رواية غرام و انتقام الفصل الرابع عشر 14 - بقلم مروة البطراوي
فلاش باك
سافر هادي الي ألمانيا ليس بهدف دراسات بل بهدف الخسارة لسفيان كنوع من القصاص للجميع كان عليه أن يتعرف علي رجل هناك مهمته القيام بتلك المهام.عرض عليه الأمر ليرد الرجل بحماس
-اترك لي موضوع حماية الدكتورة نهال.
أجابه هادي بنبرة ثابته
-أنا عارف كويس يا بيترو انك تقدر تحميها بس انت الظاهر ما فهمتش أنا عايز ايه أنا عايز تحطه في ورطه.
نظر بيترو الي مساعده قائلا
-خنيدرس هل تستطيع فعلها ؟
رد خنيدرس بمكر قائلا
-هل تريدون سماع خطتي ؟
توقع هادي خطته فرد عليه
-قول بس علي فكرة لو هتستخدم ستات في الموضوع ده فبلاش .انا معنديش أي ثقه فيهم.
نعم تلك كانت خطة خنيدرس و بالفعل أقنع هادي بها لأنها هي الطريقه الأمثل للتعامل مع سفيان.التقي خنيدرس بحبيبته و مساعدته الشخصيه شيرى
_ لا اريد تأخير في هذا الموضوع عزيزتي شيرى. كل ما يتم الإسراع في الأمر ستزيد مكافاتنا و نستطيع الزواج في أقرب وقت.انتي لم تدخلي في شتى سوى تسهيل الأمر.
ابتسمت شيرى بسعاده
-علي خير ان شاء الله يا عزيزى لا تقلق فبيدي كل الأمور هو علي علاقه بابنة رجل مهم و دائما ما يسهران سويا و اذا علم والدها سيقتله.
سألها خنيدرس
-متي تستطيعين إنهاء هذا الأمر . و ما هي علاقتك بها و من اين علمتي و بالسهوله هذة كل المعلومات عنه .غير معقول كنت اكلمك للتو عنه .
ردت شيرى بثقه
-كله صدفه عزيزى خنيدرس.أنا أعمل مساعده لتلك السيده و تبعثني دائما بهدايا اليه.أرجو عدم توريطي بالأمر حتي لا تعلم و تقم بطردي.
جاء اللقاء الثاني بينهم بعد فترة نظر اليها خيندرس بسعاده
-ممتاز شيرى. لقد فعلتي ما لم يقدر علي فعلته الرجال فتلك الصور ثمينه بالنسبه لقائدي ستدخل علينا الثراء و نستطيع أن نتزوج و لن تحتاج لسيدتك.
ارتبكت شيرى
-أنا خائفه خيندرس و لن أترك عملي حتي بعد زواجنا لأنها ستشك في أمرى خاصه لو الطبيب سفيان أخبرها بما حدث له أتعلم أنها هي التي التقطت له الصور و ليس أنا.
جحظ خيندرس بعينيه
-ليس معقول أتصوره بنفسها .يالها من امرأه لعوب كل هذا تفتعل حتي عندما يقوم بالتخلي عنها تبعث بصوره الي والدها. لا تقلقي هذا من دواعي سرورنا.
عقدت شيرى ما بين حاجبيها
-كيف ذلك.أنت تريد توريطه و هي تصوره من هذا الرجل الذين تريدون توقيعه في شباككم.بدأت أشك في أمره. أعتقد أن سيدتي تريد توريطه.
ابتسم خنيدرس بخبث
-في أقرب فرصه ستفهمين عزيزتي و ستكونين لي و سيدتك هي من ستقوم بتزويجك ليا.لطالما سأساعدها و أساعد سيدي في أن واحد .
