رواية احببت اخي الفصل الخامس و العشرون 25 - بقلم اروى عادل

سيف ٠٠ ماما ٠ أنا مش هبعد عن إيلا لأنى بحبها  كمان إيلا تبقى مراتى  أحنا متجوزين 

الصدمة كانت قوية على الجميع حتى على أميرة التى كانت تعرف حب سيف لإيلا لكنها لم تتوقع انه يعترف بحبه امام الجميع 

صافى ٠٠ لأ انت اكيد اتجننت . سيف قولى انك بتهزر اقولى انك بتقول اي كلام 

سيف٠٠ بس يا ماما انا بتكلم بجد

صافى ٠٠ لأ مستحيل دى لو أخر واحده فى العالم كله انا مش هقبل تكون مرات ابنى انت فاهم 

هنا قالت أميرة لإيلا 

أمير٠٠ يلا بينا يا إيلا ندخل الڤيلا خليهم بيتكلموا براحتهم

سيف ٠٠ معلش يا ماما أميرة خلى إيلا موجوده لان الموضوع ده يخصها

ثم أمسك سيف ايد إيلا وقال 

سيف ٠٠ ماما احنا و إيلا متجوزين فعلآ يعنى هى خلاص إيلا بقيت مرات أبنك 

يحيى ٠٠ سيف انا عارف ظروف جوازك من إيلا ده جوز على الورق و بس..قولى ايه إللى اتغير

سيف٠٠ اتغير انى بحبها يا بابا

صافى ٠٠ أستنا يعنى انت كنت عارف ان سيف اتجوزها 

يحيى ٠ آه كنت عارف بس جوازهم كان مجرد جواز سورى 

صافى٠٠ يعنى ايه جواز سورى يعنى هو متجوزها ولا لأ 

سيف ٠٠ ماما انا قولتلك احنا متجوزين على سنة الله و رسوله من فترة كمان 

صافى ٠٠ لأ مستحيل انت عملت كده عشان تضايقنى عشان جوازى من عزت مش كده بس انا أطلقت منه عشان خاطرك 

سيف ٠٠ ماما جوازى من إيلا مالهوش علاقة بجوازاتك 

صافى ٠٠ أنت اتجوزت بنت الست اللى خطفت منى أبوك

سيف ٠٠ ماما مالهوش لازوم الكلام ده 

صافى ٠٠ طيب يا سيف و انا مش موافقه على الجوازه دى .

سيف ٠٠ متهيألى انا حر فى قرارى زى

ما انتى كنتى حره فى جوازاتك 

صافى ٠٠ يعنى انت بتعاقبنى 

سيف ٠٠ والله انا مش بعاقبك انا فعلآ بحبها

حينها تطلعت بيحيى وقالت

بقلم٠أروى٠عادل 

صافى ٠٠ أنت عجبك انه يتجوز البنت دى . اه صح اكيد انت إللى مشجعوا 

يحيى ٠٠ أنا اتفجأت زيك بكلام سيف بس سيف لو هو حابب يرتبط بإيلا انا معنديش مانع بالعكس انا اكون فرحان له

صافى٠٠ انا مش موافقه مش هسمح بكده ابدآ

يحيى٠٠ دى حياته هو حر فى اختياراته 

صافى ٠٠ لأ هو مش حر انا أمه لازم يسمع كلامى سيف هيتجوز چودى

سيف ٠٠ أنتى مش مقتنعه ليه . انا بقولك خلاص احنا اتجوزنا 

صافى ٠٠ خلاص طلقها

سيف ٠٠ مش هيحصل 

مايا ٠٠ قولتلك يا مامى دى بنت مش ساهله وعارفه بتعمل ايه و قدرت تاكل عقل سيف 

سيف ٠٠ مايا ولا كلمة تانى فى حق إيلا مش هسمحلك انتى فاهمة 

صافى ٠٠ انت بتزعق لأختك عشانها و كمان ابوك ضربها عشانها. ايه هى عامله ليكم ايه البنت دى . فعلآ كلامك صح يا مايا دى بنت مش ساهله 

يحيى ٠٠ صافى إللى انتى بتتكلمى عليها دى بنتى وانا مش هقبل كلمة فى حق بنتى

صافى ٠٠ فوق يا يحيى دى مش بنتك .فاهم مش بنتك انت ماعندكش غير بنت واحده و هى مايا ..لكن البنت دى واحده انت جبتها من الشارع هى و أمها و عملت أمها هانم و عملت بنتها بنتك لازم.......

