رواية نبضات القلب الفصل الاربعون 40 - بقلم دنيا صابر

الفصل الاربعون

                                        

                                              

ساره راحت لمصطفي و لقته واقف متعصب 

                              

ساره بصوت واطي قبل ما توصل عنده : يا نهار اسود هو متعصب قوي كدا ليه دا انا شكل يومي مش معدي 

                              

و ابتسمت ابتسامه هبله و اتكلمت : حمد الله ع السلامه يا حبيبي 

                              

مصطفي برفعت حاجب و مسكها من قفاهاااا: انتي ازاي تخرجي من غير ما تاخدي اذني هااا , متجوزه كيس جوافه 

                              

ساره بعبط : دا انت احلا كيس جوافه  , اقصد احلا راجل يا حبيبي و بعدين والله كنت هقول لك بس اتفجاءت بنهي عندي و 

                              

مصطفي بمقاطعه : نهي , هي نهي خرجت من المستشفي !!!

                              

نهي بفرحه : ايوااا انا اتفجاءت زي كدا تعالي بس اقعد مع حسام و سامر و احنا هنخلص الشوبنج بتاعنا و نجيلكوا 

                              

مصطفي باستفهام : حسام و عارفه اما سامر مين داا !! 

                              

ساره بضحك : سامر دا الدكتور بتاع نهي فاكره , هو دا بقااا مستقبلااا هيبقي جوز نهي 

                              

مصطفي بضحك : هي الصناره غمزت 

                              

ساره بضحكه و بتشده عشان يتحركوا : اه تخيل 

                              

وصلوا للكافيه اللي سامر و حسام قاعدين فيه 

                              

ساره و اتكلمت بسرعه  : حسام , سامر , مصطفي جوزي يلا بقااا اتعرفوا ع بعض انتوا و انا الحق امشي سلاام و مشت بسرعه 

                              

………………………………………………

                              

تسريع الاحداث شويه 

                              

البنات اشتروا اللي ناقصنهم و كانوا مبسوطين جداا انهم رجوا تاني متجمعين زي الاول الثلاثي المرح مثلث التوازن كل واحد بير و مخزن اسرار للتانيه عارفين كل حاجه عن بعض من صغرهم و هما مع بعض و متعلقين ببعض عدوا مع بعض ازماات كتير و مكملين الصحاب نعمه و مش اي حد و السلام تقول عليه صاحب و لازم لما تصاحب تصاحب اللي شبهك عشان الصاحب ساحب ف لو عندك صاحب جدع و صاحب وفي ليك احتفظ بيه و حافظ عليه لانه نعمه 

                              

حسام و مصطفي و سامر اتعفرفوا ع بعض و لاحظوا انهم افكارهم متقاربه من بعض و ف طريقهم  لمشروع صداقه و حسام قالهم انه هيعرفهم ع امير اخوه و قدوته و احمد سيف و ادهم صاحبه و حكالهم قد هو و ادهم  زي ناقر و نقير و مع ذلك بيحبه عشان يبقوا شله واحده  

                              

………………………………………

                              

عدي الكام يوم اللي قبل فرح حسام و حياه بهدوء و شويه توتر طبيعي 

                              

يوم الفرح……… 

                              

ف الكوافير كل البنات متجمعين بما ان حياه كانت عرفتهم ع بعض و اتصاحبوا بسرعه 

                              

حياه بتوتر بعد ما لبست الفستان و متوتره و الكوافير دوشه من البنات كل واحده بتدور ع هدومها ف شنطتها عايزه تلحق تلبس و تخلص فبل الزفه 

 

                

حياه و بصوت عالي عشان ياخوا بالهم منهاا  : هوووووس ركزوا معايااا , اتنهدت , شكلي حلو 

وتين بابتسامه : قمر يا روحي 

ساره و بتخبط ف كتف وتين : بطلي كذب يا توتاا , بت يا حياه شكلك يقرف يع 

حياه و بدموع ف عينيها و صدقت : بجد خلاص مش عايزه فرح 

هدي و بتضرب ساره ع دماغهاا : متصدقههاش يا روحي دا انتي بدر منور ملاك يا حياه ما شاء الله حسام هيتجنن اول ما يشوفك 

