رواية الجلاد لقلبي رغم حبي الفصل الرابع عشر 14 - بقلم دينا النجاشي

ـــــــــــــــــــــــــــــــــــــــــــــــــــــــ♡♡♡

مش عارفه اللي بعمله ده صح ولا لا بس انا اتنزلت كتير عشان قلبي بيحبه. مش قادره اتخيل ان حياتي في يوم هتكون مع غيره. حسيته اماني وسندي، بس ازاى اماني وهو اكتر إنسان مؤذي. اللي اعرفه إن اللي بيحبك مش بيإذيك. بس انا اتأذيت. وديما كنت بتنازل عشان المركب يمشي ديما كنت باجي علي نفسي وقول بلاش اعقد الأمور،

انا بقيت لأجله بعدي حاجات مينفعش انها تعدي ولا ينفعلها تبرير.

انا مبقتش فهماني ولا فاهمه انا عاوزه اي جوايا حر*ب.... حر*ب مد*مراني وڪ_سره روحي ونفسي.... 

مسحت دموعها بوجع، ورفعت عينيها لصديقتها اللي كانت بتسمعها بصمت. 

: هو إزاي الإنسان يقدر ييجي على حد بيحبه بالشكل ده؟ مش الحب ده مشاعر إنسانية صادقة، بيها بنعمر الكون ونقدر نعيش فيه؟

ليه بنقابل الحب بالقسوة؟ ليه نجرح ناس متعلقة بينا وبتحبنا بصدق؟

أنا… من كتر ما بحبه، زرعت جوايا إنه النفس اللي ما أقدرش أعيش من غيره…

توقفت عن الكلام حين اشتد بكاؤها، وغطّت وجهها بكفيها، وانفجرت في نحيب مو*جع… ثم تابعت بصوت مبحوح:

– بقيت أبرّر لقلبي حاجات ما حصلتش، بس عشان أسكّن وجعه… بقيت أصدق الكذبة اللي أنا نفسي اختلقتها.

ازدادت دموعها، ورفعت عينيها نحو مودة بنظرة منهكة، ورددت من بين شهقاتها:

– لدرجة دي… أنا بحبه؟

مسحت مودة دموعها التي انحدرت وجعًا لأجل صديقتها، واقتربت منها بحب، تمسكت بيدها واردفت بهدوء:

– هو خسر حظه في الدنيا يا سماء.

رفعت سماء عينيها نحوها والدموع تملؤها، فأومأت مودة مؤكدة وأكملت:

– ربنا أهداه حظه في الدنيا حبك، لكنه ما استحقوش. زي نعم كتير أوي ربنا بيمنحنا بيها وإحنا ما بنحمدوش عليها، والنعمة اللي ما نصونهاش ونشكر ربنا على وجودها… زواله يا حبيبتي.

أنتِ حبّيتيه، لكنه ما قدّرش حبك، ما قدّرش مشاعر، لو قضى عمره كله يدور عليها في قلب حد غيرك، مش هيلاقيها.

فوقي لنفسك يا سماء… أنتِ تستاهلي اللي يعرف قيمتك، تستاهلي اللي يخاف على وجعك ويحسب لزعلك ألف حساب. ادعي ربنا يريح قلبك… وابعدي، ومفيش خسران في الدنيا غيره هو.

سماء، بصوت مبحوح ووجع يثقل الكلمات:

– حاولت… والله حاولت، لكن برجع. حبي ليه خلاني أفقد كرامتي وأدوس عليها، يا مودة… صدقيني مش بإيدي.

لو قلتلك إني بتمنى أكرهه، وبتمنى أبعد عنه، يمكن ما تصدقينيش… لكني، والله، مع كل سجدة بسجدها لربنا، بدعي قلبي يكرهه.

أنا كرهت ضعفي… وكرهت حبي ليه.

انهمرت دموعها، ورفعت وجهها نحو السماء، وبنبرة قهر اختنقت بين شهقاتها:

– يا رب… قوّيني.

