رواية اشتغاله الفصل الثامن عشر 18 - بقلم ليل أدم

مساء الخير للجميع 💐💐 

الجزء ١٨ من رواية ❤️❤️ 

             (❤️أشتغاله❤️)

زين : مالك يا ريهام انتي من ساعه ما دخلتي عليا ووشك متغير كده في اي 

ريهام: مفيش رجعت الشركه لقيت مفيش فيها إلا اربع خمس موظفين والباقي عمل اضراب 

زين : ليه اضراب حصل اي 

ريهام: هيكون ليه يعني يا زين ما علشان المرتبات 

زين : وانتي معكيش سيوله تدفعي مرتبات الناس يعني 

ريهام: لا موجود بس أنا مش عارفه اتصرف معاهم ازاي 

زين : اسمعي يا ريهام ادفعي رواتب الناس دي و استغني عنهم أولا ثانياً استعيني بناس تانيه خالص اهم حاجه في الناس الجديده تكوني حاسه ان كل واحد منهم ينفع يكون اخ وصديق علشان الناس دي هيا اللي بتشيل الواحد وخلي بالك منهم زاي ما انتي عايزه منهم نفس الشيء وصلت 

ريهام: يعني بلاش الناس دي ترجع تاني 

زين : لا طبعاً انتي كده مش هتخلصي كل شويه اضراب وكمان المجموعه دي شكلها تعرف بعض من زمان أو أصحاب علشان يعملوا حركه زاي دي 

ريهام: ماشي يا زين أنا ماشيه 

زين : يابنتي لو عندك مشكله ماديه قولي بلاش مشيره عزيز اسمعي الكلام 

ريهام: يا زين بقا بالله عليك سيب موضوع مشيره ده من دماغك انت غلطان والله 

زين : هيا شريكه معاكي يا ريهام 

ريهام: اه يا زين شريكه 

زين : شريكه ربح مش امتلاك أرض الشركة 

ريهام: هيا عايزه تكون شريكه في أرض الشركة أنا اللي رفضه

زين : اوعي تقبلي لو ده حصل صدقيني والله هتندمي 

ريهام: ماشي يا زين سلام 

زين : اللي يريحك يا ريهام استني اروحك 

ريهام: لا ياعم خليك لسه بدري شوف شغلك 

باب المكتب اتفتح 

جوده : زين 

زين : ثواني يا جوده اقعد عبال ما اخلص مع ريهام 

ريهام: شوف شغلك طيب يا زين أنا تمام والله 

زين : خلاص ماشي يا حبيبتي 

ريهام: سلام يا حبيبي 

زين : سلام تعالي يا جوده

جوده : علشان بس تعرف أن جوده بيجيب من الآخر 

زين : قول الآخر 

جوده : اتفضل 

زين : يزيد فضلك يا عم جوده (وخد العقود من جوده بدأ يقرأ فيها ) 

جوده : مش بس كده أنا كمان اتفقت معاهم أننا ناخد منهم وحدتين نصيف فيهم 

زين : الله ينور عليك يا جوده 

جوده : عيب عليك أما اي هنصيف في بلطيم مثلاً 

زين : ياعم زفت مش ع كده وحدتين اي اللي نصيف فيهم أنا مش عايز من الموقع حاجه ابدا وشركه الجمل شركه محترمه أنا موفق كلم حد من الاداره عندهم يجي يتفضل يعمل تسويه ماليه مع استاذ خالد مدير الشؤون القانونية و تمام أن موفق على المبلغ المكتوب في العقد 

جوده : هو في مبلغ مكتوب في العقد 

زين : يعني انت جايب العقد ومجاش في بالك تقرأ بنوده 

جوده : لا والله قرئت العقد بس مخدتش باللي أن مكتوب في مبلغ فين ده وريني يا زين 

زين : اهو يا متخلف 

جوده : ينهار ابيض أنا كنت فاكر ده رقم تليفون الشركه وعمال اتصل مش مجمع حاجه خالص 

زين : رقم الشركه اي يا لوح دي قيمه الصفقه محاسبه اي بس اللي كنت فيها الله يحرقك قوم قوم 