قطعت  إيلا عبارتها بعد ما تركت يد سيف و هى تصرخ فى صافى و حاول سيف يمنعها من الكلام لكن إيلا قالت بغضب

بقلم٠أروى٠عادل 

إيلا٠٠كفايه لحد هنا انا سمعت أهانات بما فى الكفايه. لكن كلمه تانى فى حق ماما انا مش هسمح لأى مخلوق مهما كان انه يغلط فيها انتى فاهمه

صافى ٠٠ تقصدى مين

إيلا ٠٠ أنتى فاهمه قصدى كويس لو عايزه تسمعيها تمام اسمعيها .انا اقصدك انتى 

سيف ٠٠ إيلا أسكتى متنسيش ان دى بردوا أمى

إيلا ٠٠ و مامتك دى  قالت على ماما   انها  واحده من الشارع دى بردوا أمى

سيف ٠٠ أنتى عارفه أنا كمان بعتبرها ماما أميرة أمى بردوا

إيلا ٠٠ لأ يا سيف لو بتعتبرها مامتك  ماكنتش قبلت أهانتها 

يحيى ٠٠ إيلا محدش يقدر يهين أميرة 

إيلا ٠٠ لأ ماما أتهنت. والست دى هى إللى هانتها 

صافى ٠٠ الست دى . ايوه كده اظهرى على حقيقتك .و بانى على أصلك . دى إللى انت عايزها. بتغلط فى امك

 و تقول عليها الست دى وانت واقف

إيلا ٠٠ أنا مقولتش حاجة غلط مش انتى ست بردو ولا ايه

سيف ٠٠ أيلا ياريت تظبطى كلامك و تعمليلى حساب

إيلا ٠٠ بس المفروض مامتك و أختك يعملولك حساب الأول بعدين انت حرقتك اوى عشان قولت الست دى طيب ماهى و بنتها قالوا عليا بنت مش ساهله و مش مظبوطه . وبرسم عليك انى طمعانه فيك انى واحده من الشارع. دى كمان قالت عليا أنى واحده شمال أيه مش فارق معاك كلام ده كله

سكت سيف لانه يعلم جيدآ ان إيلا عندها حق بس صافى أمه لا يمكن يقبل لإيلا تغلط بها  أمامه .. لذلك أصبح أمام  خيارين كلهما أصعب من الأخر أمه و حبيبته

صافى ٠٠ أيه عايزه يقف قدام امه عشان خاطرك . ده خطتك مش كده

يحيى ٠٠ كفايه لحد كده . انتى لازم تعرفى ان إيلا عندى زيها زى مايا بالظبط و مسمحش لحد يهنها أو يدايقها

صافى ٠٠ أنت بتقارن بنتى انا بنت الأصول بواحده زى دى منعرفش اتحدفت علينا من أي داهية 

اتعصب سيف ويحيى من كلام صافى بس قبل ما ينطق اي احد منهم بالكلمة قالت أميرة بصراخ بعد ما نفاذ صبرها

بقلم٠أروى٠عادل 

أميرة٠٠ كفايه كده انا مش هسمح بأى كلمة تانى فى حق بنتى . أسمعى

 يا صافى هانم انا بنتى بنت أصول من عايلة معروفه وليها اسمها .. كمان لازم تعرفى ان بنتى بيتقدملها شباب من اكبر  عائلات القاهرة وهى بترفض و ابنك عارف كده كويس أوى . 

يحيى ٠٠أميرة أهدى شويه 

أميرة ٠٠ لأ انا مش عايزه اهدى ٠ أنا فضلت ساكته ومش عايزه اتكلم احترام ليك لكن هى افتكرت الاحترام ده ضعف منى او اعتراف بالذنب

سيف ٠٠ ماما أميرة . ماما ماتقصدش هى بس مش فاهمه حاجة لسه

صافى ٠٠ لأ انا اقصد كل كلمة قولتها . انتى فاكره أنا هاكل من الكلام إللى انتى قولتى ده

أميرة ٠٠ صافى انتى جايه هنا ليه

صافى ٠٠ عشان تبعدى بنتك عن ابنك

أميرة ٠٠ تمام دى حجتك طيب انا دلوقتى إللى بقولك انا مش موافقة أن ابنك يرتبط  ببنتى 

سيف ٠٠ ماما أميرة انتى بتقولى إيه 

أميرة ٠٠ سيف انت عارف انا أد ايه بعزك بعتبرك أبنى بس جواز من إيلا لأ مش هيحصل

سيف ٠٠ بس آيلا مراتى فعلا

أميرة ٠٠ يبقى لازم تطلقها..

