رواية احببت اخي الفصل العشرون 20 - بقلم اروى عادل

سيف ٠٠ كده نقدر نبعت أستدعاء للنيابة لشريف و رامى. و كمان للبواب الراجل ده يعرف حاجة مش عايز يتكلم

جاسر ٠٠٠ وكمان أى بنت كانت بتتردد على العوامة 

سيف ٠٠٠ اه و ياريت كمان تبعت كمان استدعاء  للبنت إللى أسمها عزة

جاسر ٠٠ صح فى حاجة ملخبطانى هو شريف ليه ماهددتش عزة زى ما هدد البنات مع أن عزه كانت معاهم. و هى إللى دخلتهم العوامة و هى إللى حطت المنوم لرامى

سيف ٠٠  لأن إللى عايزه من البنات خلاص أخدو من عزه هى بالنسباله مالهاش لازمه اخد منها كل إللى عايزه هو بيدور على الجديد دلوقتى 

جاسر ٠٠ أبن الك*لب . الواد ده ايه.. ازاى بيقدر يلعب بالبنت و يستغلها و ياخد منها كل إللى عايزه وبعد كده يفلت بعملته بكل بساطة

سيف ٠٠ الخوف 

جاسر ٠٠ خوف ايه 

سيف ٠٠ خوف البنت من الفضيحة 

و العار . ومن أهلها و المعارفها و جيران و الاصحاب احنا فى مجتمع مش بينسا الفضيحة بسهوله... عشان كده البنت مستعدة تعمل أيه حاجة بس عشان ماتتفضحش 

جاسر٠٠ وشريف بيلعبها صح بيختار البنات إللى من عايله محافظة بتخاف على سمعتها و شكلها قدام الناس

سيف ٠٠ بالظبط .. يعنى هتلاقي بيبعد عن البنت المتحرره إللى أوبن مايند 

جاسر ٠٠ بس انا من رأى أن حظه الأسود إللى وقعوا فى إيلا لانها اجبرتو على انه يخطبها. لما عرفش ياخد منها حق ولا باطل 

بقلم٠أروى٠عادل 

سيف ٠٠ الموضوع مختلف هنا 

جاسر ٠٠ مختلف فى ايه. هو بردوا هددها بالسجن هى ماخفتش .مارضتش توافق على طلبة

سيف ٠٠ يسجنها مش يفضحها .. احنا فى مجتمع بنخاف من الفضيحة أكتر من السجن أو حتى المو*ت بدليل أن فى بنات بتتنتحر خوف من الفضيحة

جاسر ٠٠ تفتكر إيلا كانت ممكن توافق على طلب شريف لو الموضوع متعلق بشرفها او الفضيحه 

سيف ٠٠ أنا متأكد أن أيلا عمرها ما كانت هتحط نفسها فى موقف يمس شرفها أو يجيب لها الفضيحه.. بس لو افترضنا انه حصل٠٠ هى ماكنتش هتوافق بس كانت هتختار المو*ت بدل من الفضيحه .. 

جاسر٠٠أد كده انت فهمها و عارف انها بتفكر ازاى 

سيف ٠٠ طبعآ دى تربيتى .. بس بردوا إيلا دماغها مطرقعه متتوقعش تصرقاتها 

جاسر ٠٠ اظن فى دى انتو الاتنين زى بعض. مجانين أنا مش متخيل أزاى حياتكم هتبقى مع بعض.. انا متهيألى واحد فيكم هيخنق التانى فى الاخر

سيف بسخريه قال

سيف ٠٠ ربنا يطمنك . على تشجيعك 

يا صاحبى ..تسمح بقى تروح تشوف شغلك خلينى أخلص شغلى انا كمان . عشان مواعد إيلا نتغدا بره النهاردة

جاسر ٠٠ ماشى ياعم ربنا يسهلك 

ثم غادر جاسر وبعدها جاءه أتصال لسيف اكتر من مره ..و أخيرآ قرر سيف يرد

( بداية المكالمة )

