رواية احببت اخي الفصل السادس عشر 16 - بقلم اروى عادل
أميرة ٠٠ بس الحاله إللى انت كنت فيها وقتها ماكنتش غيرة أخ على أخته دى كانت غيرة حبيب على حبيبته
توتر سيف من كلام أميرة وقال
سيف ٠٠ حبيب ايه . لأ طبعآ مافيش الكلام ده الحكاية كلها أنى شايف إيلا و شريف مش ملائمين لبعض .. انا عارف انى ذوتها يومها شويه . بس حضرتك عارفانى لما بتعصب مابعرفش اعمل كنترول على أنفعالى. هى دى كل الحكايه
أميرة ٠٠ سيف انا صح مش أمك بس انت عشت معايا اكتر ما عشت مع مامتك . لدرجة انا بقيت أفهمك من غير حتى ما تتكلم . بعرف أمتى بتكدب و أمتى بتقول الحقيقة.. وانت دلوقتى بتكدب عليا
سيف ٠٠ ماما أميرة عشان خاطرى انا مش عايزه أتكلم فى الموضوع ده
أميرة ٠٠ صدقنى قلة الكلام مش هتريحك .. اتكلم يا سيف ٠ الكلام ساعات بيريح
سيف ٠٠ مالهوش لازمه الكلام دلوقتى خلاص إيلا هتتخطب لشريف
أميرة ٠٠ لو عايزها انا ممكن اتكلم معاها
تسيب شريف و ...
قطع سيف عبارتها و قال
سيف ٠٠ لأ طبعآ .انا دلوقتى إللى مش عايزها بعد ما سابتنى عشانه
أميرة ٠٠ سيف أيلا بتحبك
ضحك سيف و قال بسحريه
بقلم٠أروى٠عادل
سيف ٠٠ بتحبنى عشان كده هتتخطب لشريف صح
أميرة٠٠ انا عارفه آيلا كويس أوى صحيح دماغها ناشف و صعب تعرف إللى فى قلبها طالعه لأبوها الله يرحمه . بس بردوا أنا أمها و عارفها ..صدقنى هى بتحبك
سيف ٠٠ هى خلاص أختارت شريف .
أميرة ٠٠ أنا مش عارف هى ليه عملت كده . بس انا عارفه انها مش مبسوطه بخطبتها من شريف دى حتى ما بتردتش على مكالماته و كمان.......
قطع عبارتها وقال
سيف٠٠ هى إللى قالتلك كده
أميرة ٠٠ لأ مامت شريف أتصلت بيا و قالتى إنهم بحاولوا يتصلوا بإيلا كتير بس مابتردتش عليها ولا على شريف..
بسخريه قال سيف
سيف ٠٠ مسألتش أيلا ليه مابتردتش على خطيبها ولا حماتها
أميرة ٠٠ سألتها قالتى أنها عندها أمتحانات مش فاضيه ترد على حد.. قولى يا سيف . إيلا لو فعلآ عايزه شريف كانت تتعامل معاه بطريقه دى ٠ ده غير انها طول الوقت حزينه و سرحانه
و على طول قاعده لوحدها . مابتتكلمش مع حد فى حاجة انا مش قادرة أفهمها
سيف ٠٠ أنا مش عارف أقول لحضرتك أيه بس فى النهاية ده أختيارها و هى تتحمل نتيجته
أميرة ٠٠ أنت شايف كده
سيف ٠٠ أنا أسف يا ماما أميرة بس انا مش قادر ألقى ليها عذر فى إللى عملتوا
أميرة٠٠ تمام بس ياريت تفكر فى قولتهولك .. وانا متأكده انك لو فكرت صح هتعرف انى عندى حق فى كل الكلام إللى قولتوا..
١¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
بعد مرور يومين
-----------------
لم يرى سيف إيلا خلال اليومين دول كانت أيلا بتحاول تتجنب رؤيت سيف بكل الطرق
بقلم٠أروى٠عادل
---------------------------------
المباحث مكتب سيف
يجلس سيف مع جاسر يفكر فى كلام أميرة
سيف ٠٠ طالما هى مش مبسوطه ليه وافقت عليه
جاسر ٠٠ يادى الحوار إللى مش هنخلص منه السندى .يابنى حرام عليكى مخلينى أسيب شغلى و أجى هنا عشان تتكلم فى نفس الموضوع
سيف ٠٠ ما انا لا اتكلم مع حد لا أتجنن
جاسر ٠٠ لا بعد الشر عليك من الجنان .اتفضل جننى معاك ماهو انا ناقص
سيف ٠٠ تصدق انك عيل رخم اتفضل روح على شغلك
كلام أميرة شغل تفكير سيف لذلك لم يقوى على التركيز فى الشغل لذلك أستأذن و ذهب للفيلا قبل ميعاد المعتاد عليه
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
فى الفيلا ابو اليزيد
كانت أيلا تجلس فى حديقة الفيلا شاردة الذهن كعادة و أمامها بعد الكتاب مفتوح لكنها لا تنظر فيه
هنا جاءه سيف و ظل ينظر لها و هى شاردة لم تنتبه له .ثم أقترابه منها
و بمنتهى الهدوء البرود قال
سيف ٠٠ مبروك
أنتفضت إيلا من مكانها عندما رأت سيف واقف أمامها
سيف ٠٠ أهدى أهدى . براحه فى إيه
قالت إيلا بأرتباك ملحوظ
بقلم٠أروى٠عادل
إيلا ٠٠ فى إيه . انت عايز منى إيه
سيف ٠٠ ولا حاجة . انا بس أفتكرت انى مقولتش ليكى مبروك على الخطوبه فقولت اجى أقولك مبروك
إيلا ٠٠ أبقى قول مبروك لما يحصل حاجة الأول
ثم مسكت الكتاب الذى امامها و كانت على أستعداد مغادرة المكان لكن سيف أمسك يديها لذلك قالت إيلا بتوتر وهى لا تقوى ان تتطلع بسيف
إيلا ٠٠ سيب أيدى يا سيف
سيف ٠٠ ليه عملتى كده
إيلا ٠٠ سيبنى أمشى بالله عليك
سيف ٠٠ مش قبل ما أعرف خونتينى ليه
بدأت دموعها تنهمر بصمت و هى خافضه رأسها لذلك صاح بها سيف
سيف ٠٠ بطلى عياط و أرفعى راسك و ردى عليا عملتى كده ليه
لم تنطق إيلا بكلمة كانت تبكى فقط مما أدى إلى صراخ سيف بها
أنتفضه جسدها بالكامل من صراخ سيف عليها
ثم أقتربه منها سيف مسكها من ذراعيها و بدء يهزها و هو يصرخ بيها و يقول
سيف ٠٠ أنتى عايز تجننى بسكوتك ده .. إيلا أنطقى . ردى عليا بقولك ٠ عملتى كده ليه . . طيب بلاش السؤال ده .قوليلى أنتى تعرفى شريف من أمتى طيب هو عمل فيكى حاجة عشان كده انتى مجبوره انك توافقى على الخطوبه منه
هنا أتسعت عين إيلا هى مندهشه إلى ما وصل إليه تفكير سيف لذلك قالت
إيلا ٠٠ لأ انت بتقول أيه. مافيش حاجة من دى
سيف ٠٠ أمال وافقتى عليه ليه
قالت بصوت واطى وهى مرعوبه من رد فعل سيف
إيلا ٠٠ عشان انا عايزه أرتبط بشريف
ضحكة سيف بصوت عالى..مما جعل إيلا تستغرب
سيف ٠٠ ده شكل واحده المفروض انها سعيدة انها هترتبط بالشخص إللى هى عايزاه.. انتى كدابه
إيلا ٠٠ لو سمحت سيبنى خلينى أمشى
سيف ٠٠ إيلا لأخر مره أسألك انتى وافقتى على شريف ليه.
إيلا ٠٠ و انا معنديش رد تانى
سيف ٠٠ تمام يبقى مبروك يا أختى
قال جملته ثم أنصرف و تركها تبكى و ترمى الكتاب على الأرض و هى تصرخ.
بقلم٠أروى٠عادل
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
اليوم التالى
فى غرفة مكتب فى الفيلا
-----------------------------------------
يحيى ٠٠ أنا جيبتك هنا عشان اتكلم معاك فى موضوعين
سيف ٠٠ خير يا بابا
يحيى ٠٠ صافى كلمتنى أمبارح
و عايزانى أروح أخطب جودى ليك
سيف ٠٠ اه هى كلمتنى وانا قولتلها لسه بدرى
يحيى ٠٠ لسه بدرى أزاى .سيف انت مرتبط بالبنت بقالك كتير مش أن الأوان نفرح بيكى بقى
سيف ٠٠ أن شاء الله بس الايام دى عندى قضية مهمه جدآ أخلص بس منها و بعد كده . إللى حضرتك شايفه صح انا أعملو
يحيى ٠٠ تمام تيجى بقى لموضوعنا التانى هو خطوبة إيلا
سيف ٠٠ أنا أسف يا بابا بس انا ماليش دعوة بالحوار ده
يحيى ٠٠ أسمع بس انا عايزك فى ايه
سيف ٠٠ اتفضل
يحيى ٠٠ يوسف الجبرى كلمنى و عايز الجواز يكون فى خلال ست شهور
سيف٠٠ دول مستعجلين أوى .. بس بردوا أنا مالى بالموضوع ده
يحيى ٠٠ انت ناسى أن إيلا على ذمتك.
