رواية مفيش رحمه الفصل الثاني عشر 12 - بقلم لولو محمد
الحلقه الثانيه عشر
رحيم / انتى مانتى لو بتسمعى الكلام مكنش فى حاجه حصلت كان زمانى قاعد فى محاضره الانتاج بسمع كلام نظرى ملوش تلاتين لازمه و اتاخد حضور و اروح هادى لكن ازاى لازم الهانم تعند و تنشف دماغها اصل النصيحه لما تيجى من رحيم تبقى وحشه
رحمه / خلصت انت متتحججش بيا انت اصلا بتكرهه من زمان و ما صدقت لقيته قاعد معانا فى منتهى الاحترام تقوم تضربه و تعمل مشكله منغير سبب
رحيم / انتى متخيله انى ضربته عشان البيه قاعد معاكى لا يا ماما انا ضربته عشان البيه بيقول لاصحابه انك سبتينى عشانه و طبعا لما محدش صدقه اتراهن انه هيثبتلهم
رحمه / ايه الفيلم العربى الفاشل ده لا طبعا اى كلام و السلام
رحيم يفرمل العربيه
رحمه / وقفت ليه
رحيم/ انتى مبتتعبيش بجد علاطول كدا من امتى بقيتى كدا عمرك مكنتى كدا
...................
رحمه/ بتعب من ايه هو اى حد يقولك اى حاجه تروح تضرب فى الناس كدا و خلاص مش على الاقل يكون عندك دليل يا ايها اللذين امنوا ...
رحيم / حافظ الايه بس انا مش هستنى اما يبقى معايا دليل مش هسيب كلب زى ده يقرب منك
رحمه / على فكره انت مش ملزم تحمينى انا كبيره كفايه
رحيم / ضربتيه ليه دخلتى وسط الرجاله و ضربتيه ليه
رحمه / معرفش اعتبره ادرينالين لما شوفت الخناقه عندى ميول عدوانيه مثلا معرفش
رحيم / انتى هتصيعى عليا يا بت انتى عارفه انك مستحملتيش تشوفينى بنضرب
رحمه / تنضرب ايه دا اللى ضربك عيل اهبل ضربك ببطن المسطره كسرها حد يعمل كدا مهى طبعا هتتكسر اللى عاوز يضرب يضرب بسيف المسطره توجه اكتر و متتكسرش
رحيم / يا واد انت يا خبير خناقات يا جامد
رحمه / انا عورته جامد
رحيم / احسن خليه يموت و نخلص بلا قرف والله الكليه تنضف
رحمه / و اتحبس انا مش كدا
رحيم / انتى مكنتيش فى الخناقه اصلا هو انتى حضرتى اصلا
رحمه / يا سلام
رحيم / ايوه انا اللى ضاربه انتى روحتى بعد السيكشن
رحمه / ماشى فكره برده انت تستحمل السجن عنى
رحيم يسوق العربيه
رحيم / واطيه ههههههههههههه
.............
فى البيت باليل
رحمه نازله عالسلم تلاقى رامى طالع شايل حاجه رحيم
رحمه / اساعدك
رامى / مش مشكله خفيفه البيه تليفونه مقفول ليه
رحمه / معرفش مشوفتوش من ساعه مروحنا مالكليه تعال هو الدور اللى جاى الشقه اللى عالشمال
رحيم ينزل
رحيم / هو انت ازيك يا معلم
رامى / هو ايه اللى انت
رحيم / مفيش ياعم كنت نايم و امى صحتنى بتقولى رحمه واقفه مع واحد غريب عالسلم قولت انزل اشوف مين
رحمه / عن اذنكوا
رحمه تطلع شقتها
رامى / خد ياعم ادواتك اهى احتست بيها فى المواصلات انت تروح فى العربيه بيه و انا اتبهدل بحاجتك و حاجتى
رحيم / هههههههه معلش تعال اشرب حاجه
رامى / ماشى يلا
.000000000
فى اوضه رحيم
رامى / مشوفتش انت اللى حصل بعد ممشيت
رحيم / احكى
رامى /الواد ممدوح مسك ماجد تاليس لما قال يا بس
رحيم / هو اخبار دماغه ايه
رامى / دى تعويره صغيره يا عم مفيش ثوانى و الدم وقف
رحيم / هو كان عنده دم اصلا
رامى / ههههههههههههههه بس ايه خلاص كدا عمره مهيفتح بقه عنها تانى اصلها مش هتبقى بتحبه و تضربه بالشكل ده
رحيم / يلا مكتوبالها كان نفسى اكون انا اللى ببطحه
رامى / ملحوقه المره الجايه هههههههههههههههه
.........
