رواية عرض جواز الفصل الثالث و الثلاثون 33 - بقلم اسماء صلاح

تكمله البارت  الثالث  والثلاثين من عرض جواز

كريم: "وانت عايز ماما تفتح السبيكر ليه يا مروان؟"

مروان: "ملكش دعوة انت، ردي عليها يا ماما وافتحي السبيكر."

والدته: "ليه يا مروان؟ انت عايز تسمع صوت نجمة ولا إيه؟"

مروان بارتباك: "ها... لا يا ماما، مش عايز أسمع صوتها، بس عايز أعرف هي بتتصل بيكي ليه."

والدته: "تلقيها اتصلت علشان اتصلت بيها."

كريم: "طيب، ما ردتش ليه يا ماما ساعه ما انتي اتصلتي ؟"

والدته: "تلقيها ما كانش معاها تليفونها، أو كانت مشغولة في حاجة، ولما شافت تليفونها وإن أنا اتصلت، قامت متصلة بيا. يعني مش زي ما أنتم قولتم إنها مش عاوزة تكلمني، علشان لو مش عاوزة تكلمني، ما كانتش اتصلت بي."

مروان: "طيب يا ماما، ردي عليها يلا قبل ما يفصل الخط."

والدته: "غريبة... أنت مش كنت مضايق علشان أنا بكلمها؟"

كريم: "أيوه صحيح يا مروان، أنت ماكنتش عاوز ماما تكلمها، ولما عرفت اللي أنا وماما كلّمناها، إتضايقت مننا. ولسه كنت من شوية بتقول لماما انها تنسى نجمة، دلوقتي جاي تقول تكلمها! هو إيه اللي جرالك؟ إنت ماعدتش بطيق نجمة ولا إيه؟"

مروان: "ها! بطيق إيه اللي دخل دلوقتي؟! إن أنا بطيقها ولا مابطيقهاش؟ أنا بقول لماما ترد عليها تشوفها عاوزة إيه، مش أكتر. مش هي اللي متصلة بيها؟! ولا شايفني يعني أنا اللي متصل بيها علشان تقولي  ماعدتش بطيقها؟"

كريم: "لا، مش انت اللي متصل بيها."

مروان بضيق: "طيب خلاص، ردي عليها يا ماما، يلا."

والدته: طيب، هرد.

مروان: وافتحي السبيكر.

والدته: طيب،

(وفتحت الخط والسبيكر)

— الو؟

نجمة: الو، إيوه يا طنط.

وجدان: إيوه يا نجمة، يا حبيبتي عاملة إيه؟

مروان لنفسه: نجمة...

نجمة: الحمد

(وسكتت، وحطت إيدها على صدرها.)

وجدان باستغراب: إيه يا نجمة، ساكتي ليه؟

كريم استغراب، ومروان ظهر عليه القلق.

وجدان: نجمه، انتي معايا يا حبيبتي؟

نجمه: ها، أيوه يا طنط، معاكي.

وشالت إيدها من على صدرها.

وجدان: أمال ساكتي ليه يا حبيبتي؟

نجمة: مافيش يا طنط، إنتي عاملة إيه؟

وجدان: الحمد لله، كويسة. إنتي اللي عاملة إيه؟

نجمة: الحمد لله، أنا كويسة يا طنط.

وجدان: طيب، الحمد لله. انتي وحشتيني أوي يا نجمة.

(مروان ارتاح)

نجمه: وانتي كمان وحشتيني أوي،معلشي يا طنط، انا ماكنش جنب التليفون لما انتي اتصلتي بي، فمسمعتش، علشان كده مردتش عليكي.

وجدان: ولا يهمك يا حبيبتي.

(وهزت راسها لكريم ومروان)

- انما قولي لي، انتي معتش بتتصلي بي ليه؟

نجمه: ها، أصل كنت مشغولة الفترة اللي فاتت دي يا طنط، علشان كده ما اتصلتش بحضرتك. وبعدين، ما انتي كمان ما اتصلتيش بي، إيه؟نستيني  ولا إيه؟

وجدان: هو أنا أقدر برده يا نجمه أنساكي يا حبيبتي؟

نجمه: أمال ما اتصلتيش بي ليه بقي؟

وجدان: أنا قلت معطلكيش عن المذاكرة، فقلت بلاش أتصّل بيكي وأسيبك لما تتصلي إنتي.

