رواية عرض جواز الفصل السادس و الثلاثون 36 - بقلم اسماء صلاح

تكمله البارت  الخامس  والثلاثين من عرض جواز 

مروان بعصبيه:"اه صحيح انا بعمل ده كله ليه؟ الدنيا 

ما تهددش يعني! حضرتك متاخر عن الشغل، وايه يعني؟

ما هي الدنيا ماتهددتش!لا، اتهدت لما صاحب العمل يتأخر

 عن الشغل! يبقوا الموظفين هيعملوا ايه؟ قول لي كده، مش هيتاخروا هم كمان عن الشغل؟ما هما لقينين صاحب العمل متأخر وما يهموش الشغل، بقى هما اللي هيهمهم الشغل؟

وساعتها بقى اللي تعب فيه باباها الله يرحمه طول عمره يروح كده بسهولة. مش كده؟"

(وسكت كريم)

مروان:"ما ترد عليا! سكت ليه؟ مش ده اللي هيحصل؟"

كريم بقلق:"أنا آسف يا مروان."

مروان :"آسف؟! آه آسف! أنا عايزك تيجي لي الشركة دلوقتي."

كريم:"ليه؟ في إيه يا مروان؟"

مروان:"لما تيجي تبقى تعرف... سلام."

كريم:"استنى بس يا مروان!"

وقفل مروان الخط، ورمى التليفون قدامه على المكتب،

ورجع لورا وسند بظهره على الكرسي بغضب.

في عربية كريم:

كريم بقلق: قفل الخط، وشال التليفون من على ودنه، 

ونظر له...

وبعدين التفت على الطريق:

"مروان معاه حق… أنا غلطت. ما كانش ينفع أتأخر عن الشغل.

لازم اهتم بالشغل أكتر من كده، وإلّا هيضيع كل اللي بابا عمله بسببي، زي ما قال مروان.

وأنا مش ممكن أسمح إن ده يحصل، ويضيع كل اللي تعب فيه بابا السنين دي كلها بسهولة كده.

بدل ما أحافظ عليه… يبقى أنا اللي ضيّعته؟!لا… أنا لازم أحافظ عليه، واهتم شوية بالشغل. مش هضيّعه.

أروح أعتذر من الأستاذ فتوح… وبعدين أروح لمروان الشركة أشوفه عايزني في إيه."

(والتفت لتليفونه، وحطه في جيبه، ونظر للطريق 

وبيسوق.)

قدام الجامعة:

واقفة نجمة، ولنفسها بتفكير:

 "اعمل ايه بس انا مش عايزه اشوف مروان، وفي نفس الوقت لازم اروح اشوفه.وانا مش هقدر اشوفه... اعمل ايه؟ايوه هو ده الحل: اتعامل معاه ولا ادني اعرفه، وما اديلوش فرصه يتكلم معايا في حاجه غير المسابقه.ولو حاول يتكلم في اي حاجه من اللي حصلت بيني وبينه، اتجاهلها.هو ده الحل ما فيش غيره.لازم اتكلم معاه في المسابقه وبس... واحاول اخلص بسرعه وامشي.

(وبقلق) اما اروح بقى... وامري الي الله."

ونظرت على يمينها، لقت تاكسي جاي:

 "تاكسي!" (وشاورت له).

ووقف التاكسي.

وركبت نجمة وراه:

"اطلع يا أسطى على شركة الشناوي."

السواق: "حاضر." (وتحرك.)

في عربية كريم:

وسايق كريم لقي وصل للمطبعة، وبقلق:

"أديني وصلت على المطبعة، أركن بقى هنا علشان العمال ما يعرفوش إن العربية بتاعتي ويشكّوا. وأنزل بقى أعتذر من الأستاذ فتوح، وبعدين أروح لمروان في الشركة."

وركن العربية جنب المطبعة، ودخل مسرعًا، وماشي 

ونظر حواليه:

"هو الأستاذ فتوح فين؟ تلاقيه في مكتبه، أما أروح أعتذر منه على اللي حصل له بسببي ده."

(ومشي مسرعًا.)

وبينظر فاتح قدامه بالصدفة وهو بيشتغل، لقى كريم:

" كريم".

ووقف كريم : "أيوه يا فاتح."

(وراح لعنده ووقف جنبه.)