🤪🤪🤪🤪🤪🤪🤪 #غرام_وانتقام بقلمي #مروه_البطراوى
مر عام قاتم علي الجميع كانت تتعجب لسرعان انقضاء هذا العام تحديدا،كانت سنه تخلو من الارتياح النفسي و السلام للجميع،عندها تيقنت أن الأعوام السابقه بالرغم من قلة العيش بها الا أنها كانت مليئه بالبهجه،علي أيه حال،هذا هو حال الدنيا،لا تظهر ما بداخلها بل تتخفي و تفاجئ الجميع مثل ما فاجئتها بفقدان تؤام روحها،سلبتها منها و سلبت معها كل معاني البهجه،خطفت منها كسحر،و مات بموتها كل معاني الحب فلم يعد هناك ما يكفي لتعطيه لمعشوقها الوحيد،عام أجبرها علي أن تتشح بالسواد،حتي دفاتر محاضرتها عزمت أمرها أن تكون باللون الأسود،حتي عينيها سحب منها اللون البني الفاتح لتتحول الي أسود و بات وجهها باهتا.
كانت تتدرب لدي احدي المستشفيات فهي بسنة الامتياز دلفت الي مدير المستشفي لتطلعه علي خطأ طبي صادر من مجموعتها هتف الطبيب قائلا
-خير يا دكتورة ملك بلغوني انك عايزاني لأمر هام العاده اننا بنتجمع أخر الأسبوع و بنتناقش في اللي مريته بيه طول الأسبوع و مع الكل.
ردت علي ملك بكل قوة
-أنا أسفه اني طلبت أقابلك النهارده بس بصراحه التقارير دي مكنش ينفع تتسلم الا في وقتها و لحضرتك مخصوص و من غير ما حد يعرف.
جحظ الطبيب بعينيه
-و ايه هي التقارير دي ؟ايه يا ملك السريه اللي بتتكلمي بيها دي انتي ناويه تكسبي بونت علي حساب اصحابك لا خدي بالك دي مش مبادئى.
نظرت له ملك قائله
-ده تقرير قتل عمد مع سبق الاصرار و الترصد و تزوير في مواعيد العلاج.اتفضل حضرتك المريضه دي أخدت حقنه غلط و الجنين أجهض
اتسعت حدقه عينيه بذهول
-لا ممكن تفهميني واحده واحده انتي قصدك ايه؟و مين المريضه دي و مين مصلحته يتعمل فيها كده ؟يعني المريضه قريبه حد في المستشفي؟
أدمعت عينيها لأنها علمت بعودته الي مصر و عندما علمت بحالة المريضه ذكرتها بشقيقتها
-المريضه كانت حامل من غير جواز معرفش مين له مصلحه يسقطها بس أكيد في حد لأنها واحده مش معروفه فاعتبروها سهله تقدر تشوف مين ماسك قسم النسا.
عقد الطبيب ما بين حاجبيه قائلا
-انتي متأكده من كلامك ده يا دكتورة؟تعرفي لو ثبت ان كلامك كذب هيبقي مصيرك ايه؟أنا مش حابب أسبب احراج لدكتور هادي انت عارفه اللي بينا.
هزت ملك رأسها بتأكيد
-أيوه تقدر حضرتك تقرأ التقارير بعنايه هتلاقي هنا حقنه مش مش ممضي عليها في نفس الوقت المريضه مصممه انها أخدتها و شكلها هتعمل مشكله.
هز الطبيب رأسه قائلا
-أيوه بس طقم الممرضات اللي بيباشروا الحاله دي أنا عارفه كويس و مفيش حاجه تدل انها أخدت الحقنة دي يعني ممكن تكون بتكذب و الاجهاض وارد في حالتها.
استمع الي صوت الطرق علي الباب ليأمر الطبيب الطارق أن يدلف ليخطو بخطواته الوئيده الي الداخل و يتفاجئ بوجودها قائلا
-ملاااااااك.!مش معقول .انتي بتشتغلي هنا ازاي.؟ و الله زمان عاش من شافك. ازيك يا دكتور خير قالولي ان حضرتك استدعني في مشكله؟
قطب الطبيب جبينه من معرفه سفيان لملك و لكنه نطق اسمها بطريقه مطوله و ل
فتذكر أمر أن هادي ابن عمه
-أهلا يا سفيان.أولا حمد الله علي السلامه ما جاتش فرصه اننا نتقابل من يوم ما رجعت بس الأيام جايه كتير.طالما ماسك قسم مهم عندنا.
