رواية اشتغاله الفصل الثالث عشر 13 - بقلم ليل أدم
مساء الخير للجميع 💐💐
الجزء ١٣ من رواية ❤️❤️
(❤️ أشتغاله ❤️)
في اليوم التالي
زين : الو خير يا دكتور ماجد ريهام فيها حاجه
الدكتور: النهارده الصبح صحينا ملقيناش ريهام في المستشفى افتكرت حضرتك خدتها
زين : لا طبعاً أنا وصلتها امبارح المستشفى ورجعت البيت ولسه صاحي على تليفونك اقفل أنا جاي حالا
الدكتور: تمام سلام
في جانب آخر
كامل : ممكن سؤال يا مستر طارق
طارق : قول يا كامل
كامل : انت عايز من ريهام اي
طارق : اللي تتحرم على طارق علي يتحرم عليها كل رجاله الأرض
كامل : بس كده يعني مش زين الهدف
طارق علي: لا زين دوره جاي أنا بس علشان العب مع زين محتاج اعمله تشتيت الفت انتباه في حته تانيه علشان زين اللعب معاه محتاج استراتيجية جديدة ودماغ متكلفه اعتبر أن ده دور شطرنج هو خد من عندي اتنين عساكر أنا داخل على الوزير على طول واللي ياكل التاني حلال عليه
كامل : مستر طارق حربك مع زين مش هتكون زاي اي لعبه فيها مكسب وخسائر لا دي هتكون حرب بقاء
طارق: بالظبط كده علشان كده محتاج كل اللي حوليا يكونوا مركزين
في جانب آخر
جوده : زين جوه
ياسمين: جوه بس مش عايز يقابل حد مش عارفه ماله أول مره اشوفه في الحاله دي
جوده : علشان كده مش عايز يرد عليا
ياسمين: ادخل اتكلم معاه يا جوده هو بيسمع منك يمكن كلامك يفيد أو يفتح قلبه معاك شكله مش طبيعي النهارده
جوده : تمام ماشي (وفتح باب المكتب ودخل على زين )
جوده : اي يا زين مش عايز ترد عليا ليه
زين : مفيش حاجه يا جوده
جوده : لا في مالك ياعم واي السجاير دي كلها
زين : ريهام اختفت
جوده : يعني اي هربت مثلاً
زين : مش عارف بس امبارح كانت غريبه جدا حسيت انها بدأت ترجع ل طبيعتها و كنت مبسوط جدا
جوده : طب هربت ليه اكيد في سبب
زين : والله ما عارف اي حاجه
جوده : طب وطارق تفتكر يكون ليه يد
زين : لا ميعرفش مكان ريهام
جوده : طب هنسيب طارق كده ولا هتعمل اي معاه
زين : فكك من طارق الوقتي خالص أنا مش هعرف اعمل اي حاجه إلا لما القي ريهام
جوده : معاك بس هنعمل اي
زين : اي حاجه يا جوده أن شالله تنزل أخبار عن اختفائها وحدد مكافئه لأي شخص يدل علي مكانها
جوده : حاضر يا زين هعمل اللي تقول عليه ممكن تهدأ بقا
زين : أنا نازل رايح مشوار وانت يا جوده اعمل اللي طلبته منك
جوده : طب رايح فين
زين : يمكن تكون راحه الملاهي اللي بنروح فيها مع بعض أو المحلات اللي بناكل فيها سبني والنبي يا جوده الوقتي
جوده : تمام تمام أنا هكلمك لو وصلت ل حاجه
زين : خلاص ماشي سلام
في جانب آخر
نيفين : ها استاهل
طارق: هو أنا شوفت حاجه لحد الوقتي
نيفين: يعني مش كفايه أنها هربت من المستشفى ومحدش عارف ليها طريق
طارق: دا بجد
نيفين : هو أنا أقدر اكدب عليك يا مستر طارق
طارق : لا طالما كده يبقا كلها ايام قليله وتكون على مكتبي
نيفين : وأنا هستنا ليه بقا أنا عملت المطلوب مني
طارق : و طارق على أد كلامه شيك ب تلاته مليون جنيه بس اللي حصل ده لو طلع منه كلمه بره مكتبي انتي حره
نيفين : هو أنا عبيطه علشان اعمل كده (وخدت الشيك)
طارق : اسمعي يا نيفين أنا عايز منك حاجه كمان
نيفين : من عيوني
طارق : انا عايز كل موظف وعامل كان موجود في الشركه مع ريهام يرجع من تاني ومن بكره مهما كانت طلباته الماديه أنا عايز ريهام لما تدخل الشركه تحس انها كانت هنا امبارح وان كل اللي حصل ده كان كابوس مزعج مش اكتر
نيفين : اعتبرهم كلهم عندك
طارق: بما فيهم انتي
نيفين : موفقه طبعا
طارق : بس انتي تيجي بعد ما ريهام تيجي وتقعد على مكتبها علشان لو جت وانتي هنا ممكن تفهم اني انا اللي بعتك ليها خلي بالك ريهام ذكيه جدا جدا