نجمه: ولا هتعطلني ولا حاجة يا طنط، اتصلي بي في أي وقت، ده يعني لو عاوزه تتكلمي معايا.

وجدان: أيوه طبعاً، عايزة أتكلم معاكي، ده انا وحشني الكلام معاك، ماتتصوريش ازاي. 

نجمه: وأنا كمان والله يا طنط، وحشني الكلام معاكي، ونفسي أفضّل أتكلم معاكي على طول كده، بس مش هينفع.

وجدان: مش هينفع ليه؟

(مروان وكريم استغربوا).

نجمه: علشان الرصيد يا طنط، هنعمل إيه بقي؟ مش قاعد، بيطير بسرعة، متقوليش راكب طيارة نفسها يا طنط.

(وضحكت وجدان).

(مروان ابتسم).

وضحك كريم : مش أنا لوحدي يا ماما اللي بهتم بالرصيد، طلعت نجمة كمان اهي.

نجمة سمعت صوت كريم، وباستغراب:

– مين اللي بيتكلم عندك ده يا طنط؟ كريم؟

 وبطلت وجدان ضحك.

 وبطل كريم ضحك، وبصوت مرتفع:

– أيوه، أنا يا نجمة.

نجمة: ازيك يا كريم؟ عامل إيه؟

كريم: الحمد لله يا نجمة، إنما إنتي عرفتي إزاي إني أنا؟

نجمه: هكون عرفت إزاي يعني يا كريم؟ من صوتك، ما أنا قابلتك كذا مرة، طبيعي أكون عارفة صوتك يعني.

كريم:آهااا، يا إنتي بتحفظي الأصوات بقي؟

(مروان ظهر عليه الضيق.)

نجمه: يعني يا كريم، مش بحفظهم أوي، إنما قولي انت عامل إيه في المذاكرة؟ طنط قالتلي إن دي آخر سنة ليك.

كريم: الحمد لله، ماشي الحال يا نجمه. إنتي اللي عاملة إيه في المذاكرة؟

نجمه: الحمد لله يا كريم، ماشي الحال زيك برده، بس آخر سنة بتبقى صعبة شوية عن أي سنة تانية علشان التقدير.

كريم: معاكي حق يا نجمه، هي صعبة فعلاً.

وجدان بابتسامة: إن شاء الله هتنجحوا انتي وهو يا نجمه.

نجمه: إن شاء الله يا طنط، بس انتي ادعيلنا جامد، علشان دعوة الأم بتبقى مستجابة، وخصوصاً لما تبقى أم زي حضرتك كده، طيبة، بتبقى دعواتها مستجابة على طول.

وجدان: انتي اللي طيبة يا حبيبتي، ومافيش منك.

نجمه: ربنا يخليكي يا طنط.

وجدان: ويخليكي يا حبيبتي، هدعيلك دايماً علشان تنجحي.

نجمه: طيب يا طنط، انما قولي لي، حضرتك كنتي بتتصلي بي ليه؟ في حاجة ولا ايه؟

وجدان: لا يا حبيبتي، مافيش، بس أنا قلقت عليكي لما لقيتك ما اتصلتيش بيا بقالك فترة، فافتكرتك تعبانه ولا حاجة، لقدر الله، علشان كده اتصلت بيكي يا نجمة، أطمن عليكي.

نجمه: لا يا طنط، أنا كويسة الحمد لله، متقلقيش.

وجدان: طيب يا حبيبتي، يارب دايماً تبقي كويسة كده.

نجمه: شكراً يا طنط، وزي ما قلت لحضرتك، ابقي كلمني في أي وقت، ومتقلقيش، مش هتعطلني عن مذاكرتي ولا حاجة، أنا واخدة بالي من مذاكرتي كويس، يبقى مش هتعطلني يا طنط، ابقي كلمني يا طنط، وأنا أكلمك برده لو مشغولة.

وجدان: لا يا حبيبتي، مافيش داعي تكلمني وانتي مشغولة، لما تفضي ابقي كلمني، وانا هبقى اتصل بيكي، ماشي؟

نجمه: ماشي يا طنط... هو...