التفت اليه سفيان بعد ما أطال النظر الي ملك و هي تبدو متجمده و عليها الثبات الانفعالي الغير معتاد من رؤيته
-أهلا يا دكتور غندور...خير؟شكلك عايزني بخصوص حاجه تخص القسم.مع ان القسم ماشي عشرة علي عشرة مفيهوش غلطه. ولا ايه؟
تفاجئ سفيان عندما سرد له الطبيب غندور الأمر حيث أنه لم يكشف هذا الأمر الا غيرها فهي عاهدته من ذي قبل علي هذه الأفعال
-لا مستحيل مفيش حاجه حصلت من دي يا غندور عندي في القسم.أنا دكتور دقيق و شغلي كويس مفهوش غلطه، و كمان تصدقوا مريضه ما اتجوزت و كانت راحه تخلف في الحرام.
جحظ غندور بعينيه حيث كان سفيان ينظر الي ملك كالصقر الجارح يود أن ينقض عليها ليفتك بها
-ايه يا سفيان مالك.انت بينك و بين الأنسه حاجه مالك بتبص ليها كده ليه طب حتي راعي اني واقف قصادكم. و لا هو مبدأ خدوهم بالصوت؟
التفت اليه سفيان قائلا
-أيوه الهانم كانت بتشتغل عندي و طردتها وبعدها جدي توفي و سافرت و الصدفه جمعتنا في مستشفي واحده بس ازاي الهانم بتنتقم مني.
اتسعت حدقه عيني غندور بذهول أيعقل أنه انتقاما حارا من ملك شعر بصدق سفيان و من ثم وجه حديثه الي ملك
-في حد يعرف الموضوع ده غيرك انتي و البنت اللي بترمي بلاها علي الممرضين .ايه هي عايزة تودينا في داهيه.بلغيها اننا هنبلغ عنها بالزنا.
كانت و ما زالت ملك صامته لا تعرف ماذا تقول خاصه بعد ما قام سفيان بتعجيزها للمرة الاخرى لينهض سفيان و هو ينظر لها بخبث
-عن اذنك يا غندور هخرج أنا و أخدها في طريقي انت عارف بقي أنا يعتبر استاذها هراضيها ما أنا زعلتها زمان و كمان هعلمها تبقي خبرة.
و بالفعل جذبها من يدها بحنو بالغ أمام غندور و التي سرعان ما تحولت الي قبضه قويه خارج المشفي و فتح سيارته لكي يدخلها بها
-أخيرا لقيتك لا و ايه انتي اللي نخورتي ورايا تلميذتي طول عمرك.بس تصدقي احلويتي أوى .يالا تعالي نرجع أيامنا الحلوة سوا و هدفعلك المرة دي.
بمنتهي الثبات
-مش جايه معاك حتي لو دفعت مال قارون يا سفيان.أنا مش هي و لا هكون مفيش حاجه بتفضل علي حالها صدقني و بلاش تلعب معايا .
نظر اليها بحده
-بقولك تعالي معايا و انتي عارفه سفيان كويس لو محدش سمع كلامه بيجرى فيه ايه.و حسابك علي بت التييت اللي جوه دي هيبقي عسير.
تركته و لكن بعد ما قامت بركله في منتصف فخديه بطريقه تعجب لها قبل أن يتألم و من ثم اختفت عن عينيه تماما و هو يحاول استيعاب ألمه
😀😀😀😀😀😀😀 #موكا_سحر_الروايات رواية #غرام_وانتقام
الحياه ما هي الا فترة ظالمه يجاهد فيها المظلوم لأخذ حقه بشتي الطرق ليبقي منتصرا حتي لو كلفه الأمر نفسه،بفعلتها هذه أوقعت نفسها في الحفرة،و بكل ثقه و عدم خوف لاطمئنانها أنها ستجد الضوء حتي لو كان هذا الضوء نارا تعلم أن ناره ستدفئها لا تحرقها،كانت تحفر جملة دائمه في قلبها ،ستنهشه بمخالبها مهما ان كلفها الأمر،أصوات شقيقتها و هي تبكي ذلا علي ما فعله بها ما زالت تتردد في أذانها،حتي لو كانت شقيقتها خانت ثقتها فهي وعدتها أمام قبرها أن تبحث عنه و تستلذ بعذابه منها.