جوده : لا استنا انت قولتي هتعمل معايا واجب 

زين : هديك على كل وحده ١٠٠ جنيه 

جوده : بجد ولا بتكدب يا زين 

زين : انت فرحان كده ليه يا جوده 

جوده : ما الاخر هيبقا رقم حلو 

زين : لا دا انت ماشاء الله عليك الطموح في السماء 

جوده : ياعم ١٠٠ جنيه وانت مبارك فيها احسن من ١٠٠٠ جنيه من غير علمك وحرام 

زين : جدع ياض علشان كده حابب اقولك اني مش مبارك في ١٠٠ جنيه ومش هديك عرض بس بالنسبة ل الوحدتين اللي اتفقت معاهم عليهم حلال عليك ياعم جوده يعني ٥٠ مليون ياعم اي خدمه 

جوده : ينهار اسود الوحدتين يعملوا ٥٠ مليون 

زين : تخيل 

جوده : لا يبقا دا فعلاً مبلغ الصفقه مش رقم تليفون 

زين : (بيضحك) روح شوف شغلك يا متخلف 

في جانب آخر 

مشيره : أنا مش هسيبك في وضع زاي ده شوفي انتي عايزه اي وعيني ليكي يا رورو 

ريهام: ربنا يخليكي يا مشيره بس أنا مش عايزه عداوه بينك وبين زين 

مشيره : لا زين ربنا معاه أنا حتيطه في دماغي بعد اللي عمله معاكي وكسر كلامي 

ريهام: أصل طارق كان هياخد المزاد مني كده كده 

مشيره : طارق عبيط مش فارق معايا إنما زين تجبر السوق كله بيشتكي منه بقا فارد نفسه محدش عارف يشم نفسه قصاده وبصراحه أنا جمعت رجال الأعمال اللي زين أثر على شغلهم وكلنا خدنا منه موقف 

ريهام: ليه كده بس يا مشيره 

مشيره : معلش يا ريهام حبك ل زين شئ وشغلي شئ تاني 

ريهام: ما أنا شريكه معاكي يعني اي حاجه بتعمليها أنا كده مشتركه فيها 

مشيره : تقدري تفكي الشراكه ما بنا لو حبه يا ريهام 

ريهام: انتي بتقولي اي يا مشيره 

مشيره : اللي سمعتيه 

ريهام: يعني اي هو انتي كنتي بتغرقيني بقا مش بتساعدي زاي ما كنتي بتقولي 

مشيره : ريهام انتي عامله معايا عقود ب ١٥٠ مليون جنيه وفي بنود في العقود اللي بنا بتقول أن الشخص اللي يفض الشركه ملزم يدفع تمن العقود كامله 

ريهام: والله يعني أنا يا ابيع زين يا تخربي بيتي 

مشيره : بالظبط يا ريهام و على فكره زين نفسه لو مكانك كان باعك اديكي شوفتي لما حس أن المزاد مهم بالنسبة ليه ولا شافك. ولا شاف حد رغم أنه عارف أن المزاد ده فارق معاكي اوي 

ريهام: بس زين قالي هيرجع الشركه تاني 

مشيره:  هو في حد بيرجع حاجه في البلد دي يابنتي 

ريهام: تمام يا مشيره اللي تشوفيه بس اي اذا يطول زين أنا مش موفقه عليه (وخرجت من منزل مشيره )

وبعد مرور أسبوع كان زين على موعد مع مشيره في المزاد العلني على قطعه ارض الساحل 

ريهام: مشيره علشان خاطري الأرض دي مش مهما لينا بس ممكن توقع زين أرض أرض فكك منها 

مشيره : لا طبعاً الأرض دي تساوي كتير اوي يوم ما تترمي بالميت مش اقل من ٦٠٠ مليون جنيه وانا بصراحه يا ريهام لو هخسر في الأرض دي مش هسيب الأرض دي ل زين 

طارق : متجمعين في الخير 

ريهام:  عايز اي يا طارق انت كمان 

مشيره : هو أنا مكنتش قولتلك قبل كده يا ريهام 

ريهام: قولتي اي 

مشيره : طارق يكون تالتنا 

ريهام: دا زين كان عنده حق بقا 

مشيره: مش مهم بقا كده كده اللعب بقا على المكشوف يا ريهام 

في جانب آخر 

زين : يعني مشيره رايحه المزاد واخده معاها كل رجال الأعمال اللي قلبتهم عليا وانا واخدك انت معايا تخيل بحارب مشيره بالضحك ده 

جوده : اموت واعرف انت رايح المزاد ليه وليه سحبت كل رصيدك من البنك وانت في غنا عن كل ده انت خلاص فضيت الموضوع وبعت كل حاجه 