(وسكتت).

وجدان: هو؟ هو مين ده اللي هو يا حبيبتي؟

(مروان استغراب).

نجمه بارتباك: ها؟ لا يا طنط، مافيش، معلشي، انا مضطرة أقفل معاكي علشان مشغولة، هبقى أكلمك تاني.

وجدان: ماشي يا حبيبتي، مع السلامة.

نجمه: مع السلامة يا طنط.

وقفت الخط.

-"إيه اللي كنت هعمله ده؟ ازاي كنت هسأل على مروان؟ بس وبعدين... ليه حاسة إنه هو بينادي عليا؟ هو إيه اللي بيحصل ده؟ أنا مش طايقاه ومش عايزة أشوفه، أروح أسأل عليه طيب؟ ازاي؟ ده غير كده، أنا بفكر فيه دايمًا ليه؟ بس أنا معتش فاهمة حاجة، وحاسة إن مخي هيفرقع... أما أروح ألبس، خليني أروح الجامعة أحسن مايحصل لي حاجة من كتر التفكير ده."

وحطت التليفون في شنطتها وقفلتها، وراحت عند الدولاب.

في فيلا الشناوي – في السفرة:

مروان لنفسه بابتسامة: "اظهار كانت عاوزة تسأل عليه، 

علشان كده سكتت وماكملتش! طيب ازاي عاوزة تسأل عليه وهي اللي طلبت مني إنها مش عاوزة تشوفني؟ لا لا، أكيد أنا فاهم غلط... بس أنا حاسس ليه إنها كانت  عاوزة تسأل  عليه فعلاً؟ علشان كده لحقت نفسها قبل ما تكمل كلامها وسكتت؟ بس لو هو كده فعلاً، طلبت مني ليه إنها مش عاوزة تشوفني تاني؟ طيب لو هي مش عاوزة تسأل عليه، أنا حاسس ليه كده؟ وبحيرة... أنا معتش فاهم حاجة! يا ترى يا نجمة كنتِ عاوزة تقولي إيه وسكتي كده؟ كنت عاوزة تسألي عليه ولا إحساسي غلط؟"

وبيفكر.

وحطت والدته التليفون قدامها على السفرة وقالت:

"شوفتوا بقى إن نجمة عاوزة تكلمني؟ يعني مش زي ما أنتم افتكرتم!"

كريم: "أهاا يا ماما، شوفنا، بس الحمد لله إنها اتصلت، علشان انتي كنتي قلقانة عليها أوي."

والدته: "أيوه، والحمد لله إنها كويسة، وإني اطمنت عليها. أنا كنت قلقانة لتكون مش كويسه ولا حاجة، بس الحمد لله إنها بخير."

كريم بابتسامة: "انتي شكلك بتحبيها أوي يا ماما."

وجدان: "آه، بحبها يا كريم، وبذمتك مش هي تدخل القلب على طول؟ يا كفاية خفة دمها دي!"

كريم بابتسامة: "معاكي حق يا ماما، لا ومش دمها خفيف وبس، لا ذكية كمان، عرفتني من غير ما أقول أنا مين."

والدته: "أمال يا ابني دي..." ونظرت لمروان باستغراب، "إيه يا مروان، ساكت ليه؟"

كريم: "آه صحيح، ما تكلمش ليه يا مروان؟"

وسرح مروان  بتفكيره في نجمة بحيرة.

ونظروا كريم ووالدته لبعض، ثم له.

والدته: "مروان..." 

وحطت إيدها على ذراعه.

مروان: "ها؟ أيوه يا ماما؟"

والدته: "أيوه إيه؟ مالك؟"

وشالت ايدها من على دراعه.

مروان بارتباك: "ها... مافيش يا ماما."

كريم: "مافيش إيه؟ يا انت مش معانا خالص! قولي، إيه اللي مخليك سرحان كده؟"

مروان بضيق: "سرحان فين يا بني انت؟ ما أنا معاكم أهو!"

والدته: "لا يا مروان، انت مش معانا."

مروان: "مش معاكم إزاي يا ماما؟ ما أنا قاعد معاكم أهو!"