فاتح: "إيه اللي أخرك كده يا كريم؟"

كريم : "ها… ما فيش يا فاتح، كنت في مشوار."

فاتح: "مشوار إيه ده يا كريم اللي اخرجك عن الشغل كده؟ وبعدين أنا اتصلت بيك!"

كريم: "اتصلت بيا؟"

فاتح: "أيوه، اتصلت بيك. أصل قلقت عليك لما ما جيتش الشغل، وافتكرتك تعبان ولا حاجة، عشان كده اتصلت بيك… بس تليفونك كان غير متاح."

كريم: "أهااا، لا ما تقلقش يا فاتح، أنا كويس."

فاتح: "طب الحمد لله إنك كويس، بس ما كانش ينفع إنك تتأخر عن الشغل كده يا كريم، ده الأستاذ فتوح على آخره."

كريم: "أيوه ما أنا عارف."

فاتح: "عارف! وعرفت منين يا كريم؟ هو كلمك؟"

كريم: "ها… حاجة زي كده يا فاتح، أنا هروح له بقى."

فاتح: "طيب ادخل له وربنا يستر بقى. آه صحيح، نسيت أقول لك… مش الأستاذ فتوح قال لنا النهارده إن الرواتب بتاعتنا زادت؟ مروان بيه زوّدها."

كريم بابتسامة: "أهااا، وانت مبسوط يا فاتح مش كده؟ علشان ده هيساعدك شوية، صح؟"

فاتح بابتسامة: "آه، هيساعدني يا كريم وأنا مبسوط، وبعدين مين اللي راتب بتاعه يزيد وما يبقاش مبسوط يا كريم؟ بس أنا زعلان علشانك، الأستاذ فتوح متضايق قوي علشان إنت اتأخرت."

كريم: "ما تقلقش يا فاتح، إن شاء الله مش هيحصل حاجة."

فاتح: "يارب يا كريم ما يحصلش حاجة… بس مش باين، علشان شكل الأستاذ فتوح ما يطمنش خالص يا كريم."

كريم: "طيب يا فاتح، أنا هروح أشوفه… عن إذنك."

فاتح: "اتفضل يا كريم، وربنا يستر."

كريم: "يارب"، ومشي.

وبينظر له فاتح وهو ماشي، ولنفسه بقلق: 

"يارب ما يحصلش حاجة، وكريم ما يتخصملهوش اليوم، ويقبض معانا الراتب كامل من غير خصم. أما أشوف شغلي بدل ما الاستاذ فتوح يخصم لي."

ونظر على المكنة بتاعته وبيشتغل.

وراح كريم عند باب مكتب الأستاذ فتوح بقلق وخبط عليه.

الأستاذ فتوح: "ادخل."

ودخل كريم المكتب، وبيقفل الباب.

الاستاذ فتوح: "كريم، انت فين يا كريم؟ ايه اللي أخرك كده؟"

وقفل كريم الباب: "معلش يا أستاذ فتوح، انا آسف، بس ما كنتش اعرف والله ان ده كله هيحصل عشان اتأخرت."

ووقف قدام المكتب.

الأستاذ فتوح: "هيحصل؟ هو انت عرفت اللي حصل؟"

كريم: "ايوه يا أستاذ فتوح عرفت، مروان اتصل بيا وقال لي: أنا آسف يا أستاذ فتوح، حضرتك ما لكش ذنب في اللي حصل، علشان مروان يخصم لك يومين. أنا حاولت والله معاه بس."

الأستاذ فتوح: "بس معرفتش تقنعه إنه يلغي الخصم، مش كده؟"

كريم: "ايوه، بس حضرتك عرفت إزاي؟ هو مروان كلمك تاني؟"

الأستاذ فتوح: "لا، ما كلمنيش، بس أنا عارف، مروان بيه لما بيقول كلمة مش ممكن يرجع فيها ابدا مهما حصل."

كريم: "أهااا، أنا آسف يا أستاذ فتوح."

الأستاذ فتوح: "مافيش داعي للاعتذار يا كريم، اللي حصل حصل، والحمد لله إنها جات على قدها كده ومترفدتش."

كريم: "إزاي بس يا أستاذ فتوح؟ ما فيش داعي للاعتذار، حضرتك مالكش ذنب في اللي حصل ده، أنا اللي غلطان علشان اتاخرت، فأنا آسف."