_ امتلأت عيون مودة بالدموع وأخذتها بين ذراعيها، وبعد وقت طويل شعرت بعتدال انفاسها فعلمت أنها قد نامت، فعدلتها على الفراش وأطفأت الأضواء وسحبت باب  الغرفة عليها 

في تلك اللحظة كانت والدتها تنتظرها في الخارج بلهفة، وعندما رأتها خارجه من الغرفة اقتربت منها....خير يا مودة مالها سماء 

امتلئت عيون مودة بالدموع فقتربت منها والدتها بخوف.. فى اي يا بنتي طمنيني 

ضمتها مودة وظلت تبكي ومن بين شهقاتها... ماما انا بحبك اوي. اوعك تبعدي عني. 

ضمتها والدتها اليها اكثر ولم تستطع منع دموعها فبكت هي الأخري.... مالك بس يا حببتي وليه بتقولي الكلام ده. 

ازدادت دموع مودة وهي تتحدث بنبرة متقطعة، تكاد الكلمات تختنق في حلقها:

– كل اللي بيحصل مع سماء ده… سببه إن مامتها مش موجودة. كل حاجة وحشة مرت بيها، كانت بسبب غيابها. أنا زعلانة عليها أوي يا ماما… دي اتحملت كتير، كتير أوي. اتحملت إهانة من مرات عمها، وشغلتها خدامة ليها وهي لسه طفلة! ورغم كل ده… مسامحاها، وعمرها ما اشتكت لوالدها، ولسه بتحبها رغم اللي عملته فيها.

أخذت نفسًا مرتجفًا وأكملت:

– وبعد ما باباها عرف اللي حصلها وأخدها بعيد، اتربت وحيدة… مفيش معاها حد، طول الوقت في بيتها لوحدها. ولولا صاحبة مامتها اللي كانت بترعاها، الله أعلم كان هيجرالها إيه. صدقيني يا ماما… لما سمعت قصتها من طنط حسناء، اتصدمت. ما كنتش مصدقة إن دي حياة سماء، صاحبتي اللي طول الوقت بتضحك وتهزر، وبتحذرنا من الحقد والكره.

هزّت رأسها بأسى، والدموع ما زالت تسيل:

– حتى الشخص الوحيد اللي حبّته… طلع أقسى وأوحش من كل اللي مرت بيه! وكمان اتجوزته… من غير خطوبة، ولا حفلة كتب كتاب، ولا حتى قالوا لحد! كله على الصامت… بسبب مشاكل مع باباها وكان لازم يسافر. ودلوقتي… بيهينها وبيكسرها وبيوجعها.

شهقت مودة من شدة القهر، وتابعت بصوت متهدج:

– أنا مش عارفة أعملها إيه… ولا قادرة أساعدها. أنا زعلانة عليها أوي يا ماما… كفاية عليها كده، والله كفاية.

بكت والدتها على ألم ابنتها، وعلى تلك المسكينة النائمة في الغرفة، وعلى الحزن الذي عاشته، فربتت على ظهر ابنتها بحنان..... اهدي ياقلبي 

مودة ببكاء... ادعيلها ياماما. 

والدتها بحب..هدعيلها يا قلبي و متقلقيش احنا معاها ومش هنسيبها وان شاء الله اللي جاي كله خير. 

حركت مودة رأسها وهي تأمل ذلك. 

ـــــــــــــــــــــــــــــــــــــــــــــــــــــ♡♡♡♡♡

وفي فيلا آدم الخاصة، نزل إلى الطابق السفلي ورأى والدته تنظر حول الفيلا بقلق وتطلب من الخدم أن يقتربوا منها فقترب هو ايضاً باستغراب.... في اي يا ماما. 

حسناء، بملامح يكسوها القلق: 

– الحراس قالولي إنكم رجعتوا من فترة، وأنا بدوّر على سماء مش لاقياها… ولما سألتهم قالوا إنها ما خرجتش، بس برضه مش موجودة!

تجمّد آدم في مكانه مما سمع. ثم لوّح بيده بغضب وهو ينادي حراسه.

اقتربوا منه بانضباط، أحدهم قال باحترام:

– أوامرك يا آدم بيه؟

آدم، بصوت صارم:

– سماء هانم مش موجودة… وإنتوا بتقولوا إنها ما خرجتش من البوابة؟!