سيف ٠٠ فهمت حضرتك عايزنى أطلاقها
يحيى٠٠ طبعا عشان كمان عقبال ما يجى ميعاد الجواز تكون شهور العدة خلصت
شعور صعب الذى شعر بيه سيف فى هذه اللحظة كان يريد أن يصرخ من الألم الذى كان يشعر به فى صدره لكن ما كان باليد حيله لذلك قال
سيف ٠٠ شوف عايز أروح أطلق امتى وانا معاك
يحيى ٠٠ فى أى وقت مش هتفرق .. أه صح انا مسافر انا و أميرة بكرة أمارات
سيف ٠٠ ليه
يحيى ٠٠ انت ناسى البطوله بتاعت إياد خلاص أخوك وصل للنهائيات هروح انا أميرة عشان نحضر معاه المبارة نهائيه
سيف ٠٠ ياه انا نسيت الموضوع انا كنت واعد إياد أنى أحضر معاه النهائيات بس للأسف عندى شغل
يحيى ٠٠ معلش حتى إيلا كانت عايزه تحضر بس عندها امتحانات .
سيف ٠٠ طيب طيارتكم امتى
يحيى ٠٠ بكره الساعه ٩ الصبح
بقلم٠أروى٠عادل
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
فى المساء على مائدة الطعام العشاء
إيلا ٠٠ تروحوا و ترجعوا بالسلامة
أميرة ٠٠ تسلمى يا حبيبتى
يحيى ٠٠ سيف ابقى خلى بالك على إيلا فى غيابنا
سيف ٠٠ ربنا يسهل
يحيى ٠٠ أه و ابقى خد إيلا و روح المشوار إللى قولتلك عليه
أميرة٠٠ مشوار إيه ده
يحيى ٠٠ عند المأذون عشان سيف يطلق إيلا عشان نلحق ميعاد جوازها من شريف
كانت إيلا تشرب الماء و عندما سمعت حديث يحيى سعلت كثير حتى أحمر وجهها لذلك قالت أميرة
أميرة ٠٠ أشربى براحه ياحبيبتى
يحيى ٠٠ أنتى كويسه
إيلا ٠٠ آه كويسة يا بابا. هو حضرتك كنت بتقول طلق مين و جواز مين
يحيى ٠٠ جواز انتى
إيلا ٠٠ مش فاهمه جوازى انا ازاى يعنى
يحيى ٠٠ يوسف الجبرى كلمنى هو عايز جوازك انتى وشريف يتم بعد ست شهور
إيلا ٠٠ لأ انا مش موافقه على الكلام ده
يحيى ٠٠ مش فاهم نقصدى ايه بأنك مش موافقة
إيلا ٠٠ بابا انا مش هتجوز غير بعد ما اخلص دراستى خالص و أخد شهادتى
قال سيف بسخريه
بقلم٠أروى٠عادل
سيف ٠٠ ايه الكلام ده . انا شايف ست شهور كويسين
إيلا ٠٠ لو سمحت يا سيف مالكش دعوة انت بالحوار ده ٠٠بابا انا قولت إللى عندى و بلغهم قرارى
يحيى ٠٠ طيب انا هتكلم مع شريف
و أشوف
كان.كل ما يريدوا سيف فى هذه اللحظة هو أستفزاز إيلا و الانتقام منها لذلك قال بدون تفكير
سيف ٠٠ بابا ياريت متكلمش مع حد و ست شهور كويسين أهو نعمل فرحى
و فرح إيلا فى يوم واحد
كانت إيلا فى حالة لا يرثى لها وما زاد الطين بله كلام سيف انه يريد أن يتزوج
أميرة ٠٠ سيف انتى بتتكلم بجد انت هتتجوز
يحيى ٠٠ سيف هيخطب چودى .. أيه رأيك يا إيلا على أقتراح سيف تتجوزوا انتم الاتنين فى يوم واحد
قالت إيلا يقهر و هى تتطلع لسيف
إيلا ٠٠ أقتراح ممتاز .. بس للأسف انا عند رأى. انا مش هتجوز غير بعد ما أخلص دراستى.. أه صح مبروك يا سيف انت و چودى لايقين لبعض و متخافش أبقى شوف الوقت المناسب و انا هروح معاك للمأذون عشان ننهى الحوار بتاع الجواز ده.. يالا عن أذنكم هطلع أنام عشان عندى أمتحان بدرى
قال عبارتها ثم غادرة فورآ