فى الكليه بعد فتره
ريهام / احنا لو فمعتقل هنتعامل احسن من كدا دا ايه الهم ده
رحمه / هانت كلها كام شهر و خلاص المهم اوعى تنسى الاسبوع الجاى عيد ميلادى و كلكو معزومين
رنا / فى البيت زى كل مره
رحمه / اكيد يعنى
روقيه / انا اسفه اوى يا رحمه اصل احنا ناوين نعمل لرحيم حفله فى كافيه بره
رحمه / فلوسكوا هتقع عالارض عشان رحيم مش هيحضر
روقيه / غريبه مع اننا ماكدين عليه
رحمه / هنشوف
........
فى البيت
فى اوضه رحيم هو قاعد عالنت
رحمه / انت هتعمل ايه فى عيد ميلادك
رحيم / صحابى عازمينى على حفله بره
رحمه / والله بجد
رحيم / عزمونى قولت لبابا قالى اللى يريحك قولتلهم ماشى
رحمه / سيب الزفت اللى فى ايدك و كلمنى زى مبكلمك
رحيم يقفل اللاب
رحيم / افندم
رحمه / ايه و انا و عيد ميلادى
رحيم / عادى هيكون زى كل سنه ماله
رحمه / هو ايه اللى ماله مش هتحضر عيد ميلادى و لا ايه
رحيم / لا طبعا هحضر عيد ميلادك الساعه 8 هنطفى الشمع و استاذن اروحلهم الكافيه على 9 كدا و لا تسعه و ربع
رحمه / اعتزرلهم احسن
رحيم / ليه يعنى الناس دى دفعت فلوس و حجزت الكافيه و انا معنديش استعداد اطلع عيل عشان حضرتك مزاجك كدا
رحمه تدمع / ماشى اعمل اللى يعجبك مكنش اعرف ان رايهم فيك اهم من رايى انا
رحمه تمشى و رحيم يمسكها
رحمه / افندم عاوز ايه انت مش بقيتهم عليا هتطفى الشمع و تخلع خلاص انا بعفيك خالص من انك تبقى موجود اصلا روح لصحابك لحسن يقولوا عليك عيل و لا حاجه
رحيم / ايه رايك تيجى معايا
رحمه / بجد لا يا بابا انا مبفرضش نفسى على حد و بعدين انا مش قليله الزوق عشان اسيب ضيوفى و ضيوف اهلى اللى جايين و مكلفين نفسهم هدايا عشان اروح حفله اللى فيها مش طايقينى اساسا
رحيم / هتقعدى تعملى ايه هتقعدى تبصيلهم و كل واحد بيمصمص شفايفه اننا سبنا بعض تفتكرى هننبسط فى اول عيد ميلاد لينا مش مع بعض
رحمه / عندك حق هتنبسط اكتر مع روقيه
رحيم / الله يحرق روقيه على اليوم اللى شوفتها فيه يا شيخه هو انتى مبتشوفيش فى الشله كلها غيرها
رحمه / انا ماشيه اعمل اللى يريحك
........
يوم العيد ميلاد
الكل يطفى الشمع و يدوا الهدايا لرحيم و رحمه رحمه تجيب علبه من جوه و تديها لرحيم و يفتحها يلاقى فيها ساعه
رحمه / ساعتك اتكسرت فى الخناقه
رحيم /شكرا دى هديتك
رحيم يطلع سلسه مكتوب عليها رحمه و محفور على ضهرها رحيم بخط صغير تحت
رحمه / شكرا حلوه اوى
رحيم / انا همشى بقى عشان متاخرش
رحمه تدخل اوضتها تحط الهدايا و متردش عليه و تطلع متلاقيهوش تقعد شويه و تقوم تطلع تقف فى البلكونه و مصطفى يدخلها
مصطفى / ممكن اقف معاكى شويه
رحمه / اوى اوى اتفضل
مصطفى / مالك حاسك مش مبسوطه
رحمه / لا ابدا انا بس منمتش كويس انت عارف الكليه مرهقه و...