ساره و بتعض ايد حياه : انااا حااااامل محدش يضربني ممنوع اللمس اي مش شايفين الكرش اي مفيش رحمه 

نهي و بتبعد ساره عن هدي : يخربيتك اي مصاصه دماء سيبي البت ف حالهاا و بعدين صدعتيناا مفيش حد حامل غيرك ع المجره اسكتي بقاا 

ساه و بشهقه : حبيبتي انا معايه حصانه ضد العنف عشان انا حامل تحت شعار (حامل لا تكلمني ) 

وتين : هووس يا بنات اهدوا و كل واحده يلا تكمل لبسها و انتي يا حياه اهدي كدا يا حبيبتي و الله انتي زي القمر اهدي بس و متتوتريش و كله هيبقي تمام حاولي تهدي نفسك كدا لان امير كلمني و قال لي انهم ع وصول خلاص 

حياه و بتاخد نفس طويل : طيب طيب هحاول 

كله بدا يكمل لبسه و يجهز نفسه 

ربع ساعه و حسام و الباقي وصلوا بره قدام الكوافير 

خرجت حياه ف المقدمه بطلتهااا الرائعه ف كل فتاه ف مثل هذا اليوم يوم الزفاف تكون كالبدر ف تمامه رائعه و متالقه و جذابه و تخطف الانفاس و العقول و ايضا القلوب 

حياه بتوتر و وقفت قدام حسام و حسام باصص عليها و متنح بمعني الكلمه 

حياه ساكته و بصاله مستغربه سكوته و متوتره من نظراته

فجاءه و ردون اي سابق انذار حسام قرب منها و باس جبينها و حضنها حضن من الاعماااق و همس عند ودانهاا : حياه انتي تفتني و بعد بعد ما خربط نبضات قلبهااا و بص لها و ابتسم و فتح لها العربيه 

حسام بابتسامه و بيغمز لها و هو فاتح الباب : اتفضلي اركبي يا برنسيسه 

حياه بتوتر ركبت العربيه 

حسام و بسرعه ركب جمها و مسك ايديها يعديها و هو بيبوسها : اهدي يا حياتي مالك متوتره اوي كدا ليه انا مش هاكلك متخافيش 

حياه بتوتر : لا بقول لك اي ابعد كدا انت بتوترني زياده و خصوصا وانت باصصلي بتسبيل كدا 

حستم بضحكه رجوليه عاليه : ايوا كدا ارجعي حياه االي اعرفهااا , ممم انا بسبلك عشان انتي قمر 

حياه و كأنها نست توترهاا: بجد يعني شكلي حلو 

حسام بحب و بيبص ع كل تفصيله فيها اتكلم بهدوء : تفتني 

        

          

                

حياه بكسوف : احم , شكراا 

حسام و قرب منها و باس ايديهاا : بحبك 

حياه و تايهه و خدودها احمرت : هاااااا 

حسام و ردد كلمته بنبره عاشق : بحبك 

………………………………

ف عربيه ادهم  

وعد  بحماس و بتلعب ف الكاست 

وعد بملل : اي دا يا ادهم : معندكش,مهرجانات ليه هااا ليه كله كلاسك يا انجليزي اي الذوق دا !!!!

ادهم برفعت حاجب و مركز ف السواقه : مهرجانااات !!! انا ادهم اسمع مهرجانات يا وعد و بعدين مش عاجبك ذوقي يا ست وعد و بعدين اصلااا انتي ليكي عين تتكلمي 

وعد باستغراب  : و ميبقاش ليا عين ليه !! 