علم هادي بكل ما صار بالمشفي التي تتدرب بها ملك عن طريق غندور الذي كان هدفه الوحيد هو معرفه ما بين ملك و سفيان تملص هادي من الاجابه وأنهي الاتصال ليعود برأسه الي الخلف متذكرا باقي خطته و يلعن نفسه لأن هذه الخطه هي من جلبت سفيان الي مصر
أخبره خيندرس أن شيرى تريد مقابلته لأمر هام و هي مبعوث من عند السيده التي يلاعبها سفيان
-خير يا شيرى.ايه هو الموضوع المهم اللي خلي السيده اللي بتشتغل عندها تبعتك و ازاي عرفت انك بتراقبيها و في الموضوع ده بالذات؟
نظرت اليه شيرى باهتمام
-سيدتي قالت لي ليله أمس أن هناك موضوع مهم و علي معرفته اذا أصابها أي مكروه أبلغ عنه فأخبرتها أنا بدروى لأني أعزها كثيرا فأنا تربيت معها.
عقد هادي ما بين حاجبيه
-خير؟و ايه علاقتي أنا بالموضوع ده برضه مش فاهم.مش حاسس انه يخص سفيان أكيد في مصيبه تانيه.لو كده أنا أسف مش هقدر أعمل حاجه.
فتحت الحاسوب الشخصي لها و وضعت ما تم عرضه
-تفرج سيدي علي هذا الفيلم القصير .سيدتي تؤكد أن معها الكثير منه.سيدتي ليست بالهينه أو الضعيفه.بل هي تحسب حساب لكل أفعالها.
عقد هادي ما بين حاجبيه غير مستوعبا لما يراه من سفيان هذا ليس بالفحشاء فقط بل الي وضع حبوب لأي سيده يعاشرها حتي لو كان أمر المعاشرة برضاها
-ايه ده و ليه يحط ليها منوم طالما الموضوع بارادتها .غريبه طب و اللي انت شغاله عندها عايزاني أنا مثلا أعرف نوع الحبوب دي ايه؟
هزت شيرى رأسها بالسلب
-لا سيدي.سيدتي تعلم ما في هذا الكوب.سبق و أن وضحت لك أنها ليست بالهينه فهي من أخر مرة تسبب لها نزيف حاد بدأت بوضع كاميرات.
اتسعت حدقه عيني هادي بذهول
-يا ابن ال***** ده ممكن الحبوب دي تموت أي حد مش نزيف و بس دي ممكن تعمل هبوط حاد في الدورة الدمويه و يروح فيها.غبي يا سفيان.
أردفت شيرى
-لو تم تهديده بهذه الفيديوهات من قبلك سيكون أفضل و الا سوف يتم محاكمته علي الفور و هذا طلب سيدتي تريد الاقتصاص لها و لغيرها.
قطب هادي جبينه
-هي عملت كده ليه؟كان ممكن تبعده عنها هو عادي زيه زى أي راجل عاشرته لفترة و سابته .طبعا مش حب لو حب مكنتش طلبت الانتقام.
ردت عليه شيرى
-هي لا تريد الانتقام السريع تريد ترهيبه بالاضافه الي تعرفها علي نهال و سردت لها ما فعله في بلده و كم الفتيات التي تم سلب عذريتهم.
زفر هادي بحنق
-أولا مينفعش التهديد من عندي ممكن أستعين بحد من غير ظهورى في الصورة و لو اني كنت أفضل السجن لأشكاله.بس سلب ثروته هيجننه.
نظرت له شيرى بابتسامه
-حسنا سيدي أنت الوحيد الذي تعرف حجم ثروته نرجو منك الدفع لشخص يقوم بتهديده بضعف ثروته و تمضيته علي هذه الأوراق و نفيه خارج البلاد.
رد عليها هادي
-أنا هقولك ثروته كام و هعمل اللي انتي طلبتيه مني يا شيرى بس أنا ايه اللي يضمن ليا ان الست اللي بتشتغلي عندها هي اللي بعتاكي مش يمكن انتي من نفسك.
ارتبكت شيرى بخوف
-ما هو انتي لو مقولتيش الحقيقه أنا هعمل اتصالاتي و هسألها بنفسي و في الحاله دي انتي مش هتستفادي حاجه و أكيد سيدتك هتقتلك فالأحسن تقولي الحقيقه و أنا برضه هقف جمبك.