مصطفى / هو صحيح انتى و رحيم خلاص
رحمه / ياااااااه داحنا بقالنا شهور على كدا يابنى انت لسه فاكر
مصطفى / بصراحه عندى شعور فظيع بالذنب ناحيتكوا
رحمه / ذنب ليه
مصطفى / بقول انى اكيد انا اللى حسدتكوا اصلى كنت بحسده اوى على النعمه اللى هو فيها
رحمه / كله نصيب و احنا ملناش نصيب مع بعض
مصطفى / و عامله ايه فى الكليه النتيجه اخبارها ايه
رحمه / فى ناس بتقول انها هتبان الشهر ده بس معرفش
مصطفى / خير ان شاء الله
رحمه / و انت عامل ايه فى شغلك فى البنك
مصطفى / بدات اخد على الوضع فى الاول كان صعب شويه بس اهو شغال
رحمه / بالتوفيق باذن الله
مصطفى / عموا محمود قالى ان رحيم خرج مع صحابه يحتفلوا
رحمه / اه عملينله حفله
مصطفى / انا معرفش طلبى ده هيبقى غريب و لا لا بس ايه رايك يعنى لو عزمتك بكره عالغدى بعد الكليه
رحمه / معرفش يا مصطفى بكره يوم طويل اوى و هخلص الساعه سته معرفش هبقى قادره اخرج و لا لا اكيد هروح انام زى القتيله
مصطفى / طب على العموم دى هديه صغيره منى يارب تعجبك
رحمه / كلفت نفسك
رحمه تفتحها تلاقى جواها ساعه بناتى قلوب رقيقه اوى
رحمه / حلوه عجبتنى
مصطفى / بصى دا الكرت بتاعى
رحمه / هههههههههههه ماشى يا عم
مصطفى / لا لا لا مش قاصدى والله انا يعنى بديكى رقمى عشان لو حبيتى تغيرى رايك بكره تكلمينى
رحمه / حلو الكرت هخليه معايا
........
مصطفى / طب ايه مش هتدخلى جوه شويه
رحمه / حد يسيب الجو التحفه ده و يدخل فى الزحمه
حياه تدخل
حياه / اخيرا لقيتك تعالى عموا ابراهيم بيسال عليكى
رحمه / حالا جاى يا مصطفى
مصطفى / اكيد
رحمه تروح تقعد جنب ابراهيم و منه جنبها
ابراهيم / ايه يا رحمه سبتينا و غطستى فين
حياه / كانت فى البلكونه
زينب / مع مصطفى
ابراهيم / و انا اقول الجو هنا كان حر ليه اتارى الهوا كله كان فى البلكونه
محمود / متقومى تجيبى ساقع لعمك ابراهيم يا رحمه
رحمه / حالا
رحمه تقوم و هى راجعه شايله صينيه عليها ساقع تلاقى رحيم داخل تبتسم اوى يبتسملها
رحمه / رجعت
رحيم / اه طفينا الشمع و مشيت علاطول الجو هنا احلى كتير
رحمه / قولتلك تعال
رحيم يدخل الصالون مع رحمه
محمود / ايه المفاجاه الحلوه دى انت رجعت
رحيم / والله كان على عينى اسيب اللمه الحلوه دى و انزل بس اعمل ايه اصحابى كانوا حجزوا كافيه و صمموا يعملولى يوم
مصطفى / ايوه بس ده يوم فى السنه بنتجمع فيه
رحيم / مانت غلطان برده يا مصطفى المفروض نشوفك طول السنه ولا البدله غيرتك
منه / من يوم متعين فى البنك و لبسه كله بقى بدل
رحمه / البدله بتظبط الشكل جامد ده رايى يعنى
رحيم يبص لرحمه و لايده يلاقى ساعه
مصطفى / بغض النظر عن موضوع البدله ايه رايكوا نخرج نتغدى يوم شباب بس
ابراهيم / قصدك ايه ياض انت بشباب بس
محمود / دا فاكرنا عجزنا الواد ده باين
عفاف / هو اكيد اكيد يقصدنى انا طبعا
محمد / اكيد يا ست الكل
مصطفى / ههههههههه حقوكوا عليا انا غلطان
منه / انا موافقه ايه رايك يا عماد
عماد / معنديش مانع شوفوا تحبوا تخرجوا امتى
مصطفى / حددى المكان و الزمان يا رحمه النهرده عيد ميلادك بكره بتقولى مش هتقدرى عشان هتتاخرى فى الكليه طب بعده ؟؟؟