الأستاذ فتوح: "خلاص يا كريم، ما تعتذرش، انت ما عملتش حاجة علشان تعتذر عليها. وبعدين، مروان بيه معه حق، خايف على الشغل، وأي حد مكانه كان هيعمل كده برده. بس هو قالك إنه خصم لك اليوم بتاع النهارده."

كريم: "أيوه، قالي يا أستاذ فتوح."

الأستاذ فتوح: "طيب، أنا آسف يا كريم،انا مضطر أخصم لك اليوم زي ما مروان بيه قال، حتى لو اشتغلت برده هيُتخصم لك اليوم."

كريم: "مافيش داعي إنك تعتذر يا أستاذ فتوح، اخصم لي اليوم علشان أنا أستاهل فعلاً انه يتخصم لي اليوم، علشان

 أنا غلطان وماكانش لازم أتأخر عن الشغل."

الأستاذ فتوح: "طيب يا كريم، انت هتعمل إيه دلوقتي؟ هتشتغل ولا هتمشي؟"

كريم: "والله يا أستاذ فتوح، كنت عاوز أقعد أشتغل، بس

مش هينفع، لازم أروح لمروان الشركة علشان عاوزني."

الأستاذ فتوح: "طيب روح يا كريم، وبعدين ما فيش داعي إنك تشتغل، علشان كده كده زي ما قلت لك، لو اشتغلت هيتخصم لك اليوم. فاروح أحسن لمروان بيه. أنا ما بقولش كده علشان أقولك تعمل إيه وما تعملش إيه، لا يا كريم، لو عاوز تفضل تشتغل اتفضل، دي المطبعة بتاعتكم وأنا موظف عندكم مش أكتر. وأنا آسف لو كنت تطولت بالكلام، أنا قلت كده علشان مش عاوزك تتعب بس على الفاضي، وأنت مخصوم لك اليوم مش أكتر  يا كريم والله."

كريم: "أنا عارف يا أستاذ فتوح إنت تقصد إيه، فما فيش داعي تحلف. وعلى العموم حتى لو أنا عاوز أفضل علشان أشتغل مش هينفع، زي ما قلتلك، علشان مروان عاوزني في الشركة، وأنا لازم أروح له. علشان لو ما رحتش هيضايق مني أكتر ما هو مضايق، وكفاية أوي اللي حصل لغاية دلوقتي يا أستاذ فتوح، فأروح له أحسن."

الأستاذ فتوح: "طيب يا كريم، وعلى العموم ما تقلقش. مروان بيه زي ما أنا شايف يعني، مش ممكن يضايق منك، علشان إنت أخوه وبيحبك يا كريم."

كريم : "طيب يا أستاذ فتوح، أنا لازم أمشي... عن إذنك."

الأستاذ فتوح: "اتفضل يا كريم."

(ومشي كريم.)

وبينظر له الأستاذ فتوح وهو ماشي بابتسامة.

وقف فاتح قدام ماكنته وبيشتغل، والتفت قدامه بالصدفة، لقى كريم جاي، وبقلق:

"ها يا كريم، عملت إيه مع الأستاذ فتوح؟"

وراح كريم لعنده ووقف قدامه:

"مافيش يا فاتح."

فاتح: "مافيش يعني ماخصملكش اليوم؟"

كريم: "لا، خصمه لي يا فاتح."

فاتح: "إيه! خصمه لك؟"

كريم: "أيوه."

فاتح: "ليه يا كريم، إنت ما اعتذرتش منه علشان اتأخرت؟"

كريم: "لا يا فاتح، اعتذرت منه."

فاتح: "طيب كويس، ولغى لك الخصم؟"

كريم: "لا يا فاتح، ما لغهوش."

فاتح: "ما لغهوش؟"

كريم: "أيوه، بس ما تقلقش، أنا مش زعلان."

فاتح: "مش زعلان إزاي بس يا كريم؟ أكيد إنت زعلان وبتقول كده وخلاص."

كريم: "لا يا فاتح، والله أنا مش زعلان. علشان أنا غلطان وما كانش لازم أتأخر عن الشغل. علشان كده  انا مش زعلان، لأني أستاهل الخصم."