سيف ٠٠ الو

چودى ٠٠ أخيرآ رديت 

سيف ٠٠ معلش كنت مشغول 

چودى ٠٠ كنت مشغول دلوقتى طيب و قبل كده انت بقالك فترة مابتردش عليا و متغير معايا

سيف ٠٠ چودى لو سمحتى انا عندى شغل دلوقتى مش فاضى للكلام ده

چودى ٠٠ كلامك دلوقتى .بيأكد أحساسى  . انك متغير

سيف ٠٠ ممكن نتكلم بعدين ..

چودى ٠٠ خلاص نتغدا سوا النهاردة و نتكلم

سيف٠٠ بس انا مش فاضى النهاردة على الغدا

چودى ٠٠ أمال فاضى أمتى حضرتك

سيف٠٠ أشوفك الساعة ٨ 

چودى ٠٠ أوكى أشوفك فى نفس الكافيه إلى اتقابلنا فيه أخر مره فكره

سيف ٠٠ فكره .

جودى ٠٠ طيب باى

( إنتهت المكالمة )

ظل سيف يفكر كيف يقول لچودى انه يريد ينفصل عنها

بقلم٠أروى٠عادل 

¤¤¤¤¤¤¤¤¤¤¤¤¤¤¤¤▪︎▪︎▪︎▪︎▪︎▪︎▪︎▪︎

فى إحدى المطاعم

يجلس سيف و إيلا على أحدى الطاولات فى المطعم فى انتظار الطعام

سيف ٠٠ قوليلى عجبك المكان 

إيلا ٠٠ تحفه . شكلك معروف فى المكان

سيف ٠٠ أه انا بجى هنا كتير

إيلا ٠٠ لوحدك ولا مع صحابك ولا مع.... 

سيف ٠٠ من غير ماتكملى . انتى مالكيش دعوة باللى كنت بعملوا قبل كده ولا كنت مع مين.. انتى ليكى من وقت ما بقينا مع بعض مفهوم

إيلا ٠٠ شكلك كنت خربها ..بس خلاص ده بقى ماضى صح

سيف ٠٠ صح طبعآ بقى ماضى

إيلا ٠٠ بس أقسم بالله يا سيف لو بس فكرت تعرف واحده تانيه عليا تعرف انا عمل فيك ايه

سيف ٠٠ افرضى حصل هتعملى ايه

إيلا٠٠ يا حرام يا سيف هتمو*ت صغير أوى. بس ولا يهمك.انا هترحم عليك. كمان هلبس عليك أسود أربعين يوم . بس ماتخفش هختارك مو*ته تليق بيك. ماهو لازم تكون عبره لغيرك . 

سيف٠٠ لأ إله إلا الله. فى ايه ٠صلى على النبى .خلى قلبك ابيض .انا بهزر معاكى

إيلا ٠٠ أنا عارفه انك بتهزر بس بردوا حبيت أعرفك 

سيف ٠٠ تمام .. و كويس انك قولتلى عشان الواحد يعمل حسابه 

حينها جلب الجرسون الطعام لذا قالت

إيلا ٠٠ طيب كل .

سيف٠٠ نعم أكل ايه

إيلا ٠٠ الجرسون جاب الاكل .مش هتاكل 

أخذ سيف نفس طويل وقال

سيفى٠٠ اه هاكل .. بس بصراحة كلامك كان مرعب أنا أتأثرت 

ضحكت إيلا و قالت

إيلا ٠٠ هههه باين على وشك

سيف ٠٠ بتضحكى. يا ظالمه. انا عايز أعرف أيه كمية الشر إللى طلعت منك من شويه دى

إيلا ٠٠ ده مش شر .. ده غيره

سيف ٠٠ ياستى الله الغنى عن غيرتك دى . مش عايزها .. يا نهار أبيض.. عايزه تمو*تينى مو*ته تليق بيا .. و تلبسى عليا أربعين يوم أسود 

