رواية نبضات القلب الفصل الثامن و الثلاثون 38 - بقلم دنيا صابر

 وعد و هي ف شقتها بتضبط ديكوراتهاا عشان الفرح قرب خلاص : ايه يا ادهم انت فين 

                              

ادهم رد ع فونه : انا جاي اهو ي حبيبتي

                              

وعد : طب يالا عشان عايزة اوريك حاجة 

                              

ادهم باستغراب : حاجة إيه؟

                              

وعد : لما تيجي هتشوفها يالا بقي 

                              

ادهم بغزل : طب وحشتيني 

                              

وعد بكسوف : احم و انت كمان 

                              

ادهم : و أنا كمان إيه

                              

وعد : عايز إيه

                              

ادهم : و أنا كمان إيه قولي 

                              

وعد بخجل : ي ادهم مانت عارف إني بتكسف 

                              

ادهم : طيب أنا قربت أهو يالا سلام 

                              

ادهم ف نفسه و هو مرسوم ع وشه ابتسامه من القلب (بحب كسوفها رغم إنه بيشلني بس أي حاجة منها بتدخل قلبي تفاصيلها كلها ف قلبي هي رغاية جداً و بتشاركني دايماً كل التفاصيل ببقي مبسوط من دا و مش شايفه هبل أو فراغ منها بالعكس بفرح إني من القريبين اللي بتشاركهم تفاصيلها و دي حاجة مش أي حد ينولها منها أصلها مش بتاخد عالناس بسرعة بس أنا عِرفت أخليها تاخد عليا عشان ببقي مُهتم بأي حاجة منها ) 

                              

وعد : بص أنا إختارت أباچورات أوضتنا علي شكل ويني الدبدوب  بص شكلها حلو ازاي  , يا ادهم ......تصدق شكلك حلو كدة و انت مقموص و لازملك صورة 

                              

ادهم : بس ي وعد 

                              

وعد و صورته : أخيراً نطقت بس الصور حلوة تصدق 

                              

ادهم : وريني

                              

وعد برخامه : لا مش هوريك ها 

                              

ادهم بغيظ : وعد 

                              

وعد و بتقلده : ادهم  

                              

ادهم : وريني خلصي 

                              

وعد بابتسامه : أما تقولي إنك مش زعلان مني الأول و تشيل البوز دا  .

                              

ادهم بخبث و بيقرب منها : عايزاني افك البوز 

                              

وعد برقه : ايوا طبعا 

                              

ادهم بغمزه : اديني واحده بحبك بطعم بوسه منك 

                              

وعد بكسوف : اي دا لا طبعا بطل تقرب كدا 

                              

ادهم و بيقرب و باسها و بعد : انا مباخدش رايك و بعدين انتي مراتي يعني مبستاذنش انتي ناسه ان احنا كاتبين الكتاب و لا اي , يلا وريني الاباچورات مش ويني دا اللي هو الدب اللي بيحب ياكل عسل كتير دا 

                              

وعد بكسوف بعدت و راحت توريه الاباجورات : اه دا هتعجبك اوي و لسه عايزه اجيب السجاده عليها السنافر و ...

                              

ادهم مقاطعاا : حبيبتي انتي بتفرشي اوضه نومنا احنا مش اوضه اطفال هياا 

                              

وعد بتبويزه : بس انا بحبهم 

                                      

 

                

ادهم بضحك : بس انتي كبيره ع حاجات العيال دي 

وعد : قصدك اي اني عيله 

ادهم : ابداااا روحي بس نوريهم خلينا نجربهم 

..................................................................

حسام و هو ف مكتبه ف الشركه فونه رن باسم حياتي ابتسم و رد عليها ع طول 

حسام : الو 

حياه بصوت باين عليه العياط : ايوة 

حسام باستغراب : مالك ي حياه  انتي بتعيطي؟

حياه بدموع : اه

حسام بقلق : في إيه حد ضايقك إيه اللي حصل

حياه بشحتفة: لا 

حسام باستغراب : اومال في إيه بتعيطي ليه 

حياه : مات ي حسام  ماات

حسام بخضه : هو مين دا اللي مات انطقي و لا إنتي فين ؟

حياه و صوت بيتقطع من العياط : مو.. موفا.. موفاسا ي حسام 

حسام بنرفزه : نعم ي ختي ! 

