رواية بيت العائلة الفصل الرابع و العشرون 24 - بقلم مريم امين
بيت العائله 🏠🌺
Part 24
مسك بصدمة: انت ا ن ت اللي جابك هنا في الوقت ده
مجهول: ايه رايكم في المفاجأة دي
مسك بذهول: مفاجأة ايه عليك و علي دماغك انت اللي جابك هنا
مجهول: و وحشتيني اوى اوى
مسك بغيظ: و حشك عقربه
مجهول و هو بيبص عل لبسها
: بس ايه يا بت القمر ده طلعتي بطايه
مسك و هي بتبص علي لبسها: ينهار ابوك اسود
جريت لبست خمار طويل
مسك: والله لو مقولتش جاي ليه هصحي بابا
مجهول بسرعه: لا استني ده انا عايزك انتي
مسك: عايز ايه ان شاءالله عشان تجيلي السعادي
مجهول: رقم تلفونك عشان اعرف اقولك الكلمتين
بدل ما انا وافق قدام البيت كده
مسك: نعااااام
مجهول: براحتك بقا طب وسعيلي كده من قدام الباب عشان تعبت من الواقفه
مسك بستغرب: هتروح فين
مجهول: ادخل اقعد عشان اقولك الكلمتين
مسك: قالو عليك ان لله وانا اليه راجعون غور كده
جلال من جوه الاوضه
جلال: يا مسك
مسك بخوف: ينهار اسود بابا صحي
مسك بخوف: جايه يا بابا
مجهول: ايه ده عمي طب اوعي كده اسلم عليه و اشتكي لو منك
مسك بذهول: انت رايح فين الله يخرب بيتك
مجهول: ايه اشتكي لو منك
مسك: هتقولو ايه ان شاءلله
مجهول: اقولو ان بعد بنتك اتحرشت بيا و ختدني لحم و رمتني عضم
مسك بذهول: ايه
مجهول: ايوه و ابنك اللي في بطني ده اعمل في ايه
مسك: انت بتقول ايه امشي بقا
جلال من جوه الاوضه: يا مسك مش بترضي ليه يا خربيت المسلسلات التركي اللي بتتفرجي عليهم
مجهول: ها هتديني رقم تلفونك ولا ادخل لي عمي
جلال: يا مسك
مسك بخوف: اه يا بابا جايه اهو
مسك بخوف: طب اكتب بسرعه 01******
مسك: يلا امشي انت واقف ليه
مجهول: عايزك تقولي اسمي الاول
مسك بخوف: الله يخرب بيتك امشي بقا
مجهول: عايزة اسمع اسمي منك الاول
مسك: طب يلا غور بقا يا غيث
غيث بابتسامة: الله طلعه منك زي العسل
مسك بذهول: عشان قولتلك يا غيث
غيث بستمتاع: لا طبعا عشان قولتي غور بقا
مسك و هي بتقفل الباب في وشه: كا دهيا في حلوتك
مسك بقلع الخمار و بتجري علي أوضة جلال
مسك بتوتر: نعم يا بابا
جلال: كل ده
مسك بتوتر: معلش يا بابا كنت بتفرج علي اخر حته من المسلسل
جلال: ريماس جت
مسك: اه يا بابا طالعه ايه
و ريماس جت و عده اليوم المتعب ده
في الصباح عند مراد
ميرال بنوم: يا كان حته حلم جميل جميل جميل
ميرال و هي بتفتح عينيها
ميرال بذهول: ايه ده ده مكنش حلم يعني انا فرحي كان امبارح
لقت مراد بيبص علي ملامحها بابتسامة
مراد بابتسامة: لا مش حلم انتي دلوقتي مراتي و حبيبتي و في حضني كمان
ميرال اكتفت بكسوف بتاعها
مراد: شوفتي نسيتيني اصبح عليكي
مراد: يا صباح الفل والياسمين على عيونك الحلوين
ميرال بابتسامة: صباح النور
مراد: اخيرا صحيتي عشان اشوف العيون الحلوين دول
ميرال بكسوف: هو انت صحيت بدري ولا ايه
مراد: هو انا عرفت انام اصلا
ميرال بقلق: ليه مالك اللي بيوجعك
مراد: كل ما اجي انام الاقي قلبي بيوجعني و عيني بتوجعني
ميرال بقلق:ليه مالك ما انت كنت كويس امبارح
مراد رومانسيه: قلبي بيدق يدق جامد
و هو بيمسك ايديها و بيحطها علي قلبو
مراد: بصي كده بيدق يدق يدق
ميرال بدلع: سلامت قلبك
يكمل مراد: و عيني بتوجعني لو مشفتكيش و جعانه اوى لو مشبعتش من ملمحك
ميرال و هي بتبوس عينو: سلامت عينك
