رواية اشتغاله الفصل العشرون 20 - بقلم ليل أدم
مساء الخير للجميع 💐💐
الجزء العشرين من رواية ❤️❤️
(❤️أشتغاله ❤️)
مشيره : اتفضل يا استاذ سعيد اقعد
سعيد: يزيد فضلك يا استاذه مشيره
مشيره : بص يا عم سعيد خليني ادخل معاك في الموضوع ع طول بدال ما نتعب قلب بعض
سعيد : تحت امرك يا فندم
مشيره : من اربع سنين انت روحت مكتب زين بعد ما سبت شركه الجمل اللي كنت شغال فيها مدير تنفيذي صح كده
سعيد: اه حصل
مشيره : راح زين كتب ليك شيك ب ٥٠ ألف جنيه علشان تبدأ حياتك بيهم والوقتي بقيت معاك مليون جنيه في البنك اهو. ماشاء الله نمسك الخشب صح كده
سعيد : صح بس حضرتك جبتي كل المعلومات دي منين
مشيره : مش مهم المهم سبني اكمل
سعيد: تحت امرك كملي
مشيره : طلبت انت من زين يشاركك رفض و قالك لأ وبتاع أنا بقا عايزه منك خدمه الخدمه دي قصاد منها المليون جنيه اللي معاك يكونوا عشره مليون
سعيد: خدمه اي دي
مشيره : حضرتك هتمضي هنا وزين يمضي جمبك شريك أول وطبعاً بما أنه شريك أول ف ده يعفيك من اي مسؤولية قانونية وشريك اول لانه صاحب الفضل عليك
سعيد: وليه كل ده يا استاذه مشيره
مشيره : لا ياعم سعيد بقا من غير ما تسأل
سعيد : ارجوكي يا استاذه مشيره أنا راجل كبير في السن ولحم كتافي من خير الراجل ده هو جزاء الإحسان اي غير احسان
مشيره : اه أنا برضوه كنت عارفه انك هتوجع قلبي
سعيد: يابنتي ابوس ايدك أنا من سن والد حضرتك اعملي معروف الراجل ده أنا مقدرش اعمل حاجه تضره
مشيره : بنتك مين ووالدي مين انت مجنون يا عم انت طب وعزه الله يا زفت انت أن ما كنت منفذ اللي طلبته منك ل اوديك في ستين داهيه وترجع تشحت تاني انت فاهم معاك شنطه فيها مليون جنيه مش علشانك دي علشان تعرف تمضي زين عايزك تقوله بالحرف أن شغلك كبر وده نصيبه ولازم يمضي علشان دا حق ربنا انت فاهم
سعيد : حق ربنا لله الامر من قبل ومن بعد (وخرج سعيد من مكتب مشيره على شركه زين )
في جانب آخر
جوده : زين اوعي تنسي معاك معاد كمان ساعه مع البلتاجي
زين : ياعم فاكر المهم فين أسماء
جوده : موجوده في الحسابات هيا بتطلع من هناك
زين : ما يا عديم الدم خايفه على فلوس اخوها و فلوسنا منا لو جوعت كلنا هنرجع نشحت
جوده : بيني وبينك بعد ما مشيت معاك في الكام مزاد دول عرفت أن لا يمكن نجوع و دماغك دي معانا
زين : يالوح مفيش حاجه اسمها كده كل ده بتاع ربنا احنا اسباب وحبه سعي التوفيق والمكسب والخسارة واي حاجه تانيه في ايد ربنا اقوم أنا اروح ل البلتاجي اللي طلعلي من تحت الأرض
جوده : تمام ماشي
في جانب آخر
ياسمين: يا استاذ سعيد والله مستر زين حالا خارج عنده ميعاد مهم جدا
سعيد : لازم اقابل استاذ زين مش هينفع امشي يا بنتي ابوس ايدك بلاش تصعبيها عليا هيا صعبه لوحدها (وكان الحديث في وقت خروج زين )
زين : أهلا استاذ سعيد عامل اي (وخد الراجل سعيد بالحضن)
سعيد : أنا عايزك ضروري يا استاذ زين من فضلك ممكن نقعد مع بعض
زين : طبعاً تعالي اتفضل ياسمين اتنين قهوه على مكتبي حالا
جوده : زين البلتاجي بيه انت نسيت