شعر سيف أنه أتسرع فى حديثه عن زواجه بچودى.. رغم كل شئ شعر سيف بوجعها
أما أميرة شعرت بوجع أبنتها رغم أنها لا تفهم لماذا هى مجبوره على الزواج من شريف
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
بعد يومين من سفر يحيى و أميرة
داخل الجامعة آخر يوم أمتحان
ملك ٠٠ أخيرآ خلصنا أمتحان
رقيه ٠٠ آه ناوين على ايه
ميرنا ٠٠ أنا هسافر لماما و بابا الكويت
ملك ٠٠ بتهربى .. طول عمرك قليلة الأصل
إيلا ٠٠ سيبيها ميرنا بتفكر صح.. ياريت انا عرف أهرب زيها
ملك ٠٠ ايه رايك نسافر أحنا الاربع أوروبا مثلآ
إيلا ٠٠ هنقول لإهلنا أيه .
رقيه ٠٠ ملك بالله عليك بلاش تفكرى أحسن
ميرنا ٠٠ هو صحيح سيف هيخطب چودى
إيلا ٠٠ أه صحيح
ميرنا ٠٠ يا خسارة ضاع الواد المزه منى
اتعصبت إيلا على ميرنا دون سبب
إيلا ٠٠ أنتى معندكيش دم كل إللى أحنا فى ده وانتى بتهزرى ولا على بالك حاجة
ميرنا ٠٠ فى ايه يا إيلا مالك
رقية ٠٠ اهدى يا أيلا
إيلا ٠٠ يوووو بقى واحده تقولى فى ايه و تانيه تقولى أهدى . انتم صح مش على بالكم بحاجة
ملك ٠٠ إيلا أحنا كلنا زيك فى الحوار ده و حاسين باللى انتى حاسة بيه
إيلا ٠٠ لأ مافيش حاسس بيا..ماحدش فيكم زيى . كلكم حياتكم ماشيه طبيعيه انا اللى حياتى بتدمر قدامى وانا مش قادره اعمل حاجة
ثم أخدت شنطتها و ذهبت دون أنتظار رد من أحد
ميرنا ٠٠ فى أيه هو انا قولت حاجه عشان تتعصب بالشكل ده
ملك ٠٠ معلش أعذروها .. إللى هى فى مش شويه و فوق طاقتها. انا هروح الحقها
بقلم٠أروى٠عادل
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
امام الجامعة
--------------
ظلت ملك تنادى ايلا
ملك ٠٠ إيلا استنى إيلا.. إيلا
إيلا٠٠ عايزه أيه منى يا ملك دلوقتى
ملك ٠٠ ايه هتتخنقى معايا انا كمان
حينها رأت ايلا شريف لذا قالت
إيلا ٠٠أستخبى شريف
أستخبت إيلا و ملك خلف أحد السيارات عندما رأت شريف الذى كان ينتظر إيلا
أمام الجامعة
ملك ٠٠ أحنا هنفضل مستخبين كده كتير و هنوصل العربية بتاعتى أزاى
إيلا ٠٠٠ هتفضل نتقل من عربيه لعربيه لحد منوصل لعربيتك
بالفعل ظلوا يسيرون من خلف السيارات المركونه الى ان وصلوا لسيارة ملك
لكن رأهم شريف و هم يغادروا بالسيارة
وهنا قالت
إيلا ٠٠ ده شافنا
ملك ٠٠ تفتكرى هيعمل حاجة ..أحنا كل يوم ينهرب منه من غير مايشوفنا .. بس النهاردة شافنا
إيلا ٠٠ الحمدالله انه ركن عربيته بعيد إلا كان حصلنا بيها
ملك ٠٠ هنفضل على الحال ده لحد أمتى
إيلا ٠٠ خلاص النهاردة أخر يوم أمتحان
ملك ٠٠ يعنى انتى مش هتطلعى من البيت مش هتروحى اي حته عشان متقابليش شريف
إيلا ٠٠ لأ طبعآ أكيد هطلع بس ساعتها مش هيكون عرف انى طالعه أو رايحه فين . انما الايام إللى فاتت دى كان عارف انى فى الجامعة عشان الأمتحانات
ملك ٠٠ طيب و خطوبتك إللى قربت على شريف هتهربى منها ازاى دى
إيلا ٠٠ انتى بتتكلمى و كأنك مش عارفه شريف عايز يقابلنى ليه .