و بالفعل أخبرته بالحقيقه أن من دفعها هي و خيندرس نحو ذلك هو بيترو الذي طلب منه حماية نهال سابقا و أن نهال لم يهدأ لها بال حتي تقتص من سفيان .ليرفض الخطه و هو يرفضها كان متأكدا من تنفيذ بيترو لها و هذا ما دفع سفيان الي الرجوع الي مصر بعد أن فقد كل ما يملك بالخارج ليعود و يبدأ من القاع .طامعا أن يقاسم هادي في كل شئ يملكه.
🥺🥺🥺🥺🥺🥺🥺 #مروه_البطراوى جروب #موكا_سحر_الروايات
استفاق من شروده علي دلوفها مكتبه حامله قدحا من الشاي الساخن المطعم بأوراق النعناع الذي يشتهيه من يدها حيث أخبرتها والدته أنه يريدها فور عودتها فتأكدت أن الطبيب غندور أخبره بمواجهتها مع سفيان.رفعت عينيها نحوه،و عينه تلومها، و عينيها تطلب حنوه،قلبه انشطر نصفين،نصف يريد قربها، و النصف الأخر يحثه أن يظل بمكانه علي مسافه أمنه منها،و اذعان لطلب عينيها منحها الحنان بنظراته،لتغلق الباب من خلفها، و تعود و تضع الصينيه التي بيدها و تجلس أمامه و هو يربع ذراعيه فوق صدره ينظر الي كأس الشاي فسألها و هو مبتسما
-الرشوة دي ليا؟
نظرت هي الأخرى الي كوب الشاي تعلم جيدا مزاجيته و ما يعدلها
-انت علي طول بتحب الشاي اللي بنعنع يا منعنع قطفته من الجنينه و أنا داخله.
جاء ليفتح الحديث معها و لكنه تفاجئ بمن جاء عنده يبدو أنه علم أنها تعمل في المشفي بواسطه من عنده أوقفها بالداخل و أمرها ألا تخرج
-و الله زمان يا سفيان.ايه يا ابني كل ده سنين سفر محاولتش في مرة تيجي تزورنا.و الله عيب.ده احنا ولاد عم و كانوا بيفكرونا اخوات.
عقد سفيان ما بين حاجبيه فهو متأكد من معرفه هادي بوجوده في مصر منذ فترة
-أنا رجعت البلد من فترة كبيرة.اعتقدت ان وصلتك أخبارى.معقوله مش عارف.ده كل اصحابنا عرفوا. و لا زعلان مني من اخر تدبيسه؟
اتسعت حدقه عيني هادي و هو يذكره بها و لم لا و هي تجسدت أمامه منذ قليل
-قولي يا سفيان محاولتش تصلح غلطتك مع البنت اياها و تتجوزها؟هي مش كانت حامل منك برضه و لا ايه.أصل أنا حاولت أوصل ليها معرفتش.
جحظ سفيان بعينيه فغندور أكد له أن هادي واسطتها
-لا و بعدين غلطة مين يا ابني.شكلك لسه طيب يا هادي و بتصدق الأشكال اللي زى دي.اوعي تكون صعبت عليك و اتجوزتها.أنا سمعت انها مدوراها.
قطب هادي جبينه قائلا
-مدوراها؟مدوراها ازاي يعني ؟و سمعت منين الكلام ده؟ايه مخاوى حد في مصر ينقلك أخبارها.ده أنا نفسي معرفتش أوصلها .بطل شك.
هنا طفح الكيل لدي ملك فقررت الخروج قامت ببعثرة شعرها و تلطيش شفاه بأحمر شفاه مثير و اسدال كنزتها من الكتفين حتي منتصف كتفها و تصنعت التلعثم و هي تتفوه باسمه قائله بصوت مرتفع كصوت ملاك
-دكتور سفيان!ايه اللي جابك هنا؟اوعي تكون جاي تشتكيني للدكتور هادي لا معلش بقي كله الا هو .و بعدين أنا ما غلطتش فيك أنا قلت الحقيقه.
