رواية اشتغاله الفصل التاسع عشر 19 - بقلم ليل أدم
مساء الخير للجميع 💐🤍
الجزء ١٩ من روايه ❤️❤️
(❤️أشتغاله ❤️)
المتحدث الرسمي للمزاد: بسم الله الرحمن الرحيم نبدأ المزاد على قطعه ارض هرنوفل الساحل الشمالي والسعر المبدئ ٣٠٠ مليون
مشيره : ٥٠٠ مليون
المتحدث: مشيره هانم عزيز ٥٠٠ مليون
زين : لا مش ٢٠٠ مليون مره واحده يا مشيره خلينا نعافر مع بعض شويه
مشيره : هات اخرك يا زين
زين : ٥٢٠ مليون
مشيره : ٦٠٠ مليون
ريهام: زين خلاص يازين الأرض مش هتسوي السعر ده
زين : مشيره خلاص انتي عارفه الأرض دي مهما عندي أد اي
مشيره : تقوم تعتذر قصاد الناس دي كلها ومتكسرش كلمتي في السوق تاني واسيبك
زين : لا بقا خليها ٧٠٠ مليون يابني
مشيره : ٨٠٠ مليون
زين : ٨٢٠ مليون
مشيره : ٩٠٠ مليون
زين : وعشرين
مشيره : مليار جنيه
الجميع في ذهول من الرقم
زين : مشموشتي فيكي من يكتم السر
مشيره : على حسب
زين : (بيضحك) أنا مش عايز المزاد ده انا جاي بس علشان اخسرك في
مشيره : والقريه بتاعتك انت فاكرني عبيطه يا زين
زين : لا منا هقولك اصل لما قعدت مع نفسي لقيت أن القريه دي لويه دراعي بسبب قطعه الأرض وبيني وبينك كنت عارف انك هتجمعي شويه البدل دي كلها عليا ف بعت القريه بقا
ريهام: زين انت بتتكلم بجد
زين : وغلوت مشموشتي بايع من يومين وجالي رقم بعيد عنك جوده شافه افتكره رقم تليفون
مشيره: يا ابن الكلب
زين : الشتيمه حرام خلي بالك انت بوقك بيتعوج وربنا (وبصوت عالي) إسعاف بسرعه يا جدعاااااااااااااااااان
المتحدث الرسمي للمزاد: مبروك عليكي الأرض يا استاذه مشيره
زين : (بصوت عالي وسط الجميع ) يعني يا جماعه خسرتوا بتاع ٥٠٠ مليون جنيه اي الموضوع اما نقف جمب بعض
مشيره : بس يا زين خلاص
زين : لا مش خلاص منا مش هتفرج عليكي وانتي بتتجلطي يا جماعه الخير انا بايع القريه يعني الجمع السعيد ده على البايظ الست دي خيرها على الجميع وبيتها اتخرب جوده كيس اسود كده ولم اي حاجه
جوده : جاهز اهو كنت جايب في سندوتشات كبده
زين : لف لفه وسط الرجاله بالذات سعد بيه اللي رنيت عليه امبارح مردش عليا
بدأ الجميع يقوم يخرج من القاعه بعد ما كسر زين قصاد الجميع هيمنة مشيره على السوق
جوده : زين محدش عايز يدفع جنيه
زين : ياعم أنا طالع مني ١٥٠ مليون جنيه
مشيره: انت فاكر هتعدي يازين والله ما هتعدي على خير
زين : هاتي اخرك و أتكي عليه مره واتنين وتلاته ومليون علشان اللي هلمحه هعمل في اي يا جوده
جوده : هتشلوحه
زين : مشيره ريهام ليكي معاها عقود ب ١٥٠ مليون جنيه النهارده يكونوا عندك ومعاهم مدير الشؤون القانونية بتاعي سوي كل حاجه علشان ريهام مش معاكي من النهارده
ريهام: ( تنفست الصعداء بعد ما سمعت من زين أنه فك دينها عند مشيره وقفت ورا زين )