فاتح: "طيب ما إنت اعتذرت منه يا كريم، كان لازمته إيه بقى يخصم لك اليوم بس؟"

كريم: "علشان ده شغل يا فاتح، ومش لازم نتأخر عنه. وللأسف أنا عرفت ده متأخر. بعدين الأستاذ فتوح مالهوش ذنب، الخصم ده جاي من فوق."

فاتح: "من فوق؟ تقصد ايه يا كريم؟"

كريم: "ها.. لا ماقصدتش حاجة."

فاتح: "طيب، انت هتعمل إيه دلوقتي؟ هتمشي؟"

كريم: "آه، لازم أمشي علشان أخويا عاوزني أروح له ضروري."

فاتح: "ليه يا كريم، في إيه؟ خير؟"

كريم: "مش باين إنه خير خالص يا فاتح."

فاتح: "ليه يا ابني بتقول كده؟"

كريم: "أصل أخويا عرف إني ما رحتش الشغل النهارده ومتضايق مني على الآخر."

فاتح: "وهو عرف منين يا كريم إنك ما رحتش الشغل؟"

كريم: "ما هو اتصل بيا يا فاتح، وكان ايه عصبي ومتضايق قوي لدرجة اللي انا حسيت إنه عايز يطلع لي من التليفون من كتر عصبيته."

فاتح: "لدرجة دي يا كريم كان عصبي؟"

كريم: "أيوه يا فاتح، كان عامل زي البركان. وأنا بحمد ربنا ان انا ما كنتش قدامه ساعتها، وإلا ما كنتش أعرف هيحصل لي إيه."

فاتح: "ليه يعني ده كله يا كريم؟ هو حصل إيه علشان يبقى عصبي عليك قوي كده؟"

كريم: "أصل يا فاتح، أخويا بيحب الشغل قوي، وما بيمحسش بالغلط فيه، ولو حد غلط ببقى ليله سوده ومابيرحموش."

فاتح: "إيه؟ مابيرحموش؟"

كريم: "أيوه يا فاتح، مابيرحموش."

فاتح: "يا أخوك ده شكله صعب أوي يا كريم."

كريم: "صعب أوي يا فاتح، وخصوصًا في الشغل."

فاتح: "طيب، الحمد لله إنك بتشتغل مع مروان بيه، مش 

مع أخوك ده يا كريم."

وضحك كريم، وقال: "أهااا."

وحط إيده على كتفه.

 فاتح: "هو إنت بتضحك على إيه؟"

وبطل كريم ضحك، وبابتسامة: "ها، لا مافيش.. بس أخويا زي مروان بيه كده يا فاتح."

وشال إيده من على كتفه.

فاتح: "لا يا كريم ما تزعلش مني، أخوك ده مش زي مروان بيه.. يا مروان بيه مافيش زيه، طيب وأخلاقه عالية، ومن ساعة ما مسك الشركة بعد والده الله يرحمه."

كريم بابتسامة خفيفة: "الله يرحمه."

فاتح: "ومروان بيه عمره ما اتعامل معانا على إنه صاحب العمل وإحنا بنشتغل عنده، لا يا كريم.. دايمًا بيعاملنا زي أسرته. عمره ما زعل حد فينا، واللي بيغلط مننا بيعاقبه بس مش لدرجة إنه ما بيرحموش زي أخوك ده. ولما حد فينا بيبقى عايز حاجة، عمره ما اتأخر عنه.. بيعملها له.

تعرف أبويا الله يرحمه، كان دايمًا يقول لي: نفسي أشوفك 

زي مروان بيه في طيبته وأخلاقه.تعرف بيقولوا إن مروان بيه عنده أخ، يا كريم؟"

كريم: "أخ؟"

فاتح: "أيوه.. بس عمره ما جه هنا ولا شفناه. إظهار إنه مسافر. أصل يعني لو كان هنا كان مسك الشغل مع مروان بيه، بس هو تلاقيه مسافر."

كريم: "أهااا.. طب يا فاتح أنا لازم أمشي علشان أروح لأخويا."

فاتح: "لا، خليك! هتروح له إزاي وهو عصبي كده؟ افرض عمل فيك حاجه وآذاك."

كريم بابتسامة: "لا، ما تخافش.. هو مش ممكن يآذيني."

