رواية مليكة الاسد(2) الفصل الرابع 4 - بقلم ايمي الطيب
عش كل لحظة كانها اخر لحظة في حياتك....
عش بالإيمان... عش بالأمل.....
عش بالحب ... عش بالكفاح ....
وقدر قيمة الحياة....
إبراهيم الفقي..
******************
تعديل بسيط حبايبي الروايه هتنزل الساعه 10 بدل 8
وقفنا لما جاسمين قالت انا مش يتري قالت إيه تعالو نشوف
جاسمين بهدوء: انا مش عندي مانع يابابا موافقه
أسد رغم أنه عارف أوجاع بنته بس بص لسراج بإبتسامه: يبقا نقرأ الفاتحه والخطوبه بعد أسبوعين يوم الخميس وفعلا الكل بدأ في قراية الفتحه ماعدا فهد الذي كان يحترق من الداخل وهو شارد الزهن ولكن قاطع شروده
أسد وهو بيقول لسراج: الف مبروك يابني
سراج بفرحه وإبتسامه: الله يبارك فيك ياعمي
وطبعا الكل بارك لسراج وجاسمين
أما عن فهد قام ببرود ووقف قدام جاسمين وسراج
وراح ناحية جاسمين بهدوء الكل كان خايف ليعمل حاجه متهوره وجاسمين كانت خايفه يعمل حاجه مجنونه ولكن فاجئ الكل وهو بيبوس رأس جاسمين وبيقلها ببتسامه: الف مبروك يا جسي وبص لسراج وقالها: مبروك يا أستاذ سراج خلي بالك منها وأوعي تزعلها وبعدها مشي وكان كل الأنظار تنظر له بصدمه ولكن كان اكثرهم صدمه جاسمين وبعدها بفتره طويله مشي سراج وعائلته
وخلص اليوم على كده وطبعا كل واحد راح على أوضته
أما عن جاسمين فهي مجرد دخلت غرفتها وغيرت ثيابها
إلي بيجامه بلون البمبي والتيشرت مرسوم عليه باندا 🐼
ومسحت الميكب وهي تبكي منذ أن دخلت الغرفه تبكي علي سنين ضيعتها في حبه سنين كانت ترفض فيها الكثير من العرسان لأجله ولكن بعد كل هذا جاء وكسرها عندما اعترف أمام العيله أنه هيخطب هذه العقربه سيرين كم يؤلمني قلبي واليوم وبكل برود يأتي ويباركلي حقا هل هو لا يحبني إذا من اليوم انت سوف تخرج من حياتي أيها الفهد كان هذا ما يدور في عقل بطلتنا
**************************** بقلم ايمي الطيب
عند بطلنا فهد
فهد كان يجلس في مكان خالي بعيد عن الناس وكان يجلس علي الأرض وهو يبكي نعم الفهد يبكي يبكي من أجل حبيبته الذي يعشقها من زمن منذ نعومة اظافرها منذ أن كانت بضفاير ولكن حدث شيء يمنعه أن يعترفلها بحبه (هنعرف بعدين السبب) ولكن فهد مسح دموعه ونظر أمامه بشرود وقرر فعل شيء يتري ما هو سنعرف قريبا
**************************** بقلم ايمي الطيب
عند الشخصيين المجهولين
البنت: ههههههها واخيرا حصل الي احنا عايزينه
الشخص المجهول: متفرحيش أووووي كده لسه لما تبقي تحت إيدينا وسعتها فعلا اقدر اقولك افرحي
البنت: بحقد: يااااااااااا انا مش عايزه اقلك أنا مستنيه اليوم ده بقالي كتيييير اوووي
الشخص المجهول بإستغراب: أنا لحد دلوقتي مش فاهم انتي ليه بتكرهيهم وبتحقدي عليهم ليييه
البنت بغل وحقد: لأن بسبب الفهد مات شخص غالييي عليا أووووي
المجهول: ومين هوا
البنت بحقد:أخويا ومش هرتاح إلا لما أخد حقه
المجهول بخبث: ومعايا أنا هتخديه متقلقيش
نسيبهم بقا مع شرهم
******************* بقلم ايمي الطيب
تسريع الأحداث
خلص اليوم وكل واحد طلع ونام وطبعا بطلنا رجع وطلع علي أوضته نااام وكل أبطالنا نامو
************************ بقلم ايمي الطيب
تاني يوم في قصر الغرباوي
وتحديدا علي السفره
كان الكل متجمع علي السفره
وكانو بيكلوا بصمت
ولكن قاطع الصمت صقر
صقر وهو بيقول بصوت عالي نوعا ما: لا بقا كده كتير انا عايزه اتجوز