نظر سفيان الي هادي ليتأكد من كذبه عليه وجد نظرات معاتبه تصدر من هادي الي ملك لينظر هو اليها و هي تتحدى بنظراتها
-أهلا يا ملاك.من ناحيه الغلط فانتي غلطتي كتير انتي و الدكتور المحترم أو اللي الكل عارف انه محترم.بس برافو اوعي تنسي اني أستاذك.
زفر هادي بحنق قائلا
-انتوا هتغنوا و تردوا علي بعض.فيه ايه انت تعرفها منين علشان تتكلم معاها بالطريقه دي و بعدين أنا محترم غصبن عنك و اتكلم عنها بطريقه أحسن دي مراتي.
عقد سفيان ما بين حاجبيه فرد هادي غير متوقع أيعقل أنها أوقعتها في شباكها؟
-مراتك!مراتك مين لا مؤاخذه؟دي بت شمال.عارف دي مين؟دي الست ملاك اللي انت كنت هتدبس فيها.علي أساس انك مش عارف توصلها.
لا يعلم هادي أيوضح له أنه صدقه حقا أم لا؟كان يريد من أمثاله ألا يستطيعون الدخول الي منزله مرة أخرى و لكن بعد ما سمعه من مدير المشفي،جعله يتتبع الأمر الي أن يصل الي أصل وجودها،و كان من حسن حظه هو وجودها بداخل منزل هادي و ظهورها أمامه،نظرته لا تتغير نظرة صياد عاد الي مهنته مجددا و بشغف،بالرغم من اختفاؤه فترة طويله،نظر اليهم علي أنها تعيش مع هادي كعشيقه لأنه لم يرى زوجه عمته فقد منعها مرضها من الهبوط الي الأسفل.أراد هادي انهاء الموضوع تماما
نظر هادي الي ملك يلومها و يعاتبها علي خروجها ليصر علي حديثه قائلا
-الكلام اللي بتقوله ده مش حقيقي انت الظاهر من كتر العك اللي عكيته بره وجوه مصر بقيت متخيل كل الستات زباله زيك و أنا كمان زيك.
بكت ملاك لأن حديث هادي كان بمثابة فتح جرح تحاول تضميده ألا و هو ملاك النص الثاني لها
-انت بني أدم واطي استحاله تكون دكتور عارف انت المفروض يتبلغ عنك و يتشطب اسمك من نقابة الأطباء و ده هيكون في يوم علي ايدي.
تعالت ضحكات سفيان الشيطانيه قائلا
-و الله لو عملتيها يبقي ما جبتكيش ولاده من امتي يا بت الشطارة دي كلها هقولك ايه ما انتي تربيتي .و انت بقي يا هدهد الجناين هتنتقم معاها؟
صرخ هادي به في حده قائلا
-اخرس قطع لسانك اياك أسمعك بتتكلم عني و عن مراتي تاني بالشكل ده هترجع للصفر تاني زى ما عملتها فيك و انت في لندن اوعي تفكر اني سهل.
اندهش سفيان لما قاله هادي و أردف قائلا
-ايييه!انت يا هادي.انت اللي خليتني علي الحديده؟طب ليه علشان ايه.علشان دي.و هتستفاد ايه لما تاكل بضاعه كتير غيرك مصوا فيها ؟
هنا فقد هادي السيطرة علي حاله فتهجم عليه لا يهمه شيئا حتي لو أصبح قاتلا قام بسحقه أرضا و ضربه مرارا و تكرار و من ثم وضع حذائه علي رقبته قائلا
-زى ما قلتلك يا سفيان.دي مراااتي.مهما تقول الناس هتصدق هادي و مش هتصدق القذر سفيان،لأن هادي بقي وضعه غير أما سفيان ضاع في الوبا.
و من ثم تركه ينهض لكي يرحل و هو مواليا ظهره له ينظر الي ملك نظرات بغيضه
-طيب ما دام وصلت للدم خد عندك البرنسيسه كانت بتيجي معايا بنسيون ال....... الست صاحبته بتعشق التراب اللي بمشي عليه و كل واحده كانت مسجله ليها صوت و صورة.