نيفين: اللي حضرتك تشوفه
طارق : اتفضلي
نيفين: تمام
وبعد مرور أسبوع ونص من بحث زين عن ريهام كان وصل إلي مرحله اليأس الشديدة كان نفسه اي حد يجيب سيرتها بكلمه كان نفسه يطمئن أنها لسه بخير وعايشه مش زاي ما الدكتور قاله أن حاله ريهام الصحية ممكن تخليها تنتحر
في جانب آخر
جوده : زين لازم تفوق انت شغلك كله وقف مينفعش يا صاحبي انت عملت اللي عليك كله مفيش حاجه تانيه تتعامل
زين : هموت واعرف عنها اي حاجه يا جوده معقول بعد ما اتعلق بيها كده تختفي
جوده : يا حبيبي والله لو ليك نصيب في اي حاجه معاها هتحصل هتحصل بس أنا مش حابب اشوفك كده
زين : كنت فاكر وجودي جمبها راحه ليها اكتشفت اني انا اللي كنت عايز ارتاح معاها
جوده : والله لسه في امل وربك كريم وانت عمرك ما ظلمت حد ياعم بالله عليك مش طايق اشوفك كده قوم غير وتعالي نتمشا بلاش نروح الشركه
زين : لالالا مش عايز والله يا جوده
جوده : طب علشان خاطري تعالي ننزل نمشي شويه بالعربيه انت حابس نفسك ليه شغلك كله وقف وفلوس الناس ورواتب الموظفين يا زين كده غلط على اسمك مينفعش يا اخويا
زين: في توكيل معمول بأسمك يا جوده اتعامل كأني موجود طلع رواتب الناس وشوف لو حاجه مهما راجع مع ياسمين متقلقش منها ياسمين بنت حلال
جوده : يا زين ماشي وبعدين ما انت عارف في حاجات مينفعش فيها غيرك ياعم الرواتب اعتبرها طلعت إنما ورق صفقات وفلوس مين يقدر يعمل ده غيرك
زين: بكره يا جوده أن شاء الله
جوده: ما انت كل يوم تقولي بكره
زين : يا جوده علشان خاطري متضغطتش عليا اكتر من كده
جوده : ماشي يا زين أنا مش هضغط عليك بعد اذنك
زين : اتفضل
في جانب آخر وفي شركه ريهام ظهرت ريهام على مكتب طارق
طارق : ريهام أنا مش مصدق نفسي انا قلبت الدنيا عليكي تعالي انتي كنتي فين من يوم ما خرجتي من المصحه وأنا مش سايب شبر في مصر إلا ودورت عليكي في
ريهام: كده ارتحت يا طارق لما خدت حتى الشركه انت عارف انا بسببك خسرت اي
طارق : انتي بتقولي اي يا ريهام انتي مش شايفه المكان حوليكي أنا عملت في اي أنا رجعت موظف موظف كان شغال معاكي مش كده وبس أنا دفعت دم قلبي علشان اخد الشركه من زين بعد ما ضحك عليكي واستغل ظروفك الصحيه
ريهام: ملكش دعوه ب زين أنا عرفت و تأكدت أن زين ضحك عليا بس تمام خلاص أنا رجعت تاني يا طارق ووعد منى انت و زين ل تعيشوا كابوس اقوي من اللي حبستوني في ومش كده وبس لأ وعد مني ما ليكم قومه منه تاني
طارق: (قلق من كلام ريهام خصوصاً أنه مش عارف هيا كانت فين طول فتره اختفائها )
طارق: مين قالك اني محتاج منك حاجه اتفضلي امسكي كده
ريهام: اي ده
طارق : عقد الشركه تحت ايدك ناقص امضاء حضرتك مش اكتر
ريهام: والله
طارق: (خد القلم من على مكتبه ) أنا رجعت شركتك السوق تاني بكل قوه و احسن من زمان والعقد تحت ايدك ومعاكي سيوله لحد ما تقولي يا بس والآخر تقولي عليا اني لعبت بيكي
ريهام: (مضت على العقد ) مش عايزه منك سيوله عايزك تختفي من حياتي لحد ما أتأكد من كلامك ووقتها بينا كلام تاني
طارق : لا يا ريهام أنا مش عايز كلام وعتاب تاني كفايه اللي ضاع مننا أنا كل اللي عايزه منك بعد ما تتأكدي توافقي مش اكتر
ريهام: اوافق على اي يا طارق
طارق : أنا لسه بحبك ولسه عايزك يا ريهام وعمري ما شوفتك إلا مراتي
ريهام: لو اتأكدت من كلامك يا طارق ووعد منى أنا اللي اجي لحد عندك واقولك اني موفقه عليك ❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️الي اللقاء في الجزء القادم ❤️❤️
✍️ليل أدم 💐❤️
•تابع الفصل التالي "رواية اشتغاله" اضغط على اسم الرواية