فاتح: "ليه بقى؟ مش انت بتقول إنه كان عصبي وزي البركان لما كلمك، وكنت حاسس إنه عايز يطلع من التليفون علشان يتخانق معاك؟ يبقى مش ممكن يآذيك ليه بقى؟"

كريم بابتسامة: "علشان هو بيحبني يا فاتح. وعمره ما يفكر يآذيني، وبعدين لو أنا ما رحتلوش هيتعصب أكتر ويضايق، وساعتها بقى ما أضمنش هو ممكن يعمل إيه."

فاتح: "يبقى خلاص ما تروحش يا كريم، بدل ما تتأذي، وسيبه لما يهدى وبعدين روح له."

كريم: "ماينفعش يا فاتح، لازم أروح له علشان مش هيهدى غير لما يشوفني، وبعدين ما تقلقش… أنا معايا سلطة عليا."

فاتح: "سلطه عليا! تقصد إيه يا كريم بسلطه عليا؟"

كريم: "أقصد والدتي يا فاتح."

فاتح: "طيب وبتقول عليها سلطه عليا ليه؟"

كريم: "علشان والدتي من حقها تتصرف زي ما هي عايزه، وتأمر وتنهي، وإحنا علينا التنفيذ… أنا وأخويا."

فاتح: "طب كويس… يعني أخوك ما يعملكش حاجه قدامها، مش كده؟"

كريم بابتسامة: "آه طبعًا ما يقدرش يعمل حاجه، بقولك سلطة عليا يا فاتح… بس لو أنا قلت لها بقى."

فاتح: "قلت لها ليه؟ هو انت مش هتقول لها على اللي حصل ده؟"

كريم: "لا طبعًا مش هقول لها يا فاتح."

فاتح: "ليه يا كريم مش هتقول لها؟"

كريم: "علشان لو عرفت اللي حصل ده هتزعل، وأنا مش عايزها تزعل."

فاتح: "آها… طيب وهتعمل إيه مع أخوك وهو عصبي كده؟"

كريم: "مش عارف يا فاتح والله."

فاتح: "تعرف يا كريم… أنا بحمد ربنا إن أنا ما عنديش أخ."

كريم: "ليه يا ابني بتقول كده؟"

فاتح: "علشان ما بقاش زيك كده."

كريم: "ليه يا ابني؟ هو صحيح أخويا عصبي، بس طيب جدًا. ولما تقرب منه وتعرفه كويس هتعرف إنه طيب."

فاتح: "لا يا عم، شكرًا. مش عايز أقرب منه… أنا كويس كده."

كريم بابتسامة: "ليه؟ ما تقرب… تاخد لك شوية عصبية."

فاتح: "لا يا عم، شكرًا… أنا مرتاح كده مش عايز حاجة."

وضحك كريم : "طيب… أنا ماشي. سلام."

فاتح: "مع السلامة، وربنا يكون في عونك."

كريم بابتسامة : "يا رب يا فاتح… سلام."

وشاور  بايده.

فاتح بابتسامة: "مع السلامة."

ونزل كريم ايده ومَشِي ، وبينظر له فاتح وهو ماشي بابتسامة.

وخرج كريم من المطبعة.

والتفت فاتح قدامه، ولنفسه: "أما أكمل شغلي بقى."

ونظر للمكنه وبيشتغل.

بره المطبعة:

ركب كريم عربيته، وتحرك.

"قدام شركة الشناوي:

في التاكسي:

وقف السواق : "وصلنا حضرتك."

ونظره نجمه من شباك التاكسي، وسرح بتفكيرها في مروان.

والتفت لها السواق باستغراب: "وصلنا حضرتك."

نجمه: "ها."

السواق: "وصلنا حضرتك على العنوان اللي حضرتك قلت 

لي عليه."

ونظرت نجمة علي شركة الشناوي بقلق.

السواق: "هو حضرتك مش هتنزلي ولا إيه؟"

نجمة لنفسها بقلق: "والله نفسي ما أنزلش، بس لازم أنزل، ما قداميش حل تاني."

السواق: "هتنزلي حضرتك ولا أمشي ولا إيه؟"

نجمة: "لا، هنزل."

السواق: "طيب."