والدته: "أيوه، انت صحيح قاعد معانا، بس عقلك في حتة تانية يا مروان. وأنا ملاحظة كده بقلي فترة إنك دايماً سرحان وقاعد ساكت ومش بتتكلم مش زي عوايدك. قولي، في إيه يا مروان؟"

مروان: "مافيش حاجة يا ماما، صدقيني." وقام.

كريم باستغراب: "انت رايح فين يا بني انت؟"

مروان بضيق: "رايح أشوف شغلي إيه، وقوم يلا انت كمان علشان تروح شغلك، ولا انت نسيت من كلامك مع الأستاذة نجمة إن عندك شغل؟"

(والدته استغربت)

كريم: "لا، مانسيتش إن عندي شغل، بس إنت مالك مضايق ليه كده؟"

مروان بغضب: "مش مضايق ولا حاجة، إنت هتضايقني وخلاص!"

والدته: "لا يا مروان، إنت مضايق فعلاً. هو إنت اضايقت علشان نجمة كلمتني، صح؟"

مروان: "لا يا ماما، أنا مش مضايق علشان هي كلمتك، بالعكس، أنا مبسوط إنها اتصلت بيكي."

والدته: "مبسوط؟"

كريم بدهشة: "مبسوط علشان نجمة كلمت ماما؟ لا، إنت مش طبيعي النهارده يا مروان، إنت كويس؟"

مروان بضيق: "آه كويس يا ظريف، ويلا قوم علشان ما تتأخرش على شغلك في المطبعة!"

كريم: "طيب هقوم، بس قولي الأول، إنت مبسوط ليه يعني إن نجمة كلمت ماما؟"

والدته: "آه يا مروان، إنت مبسوط ليه إن نجمة اتصلت بيا؟"

مروان بارتباك: "ها... علشان إنتي كنتي قلقانة عليها يا ماما، فأنا مبسوط إنها اتصلت واطمنتي عليها، بس."

والدته: "آه... طيب، اقعد كمل فطارك."

مروان: "لا يا ماما، أنا شبعت، أنا رايح على الشركة، عاوزة حاجة؟"

والدته بابتسامة: "لا يا حبيبي، مش عاوزة حاجة."

مروان: "طيب، يا ماما." والتفت لكريم: "إنت لسه قاعد؟ 

وبضيق: ما تقوم يا بني، روح شوف شغلك، هتتأخر!"

كريم: "حاضر، قايم أهوه... هو يعني الشغل هيطير يا مروان؟"

مروان بغضب: "لا، مش هيطير... وخليك قاعد، وقولك على حاجة كمان، اتصل بالأستاذة نجمة دي واقعد اتكلم معاها وما تروحش الشغل!"

كريم بابتسامة: "والله فكرة حلوة يا مروان، هقعد فعلاً أتكلم معاها!"

وبينظر له مروان بعصبية والتفت لوالدته: 

"أنا ماشي يا ماما."

والدته بابتسامة: "طيب يا حبيبي."

ومشى مروان.

وبينظر له كريم وهو  ماشي: 

"استنى يا منظم انت، أنا جاي معاك أهوه!"

وقام.

وسمعه مروان، وما وقفش، وكمل ماشي بضيق.

وراح كريم مسرعًا لوالدته، ووطي وبسها على خدها، 

ونظر لها بابتسامه:

 "سلام، قُطتي!"

والدته بنرفزة: "قطتك في عنينك، امشي!" 

وضربته على دراعه.

كريم : "ماشي يا ماما!" ومشى.

وبتنظر له والدته وهو ماشي: "خلي بالك وانت سايق، ماشي؟"

وسمعها كريم وهو ماشي: "ماشي يا قطتي... استنى يا مروان!"

وهزّت والدته رأسها بابتسامة، ولنفسها باستغراب:

"ماله مروان؟ زي ما يكون مضايق إن كريم اتكلم مع نجمة! زي إيه، لا هو شكله مضايق فعلاً إن كريم اتكلم معها... بس مضايق ليه؟"

وبتفكر.

وفتح مروان باب الفيلا وخرج منه بضيق وماشي.

وخرج كريم وراه، وبينظر له وماشي:

"يا مروان، استنى! مالك مستعجل أوي كده ليه؟"

ووقف مروان، ونظر له بغضب:

"علشان أنا ورايا شغل، ومش فاضي لكلامك الفارغ ده!"