زين : طلعي زين كامل من دماغك يا مشيره طلعي زين كامل من دماغك قبل ما وحق لا إله إلا الله احطك أنا في دماغي
مشيره : هتندم يا زين والله ل تندم
زين : وانا جاهز بس وعد مني ل يكون هو ده لون وشك كل ما تفكري في كابوسك زين كامل
وخد زين ريهام وجوده وخرج على عربيته
جوده : اي ياعم ده شيطان يخربيت دماغك
ريهام: انت عملت كل ده امتا بايع القريه من غير ما حد يعرف ومنظم ورقك وعرفت موضوع ١٥٠ مليون اللي بيني وبين مشيره منين
زين : مش مهم كل ده المهم أن السوق كله أتأكد أن زين كامل صعب حتى لو كان دراعه ملوي وهو ده اللي أنا جاي عليه
جوده : ما كنت رفعت فوق المليار يا زين خليها تخرب عليها خالص
زين : يا غبي مشيره نفسها كانت بتقول في سرها يارب زين يقول مليار و جنيه علشان الموضوع بقا كارثي لا بقا عناد ولا مكسب
ريهام: يعني المليار هو اللي مش كارثه
زين : ما دماغ مشيره كانت أنها ترفع عليا السعر مش اكتر إنما مشيره دخله المزاد ومعاها نفس الورق اللي معايا وعارفه أن قطعه الأرض لو رفع سعرها عن ٦٠٠ مليون تبقا خسرانه مائه في المائه
ريهام: مش بقولك نفسي في دماغك دي وانا احتل العالم مش السوق بس
جوده : صحيح يابني والله أنا جاي وعمال اخطت هندخل على كاميليا ب أنهي وش (وبيضحك)
زين : بعد اللي حصل ده كل الناس اللي قلبت علينا هتبدا ترجع تطلب العفو وتقريباً ممكن مشيره تنزل مسرح ويطلع غيرها لازم نركز اكتر مع بعض
جوده : طبعاً اي حد يجي يطلب عفو مفيش منه
زين : علشان حمار
جوده : ليه
زين : سيب كل حاجه في وقتها وانت تفهم
في جانب آخر
عزيز بيه: أنا غلطان اني سبت عيله تمسك أعمالي بقا حتت عيل وسيط يلعب بيكي الكوره وتخسري بسببه اكتر من ٥٠٠ مليون جنيه
مشيره : انا مش عبيطه أنا كنت برفع عليه السعر لو كان فتح بوقه بعد المليار كنت هقوله مبروك أنا كده كده مش عايزه قطعه الأرض أنا كنت عايزه اسيب رساله قصاد الجميع
عزيز: وطبعاً جمعتي الكل علشان يتفرج على فضيحتك في السوق
مشيره : بابا زين كامل مبقاش الوسيط اللي انت عارفه زين بقا جبار في شغله حتا لو مش عايزه اعترف ب الحقيقه قصاد حد يبقا لازم اعترف بيها قصاد نفسي مش ده كلامك
عزيز : الوقتي افتكرتي كلامي كان فين عقلك قبل ما تحطي اسمك في منافسه مع اسمه انتي عارفه انتي غير الفلوس خسرتي اي انتي خسرتي كل الناس اللي شافت زين بيعلم عليكي النهارده انتي خسرتي اهم حاجه عند رجل الأعمال خسرتي اسمك
مشيره : وهو ده اللي مجنني ولم ضربه قويه ل زين قبل ما الاسبوع ده ينتهي
عزيز : انتي عارفه الفرق بينكم وبين زين هو بيشتغل ويعمل كل حاجه في صمت إنما انتوا عاملين شو ضخم حوالين نفسكم
مشيره : أنا مش جايه علشان حضرتك تعمل فيا كده أنا عايزه اعرف اعمل اي مع زين كامل
