان دوما يبحث عن حكاية مثل حكايتها..انسانه يطفو عليها التوتر الدائم..وليست نصا دراميا مثل ما رائه في الفتيات الأخريات بعد اغتصابهم..كانت أمامه واقعيه سلب منها شئ و لكنها تخشي أن تسلب شقيقتها منها...حقا قصة شقيقتها جعلتها بطله...

مكالمه طويله مع ملاك التي تقيم مع عبد الغفور الراعي لها بمدريد توسلت اليها ملك تعود عن قريب

ولكن صرخت ملاك باعتراض قائله

-مش هرجع تاني يا ملك.

كورت ملك قبضت يدها في محاولة منها لتتماسك أعصابها قائله

-ليه يا ملاك مش أجهضتي الطفل قبل ما تسافرى واتجوزتي الراجل الكبير في السن و سافرتي و سبتيني؟ارجعي بقي أنا محتاجه ليكي.

نظرت ملاك الي بطنها المتدليه أمامها و هتفت بحزن قائله

-منفعش أجهضه يا ملك..وبالتالي أنا منفعتش أتجوزه..أنا قاعده في البيت اللي اشتراه بس...هرجع ازاي بقي و حد هيصدق ان الراجل ده أبوه؟

عقدت ملك ما بين حاجبيها قائله

-كنتي بتكذبي عليا يا ملاك..انتي جنسك ايه..ليه بتعملي فيا كده أنا مش مسامحاكي ربنا ينتقم منك مش كفايه فضيحتي في قلب الحته انتي شيطان.

أخذت تكيل لها جميع الشتائم وزادت من انفعالها بالدعاء عليها و كأن الله استجاب لها توقفت ملاك عن الحديث عندما شعرت بالدماء تتدافق من بين رجليها لتنظر أسفلها و تتعالي أنفاسها و اضعه يدها علي قلبها التي تعاني منه و الذي بسببه منع عمل عمليات اجهاض لها و لكن تم أمر الاجهاض فعليا اثر الانفعال الزائد و لم يتم هو فقط لكن ذهبت معه ملاك لترتاح ملك من أفعالها و للأبد..دائما نقول ليس كل ما يتمناه المرء يدركه و لكن الأن أدركت ملك ما تمنته في شقيقتها و بلحظة انتهي أمرها و أمر الجنين.

😻😻😻 #غرام_وانتقام بقلمي #مروه_البطراوى

أخذ الليل أجمل نجومه وهجر..لتشرق شمس جديده و لكنها حرقت قلوبا باشراقها...أمس انتهت أثامها..وبداية جديده لنهايات لا نعلم منتهاها...وصلت بها الطائرة الي مدريد وهي في حالة حزن شديده علي فراق شقيقتها..من المفترض أن ترسل لتدفن بالأراضي المصريه و لكنهم لم يسمحوا لها بذلك فبعث عبد الغفور بتذكرة طيران لكي تزور قبر شقيقتها..كانت تأمل أن يكون ذلك حلما و تفيق منه أو يكون قد داهم شقيقتها غيبوبه ولكن منذ أن رأت القبر أمامها و مكتوب عليه اسمها حتي انهارت أمامه و انهارت كل قواها.

صرخت صرخه كبيرة حتي أن زوار القبور تضايقوا وكادوا يبلغون الشرطه عليها حيث انهارت قائله

-لااا..يا ملاك..لااا..انتي بتشتغليني زى كل مرة..كل ده مزيف حتي القبر..انتي عملتي كده علشان أشيلك من دماغي صح؟....يا ملاك أنا مليش غيرك.

ربت عبد الغفور علي كتفيها بعد ان قام بالاعتذار من الزوار و ترجاهم بعدم ابلاغ الشرطه و حني عليها قائلا

-البقيه في حياتك يا ملك..دي حقيقه مش كذب المرة دي..أختك كانت مريضه قلب وكان ممنوع ليها الاجهاض كنا هنولدها قبلها بفترة لأنها مش هتستحمل الطلق.

أخذت تهز رأسها ترفض حديثه قائله

-لااا..اختي كانت كويسه..انت كداب..انت تبعه ..مش راجل كويس ولا حاجه..انت ساعدته انه يوصل ليها في الأول و بعدين دمارها...

احترق قلبه مما سمعه لتستطرد هي بألم قائله

-ارجعي يا ملاك..طب حتي هاتي البيبي يكون عندي ذكرى منك..مش يبقي كله يا ملاك..أنا ضيعت أنا مش هقدر أعيش من غيرك...ياريتني ما دعيت عليكي.

رفعها عبد الغفور و عانقها ليهدأ من حزنه لتنتفض و تبعده عنها قائله

-أنا السبب في كل حاجه..أنا طماعه..خليتها تروح تشتغل علشان تصرف عليا و أخد شهادتي..ملعون أبو الشهاده..أنا انتهيت..ملاك احنا اتولدنا سوا..كان نفسي نموت سوا.

ذهب عبد الغفور لخارج المقابر حيث هاتفه هادي..هادي من يوم اتهام والدته ظل يبحث عن هذه الشخصيه التي اتهم بها و لقربه من عبد الغفور سأله شخصيا..أخبره عبد الغفور عن اسمها الأول فقط ..أصر هادي علي مساعدتها بشتي الطرق و هو من عرض عليه عرض مدريد لكي تبني لها حياة جديده كل هذا و لا يعلم أنها شقيقه ملك حبيبته و عشقه المتغيب منذ فترة ..هو مساعد خفي لملاك بعد أن أكد له عبد الغفور أنها اغتصبت علي يد سفيان..الذي انفصل عنه و بعد عنه بمنزل له ولوالدته التي لا تريد التحدث معه لاعتقادها أن من رأتها في صور هاتفه مغتصبه علي يده ظنا منها أنها ملك ولا أحد يعلم بسر ملك وملاك سوى عبد الغفور التي ترجته ملاك ألا يبوح بهذا السر..ولكن انتهي الأمر فهادي جاء الي هنا وهو من ساعد ملك لتأتي هي الأخرى هنا بالمال لتيسير السفر..أخبره عبد الغفور أن شقيقه ملاك بالمقابر ..دلف هادي اليها ليواسيها بعد أن ترجاه عبد الغفور أن يكون حنونا معها..ربت هادي علي ظهرها بحنان وهي جالسه أمام المقبرة علي ركبتيها

-البقاء لله.

صوت تعلمه جيدا و لكن لما هذا الصوت هنا اهي أمنيه أن تسمع صوته أم هو حقيقه..التفتت ببطء لتجده هو صاحب الصوت لتجحظ عينيها بذهول..هو الأخر اتسعت حدقه عينيها قائلا

-ملك!...انتي ايه اللي جابك هنا؟

ا عرض أقل