رحمه / لا رحيم عنده تدريب خليها الاتنين ايه رايك يا رحيم
رحيم / لو عاوزين الحد متشغلوش بالكوا بيا عادى اخرجوا
مصطفى / ايه يا عم مش عاوز تخرج معانا و لا ايه
رحيم / اصل الميدتيرم الاسبوع الجاى و انا يادوب اللم
عماد / معلش يا مصطفى اصل اللى قدامك دول نسيوا طعم الحياه مالبيت للكليه و مالملكليه للبيت مفيش اى حاجه غير المزاكره عندهم
ابراهيم / والله عيال جادعه خلاص اجلوا الخروجه لبعد الميت ترم ده
منه / ميدتيرم يا بابا يعنى امتحانات فى نص الترم
ابراهيم / ماشى يا فزلوكه ... طب مش نقوم احنا بقى
محمد / الوقت لسه بدرى خليكوا شويه
ابراهيم / العيال عندهم كليه بكره و مينفعش نسهرهم
محمد / والله نورتونا
محمد و محمود يوصلوا ابراهيم و اسرته و رحمه تدخل اوضتها و رحيم وراها
رحيم / حلوه الساعه
رحمه تقلعها و ترميها عالتسريحه
رحمه / مصطفى جابها و لبستها شويه مجامله يعنى
رحيم / اه كنت فاكرك مبتحبيش الساعات
رحمه / مكنش ينفع اكسفه و بعدين شكلها حلو ايه اخبار الحفله ايه
رحيم / مقولتلك روحت و رجعت علاطول يادوب طفينا الشمع
رحمه / و مزعلوش
رحيم / قولتلهم انى عندى ضيوف و انى استاذنت شويه و راجع محدش اعترض
رحمه / اوك روح ارتاح بقى عشان الكليه بكره
رحيم / كل سنه و انتى طيبه
رحمه / و انت طيب يلا بقى عاوزه اغير هدومى
رحيم يطلع مالاوضه و رحمه تقفل الباب رحيم يتنهد و يمشى
...............
بعد فتره رحمه بتنشر الغسيل فى البلكونه و رحيم واقف فى البلكونه اللى جنبها بيشرب شاى
رحيم / يا صباح الاشغال الشاقه
رحمه / ههههههههههههه صباح الخير ايه اللى مصحيك بدرى كدا يوم الاجازه
رحيم / امى قررت انها لازم حالا تاخد ملايه السرير تغسلها
رحمه / ههههههههههههه يا حرام
رحيم / اهو على الاقل شوفتك بتنشرى
رحمه / ياااااااه على العموم خلصت
رحيم / ايه رايك اعزمك بره اهو نفصل عن المزاكره شويه
رحمه / ام لا مفتكرش اصل ماما يوم اجازتى بتخلينى انا اللى اطبخ و كنت ناويه اعمل كشرى و كبده عارف بابا بيحبه
رحيم / انتى بنت عم انتى مكنتش مستنى منك كدا ابدا
رحمه / ايه
رحيم / تبقى ناويه تعملى كشرى بالكبده و متعزمنيش
رحمه / ههههههههههههه خلاص هستناك و اقولك كمان هعملك الحلو شعريه بلبن
رحيم / يا مزاجوا الرايق
رحمه / ههههههههه متقلش فى الفطار بقى عشان تعرف تاكل بزمه
رحيم / قشطه
رحمه تدخل مالبلكونه و رحيم مبسوط
.........
بعد الصلاه
عفاف / ازيك يا رحيم شكلك مبسوط ايه احكيلى
رحيم / رحمه عزمتنى عندكوا عالغدى تفتكرى دى علامه
عفاف / هههههههههههههه بتسالنى انا اتاريها فى المطبخ مالصبح خشلها بس لو لقيتها بتحمر شعريه خدها من قصيرها و اخرج مصدقنا
رحيم / هههههههههههه ماشى عن اذنك
حياه / ايه يا ماما انتى لسه بتشجعيه مصدقنا بدئو يكملوا حياتهم و يعدوا المرحله دى
عفاف / تبقى مش فاهمه حاجه هما بداوا يتاقلموا عشان عرفوا يتعاملوا مع بعض تانى هما الاتنين روح واحده فجسمين مينفعش يبعدوا عن بعض و ان كان يعنى عشان فسخوا الخطوبه فدا مجرد مطب و بكره تقولى ماما عفاف قالت انهم هيرجعوا لبعض
...........