أجابه أحد الحراس بجدية:

– صح يا فندم، محدش خرج من البوابة من وقت رجوعكم.

صعد آدم بخطوات سريعة يشتعل الغضب في عينيه، دفع باب غرفتها بعـ*نف، وتوجه إلى الخزانة.

توقف لوهلة… وعيناه تتسعان من الصدمة حين رآها فارغة. أدرك فورًا… أنها رحلت.

هبط من الغرفة كالعاصفة، واقترب من حراسه بغضب أعمى، ولـڪ.م أحدهم بقوة وهو يصرخ:

– يعني إيه "ما خرجتش"؟! دي لمّت هدومها ومش موجودة!

الحراس، بصوت مرتجف وخوف واضح:

– والله يا آدم بيه… ما خرجت من البوابة.

شد آدم شعره بعنف، يتنفس بسرعة، قبل أن يأتيه صوت والدته حادًا وحازمًا:

– سماء فين يا آدم؟! وإيه السبب اللي خلاها تلم هدومها وتمشي؟

نظر آدم إلى والدته بعيون مرهقة، ثم التفت مبتعدًا دون أن ينطق بكلمة. أمر أحد الحراس بعرض تسجيلات الكاميرات وحدد لهم الساعة بالضبط.

لم تمضِ دقائق حتى جاءه الحارس بما طلب، فوقف آدم أمام الشاشة يتابع اللقطات خارج الفيلا.

تجمّد للحظة حين رأى إحدى الخادمات تجر حقيبة ثقيلة إلى الخارج، قبل أن يضرب الطاولة بقبضته بغضب. أدرك على الفور أنها كانت سماء… متنكرة في ملابس الخدم، وخرجت من الباب الخلفي حتى لا يتعرف عليها الحراس.

ارتفع صوت والدته صارخًا في أذنه، وهي تقول بغضب حاد:

– سماء راحت فين؟! وليه ساحبة هدومها وماشية؟! فاهمني دلوقتي… إيه اللي عملته فيها؟!

آدم، بضيق:

– أنا ما عملتش حاجة.

لكن والدته ازدادت غضبًا، ورفعت صوتها بجدية قاطعة:

– اتصرّف… وجيبها دلوقتي. أنا اللي غلطانة إني طلبت منها تتجوز واحد قلبه حجر زيك! قلت يمكن يتغيّر، لكن اللي زيك بيظل طول عمره إنسان وحش.

ثم اقتربت منه وضغطت بإصبعها على صدره، فوق قلبه، وهي تقول بغضب أكبر:

– عارف إمتى عرفت إن ده أسود؟ لما أخوك حاول يصالحك ألف مرة، ويترجاك تسمعه وتفهم أسبابه. كان بيجي هنا، وأنا بسمعه بنفسي وهو بيحاول يتكلم معاك … ياما عمل عشانك، ووقف في ضهرك، بس إنت جاحد، وقلبك قاسي، ما بتفتكرش غير الوحش وبس.

تنفست بغضب، ثم أكملت بنبرة قهر:

– يا أخي… دا لو كان دبحـ*ني، وعمل كل اللي عمران عمله عشان تصالحه وتفهمه، كنت سامحته ونسيت كل حاجة. بس يا خسارة… القلب الوحش ما بيدخلش جنة.

توقفت لحظة، ثم أنهت حديثها بجدية صارمة:

– بنتي تجيلي دلوقتي… وأول ما توصل، هتطـ*لّقها. لأنك ما تستهلش ضفرها.

غادرت بعد كلماتها، تاركة وراءها صمتًا مثقلًا.

جلس آدم على أقرب كرسي، وملامحه منكسرة… لقد حطمته أمه بكلماتها. لم يعد يحتمل أي وجـ*ع آخر، فاليوم أثقل قلبه بما يفوق طاقته بكثير.

استرجع آدم ذكرياته الماضية، وضغط على عينيه بقـ*سوة، وكلمات عمران تتردد في ذهنه…

– في ذلك اليوم كان جالسًا في الحديقة، عينيه معلقتان بالسماء، حين سمع صوت ابنة عمه سارة :

– آدم… إنت لسه صاحي؟

التفت نحوها بهدوء وأومأ:

– آه… مش جايلي نوم.