ثم نظرت أميرة إلى إيلا وقالت 

أميرة ٠٠ يالا يا إيلا معايا انتى كدة ماعدش ليكى لازم وسط العيله دى 

إيلا ٠٠ حاضر يا ماما 

كان سيف ينظر لإيلا بحزن عندما أمسكتها أميرة من يديها و غادرت من أمامهم.. هنا قال يحيى 

يحيى ٠٠ ..انا ماشى لانى مش هقدر أمسك أعصابى أكتر من كده و ياريت تكونى ارتحتى

ثم غادر لذلك قالت صافى

صافى ٠٠ طبعآ أرتحت و هرتاح اكتر لما يطلقها و يتجوز چودى

هنا صرخ سيف بوجهها بغضب 

سيف ٠٠ أنا مش هطلق حد ولا هتجوز حد ياريت متتكلميش فى الموضوع ده تانى

صافى ٠٠ أيه لسه عايزها بعد ما أمها قالت إنها مش موافقه عليك

سيف ٠٠ لو الدنيا كلها مش موافقه انا مش هسيبها 

صافى ٠٠ طيب تعالى عيش معايا صدقنى هو  أسبوع واحد و هتكون نسيتها خالص

رد سيف بغضب وقال 

بقلم٠أروى٠عادل 

سيف ٠٠ عايزانى أعيش معاكى عشان يوم و التانى ألقيكى دخله عليه وفى أيدك واحد و تقوليلى ده جوزى زى

ما عملتى قبل كده

صافى ٠٠ ياااه انت لسه فاكر.... الموضوع عدى عليه حوالى عشر سنين

سيف ٠٠ انتى عايزانى انسا انك اتجوزتى بعد  بابا تلاته مرات فى الاخر روحتى اتجوزتى واحد أصغر منك بعشر سنين..

صافى ٠٠ أنت بتحسبنى .يا سيف افتكر انا أمك مش من حقك تحسيبنى 

سيف ٠٠ مين أدكى الحق تعملى إللى انتى عايزاه من غير ما حد يحسبك بأسم انك أم . انت حتى عمرك مافكرتى فى شكلى قدام الناس وانتى كل شويه تتجوزى و تطلقى

صافى ٠٠ أنا مغلطش ولا عملت حاجة عيب ولا حرام انا اتجوزت على سنة الله و رسوله.. ده حقى دى حياتى انا ..وانا حره فيها. مش من حق أى حد يحسيبنى..

سيف ٠٠ تمام . وانا كمان من حقى أتجوز إيلا دى حياتى بردوا و انا حر فيها 

سكتت صافى لا تعرف بماذا ترد . هى لم تتوقع من سيف ان يقول هذا الكلام.

بينما قالت مايا

مايا ٠٠ يعنى انتى اتجوزت إيلا..عشان تعاقب مامى مش كده 

سيف ٠٠ أنتى عارفه و متأكده أن ده مش أسلوبى ياريت تفهموا جوازى من إيلا لا هو عناد و لا عقاب انا فعلآ بحبها 

صافى ٠٠ يلا يا مايا. أصلآ الكلام معاه مالهوش فايده

ثم غادرة صافى الفيلا هى تجر ورائها خيبة أمل كبيرة لانها لم تتوقع أن يدور هذا الحديث بينها و بين سيف أبدآ 