اتسعت حدقه عيني ملك بذعر قائله
- انت بتقول ايه.بنسيون ال....هادي ده البنسيون اللي روحت بيه بعد ال.....لا مش ممكن مستحيل انت ايه شيطان تعمل العمله و تفضل مراقبنا.
قطب سفيان جبينه
-لما قالتلي انك روحتي هناك استغربت و لسه لغايه دلوقتي مستغرب.يعني أنا وديتك مكان تقوم تروحي نفس المكان مع حد غيرى و بعدين فين الحمل.؟
لم يتحمل هادي أكثر من ذلك و استدار اليه يجذبه من ياقه قميصه يسحبه نحو الباب قائلا
-اطلع بره يا سفيان.البيت ده طول ما أنا عايش ممنوع تدخله.لو حاولت تعمل أي حركه بالفيديوهات اللي عندك هطلع أنا فيديوهات لندن
😌😌😌😌😌😌😌 #غرام_وانتقام بقلمي #مروه_البطراوى
خرج سفيان بغضب و قاد سيارته بسرعه جنونيه الي أن توقفت عند الأراضي المتراميه الأطراف من بيت هادي مع ملك و الذي اقتناه مجددا لها و بين بيت جده المواجه الي بيت هادي و كأن هادي أراد أن يقطن في نفس المنطقه ليتذكر كل ما حدث بهذا البيت،كان لا يريد أن يغادر هذا المكان ود أن يسكن في منزل جده و لكن ليس لديه حق فهو ملك هادي،و لكن ما باليد حيله حيث قام بالعبور من هذا المكان الذي كاد أن يطبق علي أنفاسه خاصه بعد استقبال هادي له و طرده له،أتاه اتصالا هاتفيا من رقم غريب و صوت لم يكن يتوقعه ألا و هو صوت نادر ابن السيد محمد صاحب المنزل الذي تسكن به ملاك و ملك و الذي كان يتواصل معه و لكن لأخبركم نادر تغير كثيرا خاصه عندما شعرت شريفه أن الخطر يحاصره فقامت بالاتصال بهادي مرارا و تكرارا و أشعرته بالدين الذي افتعلته من أجله عندما قامت بطرد ملك ليشعر هادي بالمسؤليه تجاهه حيث قام بعرضه علي طبيب نفسي ليصبح شخصا أخر هادئ الطباع،أخبره سفيان أنه يريد رؤيته ليسأله كيف وصلت ملاك علي حد ما يعتقد الي هادي في بيته و عقله و قلبه،هبط نادر الدرج بفرح لأنه سينفذ تعليمات هادي ليقابله والده الحاج محمد عند نهايه الدرج و يعانقه مطولا يهمس في أذنه بكلمات ألا يخيب ظنه فهذه فرصته للتكفير عن ذنب ملك عندما قام بتضييق الخناق عليها و مطاردتها،ثم قاد سيارة الأجرة الذي يمتلكها حيث قام بالعمل عليها منذ انتهاء مده علاجه و ذهب نحو المقهي الصغير الذي اختاره سفيان لمقابلته ،لكم أن تتخيلوا أن سفيان بدرجه العلميه يتقابل مع اشخاص بمقهي .شرح له سفيان الأمر باختصار و أنه يريد أن يعرف لما ملاك في هذا المكان و أين ذهب الجنين ليتخابث عليه نادر في الرد قائلا
-من ساعه ما أختها الصغيرة ما رجعت من المدرسه جثه متاخد كل أعضائها و هي كل اما تشوف حاجه في وشها تكسرها لغايه ما في يوم حصلها نزيف قلنا دي سممت نفسها بعدها راحت المستشفي اتعرفت علي دكتور هناك و من يومها اختفت و منعرفش عنها حاجه أنا قلت أتصل بيك علشان أنا كنت مسافر عند أختي في أبوظبي و لسه راجع و نسيتها أنا معنديش استعداد أرتبط بواحده ماشيه علي حل شعرها ،أنا حتي هخطب و هتجوز أخت جوز أختي و يمكن أسافر أشتغل هناك انساها انت كمان يا دكتور و عيش حياتك دي مش وش نعمه.