(ونظر قدامه)

وفتحت نجمه شنطتها وطلعت الفلوس ودفعت الحساب، ونزلت، ونظرت على الشركة ووقفت بقلق.

ومشى التاكسي.

وأخذت نجمة نفس وراحت عند الشركة بقلق، ودخلت،

وتذكرت اللي حصل معاها في مكتب مروان. فوقفت مكانها، ولنفسها:

 "لا يا نجمة، لازم ما تفكريش في حاجة، أنت جايه هنا علشان المسابقة وبس، فحاولي تفكري في المسابقة وبس، ولازم تتعاملي مع مروان ولا ادينيك تعرفيه. أيوه، لازم أعمل كده."

والتفت على يمينها، لقت الموظف اللي شافته قبل كده لما جاءت تقدّم في المسابقة. فاراحت لعنده:

 "لو سمحت."

الموظف: "أيوه يا فندم، مش حضرتك اللي جيتي تقدمي

 قبل كده في المسابقة؟"

نجمه بقلق: "أيوه، أنا."

الموظف: "طيب، وحضرتك عايزة تقابلي الأستاذ لبيب بردك؟"

نجمه لنفسها: "أيوه، خليني أقابل الأستاذ لبيب أحسن، حتى يكون هديت شويه قبل ما أقابل مروان."

الموظف: "هو في حاجة حضرتك؟"

نجمه: "ها لا، ما فيش حاجة."

الموظف: "طيب، حضرتك عايزة تقابلي الأستاذ لبيب؟"

نجمه: "ها اه، عاوزه أقابل الأستاذ لبيب، هو موجود؟"

الموظف: "اه موجود، أقول له مين يا فندم؟"

نجمه: "قول له نجمه جمال."

الموظف: "طيب لحظة واحدة."

نجمه: "اتفضل."

وبعد الموظف شويه، ومسك سماعه التليفون وبيتصل بالاستاذ لبيب.

في مكتب الأستاذ لبيب:

وبيشتغل الأستاذ لبيب، ورن تليفون المكتب، فالتفت له 

ورفع السماعة:

 "الو".

الموظف سمير: "الو، أيوه يا أستاذ لبيب، أنا سمير."

الأستاذ لبيب: "أيوه يا سمير، في حاجة؟"

سمير : "أيوه يا أستاذ لبيب، فيه واحدة هنا اسمها نجمة جمال عايزة تقابل حضرتك، اللي جات قبل كده علشان تقدم في المسابقة."

الأستاذ لبيب: "آه، هي جات؟"

سمير : "أيوه يا فندم، جات وواقفة قدامي اهي."

الأستاذ لبيب: "طيب كويس، ابعتها لي يا سمير على مكتبي وأنا هقابلها."

سمير: "حاضر يا أستاذ لبيب، سلام."

الأستاذ لبيب: "مع السلامة."

وقفل سمير الخط وراح عند نجمه: 

"اتفضلي حضرتك على مكتب الأستاذ لبيب، أنا أدّيته خبر وهو في انتظارك."

نجمه: "طيب، معلش، هو مكتبه فين؟ علشان أنا نسيت."

سمير: "المكتب تاني دور  على إيدك الشمال."

نجمه: "طيب، شكرا."

سمير: "العفو."

ومشت نجمه، ولِنفسها بقلق: "أنا ما كنتش عايزه أكسب المسابقة دي، ليه بس أنا اللي كسبتها!"

وطلعت على السلم:

" يا ريتني كنت انسحبت منها ماكنتش جيت هنا دلوقتي عشان أشوف مروان." 

ورايحة على مكتب الأستاذ لبيب:

" هو عاوز يشوفني ليه؟ هو عارف ومتأكد إني مش عاوزه أشوفه، ليه عاوز يشوفني؟ بقي أديني وصلت على مكتب الأستاذ لبيب… أهوه، ربنا يستر!"

ووقفت، وأخذت نفس، وخبطت على الباب.

الاستاذ لبيب: ادخل.

ودخلت نجمه ووقفت مكانها بقلق.

الاستاذ لبيب بابتسامة: "أهلاً يا آنسة نجمة."

وقام من على الكرسي: "اتفضلي." وشاور بايده.

وراحت نجمة لعنده، ووقفت قدامه بقلق.

الاستاذ لبيب: "مبروك فوزك في المسابقة."