ووقف كريم قدامه بزعل:

"أنا كلامي فارغ؟! ماشي، ياعم، اتفضل روح على شغلك، ومش هنادي عليك تاني! وأنا كمان هروح على شغلي!"

ومشى.

مروان بتنهيد:"استنى يا بني انت!"

ووقف كريم، والتفت له بزعل:

"عاوز مني إيه تاني؟ عاوز تكمل تهزيقك لي؟!"

عند البوابه:

وفاق جاد وهو قاعد على الكرسي من النوم، وبينظر  علي يمينه بالصدفة، لقى مروان بيه وكريم بيه واقفين، ولنفسه بقلق:

"إيه ده، مروان بيه طيب؟ الحمد لله إني صحيت من النوم قبل ما يشوفني نايم، وإلا كان زعق لي علشان نايم، ومش بعيد كمان كان رافدني. الحمد لله يا رب إني صحيت."

ونظر للسماء، والتفت لمروان بيه وكريم بيه.

مروان باستغراب: "هزقتك فين يا بني انت؟! هو أنا قلت لك حاجة؟! يا أنا كل اللي قولته لك إني مش فاضي لكلامك الفارغ ده! فين بقى اللي هزقتك ده؟!"

كريم بضيق: "اللي انت قولته ده مش تهزقيه يعني يا مروان؟ غير إنك من ساعة ما صحيت وانت متعصب عليا، مش عارف ليه! وأنا مرضتش أتكلم علشان ماما، و علشان كمان مش عاوز أزعلك."

مروان بتنهيد: "طيب معلش يا كريم، أنا آسف، انا ما كنتش أقصد والله أضايقك، بس أنا مش عارف مالي."

كريم: "مالك يا مروان؟ في إيه؟"

(وحط إيده على كتفه)

" اتكلم وأنا سامعك أهو، قل لي في إيه، أنا حاسس إنك متغير."

مروان باستغراب: "متغير؟"

كريم: "آه يا مروان، متغير، دايمًا سرحان، ولو اتكلمت بتبقى متعصب من غير سبب. وحتى مش أنا اللي بس اللي ملاحظ كده، ماما كمان لاحظت كده."

"قولي يا مروان، في إيه؟"

مروان بحيرة: "مش عارف يا كريم والله في إيه... علشان أقول لك، أنا مش فاهم هو إيه اللي بيحصل معايا."

وشال كريم ايده من علي كتفه باستغراب:

"إزاي يعني يا مروان مش فاهم؟ أكيد في حاجة حصلت مخلياك كده… في حاجة حصلت في الشغل؟"

مروان: "لا يا كريم، الشغل ماشي كويس الحمد لله."

كريم: "أمال في إيه؟"

مروان: "ماعرفش يا كريم في إيه، أنا لو أعرف كنت قلت لك. أنا حاسس إني متلخبط ومش فاهم ليه."

كريم: "متلخبط؟ طيب، ومتلخبط ليه بما إن كل حاجة كويسة؟"

مروان: "مش عارف يا كريم، المهم روح إنت يلا على المطبعة، وأنا هروح على الشركة. يلا سلام."

كريم: "طيب، إنت كويس يعني؟"

مروان: "آه، كويس يا كريم، ما تقلقش. يلا بقى روح اركب عربيتك عشان ما تتأخرش عن الشغل."

كريم: "طيب يا مروان."

(ومشى)

وبينظر له مروان وهو ماشى، والتفت لجاد عند البوابة وبصوت مرتفع:

"افتح البوابة يا جاد."

وشاور له.

جاد بصوت مرتفع: "حاضر يا فندم."

ورايح عند مروان عند عربيته.

وركب كريم عربيته، ونظر له باستغراب.

ووقف مروان عند عربيته، وفتح باب العربية، وركب، وبدأ يتحرك.

والتفت كريم قدامه وبيتحرك.

فتح جاد البوابه، والتفت وراه لمروان وكريم.

خرج مروان من الفيلا، وخرج كريم وراه.

وبينظر جاد لعربيتهم، وقفل البوابة بارتياح:

"الحمد لله ما حصلش حاجة وماشافنيش وأنا نايم."