زين : اقولك ليه يا لوح 

جوده : قول 

زين : احنا حسبنا قطعه الأرض تساوي كام 

جوده : ٧٠٠ مليون 

زين : حلو اوي ولو خلصت على ٦٠٠ مليون تبقا خسرانه ولا كسبانه  

جوده : تبقا خسرانه بنت خسرانه 

زين : ليه بقا 

جوده : مش انت قولت يا زين القري السياحية بتكون ليها مواصفات خاصة ل الشواطئ وده أمر مكلف وممكن يكسر ١٠٠ مليون 

زين : برافو عليك يا جوده علشان كده أنا سحبت فلوسي كلها علشان نرجع من هنا على كاميليا فاكر كاميليا 

جوده : يالهوي على دي ايام 

زين : استنا ريهام بترن 

ريهام: زين انت فين 

زين : أنا رايح المزاد في اي 

ريهام: أنا هناك بقولك اي يا زين علشان خاطري خلي بالك بلاش تهور لحسن مشيره جمعت فلوس الكوكب كله علشان تخرب بيتك النهارده 

زين : حلو اوي وانا جمعت كل فلوسي وجبت سلاح وجوده علشان اضرب جوده بالنار اول ما ارجع فقير 

ريهام: انت بتضحك يا زين انت على مشارف كارثه سواده انت هتخسر اهم منتجع سياحي في الساحل ومفيش ولا ممول يمد ايده بعد ما مشيره قلبت الكل عليك 

زين : أتمنا للجميع سهره سعيده علشان أنا مش متفائل ب الجامع السعيد ده تكسبي فيا ثواب 

ريهام: اكيد قول 

زين : مشيره الوقتي عينيها عليكي عارفه انك بتكلميني تحذريني أول ما هترجعي هتقولك قالك اي قولي لها قالي الأرض دي بتاعتي لو هصرف آخر جنيه في جيبي 

ريهام: ياعم محدش يعرف اني بكلمك أنا طلعت بره أصلا انت على طول شايف نفسك عارف كل حاجه والناس كلها غبيه سلام يا زين سلام 

زين : سلام 

بعد رجوع ريهام الي مشيره 

مشيره : ريهام من غير لف ودوران زين قالك اي 

ريهام: (بصت ل التليفون) يا ابن اللذينه 

مشيره : نعم 

ريهام: مفيش قالي لو اخر جنيه في جيبي الأرض دي مش هتروح من ايدي 

مشيره : نجوم السماء اقرب ليه 

وبعد وصول زين كان الجميع ينظر إلي زين نظره استفزاز 

زين : (ساب الجميع وراح قعد جمب مشيره ) بعد اذنك يا طارق 

طارق: ما تقعد في اي مكان تاني 

زين : ياعم أنا الدكتور قالي اقعد في حته طراوه قوم بقا بدال ما تقولك هيا قوم 

مشيره: طارق معلش 

زين : ياه يا طارق تحب تحط نفسك في مواقف بايخه اوي 

مشيره : عايز اي يا زين 

زين: (بص للجميع) مش بتكرهني بس بتحبني صح ولا لا  

مشيره : زين اللي بتعمله مش هيخليني احس أن المزاد مش مهم عندك وانك جاي فصحه أنا عارفة انك على شفا حفرة 

زين : طب هو ينفع تسيبي زين على شفا حفرة 

مشيره : قولتلك أنا لأ ركبت دماغك معايا وبصراحه بقا السوق مبقاش في حد يملأ عينى مشيره عزيز ولا تشوفه منافس غيرك وعايزه اجرب حظي معاك 

زين : يعني محدش فينا هيزعل من التاني بعد المزاد ده 

مشيره: أنا والله ابدا المهم انت متزعلش

زين : نقرأ الفاتحه على الكلام ده 

مشيره: موفقه 

زين : (لف وشه ل طارق ) اقرأ الفاتحه معانا ولا هتتحرق ولا مله امك اي فكي وشك انتي بقا 

ريهام: زين مالك في اي انت كويس 

زين : كويس جدا فكي وشك كده انت مش سامعه بتقولك اني على شفا حفرة ألا اي شفا حفرة دي صحيح يا مشموشتي 

مشيره : (حتط أيديها على بوقها وبتضحك) مشموشتك هتشلوحك 

زين : الله يا عبدالله (وبيضحك)