حياه : إيه ي حسام  

حسام :  الله يسامحك ي بعيدة سيبتي ركبي فالاخر بتعيطي علي كرتون 

حياه : إنت بتتريق علي أحزاني

حسام بتنهيده : لا ي حبيبتي اجيبلك مناديل و لا عندك كفاية 

حياه : لا عندي هاتلي حاجة حلوة و تعالي 

حسام : حاضر ي ست حياتي عايزة إيه

حياه : هاتلي شيبسي و مصاصة و ايس كريم و شيكولاتة و بس كفاية 

حسام بسخريه : ليه ما تكملي 

حياه : لا لا كفاية يدوب يكفوني و أنا بشوف نيمو 

حسام : الصبر يارب 

قفل معاهاا و ابتسم و ف باله (بحب طفولتها أوي رغم إنها بتنقطني بس ببقي مبسوط إني بشاركها هبلها طفولتها حتي عياطها اللي مش بحب اشوفه ف عينها ببقي فرحان إني معاها في أي حالة و أي طبيعة بتكون فيها هي حظي الحلو ف الدنيا دي و حياتي حلوة معاها و بيها )

...............................................................

نهي و بتخبط شقه ساره و سامر واقف جمبها 

ساره و بتفتح الباب و اتصدمت و ع طول ضحكت : نهي , خرجتي امتي و ازاي متقوللناش انا و لا مصطفي عشان نيجي ناخدك 

نهي بعياااط : وحشتيني 

ساره و اخدتها ف حضنهااا : و اخيرااا يا بنت اللذينا 

سامر عشان يبعد وصلت العياط دي : لا لا كدا هتعيطوني معاكا ينفع كداا 

ساره و اخدت بالها من وجوده : عامل اي يا دكتور 

        

          

                

سامر : الحمد لله تمام خدي بالك بقا من قلبي لحد ما اجي عشان اوصلها لحياه هروح مشوار كدا و ارجع و وجهه كلامه لنهي اللي واقفه مكسوفه سلام يا حبيبتي 

بعد ما سامر مشي ساره شده نهي بسرعه من دراعهاا 

$$$$$$$$$$$$$$$$$$$$$$$$

_ي بني فهمني كدا، هتفضل توجع ف قلبك لإمتي؟

عز : بس انا مش موجوع!

_ي عز انا مش بس صاحبك، أنا أخوك وخايف عليك. 

عز بقله حيله : يعني اعمل اي ي محمد؟

_ي بني كلمها، قولها انك بتحبها. 

عز : مش جاهز دلوقتي. 

_واما تروح منك، هتعمل اي وقتها!

عز ف نفسه : (قلبي اتوجع ومقدرتش أرد عليه، فكره اني اشوفها مع حد تاني غيري بتقطع أنفاسي، بتحرق قلبي، بتخنق روحي ، بس حاسس اني عاجز مش قادر اعمل حاجه، لا قادر أقربلها ولا قادر أبعد عنها! )