وقعد على الكرسي جنب البوابة.

جوه الفيلا:

في السفرة:

وجدان لنفسها بتفكير:

"هيكون مروان متضايق ليه يا ترى؟ يمكن علشان مش 

طايق نجمة، عشان كده مش عاوز كريم يكلمها ممكن برده. على العموم كويس إن نجمة اتصلت علشان مابعتش كريم ليها، ومروان يعرف، ولو كان عرف كان هيضايق. الحمد لله إنها اتصلت... أما أقوم أقرأ قرآن شوية. "

وقامت وبصوت مرتفع:

– عايشة يا عايشة.

وجاءت عايشة ووقفت جنبها: أيوه يا هانم؟

وجدان: لمي الأكل يلا، وأنا هطلع أقرأ قرآن شويه في غرفتي.

عايشة بابتسامة: حاضر يا هانم.

جنب البوابة:

جاد: ما أروح أقول لعايشة تعمل لي فطار.

وقام وراح عند باب المطبخ اللي وراه، وفتحه ودخل، لقى عايشة بتغسل الأطباق.

– عايشة،

ووقف مكانه.

والتفت له عايشة: إيه ده؟ إنت صحيت؟ إيه النوم ده كله؟

جاد باستغراب: وانت عرفتي منين إن أنا كنت نايم يا عايشة؟

عايشة: ما أنا حضرت لك الفطار، وكنت جايّة أنادي لك علشان تاخده، لقيتك نايم، فقلت أسيبك بقي لما تصحى تبقي تفطر براحتك.

جاد: اهااا، طيب هو فين الفطار اللي انتي حضرتيه؟

عايشة: عندك على الترابيزة.

(ونظرت للترابيزة)

والتفت جاد للترابيزة، لقى الفطار، ونظر لها:

طيب يا عايشة، أنا هاخده وأروح أفطر عند البوابة عشان 

لو حد جه ولا حاجة.

عايشة: طيب يا جاد.

(والتفت للحوض وبتغسل)

في شقة نجمة:

في غرفة نجمة:

راحت نجمة قدام المراية وقعدت ومشطت شعرها.

وأخذت ازازة البرفان، وفتحتها، وحطّت منها شويّة، 

ورجعتها مكانها.

ونظرت في المرايه، وقامت، وراحت عند المكتب، وأخذت شنطتها والكتب، وخرجت من الغرفة.

وخرجت من البيت ومشت.

"وبينظر عم شفيق وهو قاعد في بلكونة شقته، وبيشرب 

شاي على الشارع، لقي نجمة ماشية، و بصوت مرتفع:

– نجمة!"

(وقام)

وسمعت نجمة الصوت، فوقفت والتفت وراها، مالقيتش حد.

ورفعت راسها بالصدفة، لقت عم شفيق واقف في البلكونة:

– "انت اللي ناديت عليا يا عم شفيق؟"

عم شفيق: أيوه يا حبيبتي، أنا اللي ناديت. إنت رايحة

 فين كده؟

نجمة: رايحة الجامعة يا عم شفيق. ليه؟ عايز حاجة؟

عم شفيق: آه، اطلعي لي شويّة، عايزك يعني.لو مش هعطلك، بس لو هعطلك خلاص، امشي أنت، وبعدين لما تيجي من الجامعة إن شاء الله نبقى نتكلم.

نجمه: لا يا عم شفيق، مش هتعطلني ولا حاجة، بس 

قول لي في إيه.

عم شفيق: اطلعي بس، وانتي هتعرفي يا نجمة، يلا.

نجمه : طيب يا عم شفيق، طالعة لك.

ومشت.

وبينظر لها عم شفيق،وخرج من البلكونة ورايح عند باب الشقة.

وخبطت نجمة على الباب.

ووقف عم شفيق قدام الباب وفتحه: 

– تعالي يا حبيبتي، خشي.

نجمة باستغراب: في إيه يا عم شفيق؟ 

ودخلت الشقة.

عم شفيق: "هقول لك يا حبيبتي دلوقتي."

وقفل الباب.

– "تعالي نقعد، عشان عاوز أتكلم معاكي شوية. ما تقلقيش، مش هاخرك على الجامعة."

نجمة: "طيب يا عم شفيق."