🙄🙄🙄🙄🙄🙄🙄 #موكا_سحر_الروايات رواية #غرام_وانتقام
عوده الي منزل هادي بعد خروج سفيان نظر الي ملك بغضب قائلا
-واحده غيرك المفروض تخاف تحتك بيه انتي ايه يا شيخه عايزة موت و خراب ديار شفتي كان بيبص ليكي ازاي مفكرة ايه هيخاف منك ؟
ردت عليه ملك ببكاء
-أنا عمرى ما هخاف منه و لا من أشكاله بالعكس هفضل وراه لغايه ما أنتقم منه لازم يموت بس قبلها لازم يشرب من نفس الكاس اللي شربه لملاك.
جذبها هادي و كبل مرفقيها حتي لا تقاومه و ثبتها علي الحائط خلفها قائلا بشراسه
-مش انتي اللي هتشربيه يا ملك قلتهالك قبل كده و هقولها تاني أنا ليا أسلوبي في الانتقام انتي متعرفيش أنا عملت فيه ايه علشان يوصل للحاله دي.
كادت أن تتحدث و لكنه كمم فاها يصك أسنانه بغضب
-قولتلك مش هعطيكي الفرصه تتواجهي معاه انتي لو حكمت ههرب بيكي و غصبن عني مش هسمح انه يمس شعرة من شعرك افهمي بقي.
تركها و توجه نحو مكتبه لتذهب خلفه ،قام بفتح خزانته الخاصه و استخرج منها ملف خاص ثم فتحه لها قائلا
-المبلغ ده في حسابك في البنك من سنه من ساعه ما رجعت من سفرى عارفه أنا حطيته ازاي ده تحويل عارفه دي فلوس مين؟دي فلوس سفيان.
اتسعت حدقه عينيها بذهول و سألته كيف تم ذلك ليسرد عليها ما تم بالخارج بينه و بين شيرى
-سيدي الخطة ان رفضتها سينفذها بيترو فلما لا تأخذ نصيبك منها أعلم جيدا أنك لا تحتاج لهذا المال أنت تريده شريدا و لكن هذا حقك في التسهيل علينا.
ابتسم هادي لعرضها
-موافق بس عايز منك خدمه تتصلي بسفيان و تبلغيه أن ستك عايزاه وساعتها بيترو وخندرس يظهروا و يمضوه علي كل حاجه بس هاخد النص.
وافقت شيرى علي حديثه لطالما ستسفاد و لكن هادي كان يريد الوقيعه للجميع و المال يكون له بالأكمل.
قبل مواجهتها بالحقيقه و مواجهتها بسفيان تأكدت لما لا يتركها هادي كل هذا الوقت و وضعها في كنفه،كان يرى الخوف في عينيها دائما و يعلم جيداً أنه لن يتركها و لا سيهرب من بين ضلوعها بل قد ينمو و يصيبها بالذعر،كان سيتمدد في فراغها التي كانت تبنيه لنفسها،و كان ظهور سفيان و وجودها أمامه بمفرده سيجعله يعد نفسه لابتلاعها فور اقترابه لها و لكنه وجدها في مكان مزدحم أولا بالمشفي و ثانيا في كنف هادي،صعدت الي غرفتها في صمت و سكون تجلس فوق مقدعها الهزازبجوار فراشها بعد أن قامت باغلاق الباب علي نفسها باحكام حتي لا يدلف عليها أحد تناولت حاسوبها و فتحته لتفتح الصورة التي مزجتها بنفسها صورة لأربعه أفراد هي و شقيقتها و هادي و سفيان،ترسم خيالا أنها تزوجت بهادي و ملاك مازالت علي قيد الحياة و تزوجت من سفيان،ماذا لو كان قدر لهم ذلك بعيدا عن كل المرارة التي عايشاها لتشعر في هذه اللحظة أنها وصلت الي مرحله سيئه و عليها الخضوع الي طبيب نفسي،تعلم أن الأمر لا يستغرق طويلا فقط قد يكون سبعه اشهر و تعود الي طبيعتها الخاليه من التخبط النفسي الذي زاد مع ظهور سفيان و رفض هادي أن تتدخل و تثأر لحقها ،هي لا تريد الحق الذي يمارسه هادي هي تريد الانتقام الأعمي.
•تابع الفصل التالي "رواية غرام و انتقام" اضغط على اسم الرواية