رائد بسخريه: طب متتجوز وهو في حد ماسكك
صقر: ايوه ما الي عايز اتجوزها بنتك بص ياعم رائد احنا نخلي كتب الكتاب مع خطوبة جاسمين قلت إيه ومستناش يرد رائد وقال: يبقي موافق علي بركة الله
والكل بيضحك علي جنونه وسيلين تنظر للأسفل بكسوف
رائد: مين قال أني موافق
صقر بتذمر وجنان: عمو رائد قول موافق لأن كده كده بنتك ليا ومش لغيري فوافق بدل ما أخطفها واتجوزها وأنت حر انت عرفني مجنون
ياسين والد رائد بضحك: خلاص بقا يا رائد وافق
رائد بضحك: انا اساسا موافق بس بشاكسه
صقر بفرح ومرح: ربنا يديمكو يا مراعييين الغلابه يارب
والكل بيضحك علي جنانه
وسيلين ميته من الكسوف
وخلصوا فطار وكل واحد راح على شغله وصقر وصل البنات الجامعه
********************** بقلم ايمي الطيب
عند مها في الجامعه
كانت داخله الكليه بتاعتها وبعد ما ودعت البناات
لأن هي في كلية طب أما سيلين ونرمين هندسه وجاسمين ألسن (وجميعهم في أخر سنه بالكليه)
كانت داخله الجامعه وخبطت في شاب ووقعت على الأرض
الشاب بأسف: أنا أسف أنتي كويسه ومدلها إيديه عشان يقومها
مها وهي بتحط إيديها في إيده وعندها حسوا بكهربا في أيديهم
مها رغم الألم من الوقعه ولكن قالت: شكرا لحضرتك وخدت كتبها ومشيت
ودخلت الكافيه اللي في الجامعه
ودخلت شربت قهوه وخرجت راحت على المحاضره بتعتها
ومجرد ما دخلت المدرج
وقعدت جمب صحبها ولكن فجأه دخل الشخص اللي خبطت في وهي داخله وهي أول ما دخل برقت الي هو ده الدكتور الجديد ووهو قدم نفسه
الشاب: صباح الخير يا حضرات انا الدكتور جاسر الرفاعي
وهدرسلكم مادةphysiology (فسيولوجى)
وهو يتحدث لاحظها بين الحاضرين وابتسم بداخله ولكن بدأ في شرح المحاضرة
وبعد إنتهاء المحاضرة خرج جميع من كان بالمحاضره بما فيهم مها وطبعا كان يتبعها هذا الجاسر بعينيه
********************** بقلم إيمي الطيب
عند فهد في الشركه
فهد كان يعمل ومنغمس في العمل لكي يحاول عدم التفكير في جاسمين ولكن قاطعه دخول شخص
فهد: يا هلا يا هلا أخبارك
الشخص تمام و انت عامل ايه
فهد: الحمدلله ها ايه الأخبار طمني
الشخص: كله تمام ومشين علي الخطه بالظبط
فهد ببتسامه: عفارم عليك يا.......... بس انا عايز اخلص من الموضوع ده انا زهقت
الشخص: خلي صبرك طويل يا فهد هنخلص إن شاءلله هنخلص انا لازم أمشي دلوقتى قبل ما حد يشوفني سلام
فهد؛ سلام
***************** بقلم إيمي الطيب
تسريع الأحداث
عدي أسبوعين وكل شيء طبيعي
حيث فهد ينهمك في شغله بشده والشخص المجهول يذهب له بين الحين والأخر وجاسمين قد قررت نسيان الفهد وأنها تعطي فرصه لسراج وصقر وسيلين بيقربوا لبعض وقررو يتخطبو ويكتبو الكتاب يوم خطوبة جاسمين ومها بدأت بالإعجاب بجاسر
أما عن جاسر فقد اعترف لنفسه انه يحب مها التي خطفت قلبه من الوهله الاولي وعزم علي أنه سيذهب ويتقدم لها
اما عن سيف فهو مزال يفكر في شيء ما وحبه لهذه الفتاه
التي عشقها منذ نعومة اظافرها وعزم على ان مجرد أن تخلص هذه الإمتحانات سيتقدم لها ويتزوجها
********************* بقلم إيمي الطيب
وهنا جاء اليوم الموعود
يوم خطوبة جاسمين وسراج وخطوبة وكتب كتاب صقر وسيلين
في غرفة البنات
مشغلين الموسيقي ويتمايلو عليها ما عدا جاسمين التي تنظر لهم ببتسامه وفرحه لفرحتهم وطبعا حتي لا تشعرهم بحزنها ظلت تضحك معهم ويهزرو حتي جائت الميكب ارتس وقامت كل واحده بإرتداء فساتينهم ووضعو الميكب