اقتربت وجلست بجانبه، وعيناها تتابعان النجوم، ثم همست بابتسامة خفيفة:

– نفسي أعرف… إيه سبب حبك في النظر للنجوم والقمر؟

آدم، بصوت هادئ:

– مش عارف… بس بحس إن عينيّ بترتاح، وقلبي كمان… وبصفّي عقلي.

أنهى كلامه وعاد ليستلقي على العشب، ناظرًا للسماء، بينما سارة بقيت صامتة، تبتسم بشرود وهي تتأمل ملامحه.

لاحظ نظراتها، فالتفت إليها مستغربًا:

– مالك… بتبصّي كده ليه؟

ارتبكت، وأشاحت بوجهها في اتجاه آخر محاولة اختلاق عذر، لكنها ما لبثت أن تنفست بعمق، وعادت لتنظر إليه بهدوء:

– آدم… هو إنت… مش بتلاحظ مشاعري؟

تجهمت ملامحه من الاستغراب، واعتدل في جلسته قائلًا بجدية:

– مش فاهم قصدك إيه.

وقفت سارة أمامه، ودموعها تلمع تحت ضوء القمر، واردفت بصوت مرتجف:

– متأكد إنك مش فاهم؟

آدم، بجدية وقلق:

– سارة، وضّحي كلامك… وفهّميني في إيه، وليه بتعيطي؟

ازدادت دموعها، ما جعل الاستغراب يشتد في عينيه:

– اهدي… أنا مش فاهم إيه الغلط اللي عملته.

فجأة، ارتمت بين ذراعيه، وارتجف جسدها وهي تبكي أكثر، قبل أن تهمس بألم:

– آدم… أنا بـحبــ…

لكنها لم تكمل، إذ دوّى صوت عمه عادل في أرجاء المكان، ينادي بغضب:

– آاادم!

التفت آدم نحو مصدر الصوت، وقلبه يخفق بعنف، ثم ربّت على كتف سارة بتوتر، وابتعد عنها خطوة ليحاول توضيح الموقف لعمه.

لكن قبل أن ينطق بكلمة، زمجر والد عمران بصوت غاضب كالرعد:

– إيه المسخرة وقلّة الحيا اللي شوفتها دي؟!

آدم، وهو يحاول التماسك رغم الغضب الذي بدأ يتصاعد في صدره:

– عمي… انت فاهم غلط، سارة زيها زي عائشة بالنسبة لي.

والد عمران، بلهجة حادة:

– لو فعلًا بتعتبرها زي أختك… ليه واخدها بالأحضان يا ابن أخويا؟

فتح آدم فمه ليرد، لكن عمه قاطعه بصرامة:

– اسمع يا آدم… أنت كنت بالنسبة لي ابني التاني، لكن بعد اللي حصل، نظرتي ليك اتغيّرت… وخلتني أقلق على بنات عمك منك.

كلمات عمه نزلت كالصاعقة على رأسه. التفت آدم إلى عمران، منتظرًا أن يتدخل ويدافع عنه، فهو أكثر من يعرف أنه لم يفكر في سارة يومًا إلا كأخته. لكن صمت عمران كان خذلانًا صريحًا.

آدم، بصوت متوتر يخالطه قلق:

– عمران… فهّم عمي إن سارة زي أختي، وإنه مستحيل أخون عرضي.

ألقى نظرة نحو سارة، فرأى أنها غادرت المكان مسرعة، فعاد بنظره إلى عمران، منتظرًا منه كلمة إنصاف.

لكن والد عمران تابع بغضب أكبر:

– للأسف يا محترم… كنت فاكر إنك راجل وهتحافظ على عرضك وتصونه، لكن أخوك بنفسه جالي وصحّاني من نومي عشان يورّيني الكارثة، وقالي إنه الوضع ما عجبوش، وإنك بقالك فترة مش مظبوط.

اتسعت عينا آدم أكثر، وكأن الكلمات التي سمعها للتو كانت خنـ*جرًا آخر يُغر*س في قلبه.