الحكايه ابتدت من اول يوم ليها ف الكليه و هي كانت داخله الكليه جديد بقالي 3 سنين بحبهاا من اول يوم دخلت فيه الكليه و عيني شافتهاا ، كنت يومياً بشوفها وهي بتركب مع صاحبتها للجامعه وأنا بروح شغلي، كنت بتعمد أمشي ف الوقت اللي بتمشي فيه علشان أقدر أشبع من ملامحها وأقلل شوقي ليها ،لدرجه اني كنت بنسى نفسي وانزل معاها ف نفس المحطه وامشي وراها لغايه البيت! 3 سنين وانا قلبي واقع في حبها، 3 سنين وانا بصبر وعايش على أمل انها تحبني وتكون من نصيبي و قلبي وقع ف رجلي يوم مع عرفت انها عملت حادثه حسيت فجاءه بروحي بتطلع من جسمي و رطريقه ما وصلت للمستشفي اللي هي فيها و سالت عن حالتها ع قد ما زعلت و اتصدمت انها كانت راكبه العربيه مع شاب و ف طريقهم للساحل ع قد ما كان قلبي ملهوف و مرعوب عليها فجاءه حسيت ان انا اللي اتشليت لما الدكتور المختص ع حالتها بلغني ان بسبب الحادثه فقدت القدره ع المشي بقالي شهرين بحاول اتكلم معاها ع اساس اني اخو زميل لها ف الكليه و هي رافضه تتكلم مع اي حد تعبت من كتررما انا مخبي حبي ليهااا انا مهمنيش اذا كانت قعيده او لا المهم عندي هي و بس  

فكره إني أروح أعترفلها بحبي صعبه جداً، ساهله على محمد يقولي اروح واقولها، بس صعبه أوي على قلبي لو رفضتني!

_ي عم رجلي ورمت من الوقفه هنفضل واقفين كتير كدا قدام اوضتهااا لحد امتي يعني 

عز : ششششش، وطي صوتك، هتاخد بالها. 

محمد : يكش تاخد بالها ونخلص بقا، أروح أقولها إنك بتموت فيها! والله هيصعب عليها حالك ولو مرتبطه هتسيبه، ولو سنجل هتموت ف أهلك ، ولو أهلها رافضين هتقنعهم، ولو تخينه هتخسلك، ولو رفيعه هتتخن، ولو وحشه هتحلو، ولو.. 

عز : يخربيتك اتهد بقا واسكت. 

محمد بيكمل : ولو.. 

عز (سكته بإيديا، مكنتش حابب حاجه تعطلني عنها وعن التركيز في ملامحها وهو صداع مبيسكتش، بس الصاحب الحقيقي هو اللي ممكن يعمل المستحيل علشان سعادتك وأنا لاقيت الصاحب دا ف محمد. )

        

          

                

ابتسامتها وصوتها خطف قلبي، صاحبتها سابتها ومشيت، وحنان دخلت مكتبه، كنت شايفها من بعيد ومقدرتش أقرب كالعاده.

............................................................

ساره و بتغمز لنهي : اي الحوار 

نهي باستعباط : حوار اي 

ساره : انتي هتستعبطي حوار الدكتور سامر اي حبتيه و لا اي 

نهي بكسوف و هيام : اوي اوي يا ساره 

ساره و بتصقف بحماس : ايوا بقااا دا الصناره غمزت 

نهي : احم , الهم قومي يلا البسي عشان نروح لحياه اكيد محتاسه لوحدهااا 

ساره برفعت حاجب : لا احكيلي الاول 

نهي و بتزقها عشان تقوم : لا هحكي مره واحده و هي لما نروح عند حياه يلا بسرعه 

ساره و داخله تلبس : فوريره 

&&&&&&&&&&&&&&&&&&&&&&&&

ف شقه الثلاثي حياه و ساره و نهي و اللي قاعده فيعا حياه حاليااا 

قاعده بتتفرح ع سمبا و مندمجه و فجاءه جرس الشقه رن 

حياه و ف بقها فشار : حاااضر جايه اهووو اوعي يا حسام تكون نسيت الحاجات اللي طلبتها منك و فتحت و هي معتقده انه حسام 

حياه بصدمه : ساره اي يا بنتي انتي مش قولتيلي انك مش,جيالي النهارده 

ساره ببتسامه : لا ما انا جيالك و جيبالك مفجاءه هتفرحك اوي 

حياه بعدم فهم : مفجاءه اي 

ساره و راحه ناحيه السلم و اتكلمت بصوت عاالي : اطلعي يا مفجاءه 

و ظهرت نهي و اتكلمت بصوت عالي : مفجااااه 

حياه و اتنطتت : نهييييي و حشتيني اي دا انتي خفيتي انا مش مصدقه نفسي 

نهي و عايزه تفلت من حضنهاا : حياه انتي يا زفته هفطس خنقتيني ياا شيخه حرام عليكي 

حياه و بتشدهم و تدخلهم الشقه : و اخيرااا الثلاثي رجع تاني دا احنا هنكسر الدنيا كدا فرحتي بقت كااامله 