عزيز: اقعدي
في جانب آخر
كان بدأ بعض رجال الأعمال في الرجوع عن مقاطعه زين وحصل من زين عكس المتوقع كل واحد منهم كان شايف أن زين لا يمكن يقبل ب التصالح ومرور الموقف إلا أن زين فاجئ الجميع بالتصالح و مش بس كده بدأ معاهم زين في شغل من جديد
ريهام: انت ليه بتساعد الناس دي يا زين الناس دي كانت عايزه تخرب بيتك
زين : ومين قال إني بساعد الناس دي أنا بساعد نفسي وبخدم شغلي وبس
ريهام: ازاي
زين : تعالي جمبي
ريهام: (قعدت جمب زين حط زين ايده على كتف ريهام وضمها الي حضنه )
زين: شوفي ياستي شركه زاي شركه فري ستار دي ملهاش اي تعاملات بس نازله السوق اهو هل حد يعرف عنها حاجه
ريهام: لأ
زين : أنا عارف عنها وعارف أن الشركه دي كمان سنه هتكون في حته تانيه بس محتاجه ذقه
ريهام. : وهتعمل اي علشان تذق الشركه
زين : هعمل كده اشتري فيها أربعين في المئه من أسهم الشركة بمجرد ما اسم زين كامل ينزل أنه اشتري من الشركه دي أسهم هتلاقي كل رجال الأعمال حطت رجليها ورا رجلي وبدأ الجميع يشتري ف طبيعي سعر الاسهم يزيد صح كده
ريهام: صح
زين : لما سعر الاسهم يزيد يعني دخل الشركه أصبح أضعاف أضعاف ف معدل تصعيد المكسب مستمر وانا متابع الكرف عالي أد اي ونسبته أد اي إنما رجال الأعمال اللي اشتروا معايا مش متابعين
ريهام: ليه مش متابعين يعني دا شغلهم
زين : علشان في الوقت ده بكون روحت اشتري في مكان تاني سعر سهمه أعلا ومكسبه مضمون اكتر من ده يقوم الجميع يركز هنا وينسا هنا اروح عامل حمله إعلانية بعيده عن اسم زين كامل وان أد اي الشركه دي مهما في السوق ووجودها منفعه للجميع هوبا يفاجئ الجميع أن زين كامل باع اسهمه في شركه فري ستار القديمه
ريهام: وبعدين
زين : هنا الجميع يشك أن كده فري ستار مبقاش فيها خير إلا مكنش زين كامل باع الأسهم ف يعملوا اي
ريهام: يبيعوا
زين : مش بس كده أنا كمان بخليهم يبيعوا لنفس الشركه اللي أنا بيعت ليها لأنها بتشتري الاسهم أغلا من سعر السوق
ريهام: ينهار ابيض دا اللي اشترا الاسهم ده من حظه ومن نصيبه
زين : يابنتي منا اللي اشتريت بس عن طريق شركه تانيه
ريهام: يخربيت دماغك أنت اي يابني
زين : اعجبك أنا اوي
ريهام: طب ما الناس اللي بتخسر دي ليه بتمشي وراك كل مره
زين : هو مين اللي بيخسر
ريهام: رجال الأعمال
زين : يا هبله افهمي الناس دي أنا بحافظ على مكاسبهم قبل ما اكسب أنا نفسي علشان يستمروا ورايا ما لو خسروا أبقا أنا خسرتهم وخسرت الاستراتيجية اللي بشتغل بيها
ريهام: ف بترمي ليهم فتافيت
زين : المهم أن في مكسب علشان يستمروا
ريهام: انت مش طبيعي يا زين ❤️❤️❤️❤️❤️❤️❤️❤️❤️❤️❤️❤️❤️❤️❤️❤️الي اللقاء في الجزء القادم ❤️❤️
✍️ليل أدم 💐❤️
•تابع الفصل التالي "رواية اشتغاله" اضغط على اسم الرواية