في الصالة:

نجمة: قل لي بقى يا عم شفيق، في إيه؟ انت كده قلقتني.

عم شفيق : ما فيش حاجة يا حبيبتي، ما تقلقيش.

 أنا بس عايز أسألك مالك؟

نجمة: مالي؟ مالي يا عم شفيق؟ ما أنا كويسة أهو.

عم شفيق: لا يا نجمة، مش كويسة. إنتِ متضايقة، وده

 باين على وشك. في إيه يا نجمة؟

نجمة بارتباك: ها… ما فيش حاجة يا عم شفيق.

عم شفيق: هتخبي على عمك شفيق برده؟ هو مروان كلمك ثاني؟

نجمة بعصبية: لا يا عم شفيق، وهيكلمني ليه مروان ده؟ ما خلاص أنا قلت له ما عدتش عايزة أشوف وشك، ومن ساعتها وأنا ما عدتش شفت وشه. يبقى هيكلمني ليه بقى؟

عم شفيق: طيب اهدي، مالك اتعصبت كده ليه؟أنا كنت 

بسأل بس علشان شايفك متضايقة.

نجمة بضيق: أنا مش متعصبة ولا حاجة يا عم شفيق، وما تجيبليش سيرته تاني. أنا نسيته ومش عايزة افتكره تاني، وهو كمان شكله نساني، علشان كده ما عادش بيشوفني ولا حتى بيكلمني.

عم شفيق باستغراب: وانت عايزاها يكلمك يا نجمة؟ مش إنتِ اللي طلبتِ منه إنك مش عايزة تشوفيه تاني؟

نجمة بنرفزة: آه يا عم شفيق، أنا اللي طلبت منه كده، وأنا فعلاً مش عايزة أشوفه. وهو ما صدق إن أنا قلت له كده، 

وما حاولش يشوفني.

عم شفيق: طب ومالك زعلانة كده ليه؟ هو انت كنتِ عايزاها 

يحاول يعني ولا ايه يشوفك؟

نجمة بضيق: لا يا عم شفيق، أنا ما كنتش عايزاها يحاول، أنا مش عايزة أشوفه.

عم شفيق: أمال إنتِ متضايقة ليه بقى بما إن مروان ما حاولش يشوفك؟

نجمة: أنا مش متضايقة يا عم شفيق ولا حاجة.

عم شفيق: مش متضايقة إيه! طب قومي بصّي في وشك

 في المراية كده، وهتعرفي إذا كنتِ متضايقة ولا لأ.

نجمة: أنا مش متضايقة يا عم شفيق، وبعدين أنا لسه باصّة في المراية من شوية، ومش باين عليّ إني متضايقة ولا حاجة. وبعدين هتضايق من إيه يعني؟ ما خلاص.

عم شفيق: خلاص! هو إيه ده اللي خلاص يا نجمة؟

نجمة: خلاص يا عم شفيق، اللي كان بيضايقني مشي، يبقى هتضايق ليه بقى؟

عم شفيق: هو مين ده اللي كان بيضايقك؟

نجمة: هيكون مين يا عم شفيق؟ يعني اللي كان بيخليني أعيط على طول.

عم شفيق: اللي كان بيخليك تعيطي على طول… تقصدي مين يعني؟

نجمة بغضب: هكون أقصد مين يعني يا عم شفيق؟ مروان طبعًا.

عم شفيق: آها... هو مروان كان بيخليك تعيطي يا نجمة؟

نجمة: أه يا عم شفيق، كان بيخليني أعيط، ومش يوم واحد بس، لا ده كل ما بشوفه! ما أنا حكيت لك... وبعدين أحسن إن هو ما عادش بيشوفني، عشان أنا كده مرتاحة.

عم شفيق: مرتاحة؟ هو إنت كده مرتاحة يا نجمة؟

نجمة بغضب: آه يا عم شفيق، مرتاحة، وما عدتش بعيّط كمان.

عم شفيق: آه، يمكن ما عدتيش بتعيّطي، بس ما انتش مرتاحة يا نجمة.

نجمة: مش مرتاحة ليه يا عم شفيق؟ لا، أنا مرتاحة.