رمق عمران بنظرة طويلة، يريد منه أي إشارة تبرئه، أي كلمة تنفي ما قاله والده… لكن الصمت ظل سيد الموقف، وكأنه اعتراف غير منطوق.

ابتسم آدم بسخرية مرة، وأدخل يده في جيب بنطاله، ثم اردف بجمود قا*تل:

– كده… فهمت.

ارتسمت الحيرة على وجه عمه، لكن آدم أكمل ببرود أشد:

– خلاص يا عمي، هريحك من خوفك وقلقك على بنات عمي… وعلى بنتك إنت كمان. هاعتبرها غريبة عني، والبيت كله بالنسبة لي مـ_يت. يعني زي ما تقول… أهلي ما_توا، ومليش غير أمي وبس. وهسيبلك الجمل بما حمل… ما هو برضه ما ينفعش تسيبوا وسطكم خا*ين وقليل الأصل… زيي.

حزن عمه وارتخت ملامحه وهو يقول بهدوء:

– ده بيتك… وبيت أبوك. أنا ما قلتش إنك تسيبه.

لكن عمران كسر صمته أخيرًا، ليس بالدفاع بل بصوت ملتهب بالغضب:

– إنت بتقول إيه يا بابا؟ اللي زي ده لازم يمشي من هنا! ولو على ورثه، ياخده… وإحنا مش عايزين نشوف وشه تاني.

كانت الابتسامة الباردة ما تزال مرتسمة على وجه آدم، لكنها كانت تخفي خلفها بركانًا من الألم. تحامل على نفسه، وتحدث بصوت هادئ لكنه ينزف وجعًا:

– متقلقش يا ابن عمي… أنا مش هفضل هنا دقيقة واحدة، ولو على الورث… فأنا مش هاخد منكم جنيه. وزي ما قلت لعمي، أنا مليش في الدنيا دي غير أمي… يعني الورث ده اشبعوا بيه.

أنهى كلماته وغادر بخطوات ثابتة، لكن كل خطوة كانت أثقل من التي قبلها.

مدّ عمه يده سريعًا، وأمسك بذراعه محاولًا إيقافه:

– إنت رايح فين يا ابني دلوقتي؟ اسمعني بس… إحنا كلنا بنغلط، وأنا قصدي بكلامي إن دول لحمك.

لكن آدم سحب ذراعه بهدوء حاد، دون أن ينبس بكلمة، وكأنه أغلق أبواب قلبه تمامًا.

تابع طريقه خارجًا، وصعد إلى الجناح الخاص به وبوالدته.

اقترب من سريرها، وهز كتفها برفق لكنه كان مضطربًا:

– ماما… اصحي.

حسناء بقلق وهي تجلس على طرف السرير:

– مالك يا حبيبي، حصل إيه؟

آدم بجدية وحزم واضح:

– قومي لمي هدومك… إحنا ماشيين.

والدته باستغراب وهي تحاول قراءة ملامحه:

– ماشيين فين يا ابني؟

آدم بجمود وعينيه تتجنب النظر إليها:

– هنرجع شقتنا.

حسناء بصدمة:

– في إيه يا ابني؟ ما تفهمني.

آدم بغضب مكتوم وصوت منخفض لكنه حاد:

– قومي معايا دلوقتي… ولو مش حابة تيجي، فأنا ماشي وخليكي معاهم.

التمعت الدموع في عين حسناء، فتركها آدم دون كلمة، ودخل غرفته يسحب حقيبة الملابس ويملأها بسرعة، بينما كلمات عمه تكرر نفسها في رأسه كط_عنة لا تهدأ، فاشتـ*علت عيناه وشعر وكأن جمـ*رات من النا*ر تحر*قه من الداخل.

بعد أن انتهى، خرج من غرفته ليجد والدته بانتظاره وقد جهزت حقيبتها هي الأخرى، فسحب الحقائب بصمت، ونزل للطابق السفلي.

هناك كان عمه وزوجته وعيسى في انتظاره يراقب المشهد بابتسامة شماتة واستمتاع، فما كان من آدم إلا أن زجره بنظرات حادة جعلته يتراجع خطوة للخلف.