نهي : دا احنا مش هنكسر الدنيا و بس دا احنا هنولعهااا يلا احنا جاين هنا عشان تجهزي و نروح نحضر الحاجات اللي ناقصاكي 

ساره : نعم ياختي لا دا انتي تحكيلي الاول حوار دكتور سامر 

حياه و بتفتكر : دكتور سامر مين يكونش الي كان بيسال عليها و دا ماله و حكايت اي 

ساره : ما هي هتحكي اهو 

نهي بتنهيده و حب: ما انا عارفه مش هخلص منكوا خلاص قومي اجهزي و انا بحيلكوا 

و بدات تحكي هو بدا يجي ف الاول يتكلم كتير و هي مطنشه و اعترف ليها انه بيحبها من وقت حادثتها مع مازن و مخبي و هي صدته و ازاي انجذبت  ليه و لما اختفي و بعد اكتشفت انها حبيته و متعلقي بيه و وحشها وازاي لما ظهر فجاءه هي اعترفت بحبها ليه  ............... 

و البنات بتسمع و مركزه و خلصوا لبس و نزلوا السلم و بيضحكوا فرحانين انهم اخيرا اتجمعوا تاني 

.............................................

تحت عند باب العماره واقف سامر بعد ما وصلهم و قالهم انه هيستناهم يوصلهم المول اللي هما حابين و هما وفقوا واقف و راكن ع العربيه و مركز ف فونه 

عدا من قدامه حسام و ماسك كيسمليان بطلبات حياه اللي مبتخلصش و استغرب الشاب اللي واقف و هو اول مره يشوفه و قرر يروح يتكلم معاه و يساله اذا مستي حد لانه قلق منه 

حسام : احم , لو سمحت 

سامر و بص عليه و قفل فونه و اتعدل ف وقفته : افندم

حسام : معاك حسام ...... كنت بسال بس لو انت مستني حد  هنا اصل انا اول مره اشوفك 

سامر بابتسامه : اه اهلا وسهلا حسام انا سامر دكتور سامر و ايوا انا اول مره اجي هنا مستني خطيبتي هي و صحاباتهااا 

حسام : تشرفت بيك دكتور سامر  

سامر : الشرف لياا 

وقطع كلامهم نزول البنات بصوت ضحكهم واصل لحد عندهم 

سامر و ابتسم و موجهه كلامه لسامر : اهي جيت

حسام و بيغلي من الغيره ع الهانم اللي نازله و ضحكتها موصله اخر الشارع بص ع سامر و ابتسم بالغصب و قرب من حياه 

حياه اول ما شافته اتخرصت فجاءه  

حسام و مسك دراعهااا : راحه فين يا هانم 

حياه و بتفك ايده : كنت لسه هرن عليك و اقول لك 

حسام برفعت حاجب : لا والله 

حياه بتبرير : اه والله راحه اشتري شويه حاجات نقصاني مع نهي و ساره انت مشوفتش نهي قامت بالسلامه تعالي سلم عليهاا 

حسام : انت بتسكتيني صح عشان مزعقش ع صوت ضحكتك العاليه صح 

حياه بتوتر : اسفه , ماخدتش بالي تعالي بس سلم مينفعش وقفتنا بعيد كدااا 

.....................

ناحيه نهي و ساره و سامر

سامر باستغراب : مين داا 

نهي و ساره بصوت واحد : دا حسام العريس 

سامر :اهااا العريس و ماله متعصب ليه 

ساره ضحكت : اصل غيور و نرفوز شويتين 

استووب هنا و نكمل بعدين ......

رايكوا !!!!

توقعاتكوا !!!!!