أما سيف صاعده إلى غرفة أميرة و بعد ما طرق الباب . فتحت أميرة الباب هنا قال سيف

بقلم٠أروى٠عادل 

سيف ٠٠ أنا عارف ان حضرتك زعلانه .عشان كده انا جيت أتأسفلك 

أميرة ٠٠ تتأسف على ايه هو انت عملت حاجة

سيف ٠٠ أنا بتأسف على غلط ماما فى حضرتك و فى إيلا

أميرة ٠٠ وانت ذنبك أيه . على العموم 

ولا يهمك انسا

سيف٠٠ والكلام إللى حضرتك قولتى. انك مش موافقه على أرتبطى بإيلا .. انساه بردوا

أميرة ٠٠ سيف انت عارف انا بحبك أد أيه.. انت أبنى بجد. و طول عمرى بتمنى لإيلا واحد يحبها ويخاف عليها زيك .انا لما عرفت انك بتحب أيلا كنت طايرة من الفرحه .. بس للأسف انا كنت غلطانه .. صافى مش هتقبل إيلا تكون مرات ابنها ..و انا مش ممكن إخليك تتجوز إيلا غصب عن مامتك

سيف ٠٠ بس دى حياتى انا.. و ماما هتوافق مع الوقت صدقنى

أميرة٠٠ مصدقاك. بس قولى لو اتجوزت أيلا و حصل مشكلة بين إيلا و صافى هتوقف جانب مين..أو هتراضى مين على حساب مين

سيف ٠٠ جانب إللى معاها الحق .. بعدين احنا مش فى حرب

أميرة ٠٠ صافى هتعملها حرب و هتحاول تستفز ايلا بكل الطرق .. وانت عارف إيلا مابتعرفش تسكت 

سيف٠٠ و ليه بتتوقعى الأسوء .. يمكن مافيش حاجة من دى تحصل .ان شاء الله .و اللى حصل النهارده مش هيتكرر تانى ده وعد منى

أميرة ٠٠ لأ يا سيف هيحصل ... و إللى حصل من شويه ده اكبر دليل ان ده هيتكرر تانى.. عشان كده بقولك انت 

و إيلا ماينفعش ترتبطوا بعض.

سيف ٠٠ حضرتك عايزانى اسيب إيلا 

أميرة ٠٠ ده لمصلحتك انت و مصلحتها كمان . كده احسن . بدل ما المشاكل نخليكم تبعدوا عن بعض غصب عنكم..

سيف ٠٠ معلش يا ماما أميرة حضرتك اختارتى الحل السهل إللى يريح دماغك من المشاكل .. بس انا مش مقتنع بالكلام ده ومش هخسر حبى ولا هبعد عن إيلا عشان خاطر أيه حد .. عن أذنك

غادر دون أنتظار رد أميرة . التى استغربت من تمسك سيف بإيلا 

¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤

فى مساء نفس السوم

الكل أعصابه مشدودة من إللى حصل فى الصباح

بينما إيلا كانت مهمومه و حزينه من 

ما وصل إليه الأمور 

طرقت سعاد على باب غرفة أيلا 

إيلا٠٠ فى ايه يا سعاد ما انا قولتلك انى مش عايزه اتعشا 

سعاد ٠٠ عارف بس انا جايه أقولك ان سيف بيه عايزك فى أوضة المكتب ضرورى ..و بيقولك هاتى الاب توب بتاعك معاكى

إيلا .. خير هو حصل حاجة

سعاد ٠٠ لأ ..معرفش

إيلا ٠٠ تمام انا جايه

¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤

فى أوضة المكتب

دخلت إيلا غرفة المكتب بعد ما طرقت الباب

وقالت بصوت غضبان

بقلم٠أروى٠عادل 

إيلا ٠٠ خير عايزنى ليه

سيف ٠٠ أنتى كمان زعلانه منى 

إيلا ٠٠ أنا لا زعلانه ولا فرحانه. قولى عايزنى ليه

سيف ٠٠ تعالى أقعدى 

إيلا ٠٠ لأ معلش انا مش فاضية 

قال سيف بسخريه

سيف ٠٠ مش فاضيه .. ليه وراكى ايه 

إيلا٠٠ ورايا إللى ورايا مالكش فيه هتقول عايزنى ليه ولا أمشى 

قال سيف بصرامة أكثر 

سيف ٠٠ أقعدى يا إيلا 

جلست إيلا ثم قال سيف 

سيف ٠٠ فين الاب توب

إيلا ٠٠ انت عايز الاب توب فى ايه

سيف ٠٠ هو انتى ماينفعش تقولى حاضر من غير ما تسألى 

إيلا ٠٠ لأ مابعرفش 

ثم نادى سيف على سعاد و قال لها

سيف ٠٠ لو سمحتى هاتى الاب توب بتاع إيلا من أوضتها. 