اقترب عادل من آدم محاولًا الحديث، لكن آدم لم يُعره أي انتباه، وواصل خطواته الغاضبة نحو الخارج.

وقبل أن يخرج، أمسكت والدة عمران بيده وهي تبكي بحرقة:

– كده يا ابني… أهون عليك تسيبني؟

أغمض آدم عينيه بتعب، وحرر ذراعه من يديها، وركب سيارته. كانت والدته تحاول أن تفهم ما الأمر، لكن عمه لم يتحدث ، ولا آدم، فتنهدت بحزن وصعدت هي الأخرى. وقبل أن يغادر بسيارته أسرعت عائشة التي كانت تبدو عليها علامات النوم. لقد استيقظت على الأصوات العالية ورأت آدم يغادر. وبكاء أمها وهي تطلب منه عدم الرحيل، كل ما فهمته هو أن شقيقها سيتركها، فبكت خوفاً واقتربت منه.. أبيه انت هتسيبني وفتحت باب سيارته وامسكت يده بدموع.... ابيه بالله عليك اتكلم قول لا مش هسيبك يا عائش

لم يتحرك آدم أو ينطق بكلمة، وكأن صوته قد انكسر داخله. كانت دموع عائشة تتساقط بغزارة وهي تضمه بقوة، تتوسل بصوت مرتجف:

– طيب خدني معاك يا ابيه… أنا مقدرش أعيش من غيرك.

لكن آدم بقي جامد الملامح، وكأن قلبه يقاوم الانهيار، ثم أبعدها برفق رغم ارتجاف يديه، وأغلق باب السيارة ببطء.

ارتفع صوت بكائها وصراخها عليه ألّا يتركها، فتوقف لحظة ونظر إليها، وعيناه تمتلئان بالو*جع، قبل أن يحوّل بصره نحو عمه بنظرات حادة تحمل مرارة وعتابًا دفينًا.

ثم أدار محرك السيارة وغادر، تاركًا خلفه دموعها تتساقط وصرخاتها تتلاشى في صمت الطريق.

كانت الذكريات تتقافز في رأسه كطعَـ*نات متتالية، كل مشهد منها يترك أثرًا أعمق في قلبه.

أحداث الماضي لم تترك له فرصة للصفح، بل حفرت بداخله قناعة راسخة أن الكراهية هي السلا*ح الوحيد الذي يحميه.

أقسم في نفسه أنه لن ينسى، ولن يلين، وأن تلك العائلة ستظل بالنسبة له جر*حًا مفتوحًا… جر*حًا لا يريد له أن يلتئم.

_ 

تنهد بتعب ونظر حوله. فكانت الغرفة خالية من الحراس. لقد خرجوا بعد أن دخلت والدته.. فخرج وأشار لهم أن يقتربوا.

اقترب منه الحراس بقلق، فتحدث بلهجة حاول فيها إخفاء تعبه... عاوزكم تدورو علي سماء وتجبوها 

الحارس بعمليه... سعتك انا كلمت الحراس الموجودين علي بيت سماء هانم وقالوا ان حضرتها مروحتش البيت

أغمض آدم عينيه بندم وزداد خوفه فهو ظن انها غادرت لمنزلها فليس هناك مكان اخر تذهب اليه 

مسح علي وجه بضيق واردف بجديه... اقلبوا عليها الدنيا المهم تكون في البيت النهارده 

الحراس بموأمه... تمام ساعتك

غادر الحراس اما هو صعد إلى غرفته وغير ملابسه ثم غادر الفيلا على أمل العثور عليها، وهذه المرة سيعتذر عما قاله. 