زين : استاذ سعيد اهم الوقتي يا جوده اترزع يا تطلع بره (و غمز الي جوده علشان لا يشعر سعيد بأي حرج)
سعيد : ازيك يا استاذ زين
زين : كفايه زين من غير استاذ ياعم سعيد دا انا قالب عليك الدنيا والله عايزك ترزق معايا مش عارف اوصل ليك عامل اي واي اخبار شغلك
سعيد : في أحسن حال وعملت ل مراتي عمليه القلب اللي كانت تعبانه بسببها و سترت الأربع بنات و جوزت الواد وبقا عندي بيت العائلة كله من فضل الله ثم خيرك يا استاذ زين
زين : اوعى تقول كده كله بفضل الله وشغلك المحترم دا انا لازم اجي اقعد معاكم يوم والله
سعيد : تنور يا ابني ولينا الشرف والله
زين : اشرب قهوتك والله المكتب نور
سعيد :النور نورك يا استاذ زين اتفضل امسك
زين : اي الشنطه دي ياعم سعيد
سعيد : دي شنطه فيها مليون جنيه نصيبك من شغل المكتب بتاعي يا زين
زين : الله اكبر بسم الله ماشاء الله ربنا يوسع عليك ياعم سعيد وانا مبسوط جدا والله بس انا مش عايز حاجه منهم انا الحمد لله تمام التمام وده تعبك وشقاك أنا لا يمكن اخد منه جنيه
سعيد: (بدأ يبكي بشكل غير طبيعي)
زين : مالك بس ياعم سعيد (وحط ايده على كتف عم سعيد وحضن رأسه ) ياعم أنا زاي ابنك لو محتاج اي حاجه قولي والله ما تشيل هم
سعيد: انا في مصيبه كبيره اوي يا زين مش عارف اعمل اي
زين : مفيش حاجه ملهاش حل احكيلي وأن شاء الله تمشي من هنا مجبور الخاطر
سعيد : مشيره يازين عايزه تخرب بيتي لو مكنتش امضيك على الورقه دي عايزه ترميني في السجن علشان بقولها مش ده جزاء الإحسان
جوده : يعني مشيره اللي بعتاك على زين
سعيد : وهيا اللي ادتني الفلوس دي وقالتلي لو رجعت عليها والفلوس معايا هتحبسني ولازم تمضي انك شريك معايا ولو عملت كده هاخد منها عشره مليون جنيه وانا يابني يشهد ربنا لو هاخد مال قارون ما ينفع اعمل معاك كده حتا لو هتحبس
زين : اهدا بس ياعم سعيد والله أنا ما زعلان منك انت مفيش حاجه في ايدك تعملها خلاص والله إن شاء الله ليها حل
جوده : وريني كده الشنطه دي يا زين ل يكون فيها حاجه (وبيفتح الشنطه) دي بدره يازين
زين : ينهار اسود (وقام فتح باب المكتب يشوف في حد بره ل يكون في حكومه ورا سعيد وفعلاً كان ظابط المباحث قصاد زين )
ضابط المباحث : بعد اذنك يا زين بيه ممكن ادخل
زين : خير في حاجه حضرتك
ضابط المباحث: دا إذن النيابه بتفتيش مكتب حضرتك ومنزلك ولو لازم الامر تفتيش الشركه كلها أنا علشان خاطر شكل حضرتك سبت القوه تحت وطالع لوحدي بعد اذنك (وفتح الباب ودخل )
زين : (لف وشه بصدمه مكنش جوده موجوده ولا الشنطه فضل زين متابع التفتيش وقلبه يتسارع في النبضات وظابط المباحث دخل كل مكان مفيش اثر ل لجوده ولا الشنطه )
زين : بعد اذنك يا استاذ
ضابط المباحث: أنا محمد بيه يا استاذ زين
زين : عيب كده بقا عندي ضيوف وحضرتك قلبت المكان من فضلك سبني اشوف شغلي وعندك باقي الشركه والبيت بس خلي بالك اقسم بالله ما هتعدي
محمد بيه : يا زين بيه متتصلش على حد خلاص أنا كنت عارف أنه بلاغ كيدي بلاش الموضوع يكبر أنا طالع ل حضرتك زياره شخصية
زين : تمام على راسي بس أنا عندي ضيوف الوقتي