ادهم بنرفزه : عشان انا قلت لك فستانك ضيق و كمان الروج فاقع و واضح صح و بحاول اعدي اليوم انت بقااا بتحاولي تستفزيني ليه هاااا 

وعد بالامبالاه : لا لا اوعي كدا متبقاش خنيق خليك رويح كدا و فكها احنا ف فرح و الفستان هو اللي تفصيلته كدااا اوك و الروج حلو مش فاقع و لا حاجه و بلاش  بقا خناق بيس يا ماازن 

ادهم بعقده حواجب : بيس  و رويح و فكهاا!!,, وعد اسكتي  

وعد و هي بتلعب حواجبهاا : بس اي رايك مش مزا انا برضوا 

ادهم بتبريقه : مزاااا 

وعد : اه انا مزا صح 

ادهم و بيبص تاني ع الطريق : هتعدلي كلامك امتي و تبطلي تتكلمي كدا 

وعد :لا يا معلم انت واخدني كداا يا ابااا و مش هتغير ابداااا 

ادهم و بيزفر : وعد هششش خااالص 

وعد بحب و ابتسامه لعوبه : بقول لك اي يا واد يا صاروخ انت , بحبك 

ادهم بابتسامه : والله انتي هبله , بس بحبك 

وعد و بتصقف بايديها بحماس : ايوا بقاااا 

…………………………………

ف عربيه امير 

وتين و هي بتضبط الروج بتاعهاا 

امير و بيخطف نظرات عليهاا : توتاا خلاص يا حبيبتي عشان انتي كدا بتشوشي تفكيري و ممكن اسيب السواقه خاالص و اجي ابويك من شفايفك اللي بتحطي عليهم روج دول و انا بصراحه بتلكك 

وتين بضحكه و بتحط الروج ف الشنطه : لا لا و ع اي خليك مكانك بدل ما نتمسك ف قضيه وضع مخل  و اهو يا سيدي خلصت 

امير بضحكه : اي الجمال اللي انتي فيه دا اانهارده 

وتين : حلوه 

امير بحب:  ملاك يا توتااا 

وتين بغرور مصطنع : انا عارفه انا عارفه

        

          

                

…………………………………………

ف عربيه سيف و هدي 

سيف بحب : انتي كويسه ياحبيبتي الحمل مريحك لو تعبانه نروح عادي 

هدي برقه  : لا يا حبيبي انا كويسه متقلقش 

سيف بتنهيده : لو تعبتي قوليلي

هدي هزت راسهاا  : اكيد يا روحي 

……………………………………………

ف عربيه مصطفي و ساره 

ساره و بتخبط ع كتف مصطفي 

مصطفي بنرفزه : اي ااااااي يا بنتي ف اي كتفي كتفي خلعتيه عماله تخبطي ف اي 

ساره بضحكه عبيطه : اي يا حبيبي كنت عايزه اقول لك اني جعانه 

مصطفي برفعت حاجب : نعم ياختي جعانه و الفرح 

ساره : لا دا انا جعانه يا حبيبي يعني اوقف ف اي مطعم هاتلي 3 او 4 سندوتشات كدا اصبر بيهم نفسي 

مصطفي : 3 او 4 و دول تصبيره !!! 

ساره ببراءه : اه طبعااا انت ناسي يا حبيبي اني حامل و باكل لاتنين 

مصطفي : انتي كدا شويه و هتاكليني 

ساره : انت هتحسدني و لا اي 

مصطفي : لا خالص بالهنا عليكي 

ساره : ايوا كدا اتعدل هاتلي بقا اكل و عصير و بسرعه عشان هفتانه 

مصطفي : حااضر , ربنا يصبرني 

………………………………………………

ف عربيه سامر و نهي

سامر بحب : طالعه زي القمر النهارده 

نهي بلماضه : النهارده بس اللي قمر حضرتك انا قمر كل يوم 

سامر بضحكه : بس النهارده زايده حبه 

نهي و بتنفخ ضوافرها بغرور : اذا كان كدا اوك 

…………………………………………………………

وصلو القاااعه 

دخل العروسين حسام و حياه ف المقدمه 

و بعد كدا كل كابل ع التوالي 

كل واحد دخل يسلم ع المعارف و الاقارب و العروسين قعدوا ف اماكنهم و اشتغلت فقره التصوير ع موسيقي هاديه و شويه و رقصه السلو و حسام وقف و مسك ايد حياه بعد ما باسها و ع طول ع الاستيدج 