إيلا ٠٠ شوفت بقى عشان تعرف انا بحبك أد أيه 

سيف ٠٠ ده أيه الحب إللى يسكن المقابر ده

إيلا ٠٠ الكلام ده لو فكرت تخونى. لكن انت متعملهاش مش صح

سيف ٠٠ اقسم بالله أبدآ هو انا مستغنى عن عمرى

بعد نصف ساعة انتهوا من الطعام هنا قالت إيلا 

إيلا٠٠ عملت أيه فى القضية 

سيف ٠٠ من أول بكره هبدء بنفسى أستجوابهم 

إيلا ٠٠ سيف انا مش عايز أديقك . بس.. 

صممت إيلا هى مرتبكه لذا قال

سيف ٠٠ قولى على طول فى ايه

إيلا ٠٠. شريف بعتلى رسالة

سيف ٠٠ أنتى مش غيرتى الشريحة

إيلا ٠٠ آه غيرتها بس هو بعت رساله على ماسنجر 

سيف ٠٠ بيقول فيها أيه الرساله دى .. ولا أقولك هاتى أشوفها بنفسى

إيلا ٠٠ مش كاتب فيها غير كام كلمة. بيقول أشوفك النهاردة فى نفس الكازينو الساعة ٩ .. ولو الساعة جات ٩ و نص أكيد عارفه انا هعمل ايه 

سيف ٠٠ و بعدين انا خلاص جبت أخرى منه

إيلا ٠٠ أنا عارفه بس ماعندناش خيار تانى. لازم أروح أشوف عايز أيه

سيف٠٠ أنتى هتستعبطى ما انتى عارفه هو عايز أيه

إيلا ٠٠ انت هتتعصب عليا ليه دلوقتى

سيف ٠٠ عشان انتى بتنرفزينى. بكلامك. لأنك  عارفه زى ما انا عارف هو عايز منك أيه 

آيلا ٠٠ سيف انا روحت قبل كده قابلتو فى الكازينو و ساعتها وقفتو عند حدو. بالعكس انا يومها بهدلتو ماقدرش ياخد منى حق ولا باطل

سيف٠٠ ساعتها انا ماكنتش أعرف حاجة ..لكن دلوقتى الوضع اختلف. 

إيلا ٠٠ طيب افرض نقذ تهد*يدو . هنعمل ايه

سيف ٠٠ هو لو عايز ينفذ تهد*يدو .. كان نفذو من زمان . هو بس بيضغط عليكى عشان توافقى

إيلا ٠٠ بس انا خايفه المردى ينفذ تهد*يدو الموضوع مش بتعلق بيا لوحدى ده بيتعلق كمان بأصحابى 

بقلم٠أروى٠عادل 

سيف٠٠ فى يا إيلا هو انتى عايزه تقابلى وخلاص

إيلا ٠٠ أنتى بتقول أيه يا سيف . لا انت اتجننت أكيد

سيف ٠٠ بتقولى فيه انا فعلآ اتجننت . انتى مش عارفه انا حاسس بأيه و انا عارف الك*لب ده عايزه منك ايه و بيفكر فيكى ازاى .. وانا عاجز متكتف مش قادر أعمل معاه ايه حاجة لانى خايف عليكى .. صدقنى شعور صعب متمناش حتى لعدوى يحس بيه

إيلا ٠٠ واللهى انا عارفه و حاسه بيك . واللهى انا اكتر حاجه بكرها فى حياتى انى أشوف الحيو*ان إللى أسمه شريف . بس لحد ما تثبت أن كان في كاميرات المراقبة فى العوامة و يظهر التسجيل الفيديو كامل أحنا مجبورين نتحمله و نسايره 

سيف ٠٠ نتحمل و نساير . على حساب برجولتى كرامتى و أعصابى. 