كانت جاسمين ترتدي دريس باللون الاوف وايت مليء بالزهور البيضاء ضيق لحد الوسط ونازل على واسع وعليه حزام اوف وايت وطرحه بيضاء وهيلز ابيض وضعت ميكب سيمبل
أما سيلين كانت ترتدي دريس باللون الذهبي نازل على واسع وحجاب نفس اللون وحذاء باللون الأسود وضعت ميكب سيمبل هاديء
اما عن مها
فكانت ترتدي فستان باللون النبيتي الغامق ونازل علي واسع وطرحه سوداء وهيلز اسود اللون ووضعت ميكب ولكن ليس خفيف
اما نرمين فكانت ترتدي دريس من اللون الكشميري سيمبل نازل علي واسع بعض الشيء وعليه حزام وحجاب من نفس اللون والأكمام نازله على واسع بعض الشيء وهيلز ابيض وميكب خفيف خالص
وكانو بيهزروا وبيضحكو وشغلو موسيقي أما جاسمين فهي كانت في عالم أخر
******************* بقلم إيمي الطيب
عند الشباب
كانو بيهزرو وفرحانين
صقر وهو بيمثل انه بيزغرط: لولولولي اخيرا إفرااااج
سيف بمرح: هههههههههههههه ايه ياعم ماتهدي انت من الصبح علي كده وبعدين دا خطوبه وكتب كتاب مش فرح ودخله
صقر بمرح: نينينبني ملكش دعوه يلا وبعدين اتشملل والحق أتقدملها بدل ما تطير من إيدك وتروح لغيرك
سيف بجديه وحده: عشان سعتها هخطفها ومحدش هيلقينا وهي ليا مش لغيري انا أول واحد فتحت عنيها علي الدنيا وشفته مستحيل تكون لغيري دا علي جثتي
صقر لكي يخفف الجو قليلا: إيه ياعم اهدي كده انت عروقك نفرت كده ليه انت عندك إنفصام يلا
رعد محاولا تخفيف الجو أيضا: إنفصام ولا عصام
سيف بمرح عكس ما كان عليه منذ دقيقه: ألش رخيص ولا متألش تاني وضحكو
فجأه دخل فهد
فهد بمرح عكس جديته: ايه ده هو فين العريس اللي عامل دوشه من الصبح
صقر بعبوس مصطنع: علي فكره إنهارده كتب كتابي لازم ادوشكو لو مدوشتكوش أدوش مين يعني
كله ضحك علي عبوسه وهو أنضم ليهم
فهد وهو بيحضنه قال بمرح: أدوشنا يا خويا إحنا عندنا كام صقر
صقر بعد ما بعد عنه قال بمرح وهو يرفع صابعه: واحد لأن مفيش زي إتنين
رعد بمرح:حصل أصل لو في إتنين كانت خربت
وضحكو وبعدين قال
رعد بجديه: مالك يا فهد دا مش شكل واحد حبيبته هتتخطب لغيره إنهارده انت ناوي على إيه
فهد بغموض: كل شيء بأوانه حلو هتعرف في وقتها
صقر بمرح: الله أكبر مش هو اتكلم بغموض يبقي هتولع بس وحياة عيالك الي لسه مخلفتهمش أكتب الكتاب الأول وبعدها أعمل الي انت عايزه
فهد بضحك: متقلقش هتتجوز يا خويا انهارده انا مظبط كل حاجه يلا خلينا نلبس
رعد بجديه أكثر:فهد متنساش جاسمين أختي لو عملت حاجه تأذيها صدقني أنا الي هزعلك
فهد بهدوء وإبتسامه: متقلقش يا رعد أختك روحي ومحدش بيقدر يأذي روحو
سيف بتصفير وضحك:الله عليك يعم الرومانسي ياجامد
وكله ضحك
وفهد قال : مش يلا نجهز بقا
وفعلا كله قام يلبس البدل عشان ينزلو
صقر لبس بدله رصاصي وتحتيها قميص ابيض وكرافته باللون الاسود وفوقيهم سديري نفس لون البدله وفوقيهم جاكت البدله وحاططت منديل باللون الاسود في جيب البدله وجزمه سوده
اما رعد كان لبس بدله باللون البني تحتيها قميص أبيض وكرافته سوداء منقطه بالأبيض وفوقيهم السديري نفس لون البدله ومنديل في جيب البدله نفس لون الكرافته وجزمه سوده
اما عن سيف بقا
فهو لبس بدله سوده وتحتيها قميص أبيض وكرافته سوده بها خط طويل باللون الابيض ومدخل القميص داخل البنطلون ولابس حزام أسود جلد وجزمه سوده