ملك ٠٠ عارفه و مستغربه أيه أصرار شريف المستميت علي واحده بتكرهو
إيلا ٠٠ سيبك من الكلام على شريف
و قرفه..و قوليلى هتيجى معايا بكرة
ملك ٠٠ فين
إيلا ٠٠ أنتى نسيتى .. سيف هيطلقنى بكرة .. انا محتاجه تكونى معايا
ملك٠٠ هتطلقوا بجد .
إيلا ٠٠ امال بهزار .. بعدين ما انتى عارفه جوازنا ماكنش حقيقى
هنا وصلوا بالسيارة أمام فيلا
إيلا ٠٠ هتيجى تباتى معايا النهاردة
ملك ٠٠ آه هجيلك على المغرب كده يالا باى
بقلم٠أروى٠عادل
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
بعد ساعتين فى فيلا ابو اليزيد
جاءه شريف الفيلا عندها استقبلتوا سعاد وقالت
سعاد٠٠ أهلآ بيك شريف بيه .
شريف ٠٠ ممكن تنادي على إيلا
سعاد ٠٠ أنا أسفة لحضرتك بس يحيى بيه و أميرة هانم مسافرين كمان سيف بيه مش موجود
شريف ٠٠ أنا مالى بكل الكلام ده انا طلبت منك تنادى على إيلا و بس
سعاد ٠٠ بس مش من أصول تقابلها
و مافيش حد فى الفيلا
حينها صرخ بيها شريف بصوت عالى و غضب و قال
شريف ٠٠ أنت هتعلمينى الأصول يا حتة خدامه أنتى غورى نادى على إيلا احسنلك يالا
حينها جاءت إيلا مسرعة عندما سمعت صوت زعيق و هى بتقول
إيلا ٠٠ في ايه .. و ايه صوت الزعيق ده
رد شريف بسرعة
شريف ٠٠ ده أنا. الخدامة بتاعتكم عايزه
تعلمنى انا الأصول
اتصدمت إيلا من وجود شريف لكنها تحدثت بقوه وحازم
بقلم٠أروى٠عادل
إيلا ٠٠سعاد مش خدامه . لو سمحت
اتكلم معاها بطريقه محترمه
ثم نظرت لسعاد وقالت
إيلا ٠٠ روحى انتى يا سعاد
ذهبت سعاد لكنها لم تبتعد بل وقفت فى مكان قريب من إيلا دون أن تلاحظ آيلا حتى تطمئن عليها لانها لم تشعر انها بأمانه فى وجود شريف
.
إيلا ٠٠ ايه إللى جابك هنا
شريف ٠٠ جاي أشوف خطيبتى
إيلا ٠٠ أحنا لسه متخطبناش و بعدين انت عارف ان بابا و ماما مسافرين يعنى انا لوحدى فى الفيلا
شريف ٠٠ ده هو المطلوب
إيلا ٠٠ أطلع بره
شريف ٠٠ أنتى فكرة نفسك مين .. بتتهربى منى فى الجامعة وما بترديش على تليفونى ولا بتشوفى رسايلى .. هو صحيح التقل صانعه. بس انا صبرى بدء يخلص
إيلا ٠٠ انت عايز ايه .خطوبه و وافقت عليها عايز أيه تانى
شريف ٠٠ أنتى عارفه أنا عايز ايه.
إيلا ٠٠ قولتهلك قبل كده و هرجع أقولهلك تانى على جثى إللى انت بتفكر فيه و دلوقتى اطلع بره .مش عايزه أشوف وشك هنا تانى قبل بابا ما يرجع من السفر
شريف ٠٠ أنتى......
فجأه قطع عبارته صوت سيف وهو يقول
سيف ٠٠ ايه إللى جاب البنى أدم ده هنا
الكاتبة الروايه/ أروى عادل
رأيكم
ماذا سيفعل سيف بشريف بعد ما رأه فى الفيلا
هل سيقوم سيف بطلاق إيلا
ما سيفعل سيف بأيلا بعد ما شافها فى الفيلا مع
شريف
هل ستقول سعاد ما سمعتوا لأحد
•تابع الفصل التالي "رواية احببت اخي " اضغط على اسم الرواية