محمد بيه : تمام بعد اذن حضرتك
زين : اتفضل
بعد خروج ظابط المباحث تنفس زين الصعداء
سعيد: اقسم بالله ما اعرف حاجه
زين : عارف عارف ياعم سعيد هو جوده راح فين
جوده : اخلص يا زين أنا متعلق على الشباك هقع من الرابع هات ايدك ياعم
زين : يخربيت امك انت نزلت من هنا اذاي
جوده : الخوف يا اخويا يعمل اي حاجه
زين : فين الشنطه المنيله دي
جوده : امسك اهي
زين : كويس انك لحقت تختفي أنا قولت خلصت
جوده : عيب عليك انا قطعت على الظابط من ورا الباب خدت الشنطه ونزلت من الشباك على بتاعه التكييف اللي بره دي
زين : كده الموضوع بقا خطر اوي يا جوده الكلام مبقاش على شغل الكلام على حبسه وشغل اسود في اسود
جوده : اظن كده ياحج سعيد انت كتر الف خيرك كنت هتاخد في وشك اتنين شباب زاي الورد نخرج والشعر الأبيض منور
سعيد: والله يابني وغلوه زين أنا ما كنت اعرف ولو كانت جت في كده كنت هقول أن الشنطه دي بتاعتي ويعلم ربنا
زين : خلاص يا جوده عم سعيد بره الموضوع خليني اعرف احسبها مع الناس دي يا جوده
سعيد: أنا مش عارف اقولك اي والله يابني
زين : ولا تقول اي حاجه كل اللي عايزه منك ترجع بيتك تعيش طبيعي لو طلبت منك تقابلها تاني أرفض وبلغني وأنا عيني عليك يا عم سعيد متقلقش
سعيد : تحت امرك يا حبيبي
زين : وانت افتح القرف ده في الحمام وارمي عليه مياه وتعالي عايزك
في جانب آخر
عزيز : منتها الغباء اللي عملتيه ده انت كده فتحتي باب مش حلو علينا
مشيره : باب اي هو أنا مفيش حاجه اعملها تعجبك
عزيز : هو انتي شايفه أن اللي عملتيه ده ينفع يمر غير لما يترد عليه والرد بقا الله اعلم بي ان كان يلبسنا في مخدرات سلاح ولا اي مصيبه
مشيره : يرد على اي زمانه راح في ستين داهيه انت قلقان من اي
عزيز : هو لو كان حصل اللي نفسك في كنت هكلمك بالاسلوب ده يا متخلفه الموضوع أتلم يا ماما زين في مكتبه مفيش حد لا خده ولا غيره خلي بالك من نفسك انتي بقا
مشيره : يعني اي
عزيز: يعني ملف زين تقيل عليكي ملكيش دعوه ب زين تاني انتي فاهمه
مشيره : يعني اي مليش دعوه بي اوقف كلمني انت رايح فين
عزيز : بسببك هروح لحد عنده قبل ما يرد عليكي وعلى فكره لو رد بنفس الأسلوب هتلبسيها علشان هو بيعرف يخطط إنما انتي بتتفذي من غير خطه (وخرج من منزله الي شركه زين )
في جانب آخر
جوده : ياعم موفق تسلم دماغك
زين. : جوده شغل مخك لو عملت حاجه غير اللي قولته أنا اللي هتشلوح انت فاهم
جوده : ياعم تتشلوح وجوده جمبك عيب عليك
زين: هو أنا خايف إلا من عيب عليك دي
جوده : اطير أنا بقا
زين : طير ياعم جوده
خرج جوده شاف عزيز داخل مكتب زين دخل يعرف زين بقدوم عزيز
جوده : زين الكنج ستون بره ياض الحق اهرب ل يكون معاه شنطه بودره تانيه (وخرج جري)
زين : في اي ياض بتجري ليه
عزيز بيه : أهلا يا تلميذي
زين : مستر عزيز بنفسه على مكتبي لا كده كتير عليا وربنا ❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️الي اللقاء في الجزء القادم ❤️❤️
✍️ليل أدم 💐❤️
•تابع الفصل التالي "رواية اشتغاله" اضغط على اسم الرواية