أما عن بطلنا بقا
فلبس بنطلون أسود وقميص أبيض وفاتح اول زرارين ومدخل القميص جوا البنطلون ولابس حزام أسود وجزمه سوده و ساعه فضي
ونزلو تحت
***************** بقلم إيمي الطيب
تحت في الحفله
نزلو الشباب يستقبلو التهاني من الناس
وصقر واقف تحت مستني حبيبته وطفلته
وفهد شاف سراج وصل هو وأهله وقاعد مستني جاسمين وراحله وباركله عادي
***************** بقلم إيمي الطيب
فوق عند البنات
كانو جهزو وخلصو لبس والميكب ارتس خلصت الميكب
وطلع أسد و رائد عشان يخدو سيلين وجاسمين
وفعلا طلعو ودخلو
رائد وهو بيمسك إيد سيلين وبيبوس رأسها: عشت وشوفتك عروسه وإنهارده كتب كتابك ياحبيبتي الف مبروك بس خليكي عارفه لو دايقك في يوم انا في ضهرك فاهمه مع أن واثق أن صقر عمره ما هيأذيكي ويضيقك
سيلين وهي بتحضنه: الله يبارك فيك ربنا يباركلي فيك يا بابا وباست رأسه وحضنته
أما أسد بص لجاسمين الي كانت في عالم تاني
أسد وهو بيبوس رأس بنته: مبروك ياحبيبتي
جاسمين ببتسامه مصطنعه: الله يبارك فيك يا بابا
أسد وهو بيبصلها وهو يعلم إن بنته حزينه: خليكي عارفه أن أنا بعمل كده عشان مصلحتك
جاسمين ببتسامه: عارفه يابابا يلا ننزل
وفعلا اسد و رائد وخد بنتهم ونزلو
*********************** بقلم إيمي الطيب
أما تحت فهد راح بارك لسراج
ولكن وهو بيباركله فجأه نزلت جاسمين وسيلين متأبطين زراع ابويهم ووراهم زوجاتهم ونرمين ومها
نزلو وسلمو علي صقر وسراج وسلملهم البنات
تسريع الأحداث
بدأ الحفل والكل بدأ يهني سراج وجاسمين
وصقر وسيلين وجه معاد تلبيس الدبل وكتب كتاب صقر وسيلين
اشتغلت اغنية يا دبلة الخطوبة
وبدأ سراج بتلبيس الدبل لجاسمين
وحينها فرت دمعه هاربه من عين جاسمين ولكن مسحتها بسرعه وبعدها هي بدأت بتلبيسه الدبله وبدأت الزغاريد والتهاني لهم وبالطبع كل هذا تحت أنظار الفهد الذي كان يحترق من داخله وبعدها بدأ صقر و سيلين بتلبيس الدبل وكانت الإثنين فرحتهم عامره بشده وبعدها جاء المأذون
وقعد
المأذون: أين وكيل العروسه
رائد: انا
المأذون: وأين وكيل العريس
مازن: انا
وقعدو العريس والعروسه جمب بعض و رائد ومازن قاعدين جنب المأذون
المأذون: أنسه سيلين رائد ياسين الغرباوي هل تقبلين صقر مازن ياسين الغرباوي زوجا لكي
سيلين: نعم أوافق
المأذون: علي بركة الله قول ورايا يا أستاذ رائد وقال رائد وراه المأذون وبعدين قال مازن وراه المأذون
وإنتهي كتب الكتاب علي كلمته المشهور (بارك الله لكما وبارك عليكما وجمع بينكم في مودة وخير)
ومجرد ماقال كده النور انطفي ولما رجع كانت جاسمين أختفت
فهد:******
بوم بوم بوم
انتهي البارت
هل يتري جاسمين هربت أم اتخطفت
وهل لو إتخطفت
يتري مين الي خطفها
ولو هربت
يتري هتروح فين
ويتري فهد هيقول إيه
وهل يتري الشخصين المجهولين هما الي خطفوها ولا هي اللي إختفت
ويتري فهد هينقذها ولا لا
وهل فهد له يد في اختفائها
ومين الشخص الي عايزه تنتقم منه لموت اخوها
وهل يتري مين البنت الي بيحبها سيف
ويتري لما جاسر يطلب إيد مها هل هتوافق أم لا
ويتري ايه الي خلي فهد ميعترفش بحبه لجاسمين وخطب سيرين
ويتري مين الشخص المجهول اللي بيروح لفهد
هنعرف المره الجايه
يتبع
تفااااااعل
بقلم ايمي الطيب
- يتبع الفصل التالي اضغط على (مليكة الاسد) اسم الرواية