نجمه: "الله يبارك فيكي."

الاستاذ لبيب: "طيب اتفضلي معايا." 

(ومشى)

نجمه باستغراب: "على فين حضرتك؟"

ووقف الاستاذ لبيب: "على مكتب مروان بيه، هو مستني حضرتك، اتفضلي."

نجمه: "مستنيني."

الاستاذ لبيب: "ايوه، اتفضلي معايا."

 (ومشى)

ووقفه نجمه مكانها، ولنفسها: "مستنيني إزاي وهو عارف إيه اللي حصل بينا؟ يبقى مستنيني إزاي؟ أنا عاوزة أفهم."

ووقف الاستاذ لبيب لقي نجمه واقفه مكانها لسه: 

"هو في حاجة حضرتك؟"

نجمه: "ها لا، مافيش حاجة."

الاستاذ لبيب: "طيب، اتفضلي حضرتك، علشان مروان بيه مستني حضرتك."

(وشاور ناحية الباب)

نجمه: "ها طيب."

وخرَجوا من المكتب.

وماشيه نجمه معاه، ولنفسها: "إزاي مروان مستنيني؟ أنا مش فاهمه، عاوز يشوفني بعد كل اللي حصل ده؟ طيب إزاي وأنا قلت له إني معتش عاوزه أشوفك؟"

(وبضيق) 

"ومع ذلك هو جابني لغاية هنا غصبن عني علشان يشوفني… ماشي، أنا هوريه وهعرفه إزاي يجبني غصبن عني… ماشي يا مروان."

ورحوا على مكتب مروان.

ونظر الأستاذ لبيب لنجوى وهي ماشيه ورايح لعنده.

ونظرت نجمة لباب مكتب مروان وهي ماشية بضيق، فوقفت بتنظر له.

في مكتب مروان:

قاعد مروان على كرسي مكتبه، وسنده ظهره عليه.

واحس بشعور غريب، والتفت على الباب:

"نجمة… أنا ليه حاسس إن نجمة هنا؟ لا هي أكيد مش هنا… هي لسه مجاتش. يبقى هنا إزاي؟ هي محتاجة شوية وقت اعقبال ما تجي… إمال أنا ليه حسيت كده؟ هو إيه اللي بيحصلي ده؟"

وسنده راسه على الكرسي، وهو بينظر للباب.

بره المكتب:

ووقفه نجمة، وبتنظر لباب مكتب مروان بضيق، والتفت للأستاذ لبيب، وراحت وراه.

ووقف الأستاذ لبيب قدام مكتب نجوي:

– "نجوي."

ونظرت نجوي: "ايوه يا أستاذ لبيب."

والتفت لنجمه فاستغربت.

الأستاذ لبيب: "الآنسة نجمه جمال، مروان بيه منتظرها. فبلغيه أنها جاءت."

وظهر على نجمه القلق.

نجوي: "حاضر يا أستاذ لبيب، هبلغه."

الأستاذ لبيب: "طيب عن إذنكم، علشان أنا ورايا شغل."

نجوي: "اتفضل يا أستاذ لبيب."

ومشي الأستاذ لبيب، وبتنظر له نجوي وهو ماشي، والتفت لنجمة:

 "اتفضلي حضرتك."

نجمة: "ها."

نجوي: "اتفضلي." وشاورت على الكرسي اللي قصدها. "اتفضلي اقعدي، اعقبال ما بلّغ مروان بيه إن حضرتك هنا."

نجمه: "شكراً." وقعدت على الكرسي وحطت شنطتها والكتب بتاعها على رجلها.

نجوي: "عن إذنك." وقامت.

نجمه بتوتر: "اتفضلي."

وراحت نجوي علي مكتب مروان بيه وخبطت على الباب.

مروان: "ادخل."

وشال راسه من على الكرسي.

ودخلت نجوي، وقفلت الباب، ورايحة له.

مروان: "في إيه يا نجوي؟"

ووقفت نجوي مكانها: "في آنسة بره يا فندم، عاوزة 

تقابل حضرتك."

مروان: "آنسة مين؟"

نجوي: "الآنسة نجمة جمال يا فندم."

مروان بدهشة: "إيه؟!"…........نتبع 

بقلم : Asmaa Salah