فى المطبخ
رحيم / بتحمرى شعريه
رحمه / خضيتنى لا بحمر سمبوسك
رحيم / بتهزرى
رحمه / اصل جايلنا ضيف مهم قولت لازم اكرمه
رحيم يطلع يقعد عالرخامه
رحيم / مهم اوى يعنى
رحمه / طبعا
رحيم / بس انتى صاحيه رايقه اوى النهرده خير
رحمه / اصلى شوفت بشرى فى المنام و فضلنا نغنى و نلعب زعلت اوى لما صحيت تصدق وحشتنى
رحيم / ايه رايك نروح نزورها
رحمه / بصراحه انا عمله الاكل ده كلو عشان ارشيك و نروح
رحيم / والله منغير مترشينى انتى بس اؤمرى
رحمه تمسك سمبوسكايه سخنه و تحطها فى بق رحيم
رحيم / مجرمه
رحمه / ههههههههههه
..........
عالغدى
محمود / دا الست رحمه راضيه عننا خالص كشرى و بطاطس محمره و سمبوسك بالجبنه و باللحمه المفرومه و كبده كل ده مره واحده
رحمه / و لسه الحلو يا بابا عملتلك عشان خاطر عيونك شعريه باللبن و جلاش بالكاستر
محمود / طب الجلاش و ممكن اصدق لكن الشعريه عشانى انا برده
حياه / محمود
رحيم / على فكره يا عموا انا بموت فى الجلاش بالكاستر و سموا بقى لحسن انا هموت مالجوع و مش هستنى حد
عفاف / شوفوا الواد
رحيم / على فكره يا رحمه انا كلمت الدار و مستنينا
رحمه / بجد طب انا هقوم اللبس
رحيم / تلبسى ايه انا مكلتش
رحمه / انت و سرعتك بقى ههههههههههههههه
رحمه تقوم تجرى
رحيم / عاجبك كدا يا تيته تعزمنى تفرجنى عالاكل و لعلمكوا اللى هيمد ايده على الشعريه على ماجى هو عارف
محمود / بقولك يا حياه سيبك مالاكل ده و قومى هاتيلى الشعريه اما اشوف الواد ده هيعمل ايه
عفاف / هههههههههه بطل رخامه يا محمود الله يا حبيبى دانا اعملك مخصوص هو انا عندى اغلى منك
رحمه تطلع مالاوضه بتعدل فى هدومها و بتلم شعرها
رحمه / يا سلام بقى كدا
رحيم / انتى لحقتى تلبسى
رحمه / اه يلا لحسن نتاخر
رحيم / يلا سلام
رحيم و رحمه خرجوا
عفاف / ربنا يهديكوا و يهدى سركوا
محمود / تفتكرى اللى بنعمله ده صح
حياه / فى الاول و الاخر هو ابن عمها و علاقتهم دلوقت احسن من انهم يكونوا اعداء اهى على الاقل بتروح و تيجى معاه و بنبقى مطمنين عليها اكتر رجعوا يزاكروا سوا و يشجعوا بعض و حياتهم بقت اهدى على الاقل رحمه بطلت عياط طول الليل
محمود / على الله كلو على الله
...........
فى الكليه بعد فتره
رحيم قاعد عالسلم و رحمه جنبه و بيشرحلها حاجه روقيه تدخل
روقيه/ هاى
رحمه / طب انا هقوم ثوانى و جايه
رحمه تقوم
روقيه / هو فى ايه
رحيم / متاخديش فى بالك ازيك
روقيه / كنت عاوزه اصور ملخص التاريخ الهندسى منك
رحيم / بس كدا حاضر هصورهالك و اجيبهالك بكره معايا
روقيه / اوك شكرا
رحمه ترجع
روقيه / اوك اشوفك بكره بقى متتاخرش اوعى تنسى سلام
...................
•تابع الفصل التالي "رواية مفيش رحمه" اضغط على اسم الرواية