مراد و هو بيقرب منها: طب انا كده عندي ايه
ميرال بدلع: ع ن د ك عندك ع ن د ك
مراد و هو بيغيب: ايوه عندي ايه
مره واحده ميرال زقتو و جريت
ميرال بضحك: كده عندك مراره و انا معنديش
مراد بغيظ: كده ماشي
ميرال بضحك:ايوه عشان اعمل الفطار
مراد بغيظ: مسيرك يا سمكه تيجي تحت المصيده
و يكمل بعمزه: و سعتها مش هرحمك
*************
عند جلال
جلال و هو علي السفرة بيفطر
جلال: اومال فين رنيم مجتش تفطر معنا ليه
مسك:جايه اهي يا بابا
رنيم و هي بتقعد و باين عليها الزعل و التعب
جلال: و عملتي ايه يا ست ريماس مع يوسف
ريماس و هي بتاكل: هي مسك ماقلتكش
و تكمل بضحك: ده انا طلعت عينو في الاكل و الفسح
جلال: حرام عليكي كل ده تعملي في الواد و كل ده اكل كلتي
ريماس: اعمل ايه كنت جعانه و هو جيبني في مطعم مش بينزل غير لقمتين بس و بعد كده لما زهقت روحنا اكلنا علي الرصيف
و هنا ضحك عليها جلال و مسك
و رنيم زي ما هيا سرحانه في الطبق
جلال: مالك يا رنيم يا حبيبتي
رنيم بكتمان: مفيش حاجه
جلال : مفيش حاجه ازاي و انتي من امبارح متغيره
رنيم بدموع: عايزني اعمل ايه افرح و ارقص عشان كتب كتابي
تكمل بدموع بحرقه: غصب عني محدش خد رايه
ولا عايزني اسمحوا علي اللي عملوا فيا
وانا عارفه و واثقه انك كنت عارف
لا عارف ايه يمكن انت اللي ورا كل ده قولتله تعال اكتب الكتاب عشان اخلص من الفضيحه دي عشان محدش يعرف و و تبقا فضيحه و احط راسي في الارض بعد كده
انت من يوم يومك مش بتفكر غير في نفسك اهم حاجه عندك كلام الناس و شكلك قدامهم مهمكش بنتك بقا اذا كانت بتحبو ولا لا و اذا كان عندها استعداد تموت نفسها عشان متجوزهوش ولا لا وازي هتبقى حياتها ازاي بعد متجوز الانسان اللي ازاها و هي بتكرهو و اذا هتقبل الوضع ولا لا فكرت في الحجات دي كلها ولا بتقول يلا نفسي علي حساب سعادة و حيات بنتي
جلال بحزن: انا عملت كل ده عشانك انتي عشان محدش يقول انك مش متربيه و و مدوراها و مشيه علي حل شعرك والله عملت كل ده عشان محدش يسمعك كلمه زي السم و بيصلك بصه تزعلك وانا مش هستحمل كل ده عليكي والله عملت كل ده عشان تدموعك اللي تقيله علي قلبي متنزلش
و كل ده ريماس و مسك يتفرجو بحزن
رنيم بعياط: كده او كده الناس مش بطبطل كلام علي الناس يعني كده هيتكلمو و كده يتكلمو
جلال: بس و
رنيم بدموع متحجره: انت شوف هيجي ياخدني امتي و بعد كده قولي عشان انا مش عايزة فستان ولا فرح
و تركتهم قبل ما تسمع الرد
بيبص جلال علي طيفها بحزن
جلال بحزن: انا بعمل كل ده عشانك بكره تيجي
تشكريني
~~~~~~~~~
في فيلا الصياد
عز و هو و دينا بيفطر
نزل دياب بكل تكبر و شموخ
دياب و هو ببقعد علي الكرسي
دياب: صباح الخير
عز: صباح النور
دينا بفرحه: يا صباح الورد
عز و هو بيبصلها بستغرب
عز: كنت فين بقالك مده مش باين ولا بتيجي البيت
دياب و هو بياكل: عادي كنت زهقان شويه من البيت روحت عند غيث
عز: طب عامل ايه دلوقتي
دياب:اهو الحمدلله
عز: طب شغل عامل ايه
دياب بلا مبلا: تمام
عز: طب الحمدلله
دياب ببرود: اه صحيح انا اتجوزت امبارح
عز بصدمة
ودينا بصدمة اكبر: وو يتبع
✍🏻 بقلم «Mariam amen» 🥰🎀
كنتم مع
بيت العائله 🏠🎀
البارت 24✨
الكاتبة Mariam amen 💫
•تابع الفصل التالي "رواية بيت العائلة" اضغط على اسم الرواية