ذهبت سعاد لتجلب الاب توب

إيلا ٠٠ هو انت عايز الاب توب ليه . حد قالك انى دخلت على حسابه.. على فكرة انا بطلت أخترق  أى حسابات حد

سيف ٠٠ بس انا عايزك تخترقى تليفون 

و حساب حد

قالت إيلا بأستغراب 

إيلا ٠٠ أنت إللى عايزنى أخترق حساب طيب ليه

سيف٠٠ اه هتخترقى تليفون شريف حسابه على الفيس و الانستا و كمان أخته شذى 

إيلا ٠٠ طيب ليه

سيف ٠٠ أنتى نسيتى ولا ايه احنا مش قولنا أن أكيد شريف بيحمى البنت إللى ق*تلت معاذ 

إيلا ٠٠ آه فهمت عايزنى أشوف البنت دى موجوده على تليفون شريف ولا لأ

سيف ٠٠ أيوه بالظبط 

إيلا ٠٠ بس شريف عارف انى اخترقت تليفونه قبل كده . وقت ما مسحت صور البنات من على تليفونه أكيد عامل حسابه مش هيخلى حاجة على تليفونه

سيف ٠٠ عارف . عشان كده قولتلك هتخترقى تليفون أخته كمان .. لان لو افترضنا أن كلامنا صح البنت إللى قت*لت معاذ تقرب لشريف أكيد هتكون عند أخته.. لو شريف فعلآ عمل حسابه و مسح كل حاجه خاصه بالبنت دى من على تليفونه اكيد مش هيمسحها من على تليفون اخته كمان

إيلا ٠٠ أوكى فهمت 

هنا رجعت سعاد و معاها الاب توب

سعاد ٠٠ اتفضل الاب توب اهو

سيف ٠٠ تمام شكرآ يا سعاد .. صح هى إيلا اتعشت 

سعاد ٠٠ لأ 

سيف ٠٠ ممكن تحضرى العشا انا و إيلا هتعشا سوا 

إيلا ٠٠ بس انا مش هتعشا

سيف ٠٠ ششش ولا كلمة.. روحى 

يا سعاد حضرى العشا

إيلا ٠٠ سيف انت ليه بتتعامل ولا كأن حاجة حصلت

سيف ٠٠ هو فعلآ مافيش حاجة حصلت

إيلا ٠٠ و إللى قالتو مامتك النهاردة واللى قالتو ماما كمان كل ده و تقولى ماحصلش حاجة

هنا قام سيف من مكانه و اقترابه منها

و امسك يديها وقال 

سيف ٠٠ اسمعينى كويس أوى يا إيلا الحاجة الوحيدة إللى ممكن تأثر على إللى بينا هى ان حبى ليكى يقل او حبك ليا و ده مش هيحصل ابدآ .عشان كده انا بقولك ان شاء الله مافيش حاجة فى الدنيا كلها هتأثر على إللى بينا مهما حصل فاهمانى 

هزت رأسها بالموافقه على كلامه ثم حوطها سيف بذراعه. هنا قالت إيلا 

بقلم٠أروى٠عادل 

إيلا ٠٠ أنت ازاى بتقدر بكلامك تحول حزنى لفرحه 

سيف٠٠ لان كلامى طلع من قلبى عشان كده قلبك مصدقه ييتأثر بيه 

اتحرجت أيلا من كلام سيف لذلك ابتعدت قليلآ عنه و قالت بخجل

إيلا ٠٠ أنت لسه مصمم اننا نروح بكرة نعترف فى النيابة

سيف ٠٠ متخافيش ده لمصلحتكم كمان انا جانبك وبعدين انا إللى هحقق معاكى أطمنى

إيلا ٠٠ طيب خلاص ..يالا عشان افتح تليفون شريف و أخته

سيف ٠٠ تمام يالا

بعد ما اخترقت إيلا  هاتف شريف لم تجد شئ عليه كما توقعوا 

ثم اخترقت هاتف شذى بعد بحث طويل فى الهاتف صرخت إيلا فجأه وقالت 

إيلا ٠٠ هى دى . هى دى