إيلا٠٠ حبيبى محدتش يقدر يمس لا رجولتك ولا كرامتك

سيف ٠٠ أمال تسمى ايه لما أسمح لمراتى تروح تقابل رجل غريب 

إيلا ٠٠ دى ظروف احنا مالناش أيد فيها .. انت مش واثق فيا وبعدين انا هقابله فى مكان عام . كمان انت تعالى معايا . بس هتكون بعيد 

أخذ نفس طويل و هو يفكر ثم قالت إيلا

إيلا ٠٠ مش محتاجة تفكير أحنا مجبورين مش مخيرين .. 

لا شخصية سيف ولا تركبتو كراجل تسمح بذلك لكن وكما قالت إيلا هم مجبورين لا مخيرين لذلك وافق سيف هو يشعر ان قلبه يتمزق من الداخل 

سيف ٠٠ تمام لما أشوف أخرتها ايه .. بس انا هكون قريب منك لو بس حاول يقربلك أقسم بالله هق*تلو واللى يحصل يحصل

اتفق سيف انه سوف يذهب مع إيلا فى المساء و لم يتذكر انه لديه موعد مع چودى 

¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤

فى مساء اليوم الفيلا

لقد وصل يحيى و أميرة مع أبنهم أياد من السفر 

وبعد الترحيب و السلامات  جلسوا جميعآ يتحدثون كثير إلى انا قال يحيى 

بقلم٠أروى٠عادل 

يحيى ٠٠ صحيح يوسف الجبرى اتصل بيا و عايز الشبكة تبقى يوم الخميس إللى جاى

سيف ٠٠ لأ طبعآ 

يحيى ٠٠ لأ ليه 

سيف ٠٠ هو سلق بيض لسه بدرى .غير فى تجهيزات المفروض نستعد ليها 

إيلا ٠٠ سيف عنده حق . كمان انا مش هعمل خطوبه غير بعد النتيجة بتاعتى 

يحيى ٠٠ يعنى اقول للراجل ايه دلوقتى

أميرة ٠٠ عادى قوله بعد النتيجة 

يحيى٠٠ طيب هقوله وأمرى لله  .. طيب بالنسبال موضوعك انت  يا سيف 

سيف ٠٠ موضوع ده

يحيى ٠٠ چودى هنروح نتقدم للناس أمتى

نظرت إيلا لسيف بغضب و هى بتقول

إيلا ٠٠ ماترد على بابا يا سيف قوله امتى حضرتك هتتقدم لصاحبة الصوم والعفاف

قال سيف بأرتباك من نظرات إيلا

سيف ٠٠ اتقدم فين. قصدى اتقدم مين..لا قصدى لأ

يحيى ٠٠ أنا مش فاهم حاجة

سيف ٠٠ بابا بصراحة انا مش مستعد اتقدم لچودى دلوقتى . 

يحيى ٠٠ بردوا مش فاهم يعنى ايه مش مستعد ..مش انتى إللى قولت عايز تتجوز فى ست شهور زى إيلا و دلوقتى جاى تقولى مش مستعد.٠٠ أقول لامك ايه دلوقتى بعدما كلمت الناس

سيف ٠٠ متقولش حاجة انا هتكلم مع ماما

يحيى ٠٠ براحتك دى حياتك انت فى النهاية. طيب عملتوا ايه فى موضوع الطلاق خلصتوا عند المأذون

إيلا ٠٠ لأ 

سيف ٠٠ احنا مروحناش أصلآ

يحيى ٠٠ هو فى ايه انتو الاتنين .. ممكن أعرف ماروحتوش ليه 

سيف ٠٠ ماكنتش فاضى و بعدين إيلا قالت إنها مش هتجوز غير بعد ما تخلص دراسه يعنى قدامها سنه كمان يبقى نستعجل ليه

شعرت أميرة انا فى شئ يدور بينا سيف و إيلا لذلك قالت

أميرة ٠٠ سيف عنده حق .. بعدين كفايه كلام و يالا يا يحيى نستريح .شويه انا تعبان من السفر 

يحيى ٠٠ تمام يالا بينا 

بعد ما غادر يحيى و أميرة لغرفتهم 

ذهب سيف و إيلا للكازينو لمقابلة شريف

¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤

فى الكازينو

جاء سيف و إيلا قبل الميعاد بنصف ساعة .ثم وضع سيف سماعة فى ملابس إيلا لكى يسمع كل ما يدور بينهم .