ـــــــــــــــــــــــــــــــــــــــــ♡♡♡

في مكان اخر كان يتحدث علي هاتفه ليأتيه الصوت من الجانب الأخر

_خير يا غالب لغايت دلوقتي مش سامع اخبار 

غالب بتوتر... خير يباشا متقلقش

المجهول بجديه... تمام يا غالب انا مستني 

غالب بهدوء... متقلقش ساعتك عيسى خلاص طلع ومنصور هو كمان هيجي وبعدها هنورد البضاعة 

المجهول بجمود... تمام واغلق بعدها دون ان يضيف جمله

ــــــــــــــــــــــــــــــــــــــــــــــــــــ♡♡♡

وفي منطقة آدم، وتحديداً في الغرفة التي سجن فيها صهيب وصديقه، تحرر من قيوده، كما حرر أسر نفسه أيضاً. بسبب خبرتهم، فمن السهل أن تتحرر من تلك الأغلال، فانظر.لأسر وبغمزه هنخرج

اسر بلهفه.... ازاي

صهيب بهدوء سحب احد الأجهزه المدسوسه في نعل جزمته وبعث اشاره 

اسر بضحكه... يعمر بيتك ومخوفني من ساعتها

صهيب... معلش يا وحش كنت ناسي والحمد لله اني ديما بحطه معايا. المهم الجهاز هيبعتلنا ناس تساعدنا واول ما نخرج انا هخرج منصور وانت عليك تخرج الرجاله 

اسر بتفهم تمام 

وبعد انتظار بعض الدقائق تمكن الرجال من الوصول وقاموا بإخراج صهيب وأسر بشكل احترافي، وبعدها تسحب صهيب إلى الزنزانة التي كان يتواجد بها منصور، وبفضل قوته البدنية وذكائه تمكن من تجاوز رجال آدم. ودخل الزنزانه.

فنظر إليه منصور برهبة فهو يتذكره من المرة الأخيرة، فابتسم له صهيب بسخرية..... سبحان الله الدنيا دواره بعد ما مسكت لسانك عشان يتقـ"طع جاي بنفس الإيد احررك 

اتسعت عيون عاصم فقترب منه صهيب وتلك النظره الساخره علي وجهه فهمس بمكر... تحب اقولك يا عاصم ولا منصور الزناتي

انصدم منصور من معرفته لهويته الحقيقة فبتسم صهيب ابتسامه جانبيه واردف ساخرا... بس براڤو عليك ناصح قدرت تكون عاصم بيه رجل الأعمال ومنصور الزناتي تاجر المخد"رات العالمي وفرد من افراد عصا"بة الكردي. 

رمش منصور بعينيه أكثر من مرة يستوعب. فهو يعتقد أن آدم يعرف فقط عن تجارته بالمخد"رات. وقبل أن يستيقظ من تلك الصدمة رأى صهيب يخرج مقصا من جيبه. كان مر"عوباً من الأمر، وقبل أن يبدي أي رد فعل، قام صهيب بالضغط على وريد في رقبته مما أدى إلى فقدانه الوعي. ابتسم بشـ"ر ومرت ذكريات الماضي أمام عينيه وصوت صراخ أخيه وبكاء ابنه يرن في أذنيه، فتلمعت عيناه ببريق مخيـ"ف. وقبض على أصابع يده فقـ"طعها بقوة،  وفي داخله يود أن يأتي بأحشـا"ئه لا بأصابعه. 

في تلك اللحظة دخل اسر واستغرب من ما يفعله صهيب فأردف بجديه... انت بتعمل إى؟ 

صهيب بجمود.....عنده معلومات مينفعش غالب ولا اللي معاه يعرفوها 

اسر بعدم فهم.....واى دخل صوابعه بالموضوع

ارتسم علي وجه صهيب ابتسامه مستمتعه واردف ببرود مخيف.... آدم قطـ"ع لسانه ودلوقتي انا قطـ"عت صوابعه يعني لا هيقدر يتكلم ولا يكتب ولا حتي فاهم حاجه في لغة الاشاره وبفكر اخر"م  طبلة ودنه. 

اسر بهدوء ربت علي كتفه.... انا فاهم انت حاسس بأيه دلوقتي بس بأذن الله حق اخوك ومراته وابنه هيجي والمره دي انت اللي هتجيبه بإيدك يا صحبي. 

أومأ صهيب بحزن اخفاه بحترافيه وبعد انتهائه قام بأخذ اصابعه وامر احد رجاله بإضمام يدي منصور وحمله للخارج وغادر بعدها. 

#يتبع