رواية اشتغاله الفصل الرابع عشر 14 - بقلم ليل أدم
مساء الخير للجميع 💐💐
الجزء ١٤ من رواية ❤️❤️
(❤️ أشتغاله❤️)
زين : اقعد يابني مالك في اي
جوده: عايز اقولك حاجه مش عارف ان كانت هتعجبك ولا العكس
زين : قول وانا اقولك أن كانت حلوه ولا لأ
جوده : ريهام النهارده كانت في الشركه مع طارق وتقريباً كده طارق ساب الشركه ل ريهام
زين : (خد مفاتيح العربيه من على المكتب ونزل من غير كلام )
جوده : طب اجي معاك طيب
زين : لا خليك يا جوده
جوده: يابني اهدا طيب في اي هو أنا غلطان اني قولتلك
زين : جوده خلاص قولت بقا (وراح زين على شركه ريهام اللي هيا شركته أصلا وبعد الوصول كان السكرتير رافض دخوله بس زين دخل بالقوه )
ريهام: في اي مين اللي عامل الدوشه دي
زين : (قرب من ريهام وضمها بكل شوق ) انتي كويسه كنتي فين
ريهام: أنا كويسه يا زين وهكون كويسه اكتر لما تبعد عني
زين : (نزلت عليه الكلمه كالصاعقة خد خطوه الي الخلف ) أنا يا ريهام
ريهام: كان نفسي ولو واحد في المئه تطلع غيرهم طلعت أسواء منهم كل واحد منكم خد من عمري حته ورماني في المصحه اتعالج الا انت يا زين كتر خيرك فضلت جمبي علشان تتأكد أن مش هرجع تاني
زين : انتي بتقولي اي يا ريهام انتي عارفه بتكلمي مين لفي وشك حطي عينك في عيني وانتي بتتكلمي
ريهام: من فضلك اطلع بره
زين : شوفي أنا مش عارف طارق قالك اي ومش عارف اللي حصل بس كل اللي عارفه أنك وخده طريق اللي يروح ميرجعش وكلها ايام مش اكتر وترجعي تاني مكان ما جبتك بس وقتها العالم كله هيكون مات بره اولهم أنا
ريهام: بتهددني يا زين بتعايرني ب ظروفي الصحية
زين : أنا يا ريهام اعمل كده
ريهام: للأسف كل شويه اشوف أقبح ما فيك
زين : (بصوت عالي و نرفزه ) أقبح ما فيا ده هو احسن ما فيكم أنا لو عايز اخد الأرض اللي واقفين عليها هعمل كده بس للاسف الزمن نفسه عجز يوقفني محدش وقف زين كامل إلا انتي بس تمام تمام مفيش حاجه أنا مش محتاج ابرر اللي عملته ليكي كفايه حرقه قلبك لما تشوفي الصورة كامله وتعرفي انك ضيعتي زين كامل من ايدك هتندمي يا ريهام وغلوتك عندي ل تندمي (وخرج من المكتب وكان يبدوا عليه غضب شديد)
ريهام: (قفلت باب المكتب وبكت بكاء شديد جدا مش مصدقه أن زين عمل فيها كده مستغربه رغم كل اللي عرفته لسه قلبها متعلق بي مع انها كانت متخيله أنها خلاص كرهته بس اول ما ضمها في حضنه تأكدت أنها عمرها ما هتنسا زين )
في جانب آخر
كامل : مبروك يا مستر طارق خدنا مناقصه الساحل
طارق: دي اهم مناقصه دخلتها في حياتي
كامل : علشان خدتها من بوق زين صح
طارق: صدقت لما قولتلك اللي زاي زين ده علشان تلعب معاه محتاج بس تشتت تفكيره
كامل : واللي جاي اي يا مستر طارق
طارق : اتمنا يدخل نفق مظلم حبه حلوين لو ده حصل وعد مني نركب السوق
كامل : كل حاجه ماشيه تمام ذاي ما خطت ليها يا مستر طارق بالمناسبة كمان زين كان عند ريهام النهارده
طارق: عرفت منين
كامل : السكرتيرة قالتلي
طارق : وحصل اي
كامل : طردته كان خارج من عندها مولع
طارق: حلو اوي اسمع يا كامل زين لو فكر يرجع يكمل شغله يبقا نكسب من ورا الموضوع ده
كامل : اذاي
طارق: اقولك ماديا أنا محتاج معايا ممول لمشروع الساحل وزين اول حاجه هيشتغل عليها هيا أنه يشكك الجميع في الموقع ده وانا عايزه يعمل كده
كامل : ليه
طارق: علشان الممول اللي معايا هيكون ريهام عبد الحافظ يعني اي مشكله هتحصل من زين يبقا مين المقصود منها
كامل : اكيد ريهام
طارق: وكده يبقا اسطوره زين كامل ماتت جوه ريهام للأبد وجت تحت ايدي على طبق من دهب
كامل : فكره عبقريه بس هو استاذه ريهام تقدر تمول مشروعك
طارق: ما اللي انت مش عارفه ريهام خرجت من المصحه على مشيره عزيز و مشيره انت عارف بتحب ريهام أد اي علشان كده ريهام الوقتي تحت أيديها شلال فلوس
كامل: كده ممتاز جدا
في جانب آخر
كان زين رجع مكتبه غضبان جدا
ياسمين: الو
جوده : اي يا ياسمين
ياسمين: انت فين
جوده : زين جه
ياسمين: وشكله مش كويس خالص تعالي شوفه كده علشان عايزه ابلغه أن مناقصه الساحل طلعت من أيدينا بس اخاف اقوله الوقتي
جوده : أنا جاي سلام
ياسمين: سلام
بعد وصول جوده دخل على زين