كما كان يراقب كل ما يحدث وهو يختبئ بعيد عنهم حتى لا يراه أحد 

بينما كانت تجلس إيلا على الطاولا فى انتظار شريف..وأول ما وصل  شريف  طلب زجاجة وسكى من الجرسون ثم قال

شريف ٠٠ هنشرب مع بعد النهاردة

لم ترد عليه أيلا بل نظرت له بأشمئزاز هنا قال 

بقلم٠أروى٠عادل 

شريف ٠٠ تعرفى انا مش مصدق نفسى كأنى بحلم إيلا ابو اليزيد بنفسها جايه قبلى و مستنيانى 

إيلا ٠٠ طلبت تقابلنى ليه

شريف ٠٠ و حشتينى

إيلا ٠٠ بقولك أيه أكيد انت فهمتنى 

و فهمت ان الكلام ده مبياكلش معايا.. هات من الاخر و أنجز 

شريف ٠٠ أنتى قفلتى تليفونك ولا غيرتى الخط

إيلا ٠٠ مالكش فيه 

شريف ٠٠ تعرفى ان عاجبنى طول لسانك . 

إيلا ٠٠ أول مره أشوف واحد بيحب يتهزق. لو عجبك لسانى ابقى الفهولك تاخده معاك وانت مروح

قال و هو يسكب كأس وسكى لنفسه 

شريف ٠٠ و دمك خفيف كمان . ده احنا هنتبسط أوى مع بعض

إيلا ٠٠ ياريت ألزم حدودك معايا .. تمام

شريف ٠٠ أنتى ليه قولتى انك مش عايزه الجواز يتم غير بعد متخلصى دراسه

إيلا ٠٠ ده الطبيعى ان اخلص دراستى الاول

شريف ٠٠ بس انا مش قادر أصبر الفترة دى كلها .أسمعى أما توافقى نتجوز على طول أما توافقى تعملى معايا علاقة .. والجواز بقى يجى بعدين او مايجيش خلاص براحتك 

إيلا ٠٠ انت حيوان و قليل الأدب و سا*فل .انت احق*ر انسان ممكن الواحد ممكن يشوفوا فى حياته . انا قرفانه منى نفسى انى بتكلم واحد زيك

شريف ٠٠ لأ بقولك ايه المردى غير كل مره انا مش هسيبك ولا على جثتى النهاردة

لم بستطيع سيف انا يسمع اكثر من ذلك لذلك خرج من المكان المختبئ به وركض مسرعة فى اتجه شريف وعندما رأته إيلا

كانت تعلم جيدآ أذا امسك سيف بشريف سوف يفتك به . لذلك كان على إيلا ان تتصرف بسرعه قبل يوصل سيف لشريف

لذلك مسكت كأس الوسكى و قذفته فى وجهه شريف احترقت عين شريف من الكحول الممزوج بالوسكى لذلك أغلق شريف عينه ليمسح بقايا الوسكى من عينه وهو بصرخ فى إيلا

شريف ٠٠ انتى مجنونه.. ايه اللى عملتيه ده يا٠٠٠٠٠

حينها بلع باقى جملته عندما أقترب سيف من شريف و رفع يده ليصفع شريف

الكاتبة الروايه/ أروى عادل 

رأيكم. 

ماذا سيفعل سيف بشريف 

هل سيعلم شريف بخطط سيف و إيلا

ماذا سيحدث فى والتحقيقات

هل ستتقبل چودى انفصال سيف عنها بسهوله