وعد و بتشد كتف ادهم : ادهم انت مش هتقولي تعالي نرقص 

ادهم برفعت حاجب : لا طبعاا اهو دا اللي ناقص اهدي كدا يا وعد انتي وفستانك دا عشان انا هطق منك 

وعد بتافاف : يوووه بقااا 

……… 

ساره و بتكلم مصطفي 

        

          

                

ساره : اي يا حبيبي مش هنقوم نرقص و لا اي

مصطفي : نقوم نرقص اي بكرشك داا انتي ناسه انك حاامل و لا اي 

ساره : فاكره يا حبيبي , و بعدين يعني اي حامل يعني مش هنرقص 

مصطفي : لا مش هنرقص 

ساره : مصطفي هنرقص يعني هنرقص يلااا 

مصطفي باستسلام : يارب الصبر من عندك 

………… 

امير و بيقرب من وتين و بيمد ايده : تسمحيلي بالرقصه دي 

وتين بابتسامه : طبعااا 

امير باس ايديها و ابتسم و اخدها و طلعوا ع الاستيدج و و اخدها ف حضنه و بص ليها بكل حب : انتي نعمه ف حياتي يا توتا 

……

سيف و بيبص ع اللي بيرقصوا و بعدين بص ع هدي و قرب منها و شد ايديها : اشمعنا احنا تعالي نرقص بس براحه عشان حملك 

هدي بضحكه : مجنوون 

سيف بعد ما طلعوا ع الاستيدج همس لها  : مجنون بحبك

…………………………

الرقصه خلصت و الكل صقف و كله رجع مكانه دقايق و النور قطع و الكل عمال يهمس و فجاءه نور خفيف متصلت ع الاستيدج و أسر واقف هناك و ماسك مايك 

أسر: احم , 1,2,3 الكل سامعني , طيب بصوا بقاا معلشي يا عم حسام هخطف دقايق من فرحك , انا أسر بحب واحده و حااب اعترفلها بحبي ليكوا هنا قدام الكل و اتقدملها و بدا يمشي بخطوات ثابته و بيقرب من مكان ايمان المصدومه اللي واقفه جمب امير المبتسم بمكر

اسر : ايمان انا بحبك لا لا انا واقع و غرقان ف حبك من اول لحظه شوفتك فيهاو انا حبيتك و خطفتي قلبي امنتيتي من يوم ما شوفتك و هي انتي و قرب منها و قعد ع ركبه واحد  قدامها و طلع علبه فيها خاتم و بص ليها و اتكلم ف المايك : ايمان تقبلي تتجوزيني 

حسام : يا ان اللعيبه 

الكل بدا يصفر و مبتسم و ايمان مصدومه و مرتبكه قربت منها توتا و اتكلمت بابتسامه :مستنيه اي اتكلمي 

وعد و بتخبط ف كتف ادهم : شوفت الرومانسيه انت معملتليش كدا ليه هااا انا اتكروت يا ابااا 

ادهم بص لها : وعددد 

وعد مبتسمه : طب بحبك 

ادهم ابتسم و بص ع ايمان 

ايمان و بتبص لامير  امير هز راسه بمعني وافقي 

ايمان بكسوف و بتمد ايديها : موافقه 

أسر بفرحه لبسها الخاتم : و اخييييرررا يا فرج الله 

سامر بمشاكسه : اي دا اشمعنا انااا و قرب من أسر : لو سمحت يا اخيناا ممكن المايك كدا 

        

          

                