جوده : اي يا صاحبي وقعنا خالص ولا اي
زين : مش مهم بقا يا جوده خلاص ربنا يعوض عليا اللي عملته ليها ومعاها
جوده : طب ما تعرفها اللي عملته عشانها يا زين
زين : عارف يا جوده في وقت لازم تسيب ايد الشخص اللي روحك في وتتفرج عليه وهو عمال يتخبط شمال ويمين ويتلسع وعينه عليك عمال يقول أنا كنت غلطان لم خرجت من تحت ظله بس لو مكنتش سبت ايده مكنش عرف ابدا نعمه وجودك في حياته
جوده : يعني انت عارف انها هتتخبط و تتلسع وعادي تتفرج
زين : أنا متفرجتش يا جوده أنا سعيت كتير بس هيا قفلت بيني وبينها باب اتمنا الباب ده اقدر اقبل انها تفتحه وتدخل منه يوم ما ترجع ندمانه
جوده : طب وشغلك يا صاحبي خلاص هنقعد نتفرج والكل بيجري جمبنا
زين : ماله الشغل يا جوده ما خلاص اديني معاك والشغل ماشي
جوده : لا طبعاً يا زين انت اللي مش عارفه أن النهارده
زين : مناقصه الساحل رسيت على طارق علي مش ده اللي عايز تقوله
جوده : أنا مكنتش اعرف انها رسيت على طارق خالص
زين : لا رسيت عليه
جوده : وهنعمل اي
زين : ولا اي حاجه تمام ربنا معاه كده كده الأرض هتتسحب منه لأن طارق لوحده لا يمكن يمول المشروع ده ومفيش حد حالياً يقدر يمول المشروع ده في السوق غير اتنين
جوده : مين
زين : زين كامل و مشيره عزيز
جوده : طب انت والباب مقفول معروفه إنما مشيره عزيز
زين : بص شغلنا مفيش في مستحيل بس اللي ممكن يحط اتفاق بين طارق على و مشيره عزيز هيا ريهام ولو ده حصل يبقا هو ده الباب اللي مش هقبل أن ريهام تدخل منه لما ترجع ندمانه
جوده : للدرجادي
زين : الفكره مش بس في أن ريهام دعمت طارق لأ الفكره أن مفيش حد في السوق كله إلا وعارف أن الأرض دي ممكن بسببها اخسر أرض الساحل كلها لأنها اعلا ارتفاع من الجزء بتاعي وفي نفس الوقت تراخيص الجزء ده بالنسبة للدولة اهم من الجزء اللي تحت ايدي لأن الأرض اللي طارق خدها النهارده مش وقف دي أرض اقتصادي
جوده: طب وبعدين هنعمل اي
زين : محتاج تشد الكرسي وتقعد تتفرج على الجميع وتعرف مين معاك ومين عليك علشان لما ترجع تحط تبقا عارف مين يستاهل يتفرم ومين تخده تحت جناحك وصلت
جوده: وصلت
في جانب آخر
ريهام: تشرب اي
طارق: قهوه
ريهام: مريم اتنين قهوه من فضلك
مريم : تحت امرك يا فندم
طارق : أنا جايلك ومعايا فرصه العمر لينا كلنا
ريهام: طارق أنا دماغي فيها الف حاجه و حاجه خش في الموضوع
طارق: أرض الساحل بقيت تحت ايدي وبصراحه قلبي قالي خد ريهام في ايدك وانت طالع قولتي اي
ريهام: انت خدت أرض الساحل
طارق: عيب عليكي
ريهام: بس زين لا يمكن يسيبك في حالك انت عارف خطوره الأرض دي على الموقع بتاعه
طارق: اللي يقدر يعمله يعمله هو آخره اي يشغل دماغ حد من جوه الجهاز أنه يسحب مني الأرض لو فات سنه والأرض لسه وقفه علشان كده أنا وانتي هنبدا من بكره فيها قولتي اي
ريهام: لا يا طارق أنا بره وخلي بالك نصيحه مني ليك بلاش تستفذ زين
طارق: الله دا احنا لسه بنحب بقا
ريهام: طارق مليون مره اقولك ملكش دعوه ب موضوع زين معايا انت طلبت طلب أنا رفضته عندك مليون راجل وسيده اعمال مد ايدك وعبي براحتك إنما أنا لا ولو اللي في دماغي طلع صح يبقا صدقني عمرك ما هتنضف
طارق: اي اللي في دماغك
ريهام: نورت يا طارق
طارق: دا بجد
ريهام: مريم خلي القهوه على مكتبك بره استاذ طارق خارج يشربها في الهواء
طارق : لا يا مريم خليها في البوفيه هشربها مع عم سيد حلو كده يا ريهام ولا اطلع اشربها مع عرفه السايس
ريهام: مكان ما تحب يا طارق أتفضل
طارق: مشيره عزيز مقويه قلبك بالجامد
ريهام: بره
طارق: تمام بس خلي بالك في ٦٠ مليون جنيه عندك حق شركتي هيا ٢٠ مليون بس أنا حر يعني معلش اه وياريت كاش قصادك لحد اخر الاسبوع محصلشي تسويه ياريت تفضي مكتبك إنما باقي الشركه محدش يمشي معنديش وقت اجيب موظفين أنا راجل عملي
ريهام: بره
طارق : تمام باي
ريهام: (بصوت عالي) عمرك ما هتاخد شركتي مني مهما تعمل يا طارق انسي انك تقعد على الكرسي ده ❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️الي اللقاء في الجزء القادم ❤️❤️
✍️ليل أدم ❤️💐
•تابع الفصل التالي "رواية اشتغاله" اضغط على اسم الرواية