عم شفيق: لا يا نجمة، أنا حاسس إنك مش مرتاحة. بقالك فترة زعلانة كده وحزينة من ساعة ما انتي حكيتي لي على اللي قاله لك مروان، ومشي، وما عادش بيشوفك. وإنتِ متضايقة يا نجمة.

نجمة (بارتباك): ها...

(وبغضب): لا يا عم شفيق، إحساسك غلط. أنا مرتاحة ومش زعلانة ولا حاجة. وبعدين مروان ده أنا ما بفكرش فيه أساسًا علشان أبقى متضايقة إنه ما عادش بيشوفني. وأنا اللي قلت له إني ما عدتش عايزة أشوف وشك، يعني هو ما مشاش كده لوحده. ولو ما كنتش قلت له كده، كان حاول يشوفني تاني.

عم شفيق: لا يا نجمة، ما أعتقدش إنه كان هيحاول يشوفك لو ما قلتِلوش كده. مروان أساسًا مش فاضي، وراه مسؤوليات كتير. وبعدين، أنتم ما كنتوش بتتقابلوا دايمًا... انتِم كنتوا بتتقابلوا بالصدفة.

نجمة بضيق: خلاص يا عم شفيق.

(وقامت من على الكرسي) 

ـ كويس إن ماكنّاش بنتقابل غير صدفة. وإذا كان هو 

وراه مسؤوليات ومش فاضي، أنا كمان مش فاضية، ورايا مسؤوليات. يعني مش مستنياه علشان يجي يقابلني. وأنا أساسا مش عايزة أشوفه ولا طايقة أسمع سيرته حتى.

عم شفيق: طب إنتِ رايحة فين؟ ما تقعدي.

 (وشاور بإيده)

نجمة: لا، أنا ماشية… اتأخرت على الجامعة. سلام يا عم شفيق. 

(ومشت)

وبينظر لها عم شفيق وهي ماشية باستغراب.

ووقفت نجمة قدام باب الشقة، وبتفتحه، والتفت لعم 

شفيق بغضب.

ونظرت للباب وفتحته وخرجت، وقفلته وراها.

ووقفت، وقالت لنفسها بعصبية: "قال مش فاضي قال...!"

وهزّت راسها ونزلت.

عم شفيق باستغراب: "مالها نجمة؟ حصل لها إيه؟ عمرها ما اتكلمت بالشكل ده… إيه اللي جرالها؟ أما أروح أشوفها من البلكونة، نزلت ولا لأ."

وقام من على الكرسي، وراح للبلكونة، وطلع فيها، ونظر 

على الشارع.

وخرجت نجمة من بيت عم شفيق، ومشت بضيق.

وبينظر عم شفيق على الشارع، لقي نجمة ماشية، وقال بابتسامة: خلي بالك من نفسك.

ووقفت نجمة، والتفت ورفعت راسها  بضيق: 

"حاضر يا عم شفيق، سلام."

وشاورت بإيدها.

عم شفيق بابتسامة: مع السلامة.

وشاور لها.

والتفت نجمة قدامها ومشت.

وبينظر لها عم شفيق وهي ماشية، وهز رأسه بابتسامة، وقعد على الكرسي، وأخذ كوباية الشاي من على الترابيزة وبيشرب.

"وماشية نجمة في الشارع، وطلعت على الطريق، ووقفت وبتنظر حواليها  على تاكسي، ومشت بغضب."

في عربية كريم:

وسايق كريم العربية، ونظره قدامه، ولنفسه بقلق:

"يا ترى إيه اللي ملخبط مروان بالشكل ده، ومخليه متضايق كده؟ أنا مش عارف… إزاي مش فاهم إيه اللي بيحصل معاه؟ ليكون عارف إيه اللي بيحصل ومش راضي يقول لي؟ لا… لا، ما أعتقدش، مروان ما بيخبّيش عليا حاجة لما بسأله. والغريب إن مروان ذكي، بيفهم اللي بيحصل حواليه من غير ما حد يقول له… يبقى إزاي مش فاهم هو بيحصل معاه إيه؟ ومتلخبط ليه؟! يا ترى بيحصل معاه إيه علشان مش قادر يفهمه كده؟!"

ونظر من الشباك، وباستغراب:

"إيه ده…؟!"

.............. يتبع

بقلم : Asmaa Salah