أسر : اه طبعاا خد 

سامر و اخد المايك و بص لنهي و اتكلم بحب : بقول لك اي يا نهي سامعاني 

نهي بضحك : اه سمعاك 

سامر : تتجوزيني 

نهي بضحك : تعالي و انا اقول لك هاتي المايك دا 

سامر ادالهاا المايك 

نهي بهبل و بتتكلم ف المايك : تيست تيست الو الو 

سامر و شد منها المايك ردي غلياا يا هبله هانم تتجوزيني و لا اغير راي 

نهي : لا لا موافقه اتجوزك 

حياه ضحكه ع صاحبتهاا الهبله 

و ساره : مدلوقه طول عمرك 

حسام بصوت عالي : لاحظوا انه فرحي و انتوا اخدتوا راحتكوا اوي 

الكل ضحك و بدا يرقص ع الاغاني 

…………

بعد  ساعه 

خارج و هو متعصب و مش شايف قدامه من عصبيته 

وعد و بتنادي عليه : ي ادهم  ي ادهم  , … ي ادهم  استني مش عارفة أجري استني بس

ادهم بعصبيه : إرجعي القاعة انا همشي 

وعد و مكمله مشي وراه : مش هسيبك تمشي و أظن مينفعش تخليني أجري وراك من القاعة لحد الشارع كدة و أنا لابسة كعب و هقع 

ادهم وقف و بص وراه و اتنهد: عايزة إيه

وعد : في إيه 

ادهم بنرفزه : والله كمان بتسألي؟!

وعد بعدم فهم : منا مش عارفة في إيه أنا كنت واقفة مع قرايبي لقيتك بتبصلي بعصبية من بعيد و بعدها خرجت وجرَيتني وراك.

ادهم بغيظ : و مش شايفة إن الأستاذ إبن عمك عمل حاجة ؟

وعد باستغراب : حاجة! حاجة إيه؟

ادهم بعصبية و زعيق: الأستاذ حط ايده علي كتفك عرفتي حاجة إيه , بيحط ايده علي كتفك ليه بتاع إيه أصلا يعمل كدة أنا  كنت هروح اقطعهاله  , لا و إنتي متكلمتيش و سيبتيه كدة عادي و لولا إني بصيتلك كان زمانك سايباه و بتهزري و هِق و مِق مش كدة 

وعد بتبرير كانت لسه هتتكلم :  دا اب....

ادهم قاطعها بنفس العصبيه : و الفستان كمان قولتلك إنه ضيق و سعيه شوية و بردو لبستيه و الميك أب اللي انتي حطاه اللي مبين جمالك دا كل دا و المفروض أبقي عادي 

وعد ساكته و بصاله : …………

ادهم بنرفزه : ما تردي هو أنا بكلم نفسي 

وعد ساكته و بتضحك : ………...

ادهم : إنتي بتضحكي ليه متعصبنيش

وعد بابتسامه : تعرف إنك حلو و إنت متعصب "بغمزة" أو و إنت غيران

ادهم : اضحكي عليا بكلمتين بقي 

وعد : تؤ بس دا ابن عمي و هو خلاص هيخطب و أنا دلوقتي محجوزة ليك دبلتك اللي ف أيدي تثبت إني بتاعتك إنت و مش هبقى لحد تاني 

ادهم بزعيق: إن شالله يكون مين بردو ميحطش إيده علي كتفك يحطها ليه و لا يقربلك ليه اصلا الله 

وعد ساكته و بتبصله بتسبيل : ……...

ادهم : لا بقولك ايه متبصليش بعينك الواسعة اللي بتخطف قلبي دي و فستانك النبيتي دا عشان لو عمل كدة تاني هروح اكسرله إيده قدامك أنا بقولك أهو 

وعد بحب : حاضر 

و مسكت ايده و دخلوا القاعه تاني 

ادهم ف نفسه : ( بغير أيوة بغير عليها مش قلة ثقة فيها بس مبحبهاش تبان حلوة ف عين حد غيري انا واثق إنها بمية راجل و أنا مش معاها بس بتجنن لو حد فكر يقرب منها كأن ف نار جوايا ببقي عايز أخبيها جوايا عشان محدش يشوفها ف نفس الوقت عايز العالم كله يعرف إني معايا أحلي واحدة ف البنات هي حاجة لازم تظهر و تسخبي عن العالم ف نفس الوقت ف الحقيقة أنا قلبي محظوظ بيها ) .

…………………………………………………………

ستتتوب هنا نكمل بعدين